მშვენიერი ამერიკული ვარდი მშვენიერი ამერიკული ცხვირით

gurianews.com

კულტურა

მშვენიერი ამერიკული ვარდი მშვენიერი ამერიკული ცხვირით

2017 დეკ 30 11:18:53

ცნობილმა ამერიკელმა კინომცოდნემ ლეონარდ მოლთინმა ერთხელ განაცხადა:”თუ ამერიკას დასჭირდება შოუ ბიზნესის დედოფალი, ამ ადგილს უეჭველად ბარბრა სთრეიზანდი დაიკავებს”. მართლაც, ძნელად მოიპოვება ამერიკულ შოუ ბიზნესში ისეთი მრავალმხრივი ნიჭით დაჯილდოვებული პიროვნება, როგორც სთრეიზანდია, იგი პირველი შემოქმედია რომელსაც ოსკარი, ოქროს გლობუსი, ტონი, ემი და გრემი აქვს მოპოვებული. იგი დასახელებული იყო XX საუკუნის ყველაზე პოპულარულ მომღერალ ქალად, რომელსაც 72 მილიონი დისკზე მეტი აქვს გაყიდული, ამის გარდა სთრეიზანდს კიდევ უამრავი მიღწევა აქვს, რომელთა ჩამოთვლა შორს წაგვიყვანს.

 მშვენიერი ამერიკული ვარდი მშვენიერი ამერიკული ცხვირით, ასე ეძახიან ბარბრა სთრეიზანდს, სხვა ცნობილი მსახიობებისაგან განსხვავებით იგი კატეგორიულად წინააღმდეგი იყო საკუთარი გარეგნობის შეცვლისა. ერთხელ ლონდონში ყოფნისას სოფი ლორენმა მას უთხრა “ყველაფერს მივცემდი თქვენნაირი ხმა რომ მქონოდა. სტრეიზანდმა კი უპასუხა: მე თქვენნაირი გარეგნობა რომ მქონოდა, საერთოდ ხმის ამოღებაც არ დამჭირდებოდა.”

ბარბარა ჯოან სთრეიზანდი დაიბადა 1942 წლის 24 აპრილს ბრუკლინში, ნიუ_იორკში. მას მძიმე ბავშვობა ჰქონდა, მამა ადრე გარდაეცალა და ბარბარას დედამისი ზრდიდა. ისინი სიღარიბეში ცხოვრობდნენ და დედა ნაკლებ ყურადღებას აქცევდა შვილს. 1949 წელს დედამისი მეორედ გათხოვდა, ბარბარა კი ბრუკლინის ერთ სკოლაში გაამწესეს, რომელიც მას არ მოსწონდა, თუმცა ის წარჩინებით დაამთავრა. ბავშვობიდან თეატრში შეყვარებული იგი იღებდა გაკვეთილებს სამსახიობო ოსტატობაში და პარალელურად ლუკმა_პურის ფული რომ ეშოვნა, მუშაობდა ძიძად და კარისკაცად კინოთეატრში. მიუხედავად სიდუხჭირისა, იგი დღენიადაგ ოცნებობდა გამხდარიყო ვარსკვლავი. 1961 წელს მან მიიღო მონაწილეობა მოყვარულ მომღერალთა კონკურსში, სადაც დიდი წარმატება ხვდა წილად, იქიდან კი მოხვდა სატელევიზიო შოუში. იმ პერიოდში მან საკუთარი სახელიდან ამოაგდო ასო “ა” და გადაიქცა ბარბრად. პირველი წარმატება მან იგემა 1962 წელს ბროდვეის სცენაზე სპექტაკლში “მე შემიძლია ეს ბითუმად გიშოვნო”, რისთვისაც ბარბრამ ნიუ_იორკის კრიტიკოსების ჯილდო მიიღო. სხვათაშორის, მომავალი მეუღლე მსახიობი ელიოთ გულდი მისი პარტნიორი გახლდათ ამ სპექტაკლში. უკვე მაშინ სთრეიზანდმა გამოავლინა საკუთარი რკინის ხასიათი, როდესაც შეხლა_შემოხლა მოუვიდა რეჟისორთან, რადგან ყველაფრის გაკეთება თავისებურად სურდა. შემდეგში იგი იხსენებდა: ,,მე არ მესმოდა რატომ ბრაზდებოდნენ ისინი, მაშინ როცა იცოდნენ რომ მე მართალი ვიყავი” (ასევე ხდებოდა მისი კარიერის განმავლობაში. ფილმის “როგორნი ვიყავით” გადაღებისას სტრეიზანდს მისი პარტნიორი რობერტ რედფორდი ლამის ინფარქტამდე მიჰყავდა გაუთავებელი რეპეტიციებით).

