ლადო გუდიაშვილის ფერწერულ ტილოს _ "შავ ნაკადულთან" უახლოეს მომავალში საზღვარგარეთ გაყიდიან

კულტურა

ლადო გუდიაშვილის ფერწერულ ტილოს _ "შავ ნაკადულთან" უახლოეს მომავალში საზღვარგარეთ გაყიდიან

2012 სექ 10 20:37:24

"შავ ნაკადულთან" გუდიაშვილის ადრეული პერიოდის ნამუშევარია და როგორც ხელოვნებათმცოდნე გოგი ხოშტარია გვეუბნება, ეს პერიოდი ყველაზე ღირებული იყო მის შემოქმედებაში.

სურათი პარიზში 1925 წელს დაიწერა და ამჟამად ის მ. ყაზაიშვილის კერძო კოლექციაში ინახება. როგორც კულტურის და ძეგლთა დაცვის სამინისტროში "გურია ნიუსს" უთხრეს, ყაზაიშვილს ტილოს საზღვარგარეთ გაყიდვა სურს, თუმცა, კულტურული მემკვიდრეობის სტრატეგიის, ორგანიზაციების კოორდინაციის და ნებართვების დეპარტამენტის დირექტორი ბესიკ მაცაბერიძის თქმით, კულტურის სამინისტრო ყველანაირად ეცადა ტილო საქართველოში დარჩენილიყო: "გუდიაშვილის "შავ ნაკადულთან" არის კერძო კოლექციაში დაცული ტილო. მის პატრონს უნდა საზღვარგარეთ გაყიდვა. საბჭომ განიხილა ეს საკითხი და გადაწყვიტა, რომ იქნებ რამენაირად შეგვეჩერებინა ეს პროცესი, ამიტომაც სურათს მივანიჭეთ კულტურული მემკვიდრეობის ძეგლის სტატუსი," _ აცხადებს ბესო მაცაბერიძე "გურია ნიუსთან" საუბარში.

გუდიაშვილის ტილოს კულტურილი მემკვიდრეობის მოძრავი ძეგლის სტატუსი 29 მაისს მინისტრს რურუას ბრძანებით მიენიჭა. არსებული კანონმდებლობით, სტატუსის მოქმედების ვადა 3 თვეა _ თუ ამ ხნის მანძილზე ძეგლს ადგილობრივ ბაზარზე მყიდველი არ გამოუჩნდა, მფლობელის მოთხოვნით, კულტურის სამინისტრო ვალდებულია ძეგლის სტატუსი მოხსნას და მფლობელს მისი ქვეყნიდან გატანის უფლება მისცეს.

30 აგვისტოს, ნიკოლოზ რურუამ გუდიაშვილის ნაწარმოებს კულტურული მემკვიდრეობის მოძრავი ძეგლის სტატუსი მოუხსნა იმ მოტივით, რომ ტილოს ქვეყანაში მყიდველი არ გამოუჩნდა.

"გურია ნიუსი" დაინტერესდა, კულტურის სამინისტრომ რა კონკრეტული ღონისძიებები გაატარა იმისთვის, რომ გუდიაშვილის ტილო საქართველოში დარჩენილიყო, რომელ მუზეუმებს ან კერძო კოლექციონერებს შესთავაზეს მისი ყიდვა, ბესიკ მაცაბერიძეს ამ კითხვებზე პასუხი არ აქვს: "საბჭო ცდილობდა როგორმე გამონახულიყო ძეგლის ქვეყანაში დატოვების შესაძლებლობა, მაგრამ ეს შესაძლებლობა ვერ გამოინახა და ჩვენ არ გვქონდა უფლება, სურათი უფრო მეტ ხანს გაგვეჩერებინა," _ აცხადებს ბესიკ მაცაბერიძე "გურია ნიუსთან" საუბარში.

_ რატომ ვერ გამოინახა შესაძლებლობა _ სურათის ფასი იყო მაღალი თუ მისით არავინ დაინტერესდა?

_ ფასი იყო მაღალი, ალბათ.

