"ყვავილებში ნაპოვნი ენერგია ჩაის აღორძინებაში დამეხმარება"

კარმიდამო ჩემი

"ყვავილებში ნაპოვნი ენერგია ჩაის აღორძინებაში დამეხმარება"

10 სექ. 2018, 13:20:36

ფატი გრიგალაშვილი ოზურგეთის მუნიციპალიტეტის სოფელ ქაქუთში სამიოდე წლის წინ დაბრუნდა და მშობლების სახლთან ახლოს დაფუძნდა.

_ ადრეულ ასაკში დავქორწინდი. ყველაფერი კარგად აეწყო და ახალგაზრდა, თუმცა, უკვე ბებია ვარ.

თბილისიდან მშობლიურ სოფელში დაბრუნება, არა ერთი ადამიანის მსგავსად, მეც მომინდა და ეს გასაკვირი არ უნდა იყოს _ ბევრი დგამს ასეთ ნაბიჯს, თუმცა, ზოგს მაინც უკვირს, თბილისში კომფორტულ ცხოვრებას რატომ ვარჩიე სოფელში დაბრუნება. უდიდესმა სიყვარულმა ამამოძრავა, რომელიც სულ იყო ჩემში, მუდამ აქეთ მიხმობდა რაღაც შინაგანი, დედასთან ახლოს მექაჩებოდა იდუმალი ძალა. მოსვლისთანავე საქმეს შევუდექი.

იქნებ გაგიკვირდეთ, ეზო-გარემოს საგანგებოდ მოწყობა-გალამაზებაზე ვფიქრობ, თუმცა, სხვა ვერაფერი მომანიჭებს შინაგან იმპულსს. აი, ჩაის აღორძინებაში მონაწილეობის მიღებაზე კი ნამდვილად სერიოზულად ვფიქრობ _ ყვავილებში ნაპოვნი ენერგია, უსათუოდ ჩაის რეაბილიტაციაში დამეხმარება, _ გვეუბნება ჩვენი მასპინძელი, ეგზოტიკური ჯიშის ვარდ-ყვავილებითა თუ მარადმწვანე ბუჩქოვნებით კარმიდამოს მომრთველ-მომკაზმველი ქალბატონი. ამბობს, რომ ჯერ მთავარი წინაა, ბევრის გაკეთებას აპირებს და გვპირდება, რომ საკვირველ კარმიდამოს არა მარტო თავისთვის მოიწყობს, არამედ ეცდება, ეს განწყობა სოფელში მცხოვრებ ყველა ქალბატონს გადასდოს.

ყველაფერი დაიწყო იმით, რომ მეუღლისგან მოცემული ფული მოაგროვა და ისე, რომ მისთვისაც გადაწყვეტილების შესახებ არ უთქვამს, მშობლიურ სოფელში სახლი და ერთ ჰექტრამდე მიწის ფართობი შეიძინა. გააშენა თხილის პლანტაცია, ცალკე იყიდა გაველურებული ჩაის ფართობი, სადაც სასწრაფოდ მოახდინა მძიმე გასხვლა და საქმეს შეუდგა.

ამბობს, რომ მეუღლეს სიურპრიზი გაუკეთა და ამით ძალიან გაახარა:

_ ზოგს სოფელში დაბრუნებას ასაკი და ნოსტალგია ანდომებს, თუმცა, მე ახალგაზრდობიდანვე აქეთ მომიწევდა გული და სულ მინდოდა, სადმე, დედასთან ახლოს ვყოფილიყავი".

ქალბატონ ფატის ახლად შეძენილი კარმიდამო, მიუხედავად იმისა, რომ მზრუნველი ხელი მისი მოსვლის შემდეგ დაეტყო, უკვე ბაღნარად არის ქცეული. აქ ბევრია ეგზოტიკური ყვავილები და ბუჩქოვნები, თუმცა, მინდვრის ფერადი ყვავილებიც არ აკლია გარემოს.

_ შრომა და ყვავილები დედამ შემაყვარა. კი არ უთქვამს, მაინც და მაინც ყვავილებზე გაგიჟდიო, უბრალოდ, რასაც აკეთებდა, ვხედავდი და უთქმელად, თავისთავად ჩნდებოდა ჩემში მიწის, ყვავილების და ზოგადად შრომის სიყვარული, _ გვეუბნება ქალბატონი ფატი და სახლის შესასვლელთან ჩამწკრივებული ყვავილებიდან, გარდენიას განსაკუთრებით ეფერება, განწყობის და სტიმულის ელექსირად მიაჩნია.

