,,მე ერთადერთი ვარ ,,შესანიშნავი შვიდეულიდან”, რომელიც არავის ახსოვს” _ ბრედ დექსთერი

კულტურა

,,მე ერთადერთი ვარ ,,შესანიშნავი შვიდეულიდან”, რომელიც არავის ახსოვს” _ ბრედ დექსთერი

2018 იან 23 12:06:00

,,მე ერთადერთი ვარ ,,შესანიშნავი შვიდეულიდან”, რომელიც არავის ახსოვს”. ეს სიტყვები ეკუთვნის ამერიკელ მსახიობს ბრედ დექსთერს, რომელიც შვიდეულიდან ყველაზე ხელმოცარული აღმოჩნდა – ფილმშიც და ცხოვრებაშიც. გახსოვთ, ალბათ, ის ჰარი ლაქს ასახიერებს, რომელსაც კალვერას ბანდიტები პირველს ჰკლავენ. ფილმში მონაწილე ყველ დანარჩენი მსახიობისთვის (იულ ბრინერისა და ილაი უოლაქის გარდა – ისინი მაშინ უკვე ცნობილი მსახიობები იყვნენ) –სთივ მაკქუინი, ჯეიმს ქობერნი, ჩარლზ ბრონსონი, რობერტ ვონი და ჰორსტ ბუხოლცი – ეს სურათი ტრამპლინად იქცა კინოოლიმპისაკენ, ხოლო დექსთერი კი, მიუხედავად იმისა, რომ მან მშვენივრად გაართვა თავი როლს, სადაც სხვა ალტრუისტი თანამოძმეებისაგან განსხვავებით განასახიერა ყველაზე ,,ცოცხალი” პერსონაჟი, ფულსა და ოქროზე შეყვარებული დაქირავებული მსროლელი-განფაითერი, კარიერის ბოლომდე მეორეხარისხოვან, უმეტესწილად, უარყოფით გმირების როლებს ასრულებდა.

ბრედ დექსთერი მეგობრობდა ჰოლივუდის ბევრ ცნობილ ვარსკვლავთან, მათ შორის იყვნენ კარლ მოლდენი, ფრენკ სინატრა და მერილინ მონრო, სხვები რომ აღარ ჩამოვთვალო. იგი ამაოდ ცდილობდა მონროს შერიგებას მეუღლესთან, ბეისბოლისტ ჯო დიმაჯიოსთან და მათი ქორწინების გადარჩენას, ხოლო სინატრა ერთხელ სიკვდილსაც გადაარჩინა (სხვათაშორის, სწორედ სინატრას თხოვნით მიიწვია რეჟისორმა ჯონ სტარჯესმა დექსთერი ,,შვიდეულში” სათამაშოდ). 1964 წელს იღებდნენ ფილმს ,,არავინ მამაცთა გარდა”. ერთხელ შესვენებაზე დექსთერი, სინატრა და ფილმის პროდიუსერის ცოლი რუთ კოქი ჰავაის კუნძულებზე გაემგზავრნენ, სადაც მომღერალი და ქალბატონი ტალღამ ზღვაში გაიტაცა. დექსთერი დაუფიქრებლად გადაეშვა მათ გადასარჩენად და 45 წუთის განმავლობაში წყლის ზედაპირზე გააჩერა, სანამ ორი სერფერი არ მიეხმარა მათ ნაპირზე გაყვანას. მათი გადარჩენისთვის დექსთერმა წითელი ჯვრის მედალი დაიმსახურა. სინატრამ კი მადლობის ნიშნად ის თავის კინოკომპანიაში პროდიუსერად დაპატიჟა. სინატრამ და დექსთერმა კიდევ ერთხელ ითამაშეს ერთად ფილმში  ,,ფონ რაიანის ექსპრესი” (1967), თუმცა, მათი მეგობრობა იმავე წელს დასრულდა, როდესაც დექსთერი ცდილობდა ხელი შეეშალა სინატრასა და 30 წლით მასზე უმცროსი მსახიობის მია ფაროუს ქორწინებისათვის. პასუხად სინატრამ სასტუმროს ოთახი, სადაც მათი შეხვედრა მიმდინარეობდა, ლამის მთლიანად დალეწა და ფეროუზე მაინც დაქორწინდა. ,,ფრენკი ბევრ ამბავში ნამდვილი ავადმყოფია _ ამბობდა მოგვიანებით დექსთერი _ და ეს მძიმე ტვირთად აწევს ყველას, ვინც მასთან ახლოსაა”. სინატრასა და ფერროუს ქორწინებამ სულ ცოტა ხანს გასტანა.

