მეფუტკრე ქალის გზა _ უნდობლობიდან ძლიერი იმიჯის შექმნამდე

კარმიდამო ჩემი

მეფუტკრე ქალის გზა _ უნდობლობიდან ძლიერი იმიჯის შექმნამდე

21 დეკ. 2017, 23:58:38

"მინდოდა მქონოდა ნატურალური თაფლი. ამიტომ ვიყიდე ორი სკა და დავდგი ეზოში. თავიდან მეგონა, რომ წავიდოდა ფუტკარი, მოიტანდა თაფლს, ჩაასხამდა სკაში და ასე ადვილად მოგვარდებოდა ყველაფერი. თუმცა, მალე დავინახე, რომ ეს ასე არ არის და პირიქით, უდიდესი შრომა და ცოდნა სჭირდება ფუტკრის მოვლას იქამდე, სანამ ასე საოცარ თაფლს გაჩუქებს. თავდაპირველად დიდი იყო უნდობლობა, როგორც მეფუტკრე ქალისადმი, მაგრამ შევძელი მართლაც შეუძლებელი და ეს საქმე უკვე ბიზნესად ვაქციე", _ ასე იწყებს ჩვენთან საუბარს მეფუტკრე, ოზურგეთელი ლალი ჩანქსელიანი, რომელსაც გარეგნულად ნაკლებად შეამჩნევთ, რომ უზარმაზარი შრომა უწევს და გეგონება, მხოლოდ საკუთარ გარეგნობაზე ზრუნვით არის დაკავებული.

მეფუტკრეთა სამყაროში ბოლო ხანს დაიწყეს საუბარი იმაზე, რომ ამ საქმეში ქალის წარმატების მიზეზი მისი, როგორც დედის, სულიერი სამყარო და გარეგნული მხარეცაა, რაც ძალიან ჰგავს ფუტკრისთვის აუცილებელ სამშვენის სამყაროს.

_ როცა აღმოვაჩინე, რომ ფუტკარი არის საოცარი მწერი, ბუნების ღვთიური ქმნილება, გადავწყვიტე, არა მარტო მემუშავა მასზე, არამედ მასთან დავმეგობრებულიყავი. რა თქმა უნდა, თავიდანვე იმაშიც დავრწმუნდი, რომ შესაძლებელი იქნებოდა, მეკეთებინა დიდი ბიზნესი და საქმეს შევუდექი. ვფიქრობდი, რომ რამდენიმე სახის ძვირფას პროდუქციას შევქმნიდი, რომელიც ეკონომიკურად წელში გამმართავდა, _ გვეუბნება დღეს უკვე ფუტკრის ენის მცოდნე ლალი ჩანქსელიანი.

რაც თავიდანვე პრობლემად ექცა, ეს იყო საქმის არცოდნა და მისი მიმართ დამოკიდებულება, რომ ის ქალია და ამ საქმეს ვერ შეძლებდა. უკან არ დაუხევია. პირიქით, ყოველდღიურ წარმატებაზე ფიქრობდა და ცდილობდა, ირგვლივ მყოფნი და პირველ რიგში, საკუთარი თავი დაერწმუნებინა, რომ სასწაულს შეძლებდა და წარმატებული დღეებიც ფუტკარივით მრავლად იქნებოდა.

_ იცით, როგორი აზრი ამეკვიატა? რაკი ისეთი დამოკიდებულება იყო, თითქოს, ქალი ვერ შეძლებდა ამ საქმეს, მე პირიქით, შემიპყრო თვითრწმენამ, რომ ეს ქალის საქმეა, რომელიც ფრთხილად, რუდუნებით, უდიდესი და დაკვირვებით უნდა აკეთოს. დაახლოებით ისე, როგორც ახალშობილს უვლის დედა, ვიდრე სრულწლოვანებამდე. აი, ეს არის ფუტკრისთვის აუცილებელი, რაც მე სწორედ იმიტომ გამომივიდა, რომ ქალი ვარ _ ასე მჯერა, _ ამბობს ჩვენი რესპონდენტი და კმაყოფილებას და სიყვარულს გამოთქვამს იმ მეფუტკრეების მიმართ, ვინც ბევრის აზრს არ დაეთანხმა და მას, როგორც ქალ მეფუტკრეს, გვერდით დაუდგა.

