"შემოდგომის ყვავილებს ჩემში მზე შემოჰყავს!"

კარმიდამო ჩემი

"შემოდგომის ყვავილებს ჩემში მზე შემოჰყავს!"

2018 იან 16 12:53:23

თითქოს ჩვეულებრივი და მაინც ყველასგან განსხვავებული ქალბატონია ნაზი რუსიეშვილი. თითქოს ჩვეულებრივი და მაინც ყველასგან განსხვავებულია მისი ეზო-კარი, რომელიც უმეტესად შემოდგომის ყვავილებითაა სავსე _ ქრიზანთემების საუცხოო ჯიშები, უმეტესად თეთრად, ყვითლად და შინდისფრად ანათებენ.

ნაზი რუსიეშვილი ოზურგეთის მუნიციპალიტეტის სოფელ მერიაში ცხოვრობს და საკუთარი ეზო-კარის მოქარგვის საკუთარი ხელწერა აქვს:

_ მიმოიხედეთ ირგვლივ და რამდენ კარმიდამოს ნახავთ, გაზაფხულზე და ზაფხულში რომ ყვავილებშია ჩაძირული. ვარდების ზეიმი ხომ თითქმის ყველგან არის, თუმცა, დააკვირდით, შემოდგომასა და ზამთრის დასაწყისში როგორ "გაპუტულია" ეზოები. რატომ? იმიტომ, რომ შემოდგომის ყვავილები ნაკლებად აქვთ. ქრიზანთემების ნათებას ნაკლებად დაინახავთ. არადა, რომ იცოდეთ, როგორი მზის ენერგია შემოაქვთ სულში, სახლში. მე ასე ვუდგები ამ საკითხს _ ზამთარი როცა ახლოვდება და დღე ძალიან იკლებს, მზის ნათება მცირდება, ასე მგონია, რომ ეს სასწაული ყვავილები ბუნებას ეხმარება, იგივე მზეს ეხმარება სითბოსა და შუქის გამოსხივებაში. მავსებს მეც და ჩემს სახლსაც, შეხედეთ და დარწმუნდებით, თუ ამინდმა ხელი შეუწყო, დეკემბერსა და იანვარშიც ასე უშურველად კაშკაშებენ. უმეტესადაც ასეა, რადგან აქ ნაკლებად ცივა, ზღვა ახლოა... მოკლედ, შემოდგომის ყვავილებს ჩემში მზე შემოყავს, _ გვეუბნება ის და კალათებად შეკრული ნაირფერი თაიგულების მწკრივს მიუყვება. სურს, დავუჯეროთ, რომ ქრიზანთემა არა მარტო შემოდგომის, არამედ მისი სიმბოლოცაა. უფრო თეთრი და ყვითელი ფერები უყვარს. სინათლესთან და მზესთან რაც ასოცირდება, სიცოცხლეს მმატებსო, ამბობს.

ნაზი რუსეიშვილი გვიამბობს, რომ ქრიზანთემების ორასამდე ჯიში არსებობს და შეუძლებელია, ყველა სახეობა ოჯახში ჰქონდეს. მით უფრო, რომ ის მხოლოდ მოყვარულია. თუმცა, არც ისე დადებითი დამოკიდებულება აქვს ქრიზანთემების სელექციონერების მიმართ.

_ არ მიყვარს ჯუჯა და ოთახის ჯიშები. სითბოსა და ოთახში მოყვავილე მცენარეების მეტი რა არის?! აი, ამათ ვეტრფი _ ნაკვთებიანი კიდეებით, სიმაღლითა და ფერებით გამორჩეულ ეზოს ჯიშებს, დილაუთენია რომ შემომანათებენ კარში გამოსვლისთანავე და დაზამთრებამდე რომ ერთგულად მიმყვებიან. მიყვარს ეს სასწაული მეგობრები და მინდა, ყველამ იზრუნოს, ზამთრისპირს ჰქონდეს კარმიდამოში ასეთი ფერების სიუხვე. მოვლაც არ სჭირდება განსაკუთრებული, _ გვიხსნის ქალბატონი ნაზი ქრიზანთემების ბუნებას და ერთ თავისებურებაზეც ამახვილებს ყურადღებას, _ ვარდივით ამასაც უყვარს გასხვლა და როგორც ზედმეტ სიცივეს, ისე ზედმეტ სითბოს ვერ იტანს.

