გურული კურიოზები 08.04.2011

ა კიდო

გურული კურიოზები 08.04.2011

1970 იან 1 04:00:00

საშა და ნიკიფორე

საშა საავადმყოფოში იწვა. მეზობელმა გიორგიმ კეცის ხაჭაპური გამოაცხობინა ცოლს და საშას სანახავად წავიდა საავადმყოფოში, თან დაგვიანებისთვის ბოდიში მოუხადა. საშამ ტრაბახი დაიწყო, რათ გინდოდა, ძამია, აი ხაჭაპური. აქანე კისრამდე ვარ ხორცეულითო.

გიორგის გაუხარდა: _ კისრამდე თუ ხარ, ამას ქე წევიღებ სახლში და სადილად გეახლებიო.

გამოეკიდა საშა: _ დააბრუნე, დააბრუნე, ძველი ხალხი იბრძნიდა საავადმყოფოდან სახლში რამეს წაღებასო!

 

საშა ხშირად გადადიოდა მეზობელ გიორგისთან _ ღვინოს დამალევინებსო. ერთხელ გიორგი საშას ეკითხება, წყალს თუ სვამო. საშამ უპასუხა, შენსას რომ ღვინოს ვსვამ, იგი წყალი არაა ნახევარიო? გაბრაზებულმა გიორგიმ საშას "ლიმიტი" შეუწყვიტა.

 

საშას ეკითხებიან:

_ ხიდისთავში საღამოს რომელ მეზობელთან ატარებ?

_ გიორგისთან დავლევ 10 ჭიქა ღვინოს, მერე წამუალ სახლში, გიორგის ღვინოს შესამაგრებლად დავლევ კიდო 3 ჭიქა ღვინოს და ვწობი ლოგინში, _ უპასუხა საშამ.

 

ჯაპანაში ჩასიძებულ ჩოხატაურელ ნიკიფორეს ერთ საღამოს სიდედრმა უთხრა, რაცხა ქათამმა არ მეიკრუხა, ხვალ დილას რომ ავდგები, მევიხურავ წითელ საბანს და ეზოდან გადავალ. 50 მეტროს რომ გევივლი, დამიძახე, მობრუნდი,-თქვა. მოვბრუნდები და ქათამი მეიკრუხებსო.

ადგა დილას წითელსაბანმოხურული სიდედრი, გადავიდა ეზოდან, გაიარა 50 მეტრი, 100 მეტრი, იხედება უკან _ არავინ არ ეძახის.

_ წაი ახლა, კაი გზაზე ხარ დამდგარი ლანჩხუთისკენ, _ მიაძახა ნიკიფორემ.

 

ნიკიფორე ღარიბ ოჯახში იყო ჩასიძებული. ძველი ოდა სახლი დახვდა, რკინის "კრაოტები" ღამით საშინლად ხმაურობდა. ერთ დილას სიდედრმა უთხრა: _ ნუ მოკლავ ციცას, რა ამბავია ამდენი ....!

სიძემ მიუგო: _ მე ამიზა ჩამევედი აქანე, თვარა ჭადს ნენეც კი მიცხობდა სახლში.

შეაგროვა გიორგი გუდავაძემ, ჩოხატაური, სოფელი ხიდისთავი

 

ჯემალ ჭკუასელი

თქვენ არაფერს აკეთებთ აქანა?!

გურიაში, სოფელ შემოქმედის სკოლაში ვსაწავლობდი. VII კლასამდე ფრიადოსანი ვიყავი. აი, მერვეში კი ყველაფერი თავდაყირა დადგა. ამის მიზეზი ერთი ლამაზი გოგონა გახლდათ, რომელიც თავდავიწყებით შემიყვარდა და საკლასო ჟურნალში ჩემი ორიანების მომრავლებაც მაშინ დაიწყო. პირველი მეოთხედის ბოლოს უკვე ყველა საგანში ორიანი მყავდა, ერთადერთი ფრიადი სიმღერაში მეწერა. მამაჩემი ძალიან მკაცრი იყო. სკოლაში ეს იცოდნენ და ბევრი ყოყმანის შემდეგ მისი მიწვევა გადაწყვიტეს. სამასწავლებლოში მეც მიმიყვანეს. სკოლის დირექტორმა ქეთევან ჭანუყვაძემ მამას საკლასო ჟურნალი მორიდებით გადაუშალა, თან შუაში ჩადგა, ბავშვი არ შემოაკვდესო. სიმართლე რომ გითხრათ, ამის მეც შემეშინდა. მამამ ყურადღებით გადაათვალიერა ჩემი "წარმატების" ამსახველი ორიანების გრაფა და იკითხა:

_ ბოლოში ხუთიანი რაში უწერია?