კითხვაზე, თუ როგორ უყურებს დღევანდელი გადასახედიდან მეფუტკრე ქალის იმიჯს, ლალი ჩანქსელიანს ასეთი პასუხი აქვს:

_ გითხარით და ვიმეორებ, მე სრულიად დარწმუნებული ვარ, რომ ეს ის საქმეა, რომელიც ქალმა უნდა აკეთოს. სულ პირველად იყო დღეები, როცა მე სრული უნდობლობა მქონდა არა ერთი მეფუტკრისგან, რომ ამ საქმეს ვერ შევძლებდი და არ მიიჩნევდნენ საჭიროდ, ჩემთვის დრო დაეხარჯათ. ამიტომ საკუთარ თავზე მუშაობას შევუდექი. თვითგანათლებით ძალიან ბევრი მივიღე. პრაქტიკას შინ გავდიოდი, რასაც მოვლა ჰქვია. მოგვიანებით, როცა ეს ყველაფერი აისახა შედეგებზე, უცებ შეიცვალა დამოკიდებულება ჩემ მიმართ. დღეს უკვე მეფუტკრე ქალის იმიჯი ჩემი ძლიერი მხარეა, ძლიერი ზურგი. ვიმეორებ, საქართველოში უნდა გაჩნდეს ბევრი მეფუტკრე ქალბატონი, ისინი სხვანაირად იზრუნებენ ამ ღვთიურ სასწაულზე და უფრო დიდი შედეგებიც მოვა.

_ თუ ცდილობთ, ქალები ჩააბათ ამ საქმეში?

_ რა თქმა უნდა, ქალების დაინტერესებას პირადი მაგალითით ვცდილობ. არა ერთი ქალბატონი ჩემი დახმარებით უკვე მეფუტკრე გახდა, გაუჩნდა საკუთარი შემოსავალი და მაგალითია სხვა ქალებისთვის. მე მათ ვუსურვებდი, რაც მთავარია, ჰქონდეთ რწმენა, რომ ყველაფერს შეძლებენ. თუ ადამიანი მუდმივად მუშაობ საკუთარ თავზე, ხარ მოტივირებული და თანამშრომლობ სხვებთან, აუცილებლად გამოგივა.

_ ქალბატონო ლალი, დღეს ყველა მეურნეს თავსატეხად ექცა საქართველოში საშიში მავნებლის, აზიური ფაროსანას გამოჩენა. ახლა, როცა დარგი აღმავლობის გზას დაადგა, არის თუ არა ეს ფუტკრისთვის უდიდესი საფრთხე?

_ პირველ რიგში გეტყვით, რომ მეფუტკრეობას საქართველოში უდიდესი პოტენციალი აქვს. თუმცა, ახლავს მთელი რიგი პრობლემები, რომელთა გადაჭრა სასიცოცხლოდ მნიშვნელოვანია ამ დარგისთვის.

ნომერ პირველი ამოცანაა მეფუტკრეობაში ცოდნის ამაღლება. ერთი წამით არ უნდა დავიმშვიდოთ თავი, რომ ამ მხრივ ყველაფერი ვიცით. ახალი ტექნოლოგიების დანერგვა, პირველადი მეურნეობებიდან გადამამუშავებელ მეურნეობებზე გადასვლა, საკვები ბაზების შექმნა, ისეთი ლაბორატორიის გაკეთება, რომელიც საშუალებას მისცემს მეფუტკრეს, მოიპოვოს სერთიფიკატი თაფლის ექსპორტზე გასატანად.

რაც შეეხება ფაროსანას, ეს არის უდიდესი საფრთხე, რაც დამღუპველად ემუქრება ყოველივე იმას, რაზეც ზემოთ ვისაუბრე. აუცილებელია სახელმწიფოსგან სწორად შემუშავებული სტრატეგია. თითოეული მეურნე უნდა იბრძოდეს საფრთხის თავიდან ასაცილებლად, მაგრამ სტრატეგია სახელმწიფომ უნდა დასახოს. მე ვფიქრობ, შექმნილი პრობლემებიდან გამომდინარე, ფუტკრის გაყვანა მომიწევს. ჯერ კიდევ კარგად არავინ იცის, როგორი ძალით შემოგვიტევს ფაროსანა მომავალ გაზაფხულზე. შეწამვლითი სამუშაოების დაწყებისას, ფუტკარს დიდი საფრთხე ემუქრება. ამიტომ, ამ დროს უდიდესი ყურადღებაა საჭირო თითოეული სკის, თითოეული მწერის გადასარჩენად. ნიუანსებზე აღარ ვისაუბრებ, ეს შორს წაგვიყვანს.