"გარდენიას ზღვა ენერგია მოაქვს"

_ "მსუქანას" ანუ ფულის ხეს საგანგებო ადგილს და სივრცეს ვუთმობ. ეს შეიძლება სისუსტეა, მაგრამ რატომღაც თვითრწმენა მაქვს ამ მცენარის მიმართ. ფულზე არ ვგიჟდები, მაგრამ იმდენად აუცილებელია, სწორედ ეს აუცილებლობის შეგრძნება გადმოდის, მგონია, ამ მცენარისგან. იდუმალი ძალაა თვითრწმენა, რომელიც შთამაგონებს, ვიმოქმედო. რაც უფრო მეტი საოცარი მცენარე და ყვავილია ჩემ ირგვლივ, მით მეტად მემატება ძალა, ენერგია, განწყობა. ყველა არ არის ასე _ ჩემთვის უთქვამთ, მომწონს, ასე რომ ამშვენიერებ გარემოს, მაგრამ მე არ შემიძლია ეს ვაკეთოო. მე პირიქით, ეს რომ არ ვაკეთო, არც განწყობა მექნება და ძალაც გამომეცლება ნებისმიერი საქმის საკეთებლად.

"ფულის ხეს" სახლში საკუთარი ადგილი აქვს

ეზოს რელიეფი ეხმარება ესთეტ ქალბატონს, გარემოს საკუთარი ფანტაზია და გემოვნებით ნაკარნახევი ელფერი დაატყოს. მართალია, სამეურნეო საქმიანობას და მებაღეობას ერთად ეწევა, მაგრამ ხეხილოვნების თუ ყვავილოვანთა ბაღების ძალზე დაშორიშორება არ უცდია.

ჭიშკარში შესვლისთანავე კივის ხეივანი მარცხენა სერს ეკვრის. მარჯვნივ ყვავილები, მერე კი ატმების ჩერო და თხილის პლანტაციაა. სახლის შემოგარენში კიტრის და სხვა ბოსტნეულის პატარ-პატარა კორომებია. სხვადასხვა ჯიშის ვარდების, კაქტუსოვნების, მარადმწვანე ბუჩქების გეგმაზომიერი განლაგება, ქალბატონის დახვეწილ გემოვნებაზე მიუთითებს. დეკორატიული ხაზი ჭასთან ახლოს უფრო იგრძნობა _ სასმელი წყლის სიახლოვეს და სახლის კარიბჭესთან სილამაზის ელფერი უნდა ჭარბობდესო, _ ამბობს. გარდენიების და კავკასიური ჭანჭყატის მარადმწვანე ბუჩქები რიკულებიან აივანთან თითქოს ამიტომაც ჩამწკრივებულან საპატიო ყარაულში.

რაც შეეხება ოთახის ყვავილების განლაგებას, ქალბატონ ფატის ამ მხრივაც საკუთარი ხედვა აქვს _ კიბეებზე დიდი და საგანგებო სილამაზის ყვავილები ლამაზ ქოთნებშია განთავსებული _ სტუმარს მასპინძლის პოზაში უნდა დახვდეს და წასვლის დროსაც გააცილოსო.

შვილებსა და შვილიშვილებს მშობლიურის სიყვარულს შთააგონებს, სურვილი აქვს, მთელ სოფელს გადასდოს საკუთარი განწყობა _ ულამაზესი ბუნების, ყვავილების, მზის და ცის საკუთარი ნაწილის არსებობის სჯერა და სამაგიეროდ სამყაროს ამ ჟესტით ეფერება.

_ მახსოვს ჩაის პლანტაციებით დასერილი ჩემი სოფელი. მაღლობზე ვცხოვრობთ, ამიტომ, შეიძლება ძალზე ლამაზად ჩანდა და ჩაის კრეფის სიმძიმე ვერ წარმომედგინა, რასაც ხშირად უჩიოდნენ აქაურები. თუმცა, ხალხს არ უჭირდა ოჯახის შენახვა. მოკლედ, იმის თქმა მინდა, რომ მართალია, მაშინდელი მეჩაიე ქალი ოჯახის რჩენაში დიდ როლს ასრულებდა, მაგრამ უსაზღვროდ დაღლილი იყო. მე მინდა დღეს ჩაის აღორძინებაში მივიღო მონაწილეობა, თუმცა, მაინტერესებს მუშაობის სხვა რეჟიმი და ჩაის სხვა ხარისხი. რა თქმა უნდა, ორივე მიმართულებით ბევრად გაუმჯობესებული და რაც მთავარია, ღირსეული ანაზღაურებით დამთავრებული, _ ამბობს ქალბატონი ფატი.

