კარტოფილი _ სამკურნალო საშუალება და გემრიელი საკვები

კულინარია

კარტოფილი _ სამკურნალო საშუალება და გემრიელი საკვები

2011 ნოე 26 06:30:46
კარტოფილი, გარდა მისი პირდაპირი დანიშნულებისა, ძალიან ეფექტური სამკურნალო-პროფილაქტიკური საშუალებაცაა. იგი გამოიყენება დიეტურ კვებაში, ვიტამინის დეფიციტისას. ზამთარსა და ადრე გაზაფხულზე, სამკურნალო პრეპარატებთან ერთად, კარტოფილი აჩქარებს ზოგიერთი დაავადებიდან გამოჯანმრთელების პროცესს. მაღალი ბიოლოგიური ღირებულებისაა კარტოფილის ბოლქვები, რომლებიც მდიდარია შეუცვლელი ამინომჟავებით. კალიუმის მაღალი შემცველობა განაპირობებს კარტოფილის გამოყენების ეფექტურობას გულ-სისხლძარღვთა და თირკმლის დაავადებებისას. კალიუმის ნაერთი აძლიერებს ორგანიზმიდან მარილებისა და წყლის გამოდევნას, რაც თავის მხრივ, ხელს უწყობს სისხლის წნევის დარეგულირებას არტერიული ჰიპერტენზიის დროს და ამცირებს შეშუპებას. არის კარგი შარდმდენი და სპაზმოლიტიკური საშუალება.

კარტოფილის სისტემატურად რთავენ იმ ავადმყოფთა რაციონში, რომელთაც აღენიშნებათ პრობლემები სისხლის მიმოქცევაში, ათეროსკლეროზი, ჰიპერტონია, ნეფრიტი, თირკმლის უკმარისობა. ასეთ შემთხვევებში ხშირად მიმართავენ ე.წ. განმტვირთავ დიეტას, რომლის დროსაც ავადმყოფს კვებავენ დღეში 5-ჯერ, ყოველ ჯერზე 300 გრ. კანიანად მოხარშული ან ღადარში გამომცხვარი კარტოფილით.

ყბა-სახის ტრავმის ან ოპერაციის, ინსულტის, პირის ღრუში ავთვისებიანი წარმონაქმნების, დიაბეტური კომის, თირკმლის მძიმე უკმარობის, დამწვრობის დროს, ავადმყოფებს უნიშნავენ კვების ისეთ რაციონს, რომელიც მიეწოდება ზონდით. ცალკეულ შემთხვევაში ამ მიზნით გამოიყენება ნახევრადთხევადი რძიანი კარტოფილის პიურე.

როდესაც ავადმყოფებს აღენიშნებათ კუჭის წვენის სეკრეციის ფუნქციონალური მომატება მაღალი მჟავიანობით, დიეტურ რაციონში შეაქვთ მოხარშული და გახეხილი კარტოფილი. კარტოფილის ახალგამოწურული წვენი ამცირებს კუჭის წვენის სეკრეციას, აქვს ანთების საწინააღმდეგო და წყლულოვანი კერების სამკურნალო თვისებები. წვენს იღებენ დღეში სამჯერ ნახევარ-ნახევარ ჭიქას, ჭამამდე 30-40 წუთით ადრე (ყოველ ჯერზე ახალგამოწურული).

ზედა სასუნთქი გზების დაავადებისას, სასარგებლოა ახალმოხარშული კარტოფილის ორთქლის ინჰალაცია. ამ მიზნით უმჯობესია შეირჩეს წვრილი კარტოფილი, შეიძლება უკვე გაკვირტული და ნარჩენებიც კი (ნათალი), რა თქმა უნდა, წინასწარ ჯაგრისით კარგად გარეცხილი. უნდა მოიხარშოს, რაც შეიძლება, ცოტა წყალში ისე, რომ ორთქლი ასდიოდეს არა მხოლოდ წყალს, არამედ _ მოხარშულ მასას. ავადმყოფი თავზე გადაიფარებს პირსახოცს და 10-15 წთ. განმავლობაში სუნთქავს ცხვირით და პირით (ამ პროცედურის შემდეგ არ შეიძლება ცივ ჰაერზე გამოსვლა). სამკურნალო ეფექტი მიიღწევა არა მხოლოდ ცხელი, ნოტიო ორთქლის შესუნთქვით, არამედ ბოლქვში არსებული მიკრობსაწინააღმდეგო ნივთიერებებითაც. კანიანად მოხარშული, დაჭყლეტილი, თბილი კარტოფილი შეიძლება გამოყენებული იქნას როგორც გამათბობელი კომპრესი მკერდის ზედა ნაწილისა და ზურგისთვის.