 მისი პირველი დისკი ამ სპექტაკლში ნამღერი კომპოზიციებისაგან შედგებოდა. მას მოჰყვა სხვა დისკებიც, რომლებმაც მსოფლიოს დაანახვა რომ გამოჩნდა სერიოზული, ფართე დიაპაზონისა და უნიკალური ხმის მქონე მომღერალი. მისი კონცერტები თავიდანვე უდიდესი წარმატებით სარგებლობდა, თუმცა უნდა ითქვას რომ დღემდე ბარბრა სთრეიზანდს სცენის შიში აქვს და ყველაზე არაკომფორტაბელურად ზუსტად იქ გრძნობს თავს.

1964 წელს მოხდა მნიშვნელოვანი გარდატეხა მის კარიერაში, როდესაც ბროდვეის მიუზიკლში “სასაცილო გოგონა” მან შექმნა ვოდევილის მსახიობის ფანი ბრაისის სახე. სპექტაკლი მაშინათვე იქცა საერთაშორისო მოვლენად, ხოლო სთრეიზანდმა მთელი მსოფლიო აალაპარაკა. მის, როგორც მსახიობისა და მომღერლის სერიოზულ რეპუტაციაზე ერთი ფაქტიც მეტყველებს, როდესაც ამ სპექტაკლით იგი ლონდონში ჩავიდა, მას დახვდა ძველთაძველი საგრიმიორო, სთრეიზნდმა სთხოვა მისი დასუფთავება_გაწმენდა, ამის მაგივრად კი თეატრის დირექციამ სასწრაფოდ ორი ოთახი გააერთიანა, გაარემონტა და მას დაუთმო. მიხედავად იმისა, რომ სპექტაკლი ორი წლის განმავლობაში დიდი წარმატებით მომდინარეობდა, ყველას გასაკვირად სთრეიზანდმა გადაწყვიტა სპექტაკლების შეწყვეტა, რადგან მისი თქმით ახლა იგი ვერავითარ სიამოვნებას ვეღარ ღებულობდა მისგან. მან გამოამჟღავნა თავისი დიდი ხნის ოცნება გამხდარიყო კინომსახიობი. ,,იყო ვარსკვლავი, ნიშნავს იყო კინოვარსკვლავი”_ ამბობდა იგი. სთრეიზანდი არის ერთადერთი მსახიობი, რომელსაც ოთხ ფილმზე ისე დაუდეს კონტრაქტი, რომ იქამდე არც ერთ სურათშიც კი არ ჰქონდა ნათამაშები. 1966 წელს სთრეიზანდს შეეძინა ერთადერთი ვაჟი ჯეისონი. ბროდვეიდან წამოსვლის ერთ_ერთი მიზეზად ალბათ ეს ფაქტიც შეიძლება ჩაითვალოს.

1968 წელს ეკრანებზე გამოვიდა მისი სადებიუტო ნამუშევარი ,,სასაცილო გოგონას” ეკრანიზაცია, რომლიც გადაიღო განთქმულმა რეჟისორმა, სამგზის ოსკაროსანმა უილიამ უაილერმა. მუსიკალური ნომრების კი დადგა ქორეოგრაფმა და რეჟისორმა ჰერბერთ როსმა. გადაღებებისას სთრეიზანდი თავს ნებას აძლევდა რათა შენიშვვნები და შესწორებები შეეტანა უაილერის რეჟისურაში. თუმცა ამას ვეტერანი რეჟისორისაგან პროტესტი არ მოჰყოლია. ბევრი ამტკიცებდა რომ სთრეიზანდი თავნება, ეგოისტი ადამიანია და რომ ის აუტანელია მუშაობაში, პასუხად ფემინისტი სტრეიზანდი პასუხობდა, რომ იგი მაქსიმალისტია და არც ერთი ეს ბრალდება არ იარსებებდა, იგი რომ მამაკაცი ყოფილიყო, მისი თქმით, ბევრი ვერ იტანს როდესაც მამაკაცთა სამყაროში ქალი ლიდერობს. ასეთივე პრეტენზიები წაუყენა მან აკადემიას როდესაც მისი ფილმები “იენთლი” და “დინების პრინცი” არ დაჯილდოვდა ოსკარით, იგი ადანაშაულებდა აკადემიის წევრებს ქალთა უფლებების შელახვასა და უგულებელვყოფაში. თავის დროზე ამან მძაფრი რეაქცია გამოიწვია კინოსაზოგადოებაში, თუმცა სთრეიზანდის ფილმებს ამით არაფერი ეშველა.