_ სიმღერაში, _ უპასუხეს ხალისიანად.

_ აი სიმღერა მე ვასწავლე და თქვენ არაფერს აკეთებთ, აქანა?! _ მკაცრად იკითხა მამაჩემმა.

 

მეტი ვერაფრით მოკალით?

ერთხელ მე და ჩემი ძმა სოფელში, მამაჩემის მეგობართან ერთად, სუფრასთან ვისხედით. უბადლო მომღერლები არასდროს აძლევდნენ თავს უფლებას, ზომაზე მეტი ღვინო დაელიათ _ ისინი სასმელს პატარა ჭიქებით შეექცეოდნენ. ჩვენ, როგორც "დიდი შერმანდის" (მამას ასე მოიხსენიებდნენ) შვილები, თავი ვალდებულად ჩავთვალეთ, გურული სიმღერა გვემღერა. ვიმღერეთ კიდეც. რომ დავამთავრეთ, სუფრა საეჭვოდ გაირინდა. ჩვენ, როგორც უხუცესს და უპირველეს შემფასებელს, ვარლამ ვარშალომიძეს გადავხედეთ. ვარლამი ეშმაკურად იღიმებოდა და თან ტარაკნის კუდივით დაგრეხილ ულვაშებს ეფერებოდა:

_ ბიჭო, მეტით ვერაფრით მოკალით მამათქვენი? _ დაგვასამარა!

 

შევარდნაძის "ცუდი გუნდი"

1996 წლის 26 მაისს, ჩემს გუნდთან ერთად, პარლამენტის შენობის წინ ვიდექი. მოულოდნელად მოედანზე პრეზიდენტი ედუარდ შევარდნაძე მრავალრიცხოვანი ამალის თანხლებით გამოვიდა. შეგვამჩნია და ჩვენსკენ წამოვიდა. მოგვესალმა, მოგვილოცა დღესასწაული. შემდეგ თითქოს შემოგვჩივლა, ძალიან მიყვარს სიმღერა. მეც დიდი სიამოვნებით ვიმღერებდი, მაგრამ გუნდი არ მივარგაო, და ცერა თითით ზურგს უკან მდგომ მთავრობის წევრებზე მიგვანიშნა.

მინდოდა მეთქვა, _ ბატონო ედუარდ, ჩემი გუნდი მე თვითონ შევარჩიე,-მეთქი, მაგრამ ვერ შევბედე.

ქუთაისელებს რა უხარიათ!

1982 წლის 10 მარტს, თბილისში, ქუთაისის ახლად შექმნილი სახალხო სიმღერისა და ცეკვის ანსამბლი ჩამოვიყვანე. პრემიერა დიდ საკონცერტო დარბაზში გაიმართა. ედუარდ შევარდნაძეც დაგვესწრო. თან მაშინდელი ცენტრალური კომიტეტის ბიუროს წევრები იახლა უკლებლივ. კონცერტის შემდეგ კულისებში შემობრძანდა, მოგვილოცა, გვითხრა _ როგორც სპეციალისტები ამბობენ, პრემიერამ მაღალ დონეზე ჩაიარა. ქუთაისის საზოგადოებაც ძალიან კმაყოფილი და გახარებულია, რასაც მთელი გულით გილოცავთო. შემდეგ მოულოდნელად ჩამეკითხა:

_ ჯემალ, სადაური ხარ შენ?

_ გურული, _ ვუპასუხე ამაყად.

_ მთავარი ქორეოგრაფი?

_ ისიც გურულია.

_ მხატვარი, მერაბ ბერძენიშვილიც გურულია, ხომ?

_ დიახ.

_ ქუთაისის ქალაქკომის მდივანი?

_ გურული ვარ, _ გაკვირვებით უპასუხა ნუგზარ რუხაძემ.

