როგორ "გალახეს" ქართლოს კასრაძე

gurianews.com

კულტურა

როგორ "გალახეს" ქართლოს კასრაძე

2018 თებ 3 13:47:41

ცნობილი კონფერანსიე და თბილისის კოლორიტი ქართლოს კასრაძე კვიმატი ენითა და სასაცილო თავგადასავლებით იყო ცნობილი. ერთხელ ასეთი ამბავი გადახდენია თავს, რომელსაც თავადვე ყვება: „წარმოიდგინეთ, უნივერსიტეტის ეზოში მოწყობილი კრივის რინგი (ასეთი რამე მაშინ არცთუ ისე იშვიათი იყო), რომელზეც ქართლოს კასრაძე უნდა ეჩხუბოს უნივერსიტეტის ჩემპიონს, ფანჯრიდან კი ამ ბრძოლას (რომელიც მე უნდა მომეგო _ ერთი თვის სტიპენდია გადავუხადე) თვალი უნდა ადევნოს ჩემი ოცნების ქალიშვილმა. ყველაფერი მზად არის _ მსაჯიც, უამრავი მაყურებელიც და... უცებ გამოჩნდა ბატონი ნიკო კეცხოველი, ფოტოაპარატით და ჩემი „მეტოქე" რინგიდან გააძევა. როგორ მოახერხა, არ ვიცი, მაგრამ ჩვენივე უნივერსიტეტის სტუდენტი, საკავშირო პირველობის პრიზიორი მოკრივე იპოვა უცბად, რომელიც უნივერსიტეტის ჩემპიონატებზე გამოსვლას არც კადრულობდა და რინგზე შემოაგდო. შედეგზე აღარაფერს გეტყვით, მხოლოდ ის მახსოვს, რომ მთლიანად სისხლში ვიყავი მოსვრილი და, როდესაც ერთადერთხელ მოვახერხე ხელის მოქნევა, ბატონი ნიკოს შეძახილი გავიგონე: „შენ არა, შენ ნუ!" თან სურათებს მიღებდა. მეტი არაფერი მახსოვს. მერე, ალბათ, მაინც შევეცოდე და მითხრა, ობიექტივზე ხუფის მოხსნა დამვიწყებია და ვერც ერთი სურათი ვერ გადამიღიაო“.

ბატონი ქართლოსის შემდეგ სიტყვას ჟურნალისტ ოთარ ხუციშვილს გადავცემ.

„იმ წლებში, როცა სარაიონთაშორისო გაზეთ „სამგორის" რედაქციაში ვმუშაობდი, ცნობილი იუმორისტი ქართლოს კასრაძე ჩვენი ხშირი სტუმარი გახლდათ. მოჰქონდა ფელეტონები, იუმორესკები, ზოგჯერ საქმიან წერილებსაც აქვეყნებდა. ერთ-ერთი ასეთი წერილი, რომელიც გაზეთში დაისტამბა, მაშინდელ ლოჭინის მეფრინველეობის ფაბრიკად წოდებულ საწარმოს შეეხებოდა. ავტორი ხოტბას ასხამდა იქაურ მეფრინველეთა საქმიანობას და გეგმების დიდი გადაჭარბებით შესრულებას უწინასწარმეტყველებდა. მეორე დღეს რედაქციაში ტელეფონის ზარი აწკრიალდა. შეშფოთებულმა ფაბრიკის დირექტორმა გვამცნო, რომ წერილში საბედისწერო შეცდომა გაიპარა: საწარმოში მხოლოდ 2 ათასი ფრთა ფრინველი გვყავს, კორესპონდენციაში კი 4 ათასი ფრთა წერიაო. ეს რა უბედურებას გვიწერთ, ამიერიდან სახელმწიფო კვერცხის დამზადების გეგმას ამ ციფრის მიხედვით დაგვიწესებს და დავიღუპეთო.

გაზეთის რედაქტორმა სილოვან ნარიმანიძემ ქართლოს კასრაძე რედაქციაში იხმო და უსაყვედურა: _ შე კაი კაცო, რა შარს გადამკიდე. ადგილზე იყავი მისული, ის ქათმები ხეირიანად დაგეთვალა და მერე ისე დაგეწერაო.

