„მაღალმთიან რეგიონებში მესაქონლეობის განვითარების კონცეფცია“ მზის ამოსვლას უნდა დაემსგავსოს!

კარმიდამო ჩემი

„მაღალმთიან რეგიონებში მესაქონლეობის განვითარების კონცეფცია“ მზის ამოსვლას უნდა დაემსგავსოს!

2017 მაი 24 18:23:13

ჩოხატაურის მუნიციპალიტეტის მაღალმთიან  სოფელ ზოტის  მოსახლეობა 220 კომლს შეადგენს და სულ 3500-მდე სული მსხვილფეხა რქოსანი პირუტყვი ჰყავთ. ეს მასშტაბი, დანარჩენი მთიანი ზონის სოფლების მაჩვენებელს, განსაკუთრებით, დასავლეთ საქართველოში, ზოტელებს  ლიდერის პოზიციაზე  აყენებს.  სწორედ ასეთმა ბუნებრივმა ყოფითმა  გარემომ შექმნა მოტივაცია მათ შემეცნებაში _  თვალი და ყური მუდამ საძოვრის, პირუტყვის, მიწისა და სათიბების მოვლასა და პატრონობაზე იყოს მობილიზებული, როგორც  მაცოცხლებელ და წარმატების მომტან უპირველეს  საპოვარზე.

ახლა,  როცა არაერთი სამთავრობო წინადადება და იდეა წინა პლანზე წამოიწია , ისინი წამს არ კარგავენ ჩაერთონ თანამედროვე ინოვაციებში,  რათა საკუთარი საქმიანობა სტიქიური, დაუგეგმავი შრომიდან, მოგების მომტან საფეხურზე აიყვანონ.

69 წლის ნევრიზ მიქელაძე, პროფესიით პედაგოგი, ზოტის საჯარო სკოლის მასწავლებელია. სამეზობლოში ის ლიდერი ფერმერია,  ვინც მრავალი წელია,  მიზნამდე მისვლისთვის,  შრომაში წამის დაუკარგავად, მამაპაპური საოჯახო საქმიანობიდან, ნელ-ნელა გადაინაცვლა შრომაში კოოპერაციული წესის დამკვიდრებისკენ.  ამბობს იმასაც, რომ ხალხს თავდაპირველად გაუჭირდა იმის აღქმა, კოოპერატივი არის თუ არა კოლმეურნეობა ან მისი მსგავსი „საზიარო ჯამი“,  საიდანაც ადამიანებს უსიამო მოგონების და განცდის გარდა, არაფერი შემორჩა. სკეპტიციზმს, უკვე არსებულ კოოპერატივებში არსებული გაუგებრობები და საერთაშორისო ორგანზაციების ქართველი თანამშრომლების მიკერძოებული, ხშირად პირად სარგებელზე დამყარებული ქმედებებიც აძლიერებს

 დღეისთვის ნევრიზ მიქელაძეს, სხვა მეზობლებთან ერთად (სულ 20 ოჯახი), კოოპერატივი „ულეველა“  აქვს შექმნილი დასაქართველოს მთავრობის მიერ  წარმოდგენილ ერთიან აგროპროექტს: „მაღალმთიან  რეგიონებში მესაქონლეობის განვითარების კონცეფცია“, ზედგამოჭრილად ესადაგება დასახული მიზნით _ გახდეს გურიის რეგიონისთვის ბიოპროდუქციის, ხორცისა და  რძის ნაწარმის უპირობო მიმწოდებელი და ასევე გასცდეს ქვეყნის ფარგლებსაც.

ულეველა ის ტერიტორიაა, სადაც ზოტის უნიკალური სათიბებია, სანისლიას მთის აღმოსავლეთით, ჯაჯის ტბასთან ახლოს.

ბატონი ნევრიზის  თქმით, ამ   საუკეთესო საძოვარს, რომელიც სამყურას, მარბუთის და დვარულას სახეობის ბალახისგან შედგება, რძე გასდის და ზოგიერთი ამ ბალახთაგაი, არა თუ პირუტყვის საუკეთესო საკვებია, წინაპართა გადმოცემით, სამკურნალო თვისებებით გამოირჩევა, რომელსაც მთის მცხოვრებლები დღემდე იყენებენ.