ბრედ დექსთერი, რომლის ნამდვილი სახელი და გვარი ბორის მილანოვიჩია, 1917 წლის 9 აპრილს დაიბადა სერბი ემიგრანტების ოჯახში, ნევადაში. მან უამრავი პროფესია გამოიცვალა – იყო ფეხსაცმლის მწმენდავი, ყასაბი, მოყვარული მოკრივე, ხოლო მეორე მსოფლიო ომის დროს მსახურობდა აშშ-ს საჰაერო ძალებში, სადაც გაიცნო ასევე სერბი მლადენ სეკულოვიჩი, მომავალში ცნობილი როგორც კარლ მოლდენი – ელია კაზანის საყვარელი მსახიობი.

ომის შემდეგ იგი სამსახიობო ოსტატობას ეუფლებოდა პასადენა ფლეიჰაუზში, სადაც სახელი და გვარი ბარი მიტჩელად გადაიკეთა.

პირველი საინტერესო როლი ახლადგამომცხვარმა მიტჩელმა ითამაშა რეჟისორ ჯონ ჰიუსთონის კრიმინალურ დრამაში ,,ასფალტის ჯუნგლები” (1950), სადაც ერთ-ერთ როლს მერილინ მონროც ასრულებდა. ამ ფილმის გადაღებისას მან ჰიუსტონის მოთხოვნით კიდევ ერთხელ შეიცვალა გვარი და კონოსამყაროს მოევლინა ბრედ დექსთერი. ამ ფილმის შემდეგ მსახიობმა უამრავ სურათში მიიღო მონაწილეობა, სადაც როგორც აღვნიშნე იგი უმეტესწილად მეორეხარისხოვან და უარყოფით როლებს ასრულებდა. მსახიობის თქმით, მას უყვარდა უარყოფით პერსონაჟების თამაში, რადგან დადებითი გმირებისაგან განსხვავებით, ისინი ხშირად უფრო უკეთესად გამოძერწილნი და საინტერესონი არიან (რაც, უნდა ვთქვა, სიმართლეს შეეფერება). სამსახიობო კარიერის დასრულების შემდეგ ის მთლიანად გადერთო პროდიუსერობაზე, მისი ყველაზე ცნობილი ფილმია _ ლედი მღერის ბლუზს” (1972), სადაც განთქმული მომღერლის ბილი ჰოლიდეის როლს ასახიერებს არანაკლებ ცნობილი დაიანა როსი.

კარიერის დასაწყისში დექსთერს ისეთივე ბედს უწინასწარმეტყველებდნენ, როგორც ჯონ უეინს, ამაში ფიზიკური მონაცემებიც და ნიჭიც უწყობდა ხელს, თანაც ის ორგანულად ჩაჯდა ვესთერნის სამყაროში, მაგრამ ეს წინასწარმეტყვეელება არ გამართლდა.

ბრედ დექსთერი 2002 წლის 12 დეკემბერს 85 წლის ასაკში გარდაიცვალა.  კინოს მოყვარულებს ალბათ ყოველთვის ეხსომებათ მისი სიცოცხლის მოყვარული ჰარი, რომელიც დარწმუნებული იყო რომ სოფელში, რომელსაც შვიდეული იცავდა, განძია დამალული და კრისის მიერ დაიმედებული ის ბედნიერი კვდება.




