„ლაბორატორიები, სადაც საიდუმლო იარაღი იქმნება, შემოწმებას ჩვეულებრივ გადიან“

gurianews.com

მსოფლიო

„ლაბორატორიები, სადაც საიდუმლო იარაღი იქმნება, შემოწმებას ჩვეულებრივ გადიან“

2018 მარ 13 17:20:36

დიდ ბრიტანეთში რუსეთის ყოფილი ჯაშუშის და მისი ქალიშვილის მოსაწამლად ნერვული აგენტი  „ნოვიჩოკი“ გამოიყენეს.

რისგან ამზადებენ ნერვულ აგენტებს, რას იწვევს „ნოვიჩოკის“ მცირე დოზით გამოყენება, არსებობს თუ არა ის რუსეთში და რას პასუხობს რუსეთის ქიმიური იარაღის მეცნიერებათა დოქტორი დიდი ბრიტანეთის ბრალდებას, რომ სკრიპალის მოკვლა რუსეთის ორგანიზებულია_ ამ კითხვებს THE DAILYMAIL-ის მიერ მომზადებული ვრცელი სტატია პასუხობს.

მაუწყებლის ინფორმაციით,  ნერვული აგენტების შექმნა არ კონტროლდება და მისი წარმოება სოფლის მეურნეობაში გამოყენებადი ქიმიკატებისგან ხდება. რის გამოც, იარაღის ინსპექტორები შიშობენ, რომ სხვა ქვეყნებს, მათ შორის სირიას და ჩრდილოეთ კორეას შესაძლებელია, საკუთარი მძლავრი ნერვული აგენტები ჰქონდეთ.

83 წლის ვილ მირზაიანოვი, რუსი ქიმიკოსი, რომელიც ქიმიური იარაღის შექმნაში მონაწილეობდა, ნერვული აგენტის გამოყენებას პუტინის თავხედურ თავდასხმას უწოდებს.

 „ეს თავხედური თავდასხმაა. პუტინი ფიქრობს, რომ შეუძლია ყველაფერი გამოიყენოს მტრის მოსაკლავად. ისინი არ არიან ტოლერანტები ოპონენტების მიმართ. ისინი უნდა დაისაჯონ. ეს რუსეთის ტერორიზმის ღია დემონსტრირებაა. რუსეთის მთავრობა იმ ადამიანებს, რომლებიც საიდუმლოებების გამოვლენის შესახებ ფიქრობენ, ეუბნება, რომ იგივე ბედს გაიზიარებენ“,_ამბობს მირზაიანოვი და ნერვული აგენტის მოხმარების შედეგად გამოწვეულ ეფექტს წამებას უწოდებს.

„იწვევს ადამიანის პარალიზებას, კრუნჩხვებს, სუნთქვის შეჩერებას და ამის შემდეგ სიკვდილს.ნამდვილი წამებაა, რომლის წარმოდგენაც შეუძლებელია. მცირე დოზის მიღების შემთხვევაშიც კი ტკივილი შეიძლება კვირეების განმავლობაში გაგრძელდეს“_ამბობს ის.

 „ნოვიჩოკის“ ტიპის ნერვის აგენტები 2 ათეულ წელზე მეტია რუსეთის დედაქალაქიდან 50 მილით მოშორებულ კვლევით დაწესებულაბაში იქმნება და ბევრად უფრო მძლავრია, ვიდრე სხვა ცნობილი ქიმიური იარაღები.

მარზაიანოვის თქმით, ლაბორატორიები, სადაც საიდუმლო იარაღი იქმნება შემოწმებას ჩვეულებრივ გადიან.

 „ლაბორატორიები არ არის მიწისქვეშ, ჩვეულებრივ გადიან შემოწმებას და ვითარდებიან. დასაქმებული დაახლოებით 1000 ადამიანია, რომლებიც ქიმიურ თვისებებს ცხოველებზე გამოცდის შედეგად სწავლობენ“,_ამბობს რუსი ქიმიკოსი.

