როგორ დააშინა მამუკა გორგოძემ ფრანგები

ა კიდო

როგორ დააშინა მამუკა გორგოძემ ფრანგები

23 ივლ. 2017, 20:43:37

ქართველები თავისებური წეს-ჩვეულებების მატარებელი ხალხი ვართ და უცხოეთში ყოფნისას, სხვადასხვა თავშესაქცევ ისტორიებშიც ხშირად ვვარდებით.

დღევანდელ წერილში რამდენიმე თანამემამულე სპორტსმენის საზღვარგარეთულ „ისტორიას“ გაგაცნობთ.

ქართველები უცხოეთში ყოფნისას იქაურებში არ „ითქვიფებიან“ და საკუთარ თვითმყოფადობასა და ტრადიციებს ბოლომდე ინარჩუნებენ. საინტერესოა, რომ მათი მეგობრების რიგებში არაერთი ცნობილი სპორტსმენი თუ პოლიტიკოსი ირიცხება. ყოველივე ამის შესახებ საუბარი ქვემოთ გვექნება.

დღევანდელი სპორტული სახალისო მოგონებების პირველი სტუმარი ახლო წარსულში ცნობილი ქართველი ჩოგბურთელი ირაკლი ლაბაძე გახლავთ. ალბათ გახსოვთ რამდენიმე წლის წინ საქართველოს ეროვნული გუნდის წარმატებული ასპარეზობა „დევისის თასის“ გათამაშებაში. ამის გარდა ირაკლის საჩოგბურთო მოედანზე რამდენიმე ძლიერი მოწინააღმდეგე ჰყავს დამარცხებული, მათ შორის სომხური ფესვების მქონე ამერიკელი ანდრე აგასი. გაგიკვირდებათ და თბილისელ ლაბაძეს თავის დროზე „ახლო ურთიერთობა“ აშშ-ის პრეზიდენტ ჯორჯ ბუშთანაც ჰქონია.

„ბევრი და სახალისო ისტორია გადამხდენია ჩოგბურთის მოედანზე. როცა ვთამაშობდი, ყველაფერს იუმორით ვუყურებდი, საკუთარ თავს ვახალისებდი. ერთ მომენტს გავიხსენებ: 2003 წელია. ატლანტაში ტარდება შეჯიბრება და ვეთამაშები ანდრე აგასს. საკმაოდ დაძაბული თამაშია, რომელსაც ესწრება ამერიკის შეერთებული შტატების პრეზიდენტი ჯორჯ ბუში. უცებ, გათამაშებისას ბურთი წავაგე, ადვილი ბურთი გავაფუჭე და ტაში დამიკრეს. ვეცადე არ გავბრაზებულიყავი, თავი ხელში ამეყვანა. როცა ბუშს შევნიშნე, რომ ის ჩემს შეცდომაზე ხარობდა და სიცილით ტაშს უკრავდა, არც ვაციე, არც ვაცხელე, დავმანჭე სახე, ყბა გვერდულად მოვაქციე და აჟიტირებულივით ჩქარი ტაში დავუკარი ბუშს. ამგვარად დავცინე მას.

როცა გამოვედი მოედნიდან, მოვიდა და ხელი გამომიწოდა. ორივე ვიცინოდით, რადგან იუმორზე არც ერთი არ ვიყავით „აცრილი“.

აქვე კიდევ ერთ ამბავს გავიხსენებ: 2006 წელს მივფრინავდი ამერიკის ღია პირველობაზე. აეროპორტის გასასვლელი გავიარე და ველოდები ჩასხდომა როდის დაიწყება. თვითმფრინავში შევედი და მერე გამახსენდა, რომ გარეთ დამრჩა მუსიკის აიპოდი. გამოვედი გარეთ, რაღაც დაბნეული ვიყავი და გავიფიქრე, ნეტა, ჩემი გაფრენა დღეს ღირს-მეთქი? შევედი ისევ თვითმფრინავში, მეტი რა გზა მქონდა?! შემოვიდა სამი არაბი და მათგან ერთზე გავიფიქრე, თუ ეს კაცი ჩემ გვერდით დაჯდა, უეჭველი ბომბი ექნება-მეთქი. ამის გაფიქრება იყო და, მართლაც ასე არ მოხდა?! ბევრი ფიქრი აღარ დამიწყია, ავდექი და, უნდა წავიდე, აღარ მივფრინავ-მეთქი, განვაცხადე. რატომო, რომ ჩამეკითხნენ, ვუპასუხე, აგაფეთქებენ, თქვენც გადადით-მეთქი. როგორც მერე გავიგე, ის რეისი გამოუცვლიათ, გაფუჭებულა თვითმფრინავი და საფრანგეთამდე ძლივს ჩაუღწევიათ მგზავრებს. არ ვიცი, მართლა იმ არაბის გამო მოხდა თუ არა რამე, მაგრამ, ხათაბალას რომ დავაღწიე თავი, აღარაფერს დავეძებდი“.