“სასაცლო გოგონამ” საბოლოოდ გახადა იგი ვარსკვლავდ და მისი პირველივე ნამუშევარი კინოში ოსკარით აღინიშნა. აკადემიის უმაღლსი ჯილდო 26 წლის ბარბრამ გაინაწილა კინოს ლეგენდა ქეთრინ ჰეფბერნთან ერთად, ასეთი რამ მეორედ მოხვდა ოსკარის ისტორიაში, პირველად ეს იყო 1932 წელს, როცა ფრედერიქ მარჩმა და უოლეს ბირიმ მამაკაცის საუკეთესო როლებისთვის ერთდროულად მიიღეს ოქროს ქანდაკება. მიუხედავად მუდმივი კონფროტაციისა მსახიობმა 1976 წელს კიდევ ერთი ოსკარი დაიმსახურა სიმღერისათვის Evergreen, რომელიც აჟღერდა ფილმში “ვარსკვლავის დაბადება”.

“სულ ცოტა ხანი გავიდა მას შემდეგ, როცა მე, პატარა გოგონა, ვიჯექი ბრუკლინის საკონდიტროში, მივირთმევდი ნაყინს და ვკითხულობდი კინოჟურნალებს. სრულიად მოულოდნელად მე წავრსდეგი ამ ვარსკვლავების წინაშე, და ახლა კი ერთ_ერთი მათგანი გავხდი”_ამბობდა თავისი წარმატების შესახებ მსახიობი.

მიუხედავად იმისა, რომ ამ ფილმმა სთრეიზანდს გზა გაუხსნა ჰოლივუდში, იგი არც თუ ხშირად ანებივრებს მაყურებელს თავისი კინოროლებით, მაგრამ აუდიტორია და კინიმცოდნეები ყოველთვის მოუთმენლად ელიან მის ყოველ სურათს. მან სხვადასხვა ჟანრში სცადა ბედი და თითქმის ყველგან წარმატებით, იქნება ეს კომედიები ისეთი როგორც ჰერბერთ როსის “ბუ და ფისო”, პიტერ ბოგდანოვიჩის გახმაურებული “როგორ არის საქმე დოკ?”, სადაც მას პარტნიორობას უწევდა რაიან ო’ნილი.

სთრეიზანდს შოუ-ბიზნესის თითქმის ყველა მწვერვალი ჰქონდა დაპყრობილი, მაგრამ მისი ოცნება იყო დაედგა ფილმი და 1983 წელს ეკრანებზე გამოვიდა მისი სარეჟისორო დებიუტი მიუზიკლი “იენთლი”. სხვათაშორის, იგი ერთადერთი ქალია, ვინც ფილმზე მუშაობდა როგორც სცენარისტი, რეჟისორი, პროდიუსერი, მსახიობი და მომღერალიც. ფილმის გამოსვლის შემდეგ სტივენ სპილბერგმა სთრეიზანდს უთხრა:” ძალიან მინდოდა შენი შეცდომებისათვის მიმეთითებინა, მაგრამ ეს ვერ შევძელი. ეს საუკეთესო ფილმია, რომელიც მე მინახავს მოქალაქე ქეინის შემდეგ”. როგორც ჩანს, აქ ცნობილმა რეჟისორმა მისთვის ჩვეული ჯენთლმენობა გამოიჩინა.

ბარბრა სთრეიზანდმა კიდევ ორი ფილმი დადგა “დინების პრინცი’, რომელიც ოსკარზე იყო წარდგენილი და “სარკეს ორი სახე აქვს”.

