როგორ გაუკეთა ოპერაცია დავით საგანელიძემ იური ნიკულინს

ა კიდო

როგორ გაუკეთა ოპერაცია დავით საგანელიძემ იური ნიკულინს

4 მარ. 2018, 11:15:54

სახალისო მოგონებები ქართველ პოლიტიკოსებსაც აქვთ. მათი უმეტესობა მხიარული ადამიანები არიან და ხასიათის ამ თვისებას საქართველოს პარლამენტის სხდომებზე ხშირად ამჟღავნებენ. თანამემამულე პოლიტიკოსები უცხოელი კოლეგების მსგავსად ხელჩართულ ბრძოლაში იშვიათად ებმებიან, სამაგიეროდ, ერთმანეთთან სიტყვიერ პაექრობაში საკუთარ მახვილგონიერებას ხშირად ამტკიცებენ.

დღევანდელ წერილში საუბარი  ამ პროფესიის ხალხზე გვექნება და ქართული საზოგადოებისათვის რამდენიმე ნაკლებად ცნობილ ისტორიას შემოგთავაზებთ.

გაგიკვირდებათ და ბატონ გუბაზ სანიკიძეს ერთხელ ცხოვრებამ  წარმატებული ბიზნესმენის კარიერის დაწყების შესაძლებლობა მისცა. მართალია საქმიანობის ეს სფერო თავისი ორიგინალურობით გამოირჩეოდა, მაგრამ პარლამენტარს დიდ ფულად შემოსავალს პირდებოდა. ბატონმა გუბაზმა ცხოვრებისეულ გზას არ გადაუხვია და დეპუტატის სავარძელი „საეჭვო“ ბიზნეს საქმიანობაზე არ გაცვალა.

გუბაზ სანიკიძე: „მეგობარი მყავს _ დიმიტრი ბერძენიძე, საოცარი იუმორი აქვს და როდის ხუმრობს და როდის სიმართლეს ამბობს, ვერ გაუგებ. ერთ საერთო ნაცნობს ვეწვიეთ, მაღალი თანამდებობის პირია და ამიტომ ვინაობას არ ვიტყვი, ეწყინება. მოკლედ, მოვიკითხეთ ერთმანეთი და დიმიტრის ეკითხება, თუ მისი საქმეები როგორ მიდიოდა.

_ მაგარი ბიზნესი წამოვიწყე. ცეხი მაქვს ქუთაისში. გაღუნული ლურსმნების საამქრო გავხსენი. დღეში ოთხი ვაგონი გაღუნული ლურსმანი შემომდის რუსეთიდან, ვასწორებ და უკან ვაგზავნი. იმხელა ფულს მიტოვებს, რაში დავხარჯო, არ ვიცი.

ბუნებრივია, გამეცინა, ისინიც ამყვნენ და შეხვედრა მხიარულად დასრულდა. უკან მოვდივართ და ამ შენი თანამდებობის პირმა კარში გამაჩერა:

_ გუბაზ, ერთი წუთით. შენ დიმიტრის ჩემზე კარგად იცნობ. ხელში პატარა ფული მიჭირავს. დავეხმარები ცეხი თბილისშიც გახსნას და შენც წილში გაგიყვანთ...“

დავით ბერძენიშვილი პოლიტიკაში კონფლიქტური ადამიანის სახელით არ სარგებლობს. ამის მიუხედავად, თავის დროზე ორ ცნობილ პიროვნებასთან ღია დაპირისპირება მოუწია. ბედის ირონიით პირველი მათგანი ასლან აბაშიძე გახლდათ, მეორე კი „კეთილი ბაბუ“ _  ედუარდ შევარდნაძე.

დავით ბერძენიშვილი: „ასლან აბაშიძესთან ყოველთვის დიდი დაპირისპირება მქონდა და მორიგი კამათის დროს მომახალა:

_ გეტყობა, სერიოზული მოწინააღმდეგე არ გყოლია ცხოვრებაში.

ამით მაგრძნობინა, მე ვიქნები შენი მოწინააღმდეგე, მიფრთხილდიო და გაბრაზებულმა ვუპასუხე:

_ ძალიან მეეჭვება, ან წონით, ან ასაკით ჩემს მოწინააღმდეგედ გამოდგე.

ბუნებრივია, წყენა გულში ჩაიდო და მალე სახლის შესასვლელი ამიფეთქეს. ტერორისტული აქტის შედეგად, სხვა ნივთებთან ერთად, ჩემი სამი წლის შვილის დიდი, ლამაზი სათამაშოებიც განადგურდა. მან კარგა ხანს უყურა თავის დამწვარ სათამაშოებს, ბოლოს დაღონებულმა გამომხედა და ისტორიული ფრაზა მითხრა:

_ არა, მამა, ასე ბრძოლა არ შეიძლება...“

ასლან აბაშიძეს არც ბატონი ედუარდი ჩამორჩა, თუმცა, შურისძიებისთვის ბრძოლის უფრო უწყინარი მეთოდები გამოიყენა.

„კონსტიტუციის მიღების წინა დღეებია. სხდომაზე შესვენებაა, პრეზიდიუმში ავედი, შევარდნაძისთვის განკუთვნილ სკამზე დავჯექი და გვერდით მჯდომ რუსუდან ბერიძეს რაღაცას ველაპარაკები. ისე შევყევი საუბარს, ვერც შევამჩნიე, როგორ წამომადგა თავზე შევარდნაძე და დაბღვერილი დამყურებს.

_ ბატონო დავით, _ ვეღარ მოითმინა ბოლოს, _ მგონი, თქვენ ამ სკამზე არ უნდა იჯდეთ.

