"ზამთარშიც გაზაფხულს ვეძებ და "გატყავებულ" გარემოს ვმოსავ"

კარმიდამო ჩემი

"ზამთარშიც გაზაფხულს ვეძებ და "გატყავებულ" გარემოს ვმოსავ"

2018 დეკ 10 10:00:24

"კარმიდამო ჩემის" უამრავ რესპონდენტს შორის, ვისაც განსაკუთრებით ხელეწიფება საკუთარი კარმიდამოს ნაირფერი ყვავილებითა და ნაირგვარი დეკორატიული მცენარეებით ორიგინალურად მორთვა და განაშენიანება, მარინა ჩხაიძე მაინც გამორჩეულია, საკუთარი ხელწერითა და გემოვნებით. უმთავრესი იდეა მისი ჩანაფიქრისა მუდამ იყო ის, რომ ზამთარ-ზაფხულ მწვანე და აყვავებული გარემო ჰქონოდა, რაც ეზოში გამოსვლის უმალ განსაკუთრებულ გაწყობას შეუქმნიდა. ამ ჩანაფიქრის გასახორციელებლად კი უმეტესად აქცენტს მარადმწვანე მცენარეებზე აკეთებდა.

მარინა ჩხაიძე ოზურგეთის მუნიციპალიტეტის სოფელ ბახვის მკვიდრია. აქვე, სოფლის საჯარო სკოლაში, რუსულ ენასა და ლიტერატურას ასწავლის და პროფესიულ საქმიანობასა და საოჯახო საქმეების შუალედში განსაკუთრებული ზრუნვის საგანს მარადმწვანე კარმიდამო წარმოადგენს, მისივე ორიგინალური პროექტირებით.

_ ბათუმში დავიბადე და გავიზარდე. იმ დროს ინსტიტუტის დამთავრებისთანავე, განაწილებით გვაგზავნიდნენ ქვეყნის სხვადასხვა რაიონში. ასე მოვხვდი ოზურგეთში, ბახვის საჯარო სკოლაში. მალე აქვე დავქორწინდი და დავრჩი სოფლის იდილიაში. ბათუმში გაზრდილს სულ მახლდა ზღვის და მარადმწვანე გარემოს ნოსტალგია. განსაკუთრებით, ზამთარში, როცა გარეთ გამოვიდოდი და გაშიშვლებულ გარემოს ვხედავდი. ზღვას ვერ გადმოვიტანდი აქ, თუმცა მარადმწვანე გარემოს შექმნა და შადრევნებით კარმიდამოს მორთვა რომ შესაძლებელი იყო, საკუთარი თავის დარწმუნებაც შევძელი და სხვებისაც, ზამთარშიც გაზაფხულს ვეძებ და "გატყავებულ" გარემოს ვმოსავ, _ გვეუბნება ქალბატონი მარინა და მისივე ნათქვამის დასტური მწვანეში ჩაფლული, მისივე ხელით და გემოვნებით ნასაზრდოები კარმიდამოა.

მართალია, პატარ-პატარა კუთხეების დაგეგმვას თავად ახდენდა და ახდენს, თუ რომელ კუთხეს როგორი კომპოზიცია მიუსადაგოს, არა ერთგან აქვს საკუთარი გემოვნებით მოწყობილი ქოლგებით მორთულ-მოწყობილი ფანჩატური, თუმცა, ჩანაფიქრის გახორციელებაში, როგორც თავად გვეუბნება, მუდამ ქმარ-შვილი ეხმარება.

მარადმწვანე თუ ფოთოლმცვენი მცენარეები აქ უხვად არის, თუმცა, უპირველესი მიზანი, რომ ზამთარში ეზო "გატყავებული" არ უნდა ჩანდეს, შესრულებულია.

ეზოში შესასვლელ მთავარ ბილიკს, ორივე მხარეს ტუიები, კიპარისები და ღვიები ამშვენებს. დეკორატიული მარადმწვანეები ბუჩქებადაც ბლომად "სხედან" მაღლების ფერხთით. კუთხეებში იერუსალიმის ბზა და ჭრელა-ჭრულა დრაცენები მოკალათებულან. დეკორატიული აზალიებიც საკმაოდ კეკლუცობენ.

