"თურმე, შესაძლებელი ყოფილა გზების გაწმენდა!"

ა კიდო

"თურმე, შესაძლებელი ყოფილა გზების გაწმენდა!"

2016 იან 28 13:50:19

იანვარში უკვე მეორედ, გურიაში დიდთოვლობამ ბევრი პრობლემა შექმნა. ელექტროეენერგიის გარეშე დარჩენილი მოსახლეობის დიდი ნაწილი, გზებზე შეფერხებული მოძრაობა, პარალიზებული სკოლები _ ასეთი იყო გურიის რეალური სურათი გასულ სამშაბათს.

აღსანიშნავია, რომ წინა დიდთოვლობისგან განსხვავებით, ახლანდელს ხელისუფლება გაცილებით მომზადებული შეხვდა. განსაკუთრებით ჩოხატაურში, სადაც დანარჩენი მუნიციპალიტეტების მსგავსად, საგანგებო შტაბი იყო შექმნილი და "ცხელი ხაზიც" მოქმედებდა.

_ აი, რას ნიშნავს მედია და მისი ძალა. ასე კარგად დაბის ქუჩები ჯერ არ გაუწმენდავთ. თურმე, შესაძლებელი ყოფილა გზების წესიერად გაწმენდა და პრობლემების თავიდან აცილება, _ აღნიშნავდნენ ჩოხატაურელები.

ორშაბათს, სამშაბათს, ოთხშაბათს თითქმის 24-საათიან რეჟიმში იწმინდებოდა გზები მხარის ოთხივე მუნიციპალიტეტში. ქალაქ ოზურგეთში გზებზე მარილი დაყარეს, რამაც მძღოლებს 27 იანვარს გადაადგილება გაუადვილა; მარილი დაიყარა ცენტრალურ გზებზეც.

ყველაზე ბევრი პრობლემა ლანჩხუთში იყო _ 26 იანვარს, დღის პირველ ნახევარში, ქალაქის გაწმენდაც კი არ იყო დასრულებული, რაც მოსახლეობის პროტესტს იწვევდა.

ადგილობრივი ხელისუფლების თქმით, ტექნიკა თითქმის ყველა მიმართულებით მუშაობდა და მათთვის მთავარი პრიორიტეტი სასიცოცხლო ობიექტები იყო, რომელთან მისასვლელ გზებზე პრობლემა არ შექმნილა.

პრობლემები იყო აცანა-მამათის და სოფელ ნინოშვილის გზებზე, რომელიც სახელმწიფო მნიშვნელობისაა. სახელმწიფო მნიშვნელობის გზის გაუწმენდაობამ სამშაბათს პრობლემები ჩოხატაურის ხელისუფლებსაც შეუქმნა _ თითქმის მთელი დღე მოძრაობა არ იყო სამება-ვანზომლეთის მიმართულებით.

_ აღარ ვიცით, ვის მივმართოთ. 1 მეტრზე მეტი თოვლია, გზა არ არის _ პურის საყიდლად ვერ გამოდის ხალხი. იქნებ, დაგვეხმაროთ და ხელისუფლებას მიაწვდინოთ ხმა, _ ასეთი თხოვნით ვან-ზომლეთში და სამებაში მცხოვრები არა ერთი ადამიანი დაუკავშირდა "გურია ნიუსს".

აღნიშნული გზა ცენტრალური მაგისტრალია და მისი გაწმენდა, საავტომობილო გზების დეპარტამენტის მიერ გამოცხადებულ ტენდერში გამარჯვებულ კომპანიის შპს "გზამშენი 18"-ის ვალდებულებაა. არამარტო ეს გზა _ აღნიშნული კომპანიის ვალდებულება ყველა სახელმწიფო მნიშვნელობის გზის მოვლა-შენახვა და პატრონობაა, რაშიც, ბუნებრივია, რომ გაწმენდაც შედის და მარილის დაყრაც. უნდა ითქვას ისიც, რომ აღნიშნული პრობლემა წინა უამინდობის დროსაც შეიქმნა და სწორედ იმ გზებზე, რომელიც სახელმწიფო მნიშვნელობისაა.