ხალხური მედიცინა უძველესი დროიდან გამოიყენებს კარტოფილს დამწვრობის, სველი ეგზემის და კანის სხვა დაავადებების სამკურნალოდ. მისი დადებითი მოქმედების საიდუმლო C და P ვიტამინების, სოლანინისა და სახამებლის საოცარ შერწყმაშია; შედეგს ისიც განაპირობებს, რომ კარტოფილში არსებული ფიტონოციდები ქმნიან არახელსაყრელ პირობებს მიკრობებისთვის.

დამწვრობის სამკურნალოდ უმი კარტოფილის ახალგახეხილი ფაფისებრი მასა უნდა გაიხვეს ორად მოკეცილ ტილოს ნაჭერზე და დაეფინოს დაზიანებული ადგილს 1-1,5 საათით. ასეთი კომპრესი ხსნის ტკივილს, წვას, შესიებას და ხელს უწყობს ქსოვილის აღდგენას.

უამრავი დადებითი თვისების მიუხედავად, კვების რაციონიდან კარტოფილი მთლიანად უნდა გამოირიცხოს ენტერიტის ენტეროკოლიტისა და კოლიტის შემთხვევაში, განსაკუთრებით პროცესის გამწვავებისას; შეზღუდული უნდა იქნას კარტოფილის მოხმარება საშარდე ბუშტის კენჭოვანი დაავადების, შაქრიანი დიაბეტის და 60%-იანი ზედმეტი წონის დროს.

შხამიანი გველისგან დაკბენილი ბრაზილიელი ინდიელები სასწრაფოდ სვამენ კარტოფილის წვენს. ისინი ამტკიცებენ, რომ ეს საუკეთესო საშუალებაა გველის შხამის წინააღმდეგ; ლათინური ამერიკის მრავალი მცხოვრები კი თავის ტკივილს დღესაც შუბლზე მიკრული კარტოფილის ნაჭრებით იყუჩებს.

შაქრიანი დიაბეტით დაავადებულებს, ალბათ, დააინტერესებთ ტოპინამბური _ მიწის მსხალი. ამ მცენარის მსხლისებრი ფორმის ბოლქვები კარტოფილს მოგაგონებთ. აქვს უამრავი სასარგებლო თვისება. ევროპაში ტოპინამბური ამერიკიდან შეიტანეს XVII-ის დასაწყისში. დღეს უკვე ფართოდაა გავრცელებული უკრაინაში, ბელორუსიაში, კავკასიაში, შუა აზიაში. მას განსაკუთრებული ღირებულება აქვს შაქრიანი დიაბეტის შემთხვევაში. იგი გარკვეულწილად ცვლის კარტოფილს. საიდუმლო იმაში მდგომარეობს, რომ ტოპინამბურში არის არა სახამებელი, როგორც კარტოფილში, არამედ ინულინი (15%) რომელიც დაშლისას არ იძლევა გლუკოზას. ინულინი ერთადერთი ბუნებრივი პოლიმერია, რომელიც თითქმის მთლიანად შედგება ფრუქტოზისგან.

დავუბრუნდეთ კარტოფილს. მისი კულინარული ხარისხი დამოკიდებულია სახეობაზე, ნათესის მოვლის პირობებზე, შენახვაზე, მომზადებაზე. კანიანად მოხარშული კარტოფილი ინარჩუნებს 75% ჩ ვიტამინს; უკანოდ, მდუღარე წყალში ჩაყრილი და მოხარშული _ 35%-ს, დაჭრილი და ცივ წყალში ჩაყრილი _ 10%-მდე. კარტოფილი აუცილებლად კანიანად უნდა მოიხარშოს თავდახურულ ჭურჭელში. მისი გასუფთავება უმჯობესია უშუალოდ გამოყენების წინ. წყალში ჩატოვებული დაჭრილი კარტოფილი ერთი საათის შემდეგ მთლიანად კარგავს ჩ ვიტამინს. თუ კარტოფილს შეწვამდე 2-3 წუთით გააჩერებთ მდუღარე წყალში, შემდეგ გაამშრალებთ და ისე შეწვავთ, უფრო სწრაფად და ლამაზად დაიბრაწება და გემრიელიც გამოვა.