_ მეც გურული ვარ და ამ ქუთაისელებს ნეტა რაღა უხარიათ?! _ გულიანად გაიცინა ბატონმა ედუარდმა.

 

გია ქურიძე, ლანჩხუთის თეატრის რეჟისორი

ლენინის ჩიხი

იმ ტაქსის მძღოლის ვინაობა აღარ მახსოვს, ვისზეც უნდა მოგიყვეთ, მაგრამ ამბავი ღირს მოსაყოლად.

გაგანია კომუნისტების დროა. რკინიგზის სადგურში უთენია ჩამოვიდა თბილისის მატარებელი, რომელსაც ფართოსაყელოებიან "პლაშს" და ცილინდრში გამოჯგიმული ტყავის პორტფელიანი უცხო კაცი ჩამოჰყვა. მედიდურად მივიდა გაჩერებულ ტაქსთან, გამოაღო კარები, უკან პორტფელი ჩადო, თვითონ წინ გაიჭიმა და ამაყად დააგდო მისამართი: _ ლენინის ჩიხი, #...

ტაქსის მძღოლმა გახედა: _ შენ იგი მითხარი, ვისას მიხვალ, ძამა, თვარა ჩვენ აქანე კაი ხანია, ლენინის ჩიხში ვართ!




 ახალი ამბები
  • თენგიზ ცერცვაძე: ჩვენგან იღებენ მაგალითებსმსოფლიოს წამყვანი ქვეყნების სპეციალისტები კორონავირუსთან ბრძოლის საკითხზე კონსულტაციებს ქართველ ეპიდემიოლოგებთან გადიან. ამის შესახებ „იმედის კვირის“ ეთერში ინფექციური საავადმყოფოს დირექტორმა თენგიზ ცერცვაძემ განაცხადა. „არ ვიცი რატომ გვაქვს ეს რაღაც საკუთარი თვითდამცირების განწყობა, რომ აუცილებლად სხვაგან უკეთესია. რომელი მოდელი ჯობია დღეს? პირდაპირ ვამბობ, არცერთი არ ჯობია დღეს ჩვენს მოდელს. ჩვენგან იღებენ მაგალითებს. ამის შესახებ ცნობილია, ჯანდაცვის მსოფლიო ორგანიზაცია აცხადებს. ყოველდღე გვიკავშირდებიან წამყვანი ქვეყნებიდან: გერმანიიდან, საფრანგეთიდან, ესპანეთიდან და ჩვენგან იღებენ კონსულტაციებს. ორშაბათს ტეხასიდან, ამერიკიდან გვაქვს ჩართვა და ჩვენგან უნდა მიიღონ კონსულტაციები“, - განაცხადა ... ...
  • ყვარელში ხანძარს 92 წლის ქალი ემსხვერპლაყვარლის მუნიციპალიტეტის სოფელ საბუეში ხანძარს 92 წლის ქალი ემსხვერპლა. ინფორმაცია "გურია ნიუსს" მერის წარომამდეგენლმა აღნიშნულ თემში, გოდერძი ჭიტაშვილმა დაუდასტურა. არსებული ინფორმაციით, ქალი სახლში მარტო იმყოფებოდა და დროულად გამოსვლა ვერ შესძლო. რა გახდა ხანრის გამომწვევი მიზეზი, ჯერჯერობით, ... ...
  • გურჯაანში ფეხბურთის თამაში ადგილობრივებს 3 000 ლარი დაუჯდათ _ დაჯარიმებულია 11 პირიგურჯაანის მუნიციალიტეტის სოფელ ველისციხეში ფეხბურთის თამაშის გამო,  11 პირი 3 000 -3 000 ლარით დაჯარიმდა. აღნიშნული ინფორმაცია "გურია ნიუსს" გურჯაანის მერმა არჩილ ხანდამაშვილმა დაუდასტურა. მუნიციპალიტეტის სამსახურთან ერთად დილის 5 საათიდან გამოსულები ვართ და ვაფრთხილებთ ყველას, რომ არ იყოს თავშეყრა, დავუდგეთ ჯანდაცვის სამინისტროს გვერდზე. მაქსიმალურად უნდა შევინარჩუნოთ ის მდგომარეობა, რასაც ჰქვია იდიალური მდგომარეობა და დაჭერა ამ პანდემიისა. იმედია, გაითვალისწინებენ და კარგად გაითავისებენ, რას ნიშნავს ეს საფრთხე. მიუხედავად ამისა, არ გაითვალისწინეს ჩვენი გაფრთხილება და პოლიცია იძულებული გახდა, ზომები მიეღო“,_ გვითხრა გურჯაანის მერმა. ... ...