"გზამშენი 18"-ის ხელმძღვანელი თემურ ჯახვა "გურია ნიუსთან" საუბრისას ამბობს, რომ სტიქიის დროს შეფერხებები ყოველთვის ხდება:

_ მომზადებულები როგორ არ ვიყავით, თუმცა, ძალიან დიდი თოვლი მოვიდა. სტიქიის დროს, მაშინ, როცა 1 მეტრი თოვლია, ხდება შეფერხებები. ჩვენი ტრაქტორები 24 საათის განმავლობაში წმენდნენ გზებს. უნდა ვთქვა, რომ გაწმენდას ხელს ქარბუქიც უშლის, _ გვითხრა ჯახვამ.

სამშაბათს, დღის მეორე ნახევარში, გურიაში მთავრობის ადმინისტრაციის რეგიონებსა და ადგილობრივი თვითმმართველობის ორგანოებთან ურთიერთობის დეპარტამენტის ხელმძღვანელი გიორგი ამაშუკელი პრემიერის დავალებით ჩამოვიდა. მასთან ერთად იმყოფებოდნენ ინფრასტრუქტურის სამინისტროსა და საავტომობილო გზების დეპარტამენტის წარმომადგენლები, რომლებიც შექმნილ  ვითარებას ადგილზე გაეცნენ:

_ მთელი ღამის განმავლობაში 25 ერთეული ტექნიკა მუშაობდა. 15 ერთეული დილით დაემატა. ახლა ველოდებით დამატებით ტექნიკას იმერეთისა და სამეგრელოს რეგიონებიდან, _ აღნიშნა სამშაბათს ჩვენთან საუბრისას ამაშუკელმა, რომელიც ვარაუდობდა, რომ დღის ბოლოსთვის ყველა ძირითად გზაზე სამუშაოები დასრულებული იქნებოდა.

ამაშუკელის პროგნოზი მეტ-ნაკლებად გამართლდა, რადგან რამდენიმე სახელმწიფო მნიშვნელობის გზაზე პრობლემები სამშაბათს საღამომდე დარჩა:

_ ოზურგეთი-ბათუმის ცენტრალურ მაგისტრალზე ამ დრომდე შეჩერებულია მოძრაობა.  მიაწვდინეთ ხელისუფლებას ხმა. თქვენთან სტატია რომ იწერება, რეაგირება მოჰყვება ყოველთვის. წინა თოვლობაზეც ასე იყო და ახლაც დაგვეხმარეთ, _ ამ თხოვნით დაუკავშირდნენ "გურია ნიუსს" მგზავრები, რომლებიც გზების გაწმენდის მოლოდინში ქუჩაში საათობით იდგნენ.

როგორც გავარკვიეთ, პრობლემა აჭარის ტერიტორიაზე იყო,  რადგან ოზურგეთი-ქაქუთის მიმართულებით, ოზურგეთის მუნიციპალიტეტის ტერიტორიაზე ცენტრალური გზა სრულად იყო გაწმენდილი.

"გურია ნიუსმა" საქმის კურში გიორგი ამაშუკელიც ჩააყენა, რომლის თქმით, დამატებითი ტექნიკა აჭარაშიც იყო გაგზავნილი და ოზურგეთი-ბათუმის მიმართულების ცენტრალური გზა ღამით სრულად გაიწმინდებოდა.

მთავრობის ადმინისტრაციის წარმომადგენლის მიერ მოწოდებული ინფორმაცია "გურია ნიუსმა" ადგილობრივებთან გვიან ღამით გადაამოწმა და როგორც გვითხრეს, სამშაბათს, ღამით, გზაზე მოძრაობა ჩვეულებრივად აღდგა.

მიუხედავად დამაიმედებელი პროგნოზისა, ოთხშაბათს, გამთენიისას თოვლი ისევ წამოვიდა, თუმცა, დამატებითი ტექნიკის დახმარებით გზები გაიწმინდა. ეს დამატებითი ტექნიკა, კი სამშაბათს, დღის ბოლოსთვის შემოვიდა რეგიონში.

რატომ არ მოემზადა ხელისუფლება დიდთოვლობისთვის, რატომ შემოიყვანეს დამატებითი ტექნიკა მას შემდეგ, რაც თოვლმა ერთ მეტრს მიაღწია და ბევრ ადგილზე საავტომობილო მოძრაობა შეჩერდა _ ამის გარკვევა "გურია ნიუსმა" გიორგი ამაშუკელთან სცადა.