ქრიზანთემების მოვლის ხელო­ვ­­ნებას ჩვენი მასპინძელი უმეტესად ტენიანი გრუნტით ახერხებს, რომელიც ზომიერი უნდა იყოს. ხმელი ფოთლების და ზედმეტი კოკრები ამოცლა ხშირად სჭირდება, თუმცა კოკრების დატოვება თუ მოშორება მაინც სურვილზეა დამოკიდებული, რადგან ქრიზანთემა მცირე ზომის ბურთებს მაინც იკეთებს და ყვავილობას არ წყვეტს. მთავარია, ფხვიერი და ნოტიო მიწა ჰქონდეს.

_ შეგიძლიათ, შტამბური ფორმაც მისცეთ, ღეროებს სათითაოდ თუ ავუყვებით და გვერდებზე ყველა კოკორს შემოვაცლით, წვეროზე კი ერთს დავტოვებთ. ის ზომით გაცილებით დიდი გაიზრდება. ეს სურვილზეა დამოკიდებული. მე ასეც ვაკეთებ და პირიქით, გარკვეულ ნაწილს საერთოდ არ ვაცლი კოკრებს. მერე ეს სხვადასხვა ჯიშისა ჰგონიათ, მაგრამ ასე არ არის, _ გვაჩვენებს ქალბატონი ნაზი ასეთი მიდგომით "შექმნილ" დიდი და მცირე ზომის ქრიზანთემების თავთავებს.

ზამთარში, მოგვიანებით, როცა ქრიზანთემები ყვავილობას დაასრულებენ, ძირამდე ჭრის, შემოუბარავს, ცოტა აზოტოვან სასუქსაც აძლევს და ასე ელოდება გაზაფხულს. მოყვარულებს ურჩევს, გადარგვა ადრე გაზაფხულზე, ფესურას ჩაჭრით მოახდინონ. ასე უფრო მრავლდება და გაყოფაც არ ეტყობა. ისე კი ღეროებით _ დაკალმებითაც ახარებს სილანარევ ნიადაგში, ცნობილ მეთოდებს იშველიებს და ასეთი მიდგომით შემოდგომიდან ზამთრის დასაწყისამდე მის კარმიდამოში ქრიზანთემების ფერადი ფარდების სიუხვეა.

ნაზი რუსეიშვილის ერთადერთი ვაჟი მიშიკო კეჭაყმაძე, რომელსაცჩვენი ახალგაზრდული გაზეთის მკითხველები კარგად იცნობენ, შორეულ ამერიკაში სწავლობს და დედა საშობაოდ ელოდება.

_ მინდა, დეკემბრის ასე თბილი დღეები იანვარშიც გაგრძელდეს და სტუმრად ჩამოსულ ჩემს შვილს ქრიზანთემებმა ჩემთან ერთად უმასპინძლონ. ამ ყვავილებს ჩემთვის აცივების ჟამს იმდენი ენერგია მოაქვთ, რომ არა ესენი, სევდა და სიცივე დამაუძლურებდა, _ ასეთი სიტყვებით გვემშვიდობება ქრიზანთემების წრეში მდგარი ქალბატონი და სურს ყველა კარმიდამოში ისევე იყოს გადმოფენილი ქრიზანთემების კალათები, როგორც გაზაფხულზე ვარდების ფარდებითაა მორთული.