_ სამთავრობო აგროპროექტი ითვალისწინებს გზების შეყვანას საძოვრებზე და სათიბებზე, ქარხნის ტერიტორიაზე.  ასევე, საწარმოს შენობის აგებასა და სრულ ორგანიზებაში თანამონაწილეობას, სადაც იქნება ხორცის მიღების საამქრო და რძის ქარხანა. ეს ორი რგოლი  ერთ  სივრცეში,  ერთმანეთისგან იზოლირებულად განლაგდება. ჩვენ, ორი აზრი არ არის, რომ მოვახერხებთ,  ჩოხატაურისა და ოზურგეთისთვის  ულევად ვაწარმოოთ ხორცი, ყველი, ზოგადად, რძის პროდუქცია, რადგან გვაქვს ბაზა და ტრადიციით ნასაზრდოები  სისხლში გამჯდარი სიყვარული მესაქონლეობისა,  რომელსაც შესაძლოა, საქართველოში ანალოგი ძნელად მოეძებნებოდეს. თუმცა, არსებობს რიგი პრობლემებისა, რომელიც ხან ჩვენი, ხან სხვისი უნებლიე უზუსტობით თუ შეცდომით, შესაძლოა, დამამუხრუჭებელ ფაქტორად იქცეს ამ სასიცოცხლო  პროექტის გახორცილებების გზაზე!  და,  ულეველაც დაილიოს იქნებ! _ ამბობს ნევრიზ მიქელაძე და გვიამბობს, რა გზა გაიარა 2011 წლიდან  დღემდე, _ როცა მთაში პირველი ხმა ავიდა, შრომით საქმიანობაში კოოპერირების წესის დამკვიდრების გზით, გარდაუვალი წარმატების მიღწევის შესაძლებლობაზე.  

ნევრიზ მიქელაძე მოკლედ გვიამბობს იმ გზაზე, რომელიც 2011 წლიდან, ინდმეწარმეობის დაწყებით  გაიარა. მასწავლებელს ყოფილმა მოსწავლეებმა სთხოვეს, ხე-ტყის დამზადებაზე ემუშავათ. გახდა ინდმეწარმე და კიდობანას მთის მხარეს, კანონის ფარგლებში, სამუშაოდ ტყე აიღო.  მასალის დამზადებისას თითოეული ხის ძირას იდგა და ფესვიან-ტოტიანად ამოწმებდა  თითოეულ ძირს.

_ ვერავინ გაბედავდა, საღი ხე მოეჭრა. თუ რაიმე ავტორიტეტი გამაჩნია, ყველაზე მეტი ნდობა სწორედ მაშინ მოვიპოვე, შინ თუ გარეთ. ხე არ არის მთაში, ჩვენს სამოქმედო ზოლში, რომლის ძირში  დაკვირვება არ მომეხდინოს და სანიტარული ჭრის წესით არ დამენომროს.  თითქმის, ყველამ გაითავისა, რომ ხე-ტყეს სიცოცხლესავით გაფრთხილება სჭირდებოდა, მისი და ჩვენი სიცოცხლე აქ უერთმანეთოდ წამებში დასრულდება. ასეთი გაფრთხილების შედეგად,  დღეს უკვე საუკეთესო მასივია წამოსული. ამ საქმიანობის პროცესში,  თანამოაზრეებმა მითხრეს, რომ ულეველას სათიბების ბაზაზე დაგვეწყო თივის დამზადება, რაც, ნებისმიერ შემთხვევაში, კარგად გაიყიდებოდა. იდეა მეზობელს, არსენ ირემაძეს ეკუთვნოდა, _ ამბობს ბატონი ნევრიზი.

