ფლორის მესაიდუმლე ექთანი ქალბატონი, წვეთოვანს მუდმივად მხოლოდ ყვავილებს უდგამს

კარმიდამო ჩემი

ფლორის მესაიდუმლე ექთანი ქალბატონი, წვეთოვანს მუდმივად მხოლოდ ყვავილებს უდგამს

2017 ივლ 7 13:03:59

ჩვენი გაზეთის მკითხველებს დღემდე მრავალი რესპონდენტი შევახვედრეთ, ვინც გვაოცებს საკუთარი კარმიდამოს დეკორაციული მოწყობის წესით. თუმცა, ყვავილთა ნაირსახეობების და ზოგადად ფლორაზე უსაზღვროდ შეყვარებულმა ქალბატონმა, დალი კეკელიძემ სრულიად განსხვავებული სვლა შემოგვთავაზა.

დალი კეკელიძე ჩოხატაურის მუნიციპალიტეტის სოფელ ჯვარცხმაში ცხოვრობს და თავისი შემოქმედებითი ფანტაზიის ნაკარნახევი აკორდით, საკუთარი კარმიდამოს რელიეფისთვის ისე მოურგია თითოეული ძირი ბუჩქი, კაქტუსოვანი, ყვავილი თუ მარადმწვანე ეგზოტიკური ფლორის სახეობები, თითქოს ჩაფიქრებული აქვს, რომ ამ გარემოს მხილველი გააკვირვოს.

ჭიშკრიდან, ვაზის ტალავერით იწყება საბურავებით გამოყოფილი სიგრძივი გაზონები, დაუთვლელი სახეობის ყვავილებით და სადღაც, 150 მეტრის იქით, სახლის გვერდის ავლით, სიღრმეში იკარგება. კითხვაზე, სად ნახა ამდენი სახეობის ყვავილი ან როგორ შეუძლია ისე მოაქციოს გარემო, რომ ყველაფერი ერთად ჰყვაოდეს, ფოთოლი არ იყოს მოწყენილი და რაც მთავარია, ფოთლების ნაირსახეობებით რაღაც უცნაური ინდუსტრიაც შექმნას, მოკლე პასუხს იძლევა _ ეს ყველას შეუძლია, უბრალოდ, სურვილია საქმეო.

ყველაფერი მოძველებული ან დანიშნულების მიხედვით უკვე გამოუსადეგარი საგანი თუ ნივთი: საბურავები, პაპისეული ჩექმები, ბოტასები, ბურთები, ბოთლები, ბალონები, კეცები თუ ვედროები, აქ სანახაობრივ მთლიანობად ქცეულა და და ერთი საერთო სახელი _ ყვავილების ქოთნები ჰქვია. იქამდე, ქურთუკსა თუ ჯინსის შარვლებშიც საყვავილეებია მოწყობილი. ოღონდ ზოგი მიწაზე ზის, ზოგიც _ ღობეზე, ხეზე ან სულაც, ჰაერში ჰკიდია.

_ ამ ყველაფერს, 30 წელია, ვაკეთებ და ვუვლი, რაც ამ ოჯახის რძალი გავხდი. ჩემს დედამთილს საოცრად უყვარდა ყვავილები, ზოგადად, მცენარეები და მეც მოვიტანე ჩემი წილი ფლორის სიყვარული. მცენარე ჩემთვის ცოცხალი არსებაა, ადამიანივით მიდგას გვერდით და რაც მთავარია, ამ ყველაფერს ვაკეთებ არა მარტო სილამაზისთვის. დამიჯერეთ, უზარმაზარი ენერგია მოდის _ შევხედავ და დაღლილობა მეხსნება, განწყობა მიძლიერდება, რომ უდიდეს საოჯახო მეურნეობას და სამსახურს ერთად გავუძღვე, _ გვეუბნება ქალბატონი დალი და ჭიშკართან მოწყობილ "ნატვრის ხესთან" მივყავართ. ხის ჩრდილქვეშ, შტამბისა და ვარჯის გასაყარზე, ყველა განივ ტოტზე სხვადასხვა ნივთისგან "შობილი" ქოთანი ჰკიდია _ ზოგი ბოტასისგან, ზოგი ბურთისგან, ზოგიც პაპისდროინდელი ჩექმებისგან. ყვავილთა ფერებიც ჰარმონიაშია: წითელი, ყვითელი და ლურჯი ერთმანეთს ეხუტება. ხალიჩოვანები უფრო დაბალ საბურავებშია განთავსებული. კაქტუსოვნები კორდებზე, პირდაპირ მზის გულზე ნებივრობენ _ ვერაფერს დაუწუნებ, რელიეფის განცდაც ხაზებს ექვემდებარება.