ექსპერტები ნერვულ აგენტებს აღწერენ, როგორც მეორე ატომურ ბომბს, როგორც ყველაზე სასიკვდილო იარაღს. ისინი ამბობენ, რომ ინგრედიენტები იმდენად საერთოა, რომ შხამი იდეალურია მკვლელობისთვის, ისევე, როგორც მასობრივი განადგურების იარაღი.

ფარმაკოლოგიის ექსპერტის, გარი სტეფენსის თქმით, ნერვულ აგენტში შემავალი ინგრედიენტების მოხმარება აკრძალული არ არის, რის შედეგადაც ქიმიური იარაღის შექმნა მარტივია.

პროფესორ რობერტ სტოკმანის თქმით, ნერვული აგენტების კვალი არ ქრება.

მისი თქმით, ნერვული აგენტები რეაქციაში შედიან წყალთან და ტენიან ჰაერთან, რის გამოც, დიდ ბრიტანეთში ძალიან შეზღუდული დრო აქვს სამოქმედოდ. ამიტომ მორწყეს შემთხვევის შემდეგ სალისბარის ქუჩა, რომ ნივთიერება განადგურებულიყო.

მაუწყებლის ინფორმაციით, მოსკოვის ქიმიური იარაღის ექსპერტი, კოვალიაოვი,  ბრალდებას ეხმაურება და ამბობს, რომ ნერვის აგენტი „ნოვიჩოკი“ არ არსებობს.

მისივე თქმით, სალისბურის ახლოს მდებარეობს ლაბორატორია და ბრიტანეთს მოუწოდებს, სწორედ იმ ლაბორატორიაში შეამოწმოს, რამემ ხომ არ გაჟონა.

ამავდროულად, ქიმიური იარაღის მეცნიერებათა დოქტორი, ანტონ უტკინი, გაეროს ყოფილი ინსპექტორი ერაყში, ნოვიჩოკის არსებობას უარყოფს და ამბობს, რომ შესაძლოა მოწამვლაზე პასუხისმგებელი ბრიტანეთი იყოს.

„რუსული ქიმიური იარაღის აღმოფხვრაზე ოპერაციას ვატარებდი და  შემიძლია ვთქვა, რომ რუსეთში ამ დასახელების იარაღი არ გვქონდა. ძალიან უცნაურია, რომ ბრიტანელმა ექსპერტებმა აღმოაჩინეს სუპერ საიდუმლო შხამის ფორმულა, რომელიც  არავინ იცის. არ არის ნათელი, როგორ განსაზღვრეს, რომ ის რუსეთში წარმოიქმნა. ეს ამბავი უფრო მეტ კითხვას იწვევს“,_ამბობს ის.

„დიდი ბრიტანეთში მკვლელობა ნეიროპარალიზური ნივთიერებით და ეს ხდება რუსეთის საპრეზიდენტო არჩევნებამდე და მსოფლიო თასამდე. ბრიტანელი, რომ ვიყო რუსეთს არ დავადანაშაულებდი, არამედ ჩემს უსაფრთხოების სისტემას შევამოწმებდი. იქ, რაღაც უცნაური ხდება_ეს არ არის პირველი შემთხვევა, როდესაც დამნაშავეები ქვეყნის მასშტაბით მაღალი ტოქსიკური ნივთიერებებით გადაადგილდებიან საიდუმლო სამსახურმა კი ამის შესახებ არაფერი იცის“,_ამბობს უტკინი.

მაუწყებლის ინფორმაციით, უტკინი მუშაობდა ორგანული ქიმიისა და ტექნოლოგიის სახელმწიფო სამეცნიერო კვლევითი ინსტიტუტში მუშაობდა, რომელიც ეჭვმიტანილია 1973 წლიდან „ნოვიჩოკის“ განვითარებაში.

კოვალიოვმა ასევე განაცხადა, რომ დიდი ბრიტანეთის პრემიერ-მინისტრის ბრალდებები რუსეთის წინააღმდეგ პროვოკაციაა.

