"რჩეულთა კასტის" ტექნოლოგია

მკითხველი

"რჩეულთა კასტის" ტექნოლოგია

1970 იან 1 00:00:00

დიდი ხანია, ვფიქრობ იმაზე, რა ადვილი ყოფილა ატომისა და კომპიუტერების ეპოქიდან გამოქვაბულის ეპოქაში დაბრუნება. თუ ჩვენი ქვეყანა ამ უბედურებას გადაურჩა და დღეს დედიშობილა არ დავდივართ, მადლობა უნდა ვუთხრათ იმათ, ვინც სამოწყალოდ მეორადი ტანსაცმლითა და ფეხსაცმლით ჩვენი მომარაგება იკისრა. მადლობა უნდა ვუთხრათ საკუთარ "თავმოყვარეობასაც", რომელსაც მათხოვრობასთან შეგუების საოცარი უნარი ჰქონია. სიმართლე და სიყალბე კრიზისულ მომენტში უფრო ადვილი დასანახი გახდა და ჩვენდა საუბედუროდ, იოლად აღმოვაჩინეთ, რომ არც ისე ჭკვიანები ვყოფილვართ, როგორც ადრე გვეგონა. ბატონობისა და ერთიმეორის გაუტანლობის რამდენადმე მინავლებული სინდრომი მთელი ძალით ამოქმედდა და კატასტროფის წინაშე დაგვაყენა. საკუთარი ქვეყნიდან გაქცეული ამდენი ქართველი ჯერ არავის უნახავს, ემიგრანტობა პრესტიჟული გახდა იმათ თვალში, ვინც გაუბედურებულ საქართველოში დარჩა. ეს "პრესტიჟულობა" კი ხშირად უცხოელების მიმართ პამპერსებით მოჩვენებითობა, სიყალბე, კეთილდღეობის ილუზია, თითქოს ბუნებრივი რეაქციაა მწარე სინამდვილეზე, მაგრამ გასათვალისწინებელია ისიც, რომ უცხო ქვეყანაში მათ დიდი არჩევანი არ აქვთ: ან შეურაცმყოფელი და დამამცირებელი შრომა, ან კრიმინალი და ეს მაშინ, როდესაც ჩვენ ქვეყანაში ათასობით ჰექტარი სავარგული დაუმუშავებელი და გაველურებულია.

ქვეყნის უბედურებად იქცა ხელისუფლებაში პროფესიონალების დეფიციტი და დილეტანტების მომრავლება. გადამწყვეტ კრიტერიუმად ითვლება არა საქმის ცოდნა, არამედ, პარტიული ნიშანი და პირადი ერთგულება. ამ წესით შენდება ხელისუფლების მთელი ვერტიკალი, რაც განაპირობებს მის შეუვალობას და ერთიანობას. პოლიტიკური ამინდი კი მასზეა დამოკიდებული, ვისაც უმაღლესი საფეხური უჭირავს. ასე ყალიბდება "რჩეულთა კასტა", რომელიც შორეული წარსულის რეციდივად შეიძლება ჩაითვალოს და რომელსაც დემოკრატიასთან არაფერი აქვს საერთო. "რჩეული" ბოლომდე უნდა დარჩეს რჩეულად და არ უნდა ველოდეთ იმას, რომ ისეთი "დემოკრატი" პრეზიდენტი, როგორიც ჩვენია, ოდესმე ცხენსაშენში მივა სამუშაოდ და რეიგანის მაგალითს გაიმეორებს. ჩვენი ხელისუფლება ხშირად მიმართავს სტატისტიკას, რომლის მიხედვითაც ქვეყნის ეკონომიური განვითარების ტემპები და დემოკრატიის ხარისხი, ლამის იდეალურთან არის მიახლოებული, მაგრამ რა ვუყოთ ისეთ კრიტერიუმებს, როგორიც წარმოება და ხალხის ცხოვრების დონეა? ალოგიკურია ეკონომიკური განვითარების მაღალ ტემპებზე ლაპარაკი, მაშინ როდესაც უმრავლესობის ცხოვრების დონე უკიდურესად დაბალია; როგორც ირკვევა, სოფლის მეურნეობის გაჩანაგება და ქვეყნის ბაზარზე იმპორტული პროდუქციის გაბატონება ხელისუფლებისთვის მისაღებია, როგორც საკუთარი ხალხის ძარცვის ყველაზე უკეთესი ფორმა. სხვა შემთხვევაში, იგი ადგილობრივი წარმოების სასუქებზე ფასებს შეამცირებდა და საკუთარ ფერმერებს გარდაუვალი გაკოტრებისაგან იხსნიდა.