საერთოდ, მეფუტკრეობა არის დარგი, რომელიც განვითარების და გაფართოების უდიდეს შესაძლებლობას იძლევა. მიუხედავად იმისა, რომ მე ვქმნი არა ერთ პროდუქტს, ნამდვილად ვგეგმავ გაფართოებას აპითერაპიის მხრივ. ეს არის მედიცინის ახალი მიმართულება, რომელიც ეყრდნობა მეფუტკრეობის პროდუქტებით მკურნალობას. მაგალითად, ფუტკრის კბენა _ ის ერთჯერადი შპრიცის მსგავსად გამოიყენება. ფუტკრის შხამი კბენის ადგილზე იწვევს მწვავე ტკივილს, ორგანიზმი იღვიძებს, სწრაფად უმჯობესდება სისხლის მიმოქცევა, აქტიურდება ადამიანის შინაგანი ჰორმონები.

ზოგადად ფუტკარი ხომ ღვთის საჩუქარია, საოცრება. მეფუტკრეობის პროდუქტებს შესწევთ უნარი, ორგანიზმში გამოაღვიძონ ძალა, რომელიც სიცოხლისუნარიანობას გაახანგრძლივებს. მრავალი დაავადება არსებობს, რომლის განკურნება შეუძლებელია კლასიკური მედიცინით, მაგრამ ამ დროს საოცრად შედეგიანია მეფუტკრეობის პროდუქტები. ზოგადად, ფუტკრის შხამი არის იშვიათი ბუნებრივი წამალი. ორგანიზმში მისი შეშვებით ფუნქციას აღიდგენს დაავადებული ორგანო, ოღონდ ამ საქმეს მაღალი კლასის პროფესიონალი სჭირდება _ ექიმი, რომელიც პროფესიულად მაღალ დონეზე დგას. მოკლედ, ჩემი სამომავლო მიზანი არის აპითერაპიის განვითარებაზე ზრუნვა და ძალიან მჯერა, რომ ამ მიზანს ავიხდენ, _ იმედიანად გვემშვიდობება ქალბატონი ლალი.