მთავრობის ადმინისტრაციის რეგიონებსა და ადგილობრივი თვითმმართველობის ორგანოებთან ურთიერთობის დეპარტამენტის ხელმძღვანელის თქმით, "საზამთრო მობილიზება გაკეთებული იყო":

_ მობილიზება რომ იყო, მოწმობს ის ფაქტი, რომ ყველა საყრდენ პუნქტზე არის ტექნიკისა და მარილის მარაგი და შესაბამისი სამუშაოები დაიწყო დაუყონებლივ. რაც შეეხება დამატებითი სიმძლავრეების მობილიზებას, ეს საჭირო გახდა იმიტომ, რომ ნორმაზე მეტი ნალექი მოვიდა ორი დღის განმავლობაში, _ აღნიშნა ჩვენთან საუბრისას ამაშუკელმა.

ოთხშაბათს, ჩოხატაურში, 1700 აბონენტი რამდენიმე საათის განმავლობაში ბუნებრივი აირის გარეშე იყო დარჩენილი: "თქვენ მაინც დაგვეხმარეთ _ გააგებინეთ ხელისუფლებას, რომ ვიყინებით! აღარ ვიცით ვის მივმართოთ და რა უნდა ვქნათ! ყინვაში გათბობის გარეშე დაგვტოვეს", _ ამ შინაარსის კომენტარებით "გურია ნიუსს" ათობით მკითხველი უკავშირდება.

გაზის მიწოდება ჩოხატაურს გუშინ, დღის მეორე ნახევარში აღუდგა. როგორც ჩვენთან საუბრისას "სოკარ გაზის" ჩოხატაურის ოფისის ხელმძღვანელმა გიორგი სიხარულიძემ აღნიშნა, გათიშვა გაყინვის გამო მილის დაზიანებამ გამოიწვია.