მოითათბირეს და ოთხ თანამოაზრესთან: არსენ ირემაძესთან, გოჩა ქათამაძესან, ზია ჭახაძესთან და შალვა პაქსაძესთან ერთად,  2013 წელს ჩოხატაურში, ადგილობრივ ხელისუფლებას მიმართეს. თანადგომით გახარებულები, მალე თბილისში, კოოპერატივების სააგენტოში ჩავიდნენ და სტატუსი მიიღეს.  ჩამოყალიბდნენ იმ აზრზე, რომ აუცილებლად მეცხოველეობისთვის უნდა მიეყოთ ხელი, რის მძლავრი საფუძველიც  არსებული ბაზა და გამოცდილება იყო. 2014 წელს უკვე 49 მეწველი ფური ჰყავდათ.  ამავე პერიოდში, ნევრიზ მიქელაძეს დაუმტკიცდა პროექტი „აწარმოე სართველოში“. თუმცა, მალე ზამთარიც დადგა და პროექტის გახორციელება დროში გაიწელა, რადგან მთაში ასვლა, თითქმის შვიდთვიანი ზამთრის პირობებში, შეუძლებელი იყო.  „ულეველას“ წევრები ფარ-ხმალს არ ყრიდნენ და ყველა მიმართულებით ამყარებდნენ კავშირებს,  ოღონდ რომელიმე სახის დახმარება  მიეღოთ. როცა 15 მოტობლოკი  საჩუქრად მიიღეს ( ფინანსური თანამონაწილეობით შეიძინეს, თუმცა ნაჩუქარს ეძახის),  უკვე სოფლის მოსახლეობის უმეტესობას კოოპერაციულ შრომაში ჩაბმის სურვილი გაუჩნდა. მალე „ულეველას“ წევრებს ახალი იდეა გაუჩნდათ რძის ქარხნის გახსნის თაობაზე და რაკი სოფელში სამიათასი სული საქონელი იყო, არ უყოყმანიათ, მაშინდელი პრემიერისთვის, ირაკლი ღარიბაშვილისთვის მიემართათ. მოუსმინეს და განუმარტეს, რომ სახელმწიფო კოოპერატივებს არ აფინანსებს, თუმცა ინფორმირებაში დაეხმარნენ და მიუთითეს, სად და როგორ ესარგებლათ იაფი კრედიტით.  სწორედ ამ პერიოდში, კოოპერატივების საგენტოდან მონიტორინგის ჯგუფი ჩამოვიდა და ადგილობრივმა ხელისუფლებამ სასიხარულო ამბავი აცნობა ნევრიზსა და მის მეგობარ მთისკაცებს _ რძის ქარხნის დადგმის შესაძლებლობა გექნებათ, ოღონდ 150 სული საქონელი უნდა გყავდეთო. სასწრაფოდ შეადგინეს დოკუმენტაცია, 20 ოჯახი 162 სული პირუტყვის დამადასტურებელი დოკუმენტებით წარსდგა ჯგუფის წინაშე. მოხდა ისე, რომ სწორედ ამ დროს შეახსენეს პროექტ „აწარმოე საქართველოს“ წარმომადგენლებმა, რადგან აქ უკვე გამარჯვებული იყო ნევრიზ მიქელაძე. რაკი რძის ქარხნის გადაცემაზე უკვე  სახელმწიფოსგან იყო წინადადება,   პირადად ნევრიზ მიქელაძემ აირჩია სადურგლო საქმიანობისთვის მიეღო 5 ათას ლარიანი დაფინანსება და პარალელურად, სადურგლო საქმიანობასაც შეუდგა.

2016 წელს, ოქტომბერში კი უკვე საბოლოოდ გაფორმდა ხელშეკრულება რძის საწარმოს მიღების თაობაზე.