 _ დავითვალე, აბა არ დავითვალე?! _ იუკადრისა ქართლოსმა.

_ თუ დაითვალე, 2 ათასის ნაცვლად 4 ათასი ქათამი საიდან გაჩნდა?

_ სილოვან, აბა დაფიქრდი, _ შეედავა იუმორისტი. _ ერთ ქათამს ორი ფრთა ხომ აქვს?

 _ აქვს.

_ ჰოდა, აგაშენა ღმერთმა, 2 ათას ქათამს 4 ათასი ფრთა არ გამოუვა?

რაღა ჰქონდა სათქმელი რედაქტორს, გაჩუმდა. იმისი კაბინეტიდან ქართლოსი გამარჯვებულის იერით გამოვიდა და რედაქტორის მოადგილეს ისლამ ბაბაევს აზერბაიჯანულად გაუბა საუბარი. ჩვენ ყველამ „პირები დავაღეთ“ _ ხედავთ, ქართლოსს ინგლისურთან, ფრანგულთან, ჩინურთან და იამაიკურთან ერთად აზერბაიჯანულიც სცოდნიაო. ქართლოს კასრაძე რომ წავიდა, ბაბაევს ვკითხეთ, რას გელაპარაკებოდაო. _  ვერ გეტყვით, ვითომ აზერბაიჯანულად ლაპარაკობდა, მაგრამ იქიდან ერთი სიტყვაც ვერ გავიგეო, _ გვითხრა თავადაც პირდაღებულმა ისლამმა“.

ქართლოს კასრაძის შემდეგ კიდევ ერთი თბილისელი კოლორიტი, მსახიობი გია ფერაძე გავიხსენოთ.

გია ფერაძე სკოლაში გაუთავებლად ოხუნჯობდა, დადიოდა „შატალოებზე" და ხშირად ცუდი ნიშნებიც ჰქონდა, მაგრამ ბოლო მეოთხედში ყველა მასწავლებელი ნორმალურ ნიშანს უწერდა, რათა იგი კლასში არ ჩარჩენილიყო და ერთი წლით არ გახანგრძლივებულიყო მათი წვალება. როდესაც დამრიგებელი მშობელს იბარებდა, გიას მორიგეობით ბებიები მიჰყავდა. არ ჰყავდა თუ რა!  ხან ერთს გაუძღვებოდა, ხან _ მეორეს და ხანაც _ მესამეს...

ის ბებიებს მოფერებით „ბლაგაროდნი დევიცებს" ეძახდა, რადგანაც ისინი მხოლოდ მეგობრულად „ურჩევდნენ საქმეს". გია ჰპირდებოდა მათ, რომ აუცილებლად გამოსწორდებოდა, გახარებული ბებიები კი ნაყინის ფულსაც აძლევდნენ ხოლმე. მასწავლებლის საყვედურების მოსმენა ყველაზე ხშირად ბებია ნინას უწევდა. გია მას სიყვარულით „მაკარენკოს" ეძახდა. თუ დედა და ძმა რამეზე ტუქსავდნენ, იმწუთასვე გაისმოდა: _ оставь ребенка, не будь садистом!.. და სამივე ბებია მატროსოვივით გადაეფარებოდა. როცა კინოში წასასვლელად ფული მოუნდებოდა, ბებიებს დასვამდა და სხვადასხვა ფოკუსს უტარებდა (ფულს წინასწარ ართმევდა). ერთხელ ერთ-ერთი ფოკუსი არ გამოუვიდა. ნადია ბებიამ დაუსტვინა და შვილიშვილს ფულის დაბრუნება მოსთხოვა, მაგრამ გია უკვე ეზოში იყო“.

დრო მოვიდა და ბატონი ნოდარ დუმბაძეც უნდა გავიხსენოთ.