სხვადასხვა ქვეყნის სამზარეულოში სხვადასხვაგვარი გამოყენება აქვს კარტოფილს. ამჯერად უკრაინულ სამზარეულოს შემოგთავაზებთ:

სალათა

4 ულუფისთვის საჭიროა: 4 ცალი კარტოფილი, 2 პომიდორი, 1 კიტრი, 1 სუფრის კოვზი კარაქი, 2 კვერცხი, 150 გრამი მწვანე ხახვი, 3/4 ჭიქა არაჟანი, მწვანილი, მარილი.

მომზადება: გასუფთავებულ კარტოფილს მიეცით სოკოს ფორმა "ქუდის" გარეშე. მარილიან წყალში მოხარშეთ მომზადებამდე. გააცივეთ, ფართო ძირით დადგით საუზმის თეფშზე, ზემოდან დაახურეთ ნახევარი პომიდორი, რომელსაც მორთავთ კარაქის მარცვლებით. დაჭერით მოხარშული კვერცხი და მწვანილი, მოაყარეთ მარილი, აურიეთ არაჟანში და "სოკოს" ირგვლივ დაალაგეთ. ყველაფერი გაჰყავით 4-ად და ერთნაირად მორთეთ.

ვარენიკები კარტოფილით

4 ულუფისთვის საჭიროა: 1 ჭიქა პურის ფქვილი, 1 კვერცხი, 2 სუფრის კოვზი კარაქი ან 1 ჭიქა არაჟანი, თბილი წყალი, მარილი.

ფარშისთვის: 400 გრამი კარტოფილი, 1-2 ცალი ხახვი, 1 სუფრის კოვზი ზეთი.

მოზილეთ ცომი და დატოვეთ 30-40 წუთი. მოამზადეთ ფარში: მოხარშული კარტოფილი გაატარეთ ან გახეხეთ ცხლად, მოაყარეთ მარილი და შეურიეთ მოშუშული ხახვი.

მზა ცომი დაიყვანეთ 2 მმ. სისქეზე, გამოჭერით მრგვალი ფორმით. კიდეებს წაუსვით კვერცხის გარსი (წყალთან შერეული), დააწებეთ და მიაღებინეთ ნებისმიერი ფორმა. მზა ვარენიკები ჩაყარეთ მარილიან მდუღარე წყალში და მოხარშეთ, როგორც ხინკალი. მიირთვით გამდნარ კარაქთან ერთად.

შემწვარი კარტოფილი შავქლიავით

6 ულუფისთვის საჭიროა: 1 კგ. კარტოფილი, 8-10 ცალი შავქლიავის ჩირი, 4 სუფრის კოვზი ზეთი, მარილი.

შავქლიავის ჩირი ჩაალბეთ წყალში 2 საათით. გასუფთავებული მოხარშული კარტოფილი დაჭერით წვრილ, მოგრძო ნაჭრებად და შეწვით შეწითლებამდე. ასეთივე ნაჭრებად დაჭერით ჩირიც. მოაყარეთ კარტოფილს, მოაფრქვიეთ მარილი და კიდევ 5 წუთი. გააჩერეთ ცეცხლზე.

კარტოფილის კატლეტები კიევურად

10 ულუფისთვის საჭიროა: 1 კგ. კარტოფილი, 1,5 სუფრის კოვზი ზეთი, 2,5 სუფრის კოვზი ცხიმი (ერბო ან კარაქი), 1 ჭიქა რძე, 2,5 ჭიქა ფქვილი, 2 სუფრის კოვზი კარტოფილის სახამებელი, 2 კვერცხი, 20 გრ. მშრალი სოკო, 4 სუფრის კოვზი დაფხვნილი ორცხობილა, მარილი.

კარტოფილი მოხარშეთ, გაასუფთავეთ, გახეხეთ ან გაატარეთ ხორცსაკეპ მანქანაში, დაუმატეთ კვერცხი, სახამებელი და მარილი.

ფქვილი ოდნავ მოხალეთ და გააზავეთ რძით ისე, რომ მიიღოთ სქელი სოუსი. აადუღეთ, ჩაამატეთ წვრილად დაჭრილი მოხარშული სოკო, მზა კარტოფილი დაყავით ბურთულებით, გააბრტყელეთ, ყოველ მათგანზე დადეთ სოკოს ფარში, დახურეთ და ამოავლეთ ფქვილში. დაასველეთ ათქვეფილ კვერცხში და ამოავლეთ ორცხობილაში. შეწვით ზეთში. მიართვით სოუსთან ერთად (რომელიც დაგრჩათ სოკოს მოხარშვის შემდეგ).