„სკრიპალი რუსეთისთვის საშიში არ იყო. მას შეეძლო 20 წლის წინანდელი მეთოდების შესახებ საუბარი. ინციდენტი დროულად მოხდა, რომ არჩევნებზე პუტინი დააზარალოს“_ამბობს ის და დასძენს_“სკრიპალი ცხოვრობდა პატარა ქალაქში, კარგი სამუშაოს და სათანადო საცხოვრებელი პირობების გარეშე. მის გარშემო ისეთი ვითარება იყო, რომ შესაშური არაფერი ჰქონდა.

იმის წარმოდგენა, რომ რუსეთის ჯაშუშების ჯგუფი დადის ინგლისში ფეხით და მოღალატეებს წამლავს, სასაცილოა“.

ამავე თემაზე:

„ყველანაირ გაგებას ცდება“_ ვინ და რას უკავშირებს ყოფილი რუსი ჯაშუშის მოწამვლას


ნახვა: 141


 ახალი ამბები
  • სანამ შახტები იქნება დახურული, მანამდე თითოეული მეშახტე მიიღებს ხელფასსპრემიერ-მინისტრის დავალებით, ტყიბულში, სოზარ სუბარი ჩავიდა. „ქართული ოცნების“ წევრის განცხადებით, მინდელის შახტების დახურვის მიუხედავად, თითოეული მეშახტე მიიღებს ხელფასს. მისივე თქმით, საერთაშორისო ექსპერტებთან ერთად დაიდება დასკვნა, თუ რამდენად უსაფრთხოა ამ შახტებში მუშაობის გაგრძელება მომავალში. „გამოძიების რაღაც ნაწილი უკვე დასრულებულია და ადამიანების მნიშვნელოვანი ნაწილი არის უკვე დაკითხული, შახტები დახურულია შსს-ს მიერ და ამ დროისთვის სამხარაულის ექსპერტიზის ბიურო მუშაობს შახტებში. ვმუშაობთ იმაზე, რომ საერთაშორისო ექსპერტებთან ერთად დაიდოს დასკვნა, თუ რამდენად უსაფრთხოა ამ შახტებში მუშაობის გაგრძელება მომავალში, მას შემდეგ, რაც გაიხსნება. რაც შეეხება მუშებს, მინიმუმ ერთი თვის ხელფასს მათ კომპანია გადაუხდის, შემდგომ როგორ გაგრძელდება, ამაზე უკვე გაგრძელდება მოლაპარაკება კომპანიასა და სახელმწიფოს შორის, მაგრამ მანამ, სანამ ეს იქნება დახურული, სანამ ექსპერტიზის დასკვნები არ დაიდება, მანამდე თითოეული მათგანი მიიღებს ხელფასს“,-განაცხადა ... ...
  • საქართველოს რკინიგზა ახალ სამატარებლო განრიგზე გადადის (R)ზაფხულის სეზონთან დაკავშირებით და  მგზავრთა გაზრდილი ნაკადის მოთხოვნის უზრუნველსაყოფად, საქართველოს რკინიგზა გადადის ახალ სამატარებლო განრიგზე, რაც დამატებითი რეისების დანიშვნას ითვალისწინებს. 19 ივლისიდან თბილისი-ბათუმი-თბილისის მიმართულებაზე  ყოველდღიურად შესრულდება 5 (ხუთი) რეისი, რომელთაგან ერთ რეისს შეასრულებს GRS ტიპის (Stadler) რვავაგონიანი სამგზავრო შემადგენლობა, ხოლო დანარჩენ რეისებზე იმოძრავებენ როგორც GRS ტიპის (Stadler) ორსართულიანი სამგზავრო მატარებლები, ასევე - ერთი GRT ტიპის ელექტრომატარებელი. მცირედი ცვლილებებია სხვა მიმართულებებზეც. მატარებლების სრული განრიგი შეგიძლიათ იხილოთ საქართველოს რკინიგზის ოფიციალურ ვებ-გვერდზე www.railway.ge. დამატებით რეისებზე ბილეთების გაყიდვა უკვე დაწყებულია. ბილეთები შეგიძლიათ შეიძინოთ როგორც საქართველოს რკინიგზის სალაროებში, ასევე სწრაფი გადახდის აპარატების, რკინიგზის ვებ-გვერდისა და სმარტფონებისთვის სპეციალურად შექმნილი აპლიკაციის მეშვეობით (Georgian Railway Tickets). ძვირფასო მგზავრებო, ასევე გთხოვთ გაითვალისწინოთ, რომ ახალ განრიგზე გადასვლამ გამოიწვია მცირედი ცვლილება არსებულ განრიგში, რომლის მიხედვით GRS ტიპის (Stadler) ორსართულიანი მატარებელი ბათუმიდან 07:30-ის ნაცვლად, გამოემგზავრება 08:15-ზე. საქართველოს რკინიგზა გისურვებთ სასიამოვნო მგზავრობას! (R) ... ...
