ხალხური სამკურნალო საშუალებები

მწვანე აფთიაქი

ხალხური სამკურნალო საშუალებები

5 დეკ. 2017, 19:49:22

ღვიძლი ერთადერთი ორგანოა, სადაც ხდება ორგანიზმში წარმოქმნილი და გარედან შესული ტოქსიკური ნივთიერებების გაუვნებლება. ამიტომ, ეს პროცესი რომ არ დაირღვეს, საჭიროა ღვიძლის ჯანმრთელობის შენარჩუნება, რაშიც დიდი დახმარების გაწევა შეუძლია ხალხურ საშუალებებს.

ბაყაყურა ასუფთავებს ღვიძლის უჯრედებს და ხელს უწყობს ახლის წარმოქმნას. ის შეიცავს სასარგებლო ფისს, ამინომჟავებს, მაკრო და მიკროელემენტებს, რომელიც აწესრიგებს ნაღვლის წარმოქმნისა და გამოდევნის პროცესს, ამაღლებს ღვიძლის დამცავ თვისებებსა და იმუნიტეტს. ეპიდემიის დროს ექიმები გვთავაზობენ მივიღოთ ბაყაყურას ცივად გამოხდილი ზეთი ან მისი თესლის უცხიმო ფხვნილი.

ჭარხალი შეიცავს ცილოვან ნაერთებს - ბეტაინსა და ბეტანინს, რომლებიც აუმჯობესებენ ცხიმის ცვლას, ამცირებენ სისხლში ქოლესტერინის დონეს და აუმჯობესებენ ღვიძლის მუშაობას. სხვათა შორის, ეს ვიტამინი არ იკარგება ჭარხლის თბური დამუშავების დროს. ღვიძლის პრობლემების დროს სასურველია უზმოზე 1-2 ს/კ ჭარხლის წვენის მიღება.

გოგრის თესლის ზეთი გამოდევნის ქოლესტერინს. ეს ზეთი რეკორდული რაოდენობით შეიცავს იშვიათ ვიტამინებს. მაგალითად, K ვიტამინს, რომელსაც თითქმის არც ერთი სხვა ზეთი არ შეიცავს, აუმჯობესებს სისხლის შესქელებას, ხოლო თ ვიტამინი ეხმარება ორგანიზმს მძიმე საკვების ათვისებაში. გოგრის თესლის ზეთი შეიცავს რკინას, რომელიც ხელს უწყობს ჰემოგლობინის სასურველი დონის შენარჩუნებას. გოგრის ზეთით მკურნალობენ ქოლეცისტიტს, ღვიძლის ცხიმოვან დისტროფიას, ნაღველსადინარი გზების დისკინეზიას და ვირუსულ ჰეპატიტს.

ღვიძლის დაავადების პროფილაქტიკისთვის მიიღეთ უწყლოდ 1 ჩ/კ გოგრის ზეთი ჭამამდე 1 საათით ადრე ან ჭამიდან 2 საათის შემდეგ.

თაფლი ეხმარება ღვიძლს გათავისუფლდეს ტოქსინებისგან. თაფლში სასარგებლო ნივთიერებების რაოდენობა თითქმის იმდენივეა, რამდენიც ადამიანის სისხლში. სწორედ ამის წყალობით ითვისებს ორგანიზმი თაფლს 100%-ით.

თაფლი შეიცავს საკვებ კომპონენტებს - ფრუქტოზასა და გლუკოზას, რომლებიც ხელს უწყობენ ღვიძლში გლიკოგენის მარაგის შექმნას. გლიკოგენი აუმჯობესებს ქსოვილის ცვლის პროცესს, აძლიერებს ღვიძლის დამცველ ფუნქციას და ინფექციებისადმი ორგანიზმის წინააღმდეგობის უნარს.