მწერალთა კავშირში მუშაობდა ერთი კაცი. თბილისში, ნაქირავებ ბინაში ცხოვრობდა. დაბადების დღეზე მშობლებმა რაიონიდან გამოუგზავნეს გამზადებული პურმარილი. იფიქრა ამ კაცმა, ნაქირავებ, პატარა სახლში ვერ დავატევ სტუმრებსო და გადაწყვიტა, ქალაქგარეთ, ბუნებაში დაეპატიჟებინა კოლეგები. მოკლედ, წავიდნენ, მდელოზე გაშალეს სუფრა და ჩამოსხდნენ. იქვე გადიოდა მატარებლის ლიანდაგიც.

თავად იუბილარმა თამადად ნოდარ დუმბაძე დანიშნა. ნოდარმა აიღო ღვინით სავსე ჭიქა და დაიწყო: ამ ჭიქით მე მინდა... და უცბად მატარებელმა გაიგრიხინა, ნოდარის ხმა გადაფარა. დაიცადა ნოდარმა, სანამ მატარებელმა გაიარა, ისევ ასწია ჭიქა და რომ დაიწყო: ამ ჭიქით მე მინდა, ვადღეგრძელოო... ისევ ჩამოიგრიხინა მატარებელმა, ოღონდ საპირისპიროდ მომავალმა. მესამედ რომ აიღო ჭიქა და შორიდან გაიგო მატარებლის ხმა, მიუბრუნდა იუბილარს და უთხრა: რა დაგიშავე, შე კაი ადამიანო, კაცია მუნჯაძესავით რომ გამომიტყუე ამ ტყეში და „რეიცაზე“ დამადებინე თავიო.

ერთხელ ნოდარ დუმბაძემ ჩინეთიდან მიიღო „მარადისობის კანონის“ სასიგნალო ეგზემპლარი. გახსნა და რაღაც იეროგლიფები ეწერა. ნოდარმა გადაატრიალ-გადმოატრიალა წიგნი და თქვა_ მე თავი კაცი მეგონა და თურმე ორი ჯოხი ვყოფილვარო.

ჩვენი მოგონებების შემდეგი სტუმარი დიდი გალაკტიონი იქნება.

ცნობილია, რომ გალაკტიონ ტაბიძე ხშირად ამასხარავებდა ირაკლი აბაშიძეს, თუმცა, ისინი მაინც მეგობრებად რჩებოდნენ. ერთხელ, როცა გალაკტიონი ქუჩაში ფეხით მიდიოდა, ირაკლი აბაშიძის სამსახურებრივი „ვოლგა“ წამოეწია. მანქანაში ირაკლი აბაშიძე უკანა სავარძელზე იჯდა, კარიდან თავი გამოყო და გალაკტიონს სახლში წაყვანა შესთავაზა. გალაკტიონი მძღოლის გვერდით დაჯდა, სიგარეტს მოუკიდა და მას საუბარი გაუბა, ისე რომ ირაკლი აბაშიძისკენ არც გაუხედავს: „რა გქვია შენ, ძამიკო?“. „თენგიზი მქვია, ბატონო გალაკტიონ!“. „კაი სახელია, ძამიკო, ძალიან კაი! ლექსებს თუ წერ, თენგიზ, ძამიკო?“. „არა, ბატონო გალაკტიონ, რა ვიცი მე ლექსების წერა...“. „მერე რა, რომ არ იცი, ძამიკო! არც შენმა „ხაზეინმა“ იცის, მარა კი წერს...“

სახალისო ისტორიებს ბატონი იოსებ გრიშაშვილი დაასრულებს.