კარტოფილის რულეტი კვერცხით

10 ულუფისთვის საჭიროა: 1 კგ. კარტოფილი. 1 კვერცხი, 1 სუფრის კოვზი გამდნარი ღორის ქონი, 1,5 ხახვი, 2 ჩაის კოვზი ფქვილი, 2 ჩაის კოვზი დაფქული ორცხობილა, 1 ჭიქა არაჟნის სოუსი, მარილი.

ფარშისთვის: 3 ცალი კვერცხი, 2 სუფრის კოვზი გამდნარი ცხიმი, 2 ხახვი.

მომზადება: "მუნდირში" მოხარშული კარტოფილი გაასუფთავეთ და გაატარეთ ხორცსაკეპ მანქანაში. დაამატეთ ფქვილი და კარგად აურიეთ. მოამზადეთ ფარში: მოხარშული კვერცხი წვრილად დაჭერით, ხახვი დაჭერით და მოწვით ღორის ქონში, შეურიეთ დაჭრილი კვერცხი და მაშინვე გადმოდგით. კარტოფილის მასა გადაიტანეთ დაფაზე (წინასწარ დაასველეთ დაფა ცივი წყლით) გააბრტყელეთ 1,5-2 სმ სისქემდე. ზემოდან თანაბრად დაალაგეთ მზა ფარში. დაახვიეთ რულეტის მსგავსად, გადაიტანეთ ცხიმიან ტაფაზე და შეწვით ჰაერღუმელში. (ან, თუ კვერცხით უფრო მოგწონთ, უკვე მზა რულეტს გაუსვით ათქვეფილი კვერცხი, მოაფრქვიეთ დაფქული ორცხობილა, მოაპკურეთ ზეთი და ისე შებრაწეთ).

მზა რულეტი დაჭერით, ცხლად მიართვით არაჟანთან ან არაჟნის სოუსთან ერთად. შეგიძლიათ გაალამაზოთ რგოლებად დაჭრილი ხახვით.

კარტოფილის ჩხირები

5 ულუფისთვის საჭიროა: 1 კვერცხი, 5 სუფრის კოვზი კარაქი, 2 სუფრის კოვზი კარტოფილის სახამებელი, ოხრახუში, მარილი.

მოხარშული კარტოფილი გაატარეთ ხორცსაკეპში, დაუმატეთ კვერცხი, სახამებელი და დაჭრილი ოხრახუში, მოაფრქვიეთ მარილი. ყველაფერი კარგად აურიეთ. მიღებული მასა დაყავით 1 სმ დიამეტრისა და 10-12 სმ. სიგრძის ჩხირებად. შეწვით ზეთში. სუფრასთან მიტანამდე მოასხით გამდნარი კარაქი და მორთეთ ოხრახუშის ფოთლებით.

კარტოფილის კროკეტები ხორცით

10 ულუფისთვის საჭიროა: 1,2 კგ. კარტოფილი, 2 კვერცხი, 4 სუფრის კოვზი ღორის ქონი, წიწაკა, მარილი. ფარშისთვის: 300 გრ. ღორის ხორცი. 2 ხახვი, 1 სუფრის კოვზი გამდნარი ქონი, წიწაკა, მარილი.

უმი კარტოფილი გახეხეთ წვრილ სახეხზე, დაწურეთ. დაამატეთ კვერცხი, მარილი და აურიეთ. მოამზადეთ ფარში: ღორის ხორცი დაატარეთ ხორცსაკეპში, დაამატეთ მარილი, შავი წიწაკა და მოშუშული ხახვი. კარტოფილის მასიდან გააკეთეთ ბურთულები, გამოტენეთ ფარშით და ამოავლეთ ფქვილის საფანელში. შეწვით, ჩაალაგეთ ღრმა ტაფაში, მოასხურეთ ზეთი და 10 წუთით შედგით ჰაერღუმელში. სუფრასთან მიიტანეთ ცხლად, შეგიძლიათ მოასხათ არაჟანი ან ცალკე მიართვათ.




