ლადო კახაძის რთული პროფესია

ა კიდო

ლადო კახაძის რთული პროფესია

23 მარ. 2019, 14:27:04

ჩვენი დღევანდელი სტუმრები ყოფილი და ამჟამინდელი პოლიტიკოსები იქნებიან, რომლებიც „არაპოლიტიკურ“ სახალისო ისტორიებს გაიხსენებენ.

თავდაპირველად სიტყვას თბილისის საკრებულოს ყოფილ თავმჯდომარეს, ბატონ ლადო კახაძეს გადავცემ. ბატონი ლადო საკუთარი პროფესიის გამო არაორდინალურ მდგომარეობაში არაერთხელ აღმოჩენილა. ერთ დღეს კახაძეს „სამედიცინო დახმარებისთვის“ ხნიერი გლეხკაცი ეწვია. ალბათ გაგიკვირდათ, რა ისეთი „გინეკოლოგიური“ პრობლემა ჰქონდა ბერიკაცს. უმჯობესია ეს შემთხვევა თავად ბატონმა ლადომ გვიამბოს.

„ჩემი პროფესიიდან გამომდინარე არა მარტო ქალაქების, არამედ რაიონიდან და სოფლიდან ჩამოსული პაციენტების გასინჯვაც მიწევს ხოლმე. ერთხელაც სამოცდათხუთმეტი წლის ქართველი გლეხკაცი მოვიდა და მთხოვა გამსინჯეო. მეც გავსინჯე გულდასმით. ასაკობრივი ცვლილებების გარდა რაც შეიძლება დასაშვები ყოფილიყო ფიზიოლოგიურად, არაფერი აღენიშნებოდა. ვეუბმები კარგ დიაგნოზს: - ყველაფერი ნორმის ფარგლებშია და არაფერი გჭირთ-მეთქი.

- როგორ არ მჭირსო! - აღშფოთდა ის და თვალები დაქაჩა. ვფიქრობ ჩემთვის, ყველა ორგანო გულდასმით გავსინჯე, ცვლილებები არაფერი შემინიშნავს, გამორიცხულია რამე გამომრჩენოდა. - ბატონო ჩემო, ნამდვილად არანაირი ცვლილება არ გაქვთ არც ერთ ორგანოში, მაგრამ რადგან თვლით, რომ რაღაც გამომრჩა, იქნებ მითხრათ კონკრეტულად რა გაწუხებთ-მეთქი. მიყურებს გლეხკაცი აღშფოთებული და ხელებით მიხსნის:

- რას ჰქვია რა მაწუხებს, რვა ლიტრ ღვინოს ვსვამდი, ახლა ხუთს ძლივს ვსვამ და შენ კი მეუბნები არაფერი გჭირსო. რამე რომ არ მჭირდეს, ხომ ისევ იმდენს დავლევდიო?

ეს იმდენად ალალად და გულწრფელად იყო ნათქვამი, რომ თავი ვერ შევიკავე და გულიანად გავიცინე.

- რვა ბოთლს ბიძია ბაბუა, მე და ჩემი მეგობრები ვერ ვსვამთ ახლა და სამოცდათხუთმეტი წლის ასაკში ალბათ ხუთ ბოთლსაც ვერ შევბედავთ, ახლა მოდით ხუთ ბოთლზე გაჩერდით, თავს გაუფრთხილდით და ეცადეთ, რაც შეიძლება ნატურალური ღვინო დალიოთ იმ ხუთი ბოთლიდან-მეთქი.“

ხნიერი მამაკაცის სტუმრობა მაინც გამონაკლისი შემთხვევა გახლდათ. კახაძეს პროფესიის თავისებურობის გამო ურთიერთობა ძირითადად ქალებთან გააჩნია. ერთხელ ერთ-ერთმა „სუსტი სქესის“ წარმომადგენელმა, ბევრის მნახველ ექიმს ნამდვილი სიურპრიზი მოუწყო.