1941 წელს ელისაბედ ჩერქეზიშვილის დაბადების 80 წლის შესრულების საიუბილეო თარიღთან დაკავშირებით უნდა გამოსულიყო მისი მოგონებებისა და პიესების კრებული, რომლის რედაქციაც დაევალა იოსებ გრიშაშვილს. ელისაბედს ხშირად უხდებოდა ხარფუხში თავისი წიგნის რედაქტორის ბინაში მისვლა. ტრანსპორტი სოსოს სახლს არ უდგებოდა. როცა აივაკებდა და უკანასკნელ მოკლე ამოსახვევს მიადგებოდა, ლიზა შორიდანვე დაიწყებდა ბუზღუნს: ,,ათი წლის სიცოცხლე, ათი წყვილი ფეხსაცმელი გავცვითე აქ ამოსვლით, სოსო! ცხონებულმა მამაშენმა ამაზე უკეთესი ადგილი ვერ მონახა ამოდენა ქალაქში, რომ ამ გოლგოთაზე აიშენა სახლი?!“ სოსო ჩაეგებებოდა, ხუმრობით უქარწყლებდა დაღლას, აქებდა თავის უბანს: ,,ზიზიკო (ასე ეძახდა ელისაბედს), ნახე, რა სანახაობაა, აქედან ძველი თბილისი ხელისგულივით მოჩანს, სუფთა ჰაერი, სიწყნარე. პოეტ-კაცს მეტი რა უნდა?“ აიყვანდა ხოლმე თავის პატარა სკვერში და აჩვენებდა: ,,აი, როგორი სურნელოვანი ყვავილები მაქვს, ესეც ფშატის, უნაბის, თუთის, ალუბლის ხეებია. ამას რა სჯობია?“ ,,ეს რა ყვავილებია, ქა?“ ,,ესა? ამას ,,საბაჩკა“ ჰქვია. ,,საბაჩკის“ ადგილია და ,,საბაჩკაც“ ხარობს, კარგ ყვავილს აქ რა უნდა. ხუმრობით, სიცილ-ხარხარით მუშაობდნენ წიგნზე. სოსო ყოველთვის კარგ ხასიათზე დგებოდა, როცა კი ელისაბედ ჩერქეზიშვილი ეწვეოდა ხოლმე და ეტყოდა: ზიზიკო, შენ რომ ჩემთან ახლოს ცხოვრობდე, არასდროს დავბერდებოდიო. ლიზა თავისებური მანერით ქოქოლას აყრიდა: ,,მამა გიცხონდა, იოთამ, შენ გაცოცხლო და არ დაგაბერო, მე კი თავი მოვიკლა ამ გოლგოთაზე სიარულითა!“