 ახალი ამბები
  • გუდაური-კობის მონაკვეთზე ავტოტრანსპორტის მოძრაობა აიკრძალაგუდაური-კობის გზაზე შეზღუდვები მოქმედებს. ქარბუქის და ცუდი ხილვადობის გამო, აღნიშნულ მონაკვეთზე ყველა სახის ავტოტრანსპორტისთვის მოძრაობა აკრძალულია. რაც შეეხება მლეთა-გუდაურის მონაკვეთს, ამ შემთხვევაში მოქმედებს გაუჩერებლად გავლის რეჟიმი. აღნიშნული რეჟიმით მოძრაობა საპატრულო პოლიციის უშუალო ზედამხედველობით და კოორდინაციით მოხდება. გზის დანარჩენ მონაკვეთებზე ავტოტრანსპორტის მოძრაობა ... ...
  • დიდ დიღომში მომხდარი აფეთქების შედეგად გარდაცვლილები დაკრძალესდიდ დიღომში მომხდარი აფეთქების შედეგად დაღუპულები ცოტა ხნის წინ დაკრძალეს. მანამდე გარდაცვლილები ნათია ციცვიძე, მისი მცირეწლოვანი შვილი და და ქაშვეთის ეკლესიაში იყვნენ დასვენებულები, სადაც სამოქალაქო პანაშვიდი მიმდინარეობდა. ტაძარში იმყოფებოდა კათოლიკოს-პატრიარქი, თანამოსაყდრესთან ერთად, ასევე თბილისის მერი და სხვა პოლიტიკოსები. დიდ დიღომში ძლიერი აფეთქება, რამაც ნგრევა გამოიწვია, ოთხი დღის წინ მოხდა. ნგრევის შედეგად 4 ადამიანი დაიღუპა, მათ შორის, ერთი 4 წლის ბავშვი იყო. აფეთქების დროს 8 ადამიანი დაშავდა. შინაგან საქმეთა სამინისტრომ გამოძიების ფარგლებში "ყაზტრანსგაზის" ორი თანამშრომელი დააკავა, რომლებსაც გულგრილობას ედავება.  სასამართლომ მათ დღეს წინასწარი პატიმრობა ... ...
  • აფეთქების საქმეზე დაკავებულ „ყაზტრანსგაზ-თბილისის“ თანამშრომლებს პატიმრობა შეეფარდათდიდ დიღომში, ავთანდილის ქუჩაზე მომხდარი აფეთქების საქმეზე დაკავებულ ორ პირს, „ყაზტრანსგაზ-თბილისის“ ყოფილ თანამშრომლებს, თორნიკე ტატიშვილსა და ვაზელ მამადიანს აღკვეთის ღონიძიებად პატიმრობა შეეფარდათ. გადაწყვეტილება საქალაქო სასამართლოს მოსამართლე ვახტანგ მრელაშვილმა მიიღო. პროკურატურა ბრალდებულთა მიმართ პატიმრობის გამოყენებას მოითხოვდა. დაცვის მხარე მოითხოვდა ბრალდებულებისათვის აღკვეთის ღონისძიების სახით გირაო, ვაზელ მამადიანის შემთხვევაში 50 ათასი ლარის, ხოლო თორნიკე ტატიშვილის შემთხვევაში 10 ათასი ლარი ყოფილიყო გამოყენებული. ტატიშვილსა და მამადიანს ბრალი ოფიციალურად 19 იანვარს წაუყენეს. დაკავებულებს ბრალი სისხლის სამართლის კოდექსის 220-ე პრიმა მუხლის მეორე ნაწილით აქვთ წაყენებული, რაც სამსახურეობრივ გულგრილობას გულისხმობს. წინასასამართლო სხდომა 14 მარტს ჩაინიშნა. შეგახსენებთ, რომ 16 იანვარს, დიდ დიღომში, საცხოვრებელ კორპუსში მომხდარი აფეთქების შედეგად 4 ადამიანი დაიღუპა, აქედან ერთი მცირეწლოვანი ბავშვია. დაშავდა 8 ... ...
  • ძროხების მოპარვის ბრალდებით 3 პირი დააკავესბოლნისის რაიონის სოფელ რაჭისუბანში, საძოვრიდან 7 სული მსხვილფეხა პირუტყვი მოიპარეს, რომლებიც შემდეგ გაყიდეს. მომხდართან დაკავშირებით ჩატარებული საგამოძიებო ქმედებების შედეგად პოლიციამ 1994 წელს დაბადებული ნ.პ. და 1995 წელს დაბადებული შ.გ. მოსამართლის განჩინების საფუძველზე დააკავა, 1986 წელს დაბადებულ ე.შ.-ს კი ბრალი დაუსწრებლად წარედგინა. სამივე მათგანი წარსულში ნასამართლევია. დანაშაული 6-დან 10 წლამდე ვადით თავისუფლების აღკვეთას ითვალისწინებს. გამოძიება წინასწარი შეთანხმებით ჯგუფის მიერ დიდი ოდენობით ჩადენილი ქურდობის ფაქტზე, საქართველოს სსკ-ს 177-ე მუხლის მე-3 ნაწილის „ა“ ქვეპუნქტით და მე-4 ნაწილის „ბ“ ქვეპუნქტით ... ...
  • თბილისში დაკარგული მოზარდი გარდაცვლილი იპოვესთბილისში, რამდენიმე დღის წინ დაკარგული მოზარდი, აფრიკის დასახლებაში, ქაღალდების ქარხანასთან გარდაცვლილი იპოვეს. მომხდარზე გამოძიება სისხლის სამართლის კოდექსის 115-ე მუხლით მიმდინარეობს რაც თვითმკვლელობამდე მიყვანას გულისხმობს. "რუსთავი 2"-ის ინფორმაციით, გარდაცვლილის ოჯახს ძალიან უჭირს, რის გამოც, მოზარდი იძულებული იყო მშობლების დასახმარებლად ჯართი შეეგროვებინა. წინასწარი ინფორმაციით, ის თხრილში სწორედ ჯართის მოსაგროვებლად ჩავიდა, რა დროსაც მიწა ჩამოიშალა და ბავშვი ქვეშ მოიყოლა. ბავშვის იდენტიფიცირება ველოსიპედით შეძლეს, რადგან ის ამით გადაადგილდებოდა. აქვე იპოვეს სხვადასხვა ხელსაწყო, რის დახმარებითაც ჯართს ეძებდა. ზუსტად რა გახდა ბავშვის გარდაცვალების მიზეზი, ამას ექსპერტიზა ... ...