 ახალი ამბები
  • გურული „რაკეტა“ გოგონები: „ჩვენც გავფრინდებით!“ოზურგეთელი გოგონები _ თამარ სირაძე,  ანა ანდღულაძე, ნატა ჩიტაიშვილი  და სალომე ჩაგუნავა თბილისის სახელმწიფო უნივერსიტეტის იურიდიული ფაკულტეტის მეორეკურსელები არიან.   ოზურგეთში წარჩინებული სწავლით ცნობილმა მოსწავლეებმა, გასულ წელს წარმატებით ჩააბარეს ეროვნული გამოცდები და თავი სტუდენტურ გარემოშიც გამოიჩინეს. ახლახან მათ, სწორედ სტუდენტური ინიციატივით,  T4C-ის ახალგაზრდული ასოციაცია“ დააფუძნეს, რომლის სიმბოლოსაც   რაკეტა წარმოადგენს.   _ ბევრი ვიფიქრეთ, რა შეიძლებოდა ყოფილიყო ოთხი გურული ქალის ერთი იდეის გარშემო გაერთიანების ფაქტობრივი სიმბოლო და…  ორგანიზაციის სიმბოლოდ რაკეტა მოგვაფიქრდა.  რატომ რაკეტა? _ იმიტომ, რომ ეს უკანასკნელი ყველაზე მეტად ასახავს გურულების პიროვნულ მახასიათებლებს, რაც, საბოლოოდ, მიზნის მიღწევაში დაგვეხმარება,  და კიდევ, რატომ რაკეტა? გაფრენა… შორს... სწრაფად... აი, ამიტომ, _ გვიამბობს „რაკეტა ოთხეულის“ ერთ-ერთი წევრი, თამარ სირაძე. გოგონები მიიჩნევენ, რომ ცვლილებების დროა და მათი ინიციატივა სწორედ ცვლილების შინაარსშია. _ აქცენტი სოციალურ ცვლილებაზე გვაქვს. გავხდით სტუდენტები, თუმცა სტანდარტული ერთფეროვნება ყველაზე ძალიან სტუდენტისთვის არის მოსაწყენი.  ამიტომ გაგვიჩნდა სურვილი, შეგვექმნა ასეთი ორგანიზაცია, რომელიც განსაკუთრებით პანდემიის პირობებში იფიქრებდა ცვლილებაზე. იურისტების მიზანი ხომ სამოქალაქო განათლების პოპულარიზაციაც არის, რაც ადამიანს პიროვნებად აყალიბებს, აძლიერებს სამოქალაქო საზოგადოებას. განსაკუთებით გვაინტერესებს, ჩვენს   პროექტებში, რაზეც ახლა ვმუშაობთ, პანდემიის პირობებში მოხალისეობრივი ინიციატივის წამოყენების აქცენტები ჩანდეს. მეტს ჯერ არაფერს ვიტყვით, გვსურს ოპერატიული, გუნდური, ჯგუფური  მუშაობა შევძლოთ, რაც დაგვეხმარება მიზნის სწრაფად მიღწევაში, მოკლედ, ჩვენც გავფრინდებით! _ ამბობენ ისინი. _ აუცილებლად გვექნება კომუნიკაცია „გურია ნიუსთან“. ჩვენი ინიციატივების გახორციელებაში, დარწმუნებული ვართ, ერთობლივი მუშაობა ძალიან დაგვეხმარება, _ გვითხრა თამარ სირაძემ. „გურია ნიუსი“ წარმატებებს უსურვებს „რაკეტა“ ოთხეულს -გოგონებს, რომლებმაც ორიგინალური დაანონსებით, თავიანთი საქმიანობის წარმოჩენის საინტერესო გზავნილი ... ...
  • ხელოვნების ამაგდარი, ლია ბიბილეიშვილი დღეს უკანასკნელ გზაზე გააცილესდღეს უკანასკნელ გზაზე გააცილეს ნიკო ნიკოლაძის სახლ-მუზეუმის ხელმძღვანელი, ლია ბიბილეიშვილი. 65 წლის ქალბატონი გუშინ, სამტრედიის სამედიცინო ცენტრში, რომელიც კოვიდკლინაკად არის გადაკეთებული, გარდაიცვალა. ლია ბიბილეიშვილი ექვსი დღის წინ მოათავსეს კლინიკაში, სადაც ინფიცირებულებული ქალბატონის გადარჩენა ვერ მოხერხდა. გარდაცვლილი დღეს საგვარეულო სასაფლაოზე მიიყვანეს, სადაც მასთან გამოსამშვიდობებლად ოჯახის ახლობლები, მეგობრები და კოლეგები მივიდნენ. ლია ბიბილეიშვილი დიდ ჯიხაიშში, ნიკო ნიკოლაძის სახლ-მუზეუმს 25 წელია ... ...