 ახალი ამბები
  • "ხელისუფლება ჭრის იმ ტოტს, რომელზეც ზის" - მესამე სექტორი პრეზიდენტს, პრემიერს და პარლამენტის თავმჯდომარეს მიმართავს"ხელისუფლება ჭრის იმ ტოტს, რომელზეც ზის", _ აღნიშნული განცხადება ”ადამიანის უფლებათა ცენტრის” წარმომადგენლმა უჩა ნანუაშვილმა გააკეთა. მესამე სექტორი პრეზიდენტს, პრემიერ-მინისტრსა და პარლამენტის თავმჯდომარეს მოუწოდებენ, შეწყვიტონ მათ მიმართ უსაფუძვლო ბრალდებები და თავი შეიკავონ ორგანიზაციების საქმიანობის დისკრედიტაციისგან, წინააღმდეგ შემთხვევაში, ეს ქვეყნის საერთაშორისო იმიჯზე აისახება. "დღეს ვხედავ, რომ ხელისუფლებისგან მოდის საგანგაშო სიგნალები. რეალურად შეიძლება ითქვას, რომ ხელისუფლება ჭრის იმ ტოტს, რომელზეც ზის. საქართველოში, საზოგადოებაში მიმდინარე პროცესები, ის კრიტიკული მოსაზრებები, რომელიც უკავშირდება განსაკუთრებით წინასაარჩევნო პერიოდში მომხდარ დარღვევებს არის ძალიან  მნიშვნელოვანი და სამოქალაქო საზოგადოებას უნდა ჰქონდეს შესაძლებლობა დააკვირდეს როგორც წინა საარჩევნო გარემოს და პროცესებს, ასევე მთლიანად ქვეყანაში მიმდინარე პროცესებს,“-განაცხადა უჩა ... ...
  • სალომე ზურაბიშვილი: "ჩვენ ვქმნით ძალიან ღირსეულ სურათს ამ ქვეყნის" (R)სალომე ზურაბიშვილი წინასაარჩევნო კამპანიის ფარგლებში მეორე მსოფლიო ომის ვეტერანებს შეხვდა და ვეტერანთა დღე მიულოცა. პრეზიდენტობის კანდიდატის განცხადებით, მათი როლი სახელმწიფოებრიობის შენარჩუნებაში მნიშვნელოვანია და გაპრეზიდენტების შემთხვევაში, ის მათ კეთილდღეობაზე იზრუნებს. შეხვედრაზე სალომე ზურაბიშვილმა ასევე ყურადღება გაამახვილა ქართველი სამხედროების როლზე ტერორიზმთან ბრძოლაში და გაპრეზიდენტების შემთხვევაში ავღანეთში ვიზიტი დააანონსა. „ერთ-ერთი პირველი ვიზიტი გარეთ ამ ქვეყნიდან, ალბათ უნდა იყოს ავღანეთში, სადაც ჩვენ ვქმნით ძალიან ღირსეულ სურათს ამ ქვეყნის. ეგოისტურად ჩვენს დამოუკიდებლობაზე კი არ ვზრუნავთ, მაგრამ ამავე დროს ვფიქრობთ იმაზე, რომ ჩვენ ვართ  ერთი მსოფლიოს შვილები. თანასწორობა იმაში არის, რომ ჩვენც მივიღოთ ჩვენი წილი რაც არ უნდა ეს ზოგჯერ ძალიან მტკივნეული და ტრაგიკულიც იყოს,“- განაცხადა სალომე ... ...
  • "გამოიყენოთ ეს არჩევნები იმისთვის, რომ აირჩიოთ პრეზიდენტი, რომელიც არ იჯდება კაბინეტში" (R)ევროპული საქართველოს პრეზიდენტობის კანდიდატი დავით ბაქარძე პარტიის ლიდერებთან ერთად მხარდამჭერებს რუსთავში შეხვდა. ადგილობრივებთან შეხვედრაზე საუბარი შეეხო რეგიონის პრობლემებს. რუსთავში ყველაზე მტკინვეულ პრობლემად ითვლება უმუშევრობა და გაჩერებული საწარმოების საკითხი. მხარდამჭერებთან შეხვედრაზე დავით ბაქრაძემ კონკრეტულად ისაუბრა პროგრამულ პრიორიტეტებზე _ დაცულობა და ინვესტიციები, საზღვარგარეთ მცხოვრები საქართველოს მოქალაქეების ლეგალური დასაქმება, ქართველი სტუდენტების დაფინანსება უცხოეთში, პენსიის მომატება.  „რუსთავი არის მაგალითი, როგორ ჭირდება საქართველოს ინვესტიციები და რამდენი რამე შეუძლია შეცვალოს ხალხისთვის ინვესტიციას, რუსთავი არის მაგალითი, როგორ ჭირდება დღეს ქვეყანას ხელისუფლება, რომელიც იზრუნებს სამუშაო ადგილების შექმნაზე, ადამიანების დასაქმებაზე და ქვეყანაში ინვესტორების შემოყვანაზე. ამიტომ, რუსთავი არის მაგალითი იმის, რომ უნდა აუცილებლად გამოიყენოს ჩვენმა ხალხმა ეს არჩევნები იმისთვის, რომ აირჩიოს პრეზიდენტი, რომელიც არ იჯდება კაბინეტში და რომელიც მთელ თავის გავლენას, რესურსს და კონტაქტებს გამოიყყენებს ქვეყანაში ინვესტორების შემოსაყვანად, სამუსაო ადგილის შესაქმნელად, ადამიანების დასახმარებლად და იმისთვის რომ ჩვენი ხვალინდელი დღე იყოს უკეთესი და საიმედო.“_ განაცხადა დავით ... ...