“ჩვენ უნდა ვიბრძოლოთ იმისთვის რომ ერთმანეთს არ დავემსგავსოთ, რადგან მაშინ ცხოვრება იქნება ძლიერ მოსაწყენი. ჩემი აზრით, იდეალური მსოფლიო იქნება მაშინ როდესაც ჩვენ დავაფასებთ ერთმანეთის განსხვავებულ შეხედულებებს, ჩვენ ერთმანეთის მსგავსები ვართ, მაგრამ არა ტყუპისცალები”_ასეთია ბარბრა სთრეიზანდის კრედო და ძნელია ამას არ დაეთანხმო. ბარბრა სთრეიზანდი ისევ მნიშვნელოვან ფიგურას წარმოადგენს შოუ_ბიზნესის სარბიელზე, იგი აქტიურად მონაწილეობს პოლიტიკაში, სთრეიზანდი თავგადადებული დემოკრატია და როგორც ამბობენ მისგან ყოველთვის და ყველგან უნდა ელოდე სიურპრიზებს.


ნახვა: 89


 ახალი ამბები
  • ორად გაყოფილი სპორტული ცენტრი დახურულ სხდომაზე ერთმანეთს ღიად დაუპირისპირდახმაური და დაპირიპირება იყო დღეს ლანჩხუთის საკრებულოში, სოციალური კომისიის სხდომაზე, სადაც „გურია ნიუსის“ ინფორმაციით,  სპორტული ცენტრის საკითხი განიხილებოდა. სხდომის ეს ნაწილი, კომისიის თავმჯდომარის ემზარ თედორაძის გადაწყვეტილებით, დახურულად გამოცხადდა. თედორაძის განმარტებით, ეს გადაწყვეტილება სპორტული ცენტრის თანამშრომელთა მოთხოვნით მიიღო. როგორც გაირკვა, სოციალური კომისიის სხდომაზე ცენტრის დირექტორს გოჩა ლომაძეს თანამშრომელთა ნაწილი ღიად დაუპირისპირდა და მისი სამსახურიდან წასვლა მოითხოვა. „თავად თანამშრომლებმა მთხოვეს, რომ სხდომა დახურული ყოფილიყო. ფაქტია,  სპორტულ ცენტრში არაჯანსაღი ვითარებაა და კოლექტივი ორ ნაწილადაა გაყოფილი. შექმნილი მდგომარეობა, რა თქმა უნდა, ნეგატიურად აისახება სპორტული ცენტრის მუშაობაზე.  მუნიციპალიტეტის ხელმძღვანელობას მოუწევს დროული გადაწყვეტილება მიიღოს ამ საკითხზე“, _ გვითხრა თედორაძემ. სხდომას მერიის კულტურისა და სპორტის სამსახურის უფროსი ია ჩხაიძეც ესწრებოდა. „პირადად ვესწრებოდი ამ სხდომას და მოვისმინე ის პრეტენზიები, რაც  ცენტრის თანამშრომელთა ნაწილს აქვს, ამის თაობაზე  მანამდეც ვიყავი ინფორმირებული.  ამ საკითხის დარეგულირება უშუალოდ მერის პრეროგატივაა და თუ მისი მხრიდან იქნება დავალება, ჩვენი სამსახური შეისწავლის სპორტულ ცენტრში არსებულ მდგომარეობას. ფაქტია, რომ ვითარება იქ მართლაც არაჯანსაღია“, _ გვითხრა ია ჩხაიძემ. თუ რას გადაწყვეტს მუნიციპალიტეტის ხელმძღვანელობა  სპორტულ ცენტრთან მიმართებაში, ჯერჯერობით, უცნობია, სოციალური კომისიის სხდომას არც მერი და არც მისი მოადგილე არ დასწრებიან. „სოფელ ნინოშვილში ვიყავი აქციაზე და ამ დროისთვის არ ვარ ინფორმირებული, თუ რა ხდებოდა სოციალური კომისიის სხდომაზე. მერიც არ იმყოფება ლანჩხუთში, თბილისშია. ასე რომ, ამ ეტაპზე, კონკრეტულს ვერაფერს გეტყვით საკითხთან დაკავშირებით“, _ გვითხრა გოგი ფაცურიამ. შეგახსენებთ, რომ „გურია