მიხეილ ჭიაურელის "ფერიცვალება"

კულტურა

მიხეილ ჭიაურელის "ფერიცვალება"

2018 აგვ 22 18:30:49

1931 წელს საბჭოთა ეკრანებზე გამოვიდა მიხეილ ჭიაურელის სატირული კომედია  “ხაბარდა”,  რომელსაც სპეციალისტების მხრიდან არაერთგვაროვანი დამოკიდებულება მოჰყვა. სცენარი ჭიაურელთან ერთად დაწერა სერგეი ტრეტიაკოვმა. “ხაბარდა” აზერბაიჯანული სიტყვაა და ქართულად ასე ჟღერს: “განზე გადექი!” ან “გზიდან ჩამომეცალე!”. ამ სიტყვებით მიმართავდნენ ფილმის ავტორები ,,ძველი ცხოვრების მოტრფიალეებს”, ინტელიგენციას, იმ ხალხს, ვინც აღუდგა ეკლესიის დანგრევას. რეალურ ცხოვრებაში ასეთებს მართლაც გზიდან იცილებდნენ. გაიხსენეთ თუნდაც დიმიტრი შევარდნაძე, რომელიც წინ აღუდგა ლავრენტი ბერიას აბსურდულ სურვილს - დაენგრიათ მეტეხის ტაძარი, მის მაგივრად მუზეუმი აეშენებინათ, ხოლო ტაძრის მაკეტი იმავე მუზეუმში საპატიო ადგილას მოეთავსებინათ. ცხადია ეკლესიას, ფილმშიც და ცხოვრებაშიც, ანგრევდნენ არა მარტო იმისთვის, რომ ადგილი გაეთავისუფლებინათ მუშების კეთილმოწყობილი სახლებისათვის, არამედ ეს იყო ანტირელიგიური კამპანიის ერთი ნაწილი. გასაკვირია, რომ ასეთმა ნიჭიერმა ადამიანმა, სკულპტორმა და მსახიობმა, რომელიც ექვთიმე თაყაიშვილთან ერთად არქეოლოგიურ ექსპედიციებში დადიოდა ტაო-კლარჯეთში, სადაც ის ძეგლების ფოტოდოკუმენტირებას ახდენდა, ასე იცვალა ფერი, ახალ წყობილებას აუწყო ფეხი და მალევე მის მგზნებარე პოეტად, ერთ-ერთ ყველაზე გავლენიან ადამიანად და სტალინის კარის რეჟისორად იქცა. ჭიაურელი ამბობდა: ,,(ფილმის) თემა ასახავს ქართული საზოგადოების იმ ნაშიერებს, რომელებიც თავის დროზე ებრძოდნენ ყოველივე რუსულს, შემდეგ კი ეს ბრძოლა მექანიკურად საბჭოთა რუსეთის წინააღმდეგ გადაიტანეს. მინდოდა შემექმნა პამფლეტი, დამეცინა მათთვის და სიცილით გამენადგურებინა”.  ჭიაურელი ძველ ყოფას აბუჩად იგდებს, უარყოფს მას, არ ინდობს ქართულ ინტელიგენციას, მიწასთან ასწორებს, ანუ ისეთ ადამიანებს, როგორებიც იყვნენ იგივე შევარდნაძე, რომელმაც ღირსეულად იცხოვრა და ვაჟკაცურად შეხვდა სიკვდილს, მაშინ, როცა სხვები ამ წყობილებას გუნდრუკს უკმევდნენ.