_ ვიცი, _ დავეთანხმე, - მაგრამ მალე აღარც თქვენ იჯდებით ამ სკამზე.

_ ვნახოთ, ბატონო, ვნახოთ, _ მუქარით ჩაილაპარაკა. აბა, შევარდნაძე ამას რას მაპატიებდა და იმდენი ქნა, არჩევნების შემდეგ აღარც პრეზიდიუმში ვიჯექი, აღარც პარლამენტში“.

ბატონ ვალერი გელბახიანს მეგობრებში „თარსი“ ადამიანის რეპუტაცია გააჩნია. ამას თავადვე აღიარებს და ქვემოთმოყვანილ ისტორიასაც არაერთხელ იხსენებს.

ვალერი გელბახიანი: „კაზინოები და ეგეთი რაღაცები საერთოდ არ მიზიდავს და რა ხდება და როგორ ხდება, არ ვიცი. მოსკოვში ყოფნისას მეგობარი შემიჩნდა:

_ ვალერი, მაგარ „პალასაზე“ ვზივარ. გუშინ მოვიგე და ეს ნიშნავს, ერთი კვირა მოგებაზე ვიჯდები. მერე თუ წავაგე, სუ წაგებაზე.

_ ჩემგან რა გინდა? - ვეკითხები.

- უნდა გამომყვე, გაჩვენო, დედას როგორ ვუტირებ.

ისე შემიჩნდა, უარი ვეღარ ვუთხარი. წამიყვანა, რაღაცეები ითამაშა და დაღონებული მომადგა.

- კაი თანხა წავაგე. წავედით რესტორანში, გულს გადავაყოლებ.

მეორე დღეს ისევ წამიყვანა, ისევ წააგო. ერთ-ორჯერ რაღაც საეჭვოდ გამომხედა თამაშისას. მესამე დღესაც წამიყვანა და რესტორნის ფულს ვინ ჩივის, ტაქსის მძღოლი ძლივს გაისტუმრა. ვატყობ, ცუდი თვალით მიყურებს. მეოთხე დღეს საერთოდ არ გამოჩენილა და საღამოს გახარებული მირეკავს:

- ვალერი, მართალი ვყოფილვარ. კაზინოში არავის არ უნდა გაყვე. თარსი ფეხი გქონია, იმდენი ფული დამაკარგინე. დღეს გამოგეპარე, მოვიგე და რესტორნისთვის მოემზადე.“

დავით საგანელიძე პროფესიით ექიმი ბრძანდება და როგორც ამბობენ, თავის დროზე საკმაოდ წარმატებულიც. მოგვიანებით თეთრი ხალათი დეპუტატის სავარძელზე გაცვალა და ავადმყოფების მკურნალობის ნაცვლად საპარლამენტო ორომტრიალში ჩაება. ბატონი დავითი ერთი პერიოდი მოსკოვში მუშაობდა და ეს ისტორიაც მაშინ შეემთხვა.

დავით საგანელიძე: „მოსკოვში მუშაობა პირველ ონკოლოგიურ ცენტრში, ბლოხინის კლინიკაში დავიწყე. როგორც იქნა, დამიდგა ნანატრი დღე და ოპერაციის გაკეთების ბედნიერება მაღირსეს. ბუნებრივია, ავღელდი და სახლში მისვლისთანავე სამედიცინო ლიტერატურას ჩავუჯექი, რამე შეცდომა არ მომსვლოდა. დილით ადრე უნდა წავიდე, ოპერაცია მაქვს და საღამოს შვიდი კაცი არ დამეცა თავზე?! დღეს ყველა მათგანი ცნობილია - მერაბ კაკულია, ზაზა ნიშნიანიძე და სხვები. მოიტანეს საქართველოდან წამოღებული პროდუქტები, მაგარი მამაპაპური სუფრა გაშალეს და ყანწები მოიმარჯვეს.

- დავით, ოპერაციას ვის უკეთებ? - მომიარეს შორიდან.

- ნიკულინია გვარად. ბიჭებო, დღეს არ დავლევ, არ მინდა სამსახურიდან გამაგდონ.

მეგობრები ქეიფს შეუდგნენ და მე საწოლს მივაშურე, რომ კარგად გამომეძინა. შუაღამემდე ვიწრიალე, ძლივს ჩამეძინა და უცებ ვგრძნობ, ვიღაც მაჯანჯღარებს და მაღვიძებს. წამოვდექი, შუქი ანთებულია და შეწუხებული სახეებით მიყურებენ.

- სიმღერა არ გამოგვდის, მეორე ხმა გვაკლია, ან შენით ადექი, ან ძალით აგაყენებთ, პატრონი მოკვდომია იმ ნიკულინს!

მოკლედ, სიმღერაში დამათენდა. საბედნიეროდ, ოპერაციამ კარგად ჩაიარა. მივედი სახლში და ისევ მომადგნენ არყის ბოთლებით ხელში.

- დავით, გვაპატიე, საქმე გაგიფუჭეთ, - ჩამოუშვეს ცხვირები, - აი, ნიკულინის შესანდობარი დავლიოთ. მაშინვე შემოგაკვდა თუ იწვალა, საწყალმა?

- არ მომკვდარა, გადარჩა! - დავუწყე დამშვიდება.

- აბა, გადარჩენის დავლიოთ!

ორი დღის მერე მივედი სამსახურში, საშინელ „პახმელიაზე“ ვარ, თავი მისკდება. მთავარმა ექიმმა შემამჩნია და მეუბნება:

- წადი, სახლში, წადი, შენ ვინ უნდა გადაარჩინო, აქეთ ხარ გადასარჩენი".




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...