ნიუსი“ უკვე წერდა სპორტულ ცენტრში არსებული დაპირისპირების შესახებ, სადაც  ცენტრის დირექტორს, გოჩა ლომაძეს თანამშრომლების მიმართ ძალადობაში ამხელდნენ. თუმცა, მაშინ ლომაძე მისი მისამართით გაჟღერებულ ყველა ბრალდებას კატეგორიულად უარყოფდა. სპორტული ცენტრის თანამშრომელთა ნაწილიც მხარდაჭერას გამოთქვამდა დირექტორის მიმართ. ამავე თემაზე: სპორტული ცენტრის დირექტორს თანამშრომელთა ნაწილი ... ...
  • შეკვეთილი კანონი _ ,,გასაგებად უნდა ითქვას, რომ კანონპროექტი არის ივანიშვილის იდეა“11 სექტემბერს ცნობილი გახდა მთავრობის იმ საკანონმდებლო ინიციატივის შესახებ, რომელიც ექსპორტზე გატანის მიზნით, მარიხუანის წარმოებას ითვალისწინებს. კანონპროექტმა, რომელიც საზოგადოებისგან მალულად შემუშავდა და რომლის წარმდგენი პარლამენტში  შს სამინისტროა, საზოგადოებაში დიდი ვნებათაღელვა გამოიწვია. საპატრიარქოს მხრიდან წამოსულმა დიდმა საპროტესტო ტალღამ კი კანონპროექტის იმპლემენტაციაში გადამწყვეტი როლი ითამაშა და პარლამენტი მარიხუანის წარმოებასთან დაკავშირებულ საფრთხეებზე დააფიქრა. პარლამენტიდან აღნიშნული კანონპროექტის შესაძლო გაწვევაზე ირაკლი კობახიძე საუბრობს. ,,მიგვაჩნია, რომ ჩვენ პირნათელი ვართ ქართული საზოგადოებისა და ეკლესიის წინაშე, რადგან წარმოდგენილი კანონპროექტი არ ითვალისწინებს ნარკოტიკული საშუალებების წარმოებასა და რეალიზებას. თუმცა, თუ არსებობს საფრთხე იმისა, რომ ამ კანონპროექტმა ნარკოტიკული საშუალებების არალეგალური მიმოქცევა შეიძლება წაახალისოს, ჩვენ მივიღებთ გადაწყვეტილებას კანონპროექტის გამოწვევის თაობაზე“, _ განაცხადა პარლამენტის თავმჯდომარემ. როგორც კობახიძის განცხადებიდან ხდება ცნობილი, ხელისუფლება მოსალოდნელ საფრთხეებს ამჟამად ვერ აცნობიერებს, თუმცა მზადყოფნას გამოთქვამს, რომ კანონპროექტისგან მომდინარე  რისკებს გააანალიზებს. საკითხზე პოლიტოლოგი ვაჟა ბერიძე საუბრობს: _ ბატონო ვაჟა, მმართველი პარტია საერო და სასულიერო პირების მხრიდან წამოსული პროტესტის შემდეგ აცხადებს, რომ მარიხუანის კულტივირების შესახებ კანონპროექტს პარლამენტიდან იმ შემთხვევაში გაიწვევს, თუ საზოგადოებას საფრთხეს შეუქნის.  პარლამენტში კანონპროექტი შეიტანეს და შემდეგ საუბრობენ მოსალოდნელ საფრთხეებზე, რამდენად კანონზომიერია ,,ქართული ოცნების“ ქმედება? _ ახალბედა პოლიტიკოსს, გამოუცდელ პარლამენტის თავმჯდომარეს, ირაკლი კობახიძეს  რაღაც არსებითად ნამდვილად ეშლება. საზოგადოებასთან ასეთი ურთიერთობა პარლამენტის თავმჯდომარეს არ გამოადგება.  