ფილმში მაყურებელს არ ეძლევა შანსი ერთმანეთს შეადაროს სიძველეების დამცველნი და ახალი ცხოვრების მშენებლები, რადგან ეს უკანასკნელნი ფილმში თითქმის არ ჩანან და მთავრი აქცენტი გადატანილია ე.წ. რეტროგრადებზე, მაგრამ ეს ნაჩვენებია ძალიან უნიჭოდ და პრიმიტიულად. მიხეილ ჭიაურელმა ვერ შეძლო შეესრულებინა ხელისუფალთა დაკვეთა, ვერ შეძლო მათი გულის მოგება რაზედაც კარგად აისახა იმ ნეგატიურ რეცენზიებში, რაც ცენტრალურ პრესაში დაიბეჭდა. ამისთვის კარგა დიდი ზომის ციტატას მოვიყვან: ,,ზოგიერთი კადრის ათვისების დროს მაყურებელი უფრო მეტ წვალებას განიცდის _ ვიდრე ამას განიცდიდნენ საბერძნეთის ისტორიაში ცნობილი თხები, როდესაც მათ ძალდატანებით ბულბულის როლში გამოსვლას ავალებდნენ. `ხაბარდა~ კი პირველ რიგში კბილებჩამტვრეული ოხუნჯობაა, რომელიც ალაგ-ალაგ ბანალურობამდე დაიყვანება. ბურჟუაზიულ-მეშჩანური ინტელიგენციის გაშარჟების მხრივ სურათი ვერ აღწევს მიზანს. გზადაგზა მექანიკურად ჩამატებულია მომენტები სოციალური მშენებლობიდან. მეტად დატვირთულია ზღაპრების ისტორიით. მთავარი მოქმედება `იგულისხმება~ ეკრანს მიღმა, აკლია ორიგინალური მთლიანობა და პოლიტიკური სინამდვილე... რეჟისორს კარგად უნდა ესმოდეს ის ელემენტარული, მაგრამ, ძალზე საჭირო ამბავი, _ რომ ეკლესიის და საერთოდ ძველი ყოფა-ცხოვრების ნარჩენების აღმოფხვრა ისეთი ურა პოლიტიკით არ წარმოებს, როგორც ეგ `ხაბარდაშია~ ნაჩვენები. აქ განსაკუთრებული გონებამახვილობა და ზომიერება იყო მემარცხენეთა შემოქმედებითი პრინციპების ცენზურული ხასიათის გამოვლენა რეალობის ინტერპრეტაციისას საჭირო”.