თუ ქართველი ლაბაძე აშშ-ს ხშირად სტუმრობდა, ოკეანისგაღმელი კალათბურთელი ტაირონ ელისი რამდენიმე წლის განმავლობაში ჩვენი ქვეყნის უპირველესი გუნდის ღირსებას იცავდა და საკუთარი თავი ელიაშვილად მონათლა.

„საქართველოში 2006 წელს ჩამოვედი. როდესაც აქ ჩამოსვლა შემომთავაზეს მიუხედავად იმისა, რომ ბევრი არაფერი ვიცოდი საქართველოს შესახებ, მალე დავთანხმდი. საერთოდ, ევროპის ამ მხარეზე ბევრი არაფერი ვიცოდი, რუსეთიც მხოლოდ გაგონილი მქონდა. იტალია, ესპანეთი - ამ ქვეყნებს ვიცნობ. საერთოდ, როდესაც ჯორჯიას ვამბობ, ყველას მაშინვე ამერიკის შტატი ჰგონია. მერე ვიწყებ ახსნას, რომ არა, ეს საქართველოს რესპუბლიკაა, აღმოსავლეთ ევროპაში. ძალიან მომწონდა აქაურობა, კლიმატი, სამზარეულო, მაგრამ ყველაზე მეტად ალბათ მაინც ხალხს გამოვარჩევდი, ადამიანებს, რომლებსაც განსაკუთრებული დამოკიდებულება აქვთ ერთმანეთთან. მართლა ძალიან ვამაყობ, რომ საქართველოს სახელით ვთამაშობდი, იმხელა მხარდაჭერასა და გვერდში დგომას ვგრძნობდი ამ ადამიანებისგან, განსაკუთრებული გულშემატკივრები გვყავდა. ფედერაციაში თავისი საქმის ნამდვილი პროფესიონალები მუშაობდნენ. ქართველებს განსაკუთრებით უყვართ თავიანთი ქვეყანა და მიხარია, რომ ამ ყველაფრის ნაწილი ვიყავი, ამ ქვეყნისთვის ვთამაშობდი და ყველა იმ ადამიანის ბედნიერ სახეს ვხედავდი, რომლებიც თამაშებზე მოდიოდნენ, მგულშემატკივრობდნენ და მეც ბედნიერი ვიყავი მათი შემხედვარე. ხშირად იმაზეც კი მიფიქრია, რომ ნახევრად ქართველი კი არა, ისიც არ არის გამორიცხული, რომ ჩემი გვარი არა ელისი, არამედ ელიაშვილი გახლდათ“.

ქართველი მორაგბე მამუკა გორგოძე წლების განმავლობაში საფრანგეთში ასპარეზობს და იქაური ცხოვრების წესებს ალღო დღემდე ვერ აუღო. უფრო მეტიც, ფრანგები თავისი ქართული ხასიათით დააშინა კიდევაც.

