საიმედო სიახლე _ "ღორის ჭირს სამუდამოდ დავამარცხებთ!"

კარმიდამო ჩემი

საიმედო სიახლე _ "ღორის ჭირს სამუდამოდ დავამარცხებთ!"

2017 აპრ 13 12:18:38

ბოლო წლების მანძილზე საქართველოში გავრცელებულმა ე. წ. ღორის დაავადებამ, რომელსაც ზოგი აფრიკულ ცხელებას ეძახდა, ზოგიც მფრინავ ჭირს და კიდევ სხვა სახელებს, ქართველი მეურნის ეკონომიკური ყოფა თითქმის გააჩანაგა _ ყველა ოჯახს თუ მოქმედ ფერმებს პირუტყვის უმეტესობა დაეხოცა. გასულ წელს დაავადებამ კვლავ შემოუტია გურიის რეგიონს და აქა-იქ დარჩენილი, როგორც გურულები ამბობენ, "ძლივს გამოჯიშებული" პირუტყვი კვლავ დაიხოცა.

ოზურგეთელი ვეტექიმი თამაზ კილაძე ამბობს, რომ არავის დაუდგენია, კონკრეტულად რა სახის დაავადება იყო ეს. უფრო, ალბათ, ღორის ჭირი იყო _ პასტერელოზი.

_ საქმე იმაშიცაა, რომ მოსახლეობა აცრების საკითხს მაინც არ ექცეოდა ყურადღებით. პირუტყვის ჰაიჰარად მიშვება და მხოლოდ ნარჩენი პროდუქტით გამოკვება საბოლოოდ არასდროს მოიტანს სასურველ შედეგს. დღეისთვის ჩვენ ხელთ გვაქვს ბიოპრეპარატი "ნეტოპლასტი", რაც სრულ შემობრუნებას ახდენს ღორის გადარჩენის საქმეში, ვერანაირი ჭირი მას ვერ მოერევა, თუ ჩვენი ფერმერები, მცირე საშინაო მეურნეობის წარმომადგენლები, ზუსტად გაითვალისწინებენ რჩევას, თუ როგორ ებრძოლონ ნებისმიერი სახის ჭირს, რაც არათუ ღორს, არამედ ვერც ერთ პირუტყვს ვერანაირ ზიანს ვერ მიაყენებს, _ ამბობს ის.

ჩვენ ოზურგეთის მუნიციპალიტეტის სოფელ ბოხვაურში ვესტუმრეთ ზურაბ და ტატიანა ჩავლეშვილების ოჯახს, სადაც ღორების გამოზრდის საქმეს ახალი მეთოდით მიუდგნენ. მათი ცდა, ასე ვთქვათ, ორი გოჭის გამოზრდის პრინციპით იწყება, რასაც უკვე, მეოთხე თვეა, შეუდგნენ.

_ ადრეულ წლებში ბევრ ღორსა და საერთოდ, უამრავ შინაურ პირუტყვს ვზრდიდით. მერე ჭირის შემოტევამ ძალიან დაგვაბრკოლა, თუმცა, ერთი ან ორი ღორის გამოზრდას მაინც ვახერხებდით, რადგან, კარგად ვიცით, სოფელში ოჯახი ისე არ იქნება, თუ საახალწლოდ მაინც, შვილებისა და შვილიშვილებისთვის ერთი ნაზარდი მაინც არ დაკალი! თუმცა, სულ შიშით ვუყურებდით, არიქა, ჭირი არ "მოფრინდეს", გოჭები მოწყენილები ხომ არ არიან, რა წამალი დავალევინოთ და ა.შ.

ახლა, როცა ყურში ჩაგვწვდა, რომ არსებობს ბიოპრეპარატი, რომელმაც შეიძლება, საოცარი დახმარება გაუწიოს ფერმერს, გადავწყვიტე, მეყიდა. ღორების სადგომიც ვეტექიმის რჩევისამებრ მოვაწყვეთ. ერთი მტკაველის სიმაღლეზე დავყარეთ ნახერხი, რომელზეც ზედაპირულად დავყარეთ ღერღილში არეული ბიოპრეპარატი "ნეტოპლასტი". გაკვირვებული ვარ _ სუნი გაქრა, რაც შეეხება ფეკალურ მასას, ნახერხში ისე იშლება, ვხუმრობ კიდეც ჩემს მეუღლესთან, ჩვენს გოჭებს ხომ არ გაუქრათ ეს ფიზიოლოგიური მოთხოვნა,-მეთქი, _ გვიამბობს ბატონი ზურაბი.