 ახალი ამბები
  • რატომ არ იმყოფებოდა უმრავლესობის შეხვედრაზე შს მინისტრი _ კალაძის განმარტება"ქართული ოცნების" ცენტრალურ ოფისში დღეს გამართულ შეხვედრაზე არ იმყოფებოდა შს მინისტრის გიორგი გახარიას. ჟურნალისტებმა პარტიის გენერალურ მდივანს კახა კალაძეს ჰკითხეს თუ რატომ არ იყო გახარია ოფისში, რაზეც კალაძემ უპასუხა, რომ დღეს შს მინისტრის ყოფნის აუცილებლობა არ იყო. "ეს იყო უმრავლესობის სხდომა. გიორგი გახარია გახლავთ შინაგან საქმეთა მინისტრი და სხდომაზე მისი ყოფნის აუცილებლობა არ იყო", - განაცხადა კახა ... ...
  • კალაძე: რეფორმის ფარგლებშიც „ქართულ ოცნებას“ ძალიან დიდი მხარდაჭერა ექნებათბილისის მერი და „ქართული ოცნების“ გენერალური მდივანი კახა კალაძე ნულოვანი საარჩევნო ბარიერის პირობებში "ქართული ოცნების" დიდი უპირატესობით გამარჯვებაში დარწმუნებულია.  კალაძის თქმით, ბარიერი საერთოდ უქმდება, ნულოვანი ხდება, რითაც ყველა პოლიტიკურ პარტიას, თუ მათ საზოგადოების მხარდაჭერა ექნებათ, ეძლევა შესაძლებლობა, მოხვდნენ პარლამენტში. „ეს მოგვცემს იმის შესაძლებლობას, რომ სხვადასხვა პოლიტიკური შეხედულების მქონე ადამიანებს საკუთარი წარმომადგენელი ეყოლებათ პარლამენტში. მივესალმებით ამ გადაწყვეტილებას და მგონია, რომ ამ რეფორმის ფარგლებშიც „ქართულ ოცნებას“ ძალიან დიდი მხარდაჭერა ექნება. ყველაფერს გავაკეთებთ, რომ ღირსეულად ვუპასუხოთ ყველა გამოწვევას, რომელიც ჩვენ მოქალაქეებს აწუხებთ", - განუცხადა ჟურნალისტებს კახა კალაძემ.  „ქართულ ოცნებაში“ გამართულ ბრიფინგზე ბიძინა ივანიშვილმა განაცხადა, რომ 2020 წელს არჩევნები პროპორციული სისტემით, ნულოვანი ბარიერის პირობებში უნდა ... ...
  • მამუკა ბახტაძე: გადაწყვეტილება დაკორექტირდა და ვფიქრობ, ეს ბუნებრივიაბიძინა ივანიშვილმა გაახმოვანა მართლაც უპრეცედენტო გადაწყვეტილება, რომელსაც გუნდი სრულად უჭერს მხარს, – ამის შესახებ საქართველოს პრემიერ-მინისტრმა მამუკა ბახტაძემ „ქართული ოცნების“ ცენტრალურ ოფისში ჟურნალისტებს განუცხადა. „მსურს გითხრათ, რომ პარტიის თავმჯდომარემ ბიძინა ივანიშვილმა გაახმოვანა მართლაც უპრეცედენტო გადაწყვეტილება, რომელსაც გუნდი სრულად უჭერს მხარს. მოგეხსენებათ, რომ სწორედ „ქართული ოცნების“ ინიციატივით მოხდა ახალ კონსტიტუციაში იმის ჩაწერა, რომ ჩვენ საპარლამენტო დემოკრატიასთან ერთად 2024 წლიდან გვექნებოდა პროპორციული საარჩევნო სისტემა, რომელიც საშუალებას მოგვცემდა უფრო მეტად განვითარებულიყვნენ საქართველოში პარტიები და მათი წარმომადგენლობა რაც შეიძლება მეტი ყოფილიყო საქართველოს პარლამენტში. ეს გადაწყვეტილება დაკორექტირდა და ვფიქრობ, ეს ბუნებრივია. ხაზი მინდა გავუსვა, რომ ჩემთვის განსაკუთრებით სასიხარულო იყო, რაც ვიხილე, რომ საქართველოში არიან ახალგაზრდები, რომლებსაც აქვთ სურვილი, აიღონ პასუხისმგებლობა და საზოგადოებასაც აქვს ჯანსაღი განცდა, რომ ჩვენს პოლიტიკურ ცხოვრებაში გვჭირდება მეტი ახალი სახე. ამასთან ერთად, რა თქმა უნდა, არსებობენ პარტიები, რომლებსაც უფრო მეტი საშუალება უნდა ჰქონდეთ, ფართოდ იყვნენ წარმოდგენილი პარლამენტში. ჩვენი ინიციატივა გულისხმობს, რომ მინიმალური ზღვარის გარეშე მოხდეს შემდეგი არჩევნების ჩატარება, რაც საშუალებას მოგვცემს, უფრო მეტი პარტია იყოს წარმოდგენილი პარლამენტში. ფაქტობრივად, ნებისმიერი ადამიანის ხმა იყოს წარმოდგენილი, ეს კიდევ უფრო მეტად გააძლიერებს ჩვენს მთავარ ხედვას, რომ საქართველო სრულფასოვნად უნდა ჩამოყალიბდეს საპარლამენტო დემოკრატიად“, – განაცხადა მამუკა ბახტაძემ. პარტია „ქართული ოცნება-დემოკრატიული საქართველოს“ თავმჯდომარე ბიძინა ივანიშვილმა პარტიის ოფისში დღეს განაცხადა, რომ „ქართული ოცნება“ გამოდის ინიციატივით, 2020 წლის საპარლამენტო არჩევნები ჩატარდეს პროპორციული სისტემით, ნულოვანი საარჩევნო ბარიერის ... ...
  • ივანიშვილი: უნდა დაისაჯოს ვინც მასობრივი ძალადობის ორგანიზება მოახდინა და ვინც ძალას გადაამეტაპოლიტიკური გაერთიანება „ქართული ოცნება - დემოკრატიული საქართველო“, ფართომასშტაბიანი პოლიტიკური რეფორმის ინიციატივით გამოდის _  2020 წლის საპარლამენტო არჩევნები, ჩატარდეს პროპორციული სისტემით, ნულოვანი, ვიმეორებ, ნულოვანი საარჩევნო ბარიერის პირობებში, _ ამის შესახებ პარტია "ქართული ოცნების" ტავმჯდომარემ ბიძინა ივანიშვილმა, საგანგებო ბრიფინგზე განაცხადა. მისივე თქმით, ეს ინიციატივა ფართომასშტაბიანი პოლიტიკური ცვლილების საფუძველს იძლევა: "საზოგადოებას მოეხსენება, რომ სწორედ „ქართული ოცნება“ იყო იმ საკონსტიტუციო რეფორმის ინიციატორი, რომლის ფარგლებშიც გადაწყდა, რომ საპარლამენტო დემოკრატიის პირობებში, არჩევნების პროპორციული სისტემა, უკეთ პასუხობს ხელისუფლებაში