  • ეფექტურია თუ არა წამლობა _ ფაროსანამ გამრავლება დაიწყო (ფოტო)ფოტოები, რომელსაც კომენტარის გარეშე გთავაზობთ, ჩოხატაურში, ერთ-ერთ საკარმიდამო ნაკვეთში, თხილის ერთ ბუჩქზეა გადაღებული. ფოტოებზე კარგად ჩანს ფაროსანას განვითარების ფაზები. ასეთი მდგომარეობაა თითქმის მთელ ... ...
  • ხანძარი ლანჩხუთში _ ორსართულიანი სახლი სრულიად დაიწვახანძრის შედეგად, რომლის გამომწვევ მიზეზად წინასწარი ინფორმაციით, ელექტროგაყვანილობა სახელდება, ლანჩხუთში, სუფსის ადმინისტრაციულ ერთეულში ორსართულიანი საცხოვრებელი სახლი დაიწვა. შემთხვევის ადგილზე მუნიციპალიტეტის ხელმძღვანელობა იმყოფებოდა, რომელთაც დაზარალებულ ზურაბ მარშანიშვილის ოჯახს, შესაძლებლობის ფარგლებში, დახმარების გაწევის პირობა ... ...
  • რა ხდება ოზურგეთის მერიაში _ ოთახებში გადაადგილება თუ ზეწოლის მორიგი მცდელობაახლახან, ოზურგეთის მუნიციპალიტეტის მერიის  სოციალური და  ჯანდაცვის საკითხთა სამსახურის უფროსის, თამარ დუმბაძის სამუშაო კაბინეტიდან სოციალურ განყოფილებაში გადაიყვანეს უმცროსი სპეციალისტი, ნინო ნიკოლაიშვილი. ხოლო თამარ დუმბაძე ამჯერად მარტო დარჩა. „გურია ნიუსის“ წყაროს  ინფორმაციით, ყოველივე ეს თამარ დუმბაძის წინააღმდეგ სამოქმედოდ გადადგმული ნაბიჯია მერის მხრიდან და, ჩვენი წყაროს მტკიცებით,  შესაძლოა,  უახლოეს პერიოდში, დუმბაძის  მიმართ ადგილი ექნეს შანტაჟს, რასაც თვით თამარ დუმბაძეც ადასტურებს „გურია ნიუსთან“ საუბრისას. სამუშაოს სირთულიდან  გამომდინარე, დუმბაძე აღნიშნავს, რომ მასთან ერთი სპეციალისტი მაინც უნდა იჯდეს, რადგან მასთან მრავალი მოქალაქე  შედის, მათ შორის სოციალურად დაუცველები, რომელთაც სჭირდებათ დახმარება და მარტო მომსახურება რთულია. ამასთანავე, დუმბაძის თქმით, უმეტესობა სამსახურების უფროსებისა, სხედან თანამშრომლებთან ერთად და საკვირველია, ასეთი მნიშვნელობა  რატომ მიენიჭა მისი ოთახიდან ნინო ნიკოლაიშვილის გაყვანის საკითხს. თამარ დუმბაძე ჩვენთან საუბრისას ღიად ადასტურებს, რომ ოზურგეთის მუნიციპალიტეტის მერის  მხრიდან შესაძლო შანტაჟს შეიძლება ჰქონდეს ადგილი, როცა ის მარტო იქნება ოთახში. _მე მირეკავენ და პირისპირაც მეუბნებიან, რომ, შესაძლოა, იგეგმებოდეს შანტაჟი, თუმცა, მსურს, რომ ეს ასე არ იყოს.  ნამდვილად შემეშლება ხელი მუშაობაში. ნინო ნიკოლაიშვილი ჩემი თანამშრომელიცაა დ მეგობარიც, თუმცა, ამაში არაა საქმე.   