უმძიმესი მდგომარეობის მიუხედავად, ინფორმაციის საშუალებებით დაჟინებით გვარწმუნებენ იმაში, რომ ხელისუფლების რეიტინგი მაღალია. ეს მართლაც ასეა მოსახლეობის მეათასედისათვის. რაც შეეხება დანარჩენ მასას, არა მგონია მისმა სიღატაკემ და უუფლებობამ ხელისუფლების რეიტინგს რაიმე შემატოს. რაც შეეხება იდეოლოგიას და ეროვნულ ფასეულობებზე ზრუნვას, ამ მხრივ მდგომარეობა კატასტროფულია. უცხოური სერიალების სახით (და საკუთარითაც) ეკრანებიდან დაღვრილი სიბინძურის ნაკადი მასობრივად რყვნის საზოგადოებას და ძირფესვიანად არყევს ქართული ოჯახის საფუძვლებს. ყველაფერი ეს ხელისუფლების დაკვეთით კეთდება, ხელისუფლების, რომელიც თავის მხრივ "საგმირო საქმეებისთვის" თინეიჯერებს ბუჩქებისაკენ უბიძგებს. ყოველივე ამის შედეგია ისეთი ბავშვების მომრავლება, რომელთა დედებმაც კი არ იციან ვინ არის მათი შვილების მამა. საზოგადოება ვერ იქნება გულგრილი ქუჩაში მიტოვებული და სანაგვეზე გადაყრილი ჩვილების და დამღუპველი დემოგრაფიული მდგომარეობის მიმართ. ნუთუ დამოუკიდებლობამ და თანამედროვე ცივილიზაციამ ამის მეტი "სიკეთე" ვერ შეგვძინა? რატომ ვერ ვახერხებთ იმას, რომ საკაცობრიო ცივილიზაციის ყველა სასიკეთო ნაყოფი შევუერთოთ ჯანსაღ ეროვნულ ტრადიციებს როგორც ამას იაპონელები აკეთებენ?

ვინ ცხოვრობს საქართველოში კარგად? პასუხი ცალსახაა: სახელმწიფო მოხელეები და ის ბიზნესმენები, რომლებსაც ეს მოხელეები მფარველობენ.

არა მგონია, მოხელეთა ნაწილი მაინც ქვეყანაში არსებული საგანგაშო მდგომარეობას ვერ ხედავდეს, მაგრამ ვინც მზად არის ყველაფრის ფასად მაძღარი კაცის მდგომარეობა შეინარჩუნოს, იგი ზნეობაზე პასუხს არც აგებს იმიტომ, რომ მას შესაბამისი მოთხოვნილებაც არ გააჩნია.

სახელმწიფო აპარატს ხალხი საკუთარი შრომით ინახავს; იმ აპარატს, რომელმაც შრომა კეთილდღეობის წყაროდ კი არა, უზომო ტვირთად და ცხოვრების სასჯელად აქცია. ხელისუფლებამ ქვეყნის ყველაზე საიმედო ძალა მათხოვრის მდგომარეობამდე მიიყვანა. პოლიტიკის მსხვერპლს მინდა პირდაპირ ვუთხრა: მივიღეთ ის, რაც დავიმსახურეთ! როდესაც ხელისუფლებას სიცრუე ცხოვრების წესად ექცა და მას მაინც ნდობას უცხადებ, ეს შეცდომა კი არა დანაშაულია, დანაშაული, რომლის დამღუპველ შედეგებსაც მომავალი თაობები მოიმკიან...

პოლიტიკურ ცხოვრებაში, ხელისუფლებაშიც და ოპოზიციაშიც ძველი სახეების უდიდესი ნაწილი დიდი ხანია გაკოტრდა და ქვეყანას არ სჭირდება ისეთი მოღვაწეები, რომლებიც პოლიტიკას პირადი კომფორტის მოსაწყობად იყენებენ. ერთხელ ბატონმა ოტია იოსელიანმა ბრძანა: ჩემი ცხოვრების საიუბილეო თარიღი მაქვს, მაგრამ ქვეყანაში არსებული მდგომარეობის გამო, სულ არ მაქვს საზეიმო განწყობილებაო. ხელისუფლება კი მუდამ საკონცერტო განწყობილებაზეა და ამისათვის მშიერი ხალხის მილიონებს ფლანგავს.