_ მთაში ავედი და ავაფრიალე დოკუმენტი, ხალხი სიხარულმა აიტანა! თუმცა, როგორც შემდეგ აღმოჩნდა, დოკუმენტაციაში მცირე შეცდომა გაიპარა, სასწრაფოდ მომმართეს და შესწორებული ვარიანტიც გავგზავნე, თუმცა ვადებში ვერ ჩავეტიეთ, ადგილზე ინტერნეტი არ იყო, ვიჩქარე, მაგრამ დასანანად მომიგვიანდა. დავრჩით ასე და კვლავ დაგვაიმედეს, რომ 2017 წელს, კოოპერატივების საგენტოს პროექტი: „რძის შეგროვების და გადსამუშავების საამქრო“, კვლავ გრძელდებაო.  მართლაც, ამ წლის 17 მარტს უკვე გვითხრეს, ინფორმაცია განაახლეთო. სასწრაფოდ ჩავედი სურსათის ეროვნულ სააგენტოში და საქონლის სიით დაწყებული, ყველაფერი წარვადგინე...  და,  ამ დროს  საქართველოს მთავრობამ წარმოადგინა  ერთიანი აგროპროექტი: „მაღალმთიან    რეგიონებში მესაქონლეობის განვითარების კონცეფცია“, რომლის მიხედვით, გაცილებით მეტი, უკეთესს რომ ვერ ვინატრებდით, ისეთი სახის დახმარებაა გათვალისწინებული. და ახლა უკვე თავად გადავერთე ამ პროექტში და კოოპერატივების სააგენტოს შემოთავაზებაზე მადლიერმა, მაგრამ მაინც თავი შევიკავე, რადგან იქ მხოლოდ მე ვიყავი წარდგენილი. ამჯერად ისევ  კოოპერატივ „ულეველას“ სახელით, სადაც უკვე 200 სული საქონელი გვყავს, წარვდექით ახალ აგროპროექტში. ის, რასაც მთავრობის მიერ წარმოდგენილი ერთიანი აგროპროექტი: „მაღალმთიან რეგიონებში მესაქონლეობს განვითარების კონცეფცია“ ითვალისწინებს, თუ გახორციელება უწერია, მთას ააღორძინებს! „მაღალმთიან რეგიონებში მესაქონლეობის განვითარების კონცეფცია“ მზის ამოსვლას უნდა დაემსგავსოს! რომ იცოდეთ, როგორ ველოდებით! ხან ისევ ვშიშობ, ახალი დაბრკოლება ხომ არ გადამეღობება წინ?!  _ გვეუბნება ჩვენი რესპონდენტი, რომელიც ბოლო ერთი წლის მანძილზე არაერთხელ შეგვეხმიანა და თანადგომა გვთხოვა. პედაგოგი და მეურნე, სულისკვეთებით პატრიოტი ნევრიზ მიქელაძე, ზოტში აჭარის მთიანეთიდან გადმობარგების შესახებ გვიამბობს და გვთხოვს, იქნებ, გამონახოთ საშუალება და მოუყევით ჩვენზე ცოტა რამ მთელ საქართველოსო!

მისი ნაამბობი კი, რაც ათეულობით მის მოსწავლეს მისგანვე მრავალჯერ მოუსმენია, ასეთია:

„სოფელი ზოტი, 126 წლის წინ, დაცლილი და მიტოვებული, მთიანი აჭარის სოფელ ღორჯომიდან, 13 ოჯახის გადმოსვლით, კვლავ აღორძინებისკენ წავიდა. ანთაძეები, ირემაძეები, ართმელაძეები, მიქელაძეები, ტუნაძეები...მათ გურულ ნასოფლარს, სადაც თურმე უმეტესად კეკელიძეები ცხოვრობდნენ, სული მოუბრუნეს.   გურიის მოსახლეობა რომ აქ მრავლად ყოფილა, საყდრის გორიც მეტყველებს, რადგან მხოლოდ რამდენიმე ოჯახისთვის არ აშენდებოდა სამლოცველო. ისტორიის და დროის ცვლილებამ თუ უკუღმართ-წაღმართობამ ის მოიტანა, რომ მერე ამ მადლიან მიწაზე ჩვენ მოვედით... ასე მგონია, კეკელიძეთა ნაფუძარზე, განგებამ, გარკვეული მისია დაგვაკისრა! აქ ამოსვლაა საქმე, თორემ წასვლა აღარ მოგინდებათ _ აქაურობა სავსეა ბუნებისგან ბოძებული წყლით, ჰაერით, საძოვრებით, სადაც იშვიათი ყუათიანი მცენარეები ხარობს.მიუხედავად იმისა, რომ თითქოს, გარესამყაროს მოწყვეტილია, ეს დალოცვილი მიწა და ჰაერი, ტყე თუ საძოვარი ყველას აპურებს ისე, რომ ზოტში აზოტოვანი ან რომელიმე სასუქი არ შემოდის. აქ ბიოპროდუქცია დიდი ხანია, იწარმოება, ოღონდ სტიქიურ, დამღლელ,  ბარაქადაკარგულ შრომას ბოლო უნდას მოეღოს და ზოტიდან გადაძახილი სამყაროს უნდა მიწვდეს! მეორედ არ უნდა დაიცალოს ზოტი! აქ დღეისთვის  საფუძვლიანი და საიმედო ბაზა არსებობს საამისოდ და ამჯერად უნდა გაგვიმართლოს, უნდა იქცეს პატარა და ძლიერი ზოტი უძლიერეს ციტადელად, საიდანაც თავქვე დაშვებული გუბაზეულივით წამოვა რძის ნაკადი! ჩვენ ამას შევძლებთ, თუ  ამ შემართებას  შემხვედრი ძალა იმ სისრულით განახორციელებს, რომელიც ჯერჯერობით ქაღალდზე  ასე წერია: საქართველოს მთავრობის მიერ წარმოდგენილი ერთიანი აგროპროექტი:  „მაღალმთიან რეგიონებში მესაქონლეობის განვითარების კონცეფცია“.  დანარჩენზე ამ დიდი საქმის დასრულების შემდეგ, ერთად ვისაუბროთ და  ერთად გავიხაროთ!