კონკრეტული კანონპროექტის შეტანა პარლამენტში იყო გაუაზრებელი და მოუმზადებელი აქტივობა მმართველი პოლიტიკური ძალის მხრიდან. გასაგებად უნდა ითქვას, რომ მთლიანად ეს კანონპროექტი და მარიხუანის კულტივირება არის ბიძინა ივანიშვილის იდეა. ფაქტობრივად, ის მართავს ქვეყანას და მისი ნების გარეშე ქვეყანაში არც ერთი მნიშვნელოვანი გადაწყვეტილების მიღება არ ხდება. შეიძლება, ეს კანონი აღარც გამოჩნდეს პარლამენტში, რადგან ივანიშვილი საოცრად პრაგმატული კაცია და ხვდება, რომ საზოგადოება კანონპროექტის მიღებას წინ აღუდგება. ის ბუნდოვანება, რაც ამ კანონპროექტის გაწვევას ახლავს თან, ნიშნავს, რომ მმართველ ძალასა და ივანიშვილს ჩამოყალიბებული პოზიცია არ აქვთ, ცალსახად ეშინიათ  პოზიციის დაფიქსირება.  თუ დაინახეს, რომ ეს წინააღმდეგობა შესუსტდა, მაშინ კანონპროექტს დატოვებენ  და გაიტანენ. _ გარდა ბიძინა ივანიშვილისა, როგორ ფიქრობთ, სხვა პიროვნების ინტერესი არ იკვეთება? _ ეს შეიძლება ბევრი ადამიანის ინტერესი იყოს, მაგრამ სადღეისოდ მნიშვნელობა არ აქვს, ვის რა უნდა, თუ ბიძინამ არ დართო ნება, არც ერთი დიდი საქმე და პროექტი არ განხორციელდება“, _ გვითხრა ბერიძემ. საკანონმდებლო ორგანოს კანონპროექტზე მუშაობა ამჟამად შეჩერებული აქვს. იმ შემთხვევაში, თუ პარლამენტი კანონპროექტს მხარს დაუჭერს, საქართველოში მარიხუანის წარმოება ლეგალური ... ...
  • ლანჩხუთში მოსახლეობამ გზა გადაკეტალანჩხუთში ოზურგეთი-ლანჩხუთის გზის ნინოშვილის მონაკვეთზე ადგილობრივებს რამდენიმე საათია გზა აქვთ გადაკეტილი და მანქანებს გადაადგილების საშუალებას არ აძლევენ. მოსახლეობა ადგილობრივ ხელისუფლებას  ინფრასტრუქტურული სამუშაოების დაუდევრად შესრულებაში ადანაშაულებს და სოფელში არსებული პრობლემების დროულ მოგვარებას ითხოვს. „სახლები გვენგრევა ხალხს თავზე. ზედაპირულად და დაუდევრად აკეთებენ ყველაფერს. ფაქტობრივად, დანგრეულია ეს მთავარი გზა, მაგრამ პატრონი არავინაა. მოვლენ და ისვრიან ცარიელ სიტყვებს. კეთილი ინებონ და დროულად შეუდგნენ ჩვენი პრობლემების მოგვარებას, ტყუილ დაპირებებს ნუ იძლევიან. საქმე აკეთონ წესიერად. მეც ერთ-ერთი ვარ, ვისი სახლიც დანგრევის პირასაა. მითხრეს, უნდა ასახლდეო, არადა, გამაგრებითი სამუშაობი რომ ჩატარდეს, არაფერი მჭირს ასასახლებელი“, _ ამბობს „გურია ნიუსთან საუბრისას აქციის ერთ-ერთი მონაწილე ოლეგ გოგუაძე. ადგილზე ადგილობრივი ხელისუფლების წარმომადგენლები და პოლიციის თანამშრომლებიც იმყოფებიან. მერიის პრესსამსახურის ინფორმაციით, ვითარების შესწავლის მიზნით აქციის მონაწილეებთან იმყოფება მუნიციპალიტეტის მერის მოადგილე. "ადგილზე იმყოფება მუნიციპალიტეტის მერის მოადგილე გიორგი ფაცურია, რომელიც შეისწავლის შექმნილ ვითარებას და შესაძლებლობის ფარგლებში გაეწევათ ... ...