მრავალპარტიული, და შესაბამისად, პლურალისტური პოლიტიკური წარმომადგენლობის ევროპულ სტანდარტს. თუმცა, იქვე დადგინდა, რომ ამ საარჩევნო სისტემაზე გადასვლა უფრო სწორი, 2024 წელს იქნებოდა, რადგან პარტიების გაძლიერებას, მათ კრისტალიზაციას ღირებულებების გარშემო, მეტ კონსოლიდაციას და კონკურენტუნარიანობის გაზრდას გარკვეული წლები კიდევ სჭირდებოდა. სწორედ ამიტომ განისაზღვრა, კონსტიტუციით გარანტირებული საარჩევნო რეფორმის ოპტიმალურ ვადად 2024 წელი, მითუმეტეს იმ პირობებში, როდესაც დღეს მოქმედი შერეული საარჩევნო სისტემა არის აბსოლუტურად დემოკრატიული, გამართული და აპრობირებულია არაერთ ტრადიციული დემოკრატიის ქვეყანაში. მაგრამ ცხოვრებას თავისი კორექტივები შეაქვს ყველაფერში და ნებისმიერი პასუხისმგებლიანი მმართველი პოლიტიკური ძალის ვალია, იყოს ადეკვატური ქვეყნის წინაშე მდგარი გამოწვევებისა და რაც მთავარია, ესმოდეს საზოგადოების მაჯისცემა. დღეს, ყველა ვხედავთ, რომ საზოგადოება ცვლილებებს ითხოვს. ჩვენი ინციატივა კი სწორედ ფართომასშტაბიანი პოლიტიკური ცვლილების საფუძველს იძლევა. იმავდროულად, საზოგადოებრივ მოთხოვნას უნდა მოჰყვეს, და დარწმუნებული ვარ მოჰყვება კიდეც, სამართლებრივი შედეგებიც. უნდა დაისაჯოს ის, ვინც მასობრივი ძალადობის ორგანიზება მოახდინა და ისიც, ვინც ძალას გადაამეტა. რაც შეეხება დღევანდელ პოლიტიკურ გადაწყვეტილებას,უპირველესი მიზეზი, რამაც ამისკენ გვიბიძგა, არის ჩვენი საზოგადოების და განსაკუთრებით, ახალგაზრდობის სურვილი და მზაობა, აქტიურად ჩაერთოს ქვეყნის მართვაში, და საკუთარ თავზე აიღოს პასუხისმგებლობა. საზოგადოების ამ სულისკვეთებასთან თანხვედრაშია ჩვენი პოლიტიკური გუნდის სურვილიც, ნებაყოფლობით ვთქვათ უარი იმ სასტარტო უპირატესობაზე, რაც შერეული საარჩევნო სისტემის პირობებში ბუნებრივად გააჩნია „ქართულ ოცნებას“. შუალედური არჩევნების შედეგებმა ყველა დაარწმუნა, რომ ქართული ოცნების ნებისმიერი კანდიდატი, პრაქტიკულად უკონკურენტოა. ფაქტია, რომ პოპულარულ ადამიანებს კვლავ „ქართული ოცნების“ ეგიდით  სურთ პოლიტიკურ ასპარეზზე გამოსვლა და თუ 2020 წლის საპარლამენტო არჩევნები შერეული სისტემით ჩატარდა, მაღალი ალბათობით, „ქართული ოცნება“ თითქმის ყველა მაჟორიტარულ ოლქს მოიგებს, რითაც უკიდურესად შეამცირებს მრავალპარტიული პარლამენტის ფორმირების რესურსს. ეს შესაძლოა ემსახურებოდეს ჩვენს პარტიულ ინტერესს, მაგრამ ვეღარ პასუხობს ქვეყნის წინაშე არსებულ გამოწვევებს. და კიდევე ერთი მიზეზი, რაც საფუძვლად დაედო ჩვენს დღევანდელ გადაწყვეტილებას არის ის მზარდი, გლობალური თუ  ლოკალური ხასიათის, პოლიტიკური და ეკონომიკური გამოწვევები, რომლის წინაშეც დგას ჩვენი ქვეყანა და რომლებთანაც გამკლავებას  სულ უფრო ხშირად დასჭირდება ფართო საზოგადოებრივი და პოლიტიკური კონსენსუსი, ერთიანობა და პასუხისმგებლობის გაზიარება, რაც მხოლოდ მაქსიმალურად პლურალისტურ გარემოშია შესაძლებელი; ამიტომ, ჩვენ გთავაზობთ, პროპორციულ საარჩევნო სისტემაზე გადასვლას. იმავდროულად, ნულზე ჩამოგვყავს, ანუ სრულად ვაუქმებთ დღეს არსებულ პროცენტულ ბარიერს და იმედი გვაქვს, რომ ამ გზით, 2020 წელს მივიღებთ პარლამენტს, სადაც თითქმის ყველა პოლიტიკური აქტორი და ამ ქვეყნის მთელი ინტელექტუალური პოტენციალი იქნება წარმოდგენილი. არავის დასჭირდება ვინმესთან მიკედლება, ხელოვნური გაერთიანება და ხშირად საკუთარ პრინციპებზე უარის თქმა, რათა თავისი წვლილი შეიტანოს ქვეყნის განვითარებასა და წინსვლაში. ჩვენი პოლიტიკური გუნდი მზადაა, მიმდინარე სასესიო კვირის დასრულებისთანავე, დაიწყოს ფართო კონსულტაციები, საპარლამენტო და არასაპარლამენტო პოლიტიკურ პარტიებთან. ყველასთნ, ვინც მზად არის კონსტიტუციისა და კანონის უპირობო პატივისცემის ფარგლებში ეწეოდეს აქტიურ პოლიტიკურ საქმიანობას", _ განაცხადა ივანიშვილმა. ... ...
  • ბიძინა ივანიშვილი: 2020 წლის საპარლამენტო არჩევნები პროპორციული სისტემით ჩატარდება_ "2020 წლის საპარლამენტო არჩევნები პროპორციული სისტემით ჩატარდება", _ ამის შესახებ პარტია "ქართული ოცნების" თავმჯდომარემ, ბიძინა ივანიშვილმა პარტიის ცენტრალურ ოფისში, საგანგებო ბრიფინგზე განაცხადა. მისივე თქმით, ეს გადაწყვეტილება ქვეყნის წინაშე არსებული გამოწვევების გამო მიიღეს. "2020 წლის საპარლამენტო არჩევნები ჩატარდეს პროპორციული საარჩევნო სისტემით. ნულოვანი საარჩევნო ბარიერის პირობებში. საზოგადოებას მოეხსენება რომ „ქართული ოცნება“ იყო იმ საკონსტიტუციო ცვლილებების ინიციატორი,რომლის ფარგლებშიც გადაწყდა,რომ საპარლამენტო დემოკრატიის პირობებში, უკეთ პასუხობს ხელისუფლებაში მრავალპარტიული და ფლურალისტულ ევროპულ სტანდარტს", _ განაცხადა ... ...