„ყველა გინეკოლოგი და მათ შორის მეც სამუშაო პრაქტიკაში ვიყენებ გინეკოლოგიურ სავარძელს და ექოსკოპიის აპარატურას. სავარძელზე გასინჯვისას პაციენტმა საცვალი საერთოდ უნდა გაიხადოს, ექოსკოპიის და ხელით გასინჯვის დროს კი ოდნავ უნდა ჩაიწიოს. ხშირად ხდება ხოლმე კურიოზი, როცა პაციენტი პირველად სტუმრობს გინეკოლოგს. როცა მითხოვია საცვალი ჩაიწიეთ-მეთქი, სანამ ხელი დამიბანია და მოვბრუნებულვარ, პაციენტს საცვალი კოჭებამდე ჰქონია ჩამოწეული. ამ კურიოზს უკვე შეჩვეული ვარ.

ერთხელაც მოვიდა რუსი ქალბატონი, რომელმაც მითხრა, რომ ტკივილს განიცდიდა სქესობრივი აქტის დროს. ასეთი ტკივილები აქვთ ქალებს, როცა საშვილოსნოს დაწევა ან გადახრა აღენიშნებათ. გავსინჯე აპარატით, არაფერი ცვლილება არ შემინიშნია. მინდა გითხრათ, რომ ჩვენ, ექიმები, ხშირად მღვდლებივით აღსარებას ვიბარებთ ხოლმე პაციენტებისგან, იმ თვალსაზრისით, რომ იგი გულახდილი საუბრის დროს გვეუბნება თავის მავნე ჩვევებზე, თავისებურებაზე, რაც შეიძლება დაავადების საფუძველი იყოს. ამდენად პაციენტსა და ექიმს შორის გულღია საუბარი ჩვეულებრივი ამბავია.

მოკლედ ამ ქალბატონს სხვა კითხვებთან ერთად ვკითხე, როგორ პოზაში განიცდით მეთქი ტკივილს სქესობრივი აქტის დროს (ეს დასაშვები კითხვაა გინეკოლოგის მხრიდან). მალე ხელი დავიბანე, პაციენტისკენ მოვბრუნდი და რას ვხედავ, ამ ქალს ფეხები წამოუღია, თავთან მოუტანია, მთელი ტანით აზიდულა  და მიჩვენებს იმ პოზას, რომლის დროსაც განიცდის ტკივილს. ისე, იმ პოზაში საშვილოსნო კი არა, თავი როგორ არ ტკიოდა, მიკვირს.

არ ვიცი როგორ მოვიკრიბე ძალა და არ გადავიხარხარე. მაგრამ ეს იყო სასწაული, კითხვა არ მქონდა დამთავრებული, რომ ქალმა პოზის დემონსტრირება გააკეთა“.

ჩვენი მომდევნო სტუმარი ქალბატონი გუგული მაღრაძეა, რომელიც ერთ სევდიან ისტორიას გაიხსენებს.

„80-იანი წლების ბოლოს სამართლის ინსტიტუტში ვმუშაობდი. ძალიან საინტერესო კვლევებს ვატარებდით ავჭალის არასრულწლოვანთა კოლონიაში. ჩვენი მიზანი იყო, მოზარდთა ფსიქოლოგიური შემოწმება და იმ ბავშვების გამოვლენა, რომელთა გათავისუფლებაც ვადაზე ადრე შეიძლებოდა. ზოგს მსუბუქი დანაშაული ჰქონდა ჩადენილი, კარგად იქცეოდა და მათი ყოფნა კოლონიაში საცოდაობა იყო. შევედით წინადადებით შს მინისტრთან, თანხმობა მოგვცა და დავიწყეთ გასაშვებთა სიის შედგენა.

ერთხელაც, კოლონიაში ვარ და ერთი ბიჭი მომიახლოვდა, რომელსაც გაშვებას ვუპირებდით და მეუბნება:

- თუ შეიძლება, რომ მე დავრჩე და ჩემს მაგივრად, ჩემი მეგობარი გაუშვათ. მე გარეთ მშობლები მელოდებიან, არსად არ გარბიან, იმას კი შეყვარებული ელოდება და რომ გაიქცეს, ძმაკაცს თვალებში როგორღა შევხედო?

ამ მიზეზმა ჩემზე ისე იმოქმედა, ყველაფერი გავაკეთეთ და ორივეს გაშვებას მივაღწიეთ.“

ბატონი რომან გოცირიძე იუმორთან მწყრალად არ ბრძანდება. პარლამენტის დეპუტატი თავის კოლეგებს განსაკუთრებულ ოინებს არაერთხელ უწყობს. ერთ ასეთ „შემთხვევას“ თავად მოგვიყვება.