_ შეგიძლიათ გვითხრათ, კონკრეტულად რომელ მუზეუმებს ან კერძო კოლექციონერებს შესთავაზეთ მისი ყიდვა?

_ არ ვიცი, ვერ გეტყვით.

_ როგორია პროცედურა და როგორ ხდება მუზეუმებისთვის კულტურული მემკვიდრეობის ძეგლის შეთავაზება?

_ ვერ გეტყვით.

ხელოვნებათმცოდნე გოგი ხოშტარია ჩვენთან საუბარში აცხადებს, რომ, თავისთავად, გუდიაშვილის ქვეყნიდან გატანა ტრაგედია არ არის, რადგან, მისი თქმით, მხატვარს აქვს როგორც გენიალური, ასევე საშუალო, ცუდი და ძალიან ცუდი ტილოებიც. ყველაზე ღირებული მის შემოქმედებაში 1910-იან და 1920-იან წლებში შესრულებული ნახატებია. "შავ ნაკადულთან" სწორედ მისი მოღვაწეობის ადრეულ, პარიზულ პერიოდს მიეკუთვნება: "რაღაცა შეიძლება გაიყიდოს. გააჩნია სად იყიდება, სად იფინება ესა თუ ის ტილო. თუ ნახატი კერძო კოლექციაში ხვდება, ეს ნაკლებ პრესტიჟულია; თუ მუზეუმში, ეს, რა თქმა უნდა, პრესტიჟულია. თუ ძალიან ცნობილ კერძო კოლექციაშია, ესეც მისაღებია. თუ, მაგალითად, ჩვენი გუდიაშვილი ან კაკაბაძე წარმოდგება ორსეს მუზეუმში პარიზში, ის, რა თქმა უნდა, იქნება ჩვენი კულტურული წარმომადგენელი. ერთადერთი მხატვარი, რისი გაყიდვაც არ შეიძლება, ეს ფიროსმანია", _ აცხადებს გოგი ხოშტარია "გურია ნიუსთან" საუბარში.

გოგი ხოშტარია ამბობს, რომ მისი კრიტიკული პოზიციის გამო, რაც განსაკუთრებით გამოჩნდა ბაგრატის ტაძრის რესტავრაციასთან დაკავშირებით, ის კულტურის სამინისტროს კომისიაში აღარ არის. ხოშტარია მიიჩნევს, რომ პროცესების გაუმჭვირვალობა, რაც სურათების თუ სხვა ისტორიული ღირებულების ნივთების გასხვისების პროცესს ახასიათებს, სერიოზული პრობლემაა ქვეყნისთვის: "როცა გუდიაშვილს ყიდი, ძალიან დიდი სიფრთხილეა საჭირო. მისი ადრეული პერიოდის ნამუშევრები მართლაც ფასდაუდებელი განძია ჩვენი ქვეყნისთვის. მისი ფასი ძალიან დიდია, 200-300 ათასი, ან შეიძლება მილიონიც კი ღირდეს. ამავე დროს ეს პროცესი აბსოლუტურად გაუმჭვირვალეა. სამინისტრო უნდა ახდენდეს იმის აღრიცხვას, თუ სად გაიყიდა, ვინ იყიდა ქვეყნიდან გატანილი ტილოები", _ აცხადებს ხოშტარია.

"გურია ნიუსი" რამდენიმე დღის წინ "რომაელი მეომრის აღჭურვილობის შესახებ წერდა", რომელსაც მინისტრმა რურუამ სტატუსი მოუხსნა და ჩვენი ინფორმაციით ის იტალიაშია გატანილი. მუზეუმებისთვის და კერძო კოლექციონერებისთვის ნივთის შეთავაზება, არც ამ შემთხვევაში მომხდარა.