  • მერაბ ჭანუყვაძე: სალომე ზურაბიშვილს ზურგს უმაგრებს უდიდესი პოლიტიკური გამოცდილება (R)პრეზიდენტობის დამოუკიდებელი კანდიდატის, სალომე ზურაბიშვილის წინასაარჩევნო კამპანიის ფარგლებში, ოზურგეთის მოსახლეობასთან შეხვედრები გრძელდება. უმრავლესობის ლიდერი, ოზურგეთის მაჟორიტარი დეპუტატი არჩილ თალაკვაძე, პარტია „ქართული ოცნება - დემოკრატიული საქართველოს“ ოზურგეთის საოლქო ორგანიზაციის თავმჯდომარე მერაბ ჭანუყვაძე, ორგანიზაციის წევრები და გურიის გუბერნატორი ზურაბ ნასარაია, სოფელ შრომის და დაბა ლაითურის მოსახლეობას შეხვდნენ. შეხვედრაზე ადგილობრივებს პრეზიდენტობის დამოუკიდებელი კანდიდატის სამომავლო გეგმები გააცნეს და მათ შეკითხვებს უპასუხეს.„სალომე ზურაბიშვილი არის ღირსეული კანდიდატი. მას ზურგს უმაგრებს უდიდესი პოლიტიკური გამოცდილება და ამავდროულად შეუძლია იქცეს საქართველოს ისტორიაში პირველ ზეპარტიულ, მიუკერძოებელ პრეზიდენტად“- მიმართა მერაბ ჭანუყვაძემ ... ...
  • "ვაბშე, მიშას დავბრიდავ": სკანდალური ჩანაწერების სერია გრძელდებამირზა სუბელიანი მიხეილ სააკაშვილის ლიკვიდაციისთვის მზად იყო - ამის შესახებ პროკურატურის ყოფილი მაღალჩინოსანი ფარულ ჩანაწერებში თავად საუბრობს, რომელიც „კურიერმა“ ცოტა ხნის წინ მოიპოვა. სუბელიანი „ქართული ოცნების“ დეპუტატთან, ვიქტორ ჯაფარიძესთან დიალოგში ამტკიცებს, რომ საქართველოს მესამე პრეზიდენტის გასანეიტრალებლად სამთვიანი ვადა მისთვის საკმარისი იქნებოდა. ახალ აუდიოფაილში პროკურატურის ყოფილი მაღალჩინოსანი ასევე ახსენებს „ქართული ოცნების“ იმ მაღალჩინოსნებს, რომელთა მაკომპრომეტირებელი მასალები აქვს. მირზა სუბელიანი სოზარ სუბარის გვარს ასახელებს. საუბრის შინაარსიდან ცნობილი ხდება, რომ სუბარი არის ის პიროვნება, რომელიც სუბელიანს აკონტროლებდა, მაგრამ ახლა ყოფილი პროკურორი ამტკიცებს, რომ მისი და „ქართული ოცნების“ ერთ-ერთი ლიდერის, ისევე როგორც მმართველი პარტიის გზები - გაიყო. ჩანაწერში მირზა სუბელიანი დეპუტატ ვიქტორ ჯაფარიძესა და პროკურატურის ყოფილი მაღალჩინოსნის ნდობით აღჭურვილ პირს, დავით ცუხიშვილს ესაუბრება. მირზა სუბელიანი - "ეჰ, ეგრე არ არი. ამათ უნდათ, რომ ფიქრობენ, რომ მე ციხეში გავტყდები და იმ თემაზე წავალ, რასაც ეგენი მეუბნებიან. რატო არ წავიდე ... ავიღებდი ორ მილიონს, ჩავიდებდი ჯიბეში და წავიდოდი პარიზში და დავალეწავდი თავ-ყბას ყველას და ღირსებიც იქნებოდნენ დღევანდელი გადმოსახედიდან. მაგრამ დღეს ამას ვერ ვიზამ, კაცური სიტყვა მაქვს ნათქვამი და ხელი მაქვს ჩამორთმეული და ჩემი სიტყვა არ დარღვეულა არასდროს მთელი ჩემი ცხოვრების განმავლობაში და დღეს ამას არ ვიზამ, მაგრამ. მაგრამ რომ გამოვალ გარეთ, დავუჯდები, ძმაო, დაველაპარაკები და ვეტყვი, ძმაო, ამ ყველაფრის მერე ვინ ვარ, კიდევ „იზვოი“ ვარ? დამიფიქსირეთ! მტერი ვარ კიდევ თქვენი? რო ვიცოდე რა?... მერე პასუხისმგებელი ვიქნები ჩამს ქმედებებზე. ჩემი გადასაწყვეტია. არავისზე ნაკლები ორატორი არ ვარ, არავისზე ნაკლები ჭკუა არ მაქვს. არავისზე ნაკლები კომპრომატები არ მაქვს. ამას, რასაც მე მაბრალებდნენ მთელი ცხოვრება. ოთხი წლის განმავლობაში და კადრებში მაყურყუტებდნენ, მირზა არ გავწიოთ, ბევრი კომპრომატი აქვსო, ერთი კაცი მითხრან, ვისთანაც დამცდენია რამე. ცუხიშვილი -აი, მაგას ვამბობ, წინ ვის დახვედრია? მირზა სუბელიანი - ზოგ-ზოგიერთებისგან განსხვავებით, აგერ „ომეგა ჯგუფისა“ და უჩას ჩანაწერების მსგავსად, არავის არაფერი არ დახვედრია. ერთადერთი ფაქტორი, ძმაო, რაც მაკავებდა, ეს სოზარის ფაქტორია, დღეს ეგ ფაქტორიც აღარ არსებობს. არ არსებობს იმ თვალსაზრისით, რომ მე მივალ და ამ კაცს ავუხსნი. ის თვითონ გულგატეხილია, ის ჩემზე მეტს ნერვიულობდა და ვეტყვი, რომ სოზარ, შენ ნუ გეწყინება, ძმაო, ჩვენი გზები გაიყრება. მე რასაც გავაკეთებ, მე ვიცი. დაირღვევა პირობა? მე ვიცი, შევხედავ, ძმაო, გვერდში ვჭირდები? გამიშვით, ვაბშე, მიშას დავბრიდავ. სამი ოთხი თვე მოვამზადებ და .. ვაბშე იარაღს არ გამოვიყენებ, ისე დავბრიდავ. რაღაცას გავუკეთებ. ორი ვარიანტია, ან უნდა დავბრიდო, ან უნდა შევეკრა და მაგასთან შეკვრა არ მინდა, ნამდვილად არ მხიბლავს მაგისი წინადადებები მე. მირზა სუბელიანი - მე ვლაპარაკობ სისულელეებს? პარლამენტში რას გეუბნებიან, რატო ზისო? ვიქტორ ჯაფარიძე - ეცოდები ვიღაცეებს.. შვილებს ვფიცავარ." წყარო: ... ...