 ახალი ამბები
  • კომენდანტის საათის დარღვევა - კახეთში გოგოს ხელის თხოვნა 27 000 ლარი დაჯდაცოტა ხნის წინ,  კომენდანტის  საათის დარღვევისთვის, 9 პირი 3 000-3 000 ლარით დააჯარიმეს თელავში, სოფელ ყარაჯალაში. როგორც "გურია ნიუსს" ერთ-ერთი დაჯარიმებულის ახლობელმა განუცხადა, თანასოფლელი ბიჭი  მის მეგობრებთან ერთად, გოგოს ხელის სათხოვნელად მიდიოდა. აღნიშნული ინფორმაციის გადამოწმებას "გურია ნიუსი" მერის წარმომადგენელთან, შალვა ახმედოვთან შეეცადა, თუმცა, მან ეს ფაქტი არ დაადასტურა. "არ ვიცი,ინფორმაციას არ ვფლობ",_ ამბობს ... ...
  • ჯანდაცვის სამინისტრო 60 წელს გადაცილებულთა პნევმოკოკზე აცრას გეგმავსსახელმწიფო მსჯელობს გეგმაზე, რომლის მიხედვითაც 60 წელს გადაცილებულები და ასევე, ქრონიკული დაავადებების მქონე მოქალაქეები, შესაძლოა, პნევმოკოკის ვაქცინით აიცრან - ამის შესახებ ჯანდაცვის მინისტრმა „რუსთავი-2“-ის ეთერში განაცხადა. ეკატერინე ტიკარაძის განმარტებით, არის ვერსია, რომ ეს აცრა შევიდეს საქართველოში სავალდებულო ვაქცინაციის ჯგუგში და მოხდეს ყოველწლიურად, შესაბამისი მონაკვეთების გავლის შემდეგ ვაქცინის განახლება ამ მოქალაქეებში. „ყოველდღიურად ვუფრთხილდებით იმ მოწყვლად ჯგუფებს, რომლებიც არიან ხანდაზმულები და, რა თქმა უნდა, პარალელურ რეჟიმში არიან მრავლობითი ქრონიკული დაავადების მატარებლები. ჩვენი სპეციალისტების მხრიდან მოხდა გაანალიზება საქართველოში ძირითადი წამყვანი დაავადებების და სიკვდიალინობის გამომწვევი რა მიმართულებებია, სადაც ჩვენ ცალსახად დავინახეთ, რომ სწორედ ამ მოწყვლად ჯგუფებში, მრავლობითად არის განვითარებული პნევმონიები და ჩვენს ევროპელ კოლეგებთან კომუნიკაციის შედეგად, ასევე საუკეთესო ქვეყნების პრაქტიკის გამოყენების მაგალითზე მივიღეთ გარკვეული რეკომენდაციები, რის განხორციელებასაც ვგეგმავთ საქართველოში. ეს კონკრეტულად არის ევროპის ქვეყნებში მიღებული პრაქტიკა, როდესაც ისინი 60 წელზე ზევით მოსახლეობას და მოწყვლად ჯგუფებს ცრიან პნევმოკოკის ვაქცინით. სწორედ ამასთან დაკავშირებით არის ეს ინიციატივა, რასაც ჩვენ დეტალურად ვამუშავებთ“, - განაცხადა ... ...
  • რა ეკონომიკური გამოწვევების წინაშეა ქვეყანა და რაშია გამოსავალიპანდემიასთან ბრძოლამ ადამიანების ნაწილი დროებით უმუშევრად აქცია, ნაწილი კი დისტანციურ რეჟიმში მუშაობს. ჩაკეტილი საზღვრები, დაკეტილი სხვადასხვა ობიექტები, ბლოკპოსტები სხვადასხვა ქალაქში და რიგი სუპერმარკეტებთან, ბანკებთან თუ აფთიაქებთან_ ეს ის სურათია, რაც დღეისთვის საქართველოში პანდემიასთან ბრძოლის გამო, დგას. რა ეკონომიკური გამოწვევების წინაშე დადგა ქვეყანა_ ამ საკითხზე „გურია ნიუსი“ ეკონომისტ აკაკი ცომაიას ესაუბრა. აკაკი ცომაია ჩვენთან საუბარში  აღნიშნავს, რომ რთულია პროგნოზირება, პანდემიის შემდეგ რამდენად გაღარიბდება მსოფლიო, მაგრამ ეკონომიკის