ქალბატონი ტატიანა ამბობს, რომ ყოველ დილით, როცა საჭმელი მიაქვს, გოჭები დაბანილი გეგონება. ამასთანავე საერთოდ არ გაჩენიათ ტილი ან სხვა რამ კანის დაავადება. ერთი, რაც აუცილებელია, ჭიის წამალი აუცილებლად უნდა მისცე. სხვა მხრივ კი, ამ ბიოპრეპარატის დახმარებით ისეთი ადვილი მოსავლელია, სამომავლოდ, აუცილებლად გავზრდით რაოდენობას და ძველებურად ხელს მოვკიდებთ მეღორეობას, რადგან ამ საქმეს ოჯახისთვის ეკონომიკური მდგომარეობის მნიშვნელოვნად გაუმჯობესება შეუძლიაო.

ახლა ჩავლეშვილებს ერთი ნეზვი და ერთი ტახი ჰყავთ. ზურაბ ჩავლეშვილი ამბობს, რომ ნეზვს აუცილებლად საჯიშედ გაუშვებს და ასევე ღორის ხელოვნურად დანერგვის მეთოდით ეცდება, მცირე შინა სასაქონლო მეურნეობა მოაძლიეროს. ამბობს, რომ მეზობლები თუ უახლესი ნათესავებიც არიან დაინტერესებულები, რამდენად ეფექტური იქნება ბიოპრეპარატი, რომელიც ჩვენში ასე გამანადგურებლად შემოჭრილ ღორის ჭირს შეებრძოლება. აღნიშნავს იმასაც, რომ ზოგს არ სჯერა ეს ამბავი და ცნობისმოყვარეობით ელოდება შედეგს.

ვეტექიმი თამაზ კილაძე ამბობს, რომ ბიოპრეპარატი სადეზინფექციო საშუალებაა, რომელიც ყველანაირ მიკრობს სპობს, ანადგურებს მწერებს, ტილებს, უსუნოს ხდის მთლიანად ღორის ფეკალურ მასას და სუფთა გარემოსაც აყალიბებს ამ ცხოველის ირგვლივ. რაც მთავარია, ამ გარემოში ვერანაირი ჭირი ვერ ახერხებს შეღწევას.

როგორ მოვიქცეთ, რომ არ დაგვეხოცოს ღორები?

თამაზ კილაძე თვალყურს ადევნებს ჩავლეშვილების ოჯახში ღორების გამოზრდას ბიოპრეპარატის დახმარებით და ამასთანავე ყველა ფერმერს ურჩევს:

_ საღორეში, სადაც ერთ დედა ღორზე აუცილებლად უნდა იყოს გათვალისწინებული 3-4 კვ.მ. ფართი, ჯერ უნდა დაიყაროს 30-40 სმ სიმაღლის ნახერხი, რომელზეც უნდა მოვაყაროთ ერთ კილოგრამ სიმინდის ღერღილში არეული 100 გრამი "ნეტოპლასტი". პირუტყვი აქ უნდა გვყავდეს დამწყვდეულ მდგომარეობაში. ის ნახერხს თავისთავად ჩიჩქნის, რაც დამახასიათებელია ამ პირუტყვისთვის. საჭმელს და წყალს საღორედან გამოყვანის შემდეგ მივცემთ. სასურველია, საღორის ირგვლივ მცირე შემოღობილი ფართობი გვქონდეს. არც ერთ შემთხვევაში არ შეიძლება ღორის ღია სივრცეში, ეზოს გადაღმა გაშვება. ამ პირუტყვს დღეში სამი კილოგრამი კომბინირებული საკვები ჰყოფნის, რომელიც თითო წილი ხორბლის, სიმინდის და სამი წილი ქერის ნაფქვისგან იქნება მომზადებული. იქნებ, დაუჯერებელია, მაგრამ საღორეს არ სჭირდება გამოწმენდა. აღნიშნული ნახერხი და ერთ ჯერზე მომზადებული ეს ბიოგარემო, პირუტყვს სამი წლის მანძილზეც კი ჰყოფნის. ჩვენში უმეტესად ერთი წლის მანძილზეც საკმარისია. ბიოპრეპარატის უნიკალური თვისება ის არის, რომ ნახერხის მასას, როგორი ფეკალური მასაც უნდა შეერიოს ღორის შიგ ყოფნისას, ხდის უსუნოს, უვნებელს, ხოცავს ნებისმიერი სახის მიკრობს, მავნებელ ტილს თუ ტკიპებს და ამასთანავე საბოლოოდ საუკეთესო სასუქი _ ნაკელიც გვრჩება ხელთ. რაც მთავარია, ამ მეთოდით მალე საქართველოში ღორის არანაირი დაავადება აღარ იქნება და ჩვენი გლეხობა, სოფლის მოსახლეობა ამოისუნთქებს. ერთი დედა ღორის და გოჭების სამყოფ ფართზე საკმარისია პაკეტი, რომელიც 80 ლარამდე ღირს და სამი წლის განმავლობაში უფრო მეტი საჭირო აღარ არის. მე ამ ბიოპრეპარატს "ზარმაცების წამალს" ვეძახი ხუმრობით, მაგრამ რომ დაუკვირდები, სიმართლეა, _ ამბობს თამაზ კილაძე.