_ მაგნოლიას სიყვარული ბათუმიდან გამომყვა და არა ერთხელ ამატირა მისმა მონატრებამ. ამიტომ, პირველ რიგში დავრგე და უმალ გახარებითაც გამახარა. ფინიკის პალმაც ზღვისპირეთის მონატრების სევდას ასახავს. ამიტომ დგას არა ერთ ადგილას, _ გვიხსნის ქალბატონი მარინა და ოლეანდრებს ეფერება.

ვარდების ნაირსახეობებს ყვავილობა, ძირითადად, დამთავრებული აქვთ. ჭრელფოთოლა მარადმწვანეებიც ბლომად დგას, კავკასიური ჭანჭყატის თაოსნობით. ჭიშკართან მდგარ უზარმაზარ ცაცხვს, რომელიც კარმიდამოს თავდაპირველი და ერთადერთი "მაყურებელი" იყო, ძველი პოზიცია უჭირავს და შემოდგომის მიწურულს ხმელ ფოთლებს ისე პერმანენტულად აყრის მწვანე სამყაროს, თითქოს მათ უპირატესობას იგერიებს, უფოთლოდაც მშვენიერი და გამძლე ვარ, ზამთარს, თქვენგან განსხვავებით, შეუფუთავადაც გადავიტანო.

_ მზიან ამინდში, ჩემ ეზოში, ზამთარშიც გაზაფხულია. ამის მიღწევა მსურდა და მივაღწიე, ახლა კი შინ შემობრძანდით, ოთახის ყვავილების გარემოცვაშიც მნახეთ, _ გვთავაზობს ქალბატონი და სახლის ინტერიერში განთავსებულ უზარმაზარ "ზამთრის ბაღში" შევყავართ.

აქ მართლაც ჯადოსნური სამყაროა. გვიმრების ნაირსახეობათა საპატიო ყარაული მოლოდინს აჭარბებს. ნაირგვარი ჯუჯა პალმები, ფიკუსების უამრავი სახეობა, ბარაქის ხე თუ "შავი პრინცი" უდარდელად იცქირება. მაღალი გემოვნების კვალი ყველა კუნჭულში იგრძნობა. პაწაწინა, დეკორატიული მანდარინი, რომელიც სიმაღლეში ოცი სანტიმეტრი თუ იქნება, უკვე მსხმოიარეა და შეთვალული ნაყოფიც გულსაკიდივით აზის.

კითხვაზე, უჭირს თუ არა სოფლის ოჯახში ამ გარემოს მოვლა და ასეთ დონეზე წარმოჩენა, ჩვენი მასპინძელი ამბობს, რომ პირიქით, ეს აცოცხლებს. თავად არის მებაღეც, დეკორატორიც და საკუთარი მარადმწვანე სამყაროს იდუმალი ენის მცოდნეც.

_ მე ამ სოფელში მყავს ახლო მეზობლები და მეგობრები, რომელთაც არანაკლებ მოქარგული კარმიდამო აქვთ. უბრალოდ, მინდა, რომ კიდევ უფრო მეტმა ადამიანმა, უფრო ქალბატონებმა მოაწყონ და გაამშვენიერონ საკუთარი კარმიდამო, რომელსაც მუდამ შეუძლია ადამიანის გუნება-განწყობაზე ყველანაირ წამალზე უკეთ იმოქმედოს. მთავარი კი მაინც ის არის, ზამთრის სევდიან, ცივ და შიშველ გარემოში პატარა ოაზისი გქონდეს. მრავალი წელია, სკოლაში ვმუშაობ და მაქვს განცდა, რომ ბავშვებთან და ამ გარემოსთან ყოფნა რაღაცით ჰგავს ერთმანეთს. მაქვს განცდა, რომ სიცოცხლესთან და ახალგაზრდობასთან უსასრულოდ ყოფნის რეჟიმში ვარ, _ კიდევ ერთხელ უსვამს ხაზს ქალბატონი მარინა საკუთარი სულიერი სამყაროს მარადიული სიმწვანისკენ მიზიდულობის თვისებას.

მარინა ჩხაიძეს საკმაო საოჯახო მეურნეობაც გააჩნია _ ოჯახს აქვს თხილის პლანტაციები, ჰყავთ ქათმები, ბაღთან ერთად ბოსტანსაც უვლიან და როგორც თავად ამბობს, ზამთარში მწვანილისთვის ბაზარში არ წავლენ.

_ მარადმწვანე ბაღჩა-ბოსტანიც არანაკლებ მიყვარს, ზამთარში "გატყაულ" გარემოს თუ ვერ ვეგუები, ასევე, ბაზარში მწვანილისთვის წასვლის წინააღმდეგიც ვარ, _ ღიმილიანი ჟესტით გვემშვიდობება ქალბატონი მარინა.