 ახალი ამბები
  • მერი შავაძე: "როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები"“რეპრესირებული ოჯახის შვილი ვარ, მაგრამ არასდროს დავცემულვართ სულიერად. ძალიან მშრომელი მშობლებში ოჯახში გავიზარდე და მეც მათგან ვისწავლე დაუღალავი შრომა“, _ გვიყვება თავის შესახებ ოზურგეთის მუნიციპალიტეტის სოფელ უკანავას (მთისპირი) მცხოვრები მერი შავაძე. მერი შავაძე მეუღლესთან, ჯემალთან და შვილთან _ თამუნასთან ერთად სოფლის ბოლოს, მთის ძირას ცხოვრობს. ქალაქიდან მოშორებით, შეიძლება ითქვას, სხვა სამყაროში. ჯემალს და მერის კიდევ ჰყავს ერთი შვილი, რამაზი, რომელიც ოჯახთან ერთად ბათუმში ცხოვრობს. დღეს მხოლოდ ქალბატონი მერის შესახებ მოგითხრობთ. ვთვლი, რომ ის ჩვენი დროის გმირია და თუ რატომ ვფიქრობ ასე, ამას წერილიდან შეიტყობთ. მერის ამბები სპონტანურად ჩავწერეთ. ხან _ ბოსტანში, ხან _ სამზარეულოში და ხან კიდევ ეზოში მოგვიწია მასთან გასაუბრება. ბავშვობა “ჩოხატაურის მუნიციპალიტეტის სოფელ ზოტში ვცხოვრობდით. ვიდრე ცოცხალი იყო ბებიაჩემი და ბაბუაჩემი გადასახადს იხდიდნენ, რადგან რეპრესირებული ოჯახის წევრები ვიყავით. ბაბუაჩემი 1941 წელს წაიყვანეს  ომში, ბებიაჩემი მარტო დარჩა ორ შვილთან ერთად. ჩვენს ოჯახს შუა აზიაში უპირებდნენ გადასახლებას, მაგრამ ბებიაჩემა იმდენი მოახერხა, დატოვეს. მამაცი ქალი იყო, წერა-კითხვა არ იცოდა. შვილებთან ერთად მუშაობდა ყოველდღე. მისი ნამუშევარის დიდ ნაწილს ხარკის სახით სახელმწიფოს უხდიდა. წლების შემდეგ გაირკვა, რომ ბაბუაჩემს ცოლად გერმანელი ქალი შეურთავს. ბაბუაჩემმა მითხრა, ომში სიცოცხლე გერმანელმა ქალებმა შეგვინარჩუნესო. გერმანიაში ორი შვილი შეეძინათ, შემდეგ ბაბუაჩემი შვილებთან ერთად ჩამოვიდა ზოტში. ბავშვები ბებიაჩემმა და მამიდაჩემმა გაზარდეს. რაც შეეხება ჩემს ბავშვობას, არანაირი გასართობი არ იყო ბავშვებისთვის... მახსოვს კვირაში ერთხელ კინო იყო სოფელში. ბავშვობიდან ვიყავი ბოსტანში, ყანაში, ვუვლიდი შინაურ ცხოველებს და ფრინველებს“. პირველი სიყვარული და ოჯახი... „მამაჩემის ბიძაშვილმა ცოლი მოიყვანა უკანავიდან. როდესაც სოფელში მოიყვანეს პატარძალი, იქ დავინახე ჯემალი და დაიწყო ჩვენი სიყვარულის ამბავი. წელიწადში ერთხელ ვნახულობდით ერთმანეთს. გაცნობიდან სამ წელში გავთხოვდი. მეათე კლასში ვიყავი, საგამოცდო ბილეთები მქონდა ხელში, როდესაც დავინიშნე ჯემალზე. პედაგოგიურზე ვაპირებდი ჩაბარებას, მაგრამ ოჯახის შექმნა გადავწყვიტე. შეგვეძინა ორი შვილი _ რამაზი და თამუნა". მერი შავაძე 2006 წელს „გურია ნიუსის“ რედაქციაში მოვიდა და თავისი მთავარი გასაჭირის გასაცნობად სახლში მიგვიწვია. „ყველაზე მძიმე პერიოდი გამოვიარეთ, ვიდრე თამუნა ეტლით მოსარგებლე გახდებოდა, ათასი პრობლემა იყო სოფელში და ეს ჩვენს ოჯახსაც შეეხო. 