 ახალი ამბები
  • "ახალ რეალობაში მოვიდა, მაგრამ ძველი წესებით"_ ექსპერტი ჩხენკელის დაბრუნებაზე"ჩხენკელს ვერ ვთლი ძველ მინისტრად. ის ახალ რეალობაში მოვიდა, მაგრამ ძველი წესებით",_ ასე აფასებს "გურია ნიუსთან" საუბრისას ექსპერტი განათლების საკითხებში, თამარ მოსიაშვილი, განათლების მინისტრის პოსტზე მიხეილ ჩხენკელის დაბრუნებას. ცნობისთვის, ჩხენკელს განათლების მინისტრის თანამდებობა 2017-2018 წლებში ეკავა. მიხეილ ბატიაშვილმა, კი რომელიც განათლების მინისტრი სწორედ ჩხენკელის შემდეგ გახდა, თანამდებობა 7 ნოემბერს, საკუთარი განცხადების საფუძველზე დატოვა. როგორც განათლების საკითხებში ექსპერტი, თამარ მოსიაშვილი, ამბობს მინისტრები იცვლებიან, სისტემა არის ცენტრალიზებული და იმართება მეგაპროექტებითა და მეგაპროგრამით.ექსპერტი ჩვენთან განათლების სისტემის წინაშე არსებული გამოწვევების შესახებ და განათლების მინისტრების ხშირად შეცვლის სავარაუდო მიზეზებზე საუბრობს. "ჩვენი სისტემის წინაშე დგას ორი გამოწვევა, ერთი უკავშირდება დემოკრატიას და მეორე - ხარისხს, მაგრამ ამ ორ კომპონენტს შორის არის კავშირები. დემოკრატია პირდაპირ არის დაკავშირებული საგანმანათლებლო სისტემის დეცენტრალიზაციასთან, სკოლების ავტონომიურობასთან, რომელიც ამცირებს, სკოლებზე გავლენას",_ამბობს მოსიაშვილი.განათლების სფეროს ექსპერტი მიიჩნევს, რომ უწყება მზად არ არის გააძლიეროს განათლების სისტემის დეცენტრალიზაცია, რადგან თვლის, რომ უწყებას ეშინია საგანმანათლებლო დაწესებულებების ავტონომიურობის გაზრდით რეგულირების საკითხის შემცირების. "არ ვფიქრობ, რომ უწყება მზადაა გააძლიეროს განათლების სისტემის დეცენტრალიზაცია, მაგალითად, გააუქმოს ბრძანება სკოლების ავტონომიურობის შეზღუდვის შესახებ. რაც შეეხება ხარისხს, ხარისხზე უწყება ბევრს საუბრობს და ხარისხის გაუმჯობებსების გზად მიაჩნია მეგაპროექტებისა და მეგაპროგრამების ამოქმედება, რაშიც იდება ძალიან ბევრი ფული და საგანმაათლებლო სისტემა მიბმულია სამინისტროსა და უწყებებთან. ცენტრალიზებული პროგრამებისა და პროექტების ამოქმედება კი იწვევს იმ ფაქტს, რომ ყოველი ახალი მინისტრი ან არ ასრულებს ძველი მინისტრის მიერ ინიცირებულ პროექტს ან გრძელდება ძველი და ახალ პროექტს აანონსებს. ეს ყველაფერი ჩვენი სისტემისთვის არის პრობლემური და ამიტომ არის ერთი აურზაური ხოლმე ახალი მინისტრის მოლოდინის დროს, შესაძლოა, ესეც არის მიზეზი, რომ უკვე წლებია განათლების მინისტრები საკმაოდ ხშირად იცვლებიან. მინისტრის გვარს არ აქვს მნიშვნელობა, სისტემა იმართებოდა ცენტრალიზებურად და მინისტრები აანონსებდნენ ახალ პროგრამებსა და პროექტებს, რაც იყო შინაარსით ცენტრალიზებული და ძალიან ბევრი საუბარი იყო ხარისხზე. სახელმწიფო უწყება იღებს პასუხისმგებლობას გააუმჯობესოს განათლების სისტემა, მაგრამ ამას ვერ ახერხებს, ხოლო დემოკრატიის მიმართულებით, რომ თვითონ აიღონ პასუხისმგებლობა ხარისხის გაუმჯობესებაზე საგანმანათლებლო დაწესებულებებმა, ღიად ისაუბრონ პრობლემებზე და თვითონ შეეცადონ პრობლემის გადაჭრის გზების ძიებას ამისი სახელმწიფო უწყებას ეშინია. შესაძლებელია, იმიტომ ეშინია, რადგან რეალურად თუ გაიზრდება სკოლების ავტონომიურობა შემცირდება რეგულირების ხარისხი",_ამბობს ... ...