_ ჯამში, ოთხი ჰექტარი მიწა გვაქვს, რაზეც საყანე და სათხილე ფართობებია, სამ ჰექტარს მოიცავს. დანარჩენზე კი სახლი, სხვადასხვა სადგომი და ყვავილთა სამფლობელოა, _ გვეუბნება მასპინძელი.

დალი კეკელიძე ჩოხატაურის სასწრაფო სამედიცინო დახმარების ცენტრში მუშაობს. როგორც "112"-ის თანამშრომელი, აქაც მუდამ მობილიზებულია და შინ და გარეთ "სმენაზე დგომა" უწევს.

საოჯახო მეურნეობა _ სამი ძროხა, 10 თხა, ცხვრები, ღორები, ქათმები, ინდაურები...

_ როცა ყველაფერს კარგად ააწყობ, ოჯახშიც გვერდით გიდგანან და სრული შეთანხმება სუფევს, მერე ძალიან ადვილია ყველაფერი. ყველა საქმეს კი ეს საყვავილეთი მაძლევინებს. ერთმა ფოთოლმაც რომ მოიწყინოს, მეც ძარღვი შემიტოკდება, ამიტომ ვარდებს, კალებს თუ ლომისპირებს ყველას წვეთოვანა დავუდგი. ასე ხშირად მორწყვა არ სჭირდება, განსაკუთრებით ვარდებს ვუფრთხილდები, _ გვეუბნება ქალბატონი დალი და იუმორსაც არ იშურებს _ წვეთოვანს მარტო ავადმყოფებს კი არ ვუდგამ, ყვავილებს მუდმივად ვამარაგებ, ადამიანები კი ღმერთმა დაიფაროს მუდმივად სამედიცინო დახმარებისგანო.

ხელნაკეთი წვეთოვანა: პლასტმასის ბოთლებს, მცირე ზომით, ზედა ნაწილი წაჭრილი აქვს, ბუჩქის თუ ღეროს შუა ნაწილშია ჩამაგრებული და ფსკერის უწვრილესი ნახვრეტით ყვავილებს წყალი მიეწოდება. შემდეგ კი, მთელი კვირის განმავლობაში, ხან უფრო დიდხანს, მორწყვა არ სჭირდება.

დალი კეკელიძის მეუღლე არჩილ ჩხიკვაძე, პროფესიით მძღოლია და ახლა შორეულ რეისშია წასული, შვილები (გოგონები) კი დაოჯახებულები არიან.

_ ყველაფერი ისე უნდა დავახვედრო მეუღლეს, თითქოს სახლიდან არც გასულა. თვითონაც საოცარი დახმარება იცის. თვალებით უფრო ვსაუბრობთ, სალაპარაკოდაც არ ვცდებით, _ გვეუბნება ქალბატონი დალი და იმასაც გვთხოვს, "ნუ გაიკვირვებთ ჩემს სიყვარულს ფლორის მიმართ, ის დაწერეთ და ჩემი რჩევა გააგონეთ ხალხს, რომ ყველა ადამიანს შეუძლია ეს გააკეთოს, სული და გარემო გაილამაზონ. უბრალოდ ნუ დაიზარებენ. წარმოიდგინეთ, ყველა ოჯახში ასე ადვილად ასაშენებელი "ყვავილების ქვეყანა". ერთი დიდი სოფელი, ერთ დიდ თაიგულს დაემსგავსება! რა განწყობა და უსაზღვრო დადებითი ენერგია წამოვა. ამას ხომ არ სჭირდება ბანკის სესხი და ინვესტიცია? ყველაფერი აქვე გვაქვს. საკუთარ თავს უდიდეს სიამოვნებას ნუ დაუკარგავენ... ცრუმორწმუნე სულაც არ ვარ, მაგრამ ყვავილების წალკოტი ჭიშკართან რომ შეგეგებება, უნდა გჯეროდეს, რომ იქ საქმე კარგადაა", _ ამბობს ქალბატონი დალი და ამ ყველაფრის გვირგვინად და გამოხატულებად ხალხური სიმღერის სიყვარულს მიიჩნევს _ ის მომღერალი ოჯახიდანაა. ბავშვობიდან ფოლკლორის ტრფიალია და უფრო მეტიც, შესანიშნავად ახერხებს, ჩოხატაურის კულტურის სახლის ქალთა ანსამბლში ( "მანდილი") იმღეროს:

_ ქალს მაშინ უნდა გემღერებოდეს, თუ სახლში საქმე მოგვარებული გაქვს და სამსახურშიც, თორემ ცარიელ სიმღერას რა "გემო" აქვს.

სამსახური, ოჯახი, უდიდესი სამეურნეო საქმე და ოაზისად ქცეული კარმიდამო თუ სიმღერით გვირგვინდება, ჰანგს მეტი ხიბლი სწორედ ამ დროს ენიჭება. სიმართლეს ამბობს ჩვენი მასპინძელი და რა გასაკვირია, რომ ემღერებოდეს, ქალბატონ დალის!




 ახალი ამბები
  • „ივანიშვილის ხარკი ზურაბიშვილის გაპრეზიდენტებისთვის“ _ ლაგაზიძე მთავრობის ინიციატივაზემთავრობის გადაწყვეტილების მიხედვით, ე.წ. „შავ სიაში“ მოხვედრილ 600 000-ზე მეტ მოქალაქეს საბანკო დავალიანება გაუნულდება. „ყველაფერს თავის სახელი უნდა დაერქვას, ბიძინა ივანიშვილი ფულს იხდის დაშვებული შეცდომის გამო, მათ შორის, იმისთვის, რომ საპრეზიდენტო კანდიდატად სალომე ზურაბიშვილის კანდიდატურა დააყენა“, _აღნიშნა „გურია ნიუსთან“ საუბრისას პოლიტოლოგმა ხათუნა ლაგაზიძემ. ლაგაზიძე მიიჩნევს, რომ ბიძინა ივანიშვილმა საკადრო პოლიტიკის კუთხითაც დაუშვა შეცდომები: „მცდარი საკადრო პოლიტიკა რომ არ განეხორციელებინა, ბუნებრივია, ამხელა ფინანსური რესურსის გაწევა არ მოუხდებოდა. პარტიის თავმჯდომარე, როცა გარკვეული პრობლემების წინაშე დადგა, აღმოაჩინა, რომ მის მიერ შერჩეული კადრები არ არიან ადამიანები, რომლებსაც ქვეყანაში არსებულ პრობლემებთან გამკლავება შეუძლიათ. „ქართულმა ოცნებამ“ სახელმწიფო ვერ მართა, აშენების მაგივრად, ინსტიტუტები ჩამოშალა, რამაც არჩევნების პირველი ტურში ზურაბიშვილის წაგება განაპირობა. ახლა კი ივანიშვილი იძულებულია, ხარკი გადაიხადოს იმ შეცდომების გამო, რომლებიც ხელისუფლებაში მოსვლის შემდეგ დაუშვა". კითხვაზე _ საპრეზიდენტო არჩევნებში “ძალა ერთობაშიას“ საპრეზიდენტო კანდიდატის გრიგოლ ვაშაძის შესაძლო გამარჯვება ხელისუფლებას შედარებით ეფექტურს გახდის თუ აღნიშნული მმართველი პარტიის ჩამოშლის საწინდარი შესაძლოა გახდეს? _ ლაგაზიძე გვპასუხობს, რომ ასეთ შემთხვევაში, მეტად სავარაუდოა, რომ „ქართული ოცნება“ დაიშალოს. _ გრიგოლ ვაშაძის გამარჯვების შემთხვევაში, თანაბარია შანსი, რომ ქვეყანაში ორი ურთიერთგამომრიცხავი პროცესი განვითარდეს. პირველი, ხელისუფლების ჩამოშლა დაიწყოს და მეორე, შესაძლოა, ოპოზიციური კანდიდატის გამარჯვებამ „ქართული ოცნების“ ეფექტიანობა გაზარდოს, რაც ვფიქრობ, ნაკლებად სავარაუდოა, რადგან მმართველი პარტიისთვის საპრეზიდენტო არჩევნებში დამარცხება რთული გადასატანი იქნება. ის ინიციატივები, რომლებიც „ქართულმა ოცნებამ“ არჩევნების მეორე ტურამდე გააჟღერა, ამომრჩეველზე გავლენას უდავოდ მოახდენს. ვფიქრობ, დღევანდელი გადაწყვეტილება, რომელიც ე.