 ახალი ამბები
  • რეჟისორი ზაზა ურუშაძე გარდაიცვალარეჟისორი ზაზა ურუშაძე 53 წლის ასაკში გარდაიცვალა. ინფორმაციას რეჟისორის ახლობლები ადასტურებენ. ურუშაძის გარდაცვალების სავარაუდო მიზეზად გულის შეტევა სახელდება.  მან დაამთავრა შოთა რუსთაველის სახელობის თეატრალური ინსტიტუტის კინოფაკულტეტი 1987 წელს. 1988-1999წწ. კინოსტუდია "ქართული ფილმი", დამდგმელი რეჟისორი; 1999-2000წწ. სააქციო საზოგადოება "ქართული ფილმი", სამეთვალყურეო საბჭოს თავმჯდომარის მოადგილე; 2002-2004წწ. საქართველოს ეროვნული კინოცენტრის დირექტორი. დამდგმელი რეჟსორია ფილმების: "მათთვის, ვინც მამამ მიატოვა" (1989), "აქ თენდება" (1998), "სამი სახლი" (2008), "დარჩი ჩემთან" (2011), "ბოლო გასეირნება" (2012), "მანდარინები" (2013); სცენარის ავტორია ფილმების: "მათთვის, ვინც მამამ მიატოვა"(1989), "აქ თენდება" (1998), "სამი სახლი"(2008), "მანდარინები" (2013); პროდიუსერია ფილმების: "სამი სახლი" (2008), "მანდარინები" (2013); გადაღებულია ფილმში: "მე მოვედი" ... ...
  • ზვიად ქორიძე “საერთაშორისო გამჭვირვალობა- საქართველოს“ გუნდს შეურთდაჟურნალისტი ზვიადი ქორიძე “საერთაშორისო გამჭვირვალობა- საქართველოს“ გუნდს შეურთდა. ის რეგიონული ოფისების მენეჯერი გახდა. ცნობისთვის, ზვიად ქორიძე 2019 წლის 1 იანვრიდან ნოემბრამდე აჭარის საზოგადოებრივი მაუწყებლის კონსულტანტის ფუნქციებს ასრულებდა. აჭარის ტელევიზიასთან ხელშეკრულების შეწყვეტა თავად ზვიად ქორიძემ ისურვა. ზვიად ქორიძე დაიბადა 1968 წლის 10 ოქტომბერს, თბილისში. დაამთავრა თბილისის სახელმწიფო უნივერსიტეტის ჟურნალისტიკის ფაკულტეტი 1992 წელს. 1986-1987 წლებში იყო გაზეთ "ახალგაზრდა კომუნისტის" კორესპონდენტი; 1989-1990 წლებში რადიოპროგრამა "პიკის საათის" რედაქტორი; 1990-1991 წლებში გაზეთ "7 დღის" კორესპონდენტი; 1991-1996 წლებში "7 დღის" დამფუძნებელი და სარედაქციო კოლეგიის წევრი; 1996-1997 წლებში მთავარი რედაქტორი; 1997-1998 წლებში ტელეკომპანია "რუსთავი 2"-ის საინფორმაციო სამსახურის უფროსი; 1998 წლიდან "საქართველოს გაზეთის" მთავარი რედაქტორი. გამოქვეყნებული აქვს მრავალი სტატია. 2014 წლის 4 ივლისიდან პრეზიდენტ გიორგი მარგველაშვილის წარდგენით შეწყალების კომისიას თავმჯდომარეობდა. აღნიშნულ თანამდებობას ის 2018 წლის 31 დეკემბრამდე ... ...
  • პრემიერ-მინისტრი ბათუმში ე.წ. მუყაოს ქალაქში მოსახლეობას შეხვდასაქართველოს პრემიერ-მინისტრი გიორგი გახარია, აჭარის ავტონომიური რესპუბლიკის მთავრობის თავმჯდომარე თორნიკე რიჟვაძესთან ერთად, ბათუმში ე.წ.  მუყაოს ქალაქში მოსახლეობას შეხვდა. მთავრობის მეთაური ადგილობრივების მძიმე საცხოვრებელ პირობებს გაეცნო, მათ შორის სოციალურად დაუცველი და მრავალშვილიანი ოჯახები არიან. პრემიერმა აღნიშნა, რომ მათი საცხოვრებელი პირობები მალე გაუმჯობესდება, ვინაიდან 2020 წლის ბიუჯეტში გათვალისწინებულია ფინანსური რესურსი პირველ ეტაპზე 580 ბინის მაქსიმალურად მოკლე ვადაში ასაშენებლად. უკვე გამოცხადებულია ტენდერი, გამარჯვებული კომპანიის გამოვლენის შემდეგ კი დაიწყება შესაბამისი სამუშაოები, რომელიც 18 თვეში დასრულდება. მშენებლობის შემდეგ ეტაპზე აშენდება სკოლა, საბავშვო ბაღი და სათამაშო მოედნები. პრემიერმა ადგილობრივ მოსახლეობასთან შეხვედრისას განაცხადა, რომ მთავრობა მოწოდებულია, მაქსიმალურად სწრაფად გადადგას ყველა საჭირო ნაბიჯი, იმისთვის, რომ ადგილობრივებისთვის უზრუნველყოფილი იყოს ნორმალური საცხოვრებელი პირობები. ე.წ მუყაოს ქალაქში მცხოვრებმა მოსახლეობამ აღნიშნა, რომ პრემიერ-მინისტრის სტუმრობა მათთვის განსაკუთრებული მხარდაჭერის ... ...
  • 38 წლის ოზურგეთელი მედიკოსის, ალექსანდრე თავართქილაძის რევოლუციური ნაბიჯები ქართულ მედიცინაშიონკოლოგი და გენეტიკოსი, პერსონალიზებული მედიცინის ინსტიტუტის კლინიკური დირექტორი, თბილისის სახელმწიფო სამედიცინო უნივერსიტეტის პროფესორი , ოზურგეთელი ალექსანდრე თავართქილაძე , ჯერ მხოლო 38 წლისაა, თუმცა მან თბილისის სახემწიფო სამედიცინო ინსტიტუტის დამთავრების და ევროპული განათლების მირების შემდეგ, უზარმაზარი კლინიკური და სამეცნიერო გამოცდილების გზა გაიარა.  ჩვენთან ინტერვიუში,  რომელსაც მალე შემოგთავაზებთ, მისი  ძალიან ტევადი ევროპული სამედიცინო გზის მიუხედავად , ალექსანდრე თავართქილაძე  ყველაზე მნიშვნელოვან ფაქტორად მიიჩნევს იმას,  რომ ის არის საქართველოს იმ კუთხის წარმომადგენელი, რომელსაც გურია ქვია, კერძოდ ამბობს, რომ  ქალაქი ოზურგეთი, მის მოგონებებში უმნიშვნელოვანეს ადგილს იკავებს. „დიახ, წარმოშობთ ვარ ოზურგეთიდან, ძალიან მიყვარს გურია და შემიძლია, თამამად ვთქვა, რომ იქ გავატარე ბავშობის საოცარი წლები და იქედანვე დავიმუხტე საოცრად თბილი ენერგიით. ალბათ და რა თქმა უნდა ყველა ადამიანს თავისი ფესვები უყვარს, მაგრამ მე შემიძლია ვთქვა, რომ გურია არის მართლა საქართველოს გული.  როგორც ცოცხალ ორგანიზმში გული ყველაზე „ცოცხალი“ ორგანოა, შეიძლება ითქვას, რომ ასევეა გურია საქართველოში და შესაბამისად  შეუძლებელია, რომ იქ ადამიანმა თავი  „ყოვლისშემძლედ“ არ იგრძნო.  ეს, რა თქმა უნდა, ხუმრობით, თუმცა ვინც გურიაში ერთხელ მაინც მოხვდება ის აუცილებლად შეიგრძნობს „ჭეშმარიტი თავისუფლების არსს“ ... მე მყავდა არაჩვეულებრივი ბაბუა, სამამულო ომის ვეტერანი, მე მის სახელს ვატარებ, მის მოყოლილ ზღაპრებსა და მეორე მსოფლიო ომის საოცარ ისტორიებზე გავიზარდე, რომლებიც დღემდე ზეპირად მახსოვს.  