90-იანი წლები ყველას ახსოვს. მე და ჩემმა მეუღლემ სოფლის მეურნეობას მივყევით ხელი _ წელიწადში მარტო ათას ძირ ლობიოს ვუვლიდი, სიმინდის ყანა გვქონდა, შინაური ცხოველები. როდესაც ოჯახი შევქმენით უკანავაში დავსახლდით. ტყის პირას ქოხში ვცხოვრობდით. წლების შემდეგ პატარა სახლი ავაშენეთ. შემდეგ მოხდა უბედური შემთხვევა _ თამუნას ოთხივე კიდური პარალიზებული ჰქონდა (მოჭრილი ხის დაცემის შედეგად). მოტეხილი ჰქონდა კისერი, კერძოდ, მეხუთე და მეექვსე მალა. ქუთაისში ჩატარებული ოპერაციის შედეგად გადარჩა. ამის შესახებ ყველამ კარგად იცის. ახლაც სჭირდება დახმარება და რეაბილიტაციისთვის თურქეთში წასვლა, მაგრამ ამის საშუალება არ გვაქვს. წამებში შეიცვალა ჩემი ცხოვრება. ერთი თვე დამჭირდა გამეაზრებინა თამუნას ამბავი და შემდეგ შევუდექი აქტიურობას. 2006 წლიდან დღემდე ყველას შეძლებისდაგვარად ვაწუხებდი და ვაწუხებ. როდესაც შვილის სიცოცხლეს ეხება საქმე, იქ უკვე სხვა დედა, სხვა ადამიანი ხდები და ეს გრძნობა ენით აღუწერელი არის. იყო დრო, როდესაც ხელისუფლების წარმომადგენელს ვხვდებოდი, ფეხსაცმელიც არ მქონდა მთელი, შიგნით ცელოფანი მქონდა ჩაფენილი და ისე მივდიოდი სოფლიდან ქალაქში. რამდენჯერ ცხვირწინ მოუხურავთ ჩემთვის კარი, ამის გამო მიტირია, მაგრამ ეს ამბავი სახლში არ მითქვამს. ბევრჯერ დაგვხმარებია ხელისუფლება, პოლიტიკოსები, საზოგადოების წევრები. კეთილი ადამიანები არსებობენ და ამით გადავრჩით. ხშირად მქონია უიმედობის შეგრძნება, მაგრამ ისევ კეთილი ადამიანებს გამოვუყვანივარ მდგომარეობიდან". “როგორია ქალის ცხოვრება სოფლად?“ „იშვიათად მცალია მეზობელთან გადავიდე და ყავა დავლიო. დილა იწყება ჩემთვის 6 საათზე და არც ვიცი, როდის ვიძინებ. დილით ყავას დავლევ და შემდეგ, როდის ვჭამ საჭმელს, არ ვიცი. ბოსტანი მაქვს, ვუვლი ყვავილებს, ზაფხულიდან დღემდე ზამთრისთვის შესანახებს ვინახავ. მეტი, რა უნდა გავაკეთო, ერთმა ქალმა. ასეთია სოფლად მცხოვრების ქალის ბედი. მთავარია, ჯანმრთელობა და სხვას მე არაფერს ვნატრობ“. რაზე ოცნებობს მერი შავაძე? “თამუნიას ჯანმრთელობაზე ვოცნებობ, რომ ეტლით აღარ დადიოდეს. ჩემი ოცნება ეს არის. მინდა წავიყვანო თურქეთში და ჯანმრთელად მყავდეს ჩემი გოგო. მეტს არაფერს ვთხოვ ღმერთს, ყველაფრისთვის მადლობელი ვარ“. 15 ოქტომბერი სოფლად მცხოვრები ქალების საერთაშორისო დღეა! საქართველოში დასაქმებული ქალების 36% სოფლის მეურნეობითაა დაკავებული. გაეროს ქალთა ორგანიზაციის ინფორმაციით, მათი უმრავლესობა მცირე საოჯახო მეურნეობებში მუშაობს. მცირე მეურნეობების მხარდაჭერა სოფლად ქალების გაძლიერებას ... ...
  • საქართველოს ბანკის პარტნიორობით „უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ იმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით 15-16 ოქტომბერს „უძრავი ქონებისა და სასტუმრო ბიზნესის საერთაშორისო ყოველწლიური ფორუმი „მდგრადი და მედეგი ქალაქების მშენებლობა“ იმართება. ფორუმის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაცია. ფორუმზე განიხილება  ისეთი საკითხები, როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება. ფორუმს 300-ზე მეტი დელეგატი და მსოფლიოს სხვადასხვა ქვეყნიდან მოწვეული 50-ზე მეტი ინვესტორი ესტუმრა, რომლებიც, თბილისთან ერთად, საქართველოს რამდენიმე რეგიონს მოინახულებენ. სტუმრობის მიზანია, ინვესტორები გაეცნონ უძრავი ქონებისა და ტურიზმის საუკეთესო შეთავაზებებს მთელი