 რაც შეეხება ბიზნესის წარმართვას რომელიმე მიმართულებით, ფატი გრიგალაშვილი ამბობს, რომ ყვავილების მრავალფეროვანი სამყარო აქ მხოლოდ განწყობისა და სტიმულისთვის იქმნება და ბიზნესზე ფიქრს არ ექვემდებარება:

_ ამ ყვავილებს, რაც უნდა ბევრი მქონდეს, გასაყიდად რომ შევეხო, ჩემი სულის ნაწილსაც წაიღებს. აქ მუდამ უნდა მივუმატო რაღაც ახალი და ზღაპრული გარემო შევქმნა, სიცოცხლის გამხანგრძლივებელი. აი, ჩაის რეაბილიტაციაში კი მინდა ჩემი წვლილი შევიტანო. მინდა, თანამედროვე მეჩაიე ქალის სახე შეიქმნას, ღირსეული ანაზღაურებით და შრომის პირობებით კმაყოფილი. უნდა გამომივიდეს, _ გვეუბნება ღიმილიანი ქალბატონი.

ფატი გრიგალაშვილი საუკეთესო კულინარიცაა და ამ ეტაპზე საკუთარ ეზოში დაკრეფილი ატმისა და სხვა ხილეულის მურაბების გაკეთებითაა დაკავებული. მან შემოგვთავაზა ატმის მურაბის საინტერესო რეცეპტი, რომლის გაკეთებაც დედისგან ისწავლა.

გვეუბნება, რომ ისეთი მურაბაა კარგი, სადაც ხილის ნატურალურობა ცოტათი მაინც იქნება შენარჩუნებული და მხოლოდ შაქრის სიროფისგან გაჟღენთილი, გადახარშული ხილის ნაჭერი არ უნდა შეგვრჩეს ხელთ, რომლის გემოს ამოცნობაც კი სჭირს ზოგჯერ, თუ რა სახეობის ხილიაო.

ფატი გრიგალაშვილი ჭერმის და გარგრის მურაბის საკუთარ რეცეპტს გვთავაზობს

ფატი გრიგალაშვილის მიერ შემოთავაზებული ატმის მურაბის რეცეპტი კი ასეთია: ერთი კილოგრამი ატამი გავთალოთ და დავჭრათ კბილანებიანი დანით. ერთ კილოგრამ შაქარს დავასხათ ერთი ჭიქა წყალი (გავზარდოთ რაოდენობის მიხედვით) და მოვამზადოთ სიროფი. ადუღებიდან 15 წუთის შემდეგ გადმოვდგათ. როცა გაგრილდება, ჩავყაროთ მომზადებული ატამი და დავდგათ მეორე დღემდე. შემდეგ წამოვადუღოთ 15 წუთის განმავლობაში, გადმოვდგათ და ამოვალაგოთ ატმის ნაჭრები. მერე სიროფი დავდგათ მოსადუღებლად.

ადუღებიდან 15 წუთის განმავლობაში არ გადმოვდგათ. დავამატოთ ლიმონის ცედრა. შემდეგ შევწყვიტოთ პროცესი, გადმოვდგათ, ჩავყაროთ ატამი, გავანაწილოთ ქილებში, შევავსოთ სიროფით და დავხუროთ მჭიდროდ. ჰერმეტული მოხუფვა საჭირო არ არის, შეიძლება პლასტმასის ხუფებით დავხუროთ.