რეცესია და უმუშევრობის მატებაა მოსალოდნელი. ეკონომისტი ასევე აღნიშნავს, რომ სახელმწიფოს გაუჭირდება იმ მდგომარეობის დაბრუნება, რაც პანდემიამდე ჰქონდა. „რეალურად პროგნოზირება და თქმა,  რამდენად გაღარიბდება მსოფლიო, ძნელია. რაც უფრო მეტად გრძელდება კარჩაკეტილობა, მით უფრო მეტად ზარალდება ქვეყნების ეკონომიკა და შევა რეცესიაში. უმუშევრობის დონე გაიზრდება მსოფლიოში ამ პანდემიის დასრულების შემდეგ და მათ შორის გაიზრდება საქართველოშიც. რისი პროგნოზირებაც შეგვიძლია არის ის, რომ საქართველოს ეკონომიკა ხანგრძლივი დროის განმავლობაში ვერ დაუბრუნდება საწყის ეტაპს. ტურიზმის სექტორი ვერ დადგება იმ წერტილში რა წერტილშიც იყო პანდემიამდე. რატომ? ამის ბევრი ობიექტური და სუბიექტური მიზეზი არის. მათ შორის ის, რომ საქართველო ვერ მიიღებს ასე სწრაფად ვიზიტორების იმ რაოდენობას, რომელსაც  იღებდა. ადამიანებმა ჯერ კაპიტალი უნდა დააგროვონ, უნდა დაიწყოს შემოსავლების ფორმირების პროცესი.  ეს ხანგრძლივი პროცესია. ტრანსპორტის სფეროს განვითარება ტურიზმზეა დამოკიდებული და  ვითარდებოდა მაშინ როცა ტურიზმი ვითარდებოდა. იგივე ეხება მშენებლობას, კაფე-ბარებს. ეკონომიკის შემოსავლების ზრდის ტემპი ვერ იქნება ისეთი, როგორიც ის იყო პანდემიანდე. ჩვენი შემოსავლები ვერ აღდგება საწყის წერტილში“,_ ამბობს ცომაია. ეკონომისტის თქმით, აღნიშნული საფრთხეების დანახვასთან ერთად ქვეყანამ ის შესაძლებლობა უნდა გამოიყენოს, რომელიც პანდემიის შემდეგ მსოფლიო ბაზარზე თავის დამკვიდრებაში შეუწყობს ხელს. აკაკი ცომაიას თქმით, ეკონომიკის ახალი ძრავის ჩართვა და ქვეყნის ახალ რელსებზე გადაყვანა ანაკლიის პორტს შეუძლია. „გლობალურ საფრთხეებთან ერთად, ასევე, უნდა დავინახოთ შესაძლებლობა და გამოვიყენოთ, რაც უკავშირდება მსოფლიო ბაზრის გადანაწილებას და საერთაშორისო ბაზარზე შევიტანოთ ჩვენი კონკრეტული წვლილი და დავიკავოთ გარკვეული ნიშა. გაცილებით რთული იყო ამის გაკეთება, როცა ეს ყველაფერი იყო გადანაწილებული და განსაკუთრებით შესაძლებლობა ჩნდება ახალი მიმართულებებით. ყველაზე მეტად აქტუალური არის ანაკლიის პორტის საკიხი, რომელსაც ნამდვილად შეუძლია გარკვეული ლოკომოტივის თამაში და ეკონომიკის დაქოქვა ანუ საქართველოს ეკონომიკის ახალი ძრავის ჩართვა და ახალ რელსებზე გადაყვანა“,_ ამბობს ... ...
  • რისი "სიგნალი" გახდა აგრარული ბაზრების დახურვა მსოფლიო პანდემიას ებრძვის. კორონავირუსის გავრცელების თავიდან აცილების მიზნით, დაწესებულ სხვა შეზღუდვებთან ერთად აგრარული ბაზრების დახურვის გადაწყვეტილებაც იქნა მიღებული. როგორც ეკონომისტი აკაკი ცომაია "გურია ნიუსთან" საუბრისას აღნიშნავს, რომ აგრარული ბაზრების დახურვა სუპერმარკეტებისთვის პროდუქციაზე ფასების ზრდის შესახებ გაკეთებული სიგნალია. „აგრარული ბაზრის დაკეტვა მომხმარებლებს დააზარალებს. ეს სუპერმარკეტებისთვის