„ისე, ფრანგებთან ძმაკაცობა ცოტა რთულია ქართველი კაცისთვის. ბევრი რაღაც არ ესმით. მაგალითად, რატომ არ შეიძლება, იხუმრონ ძმაკაცის დაზე, დედაზე. ჩემი ცოლი ბრაზდება ხოლმე, რატომ არ მესალმებიან, რა საშინელი ბიჭები არიანო. სინამდვილეში კი, ჩემგან არიან დაშინებულები. ისე გვაქვს ოჯახური სიტუაციები ახსნილი, რომ ჩვენს ცოლებს „გამარჯობას“ ვეღარ ეუბნებიან. დაზე, დედაზე, ცოლებზე ისე ხუმრობენ, ცუდად ვხდები ხოლმე. არა, ცოტა რაღაცეებს შევეჩვიე, აღარ მიკვირს, მაგრამ, მკაცრად მყავს გაფრთხილებული, ოჯახზე თუ მეღადავებით, გცემთ-მეთქი. ისიც არ მესმის: საცოლესთან ერთად სადღაც მიდიან და გოგო თავის დანახარჯს იხდის, ბიჭი – თავისას. საშინელებაა. თავიდან ძალიან ქართულად ვიქცეოდი - სადღაც რომ ვიყავით, თავს ვიკლავდი, მიმიშვით, უნდა გადავიხადო-მეთქი, ვითომ ვინმე დამაკავებდა. ახლა ცოტა ვისწავლე ჭკუა. არა, რასაც ვაკეთებ, არასდროს სხვის დასანახავად არ გამიკეთებია, მაგრამ, ახლა ცოტა ნაკლებად ვიკლავ თავს.

ხანდახან ქართველები ვიკრიბებით. ფრანგებთან ერთად გვაქვს ხოლმე „მესამე ტაიმი“. მართლა ძალიან მაგარი ღვინო აქვთ. ერთი, ეგენი ვერ გავაოცე ქართული ღვინით. ცნობილია, რომ ფრანგები მსოფლიოში ყველაზე მეტს სვამენ, მაგრამ, ჩვენ რომ ვიცით ყანწებით და ერთ საათში დათრობა, ასე არ იქცევიან, ნელ-ნელა მიჰყვებიან საღამოს და ერთობიან. ჩვენ კიდევ, თორმეტ საათზე რომ სმას დავიწყებთ, პირველზე უკვე შარს ვეძებთ. მაგათთან ასე არ არის“.

ფეხბურთელი გიორგი ჩირგაძის სახელი საქართველოში კარგად ცნობილი არ არის. ეს ადამიანი ერთი პერიოდი ამერიკულ კლუბ „ნიუ-იორკ რედ ბულსში“ თამაშობდა. აღმოჩნდა რომ მის უახლოეს საძმაკაცო წრეში სახელგანთქმული ტიერი ანრი  და რაფაელ მარკესიც შედიოდნენ.

„ანრი, როგორც სტადიონზე, ისე ცხოვრებაში, ბევრ რამეში დამეხმარა, ბევრი რამ მასწავლა. პიროვნებაც ძალიან კარგია, გახსნილი. თითქმის ერთ პოზიციაზე გვიწევდა თამაში, ამიტომ, ბევრ რამეში მეხმარებოდა. ჯერ მარტო მისი ცქერით ვისწავლე ბევრი რამ: როგორ იქცეოდა სტადიონზე, სტადიონის გარეთ, როგორი ურთიერთობა ჰქონდა მოთამაშეებთან, ხალხთან. იმხელა გამოცდილება არ მქონდა, რამდენიც ანრის. ის ყველაფერს უკეთესად ხედავდა, ამჩნევდა, ამიტომ, მეუბნებოდა, ასე გააკეთე, ასე ჯობიაო. სტადიონის გარეთაც ხშირად მოუცია რჩევა, სულ მეუბნებოდა, ბევრი მუშაობა აუცილებლად დაგიფასდება, არ დაგეკარგებაო. ძალიან ხუმარა და გახსნილი ადამიანია. არ იმჩნევდა რომ ჩვენგან ბევრად განსხვავდებოდა, თავს არასდროს გვარიდებდა, ისე იქცეოდა თითქოს ჩვენნაირი ყოფილიყო.

ტიერისგან განსხვავებით რაფაელ მარკესი უფრო ჩუმი, ჩაკეტილი პიროვნება ბრძანდებოდა. ანრისავით გახსნილი არ იყო. თუმცა, ისიც ძალიან თბილი და ყურადღებიანია, ყოველთვის გეხმარება, თუ რამეს ჰკითხავდი, აუცილებლად გიპასუხებდა და რჩევას მოგცემდა“.