 ახალი ამბები
  • ქორწინების რეგისტრაციის წესში ცვლილებები შევიდაიუსტიციის მინისტრის თეა წულუკიანის ახალი ბრძანებით, ქორწინების სარიტუალო წესი შეიცვალა. შესაბამისი ბრძანება „საკანონმდებლო მაცნეზეა“ ხელმისაწვდომი. კერძოდ, სპეციალური სარიტუალო მომსახურებით და ადგილზე მომსახურებით (შენობის გარეთ მომსახურება) ქორწინების რეგისტრაციისას საქორწინო სივრცეში დასაშვებია დასაქორწინებელ პირებთან ერთად იმყოფებოდნენ მხოლოდ მათი მშობლები, ასევე მოწმეები და ერთი ფოტოოპერატორი. სავალდებულოა საქორწინო სივრცეში მყოფ პირთა შორის რეკომენდებული სოციალური დისტანციის დაცვა. ეს დროებითი წესი თბილისის იუსტიციის სახლის შენობაში მდებარე ქორწინების სახლის მიმართ - 2020 წლის 29 მაისიდან; ხოლო, თბილისში, უზნაძის ქ. №2-ში მდებარე ქორწინების სახლის მიმართ -2020 წლის 31 მაისიდან ... ...
  • ლანჩხუთში დამოუკიდებლობის დღე აღნიშნესსაქართველოს დამოუკიდებლობის დღე, 26 მაისი, სხვა ქალაქების მსგავსად ლანჩხუთშიც მოკრძალებულად აღინიშნა. ტრადიციისამებრ, მუნიციპალიტეტის ხელმძღვანელმა პირებმა საქართველოს პირველი რესპუბლიკის მთავრობის თავმჯდომარე, ნოე ჟორდანიას ბიუსტი ყვავილებით შეამკეს. „მნიშვნელოვანია, რომ საქართველოს დემოკრატიულ განვითარებას საუკუნის წინ დაედო საფუძველი. ნიშანდობლივია, რომ დამოუკიდებლობის აქტზე ხელმომწერი 14 პირი სწორედ ლანჩხუთიდანაა. მინდა მივულოცო თითოეულ ლანჩხუთელს და სრულიად საქართველოს დამოუკიდებლობის დღე. გამთლიანება, განვითარებულ და ძლიერ საქართველოში ცხოვრებას გისურვებთ“, _ აღნიშნა ლანჩხუთის მერმა ალექსანდრე ... ...
  • ძვირადღირებული ინფრასტრუქტურული პროექტი და უკმაყოფილო მოსახლეობა ლანჩხუთშილანჩხუთში აღმაშენებლის ქუჩის მოსახლეობამ გამაფრთხილებელი საპროტესტო აქცია გამართა. საქმე ისაა, რომ ამ ქუჩაზე, რომლიც ავტობანს უნდა დაუკავშირდეს, გარკვეული სახის იფრასტრუქტურული სამუშაოები მიმდინარეობს. აქ იფრასტრუქტურული სამუშაოები რამდენიმე თვის წინ დაიწყო და პროექტის შესაბამისად, რომლის ღირებულებაც ორი მილიონ 900 ათასი ლარია, იგეგმება სანიაღვრე არხების გაახლება, ტროტუარების მოწყობა და გზის საფარის დაგება. თუმცა, ირკვევა, რომ სამუშაოების მიმდინარეობის ხარისხით ადგილობრივი მოსახლეობა უკმაყოფილია და მათი ნაწილი ეჭვობს, რომ სამშენებლო სამუშაოები სტადარტების დარღვევით მიმდინარეობს. მოსახლეობის თქმით, უხარისხოდ შესრულებული სამუშაოების გამო მათი ეზოები იტბორება და თუ არ გამოსწორდება არსებული ხარვეზები, სამუშაოების დასრულების შემდეგ ადგილობრივები გაცილებით ცუდ მდგომარეობაშია ... ...
  • სალომე სამადაშვილი 2011 წლის 26 მაისის აქციის დაშლაზე - არ მახსოვს, რა აქციაზე მელაპარაკებითარ მახსოვს, რა აქციაზე მელაპარაკებით, – ასე უპასუხა „ერთიანი ნაციონალური მოძრაობის“ წარმომადგენელმა, სალომე სამადაშვილმა საქართველოს პირველი არხის კითხვას, რამდენად სწორი იყო 2011 წლის 26 მაისის აქციის დაშლის ფორმა. „რომელ აქციაზე მეკითხებით. არ მახსოვს, რა აქციაზე მელაპარაკებით. 