  • კახა ოქრიაშვილი: "ზეწოლა გახორციელდა იმ დეპუტატებზე, რომლებიც პროპორციულ საარჩევნო სისტემაზე გადასვლას ეწინააღმდეგებიან"საპარლამენტო უმრავლესობის წევრი კახა ოქრიაშვილი აცხადებს, რომ პარტია "ქართული ოცნების" თავმჯდომარის ბიძინა ივანიშვილის მხრიდან ზეწოლა განხორციელდა იმ დეპუტატებზე, რომლებიც პროპორციულ საარჩევნო სისტემაზე გადასვლას ეწინააღმდეგებიან. მისი თქმით, ყველაზე დიდი ზეწოლა დიმიტრი ხუნდაძეზე განხორციელდა, რადგან ყველაზე მეტად ის აქტიურობდა. "დიტო ხუნდაძეზე იყო სერიოზული ზეწოლა, მაგრამ მან განაცხადა რომ მისი პოზიცია არ შეიცვლება. მომხრეებიც მრავლად არიან, მაგრამ მაგალითად ოთარ ჩრდილელმა, რომელიც არ არის მაჟორიტარი დეპუტატი დააფიქსირა რომ არ არის მომხრე ამ სისტემაზე გადასვლის. დაახლოებით, როგორც ვვარაუდობ, 20-მდე ადამიანია ან ცოტა მეტი ვინც არ ემრობა ახალ საარჩევნო სისტემას, უფრო სწორად მოძველებულ საარჩევნო სისტემაზე გადასვლას",_ აღნიშნა კახა ოქრიაშვილმა. შეგახსენებთ, რომ საპარლამენტო უმრავლესობაში აზრები ორად არის გაყოფილი. გუნდის ნაწილი არჩევნების პროპორციული წესით ჩატარებას ემხრობა, ნაწილი კი მიიჩნევს, რომ ეს რისკის შემცველია. ცნობისთვის, წარმოდგენილი ცვლილებების პროექტის თანახმად, 2020 წელს საპარლამენტო არჩევნები პროპორციული წესით, ბუნებრივი ბარიერის პირობებში ჩატარდება. უქმდება საარჩევნო ბლოკები.საქართველოს პარლამენტის მომდევნო არჩევნების შედეგად პოლიტიკური პარტიის მიერ მიღებული მანდატების რაოდენობის დასადგენად, პოლიტიკური პარტიის მიერ მიღებული ხმების რაოდენობა გამრავლდება 150-ზე და გაიყოფა არჩევნებში მონაწილე ყველა პოლიტიკური პარტიის მიერ მიღებული ხმების ჯამზე. მანდატს/მანდატებს მიიღებს ყველა ის პოლიტიკური პარტია, რომელიც სულ მცირე ერთი მანდატის მისაღებად საკმარისი ხმების რაოდენობას მიიღებს. ანუ, სულ მცირე ერთ მანდატს მიიღებს ის პოლიტიკური პარტია, რომელიც მიიღებს ამომრჩეველთა ხმების 0.67%-ს მაინც. რაც შეეხება გაუნაწილებელ მანდატებს, მას თანმიმდევრობით მიიღებენ უდიდესი ნაშთის მქონე პოლიტიკური პარტიები. მაგალითად, თუ ერთ პარტიას მიღებული აქვს 45.1% და მეორე პარტიას 7.8%, ამ შემთხვევაში 7.8-ს მიენიჭება უპირატესობა. არჩევნებში მონაწილეობის მიღების უფლება ექნება იმ პარტიებს, რომლებსაც 5 000 ამომრჩევლის ხელმოწერა აქვს, ნაცვლად 25 000 ხელმოწერისა. თუმცა ეს იქნება ერთჯერადი. ხელმოწერის ვალდებულებისგან თავისუფლდება ყველა ე.წ. კვალიფიციური პოლიტიკური პარტია. ბუნებრივი ბარიერი არის ერთჯერადი და ის მხოლოდ 2020 წლის საპარლამენტო არჩევნებზე იმოქმედებს. 2024 წლიდან პროპორციული საარჩევნო სისტემა იქნება, თუმცა 5%-იანი ბარიერი განახლდება. წყარო: https://pia.ge/ ... ...