 ახალი ამბები
  • დღეს ოზურგეთში არჩილ თალაკვაძის ბიუროს ბოქლომს დაადებენევროპული საქართველოს წევრები და მათი მხარდამჭერები საპროტესტო აქციებს აგრძელებენ. როგორც ცნობილი ხდება, ისინი რამდენიმე მაჟორიტარულ ოლქს დააბოქლომებენ, მათ შორის, ბოქლომის დადებას ოზურგეთში, არჩილ თალაკვაძის ოლქზეც გეგმავენ. ოზურგეთის მერიის შენობაში განთავსებულ ოლქში მისვლას დილის 9 საათისთვის გეგმავენ. შეგახსენებთ, რომ მას შემდეგ, რაც "ქართული ოცნების" დეპუტატებმა პროპორციული საარჩევნო სისტემის კანონპროექტი ჩააგდეს, საქართველოს მასშტაბით სხვადასხვა ქალაქებში საპროტესტო აქციები იმართება. პროტესტის ფარგლებში პიკეტირებული იყო მთავარი საკანონმდებლო ორგანოც, რომლის შესასვლელებიც ხელისუფლებამ სპეცრაზმისა და წყლის ჭავლის გამოყენებით ... ...
  • “დედაჩემი იქ აღარ მუშაობს გააბრაზეს“ - თამარ ჩუგოშვილის შვილის წერილიპარლამენტარი თამარ ჩუგოშვილი ფეისბუქზე მისი შვილის ნინის ნაწერს აქვეყნებს. “ნინის მიმოწერა კლასელთან. 9 წლის ბავშვის თვალით დანახული საკონსტიტუციო ცვლილების ჩაგდება“- წერს თამარ ჩუგოშვილი. “დედაჩემი იქ აღარ მუშაობს გააბრაზეს“, “არ არის ცუდი უხარია“ - წერს 9 წლის ... ...
  • ბელგიის სამეფოში, ტონგერენში, სასამართლოზე, ქართველ ბრალდებულს სასჯელის ნაცვლად ...საჩუქარი მიართვესქართველი ემიგრანტი ქალბატონი, ანა ბალამწარაშვილი, რომელიც 26 წელია, ბელგიაში ცხოვრობს, დღეს, ბელგიის სამეფოში, ტონგერენში, ქართველი ბრალდებულის, 45 წლის მამაკაცის სასამართლო პროცესს დაესწრო. ბრალდება ქურდობა იყო.   ქალბატონი ანა  თავის ფეისბუკგვერდზე აქვეყნებს, თუ როგორ წარიმართა სასამართლო პროცესი და რა გამაოგნებელი გადაწყვეტილება მიიღო მოსამართლემ... მოსამართლე  -  ბატონო მირზა , რატომ ჩამოხვედით ბელგიაში , ვინ ხართ და რა გინდათ? რატომ  მოიპარეთ ბოთლები და სიგარეტები? ასე ხომ ციხეში მოხვდებით?! მირზა- ბატონო მოსამართლევ, (თქვენო უმაღლესობავ, ვუსწორებ მე)არ ვიმართლებ თავს, რადგან მრცხვენია, მრცხვენია რომ ამხელა ცხოვრება გამოვიარე და დღეს თქვენ წინაშე მიწევს ბრალდებულის სკამზე ჯდომა, მე ქართველი ვარ, უმაღლესი განათლებით, სამი შვილის მამა, ჩემი უმცროსი შვილი ექიმების დაუდევრობით ინვალიდია და საწოლსაა  მიჯაჭვული, მკურნალობა ძალზედ ძვირი ჯდება. მოსამართლე- მოიცათ, რატომ გიჯდებათ ძვირი,  დაზღვევა ხომ გაქვთ? ადვოკატი ერთვება და დეტალებში უხსნის ქართულ სამედიცინო მომსახურებას და დაზღვევის მუშაობის სქემას…  მოსამართლეს თვალები უდიდდება და ვატყობ რომ რაღაცნაირად, მგონი  ეცოდება საქართველო. მოსამართლე- გასაგებია, მაგრამ ,ქურდობა ჩაიდინა და ამისთვის შესაბამის სასჯელს იმსახურებს. ადვოკატი-თქვენო უმაღლესობავ, ქურდობას გამართლება არ აქვს და თანახმა ვართ, ზარალი ავანაზღაუროთ, მაგრამ მოდით, წარმოვიდგინოთ მშობელი, რომლის შვილსაც არ აქვს წამლის ფული