 ახალი ამბები
  • „ბაბუასთან იმყოფებოდა სტუმრად“ - ახალციხეში 14 წლის მოზარდი მდინარეში დაიხრჩოცოტა ხნის წინ უბედური შემთხვევა მოხდა ახალციხეში, სოფელ მუგარეთში - 14 წლის მოზარდი, რომელიც ბაბუასთან სტუმრად იმყოფებოდა, მდინარეში დაიხრჩო. ინფორმაცია „გურია ნიუსს“ სოფლის რწმუნებულმა  გიორგი ბლიაძემ დაუდასტურა. „გარდაცვლილი 14 წლის ბიჭია, რომელიც ბაბუასთან იმყოფებოდა სტუმრად“, _  ამბობს ბლიაძე.  მოზარდის ცხედარი ამ დროისთვის პროზექტურაშია ... ...
  • ძვირფასო მგზავრებო! _ აღმოაჩინე საქართველო რკინიგზასთან ერთად! (R)ძვირფასო მგზავრებო! ხვალ, 6 აგვისტოს თბილისი-ქუთაისის რეისზე ჩვენი გზამკვლევები ნიკოლოზ წულუკიძე და ციცინო ზივზივაძე იქნებიან. სატახტო ქალაქისა  და მისი მნიშვნელობის შესახებ მგზავრობის დასაწყისში გიამბობთ, მოგვიანებით კი საინტერესო ამბებს ქუთაისზე  მოგიყვებით.  თეატრალების ეზო, ადგილი სადაც რეზო გაბრიაძე და იპოლიტე ხვიჩია ცხოვრობდნენ, იშხნელების გორა, პირველი აფთიაქი და კინო პავილიონი - დაგვემგზავრეთ და წინ თავგადასავლებით სავსე მოგზაურობა გელოდებათ. მგზავრობის პროცესში ჩვენი გადამღები ჯგუფი აწარმოებს გადაღებას, მოგვიანებით კი მოვამზადებთ საინფორმაციო ვიდეო რგოლს, რადგან სხვა ადამიანებსაც მოვასმენინოთ ჩვენი გზამკვლევების მიერ მოყოლილი ამბები. აღმოაჩინე საქართველო რკინიგზასთან ერთად! ... ...
  • „დარბაზში თავმოყრილია ჩვენი წინაპრების მოღვაწეობა"- ემიგრაციის მუზეუმი პარლამენტის ეროვნულ ბიბლიოთეკაშისაქართველოს პარლამენტის ეროვნულ ბიბლიოთეკაში ემიგრაციის მუზეუმი გაიხსნა. პარლამენტის ეროვნულ ბიბლიოთეკის დირექტორის, გიორგი კეკელიძის განცხადებით, მზადება მუზეუმის გასახსნელად 8 წლის განმავლობაში მიმდინარეობდა. „რვა წელია რაც ეროვნულ ბიბლიოთეკაში ემიგრანტული მასალების მიმართულებით დიდი სამუშაო წამოვიწყეთ - ჩამოვიტანეთ მნიშვნელოვანი არქივები ამერიკიდან, საფრანგეთიდან, გერმანიიდან და სხვა ქვეყნებიდან. თუმცა დღევანდელი დღე მაინც სხვა მოვლენამ განაპირობა - თბილისის სახელმწიფო უნივერსიტეტიდან ემიგრაციის მუზეუმი, რომელიც სრულიად უნიკალური მასალების უდიდესი საცავი იყო, ეროვნულ ბიბლიოთეკაში გადმოვიდა. ეს არქივი, თავის დროზე, გურამ შარაძემ გადასცა უნივერსიტეტს, ეროვნულ ბიბლიოთეკაში კი, ბინა, გურამ შარაძის შვილის, რუსუდან შარაძის დიდი მეცადინეობით, დაიდო“,_ აცხადებს კეკელიძე. საქართველოს პარლამენტის თავმჯდომარის, არჩილ თალაკვაძის განცხადებით: „დარბაზში თავმოყრილია ჩვენი წინაპრების მოღვაწეობა, მათი ოცნებები და ანდერძი, რომელიც ჩვენი ქვეყნის თავისუფლებას, დამოუკიდებლობას და მის ევროპულ ოჯახში მიღებას უკავშირდება. ემიგრანტთა ამ გამორჩეული თაობების წვლილი უდიდესია იმაში, რომ დღეს, საქართველო ევროპაში ბრუნდება და აქვს ევროკავშირთან ასოცირების ხელშეკრულება!“   ... ...
  • სპეცოპერაცია ქუთაისში - დაკავებულია შუახნის მამაკაციცოტა ხნის სპეცოპერაცია ჩატარდა ქუთაისში. როგორც "გურია ნიუსს" ერთ-ერთმა თვითმხილველმა განუცხადა, დაკავებულია შუახნის მამაკაცი. გავრცელებული ინფორმაციით, დაკავებული მამაკაცი მეტადონის პროგრამით სარგებლობდა და მან მედიკამენტები ერთ-ერთი შენობიდან გაიტანა. სპეცოპერაციის სხვა დეტალები,ჯერჯერობით, ... ...