  • ბაქსვუდის სკოლის მოსწავლე ლანჩხუთიდანლანჩხუთის მეორე საჯარო სკოლის მე-12 კლასის მოსწავლე სალომე ჩიკაშუა, რომელიც განათლების სამინისტროს მიერ ორგანიზებულ ოლიმპიადაში წარმატებით გამოვიდა, დიდ ბრიტანეთში, ბაქსვუდის სკოლაში ისწავლის. სალომე სახალხო პროექტის „ეტალონის“ გასული  წლის გამარჯვებულია ლანჩხუთში, ხოლო ქვეყნის მასშტაბით, საუკეთესო ათეულში მოხვდა და ჯილდოდ 1000 ლარი მიიღო. ამ თანხით კი ბავშვობის ოცნება აიხდინა და „მოპედი“ შეიძინა. „სწავლა ძალიან მიყვარს. გამორჩეული საგანი არ მაქვს, მაგრამ ვფიქრობ, მათემატიკა მაინც სულ სხვაა. ძალიან გამიხარდა, რომ 21 საუკეთესო მოსწავლეს შორის მოვხვდი და ამისთვის მადლობა ჩემს პედაგოგებსა და სკოლას“, _ ამბობს სალომე. სალომე ერთადერთი არაა მეორე საჯარო სკოლიდან, ვინ უცხოეთში ისწავლის. მისი თანაკლასელი მარიამ ზენაიშვილი ამერიკაში, ჰავაის კუნძულებზე მდებარე სკოლაში ... ...
  • ცხოვრება განათლების გარეშე: ბაბუამ მითხრა, რომ კარგი ბიჭი შეარჩიეს და უნდა დავქორწინებულიყავი32 წლის ლია ირემაძე  ჩოხატაურში, სოფელ ბუკნარში ცხოვრობს. მას  მხოლოდ 9 კლასის განათლება აქვს. ამბობს,  სოფელ ბასილეთში, სადაც ის ცხოვრობდა მხოლოდ არასრული განათლების მიღების შესაძლებლობა იყო და შემდეგ, სწავლის გაგრძელებაზე არ უფიქრია. 16 წლის იყო, როცა მშობლებმა გაათხოვეს _ მეუღლეს არ იცნობდა თუმცა უფროსების ნებას დაჰყვა და ოჯახი შექმნა. ყვება, რომ მაშინ პროტესტიც გამოხატვა არ შეეძლო და ამის მიზეზად იმდროინდელ სიტუაციას ასახელებს. იხსენებს, რომ ნიშნობის წინ მხოლოდ მომავალი მეუღლის ფოტო ანახეს: _ ბაბუამ მითხრა, რომ კარგი ბიჭი შეარჩიეს და უნდა დავქორწინებულიყავი. წინააღმდეგობა არ გამიწევია, დავთანმხდი. ფოტო მანახეს და მითხრეს, რომ კარგ ოჯახში მომიწევდა ცხოვრება. მაშინ ასეთი დრო იყო და სხვა გზა არც მქონდა, _ ამბობს ჩვენი რესპოდენტი.  ლია ირემაძის თქმით, სწავლის გაგრძელებაზე საუბარი არც ყოფილა: _ კარგი იქნებოდა მესწავლა, მაგრამ ასე მოხდა. ოჯახი, შვილები როცაა ბევრ რამეზე გიწევს უარის თქმა. მათ ბევრი რამე სჭირდებათ და მათი გულისთვის ყველაფერს უნდა შეეგუო, _ ამბობს ლია, რომელსაც  შეგუება ბევრ რამესთან მოუწია და ახლაც უწევს _ 22 წლის იყო როცა მეუღლე დაეღუპა და 4 შვილით მარტო დარჩა. მას შემდეგ ყველაფერს აკეთებს, რომ ოჯახს არაფერი მოაკლდეს. თუმცა, დასძენს, რომ ფიზიკური შრომა მეუღლის სიცოცხლეშიც უწევდა: _ ახალგათხოვილი ვიყავი, როცა წალკაში გადავედით საცხოვრებლად. გვითხრეს, რომ იქ უკეთესად ვიქნებოდით. ყველაფერი თითქმის თავიდან დავიწყეთ და როცა შუა გზაზე ვიყავით მეუღლე დამეღუპა. წალკაში ისეთი პირობები არ გვქონდა, რომ თავის გატანა შეგვძლებოდა, მიუხედავად იმისა, რომ სულ ვშრომობდი. ამიტომ, ჩოხატაურში დავბრუნდით, _ აღნიშნავს ჩვენი რესპოდენტი, რომლის ცხოვრების ყოველი