და შეიძლება,  ამის გამო დაიღუპოს, ჩვენთვის ეს ძნელი წარმოსადგენია, რადგან სახელმწიფო ზრუნავს ჩვენზე,  ეს ნაბიჯი მან გამოუვალი მდგომარეობიდან და სიცოცხლის გადასარჩენად გადადგა-ის მამაა და მას შვილი უკვდება უწამლოდ, გთხოვთ,  გაითვალისწინოთ ადამიანური ფაქტორი და დანაშაულის საფუძველი და მიზეზი(კიდევ ბევრი ისაუბრა) გმადლობთ. მე დავასრულე. მირზას შევხედე, უფრო მეტად შევერცხლოდა თმა, მგონი,  გათეთრდა კიდეც სირცხვილისგან, ის დამნაშავეს არ ჰგავდა. მოსამართლე დაბრუნდა სათათბიროდან და გამოაცხადა გადაწყვეტილება: “მირზა...საქართველოს მოქალაქე.....ბელგიის სამეფოს კანონმდებლობით...ცნობილ იქნას დამნაშავედ და დაეკისროს ზარალის ანაზღაურება 2 წლის განმავლობაში.  მაღაზიას ეთხოვოს, მირზას შვილს  გაუკეთოს საჩუქარი საშობაოდ ბელგიის სამეფოს მხრიდან და გაიგზავნოს მოცემულ მისამართზე სასამართლოს ხარჯებით.  ასევე ეთხოვოს ბელგიის სამეფოს ჯანმრთელობის სამინისტროს, მისი კომპეტენციის ფარგლებში, კანონის დაცვით დახმარება გაუწიოს პატარა პაციენტს (სახელს და გვარს არ ვწერ), მირზას შეუძლია დატოვოს ბელგიის სამეფო და ეტაპობრივად გადაიხადოს ზარალი. მირზა არ შეასახლეს ციხეში! გაოგნებული ვიჯექი კარგა ხანი და ვფიქრობდი როდის,ჩემო ქვეყანავ როდის ასეთი ან ცოტათი მიმსგავსებული სასამართლო ,ადვოკატი (მარკ სამპერმანსი)და ძალა კანონისა! დღეს ძალიან ემოციური დღე მაქვს,მთავარანგელოზობას გილოცავთ! ქალბატონ ანას „გურია ნიუსი“ ესაუბრა. _ნამდვილია ამბავია, აბა, როგორ გამოვიგონებდი? ესაა, სახელი შევცვალე.  მირზა ჰქვია. აქ მუშაობს. ცოლ-შვილი სააქართველოში ჰყავს.  ეს ადვოკატი სამეფო ხარისხისაა. უბრალოდ აქ არაფერი ხდება...დამნაშავე იყო მაგრამ, ყველაფერი გაითვალისწინეს.   აქ სამართალიც ადამიანური არსებობს _ გვითხრა ანა ... ...
  • 27 წელი ქუჩაში _ აფხაზეთიდან დევნილები ბინებს ითხოვენდევნილთა, შრომის, ჯანმრთელობისა და სოციალური დაცვის სამინისტროში აფხაზეთიდან დევნილი 40-მდე ოჯახი თითქმის 3 თვეა, რაც აქციას მართავს. აქციის მონაწილეთა განცხადებით, 59 ოჯახი აკმაყოფილებდა საცხოვრებელი ფართით დაკმაყოფილების კრიტერიუმებს, თუმცა, მათგან მხოლოდ 3 ოჯახის მოთხოვნა დაკმაყოფილდა. „27 წელიწადია ბინებს ველოდებით და გვატყუებენ ამდენივე ხანია.  აფხაზეთიდან დევნილები ასე უსახლკაროდ ვართ ქუჩაში. დაპირებები ბინების გადმოცემის შესახებ არაერთხელ მოგვცეს, მაგრამ არცერთხელ შესრულდა. ჯერ ვითომ ქულების გამო არ მოვხვდით სიაში, მიუხედავად იმისა, რომ იმ პირობებს ბევრი ჩვენგანი აკმაყოფილებდა, ისინი მაინც თავის გემოზე ანაწილებენ. მთელი ეს წლებია ქირით ვცხოვრობთ, რომელსაც ჩვენ თვითონ ვიხდით, ზოგი ჩვენგანი კი ახლობელთანაა შეკედლებული. სამინისტროში გვეუბნებიან, რომ ბინებს უნდა დაველოდოთ, მაგრამ როდის მოვა ჩვენი დრო ამას არ ამბობენ, თვითონაც არ იციან, მაგრამ არც დროებითი