ხელისუფლებამ უნდა იცოდეს, რომ სიცრუე უნივერსალური იარაღი არ არის და არც ცხოვრებაა ტაშ-ფანდური და კარნავალი. მან ისიც უნდა იცოდეს, რომ ხალხს კონცერტებით და მათხოვრული საჩუქრებით ვერ დააპურებ, არა მოჩვენებითი რეიტინგები, არამედ ქვეყნის ინტერესებზე დამყარებული ხალხისა და ხელისუფლების ნამდვილი ერთიანობა გვიხსნის ზნეობრივი და ეროვნული კატასტროფისაგან.

ილუზიების _ ვოჟდიზმისა და ფიურერიზმის ეპოქა უნდა დასრულდეს.




 ახალი ამბები
  • “ბებიაჩემი ყველასგან გამორჩეული ინდივიდია“ - ინტერვიუ “მხოლოდ ქართულის“ კონკურსანტთანლალო ქართველიშვილს ეს სახელი ბებიას საპატივცემულოდ დაარქვეს. ჩვენი რესპონდენტის თქმით, ბებიასთან თავს ყველაზე დაცულად და თბილად გრძნობს. ლალო “მთავარი არხის“ მუსიკალური პროექტის “მხოლოდ ქართულის“ 2019 წლის მონაწილე იყო. როდესაც, მის შესახებ ვიდეო მოამზადეს ის ოზურგეთში ცხოვრობდა. ახლა კი სტუდენტია,  უმაღლეს განათლებას თბილისში იღებს. “ვინ ელოდება გურიიდან ყველაზე მეტად თქვენს შედეგს?“ - ამ კითხვით მას ჟიურის ერთ-ერთმა წევრმა, სოფო ნიჟარაძემ მიმართა. პასუხი უცნაური აღმოჩნდა ჟიურის წევრებისთვის: “მარტოდ ვცხოვრობ... კატასთან და ძაღლთან ერთად,“ - თქვა  ლალომ. დედა და მამა საბერძნეთში წავიდნენ. სახლში ბებია და შვილიშვილი დარჩა. "ფინანსურად არც ისე კარგად ვიყავით და ისიც წავიდა საზღვაგარეთ სამუშაოდ. ბებიაჩემი არის ჩემთვის ყველაზე უძვირფასესი ადამიანი და მინდა ვუთხრა მას, ყველა იმედს გავუმართლებ,“_ თქვა პრომო ვიდეოში 18 წლის მომღერალმა. “მხოლოდ ქართულის“ შესარჩევ ტურში მან ვაჟა აზარაშვილის “გზები“ შეასრულა. “გურია ნიუსი“ გთავაზობთ ინტერვიუს ლალო ქართველიშვილთან. _ ლალო, როდის დაიწყე სიმღერა? _ ბებოს თქმით, სამი წლიდან ვმღერი. _ ეს პირველი მცდელობა იყო კუნკურსში მონაწილეობის? _ არა...რამდენჯერმე ვიყავი “იქს-ფაქტორში“ და “ნიჭიერში“, თუმცა, უშედეგოდ. _ თქვენი აზრით, რა არის ამის მიზეზი? _ალბათ, ისევ მე და ჩემი ნაკლებად აქტიურობა. _ კიდევ აპირებ მუსიკალურ კონკურსში მონაწილეობას? ან რამე შემოთავაზება ხომ არ იყო თქვენი გამოსვლის შემდეგ? _ რა თქმა უნდა ვაპირებ! ზედმეტად მიზანდასახული ვარ იმისთვის, რომ ამ ნაბიჯის შემდეგ გავჩერდე. რაც შეეხება შემოთავაზებას,  არა, არ ყოფილა. _ რამდენად სამართლიანად მოიქცა ჟიური, რომ ათეულში ვერ მოხვდი? _ ჟიური სამართლიანად მოიქცა.  ჩემი ფსიქოლოგიური მომენტების გამო, არც კი წავსულვარ ათეულის შერჩევაზე. _ ლალო, მოგვიყევი თქვენს შესახებ, რომ უფრო გაგიცნოთ საზოგადოებამ. _ ოზურგეთის ერთ პატარა უბანში ,,ზვანში''ვცხოვრობდი.  