  • 15 ნოემბერს _ ოზურგეთის მოსახლეობისთვის უფასო გასინჯვების აქციაჰოსპიტალური ქსელის _ „მედალფას“ ოზურგეთის კლინიკაში, 2019 წლის 15 ნოემბერს, ქირურგიის ეროვნული ცენტრი აწყობს უფასო გასინჯვების აქციას გურიის მოსახლეობისთვის. აქციის ფარგლებში ოზურგეთს ეწვევიან ქირურგიის ეროვნული ცენტრისა და „ახალი სიცოცხლის“ წამყვანი ექიმ-სპეციალისტები: თერაპევტი, კარდიოლოგი, ნევროლოგი, გინეკოლოგი, ენდოკრინოლოგი, ზოგადი ქირურგი, ბარიატრიული ქირურგი, ანგიოქირურგი, ონკოლოგი, ჰემატოლოგი, ექოსკოპისტი. აქციის ფარგლებში პაციენტებს უფასოდ ჩაუტარდებათ ექოსკოპიური კვლევა, ეკგ, სისხლში გლუკოზის დონის განსაზღვრა. ჰოსპიტალური ქსელის „მედალფას“ კლინიკებში მუდმივად მიმდინარეობს მოსახლეობის საჭიროებაზე მორგებული სხვადასხვა ტიპის აქციები. კომპანია “ავერსის” ჰოლდინგის წევრია. მიმდინარე წლის 14 ნოემბერს „ავერსს“ 25 წელი უსრულდება. „მედალფას“ ოზურგეთის კლინიკაში დაგეგმილი უფასო გასინჯვების აქციაც ამ იუბილეს ეძღვნება და ხორციელდება კომპანიის დამფუძნებლის ბატონი პაატა კურტანიძის მხარდაჭერით. აქციის ფარგლებში გასინჯულ პაციენტებს უსასყიდლოდ გადაეცემათ პირველადი მოხმარების მედიკამენტები. „მედალფას“ ოზურგეთის კლინიკის მისამართია: ოზურგეთი, ნინოშვილის ქ.#3; საკონტაქტო პირი: სოფიო ადანაია, ტელეფონი:+995 599 181 581, +995 588 883 231, e-mail: sopho.adanaia@medalpha.ge. ... ...
  • გია ვოლსკი - პროპორციულ საარჩევნო სისტემაზე გადასვლასთან დაკავშირებით მთავარი დებატები დღეს იქნებაყველაფრისთვის მზად ვართ, თუმცა კატეგორიულად ვიქნები წინააღმდეგი, რომ გარკვეულმა საპირისპირო აზრმა, თუნდაც ასეთ მნიშვნელოვან საკითხზე, გავლენა იქონიოს გუნდის ერთობაზე, რადგან ეს გუნდი კიდევ დაგვჭირდება და ვფიქრობ, საკმაოდ ეფექტურადაც ვიმუშავებთ ერთად, – ამის შესახებ საპარლამენტო უმრავლესობის ლიდერმა, გია ვოლსკიმ საპარლამენტო უმრავლესობის სხდომის დასრულების შემდეგ განაცხადა. როგორც გია ვოლსკიმ აღნიშნა, დღევანდელ შეხვედრა შედგა მსჯელობა პროპორციულ საარჩევნო სისტემაზე გადასვლასთან დაკავშირებით. „ვფიქრობ, უმრავლესობის უმრავლესობაა, რომელიც ამას მხარს დაუჭერს. რასაკვირველია, სარეიტინგო არ ჩავატარეთ, არ დავუჭირეთ ამას მხარი, რადგან ჯერ განხილვები არის წინ. ირაკლი კობახიძემ დღევანდელი დღისთვის დაიტოვა ის პოზიტივები, რაც გააჩნია პროპორციულ არჩევნებს, გუშინ დღის ბოლოს მოკლედ რაღაც საფრთხეებზე ილაპარაკა. დღეს იქნება მთავარი დებატები. თუკი საჭირო გახდა ამასთან დაკავშირებით რაიმე წინასწარი ანალიზი, წინასწარი შეთანხმება და კიდევ ერთხელ გავლა, ჩვენს კოლეგებთან ამის საშუალება გვექნება“, – განცხადა გია ვოლსკიმ. მისივე თქმით, როგორც ვითარება უჩვენებს, საწინააღმდეგო პოზიცია არ გააჩნია იმ რაოდენობას, რა რაოდენობითაც არის წარმოდგენილი ოპოზიცია. „ჩემთვის, უმრავლესობის ლიდერისთვის რთული იქნება იმის განცდა, რომ ჩვენი კოლეგები, ვინც მხარს არ დაუჭერს, რაღაცა ფორმით კენჭის ყრის დროს უნდა ჩანაცვლდნენ ამ ერთ კენჭისყრაზე ოპოზიციის მიერ. დღეს ყველაფერი ითქვა, ბიძინა ივანიშვილს ვთხოვეთ და ჩვენთან ერთად იყო. ყველაფრისთვის მზად ვართ, თუმცა კატეგორიულად ვიქნები წინააღმდეგი, რომ გარკვეულმა საპირისპირო აზრმა, თუნდაც ასეთ მნიშვნელოვან საკითხზე გავლენა იქონიოს გუნდის ერთობაზე, რადგან ეს გუნდი კიდევ დაგვჭირდება და ვფიქრობ, საკმაოდ ეფექტურადაც ვიმუშავებთ ერთად“, – განაცხადა გია ვოლსკიმ. კითხვაზე, სხდომა ხმაურის ფონზე მიმდინარეობდა თუ არა, გია ვოლსკიმ აღნიშნა, რომ სხდომაზე ყოველთვის არის ხმაური და შეფასებები. „სხდომა მშვიდი როგორ იქნებოდა, პრინციპულ საკითხებზე იყო მსჯელობა, მაგრამ ხმის აწევას ადგილი არ ჰქონია. ძალიან მივეჩვიეთ ლაპარაკს, რომ ბიძინა ივანიშვილი გარანტიას იძლევა, ეს ნარატივი არსებობს ისეთი, თითქოს ის არის ადამიანი, რომელიც ერთპიროვნულად წყვეტს, გუნდს უსმენს და გუნდი თავისი დიდი ნაწილით არის იმ პოზიციის მომხრე, რაც 92 ხელმოწერამ დაადასტურა. მაჟორიტარობა მემკვიდრეობით კი არ აქვთ. საუბარია სახელმწიფო ინტერესებთან დაკავშირებით, რაშიც მე ვერ ვეთანხმები, რადგან პრინციპული მნიშვნელობა აქვს. დარწმუნებული ვარ, „ქართულ ოცნებას“ შესაძლებლობა ექნება შეადგინოს, ჩამოაყალიბოს მთავრობა, ისინი ფიქრობენ, რომ ამასთან დაკავშირებით გარკვეული საფრთხეებია, რადგან საქართველო არ არის ის ქვეყანა ამ მოცემულობაში, რომ კოალიციური მმართველობა შედგეს“, – განაცხადა გია ვოლსკიმ. წყარო: ... ...
  • „შემოახიეს სამოსი, მიწაზე ათრიეს ხალხი, დააზიანეს ავტომობილი“_ რა მოხდა ვარკეთილშივარკეთილში, ანას ბაღის მიმდებარედ მცხოვრები მოსახლეობა მშენებლობის წინააღმდეგ პროტესტს აგრძელებს.ისინი უკვე მეორე დღეა საპროტესტო მშვიდობიან აქციას მართავენ, თუმცა, როგორც გვერდი „ანას ბაღის გადასარჩენად“ ინტერნეტში ავრცელებს ინფორმაციას, ღამით მომიტინგეებს 30-მდე შენიღბული ადამიანი თავს დაესხა. „ჩვენ მეორე დღეა სრულიად მშვიდობიანი აქცია გვაქვს, მოგზავნილი კრიმინალთა ბანდა მთელი დღის და ღამის განმავლობაში გვიწყობდა პროვოკაციას, სათითაოდ გადაყავდათ აქციის მონაწილეები აქციის ტერიტორიიდან ემუქრებოდნენ გომელაურის სახელით, შვილებით, ოჯახის წევრებით, სამსახურის დაკარგვით, ნარკოტიკების ჩადებით და ა.შ. ჩვენ მივმართეთ საპატრულო პოლიციას და ვთხოვეთ, ეს ბანდა განერიდებინათ მშვიდობიანი მომიტინგეებისგან და უზრუნველყოთ ჩვენი უსაფრთხოება. საპატრულო პოლიცია ადგილზე იმყოფებოდა, მაგრამ დაახლოებით დილის 04:00-ზე 30-მდე ნიღბიანი ადამიანი დაესხა თავს 6 მშვიდობიან მომიტინგეს. ძალადობით სცადეს ადამიანთა გზიდან მოცილება, შემოახიეს სამოსი, მიწაზე ათრიეს ეს ხალხი, დააზიანეს ავტომობილი, პოლიციელებმა არანაირი რეაგირება არ მოახდინეს. პოლიციამ არ დაიცვა ჩვენი უსაფრთხოება, არ არის არცერთი პირი დაკავებული. ძნელი წარმოსადგენი არ არის ვის შეიძლება ჰქონდეს ამ ქვეყანაში იმხელა ძალაუფლება, რომ პოლიციის თვალწინ მშვიდობიან მოქალაქეებს მიუგზვნო 30 ნიღბიანი ზონდერი. ჩვენ, ვარკეთილის ზემო პლატოს მოსახლეობას გვაქვს სულისკვეთება და განწყობა ვიბრძოლოთ ბოლომდე, მაგრამ ფართო საზოგადოების მხარდაჭერისა და მეტი გამჭირვალეობის გარეშე გავლენიანი მფარველების, დიდძალი ფულის, აგრესიული ჯგუფების წინააღმდეგ ვშიშობთ, რომ დავმარცხდებით. ვფიქრობთ, რომ ეს არ არის მხოლოდ ვარკეთილის პრობლემა, ეს არ არის ერთი მშენებლობის პრობლემა, ეს უკვე გასცდა ამ ფარგლებს მაშინ, როცა დაიწყო მასობრივი მუქარა ძალადობა და დაშინება. ეს არის უკვე სისტემური პრობლემა“, _ წერია გვერდზე გავრცელებულ ინფორმაციაში. შეგახსენებთ, რომ მოსახლეობა ანას ბაღთან 11 სართულიანი საცხოვრებელი კორპუსის მშენებლობის შეჩერებას უკვე 2 წელია ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

არის თუ არა თქვენ საცხოვრებელ ადგილას სასმელი წყალი?