წ. შავი სიების განულებას გულისხმობს, არჩევნების შედეგისთვის გარდამტეხი იქნება, თუმცა წინ ათი ძალიან არაპროგნოზირებადი დღე გველოდება. მეორე ტურამდე ქვეყანაში არსებული მდგომარეობის გარდატეხა სხვა მეთოდითაც მარტივად შეიძლებოდა. იგივე, გამოსავალი იქნებოდა ოდიოზური ფიგურების დასჯა, რაზეც „ქართული ოცნება“ არ წავიდა. როგორც ჩანს, მმართველ პარტიას ხელისუფლებაში არსებული ვერტიკალის ჩამოშლის შეეშინდა. პოლიტიკაში ბიძინა ივანიშვილის დაბრუნების შემდეგ, საკადრო ცვლილებები უნდა დაწყებულიყო. ახლა კი ნაკლებად სავარაუდოა, რომ ამ მხრივ ნაბიჯები გადაიდგას“, _ აღნიშნა ... ...
  • რამდენმილიონიანი ბიუჯეტი ექნება ოზურგეთის მუნიციპალიტეტს 2019 წელსოზურგეთის მუნიციპალიტეტის საკრებულოში 2019 წლის მთავარ საფინანსო დოკუმენტზე მსჯელობას ამ კვირაში დაიწყებენ. საკრებულოს პრესსამსახურის ხელმძღვანელის, ნათია ზედგენიძის თქმით, ბიუჯეტის პროექტი მერიამ საკრებულოში უკვე წარადგინა. პროექტის თანახმად, 2019 წელს, შემოსულობები 24 186,8 ათასი ლარით არის განსაზღვრული. “ბიუჯეტის შემოსავლებში ქონების გადასახადი დაანგარიშებულია 7000,0 ათასი ლარით; ადგილობრივი მოსაკრებლები და გადასახდელები გაანგარიშებულია 3370,0 ათას ლარზე, მათ შორის: დასახლებული ტერიტორიის დასუფთავებისთვის მოსაკრებელი 200,0 ათასი ლარი;  შერეული და სხვა არაკლასიფიცირებული შემოსავლები 350,0 ათასი ლარი; ბუნებრივი რესურსებით სარგებლობისათვის 700,0 ათასი ლარი;  ჯარიმები, სანქციები და საურავები 1000,0 ათასი ლარი, მშენებლობის ნებართვისთვის 100,0 ათასი ლარი; სათამაშო ბიზნესის მოსაკრებელი 1000,0 ათასი ლარი; არასაბაზრო წესით გაყიდული საქონელი და მომსახურება _ 20,0 ათასი ლარი, _ აღნიშნულია საკრებულოში შესულ განმარტებით ბარათში. ამავე დოკუმენტის თანახმად,  არაფინანსური აქტივების კლებაში 250. 0 ათასი ლარია გათვალისწინებული, აქედან: მიწის გაყიდვიდან – 200.0ათასი ლარი; ძირითადი აქტივების კლება _ 50.0 ათასი ლარი; პროექტით გათვალისწინებულია ცენტრალური ბიუჯეტიდან ფინანსური დახმარებების (ტრანსფერი) გამოყოფა სულ 13 566,8 ათასი ლარი, მათ შორის: გათანაბრებითი ტრანსფერი _ 13313,8 ათასი ლარი და მიზნობრივი დანიშნულების (დელეგირებული უფლებამოსილების განსახორციელებლად) _ 253.0 ათასი ლარი. ... ...
  • სალომე ზურაბიშვილი: სესხების საკითხს სჭირდება რეგულირება, მიხარია, რომ ამ გზით მივდივართ (R)სესხების საკითხს სჭირდება რეგულირება, მიხარია, რომ ამ გზით მივდივართ, – ამის შესახებ საქართველოს პრეზიდენტობის დამოუკიდებელმა კანდიდატმა, სალომე ზურაბიშვილმა მოქალაქეებისთვის დავალიანების განულების ინიციატივის კომენტირებისას განაცხადა. „ყველამ იცის, რომ ჭარბვალიანობა არის ერთ-ერთი ძალიან მძიმე პრობლემა. მე არაერთხელ მაქვს ჩემი აზრი გამოთქმული ამ საკითხთან დაკავშირებით. ჩემს წინა, სამაჟორიტარო წინასაარჩევნო კამპანიაშიც ვსაუბრობდი ამ საკითხზე, თუ რამდენად რთულია ასეთ ქვეყანაში, როცა მაგალითად ინტერნეტით შეიძლება მცირე კრედიტების აღება. ამ ყველაფერს სჭირდება რეგულირება და მე ბედნიერი ვარ, რომ ამ გზით მივდივართ", – განაცხადა სალომე ... ...