 ახალი ამბები
  • გარდაცვლილ ხუთ მგზავრს შორის, ერთ-ერთი 30 წლის ქალიასამტრედიაში მომხდარი ავტოსაგზაო შემთხვევისას დაღუპულთა შორის, ერთ-ერთი 30 წლის ქალია. ჩვენ ხელთ მანამდე არსებული ინფორმაციით, იგი სენაკის მუნიციპალიტეტის სოფელ ძველ სენაკის მკვიდრი იყო. ინფორმაციის დასაზუსტებლად მერის წარმომადგენელს ალექსანდრე ჯანჯღავას დავუკავშირდით, რომელიც "გურია ნიუსთან" საუბრისას ამბობს, რომ თითქმის ექვსი წელია, ოჯახი ძველ სენაკში აღარ ცხოვრობს: "უკვე თითქმის ექვსი წელია ეს ოჯახი ჩვენს სოფელში აღარ ცხოვრობს. მათ სახლი გაყიდეს და როგორც ვიცი, საცხოვრებლად თბილისში გადავიდნენ", _ განუცხადა "გურია ნიუსს" ალექსანდრე ჯანჯღავამ. შეგახსენებთ, ავტოსაგზაო შემთხვევა სამტრედიაში რამდენიმე საათის წინ მოხდა. ერთმანეთს "მინივენი" და ტრაილერი შეეჯახა. როგორც "გურია ნიუსს" ერთ-ერთმა თვითმხილველმა განუცხადა, შეჯახება იმდენად ძლიერი, იყო რომ "მინივენში" მსხდომი ხუთივე მგზავრი ადგილზე დაიღუპა. რა გახდა ავტოსაგზაო შემთხევის ზუსტი მიზეზი, ჯერჯერობით, უცნობია. შსს-მ გამოძიება სსკ-ის 276-ე მუხლის მერვე ნაწილით ... ...
  • ვინ არიან სამტრედიაში საზარელი ავარიის დროს დაღუპულებიდღეს, საზარელი ავტოსაგზაო შემთხვევა მოხდა  სამტრედიაში, სანავარდოს ქუჩაზე  გამავალ სამტრედია-ლანჩხუთი- სუფსა- გრიგოლეთის ს/გზის მე-2 კმ-ზე, სატვირთო აავტომანქანა “მერსედეს-ბენცი“, რომელსაც თურქეთის მოქალაქე მართავდა,  შეეჯახა შემხვედრი მიმართულებით  მოძრავ მინივენს.   შეჯახების შედეგად შემთხვევის ადგილზე გარდაიცვალნენ მინივენის მძღოლი, ჩოხატაურში, სოფელ ბუკნარში მცხოვრები 1976 წელს დაბადებული ენვერი ირემაძე და მისი მგზავრები: ბათუმში, თოდოგაურის დასახლებაში მცხოვრები, თ. შ., ქუთაისში მაისურაძის ქუჩაზე მცხოვრები ქ. ., სენაკში, სოფ. ძველ სენაკში მცხოვრები თ. ჯ. მე-5 მგზავრის მონაცემები დგინდება. მიმდინარეობს გამოძიება სსკ 276-VIII ... ...
  • სამტრედიაში ავარიის შედეგად დაღუპულთა შორის ერთ-ერთი ჩოხატაურელია _ დეტალები შემთხვევის ადგილიდანსამტრედიაში, ცოტა ხნის წინ მომხდარი ავტოსაგზაო შემთხვევის დროს დაღუპულთა შორის ერთ-ერთი წარმოშობით ჩოხატაურელია, _ აღნიშნულის შესახებ ''გურია ნიუსს'' სამტრედიის მერმა ვალერიანე ფოცხვერიამ განუცხადა. ,,როგორც საპატრულო პოლიციის თანამშრომლებმა მითხრეს, მინივენი, რომელიც ბათუმის მხრიდან მოდიოდა, სამტრედიის შესასვლელში მოცურდა და საპირისპირო მხრიდან მოძრავ ტრაილერს შეეჯახა, რის შედეგადაც მინივენის ხუთივე მგზავრი ადგილზე დაიღუპა. მინივენის მძღოლი ჩოხატაურელია, ტრაილერს კი თურქეთის მოქალაქე მართავდა", _ გვითხრა ფოცხვერიამ.   ... ...