არქივი

ზაფრანი

დილით დასვენებულმა რომ გაიღვიძოთ…

ორგანიზმი ძილის დროს ახალგაზრდავდება, დუნდება...

ადამიანის იღბალი და მობილური ტელეფონის ნომერი

რიცხვების მაგია უძველესი დროიდან იღებს...

მამაკაცები, რომელთა ცოლობასაც არასოდეს ინანებთ

ამბობენ, რომ ქორწინება თავისებური "ლატარიაა",...

ყავა ჭამის მადას ამცირებს

3-4 ფინჯანი ყავის მირთმევა დღის...

ბავშვის სწორად აღზრდა და ასტროლოგია

ამბობენ, "მშობლებს არ ირჩევენ" და...

ქეით მიდლტონის ყოველდღიური დიეტა

კემბრიჯის ჰერცოგინია, სამეფო ოჯახის წევრის...
კარმიდამო ჩემი

ლობიოს რაგუ ბასკურად

ესპანური სამზარეულო მსოფლიოში ერთ-ერთი საუკეთესო...

გავამრავლოთ ქოთნის ყვავილები

შემოდგომის დასაწყისი, ოქტომბრის ბოლომდე, ქოთნის...

ბულგარული წიწაკის საწებელი ნედლი მწავანილეულით

მრავალგვარ საწებელს შორის, ჩვენს მიერ...

როგორ მოვამზადოთ წათხი

ყველის წათხის მოსამზადებლად საჭიროა: ერთი...

დანდური _ მხალეული, მწნილი, სამკურნალო მცენარე

ერთწლოვანი ბალახოვანი მცენარე დანდური საქართველოში...

ბოსტნეულის შენახვის რა მეთოდს იყენებდნენ წინაპრები

შემოდგომის დასაწყისიდან ყველა დიასახლისი ამზადებს...

როგორ დავიცვათ სიმინდი ფაროსანასგან

აზიური მავნებლის ფაროსანას წინააღმდეგ ბრძოლის...

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

ვის აძლევთ ხმას საპრეზიდენტო არჩევნებზე?