თავშესაფრის მოცემა არ უნდათ ჩვენთვის“,_ ამბობენ აქციის მონაწილეები. ისინი 66-ე დღეა, საკუთარი ნივთებით 24 საათის განმავლობაში სამინისტროს ფოიეში იმყოფებიან და ბინებით დაკმაყოფილებას ითხოვენ. როგორც სამინისტროში ამბობენ, აქციის მონაწილე პირთა ნაწილს კერძო საკუთრება აქვს, ნაწილი რეგიონშია დარეგისტრირებული, რამდენიმე ოჯახს კი აპლიკაცია არ ჰქონდა შევსებული. "საცხოვრებელი ფართები, მათზე მაღალი ქულის მქონე დევნილ ოჯახებზე განაწილდა. ამას გარდა, აქციის მონაწილე პირთა ნაწილს კერძო საკუთრება აღმოაჩნდა, ნაწილი რეგიონში არის დარეგისტრირებული, რამდენიმე ოჯახს კი აპლიკაცია არ ჰქონდა შევსებული და შესაბამისად, სამინისტრო მათ საცხოვრებელ ფართს ვერ გადასცემდა. გარდა ამისა, აქციის მონაწილე დევნილების ნაწილი არ არის რეგისტრირებული თბილისში 2013 წლის 1 ივნისამდე და კანონის შესაბამისად, ისინი დედაქალაქში ბინებს მომდევნო ეტაპზეც ვერ მიიღებენ, მათ შეუძლიათ განაცხადები რეგიონებში არსებულ ბინებზე შეავსონ ან ისარგებლონ „სოფლად სახლის“ პროექტით“,_ ამბობენ უწყებაში.       ... ...
  • შემოსავლების სამსახურის ხელმძღვანელად შს მინისტრის მოადგილე დაინიშნადღეს, ფინანსთა მინისტრმა ივანე მაჭავარიანმა ფინანსთა სამინისტროს შემოსავლების სამსახურის თანამშრომლებს ახალი ხელმძღვანელი - ლევან კაკავა წარუდგინა. მისი თქმით, უწყების ახალ ხელმძღვანელს აქვს სისტემაში მუშაობის გამოცდილება, საკმაოდ ძლიერი მენეჯერული თვისებები და არის მაღალი რანგის პროფესიონალი. „პრემიერთან გამართული კონსულტაციების შედეგად, მივიღეთ გადაწყვეტილება, რომ შემოსავლების სამსახურის ხელმძღვანელი ვახტანგ ლაშქარაძე დატოვებს პოსტს და აღნიშნულ თანამდებობას დაიკავებს შინაგან საქმეთა მინისტრის მოადგილე ლევან კაკავა. მას აქვს შემოსავლების სამსახურში მუშაობის გამოცდილება - ეკავა შემოსავლების სამსახურის უფროსის მოადგილის თანამდებობა. სხვადასხვა წლებში მუშაობდა ჩვენს მომიჯნავე ორგანიზაციებში, როგორც საგამოძიებო სამსახურში, ასევე ძალოვან უწყებებში და ჰქონდა შეხება ეკონომიკურ სფეროსთან და ფინანსებთან. ლევანი არის მაღალი რანგის პროფესიონალი და აქვს საკმაოდ ძლიერი მენეჯერული თვისებები“, - აღნიშნა ფინანსთა ... ...

არქივი

კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...
ზაფრანი

საჭმელი, რომელიც კიბოს აჩქარებს

გამოცემა Sciencealert - ის ცნობით,...

რა სასმელი უნდა დალიოთ რომ დიდხანს იცოცხლოთ?

ესპანეთში ჩატარებული გამოკვლევების შედეგად, რომელიც...

როგორ მოქმედებს ორგანიზმზე კომბოსტოს ფოთოლი

კომბოსტო ერთ-ერთი ყველაზე სასარგებლო პროდუქტია....

შეიძლება თუ არა ვარჯიში, როცა გაციებული ხართ

თუ რეგულარულად ვარჯიშობთ, ალბათ, თქვენთვის...

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

დარწმუნებული ხართ თუ არა, რომ სასმელად ვარგის წყალს მოიხმართ?