 ახალი ამბები
  • როდემდე გაგრძელდება დისტანციური სწავლება სკოლებში10 დიდ ქალაქსა და აჭარაში პირველი სემესტრის ბოლომდე როგორც საჯარო, ისე კერძო სკოლაში სასწავლო პროცესი  დისტანციურ რეჟიმში გაგრძელდება. აღნიშნული ინფორმაცია განათლების, მეცნიერების, კულტურისა და სპორტის სამინისტრომ გაავრცელა. „ქვეყანაში არსებული ეპიდსიტუაციისა და დიდ ქალაქებში მობილობის შემცირების მიზნით უწყებათაშორისმა საბჭომ მიიღო გადაწყვეტილება საქართველოს შემდეგ ქალაქებში: თბილისში, რუსთავში, ქუთაისში, ზუგდიდში, თელავში, ზესტაფონში, გორში, გარდაბანში, ფოთსა და მარნეულში სასწავლო პროცესი 2020-2021 სასწავლო წლის პირველი სემესტრის დასრულებამდე ყველა კლასის მოსწავლეებისათვის, როგორც საჯარო, ასევე, კერძო სკოლებში, დისტანციურ რეჟიმში წარიმართება. აჭარის ავტონომიური რესპუბლიკის ტერიტორიაზე მოქმედი ზოგადსაგანმანათლებლო დაწესებულებები სასწავლო პროცესს აგრძელებენ დისტანციურ რეჟიმში“, - ნათქვამია უწყების მიერ გავრცელებულ ... ...
  • დათო მდინარაძე: არ მიიღოთ ექიმის დანიშნულების გარეშე მედიკამენტები“მედალფას“ ოზურგეთის სამედიცინო ცენტრის დირექტორი დათო მდინარაძე სოციალურ ქსელში ადამიანებს მოუწოდებს, რომ დაიცვან ის წესები, რომელიც კორონავირუსის დროს უნდა გაითვალისწინონ. “საქართველოში და გურიაში ვირუსის გავრცელების მაჩვენებელი რჩება მაღალი-რეალურად კი ამ გავრცელების პირობებში,კონტაქტით თუ მის გარეშეც,  თუ გაქვთ ტემპერატურის მატება,კუნთების, ზურგის, თავის ტკივილი და ყნოსვისა და გემოვნების შეცვლა,ეს პრაქტიკულად ნიშნავს რომ გაქვთ კოვიდი და ყოველგვარი დამატებითი ბიუროკრატიული ქმედებების, ტესტირებაზე დროის, ფულის, ნერვების და ძალისხმევის დახარჯვის გარეშე  - უნდა დალიოთ ჩაი. ბევრი სითხე, იკვებოდ სწორად, ხშირად ანიავოთ ოთახი, იმოძრავოთ და რაც მთავარია იყოთ იზოლაციაში-ოღონდ ამ ყველაფერს თვალყურს უნდა ადევნებდეს ოჯახის ექიმი, ამავე ექიმმა უნდა გადაწყვიტოს, რჩებით სახლში ან სასტუმროში თუ გჭირდებათ კლინიკაში მოთავსება, ამავე ექიმმა უნდა დაგინიშნოთ მედიკამენტები თუ ისინი გჭირდებათ (და არა მეზობელმა, ახლობელმა და ფარმაცევტმა) ამავე ექიმს ეკისრება პასუხისმგებლობა თქვენს გამოჯანმრთელებაზე.. რა პასუხისმგებლობა გეკისრებათ თქვენ: 1.ყველგან ატარეთ ნიღაბი 2.დაიცავით დისტანცია. 3.დაიბანეთ ხშირად ხელები. 4.სიმტომების გამოვლენისთანავე გადადით იზოლაციაში. 5.არ მიიღოთ ექიმის დანიშნულების გარეშე მედიკამენტები, გარდა სიცხის დამწევისა და ისიც დოზირებულად. 6.არ შეაჩეროთ იმ მედიკამენტების მიღება, რომელიც მანამდე დანიშნული გქონდათ ქრონიკული დაავადებების გამო. მხოლოდ ამ გზით შევძლებთ შევაჩეროთ ვირუსის კიდევ უფრო მასშტაბური გავრცელება. გაწვდით ოჯახის ექიმების ტელეფონის ნომრებს: 1.ლალი ხინთიბიძე-599 74 72 14 2.ქეთევან სტურუა-598 14 99 15, 3.მარინა კოროშინაძე-595 32 39 69 577 62 99 68. 4.ირინა ერქომაიშვილი-593 31 04 07 577 62 88 12 5.ირინა თუთბერიძე 577 62 99 63 - ყველაფერი კარგად იქნება.“ - წერს დათო ... ...