ნამდვილად სასურველია, სხვა იყოს და მყავდეს ერთი დამხმარე აქ. თუმცა , რაკი გადაწყვიტეს, იყოს ასე. მე ყველანაირად ვეცდები, როგორც ყოველთვის, ვიმუშაო მაქსიმალური ობიექტურობით და მთელი ძალისხმევა მოვახმარო აქ მოსული უამრავი მოქალაქის გასაჭირის მოგვარების საქმეს, _ გვითხრა დუმბაძემ. რაც შეეხება ოზურგეთის მერის,  კონსტანტინე  შარაშენიძისა და თამარ დუმბაძის სამსახურებრივ დაპირისპირებას, ამის შესახებ „გურია ნიუსი“ ვრცლად წერდა, როცა დუმბაძის სამსახურში მუნიციპალიტეტის მერიის აუდიტის სამსახური შევიდა  მერის დავალებით.   მაშინ დუმბაძეს მოქალაქეთა წერილებისთვის პასუხების დაგვიანებით გაცემას ედავებოდნენ. თუმცა, როგორც თავად  დუმბაძე ამბობდა, ეს მხოლოდ მიზეზი იყო, რადგან შარაშენიძემ მოსვლისთანავე მოინდომა დუმბაძის გათავისუფლება და უთხრა კიდეც,   თანამდებობიდან წასულიყო. მაშინ დუმბაძეს დეპუტატების უმრავლესობამ მხარდაჭერა გამოუცხადა და ეს პროცესი შეჩერდა.   მას  გაფრთხილება მისცეს, თუმცა თამარ დუმბაძე იმასაც  აღნიშნავს, რომ მსგავსი გადაცდომები  თითქმის ყველა სამსახურში არსებობდა, მაგრამ გაფრთხილება არცერთი სამსახურის უფროსისთვის არ მიუციათ. მხოლოდ დუმბაძე „გააშავეს“. რაც შეეხება სოციალური დაცვის განყოფილების უმცროს სპეციალისტს, ნინო ნიკოლაიშვილს, ის „გურია ნიუსთან“ ასეთ განმარტებას აკეთებს: _ გაურკვეველი მიზეზით გადმომიყვანეს სოციალური დაცვის განყოფილებაში. აქ კი ხედავთ, ამდენი თანამშრომელი ზის და თითქმის ადგილი არცაა. ოზურგეთის  მუნიციპალიტეტის მერის მოადგილემ ირაკლი სირაძემ დამიბარა და მითხრა, რომ თქვენზე არ არის საუბარი არანაირად, უბრალოდ, მერმა გადაწყვიტა ასე, უნდა გამოხვიდეთ დუმბაძის ოთახიდან, მას ფუნქციურად აქვს ამის უფლებაო. კი, ბატონო, აქვს უფლება, მაგრამ ამ წუთში აქ ამის საჭიროება არანაირად არ იდგა დღის წესრიგში. გარდა ამისა, აქტიურად ვრცელდება ხმები, რომ ეს ყველაფერი იგეგმება იმისთვის, რომ თამარ დუმბაძის წინააღმდეგ შანტაჟის მოსაწყობად უფრო ხელსაყრელი გარემო შეიქმნას, _ გვითხრა ნიკოლაიშვილმა. როგორც „გურია ნიუსმა“ ადგილზე მისვლისას ნახა, ნიკოლაიშვილს ჯერ კიდევ არ ჰქონდა სამუშაო პირობა შექმნილი. კერძოდ, კომპიუტერი არ იყო ჩართული მოუგვარებელი  ტექნიკური მიზეზით. თუმცა, თავად ქალბატონმა ნინომ აღნიშნა, რომ ალბათ, მოგვარდება ეს ყველაფერი და მხოლოდ ამის შემდეგ შეუდგება მუშაობას. აღნიშნული „უმნიშვნელო“ პროცესის, ოთახიდან ოთახში გადაადგილების  შესახებ, „გურია ნიუსი“ ოზურგეთის მუნიციპალიტეტის მერის მოადგილეს, ირაკლი სირაძეს ესაუბრა: _ მე გეტყვით ასე _ თუკი სხვა სამსახურის უფროსები, მაგალითად, ადმინისტრაციული სამსახურის უფროსი, გოგი ინწკირველი ზის ცალკე, რატომ არ შეიძლება კაბინეტში ცალკე იჯდეს სოციალური სამსახურის უფროსი? კულტურის სამსახურის უფროსი მარინა ჯაფარიძე ზის განყოფილებასთან ერთად. ის, რომ სამსახურის უფროსი იჯდეს მეოთხე რანგის სპეციალისტთან, ასეთ პრეცედენტი ჩემს საკურატოროში არ მაქვს. სამსახურის ფუნქციონირებისთვის უმჯობესია ერთ განყოფილებაში იყვნენ სპეციალისტები. _ ნიკოლაიშვილი ამბობს, რომ  