  • დეკანოზი ილია ჭიღლაძე: ისტერიკა ბოლო ჟამზე სრული უმეცრებაა„ყოველგვარი ისტერიკა ბოლო ჟამზე არის სრული უმეცრება, ძვირფასებო!“ _ წერს სოციალურ ქსელში დეკანოზი ილია ჭიღლაძე. „ისტორიას ამაზე საშინელი პანდემიები და შიმშილობები ახსოვს, ამდენად არაფერი უჩვეულო არ ხდება ახლა. ყოველგვარი ნიჰილიზმის დანერგვა არის სიჩლუნგე და პრიმიტივიზმი. პრობლემას უნდა მივუდგეთ გონივრულად და პრაგმატულად, რაც შეეხება ბოლო ჟამს, ესაა ღვთის უმთავრესი საიდუმლო და არავინ იცის მისი თარიღი, ესაა უფლისა ჩვენისა იესო ქრისტეს არაერთგზისი სწავლება. ძალიან ცუდია, როდესაც ცალკეული სასულიერო პირი აიგნორებს წმინდა წერილის სიტყვებს და პანიკას თესავს, ჰგონია რომ დაშინებულ-დაზაფრული მრევლი უფრო მორწუნე იქნება, სინამდვილეში ესაა ცრუმეტყველება“,_ წერს თვის ფეისბუქგვერდზე დეკანოზი ილია ჭიღლაძე. ... ...
  • პრეზიდენტი: ბრძოლის ახალ ეტაპს ვიწყებთსაქართველოს პრეზიდენტი სალომე ზურაბიშვილი მარნეულის მუნიციპალიტეტის შესასვლელთან მდებარე გამშვებ პუნქტთან არსებულ მდგომარეობას გაეცნო, რომელზეც ჯანდაცვის, შინაგან საქმეთა სამინისტროსა და საქართველოს თავდაცვის ძალების წარმომადგენლები არიან განლაგებულნი.პრეზიდენტმა მადლობა გადაუხადა ჯანდაცვის უწყების, შსს-სა და თავდაცვის ძალების წარმომადგენლებს, რომლებიც თავდაუზოგავად, დღე და ღამე ერთობლივად და ორგანიზებულად მუშაობენ და უდიდესი წვლილი შეაქვთ კორონავირუსის წინააღმდეგ ბრძოლაში...ქვეყნის ყველა რეგიონში ყველა მოქალაქე ერთნაირადაა დაცული. აქ ძალიან ბევრი სინჯი ჩატარდა. ეს კი იმას ნიშნავს, რომ ყველა ზომაა გამოყენებული იმისათვის, რომ ადამიანები მაქსიმალურად იყვნენ დაცულები. ჩვენ ახლა ახალ ფაზაში შევდივართ, რომელიც შესაძლოა, ბევრად უფრო მძიმე აღმოჩნდეს, ამიტომ ყველა მზად უნდა იყოს ამისათვის. ყველას ერთმანეთის მიმართ ბევრად უფრო მეტი სიფრთხილე დაგვჭირდება, ჩვენ პასუხისმგებელნი ვართ, რადგან შესაძლოა, სახელმწიფომ ყველაფერი გააკეთოს, მაგრამ საკმარისია ერთმა ადამიანმა დაარღვიოს სიფრთხილის ნორმები და ამას ძალიან მძიმე შედეგი ჰქონდეს. მე დღეს აქ მოსვლით, უპირველესად, მინდოდა მადლობის გადახდა იმ ადამიანებისათვის, ვინც ჩვენთვის იბრძვიან და ასევე, გამეფრთხილებინა ყველა - ჩვენ ახლა ბრძოლის ახალ ეტაპს ვიწყებთ, როცა ყველანი შემართებით და სიფრთხილით უნდა ვიყოთ და ვიცოდეთ, რომ ჩვენ ყველა ვართ პასუხისმგებელი ერთმანეთის ჯანმრთელობაზე“, - აღნიშნა საქართველოს ... ...

არქივი


კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...