 ახალი ამბები
  • ბიომრავალფეროვნების კანონპროექტთან დაკავშირებით არასამთავრობოების მოთხოვნები დააკმაყოფილესგარემოს დაცვისა და სოფლის მეურნეობის სამინისტრომ გარემოსდაცვითი არასამთავრობო ორგანიზაციების - მწვანე ალტერნატივას, „საბუკოსა“ და „ნაკრესის“ მოთხოვნები  „ბიოლოგიური მრავალფეროვნების შესახებ“ კანონპროექტთან დაკავშირებით დააკმაყოფილა. კერძოდ, პროექტის არსებული ვერსია, რომელიც, ორგანიზაციების მითითებით, მნიშვნელოვან ხარვეზებს შეიცავდა, პარლამენტს აღარ წარედგინება. ასევე, ორგანიზაციების მოთხოვნის საპასუხოდ, კანონპროექტზე მუშაობა გაგრძელდება და მისი დამატებითი განხილვებისთვის სამუშაო ჯგუფები შეიქმნება, სამინისტრო საჯარო შეხვედრასაც ჩაატარებს. მეტი გამჭვირვალობისთვის, ასევე ორგანიზაციების მოთხოვნით, სამინისტრო წარმოადგენს დეტალურ განმარტებასაც იმის შესახებ, თუ რომელი შენიშვნები აისახება და არ აისახება კანონპროექტში და - რატომ. 30 იანვარს გარემოს დაცვისა და სოფლის მეურნეობის მინისტრისადმი მიმართვაში გარემოსდაცვითი ორგანიზაციები ითხოვდნენ, კანონპროექტის არსებული ვერსია არ წარედგინათ პარლამენტისთვის, რადგან ის მნიშვნელოვან გადამუშავებას საჭიროებდა. პროექტის გასაუმჯობესებლად ორგანიზაციები სამინისტროს  თანამშრომლობასაც სთავაზობდნენ. განცხადებაში აღნიშნული იყო, რომ მიუხედავად იმისა, რომ პროექტზე მუშაობა რვა წლის განმავლობაში მიმდინარეობდა, სამინისტროს მიერ დასრულებულ ვერსიად წარმოდგენილი დოკუმენტი მაინც გაუმართავი იყო სამართლებრივი და ტერმინოლოგიური თვალსაზრისით. მასში სათანადოდ არ იყო გათვალისწინებული საერთაშორისო ვალდებულებები და პრაქტიკულად არ იყო მოცემული რეგულაციების განხორციელების მექანიზმები. შესაბამისად, კანონპროექტი „ვერ უზრუნველყოფდა ევროპის ბუნების დაცვის პოლიტიკასთან საქართველოს კანონმდებლობის ჰარმონიზებას“. ამის მიზეზი კი, ორგანიზაციების თვალსაზრისით, პროექტის გაუმჭვირვალედ, დაინტერესებული მხარეების არასათანადო ჩართულობით, ექსპერტთა შენიშვნების დიდი ნაწილის გაუთვალისწინებლობით და ფორმალური, ზედაპირული საჯარო განხილვების ფონზე მომზადება ... ...
  • აქცია პარლამენტთან_ "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის"დღეს დილიდან პარლამენტთან ოპოზიცია მხარდამჭერებთან ერთად საპროტესტო აქციას მართავს. პარლამენტის შენობასთან იმყოფებიან „ევროპული საქართველოს" და „ლელო საქართველოსთვის" წარმომადგენლები, ასევე სამოქალაქო აქტივისტები. „ქართული ოცნების" რამდენიმე დეპუტატს აქციის მონაწილეების შეძახილების ფონზე მოუწია პარლამენტში შესვლა. როგორც ოპოზიცია აცხადებს პარლამენტის პიკეტირების მცდელობები და აქციები მშვიდობიანი ფორმით გაგრძელდება, თუ საჭირო გახდა საპარლამენტო არჩევნების დღემდე. საპარლამენტო უმრავლესობის ლიდერი მამუკა მდინარაძე, ერთ-ერთი პოლიტიკოსია, რომელსაც პარლამენტის შენობაში შესვლა დღეს შეძახილების ფონზე მოუწია.  როგორც მან ჟურნალისტებთან  განაცხადა,  "ერთ მომიტინგეზე ერთი ჟურნალისტი, 2 ოპერატორი, ათი პოლიციელი მოდის და ეს უკვე უხერხულია". მდინარაძის თქმით, დღეს პარლამენტში ერთ-ერთი მთავარი თემა არჩილ თალაკვაძის ანგარიშია, ირაკლი შოთაძის კენჭისყრა კი დღეს იქნება თუ ხვალ, ჯერ გადაწყვეტილი არ ... ...