  • გომის მთას დასახლების სტატუსი ენიჭებადღეს ოზურგეთის მუნიციპალიტეტის საკრებულოს  ბიურომ განიხილა: "ოზურგეთის მუნიციპალიტეტის ადმინისტრაციულ საზღვრებში მდებარე ტერიტორიაზე - დასახლების (დაბა) გომის მთის შექმნის თაობაზე, ოზურგეთის მუნიციპალიტეტის მერის მიერ წარმოდგენილი წინადადების მოწონების შესახებ", განკარგულების პროექტი. დეპუტატმა ლავრენტი ბიგვავამ ისაუბრა გომის მთის, როგორც უნიკალური კურორტის შესახებ, რომელიც უკვე მსოფლიოს ყურადრების ცენტრში მოექცა და საუკეთესო კურორტების რეიტინგულ სიაში მოხვდა. _ ჩვენთან უშუალოდ მერის წინადადება  არის წარმოდგენილი, რომ გომის მთას მიენიჭოს  დასახლების  სტატუსი. მთავრია,  დაიძრას  ეს საკითხი. როცა სტატუსი მიენიჭება,  ეს იქნება უდიდესი  საქმე კურორტის  გეგმაზომიერი განვითარებისთვის. საკრებულოს  თავმჯდომარემ,  დავით დარჩიამ განაცხადა, რომ გომის მთისთვის დასახლების კატეგორიის მინიჭება,   აქ  არსებული ვითარების  კანონის ფარგლებში მოქცევას ნიშნავს, რაც კურორტის თანმიმდევრულ, გეგმაზომიერ განვითარებას შეუწყობს ხელს.  _დღეს მართლაც მნიშვნელოვანი, ისტორიული დღეა, - განაცხადა მუნიციპალიტეტის მერის პირველმა მოადგილემ,  ალექსანდრე სურგულაძემ. ხვალ, 26 თებერვალს,  ოზურგეთის მუნიციპალიტეტის საკრებულო,  თავის რიგგარეშე  სხდომაზე, რომელიც სწორედ გომის მთის საკითხს ეხება, მიიღებს გადაწყვეტილებას, მოიწონოს წინადადება, გომის მთას მიენიჭოს დასახლების სტატუსი.   ხოლო აღნიშნული განკარგულების მიღების შემთხვევაში, საკრებულოს თავმჯდომარე დავით დარჩია  საქართველოს მთავრობას შუამდგომლობით მიმართავს,  რომელმაც  უნდა განსაზღვროს  გომის მთისთვის დასახლების სტატუსის ... ...
  • ბიჭს, რომელიც მიუსაფარ ძაღლებზე ზრუნავს, მანქანა აჩუქესბიჭს, რომელიც უსახლკარო ძაღლებისთვის სახლებს ამზადებს და ნათხოვარი მანქანებით სხვადასხვა რაიონში უსასყიდლოდ არიგებდა, #ალუტეცჰGეორგია-მ და #ინნგროუპ-მა ავტომობილი აჩუქა, _ ამის შესახებ რადიო "პალიტრას" საინფორმაციო სამსახურის უფროსი ანა მარშანია ფეისბუქის საკუთარ გვერდზე წერს და ფოტოსაც აქვეყნებს. შეგახსენებთ, რომ „SAPG – უსახლკარო ცხოველების პროექტი საქართველოში“ საქველმოქმედო გაერთიანების ერთ-ერთი დამფუძნებელი ზაქარია დოლიძე, ცოტა ხნის წინ საქართველოს მასშტაბით მოგზაურობდა. გზად შემხვედრ თითოეულ მიუსაფარ ცხოველთან აჩერებდა „კეთილ მანქანას“ აპურებდა და საჭიროების შემთხვევაში მედიკამენტებით ეხმარებოდა. ტურნე საქართველოს მასშტაბით ნაქირავები ავტომობილით თბილისიდან დაიწყო და ცოტა ხნის წინ გურიაში იმყოფებოდა, საიდანაც გეზი აჭარისკენ აიღო. თუმცა, "კეთილმა მანქანამ" გზად უმტყუნა და ქობულეთიდან დედაქალაქში დაბრუნება მოუწია. მიუხედავად ამისა,  მიუსაფარი ცხოველები უყურადღებოდ არ დაუტოვებია და მათთვის განკუთვნილი საკვები გაუგზავნა.  როდის გაუჩნდა მიუსაფარი ცხოველების დახმარების სურვილი, სად უფრო კრიტიკული სურათი შეხვდა მოგზაურობის დროს და როგორ უნდა მოხდეს მდგომარეობის გამოსწორება_ ამ საკითხების შესახებ ზაქარიამ „გურია ნიუსთან“, ჩოხატაურში სტუმრობის დროს ... ...

არქივი

კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...
ზაფრანი

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...

15 შეცდომა რეცხვის დროს, რომელიც სარეცხს და მანქანას აზიანებს

ხშირად ვამბობთ, რომ ტანსაცმელს აფუჭებს...

რატომ უნდა მიირთვათ ბევრი შოკოლადი

შოკოლადის მირთმევის შედეგად ადამიანის ბედნიერების...

ჰოლივუდელი მარტოხელა მამები

ალ პაჩინო - მსახიობი სამი...