2011 წლის 26 მაისს რა აქცია გაიმართა, ქალბატონ ბურჯანაძეს გულისხმობთ? თქვენ თუ გულისხმობთ იმას, რომ იყო მცდელობა, ჩვენი ქვეყნის სახელმწიფოებრიობის, დამოუკიდებლობის აღდგენის დღეს ჩაშლილიყო სახელმწიფოს მიერ დაგეგმილი შესაბამისი ღონისძიებები, რაც ფაქტობრივად იყო თავდასხმა საქართველოს სახელმწიფოზე და ჩვენს სახელმწიფო ინტერესებზე და ეს ყველაფერი ხორციელდებოდა იმ ხალხის მიერ, რომლის საგარეო პოლიტიკური ორიენტაცია, ყველამ ვიცით, არის მიმართული ჩვენი ჩრდილოელი მეზობლისგან, ვფიქრობ, რომ სახელმწიფოს უნდა დაეცვა საკუთარი სახელმწიფოებრივი ინტერესები. თუმცა, რა თქმა უნდა, ძალიან სამწუხაროა, თუ რა პროცესში მოხდა შესაბამისად ძალის გადამეტება. თუმცა, რამდენადაც ჩემთვის ცნობილია, განსხვავებით, მაგალითად, როდესაც გავრილოვის პარლამენტში მომყვანმა ხელისუფლებამ შემდგომ დაარბია საკუთარი თანამოქალაქეები და დღემდე გამოუძიებელი რჩება ყველა ეს საქმე და დაზარებულის სტატუსიც არ მიუნიჭებიათ იმ ადამიანებისთვის, ვისაც რეზინის ტყვიები ესროლა „ქართულმა ოცნებამ“ სერგეი გავრილოვის გამო, განსხვავებით ამისგან, მე რამდენადაც მახსოვს, 26 მაისს ძალის გადამეტების შემთხვევები იყო გამოძიებული და შესაბამისად, დასჯილი“, – აღნიშნა სალომე სამადაშვილმა. კითხვაზე, უქმნის თუ არა უხერხულობას ნინო ბურჯანაძესთან თანამშრომლობა, სალომე სამადაშვილმა განაცხადა: „მე მიმაჩნია, რომ მათ შორის იმ ადამიანებს, რომლებსაც მე შეიძლება ბევრ რამეში არ ვეთანხმები, აქვთ უფლება, მიიღონ მონაწილეობა დემოკრატიულ თავისუფალ არჩევნებში ქვეყანაში, რადგან ქართველმა ხალხმა უნდა განსაზღვროს, ვის მიანიჭებს ის ნდობას და დარწმუნებული ვარ, ჩვენი ხალხი შესაბამის პასუხს გასცემს არჩევნებზე ყველა პოლიტიკოსის პირად გადაწყვეტილებას და პოლიტიკურ არჩევანს, თუმცა თავისუფალ არჩევნებში მონაწილეობის მიღება და დემოკრატიული სტანდარტებით ჩატარებული არჩევნების უფლება აქვს ყველა პოლიტიკურ ძალას, მიუხედავად იმისა, თუ მე რას ვფიქრობ მათ შეხედულებებზე“. წყარო:  ... ...
  • რა ცვლილებები შედის საქართველოს პარლამენტის რეგლამენტშისაქართელოს კონსტიტუციასთან შესაბამისობაში მოყვანის მიზნით, ცვლილებები შედის საქართველოს პარლამენტის რეგლამენტში. პროექტის ინიციატორები საპარლამენტო უმრავლესობის წარმომადგენლები გიორგი კახიანი, გურამ მაჭარაშვილი და ირაკლი კობახიძე არიან. „რეგლამენტში ცვლილების განხორციელება გამოწვეულია იმით, რომ კონსტიტუციაში განხორციელებული ცვლილებით იცვლება მათ შორის, დასახელებებიც. კონსტიტუციაში წერია, სიტყვა - ოპოზიცია და არ არის უმცირესობა, შესაბამისად, ხდება პარლამენტის სტრუქტურის ოპტიმიზაცია, მათ შორის კომიტეტებისაც. ასევე, კონკრეტდება საპარლამენტო ცხოვრებაში როგორც უმრავლესობაში შემავალი ასევე, ოპოზიციაში არსებული ფრაქციების მონაწილეობა. როგორც ასეთი, სუბიექტები - უმრავლესობა და უმცირესობა აღარ იქნება. აუცილებლად იქნება ის, რომ პარლამენტის წევრების უმრავლესობა - მინიმუმ 76 პარლამენტის წევრი მთავრობას ჩამოაყალიბებს, მაგრამ უმრავლესობა, როგორც საპარლამენტო სუბიექტი, რომელსაც თავისი აპარატი ეყოლება - ეს აღარ იქნება", განმარტა საპროცედური საკითხთა და წესების კომიტეტის თავმჯდომარემ, გურამ მაჭარაშვილმა. მისი