  • სააკოორდინაციო საბჭომ შეზღუდვების გაფართოების საკითხზე იმსჯელასაქართველოში არსებული ეპიდემიოლოგიური მდგომარეობის გათვალისწინებით წერტილოვანი შეზღუდვების გაფართოების საკითხი განიხილეს უწყებათაშორისი საკოორდინაციო საბჭოს სხდომაზე რომელიც პრემიერ-მინისტრ გიორგი გახარიას ხელმძღვანელობით დღეს მთავრიბის ადმინისტრაციაში გაიმართა. აღინიშნა, რომ წერტილოვანი შეზღუდვების გაფართოებაზე მსჯელობა, ბიზნესსექტორის და სხვადასხვა სფეროს წარმომადგენლების უშუალო ჩართულობით, აქტიურად მიმდინარეობს და კონკრეტული გადაწყვეტილებები უახლოეს პერიოდში მიიღება. მთავრობის მიზანია, ბიზნესთან კონსულტაციების შედეგად, ერთობლივად იყოს მიღებული გადაწყვეტილებები, რომელიც ერთის მხრივ ნაკლებად დააზიანებს ეკონომიკას და ამავდროულად ეფექტური იქნება ვირუსის გავრცელების დინამიკის მართვის თვალსაზრისით. შეხვედრაზე ასევე განიხილეს ჰოსპიტალებში არსებული ვითარება და ის ნაბიჯები, რომელიც კლინიკური სექტორის ეფექტური მართვის მიზნით ხორციელდება. ხაზგასმით აღინიშნა, რომ უმნიშვნელოვანესია, კლინიკის მიღმა არ დარჩნენ ის ადამიანები, ვისაც ეს პირველ რიგში სჭირდება. ჯანდაცვის მინისტრმა შეხვედრისას განაცხადა, რომ კოვიდ-სასტუმროებში გაძლიერებულია თერაპიული კომპონენტები, მათ შორის ჟანგბადის კონცენტრატორებით აღჭურვის თვალსაზრისით და მათ მართავენ კონკრეტული კლინიკები საკუთარი მედპერსონალის მეშვეობით, რაც უზრუნველყოფს პაციენტების უფრო მარტივ წვდომას საჭირო სამედიცინო მომსახურებაზე. მსუბუქი შემთხვევები კი მკურნალობას ბინაზე, ოჯახის ექიმთან აქტიური კონსულტაციით განაგრძობენ. ამასთან, პრემიერ-მინისტრის დავალებით, ჯანდაცვის სამინისტრო აქტიურად მუშაობს დამატებით რეანიმაციული და ინტენსიური საწოლების მობილიზების კუთხით. საკოორდინაციო საბჭოს სხდომაზე აღინიშნა, რომ ქვეყანა ვირუსის გავრცელების პიკში შედის და არსებული ეპიდემიოლოგიური მდგომარეობა რთული, თუმცა მართვადია და კონტროლს ექვემდებარება. ამასთან, კიდევ ერთხელ გაესვა ხაზი ვირუსის გავრცელების პრევენციისთვის პირბადის ტარებისა და სოციალური დისტანციის დაცვის მნიშვნელობას, რისი კონტროლიც შესაბამისი უწყებების მხრიდან კიდევ უფრო გამკაცრდება. საკოორდინაციო საბჭომ ასევე იმსჯელა ვაქცინაციის  ეტაპისთვის მოსამზადებელ სამუშაოებზე. კორონავირუსის საწინააღმდეგო ვაქცინის ტრანსპორტირებისა და შენახვისთვის აუცილებელი ინფრასტრუქტურის მომზადებაზე მუშაობა უკვე დაწყებულია. ქვეყანაში კორონავირუსის პირველი შემთხვევის გამოვლენიდან დღემდე, ვირუსით ინფიცირების 111 818  ლაბორატორიულად დადასტურებული შემთხვევა გამოვლინდა, საიდანაც 92 215 პირი გამოჯანმრთელდა. გარდაცვლილია 1051 ადამიანი. ამ ეტაპზე კარანტინში იმყოფება 2102 ადამიანი, კოვიდ-სასტუმროებში - 3739 მოქალაქე, ხოლო სტაციონარში, მეთვალყურეობის ქვეშ - 6192 პირი. პრემიერ-მინისტრის ხელმძღვანელობით მოქმედი უწყებათაშორისი საკოორდინაციო საბჭოს მუშაობაში აქტიურად მონაწილეობენ საქართველოს პარლამენტი, თავმჯდომარე არჩილ თალაკვაძის ხელმძღვანელობით და პრეზიდენტის ... ...