  • "მოკლე ტექსტური შეტყობინებები გაიგზავნა"- სვანეთში დაკარგულ მოზარდს უწყვეტ რეჟიმში ეძებენშინაგან საქმეთა სამინისტროს საგანგებო სიტუაციების მართვის სამსახურის მეხანძრე-მაშველები უწყვეტ რეჟიმში განაგრძობენ სვანეთში, მესტიის მუნიციპალიტეტის სოფელ ლენჯერიდან გაუჩინარებული მოზარდის, ილია ფილფანის საძიებო სამუშაოებს. აღნიშნულ საქმესთან დაკავშირებით უწყებაში ცოტა ხნის წინ ბრიფინგი გაიმართა. „საძიებო სამუშაოებში ჩართულია საგანგებო სიტუაციების მართვის სამსახურის 80 მეხანძრე- მაშველი, პოლიციის დანაყოფები, დრონები, წყალზე მცურავი საშუალებები და სასაზღვრო პოლიციის ვერტმფრენი. მაშველები გაუჩინარებულ მოზარდს ეძებენ როგორც სვანეთში, ასევე, შავი ზღვის სანაპირო ზოლზე. ილია ფილფანის ფოტოსურათი დაგზავნილია, საქართველოს მასშტაბით, შინაგან საქმეთა სამინისტროს ყველა დანაყოფში. საქართველოში არსებულ ყველა აქტიურ სატელეფონო ნომერზე, საზოგადოებრივი უსაფრთხოების მართვის ცენტრის “112”-ის მიერ საინფორმაციო სამენოვანი, მოკლე ტექსტური შეტყობინებები გაიგზავნა ილია ფილფანის ფოტოსურათით, რათა მოქალაქეებმა, ნებისმიერი ინფორმაციის არსებობის შემთხვევაში, დარეკონ 112-ზე. ილია ფილფანის გაუჩინარებიდან დღემდე, მეხანძრე- მაშველების მიერ დათვალიერებული და შემოწმებულია სოფლები: ლენჯერი, ლაშდღვერი, მესგუნი, ნემსია, სოლი, კაერი, ლხანი, ქართვანი, ლანხვრი, ისკარი, ცალანარი, ეცერი, კალაში, უშგული, უღვალი, ფარი, ზემო ლუჰა, ქვემო ლუჰა, ლახამულა, ნოდაში, მაგარდი, ლეზგარა, სვიფი, ღვებალდი, სოლი, კაერი, ლემსია, ქაშვეთი, ლაშთღვერი, ნესგუნი, ზარგაში, ქურელი, ბეჩო, მაზერი, ჯორკვალი, ლატალი და აღნიშნულ სოფლებში არსებული მიტოვებული სახლები და კოშკები. ასევე, შემოწმებულია მუგვირის ტერიტორია, ქორულდის მთის ტერიტორია, ჭუბერი და მის გარშემო ტერიტორია, ლაღამი, ლანჩვალა, სოკოს უბანი. მეხანძრე-მაშველებმა ფეხით გაიარეს ბეჩო-დიზი-ხაიში-ჯვარამდე ზუგდიდის მიმართულებით საავტომობილო გზის მიმდებარე ტერიტორიები, ჭალადის მყინვარზე არსებული ტურისტული მარშრუტი, მესტიის საბაგიროს მიმდებარედ არსებული ტყის მასივი, მესტიის მთავარანგელოზის ეკლესიიდან სოფელ ლენჯერამდე ტყის ფერდობები, სოფელ ებუთის და ჰაწვალის მთის ტყის მასივი და უღელტეხილ ჰოკოს მიმდებარედ არსებული 4 ძველი უმოქმედო გვირაბი. ჯამში მეხანძრე-მაშველების მიერ შემოწმებულია 38 სოფელი და მისი მიმდებარე ტერიტორია. ასევე, დათვალიერებული და შემოწმებულია 7 მდინარე, მდინარის კალაპოტი და მიმდებარე ხეობები. მეხანძრე-მაშველებმა შეამოწმეს მთებში, საძოვრებზე არსებული სადგომები, მიტოვებული სახლები და გვირაბები, ასევე ტყეები. საძიებო სამუშაოები მდინარე ენგურსა და ენგურჰესზეც მიმდინარეობს. შინაგან საქმეთა სამინისტროს წარმომადგენლებს მუდმივი კომუნიკაცია აქვთ დაკარგული მოზარდის ოჯახთან. ილია ფილფანის მშობლებს ყოველდღიურ რეჟიმში მიეწოდებათ მიმდინარე სამუშაოების შესახებ ინფორმაცია. მოზარდის გაუჩინარებასთან დაკავშირებით, სამეგრელო-ზემო სვანეთის პოლიციის დეპარტამენტის მესტიის რაიონულ სამმართველოში შეტყობინების მიღებისთანავე გამოძიება დაიწყო საქართველოს სისხლის სამართლის კოდექსის 143-ე მუხლის მე-3 ნაწილის „დ“ ქვეპუნქტით, რაც არასრულწლოვნის მიმართ წინასწარი შეცნობით თავისუფლების უკანონო აღკვეთას გულისხმობს. ყველა ინფორმაცია, რომელიც არასრულწლოვნის გაუჩინარებას ან მის შესაძლო ადგილსამყოფელს უკავშირდება, მოწმდება სამართალდამცველების მიერ“,_ აცხადებენ შინაგან საქმეთა ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...