  • კომუნიკაციების კომისიამ 5G ინტერნეტის დანერგვასთან დაკავშირებით საკონსულტაციო დოკუმენტი გამოაქვეყნაკომუნიკაციების კომისიამ 5G ინტერნეტის დანერგვასთან დაკავშირებით საკონსულტაციო დოკუმენტი გამოაქვეყნა. "გურია ნიუსი" დოკუმენტის შინაარსს უცვლელად გთავაზობთ. "5G ტექნოლოგიას უმნიშვნელოვანესი როლი ენიჭება ისეთი სფეროების განვითარებისთვის, როგორიცაა ეკონომიკა, ჯანდაცვა, განათლება, ბიზნესი. ყველა იმ სიკეთის გათვალისწინებით, რომელიც 5G ტექნოლოგიას შეუძლია მოუტანოს ქვეყანას, კომუნიკაციების კომისია აქტიურად აგრძელებს მუშაობას ქვეყანაში მისი დანერგვის მიზნით. 5G მომსახურებისთვის სიხშირული რესურსის გასაცემად აუქციონის ჩასატარებლად კომუნიკაციების კომისია საკონსულტაციო დოკუმენტს აქვეყნებს. დოკუმენტი აუქციონის პირობებისა და ვალდებულებების შესახებ, მათ შორის 5G მომსახურებისთვის ხელმისაწვდომი სიხშირეების, საწყისი საფასურის, ლოტების, საქმიანობის დაწყების, დაფარვის და სხვა ვალდებულებების შესახებ ინფორმაციას მოიცავს. 5G მომსახურებისათვის განკუთვნილი სიხშირეები, საწყისი საფასური და სხვა პირობები კომუნიკაციების კომისიამ კომპანია Ernst & Young-ის ექსპერტების ჩართულობით, ევროკომისიის გადაწყვეტილებების და ევროპელი კოლეგა მარეგულირებლების გამოცდილების გათვალისწინებით განსაზღვრა. აუქციონში გამარჯვებულ კომპანიას სიხშირული რესურსი დროებით სარგებლობაში 15 წლის ვადით გადაეცემა. დაფარვის ვალდებულებების შემუშავებისას კომუნიკაციების კომისიამ საქართველოს ფართოზოლოვანი ქსელების განვითარების 2020-2025 წლების ეროვნული სტრატეგიის და მისი განხორციელების სამოქმედო გეგმით იხელმძღვანელა. საკონსულტაციო დოკუმენტის თანახმად, კომპანიები ვალდებულები იქნებიან 2-7 წელიწადში ეტაპობრივად დაფარონ კონკრეტული გეოგრაფიული არეალები, რომლებიც მოიცავენ როგორც დასახლებულ პუნქტებს, ასევე, საგზაო მაგისტრალებს, აეროპორტებს, პორტებსა და რკინიგზას. იმისთვის, რომ 5G ტექნოლოგიის დანერგვასთან დაკავშირებული ყველა საკითხი მაქსიმალურად იყოს გაანალიზებული, კომუნიკაციების კომისია დაინტერესებულ მხარეებს და ტელეკომ ოპერატორებს აძლევს შესაძლებლობას გაეცნონ საკონსულტაციო დოკუმენტს და წარმოადგინონ თავიანთი მოსაზრებები და წინადადებები 2020 წლის 22 დეკემბრის ჩათვლით", _ აღნიშნულია ... ...
  • ზურაბ ნასარაია ლანჩხუთის მუნიციპალიტეტში მიმდინარე სამუშაოებს გაეცნო (R)რეგიონული განვითარებისა და ინფრასტრუქტურის სამინისტროს, რეგიონებში გასახორციელებელი პროექტების ფონდიდან ლანჩხუთის მუნიციპალიტეტში 5 მილიონ ლარამდე ღირებულების სამუშაოები ფინანსდება. ქალაქის ცენტრალურ ქუჩაზე ტროტუარებისა და საფეხმავლო ბილიკების მოწყობა მიმდინარეობს. პროექტის ფარგლებში მოწესრიგდა სანიაღვრე არხები, მოეწყო ბორდიურები, საფეხმავლო ბილიკები. ასევე, შეიცვლება გარე განათების სისტემა, მიმდინარეობს ორი სტადიონის მშენებლობა ქ. ლანჩხუთში. ღრმაღელე-ომფარეთის გზის 1 კილომეტრამდე მონაკვეთზე ასფალტის საფარი დაიგო. სოფელ ღრმაღელეში დაგეგმილია ასევე 7 კილომეტრი გზის რეაბილიტაცია. სტიქიის სალიკვიდაციო ღონისძიებების ფარგლებში სოფელ მაჩხვარეთში რეაბილიტირდა ხიდი. სამუშაოების მიმდინარეობას გურიის სახელმწიფო რწმუნებული ზურაბ ნასარაია, ლანჩხუთის მერთან ალექსანდრე სარიშვილთან, საკრებულოს თავმჯდომარე ბესიკ ტაბიძესთან და ადგილობრივი ხელისუფლების სხვა წარმომადგენლებთან ერთად გაეცნო. ... ...