დღე, მისი თქმით ერთნაირია. დილას ადრიანად _ 6 საათზე იწყებს. უვლის საქონლებს, ამზადებს რძის პროდუქტებს, მუშაობს ბოსტანში, ყანაში. მძიმე ფიზიკური შრომის კვალი ხელებზე კარგად ეტყობა. ამბობს, რომ ეს ყველაფერი ძალიან რთულია, მაგრამ სხვა გზა არ აქვს, რადგან მას ბავშობიდან მხოლოდ შრომა  ასწავლეს. კითხვაზე რას იზამდა მაშინ, თუ ცხოვრების თავიდან დაწყების საშუალება ექნებოდა, პასუხი არ აქვს და მხოლოდ იმას ამბობს, რომ მშობლების სურვილის წინააღმდეგ წასვლას, ალბათ, ვერ გაბედავდა. განათლება არც ლიას დედამთილს, მერი ირემაძეს  მიუღია. ამბობს, რომ ამის სურვილი არასდროს ჰქონია.  გვიყვება, რომ 16 წლის სარძლო კარგი ოჯახისშვილობით აარჩია და მისთვის ეს საკმარისი იყო. კითხვაზე, რატომ არ დაეხმარა რძალს განათლების მიღებაში, გვპასუხობს, რომ მას არ მოუნდომებია: _ ლიას სწავლის სურვილი არასდროს გამოუთქვამს და არც მე შემითავაზებია. არც ჩემი შვილი იყო ნასწავლი და არც მას ჰქონდა სურვილი. დღეს ვფიქრობ, რომ ნასწავლი ადამიანისთვის ცხოვრება უფრო იოლია, მაგრამ ეს თავად უნდა მოინდომონ. დაძალებით არაფერი გამოვა. ჩემს შვილიშვილებს მუდამ ვეუბნები, რომ ისწავლონ, მაგრამ არ უნდათ, არ ინდომებენ და ეს ძალიან მაწუხებს, _ გვითხრა მერი ირემაძემ. აჭარელ რძალ-დედამთილს იმედი აქვთ, რომ მათი შვილები და შვილიშვილები კარგ განათლებას მიიღებენ და  მიწის დამუშავებით და საქონლის მოვლით თავის გატანა არ მოუწევთ. _ სიმართლე გითხრათ, სწავლის სურვილი არც მე მქონია. მაშინ, ამას დიდი მნიშვნელობა არც ენიჭებოდა, თუმცა, დღეს სხვა სიტუაციაა. უსწავლელი ადამიანი არავის სჭირდება. თუ განათლებას არ მიიღებ, თავის გატანა ისეთი მძიმე შრომით მოგიწევს, როგორითაც თითქმის მთელი ცხოვრება გავიარე. დღეს შეძლება არ მაქვს. ჩემს რძალს დიდი დახმარებას ვერ ვუწევ. ვეღარც ბოსტანში ვმუშაობ და ვეღარც ყანაში. რა თქმა უნდა გული მწყდება, რომ ასეა და სწორედ ამიტომ მინდა, რომ ჩემმა შვილიშვილებმა კარგად ისწავლონ. მათი წინაპრების მაგალითი უნდა გაითვალისწინონ და თოხით და ბარით არ უნდა გალიონ ცხოვრება, _ აღნიშნა მერი ირემაძემ. ... ...

არქივი

ზაფრანი

რა ემუქრება დედამიწას მზე რომ ჩაქრეს

მეცნიერები ფიქრობენ, რომ ადრე თუ...

შეცდომით აღმოჩენილი გენიალური გამოგონებები

პენიცილინი _ მედიკამენტი, რომელმაც გადატრიალება...

უცნაური სინდრომები

ფეთქებადი თავის სინდრომი  ესაა საკმაოდ...

საიდუმლოებით მოცული ადამიანები

საუკუნეების განმავლობაში ისტორია სავსეა საიდუმლოებით...

ბრძნული ცხოვრების პრინციპები

1. გაუშვით ადამიანები და სიტუაცია....

გიგანტების სამარხი

უკვე დიდი ხანია, რაც დედამიწაზე...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...