არქივი

ზაფრანი

ყველაზე ძვირფასი ღვინო

საფრანგეთში არსებული მამულის, რომელსაც სახელად...

ის, რაც გურმანებმა აუცილებლად უნდა იცოდნენ

მდოგვი ასტიმულირებს საკვების მონელებას. მას...

კონიაკი მილიონერთათვის

კონცერნ LVMH-ის ფრანგული კომპანია Moet...

ცხოველების კურთხევის ცერემონია მადრიდში

მადრიდში ძაღლები, კატები და ზაზუნა...

სიზმარის მიღმა ჭეშმარიტება

ისტორიაში საკმაოდ ბევრი მნიშვნელოვანი სიზმარია,...
კარმიდამო ჩემი

"ბარი უნდა იცნობდეს მთასა და საქმეზე შეყვარებული და-ძმას"

ოზურგეთის მუნიციპალიტეტის სოფელ მთისპირის მკვიდრი...

რა გავაკეთოთ შემოდგომის მიწურულს საკარმიდამო ნაკვეთებში

ნოემბერ-დეკემბერში აქტიური სამეურნეო სამუშაოები ძირითადად...

პესტიციდების გამოყენებისას უდიდესი სიფრხილეა საჭირო

არსებობს უნივერსალური პესტიციდები, რომლებსაც ერთდროულად...

სიმინდის მოვლა თავიდან უნდა ვისწავლოთ

სიმინდის მოვლა-მოყვანის წესებს დასავლეთ საქართველოს...

რატომ უნდა მოვაშენოთ ბატი

როგორც უხნესი ადამიანები ამბობენ, საქართველოში...

დედოფლის ყვავილს დედოფალივით მოვლა სულ არ სჭირდება

წარსულში ძალზე პოპულარული და მერე...

მოვამზადოთ ნესვის სასმელი

ნესვი გოგრისებრთა ოჯახის ერთ-ერთი ყველაზე...

თაფლის ღვინო _ "თაფლუჭა"

თაფლის ღვინო და არაყი უნიკალური...

"ზამთარშიც გაზაფხულს ვეძებ და "გატყავებულ" გარემოს ვმოსავ"

"კარმიდამო ჩემის" უამრავ რესპონდენტს შორის,...

მოახლოებული ზამთარი და პირუტყვის მოვლა-დაბინავება

ზამთრის მოახლოებისას, შინაურ მსხვილფეხა თუ...

როგორ მოვსპოთ ზამთრის განმავლობაში ნიადაგში მავნებლები

დეკემბრიდან, ჩვენს ბაღ-ბოსტნებში, როცა უკვე...