არის სიგნალი, რომ გააძვირონ პროდუქცია. სწორი იყო თუ არა ეს გადაწყვეტილება, ვერ შევაფასებ, იმიტომ, რომ საკმაოდ რთული სიტუაციაა და არ ვიცით, უსაფრთხების რისკის ფაქტორიდან გამომდინარე, რამდენად გაიზარდა ამ გადაწყვეტილებით უსაფრთხოების მასშტაბი. ამის შეფასება მე არ შემიძლია“,_ გვპასუხობს ცომაია. შეკითხვაზე _ მოსალოდნელია თუ არა, რომ ფასის ზრდა მარკეტებში იმ პროდუქტებსაც შეეხოს, რომლის ღირებულების ზრდის რისკის დაზღვევის შესახებაც გარემოს დაცვისა და სოფლის მეურნეობის სამინისტრო საუბრობდა, ეკონომისტი გვპასუხობს, რომ მარკეტინგის პრინციპის გათვალისწინებით, ფასები აღნიშნულ პროდუქტებზე შეიძლება, არ გაიზარდოს გარკვეული დროის განმავლობაში, მაგრამ გაიზრდება სხვა პრუდუქტებზე. „სამინისტრო აწესებს ზედა ზღვარს კონკრეტულ ფასებზე, რაღაცა დროის განმავლობაში, ფასები ამ ტიპის პროდუქტებზე, შეიძლება, არ გაიზარდოს, მაგრამ გაიზრდება სხვა პროდუექტებზე. ეს მარკეტინგის პრინციპია. სუპერმარკეტები ორიენტირებულები იქნებიან, გაყიდონ იმავე რაოდენობის პროდუქცია მაღალ ფასად, რადგან კონკურენტების რაოდენობა მცირდება და ბიზნესი, როგორც წესი, ამ ნაბიჯით პასუხობს“, _ ამბობს აკაკი ... ...
  • ოზურგეთის მერიის განმარტება პრემიების გაცემასთან დაკავშირებითოზურგეთის მერია  პრემიების გაცემასთან დაკავშირებით განცხადებას ავრცელებს. როგორც მერია განმარტავს, დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,,. "ოზურგეთის მუნიციპალიტეტის მერიის განმარტება - მასობრივი ინფორმაციის საშუალებების მიერ ოზურგეთის მუნიციპალიტეტის მერიის მიერ გაცემულ სახელფასო დანამატებთან დაკავშირებით მიგვაჩნია, რომ საინფორმაციო საშუალებებით მოსახლეობისათვის მიწოდებული ინფორმაცია ხშირ შემთხვევაში არასრულია, ასევე გაჯერებულია არასწორი შეფასებებით და ინტერპრეტაციით. გაცნობებთ, რომ დანამატები გაცემულია ახალი კორონავირუსის (COVID-19) გავრცელების თავიდან აცილების მიზნით განხორციელებული საქმიანობის გათვალისწინებით ა.(ა).ი.პ. „ოზურგეთის ჯანდაცვის საზოგადოებრივი ცენტრის“ თანამშრომლებზე დადგენილი კანონმდებლობის სრული დაცვით. კორონავირუსის გავრცელების თავიდან აცილების მიზნით განხორციელებული საქმიანობაში ჩართული იყო ოზურგეთის მუნიციპალიტეტის მერიის 3 თანამშრომელი, რომელებიც 24 საათიან რეჟიმში კოორდინაციას უწევდნენ და უწევენ ახალი კორონავირუსის (COVID-19) გავრცელების რისკების შემცირების მიზნით განხორციელებულ სამუშაოებს. დანამატების გაცემისას გათვალისწინებული იქნა - ,,დაავადებათა კონტროლისა და საზოგადოებრივი ჯანდაცვის ეროვნული ცენტრის“ გენერალური დირექტორის ამირან გამყრელიძის 18.03.2020 წლის წერილი, რომლის მიხედვითაც მოგვეცა შემდეგი რეკომენდაცია - ,,გაეზარდოს საზოგადოებრივი ჯანდაცვის სამსახურის ეპიდემიოლოგებსა და პროფილატიკოსების