მყავს  საოცარი ბებია, რომელთანაც, როგორც იტყვიან, უხილავი ძაფებით ვარ კავშირში. ალბათ, მუდმივად, მას აქვს იუმორის საოცარი გრძნობა, რაც გარკვეულ ჩუმ მელოდიასავით გამოჰყვა მთელს ჩემს შემდგომ ცხოვრებას... ბებიაჩემი პროფესიით ექთანი, ლამის 50 წლიანი სამუშაო გამოცდილებით, მე ხშირად დავდიოდი ბებიასთან სამსახურში ასევე დავყვებოდი პაციენტებთან ბინაზე (მაშინ ძალიან პატარა ვიყავი), საოცრად საიტერესოა სნეულ ადამიანებზე ზრუნვა და თუ ეს სურვილში გადაიზარდა, რომ შენ ეს საქმე მოგწონს და ხვდები, რომ „ეს შენია“ აუცილებლად ადამიანი აირჩევს იმ პროფესიას, რომელსაც ექიმობა ქვია, მე უკვე ეს სკოლამდელ ასაკში გადავწყვიტე და სრულად ვუკავშირებ ბებიაჩემის - თინა მდინარაძის მიერ ჩემს, ასე ვთქვათ, „პატარა ბავშვის“ ჩართვას სნეულთა დახმარებაში.  მედიცინის აკადემიური დოქტორი, რომლის დოსიეც, ლამის ქაღალდზე არ ეტევა, ონკოლოგიასთან ბრძოლის საქმეში მსოფლიოს აკვირვებს _ ახლახან მან უნიკალური ოპერაცია გააკეთა პერსონალიზებული მედიცინის ინსტიტუტში, რაც უდიდესი გარდატეხაა ქართულ მედიცინაში _ მან პირველმა ჩაატარა თ ლიმფოციტების გადანერგვა და დღეისათვის სახეზეა სიმსივნისგან სრულიად განკურნებული პაციენტი! „გურია ნიუსი“ მალე შემოგთავაზებთ ინტერვიუს სახელგანთქმულ ახალგაზრდა მეცნიერთან, რომლის გიგანტურ წინვლას სამედიცინო სფეროში, თვალს ადევნებს მშობლიური ოზურგეთი. ალექსანდრე თავართქილაძის მშობლები და ბებია სოფელ ნაგომარში ცხოვრობენ და მასთან შეხვედრა, როგორც ჩვენი მკითხველებისთვის, ისე ოჯახის წევრებისთვის, თან მშობლიურ გურიაში, განსაკუთრებით საინტერესო ... ...
  • თავდასხმა ლაგოდეხში- ნიღბიანმა პირებმა ცოლ-ქმარი სცემესლაგოდეხის მუნიციპალიტეტში, ნიღბიანმა პირებმა 70 წლამდე ასაკის კაცი და მისი მეუღლე სცემეს, სახლიდან ოქროს ბეჭდები და მობილური ტელეფონი წაიღეს. თავდასხმა სოფელ უზუნთალაში სადიკოვ აბასალის ოჯახზე ღამით მოხდა. მიყენებული დაზიანებების გამო  კაცი საავადმყოფოშია მოთავსებული, ქალი კი პოლიციის განყოფილებაში იმყოფება. მომხდარზე გამოძიება სისხლის სამართლის კოდექსის 179-ე მუხლით მიმდინარეობს, რაც ყაჩაღობას ... ...

არქივი

ზაფრანი

მკურნალი ყავა

საინტერესოდ გამოიყურება ჰარვარდის უნივერსიტეტის მეცნიერთა...

საშიშია თუ არა მზის სათვალე

მზის სათვალე წარმოადგენს არა მხოლოდ...

ლიმონის დიეტა

ლიმონის დიეტა გრძელდება 10-დან 14...

ახდენს თუ არა ცხელი ჩაი კიბოს პროვოცირებას

ჩინელი მედიკოსები ცხრა წლის მანძილზე...

ნივთები, რომლებიც იმაზე ჭუჭყიანია, ვიდრე წარმოგიდგენიათ

წარმოგიდგენთ ნივთებს, რომლებიც იმაზე ბინძურია,...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

საპარლამენტო არჩევნების რომელ მოდელს უჭერთ მხარს