უთხარით, სხვა ოთახში მერის დავალებით გადაგყავთ. _ რაც შეეხება მერს, ჩვენ ვართ ერთი გუნდი. ფუნქციურად ეს ჩემი მოვალეობაა და უბრალოდ, ვთვლი, რომ განყოფილების თანამშრომლები უნდა ისხდნენ ერთად. სამსახურები უნდა განთავსდეს ისე, როგორც უმჯობესია და როგორ ამას ჩვენ ვთვლით საჭიროდ. რა პრობლემაა ამაში? თამარ დუმბაძეს რომ გავაცანი ეს ყველაფერი, მეორე დილით ამოვიდა ჩემთან ნინო ნიკოლაიშვილი და მითხრა, რომ მე არ გავალ იმ ოთახიდანო. რა ნიშნავს ეს? მეოთხე რანგის სპეციალისტი  ეუბნება მერის მოადგილეს, რომ ოთახიდან არ გავა. რანაირი საქციელია? მე ჩავთვალე ასე საჭიროდ და გადავა იქ და იმუშავებს იქ, სადაც ფუნქციურად უფრო გამართლებულია. _ თამარ დუმბაძე ამბობს, რომ მასთან ერთი სპეციალისტი მაინც უნდა იჯდეს, რომ უფრო გამართულად იმუშაოს. ის აგრეთვე, არ გამორიცხავს შანტაჟის მოწყობის მცდელობას, როგორც ამას „გურია ნიუსის“ წყაროც ადასტურებს. _რა შანტაჟი? ვინ უწყობს შანტაჟს? იქ არის ვიდეოკამერები. მოძრაობენ ადამიანები. როგორ წარმოგიდგენიათ ეს? თუ თამარ დუმბაძე ამბობს, რომ მას სურს სხვა თანამშრომლებიც ჰყავდეს გვერდით და მთხოვს იქეთ გადასვლას, მე მას აუცილებლად დავუკმაყოფილებ ასეთ განცხადებას. მე და თამარს კი გვაქვს ისეთი ნორმალური და კარგი ურთიერთობა, თუ მას ეს სურდა, შეეძლო ეთქვა. _გულწრფელად ამბობთ ამას?  ნამდვილად თქვენ მოიფიქრეთ და გადაწყვიტეთ თუ მერმა დაგავალათ? _მატყობთ რაიმეს ისეთს,  რომ  არ ვარ გულწრფელი ადამიანი? _შესაძლოა, როგორც ჩინოვნიკი, არ იყოთ... _ გიმეორებთ, ჩემი აზრი არის ასეთი, რომ განყოფილების უფროსი, მესამე და მეოთხე რანგის სპეციალისტები ისხდნენ და მუშაობდნენ  ერთ ოთახში, ასე ფუნქციურად უფრო გამართული იქნება მუშაობა. ასეთ რეალობასთან გვაქვს საქმე და ასე უფრო სწორად მიგვაჩნია. თუ ვინმე სხვა გაიმარჯვებს 2021 წელს არჩევნებში და მოვა და სხვანაირად გააკეთებს, გააკეთოს ისე, როგორც საჭიროდ ჩათვლის. მე კი ასე ვთვლი საჭიროდ, _ გვითხრა ირაკლი სირაძემ. სირაძის მოსაზრებებს თუ გავყვებით, შეიძლება აღვნიშნოთ, რომ ვიდეოკამერა მხოლოდ კორიდორს აკონტროლებს. დუმბაძის კაბინეტში კი არ დგას. ასევე, სოციალური განყოფილების სივრცე  ოთხი თანამშრომლის ადგილს  ძლივს ჰყოფნის. ამიტომაც მოგვიბოდიშა დუმბაძემ, როცა მის იქ შესაძლო გადასვლაზე სირაძის თვალსაზრისი ვუთხარით. „ბოდიში, მაგრამ სად გადავიდე, იქ თავზე ხომ არ დავაჯდები ვინმეს? უმჯობესია, აქ მყოლოდა ერთი სპეციალისტი და არანაირი საჭიროება მისი ამ ოთახიდან გაყვანისა არ არსებობდა და ყველაფრის მიუხედავად, ეს მუშაობაში და სიმშვიდის შენარჩუნებაში ხელს მაინც ვერ შემიშლის“. „გურია ნიუსის“  კითხვაზე, რა შეიძლება იყოს, "ზეწოლის მცდელობის" მიზეზი, დუმბაძე ამბობს, რომ არ იცის.   „ერთადერთი  ამის  მიზეზი შეიძლება  იყოს ის, რომ არჩევნებზე  „ქართული ოცნების“ და ხელისუფლების გვერდით  ვიდექი და ვერც წარმომედგინა სხვანაირად“, _ თქვა ... ...