„ერთხელ მოსკოვში ვიყავით კონფერენციაზე. სასტუმროს შესასვლელთან ვდგავარ კოლეგებთან ერთად და ვხედავ, მანქანა გაჩერდა. ქალბატონი გადმოვიდა ხვნეშით, ათი ჩემოდანი მაინც ჰქონდა. ყველაზე ახლოს მე შემიგულა და მკითხა, მტვირთავის ნახვა სად შეეძლო.

იქვე ახლოს ერთი ჩვენი მეგობარი, ცნობილი მეცნიერი იდგა და სიგარეტს ეწეოდა. ხუმრობის ხასიათზე დავდექი და ქალი იმ კაცთან გავაგზავნე. ქალბატონი „მტვირთავს“ გაცხარებული ეტაკა:

- ახლა სიგარეტის წევის დროა? რომ დამინახე, მაშინვე უნდა გამოქანებულიყავი!  ჩემი მეგობარი გაშრა, სიგარეტი გადააგდო და გაოცებული უყურებს.  - ჰო, რას მომჩერებიხარ, - კვლავ შეუტია ქალმა, - მოკიდე იმ ჩემოდნებს ხელი და ამა და ამ ნომრამდე მიიტანე! აბა, ცოცხლად!

კაცმა დაბნეულობისგან ხმა ვერ გასცა, მიადგა ამ ჩემოდნებს და კრუსუნ-კრუსუნით ნომრამდე მიუზიდა. მორჩა საქმეს, ოფლი მოიწმინდა და „კლიენტი“ ეკითხება, „მომსახურებაში“ რამდენი უნდა გადაეხადა.

- როგორ გეკადრებათ! - შეიცხადა მეცნიერმა, - ჯენტლმენი ვარ, „გრუზჩიკი“ კი არა.

ისე შეწუხდა ქალი, რომ რესტორანში დაპატიჟა“.

პაროდისტი ბესო ბერულაშვილი ცნობილი პოლიტიკოსი არასდროს ყოფილა. ერთხელ ბატონი ბესო დიდ ხათაბალაში გაეხვია. იმედია რუსეთის პრეზიდენტი პუტინი ქართულ მას-მედიას არ ეცნობა. წინააღმდეგ შემთხვევაში ბერულაშვილი რუსეთ-საქართველოს შორის ახალი ინციდენტის „ინიციატორი“ აღმოჩნდებოდა.

„ერთ მშვენიერ დილას, ის-ის იყო ვაპირებდი გამოფხიზლებას და „პახმელიაზე“ გამოსვლას, რომ ცოლი დამადგა თავზე პისტოლეტით და მობილურ ტელეფონადწოდებული „ჩამშვები“ აპარატით და მომთხოვა პასუხი კითხვაზე, რატომ წერია ჩემს ტელეფონში ან ვინ არის ლარისა პუტ?

იარაღით ზეწოლამ არ დამაბნია და „გამოვტყდი“, რომ სულ ორი კვირის წინათ გავიცანი მოსკოვში მცხოვრები არისტოკრატი ქალბატონი ლარისა პუტინი, ღვიძლი ბიძაშვილი ჩრდილოეთიდან ამომავალი მზისა, რომელმაც შემომთავაზა საქმიანი წინადადებები მომგებიანი ბიზნესისთვის და ყოველ შემთხვევაში, დავიწერე ნომერი. სხვათა შორის, ძალიან განათლებული ქალია-მეთქი, დავიწყე ლარისას ქება...

- პუტინის გვარით ზუსტად ოცი ნომერია დაფიქსირებული შენს ტელეფონშიო, _ მითხრა მეუღლემ. რა უნდა მექნა, თავი ჩავხარე და ძვირფას მეორე ნახევარს „სასჯელის მოსახდელად“ დავნებდი“.




 ახალი ამბები
  • ლარი ისევ გაუფასურდა - სებ-ის ახალი კურსიეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი  3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო დღევანდელი ვაჭრობის შედეგად მიღებული კურსები ძალაში ხვალ ... ...
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...