  • გენერალი ბენ ჰოჯესი: საქართველო ნატო-ში ახლავე უნდა მივიწვიოთ,,ახლავე მივიწვიოთ საქართველო ნატო-ში“ , _ ამის შესახებ ევროპაში აშშ-ის სახმელეთო ჯარების ყოფილმა მეთაურმა, გენერალმა ბენ ჰოჯესმა ანალიტიკური ორგანიზაცია ,,ჯეოქეისის“ მიერ ორგანიზებულ ონლაინ დისკუსიის დროს განაცხადა. ,,პირველი - ახლავე მივიწვიოთ საქართველო ნატო-ში. ჩვენ გვაქვს პრეცედენტი, დასავლეთ გერმანია ნატო-ს წევრი გახდა, როდესაც აღმოსავლეთ გერმანიაში საბჭოთა ჯარი იდგა. ასე რომ, არსებობს სახელმწიფოს ნატო-ში მიწვევის პრეცედენტი იმ შემთხვევაშიც კი, თუ მისი ნაწილი ოკუპირებულია რუსეთის მიერ“, _ განაცხადა გენერალმა ჰოჯესმა. ამერიკელმა გენერალმა, შავი ზღვის რეგიონის სტრატეგიულ მნიშვნელობაზეც ისაუბრა. ,,ვიმედოვნებ, ახალ ადმინისტრაციას ექნება მრავალმნიშვნელოვანი სტრატეგია, თუ როგორი უნდა იყოს ურთიერთობები რუსეთთან, ჩინეთთან და ამ რეგიონთან. ძალიან ვამაყობ ამერიკის საელჩოს გუნდით თბილისში, ამერიკის საელჩოს გინდით კიევში, ჩვენ დიდებული დიპლომატები გვყავს და ისინი მუშაობენ, რომ წარმოადგინონ ჩვენი ქვეყანა, მაგრამ მათ არ მიეწოდებათ სტრატეგია, რომლითაც ამერიკული  კონტრიბუციის და ძალისხმევის თავმოყრა მოხდებოდა. ეს არის ის, რაც გვაკლია. ამერიკას სჭირდება სტრატეგია შავი ზღვის რეგიონისთვის. ჩვენ არ გვჭირდება სტრატეგია საქართველოსთვის ან სტრატეგია უკრაინისთვის, ჩვენ გვჭირდება პოლიტიკა საქართველოსთვის და პოლიტიკა უკრაინისთვის, რომელიც შავი ზღვის რეგიონის სტრატეგიის ნაწილი იქნება. საქართველომ, უკრაინამ და ამ რეგიონის სხვა სახელმწიფოებმა ძალისხმევა უნდა გააერთიანონ, რათა გაიზარდოს ცნობადობა და მიმზიდველი გახდნენ ეკონომიკური ინვესტიციებისთვის. ეს არის ჩემთვის ყველაზე მნიშვნელოვანი. მნიშვნელოვანია საქართველომ და უკრაინამ სხვადასხვა მიმართულებებით განამტკიცონ ურთიერთობები, თუნდაც გააუმჯობესონ თანამშრომლობა სადაზვერვო ინფორმაციის გაცვლის მიმართულებით, ასევე ეკონომიკური კუთხით“, _ განაცხადა ბენ ჰოჯესმა. ასევე, მან აღნიშნა, რომ ყირიმის პორტიდან გამოსული გემი შავი ზღვის რეგიონის არცერთმა ქვეყანამ არ უნდა შეუშვას საკუთარ პორტში. ,,ამ რეგიონში არცერთმა პორტმა არ უნდა შეუშვას ყირიმის პორტიდან გამოსული გემი რომელიმე პორტში, რადგან ეს არაკანონიერია. ყველა თანხმდება, რომ ყირიმი უკანონოდ არის ოკუპირებული.  პრეზიდენტმა პოროშენკომ ყველა პორტი დახურა ყირიმში, მაგრამ რუსეთი კვლავ განაგრძობს მათით სარგებლობას.  საქართველომ აქ უნდა შეასრულოს წამყვანი როლი, მაგალითად სევასტოპოლიდან გამოსულ გემებს არ უნდა შეეძლოთ ბათუმში ან ფოთში შესვლის საშუალება, ან თურქეთში შესვლა“ - აღნიშნა გენერალმა ბენ ჰოჯესმა . მან, ასევე, განაცხადა, რომ მნიშვნელოვანია  უფრო მეტი და მასშტაბური სამხედრო წვრთნების ჩატარება და საქართველოში სამხედრო ინფრასტრუქტურაში ინვესტიციების ... ...

არქივი