დავამთავრე #3 საჯარო სკოლა. ძირითადად დაკავებული ვიყავი სიმღერით და ზოგადად მუსიკით, როგორც ახლა. _ლალო, რამდენი წელი ცხოვრობდი მარტო და როგორი იყო შენი ყოველდიურობა? არ, არის მარტო ცხოვრება სიძნელებთან დაკავშირებული? _ ვსწავლობ სეუში, ჟურნალისტიკის ფაკულტეტზე. წელიწადნახევარი ვცხოვრობდი მარტო. რა თქმა უნდა რთულია, თუმც,  ჩემთვის ნაკლებად, ბავშვობიდანვე დამოუკიდებლობას მიმაჩვია ბებომ. _ ბებია და შვილიშვილის ურთიერთობაზე რას გვეტყოდით? _ ვფიქრობ, ბებიაჩემი ყველასგან გამორჩეული იდივიდია. ჩვენი ურთიერთობა,სიყვარული ყველაზე დიდი და ღრმაა. ჩვენ თითქოს ერთმანეთს ვავსებთ. შეუძლებელია, ამ ყველაფრის ენით ან სხვა საშუალებით აღწერა. _ როგორ მოხდა თქვენი დროებით დაშორება? _ ჩემმა აბიტურიენტობამ განაპირობა ბებოს საზღვარგარეთ წასვლა... _ როგორც ვიდეოში ამბობთ ძაღლთან და კატასთან მოგიწია ცხოვრება? _ მათთან ერთად ცხოვრება დიდი ბედნიერებაა. _ ახლა, ვისთან დატოვე შენი საყვარელი ძაღლი და კატა? _ ჩემი ძაღლი ჩემს ბიძაშვილ ნინის დავუტოვე. ბინაში, რომ არ შემეზღუდა, რაც შეეხება ზოის აქ მყავს ჩემთან, თავის 3 კნუტთან ერთად. _ ლალო, რას გეგმავ  მომავალში? _ ვგეგმავ სწავლის თეატრალურში გაგრძელებას. სხვაგან ვერ წარმომიდგენია თავი. მინდა ვიყო შემდგარი მუსკომედიის მსახიობი. ჰოლივუდიც კი შედის ჩემს დიდ ოცნებებში რაც არ უნდა ამბიციური ნათქვამი იყოს. ვფიქრობ, მთავარი მიზანდასახულობაა. ვინატრებდი იმას, რომ ბებო სამუდამოდ ჩემთან იყოს. _ ჟურნალისტობაზე არ ოცნებობ? _ არა,  მომწონს ეს პროფესია, მაგრამ ჩემი არაა. შემთხვევით მოვხვდი სეუში. თეატრალურის ტურზე, ვერ მოვახერხე ჩამოსვლა მაშინ თბილისში. _ ლალო, როგორია სტუდენტების ცხოვრება? _ სტუდენტების ცხოვრება საკმაოდ დამღლელია, მაგრამ ამავდროულად საინტერესო. _ და ბოლოს, დედ-მამასთან გაქვს კონტაქტი? _ კი, როგორ არა და ძალიან მწყინს ცუდ რაღაცებს რომ წერენ მათზე...კი ყოველთვის მაკლდა ერთიც და მეორეც, თუმცა მაინც ვერ ვიტყვი იმას, რომ ისინი ცუდები არიან. _ და ვინ გწერთ ან გეუბნება ამას? _ იმ, ხალხის, რაღაც ნაწილი, რომელმაც ჩემი გამოსვლა ნახა. _შენ, რას ფიქრობ მათ ასეთ რეაქციაზე? _ ნუ დიდად არ მიკვირს. ქართველებს სხვისი კრიტიკა ყველაზე კარგად გამოგვდის სამწუხაროდ, რასაც სათავეში გაუნათლებლობა უდგას. _ ლალო, შეგეხმიანეს მშობლები შენი გამოსვლის შემდეგ? _ რა თქმა უნდა. ძალიან გახარებულები არიან. “გურია ნიუსი“ წარმატებებს უსურვებს ლალო ... ...
  • ჩხუბი პარლამენტთან-პოლიციამ 2 პირი დააკავაგვიან ღამით, პარლამენტის შენობასთან დაპირისპირება მოხდა. როგორც პარლამენტის წინ, კარვებში მყოფი ადამიანები ამბობენ, ნასვამ მდგომარეობაში მყოფი ორი მამაკაცი მივიდა, რომლებმაც სიტყვიერი შეურაცხყოფა მიაყენეს და აგრესიით გამოირჩეოდნენ. პოლიციამ აღნიშნული ორი პირი პარლამენტის მიმდებარე ტერიტორიიდან განარიდა, თუმცა ისინი ტერიტორიაზე კვლავ დაბრუნდნენ, რის შემდეგაც ფიზიკური დაპირისპირება მოხდა. როგორც შსს-ში აცხადებენ, პარლამენტის შენობასთან მომხდარ ფაქტზე გამოძიება დაიწყო საქართველოს სისხლის სამართლის კოდექსის 126-ე მუხლით, რაც ძალადობას გულისხმობს. მათივე ინფორმაციით, ადგილზე დაკავებულია ორი პირი ადმინისტრაციულ სამართალდარღვევათა კოდექსის 173-ე (სამართალდამცავი ორგანოს თანამშრომლის კანონიერი მოთხოვნისადმი დაუმორჩილებლობა) და 166-ე (ხულიგნობა) ... ...