  • ოზურგეთში „ბოშათა ბანაკი“ კვლავ თავნებობს: უპირბადო გამყიდველ-მყიდველები ოზურგეთში, გურიის ქუჩის დასაწყისში, ე.წ. „ბირჟაზე“ კვლავ გამოჩნდნენ ტანსაცმლითა და პარფიუმერული ნაწარმით მოვაჭრე ბოშები.  მართალია ისინი, ორი კვირის წინ, პოლიციისა და ზედამხედველობის სამსახურის ერთობლივი ძალისხმევით, აქედან გაიყვანეს, თუმცა ეს დროებითი ღონისძიება აღმოჩნდა. ყველაზე საგანგაშო რაც არის, არ იკეთებენ პირბადეს ან ფორმალურად აქვთ ნიკაპზე  აკრული. ტანსაცმელი პირდაპირ ფილაქანზე ყრია და ანტისანიტარიული ვითარება იქმნება. დიდია მყიდველთა უპასუხისმგებლობაც, რომელთაც  ხშირად არც თავად უკეთიათ პირბადეები და თითქმის, თავი თავთან მიაქვთ  გამყიდველთან, ფასებზე ვაჭრობისას. დღეს აქ  მუნიციპალიტეტის მერიის ზედამხედველობის თანამშრომლებიც მივიდნენ, თუმცა მათი მითითება  „ბოშათა ბანაკისთვის“  ბევრს არაფერს ნიშნავს. აუცილებელია,  თან სასწრაფოდ, სამართალდამცავებმა კვლავ ქმედითი ღონისძიება გაატარონ და აღკვეთონ ქალაქის ცენტრში ეს   თავნებობა, რაც დამატებით საფრთხეს ქმნის არსებული პანდემიის პირობებში. ... ...
  • თიბისი აკადემია რისკების მართვის მიმართულებით სტუდენტების მიღებას იწყებს (R)თიბისიმ, კორპორაციული სოციალური პასუხისმგებლობის ფარგლებში, რისკების მართვის მიმართულებით აკადემია დააფუძნა. საგანმანათლებლო პროექტის მიზანი ახალგაზრდებისთვის საბანკო რისკების მიმართულებით კვალიფიკაციის ამაღლება, გამორჩეული კადრების აღმოჩენა და განათლების ხელშეწყობაა. თიბისი აკადემიაში რისკების მართვის მიმართულებით სწავლა თიბისის მიერ სრულადაა დაფინანსებული. პროგრამას სპეციალურად მოწვეული, სფეროს  პროფესიონალი მენტორები გაუძღვებიან და სტუდენტებს ანალიტიკური და ტექნიკური უნარების  და ცოდნის შეძენაში დაეხმარებიან. აკადემიაში პირველი ნაკადისთვის სწავლა 2021 წლის 18 იანვარს, დისტანციურ რეჟიმში დაიწყება და სამი თვის განმავლობაში გაგრძელდება. პროგრამაზე რეგისტრაცია უკვე დაიწყო, დაინტერესებულმა პირებმა ონლან აპლიკაცია 30 ნოემბრის ჩათვლით უნდა შეავსონ. საუკეთესო აპლიკანტების შერჩევა კი ტესტირების და გასაუბრების ეტაპების გავლის შემდეგ მოხდება. პროგრამა ინტენსიურ პრაქტიკულ და თეორიულ სწავლებას მოიცავს და მისი წარმატებით დასრულების შემდეგ, სტუდენტები სპეციალურ სერტიფიკატს მიიღებენ. თიბისი აკამდემიის რისკების მართვის მიმართულების შესახებ დეტალური ინფორმაციის მიღება, ასევე ონლაინ რეგისტრაცია შესაძლებელია ბმულზე: https://www.tbcitacademy.ge/risk-academy ... ...

არქივი

ტესტები

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...