  • ფულადი თანხის მოტყუებით დაუფლების მცდელობის ფაქტზე ერთი პირი დააკავესსაქართველოს ფინანსთა სამინისტროს საგამოძიებო სამსახურის თანამშრომლებმა,  ჩატარებული ოპერატიულ - სამძებრო ღონისძიებებისა და  საგამოძიებო მოქმედებების  შედეგად, მოქალაქის კუთვნილი ფულადი თანხის მოტყუებით დაუფლების მცდელობის ფაქტზე, ერთი პირი დააკავეს.  გამოძიებით დადგინდა, რომ ბრალდებული,  დაუკავშირდა საქართველოს ოკუპირებული ტერიტორიებიდან იძულებით გადაადგილებულ პირს და მოტყუებით დაარწმუნა იგი, რომ შესაბამისი თანხის გადახდის შემთხვევაში, თითქოსდა, საქართველოს ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტროს წარმომადგენლების მეშვეობით, დაეხმარებოდა მას, ზუგდიდში, საცხოვრებელი ფართის საკუთრებაში გადაცემაში. აღნიშნული თაღლითური განზრახვით,  ბრალდებულმა, მოქალაქეს მოსთხოვა და გამოართვა 10 000 ლარი, რა დროსაც მოხდა მისი დაკავება. გამოძიება მიმდინარეობს  საქართველოს სისხლის სამართლის კოდექსის 180-ე მუხლის მეორე ნაწილით, რაც სასჯელის სახით ითვალისწინებს თავისუფლების აღკვეთას 4-დან 7 წლამდე ... ...
  • ჩოხატაურში მსუბუქი ავტომობილი ხეს შეეჯახაჩოხატაურში მსუბუქი ავტომობილი ხეს შეეჯახა.  შემთხვევის შედეგად მძღოლმა მსუბუქი დაზიანება მიიღო და საავადმყოფოში გადაიყვანეს.  როგორც „გურია ნიუსს“ შინაგან საქმეთა სამინისტროს პრესსამსახურში განუცხადეს, მომხდართან დაკავშირებით გამოძიება სსკ-ს 276-ე მუხლის მეორე ნაწილით ... ...
  • ავტოსაგზაო შემთხვევა ზუგდიდში - არის დაშავებულიზუგდიდის ცენტრში  ავტოსაგზაო შემთხვევა მოხდა. თვითმხილველების ინფორმაციით, ერთმანეთს მსუბუქი და სატვირთო ავტომობილები შეეჯახნენ. ავარიის შედეგად ახალგზარდა ქალი დაშავდა, რომელიც მსუბუქ ავტომობილს მართავდა. ავტოსაგზაო შემთხვევის შედეგად დაშავებული ამ დროისთვის ზუგდიდის რეფერალურ  ჰოსპიტალშია გადაყვანილი. მედიკოსების შეფასებით, პაციენტის სოცოცხლეს საფრთხე არ ემუქრება. რა გახდა ავტოსაგზაო შემთხევის მიზეზი, ჯერჯერობით, უცნობია.   შინაგან საქმეთა სამინისტრომ მომხდარ ფაქტზე გამოძიება სსკ-ის 276-ე მუხლით ... ...

არქივი

კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

„წყალგარეული“ ღვინის მომავალი

სამხრეთ აფრიკელმა მეღვინეებმა ბევრი იფიქრეს,...

ჯონ ლენონის ნივთები დღესაც სარფიანად იყიდება

მას შემდეგ, რაც დიდი ბრიტანელი...

ლუდი გონების სამსახურში

როგორც ამერიკელმა და ახალზელანდიელმა მეცნიერებმა...

ბრიტანელები ჰიტლერის ფოტოებით დაინტერესდნენ

ცოტა ხნის წინ, ამერიკის შეერთებულ...

საუკეთესო თეთრ ღვინოებს შორის

Chateau d'Yquem მსოფლიოში ერთ–ერთი ყველაზე ...