  • რომელი მოსწავლეები მონაწილეობენ გურიიდან “ინფორმატიკის ოლიმპიადა ყველასათვის“ ფინალში საქართველოს უნივერსიტეტის ორგანიზებით და თაოსნობით სკოლის მოსწავლეებისთვის გამართულ კონკურსში “ინფორმატიკის ოლიმპიადა ყველასათვის“ (OLYINFO) ფინალში გურიის სამივე მუნიციპალიტეტის რამდენიმე სკოლის მოსწავლეები მოხვდნენ. “გურია ნიუსმა“  გაგაცნოთ ინფორმაცია, რომ ლიხაურის საჯარო სკოლიდან ოთხი მოსწავლე გადავიდა ფინალში. ახლა კი გაგაცნობთ ჩოხატაურის და ლანჩხუთის სკოლის მოსწავლეების სია, რომლებიც თბილისში გასამართ ფინალში მიიღებენ მონაწილეობას. თამთა ყაჭეიშვილი, დავით სიხარულიძე, ლაშა-გიორგი სიხარულიძე, იური ყაჭეიშვილი, საბა ჩანტლაძე  არიან  სსიპ ჩოხატაურის მუნიციპალიტეტის სოფელ შუა ამაღლების საჯარო სკოლის მოსწავლეები; ნიკოლოზ ცინცაძე,  ანა კალანდაძე-  სსიპ ჩოხატაურის მუნიციპალიტეტის სოფელ  იანეულის   საჯარო    სკოლის მოსწავლეები; ანტონ  სიხარულიძე    სსიპ ჩოხატაურის მუნიციპალიტეტის სოფელ  ბუკისციხის  საჯარო სკოლის მოსწავლე. ელენე გვარჯალაძე და მარიამ ცინცაძე არიან მესამე საჯარო სკოლის მოსწავლეები; ლია ბოლქვაძე, ლინდა ჭაღალიძე, ბარბარე მორჩილაძე, ანასტასია გოგელია -სსიპ ლანჩხუთის მუნიციპალიტეტის გია ტრაპაიძის სახელობის სოფელ ქვემო აკეთის საჯარო სკოლაში სწავლობენ. ამავე თემაზე: ... ...
  • “მორიგი სუპერამბავი" _ ვინ გახდნენ “გურული დღიურების“ სტიპენდიანტები“მორიგი სუპერამბავი“, - ასე ავრცელებს სოციალურ ქსელში “გურული დღიურების“ დამფუძნებელი გიორგი კეკელიძე ინფორმაციას ახალი სტიპენდიანტების შესახებ". “დღეს გურული დღიურების ფონდის სტიპენდიატი ეს უნიჭიერესი ტყუპი გახდა: დათა და რენე გაბრიჭიძეები. ისინი ყველაზე პატარა, პირველკლასელი წევრები არიან ჩვენი ფონდის კლუბში", _ წერს გიორგი ... ...
  • "ოცნების" მხარდამჭერებმა პარლამენტთან კარავი დადგესთბილისში პარლამენტის შენობის წინ კიდევ ერთი კარავი დაიდგა. ამჯერად კარავი „ქართული ოცნების“ მხარდამჭერმა მოძრაობამ „შევინარჩუნოთ სიცოცხლე“ დადგა და ასე მოუწოდა ოპოზიციას დესტრუქციული ქმედებების ... ...

არქივი

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...

2020 წლის ჩინური ჰოროსკოპი

ჩინური ჰოროსკოპი ცხოველთა 12 ნიშანს...

იცით თუ არა, რომ...

ადამიანები, რომლებიც დიდი რაოდენობით ტესტოსტერონს...

რა გავლენას ახდენს მოწევა ტვინზე

მოწევა არა მხოლოდ ფილტვებს, არამედ...

რატომ უნდა მიირთვათ ვაშლი ყოველდღე

ვაშლი დაბერებას აფერხებს; ვაშლი უჯრედისით...

შეიძლება თუ არა სველი თმით დაძინება

სახლში სამსახურიდან დაქანცული ბრუნდებით, აბაზანას...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...