ქვეყნის მასშტაბით. ღონისძიებას საერთაშორისო მედიაპარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედიასაშუალებები: BBC, CNN, Bloomberg. „მოხარული ვართ, ვიყოთ ასეთი საერთაშორისო და მასშტაბური ფორუმის გენერალური პარტნიორები, რომლის მიზანიცაა, ხელი შეუწყოს  საქართველოს მსოფლიო რუკაზე პოზიციონირებას, როგორც უძრავი ქონებისა და ტურიზმის, სასტუმრო ბიზნესის საერთაშორისო ლოკაციას. ამის დიდი პოტენციალი ნამდვილად აქვს ჩვენს ქვეყანას. საინტერესოა, რომ ფორუმის ფარგლებში  50-ზე მეტ ინვესტორს ექნება შესაძლებლობა, გაეცნონ ქართული უძრავი ქონების ბაზარს  და ტურიზმს.  ვფიქრობ, ეს არის ძალიან კარგი შესაძლებლობა, როგორც მათთვის, ისე ჩვენთვის, ქვეყნისთვის, რაც მნიშვნელოვნად გაზრდის საქართველოს ცნობადობას. ფორუმის მიმართ არის ძალიან დიდი ინტერესი, რაც  სასიხარულოა. მსგავსი ღონისძიებები  მნიშვნელოვანია, რათა რაც შეიძლება მეტ ადამიანს, მთელი მსოფლიოს მასშტაბით და  მეტ ინვესტორს,  არსებულსა თუ პოტენციურს, გავაცნოთ ის რეალური შესაძლებლობები, რაც ჩვენს ქვეყანას აქვს“, - განაცხადა საქართველოს ბანკის გენერალური დირექტორის მოადგილემ, გიორგი ფაილოძემ. ... ...
  • ოზურგეთში საყოველთა ჯვრისწერა გაიმართაქალაქ ოზურგეთში, ღმრთისმშომბლის მიძინების საკათედრო ტაძარში საყოველთაო ჯვრისწერა გაიმართა. ეს ღონისძიება საქართველოს კათოლიკოს-პატრიარქის კურთხევითა და საქართველოს ჩოხოსანთა ორგანიზაციის ორგანიზებით შედგა. ოზურგეთში საყოველთა ჯვრისწერა ჩოხოსანთა ორგანიზაციის წევრების თემურ სირაძისა და თამარ გიორგაძის ხელმძღვანელობით გაიმართა. ამჯერად, ჯვარი დაიწერეს წყვილებმა: ბადრი კვირკველიამ და ნანა სიხარულიძემ; გერონტი გიორგაძემ და სოფიო ტარიელაძემ; ჯემალ და ლენა შუკაკიძეებმა;  ავთანდილ ცეცხლაძემ და ნანული სურგულაძემ; გიორგი  და  მედეა მაღლაკელიძეებმა. მოქალაქეებს ჯვარი დეკანოზმა ერმოლაუსმა დაწერა. ორგანიზატორის თამუნა გიორგაძის თქმით, საყოველთა ჯვრისწრა მომავალშიც ... ...
  • "ჯადოსნური ახალი წელი აბუ დაბიში" _ ლიბერთის და VISA-ს ერთობლივი კამპანია მხოლოდ Apple Pay-ს მომხმარებლისთვის...15 ოქტომბრის 00:00:01 საათიდან 24 ნოემბრის 23:59:59 საათის ჩათვლით Apple Pay-ს საშუალებით Visa ბარათით განხორციელებული ტრანზაქციები ლიბერთის მომხმარებლისთვის მომგებიანია!  კამპანიის ფარგლებში კამპანიის პირობებით განსაზღვრული ყველა Visa ბარათის მფლობელი,  რომელიც კამპანიის პერიოდში გადაიხდის მინიმუმ 10 ლარს Apple Pay-ს საშუალებით მიიღებს ქეშბექს 10 ლარის ოდენობით პირველ გადახდაზე.   კამპანიის დასრულების შემდეგ გამოვლინდება გამარჯვებული, რომელიც მიიღებს სამოგზაურო პაკეტს აბუ დაბიში ახალი წლის ღამეს ბრუნო მარსის კონცერტზე დასასწრებად! კამპანიის გამარჯვებულს გამოავლენს ლიბერთი ბანკი მის ხელთ არსებული მონაცემების საფუძველზე და გამარჯვებულად ჩაითვლება კამპანიაში მონაწილე პირი, რომელსაც 15 ოქტომბრის 00:00:01 საათიდან 24 ნოემბრის 23:59:59 საათის ჩათვლით დაუფიქსირდება ბანკის Visa ბარათით განხორციელებული ყველაზე მეტი ტრანზაქცია Apple Pay-ს