არქივი

ზაფრანი

ბავშვები ტყუილებს 6 თვიდან სწავლობენ

ბრიტანელმა სპეციალისტებმა აღმოაჩინეს, რომ ჩვილი...

საინტერესო ფაქტები, რომლებიც თქვენ არ იცით

პარალელური ხაზები კოსმოსში იკვეთება. ფენ-შუი...

რომელი ასტროლოგიური ქვა მოგიტანთ წარმატებებს

თევზების ზოდიაქოს ნიშნის ქვეშ დაბადებულებისთვის...

"ორქიდეა მაიმუნი"

ეს საოცარი "ორქიდეა მაიმუნი" საიდუმლოდ...

რა არ მოსწონთ კაცებს ქალებისაგან

მამაკაცებს ინსტიქტი, იმპულსი ამოძრავებთ, ქალები...
კარმიდამო ჩემი

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...

წიფლის წიწიბო

წიფელი ჩვენს ქვეყანაში ერთ-ერთი მძლავრი...

ჩეხური "კალაჩი"

ჩეხური სამზარეულო ლუდის გემრიელი მენიუსა...

როგორ ვიმკურნალოთ თაფლით

ხალხურ მედიცინაში არ მოიპოვება ისეთი...

პეტუნიას პოპულარობა და თავისებურება

ბოლო წლების განმავლობაში, ჩვენში განსაკუთრებული...

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...