  • ირაკლი კობახიძე: "ნაციონალური მოძრაობა" ეფუძნებოდა შოვინიზმსა და სიძულვილის ენას„ესეც არის, რა თქმა უნდა, ნაციონალური მოძრაობის „ღირებულებების“ კიდევ ერთი გამოხატულება. ეს არის ის „ღირებულებები“, რომელსაც ეფუძნებოდა ნაციონალური მოძრაობა _ ეს არის შოვინიზმი, ეს არის სიძულვილის ენა და ამას გამოხატავს ნაციონალური მოძრაობა ზოგადად და კონკრეტულად, მიხეილ სააკაშვილი“, _ასე გამოეხმაურა პარლამენტის თავმჯდომარე ირაკლი კობახიძე მიხეილ სააკაშვილის შეფასებას, რომელიც ყოფილმა პრეზიდენტმა „ქართული ოცნების“ მიერ დაქირავებული პიარსპეციალისტის მოშე კლუგჰაფტის თაობაზე გააკეთა. შეგახსენებთ, რომ სააკაშვილმა მოშე კლუგჰაფტს "ებრაელი აფერისტი" ... ...
  • სალომე ზურაბიშვილი: სააკაშვილის განცხადება არის ქართული ღირსებისა და ღირებულებების შეურაცხყოფა (R)მიხეილ სააკაშვილის განცხადება არის ქართული ღირსებისა და ღირებულებების შეურაცხყოფა და მიუღებელია საქართველოს ყოფილი პრეზიდენტისგან, – ამის შესახებ საქართველოს პრეზიდენტობის დამოუკიდებელმა კანდიდატმა, სალომე ზურაბიშვილმა განაცხადა. მისი თქმით, მიხეილ სააკაშვილის განცხადება ისრაელიდან ჩამოსული პიარკონსულტანტის მიმართ ანტისემიტური შინაარსის არის. „საქართველოს ყოფილი პრეზიდენტის მიერ ასეთი გამოთქმები ანტისემიტურ გამოთქმებში ჯდება, რაც საქართველოს არასოდეს ახასიათებდა. საქართველო მსოფლიოში ყოველთვის ცნობილი იყო იმით, რომ აქ ანტისემიტიზმი არასდროს არსებობდა. ეს არის საქართველოს, ქართული ღირსების, ღირებულებების შეურაცხყოფა და მიუღებელია საქართველოს ყოფილი პრეზიდენტისგან", – განაცხადა სალომე ... ...

არქივი

კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...
ზაფრანი

მამაკაცები მეტად ტირიან სიხარულისგან, ვიდრე ქალები

ჰოლანდიელმა მკვლევარებმა ტილბურგის საერთაშორისო უნივერსიტეტისგან...

უცნობი ფაქტები მამაკაცის სხეულის შესახებ

დიდი ტვინი საშუალოდ, ტვინის მოცულობა...

სიყვარულის ფერების თეორია

ჯონ ალან ლი კანადელი მეცნიერია,...

ყველაზე არაპროგნოზირებადი და სახიფათო ცხოველები

თაფლიჭამია თაფლიჭამია, იგივე რეიტელი, მართალია,...

როგორ არ უნდა დალიოთ ღვინო

ღვინისათვის “სუნთქვის" საშუალების არ მიცემა...

ვის აძლევთ ხმას საპრეზიდენტო არჩევნების მეორე ტურში?