არქივი

ზაფრანი

კიბოს გამომწვევი სამი პროდუქტი დადგინდა

კიბოს დაავადებათა ფართო ჯგუფს უწოდებენ,...

8 საკვები, რომელიც დიდხანს არ მოგაშიებთ

მაკარონის პასტა- შეიძლება ბევრმა თქვას,...

არაჩვეულებრივი ხილი

არაჩვეულებრივი ხილი - ვაშლი, რომელიც...

საინტერესო ფაქტები ჯანმრთელობის შესახებ

იაპონიის კუნძულ ოკინავაზე 450 -ზე...

როგორ ვუშველოთ ქორწინებას?

თუ გრძნობთ, რომ დაკარგეთ ინტერესი...

ხშირი „შეცდომა“ რომელთა გამეორებაც არ ღირს

დააგემოვნო მატარებელში ჩამოტარებული შაურმა; შეეშვა...
კარმიდამო ჩემი

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...

როგორ ვკვებოთ ქათამი, რომ საუკეთესო კვერცხი მოგვცეს

სოფლის პირობებში, როცა შინაურ ფრინველს...

"საქართველოში მოყვანილი მანდარინის ჩირი მსოფლიოში საუკეთესოა"

ოზურგეთში, სოფელ გურიანთაში მცხოვრები იუზა...

დედამიწაზე სიცოცხლის წარმოშობის საიდუმლო

ბრიტანელმა სწავლულებმა, შესაძლოა, გახსნან მეცნიერების...

ეკონომიური დიეტა

ამბობენ, სწორად შერჩეული რაციონი ძვირი...

რა რაოდენობის მარილი გვჭირდება დღეში

მარილი აუცილებელია, რომ ორგანიზმმა სწორად...

წიწიბურა წნევას არეგულირებს

წიწიბურა ადამიანისთვის ძალიან სასარგებლო და...