შრომის ანაზღაურება და/ან მინიმუმ გაუთანაბრდეს მუნიციპალიტეტების სხვა სამსახურებში სპეცილისტების შრომის ანაზღაურებას,, (ამონარიდი წერილიდან); ხოლო მერიის თანამშრომელთაგან ორ პირზე დანამატის გაცემის საფუძველი გახლავთ თბილისის მერიის მიერ გადმოცემული ავტობუსებისა და სხვა ტექნიკის ჩამოყვანა და მასთან დაკავშირებული პროცედურები. „TV-პირველზე“ გასულ სიუჟეტში გამოქვეყნებული ორი პირისათვის მერიის მიერ დანამატის ჩარიცხვის საფუძველი წარმოიშვა მიმდინარე წლის თებერვალში ხოლო ჩარიცხვა განხორციელდა მარტის თვის ბოლოს. ხსენებულმა პირებმა უზრუნველყვს თბილისის მერიის მიერ გადმოცემული 4 სატრანსპორტო საშუალების ჩამოყვანა ოზურგეთში, ხოლო გადმოცემული ორი სპეცდანიშნულების ტექნიკა მომზადებული იქნა გადმოსაყვანად, რის გამოც მათზე გაიცა 60%-ი (და არა 80%იანი დანამატი). სულ გაცემულია 12 930 ლარი; „TV-პირველზე“ გასულ სიუჟეტში მითითებულ სხვა პირებზე, კერძოდ, ოზურგეთის მუნიციპალიტეტის მერიის თანამშრომლებზე დანამატები არ გაცემულა ქვეყანაში არსებული სტუაციიდან გამომდინარე და ყველა ინტერპრეტაცია, რომელიც ამ საკითხან გახლავთ დაკავშირებული არის არასწორი; ოზურგეთის მუნიციპალიტეტის ა.(ა).ი.პ. „საზოგადოებრივი ჯანდაცვის ცენტრი“ ახალი კორონავირუსის (COVID-19) გავრცელების თავიდან აცილების მიზნით საქმიანობას ახორციელებს 24 საათიან უწყვეტ რეჟიმში. ოზურგეთის მუნიციპალიტეტის მერიის მიერ ახალი კორონავირუსის (COVID-19) გავრცელების თავიდან აცილების მიზნით განსახორციელებლი საქმიანობის ფარგლებში მოხდა მოსახლეობის საჭიროებების კვლევა და იმ პირების იდენტიფიცირება, რომლებიც საჭიროებს სასურსათო და სხვა სახის დახმარებას. კორონავირუსის (COVID-19) გავრცელების თავიდან აცილების მიზნით ოზურგეთის მერიაში შექმნილი ჯგუფის მიერ ამ დროისათვის:- უკვე 180 ოჯახს დაურიგდა სურსათი.- უახლოეს დღეებში დმატებით 500 ოჯახზე გავცემთ პროდუქტებს. გამომდინარე იქედან, რომ მოცემულ შემთხვევაში დადასტურდა დასაქმებული პირების შესახებ პერსონალური ინფორმაციის (პირის საიდენტიფიკაციო მონაცემების, მათი ანგარიშის ნომრების და მათთვის ჩარიცხული თანხების შესახებ ინფორმაცია) ოზურგეთის მერია ბოდიშს უხდის მათ და აცხადებს, რომ ამ დროისათვის ხდება პერსონალური ინფორმაციის გაცემასთან დაკავშირებული ფაქტებისა და საკითხების სამართლებრივი ანალიზი (ასეთი ქმედება შეიცავს სისხლის სამართლის დანაშაულის ნიშნებს) რის შედეგებზე დაყდრნობითაც განვახორციელებთ შემდგომ სამართლებრივ რეაგირებას. დამატებით ვაცხადებთ, რომ ოზურგეთის მერია უზრუნველყოფს ყველა დაინტერესებული პირისათვის საჯარო ინფორმაციის მიწოდებას და ასევე ითანამშრომლებს ყველა სპეციალური კომპეტენციის ორგანოსთან საკითხის სამართლებრივ ფორმატში გარკვევის ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...