საშუალებით (თითო ტრანზაქცია - მინიმუმ 10 ლარი). სამოგზაურო პაკეტი მოიცავს:   5 დღიან საგზურს აბუ დაბიში, 5 ან მეტ ვარსკვლავიან სასტუმროში 2 ადამიანზე; ავიაბილეთებს; საახალწლო ვახშამს; 2 VIP ბილეთს ბრუნო მარსის კონცერტზე, 31 დეკემბერს  იხილეთ დეტალური წესები და პირობები ბმულზე: http://bit.ly/2OJOkCF  ლიბერთის მომხმარებლები, Apple Pay-ს მარტივი, უსაფრთხო და კონფიდენციალური გადახდის სისტემით მთელი ქვეყნის მასშტაბით, ლიბერთი ბანკის პარტნიორ ორგანიზაციებში 3 სექტემბრიდან უკვე სარგებლობენ. აქციის ფარგლებში ქეშბექის და სამოგზაურო პაკეტის მოგების შანსის მიღება3500-ზე მეტ უკონტაქტო ტერმინალზე გადახდისას არის შესაძლებელი. Apple Pay-ს გამოყენება და მასში ბარათების დამატება მარტივია. მაღაზიებში, Apple Pay-ს გამოყენება შესაძლებელია iPhone SE, iPhone 6 და მის შემდეგ გამოშვებული მოდელების, ასევე Apple Watch მოწყობილობების გამოყენებით.  გაიგე როგორ დაამატო ბარათი Apple ... ...
  • „დეპრესიას უმადურობა იწვევს“ - ფსიქოლოგი მარინა კაჭარავა„აზროვნების აკადემია“,  პროექტ  „სალონური საუბრების” ფარგლებში, სოციალურ ქსელში ამჯერად ფსიქოლოგ მარინა კაჭარავას ლექციას აქვეყნებს, რომელიც დერპესიულ აშლილობას ეხება: “ფსიქიატრების აზრი ძალიან უახლოვდება რელიგიურ მოსაზრებას, რომ უმადურება უდრის დეპრესიას. ამ დროს არ აქვს მნიშვნელობა, ბევრი გაქვს თუ ცოტა, ხახვის და პურის უმადური ხარ თუ სასახლეები გაქვს და ამის. ზოგადად, უმადურობა იწვევს დეპრესიას. აღმოჩნდა, რომ თავის ტვინში არის ოპიატური რეცეპტორები, სიამოვნების ჰორმონი, რომელიც თურმე გამომუშავდება მაშინ, როდესაც ხარ მადლიერი. როდესაც არ ხარ მადლიერი, ეს სიამოვნება დაკარგული გაქვს და მას ეძებ.  თუ ხარ მადლიერი იმის, რაც გაქვს, გაქვს სიმშვიდეც. სიმშვიდეც მადლიერებას მოაქვს და ანტიდეპრესანტიც ეგაა. ჩვენ კულტურალურად ძალიან დამძიმებულები და უმადურები ვართ. დაახლოებით 20 წლის წინ ამერიკელებთან ერთად ტრენინგზე ვისხედით და იქ იყო ასეთი სიტუაიცა. ყველა იწყებდა საუბარს ასე, გამარჯობა, მინდა მადლობა გადავუხადო ბებიას, რომელმაც ფუნთუშები დამიმზადა. მეორემ მადლობა მეზობელს გადაუხადა, რომელმაც გაუღიმა. მესამემ მადლობა გადაუხადა მზეს მზეს და მივხვდი, რომ აქ ხდება პოზიტივში საკუთარი თავის ამოქოქვა. ანუ დღეს ვიწყებთ პოზიტიურად იმით, რომ მადლობას ვუხდით ვინმეს და ეს თურმე ჩვენთვისვე არის კარგი. მადლობელი რომ ხარ უკვე ეს ჩემთვისაა კარგი და არა მისთვის, მისაც ... ...

არქივი

ზაფრანი

ყავა სიკვდილის რისკს ამცირებს

ცოტა ხნის წინ ესპანეთის ქალაქ...

ჩაის რეცეპტი, რომელიც სიგარეტის მოწევის სურვილს აქრობს

თუ სიგარეტისთვის თავის დანებება გინდათ,...

რომელი პროდუქტი არ უნდა შეინახოთ საყინულეში

მაცივრის საყინულეში ბევრ საკვებ პროდუქტებს...

როგორ ამოვიცნოთ გენმოდიფიცირებული პროდუქტი

საზიანოა თუ არა გენმოდიფიცერებული საკვები...

მარტივი მეთოდები ჯანმრთელობის შესამოწმებლად

თვალები _ მოშორდით მონიტორს 4-5 ნაბიჯით,...

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...