თქმით, უმრავლესობაში შესვლის უფლება აქვს როგორც ფრაქციას ასევე, უფრაქციო პარლამენტის წევრებს. ხოლო, საპარლამენტო უმრავლესობის გარეთ დარჩენილი ყველა ფრაქცია და უფრაქციო დეპუტატი იქნება ოპოზიცია. რეგლამენტის ახალი პროექტით, ერთი პოლიტიკური პარტიის ან საარჩევნო ბლოკის წარდგენით არჩეულ პარლამენტის წევრებს უფლება არა აქვთ შექმნან ერთზე მეტი ფრაქცია. სხვადასხვა პოლიტიკური პარტიის ან/და საარჩევნო ბლოკის წარდგენით არჩეული პარლამენტის წევრების მიერ საერთო ფრაქციის შექმნა დაუშვებელია. პარლამენტის ყველა წევრი, რომელიც არ შედის საპარლამენტო უმრავლესობაში, განეკუთვნება საპარლამენტო ოპოზიციას. „ოპოზიცია იქნება ყველა ის დეპუტატი, რომელიც იქნება უმრავლესობის გარეთ. აი ეს ცვლილებები იწვევს ყველა სხვადასხვა მუხლებში ცვლილების განხორციელებას, რადგან დამოუკიდებელი დეპუტატის ნაცვლად, იქნება უფრაქციო დეპუტატი, ეს ასევე იწვევს კვოტების განაწილების წესის ცვლილებას, ასევე ვიცესპიკერების განაწილების კვოტებს და არეგულირებს კომიტეტის თავმჯდომარეების, მისი მოადგილეების განაწილების პროცესს. ძირეული ცვლილებები არის ის რომ კონსტიტუციასთან შესაბამისობაში მოყვანა როგორც უმრავლესობის და უმცირესობის არარსებობის და უმრავლესი წევრების შეკრების სახით, ასევე კვოტების განაწილების სახით", - განმარტა კანონპროექტის ერთ-ერთმნა ინიციატორმა. მისი თქმით, მცირდება ვიცესპიკერების რაოდენობა, და იგი ჩამოვიდა სამზე, მათ შორის ერთი კვოტა არის ოპოზიციის. საკანონმდებლო ინიციატივის სახით, ცვლილება ასევე ეხება კომიტეტების შემცირებას. ახალი რეგლამენტით პარლამენტს სულ სულ განსაზღვრულია 13 კომიტეტი ეყოლება. ესენია: • ადამიანის უფლებათა დაცვისა და სამოქალაქო ინტეგრაციის; • განათლებისა და მეცნიერების; • გარემოს დაცვისა და ბუნებრივი რესურსების; • დარგობრივი ეკონომიკისა და ეკონომიკური პოლიტიკის; • ევროპასთან ინტეგრაციის; • თავდაცვისა და უშიშროების; • იურიდიულ საკითხთა; • რეგიონული პოლიტიკისა და თვითმმართველობის; • საგარეო ურთიერთობათა; • საპროცედურო საკითხთა და წესების; • საფინანსო-საბიუჯეტო; • კულტურის, სპორტის, ახალგაზრდობისა და დიასპორის საკითხთა; • ჯანმრთელობის დაცვისა და სოციალურ საკითხთა.". „აგრარულ საკითხთა კომიტეტი დარგობრივი ეკონომიკისა და ეკონომიკური პოლიტიკის კომიტეტთან გაერთიანდება, ხოლო დიასპორისა და კავკასიის საკითხთა კომიტეტის შემთხვევაში, შესაბამისი მიმართულება გაერთიანდება კულტურის, სპორტის, ახალგაზრდობის საკითხებთან ერთად, ერთ კომიტეტში; თავის მხრივ, კულტურის კომპონენტი გამოეყოფა განათლებისა და მეცნიერების კომიტეტს. პარლამენტის რეგლამენტში განსახორციელებელი ცვლილებები თანმდევ პროექტებში ცვლილებას იწვევს , რაც ძირითადად ტექნიკური ხასიათისაა. ეს ცვლილებები ამოქმედდება მეათე მოწვევის პარლამენტისთვის, რომელსაც საშუალება ექნება დაიწყოს ფუნქციონირება ახალი კონსტიტუციის და პარლამენტის ახალი რეგლამენტის შესაბამისად", - განაცხადა გურამ ... ...

არქივი

ტესტები

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

რას ფიქრობთ სოფლის მეურნეობის დახმარების პროგრამაზე?