"ყოველი კაცისთვის სანატრელი ხელისუფლება ჯერაც არსად დამყარებულა"

მკითხველი

"ყოველი კაცისთვის სანატრელი ხელისუფლება ჯერაც არსად დამყარებულა"

1970 იან 1 04:00:00
რომ დაუსრულებელი წვალება-ჯახირის შემდეგ, იმედების ჰორიზონტზე გამოჩენილი "ქართული ოცნება" მეგონა, მართლაც და ყველასათვის სანატრელ ხელისუფლებაში გვაცხოვრებდა.

მე თქვენთან, უამრავ მიზეზთა გამო, დიდი ხანია, აღარ მისაუბრია, ძვირფასო მკითხველო! ახლა სიტყვას გაძლევთ, თუ დავინახავ, რომ არ ეღირება სათქმელის თქმა, აღარ შეგაწუხებთ, მაგრამ "გულში ნაგუბარი ნაღველი" აუცილებლად უნდა გაგიზიაროთ, რომელიც მაფიქრებინებს, რომ გადაუხდელ ვალში ვარ შენთან, ჩემო ჩოხატაურო.

ბევრ თქვენგანს, ალბათ, კიდევ დიდხანს ემახსოვრება ბატონი ბიძინა ივანიშვილის სტუმრობა ჩოხატაურში. მაშინ ჩოხატაურელთა უმრავლესობა და მათ შორის მეც, ბედნიერები ვიყავით. ათეული წლების მანძილზე მუდმივ ბრძოლებში ჩაბმულს, დიახაც, მსურდა ჩემი ხალხისთვის სათქმელი მეთქვა, მაგრამ სრულიად მოულოდნელი იყო დეპუტატობის კანდიდატის (მაშინ) წინადადება, ბატონი ბიძინა შენ უნდა წარადგინოო! ათი წუთიც არ მრჩებოდა აზრის დასალაგებლად, მაგრამ როგორღაც მოვახერხე მეთქვა სათქმელი, რომელსაც ბატონი ბიძინა იმ დღეებში სხვადასხვა ტელეარხებზე განაზოგადებდა.

"ფრჩხილით და ჭვანკით" (თუმცა, არც თუ დიდი სხვაობით) მოვიპოვეთ გამარჯვება. მე და ბევრმა ჩემნაირმა, სასწორზე დავდეთ ოჯახი, შვილები, ახლობლები, დანის პირზე ვიარეთ და "ყველა კაცისთვის" სანატრელი ხელისუფლების "ძლიერ ნაბიჯებს" დაველოდეთ.

2 ოქტომბერს, ჩოხატაურის "ოცნების" ოფისში მისალოცად მისულს, უცნაურად გამომშრალი სახეები დამხვდა. სადღა იყო ის ხელგაშლილი შემოფართქალება (განსაკუთრებით, ზედოურებს ვგულისხმობ), ჩვენი მაია წყნეთელი ხარ, ასაკი რომ არ გიშლიდეს ხელსო! თუმცა, ახლა ყველას გასაგონად ვიტყვი _ ასაკს ჩემთვის ხელი არ შეუშლია გასაკეთებლის გაკეთებაში. გადაღლილობას დავაბრალე გუნების ცვალებადობა, მაგრამ კარებში გამოსული თავსაფრიანი დედაკაცის ხმამ გამომაცილა _ "აღარავის ვარ საჭირო, სრულიად აღარავისთვის".

ისე აგიხდეთ ყოველი კაი ჩანაფიქრი, ძვირფასო მკითხველო, აღარავის გავხსენებივარ! მაგრამ ჩემმა ოჯახურმა პრობლემებმა იძულებული გამხადა, შველა მეთხოვა აწ უკვე დეპუტატისთვის და სხვა ჩინოსნებისთვის, რომელთა "გაჩინოსნებაში", თითქმის, ყველა ჩოხატაურელი მეც მდებს "ბრალს".

მე უსაშველოდ დამჭირდა ქვეყანა, სადაც ადამიანს შრომას უფასებენ, სადაც კუთვნილ ღირსებას უღირსი არ წაგართმევს, მაგრამ სად იყო ასეთი ქვეყანა? მცნება ისევ შორეულ მირაჟებში დარჩა! ადამიანები ჩემგან ითხოვდნენ პასუხს: რა ხდება? რატომ არაფერს წერ? გვითხარი რამე!

სათქმელი და დასაწერი აღარაფერი მქონდა, რადგან... რადგან დასალაგებელ ქვეყანაში ერთი წკიპურტიღა იყო საჭირო, რომ ნამუსიანი და უნამუსო ხალხი ერთმანეთს შეჯახებოდა და შავბნელი დროის მობრუნებასაც ხომ ერთი ხელის აქნევაღა სჭირდებოდა. რამდენი ავიტანეთ, რამდენი მოვითმინეთ! ამასობაში საიდანღაც კოლაბორაციონიზმი (ფრანგულად სამშობლოს მტრებთან თანამშრომლობას ნიშნავს ფაშისტური ოკუპაციის დროს) გამოძვრა, მერე კი (ვფიქრობ, მეტისმეტად რთულად წარმოსათქმელობის გამო, რომელმაც გურულებსაც კი "მოჭეჭკა" ენა) კოჰაბიტაცია გაგვეკვეხა ყორყაში და ასე ვიარეთ ოქტომბრიდან ოქტომბრამდე...

"დიდება მოთმინებასა შენსა"... არა მარტო უფალო, შენც მართალო და ნაბრძოლო ჩოხატაურო! არ არსებობს მოვლენა, რომელსაც დადებითთან ერთად უარყოფითი მხარე არ ჰქონდეს. ასე დაემართა მოთმინებასაც _ ერთმა თვალის წალულვამ "დიდოელი ლეკის ნაბადივით გათელა" ოცნებები. რა დაგვემართა? პირველ ოქტომბერს უძლიერეს ძალად ქცეული "ოცნება" კოჰაბიტაციურ აკვანში ჩააწვინეს, უცხოური არტახები გადააკრეს და... "ძლიერს უფრო მეტად უჭირს ამქვეყნად, ამიტომაც მუდამ დაღრენილნი დადიან ლომები, ვეფხვები და ავაზები, ხოლო თრითინები, თაგვები და ციყვები მუდამ მხიარულად დაცუნცულებენ!" (კ. გამსახურდია).

ჰოდა, გამოძვრნენ "ნაციონალური" სოროდან ეს მოცუნცულენი, ააფორთხდნენ აკვანს, აჰყვნენ მაღლა და...

ჰოი, საოცრებავ! მერაბიშვილიც მართალი ყოფილა, ახალაიაც. აბა, მიშა ხომ?! რაზეა ლაპარაკი...

ჩოხატაურშიც თურმე, არც არჩევნებს აყალბებდნენ, არც უდანაშაულოებს იჭერდნენ, არც ხალხს აშინებდნენ, არც ფულს არიგებდნენ...

ის კი არადა, 27 ოქტომბერს არჩევნებში შემომძვრალ-შემოფოფხებული ნაციონალები, ზედმეტად სერიოზული სახით მოდიოდნენ, მათი დამკვირვებლები თვალმოუშორებლად "მაკვირდებოდნენ" და წესრიგისკენაც კი მომიწოდეს!

რავაა ვითომ ჩვენი საქმე?

სულერთია, ქვეყნის აღმშენებელი ხარ, თუ დამანგრეველი, სიმართლეს ამბობ თუ სიცრუეს, თუ მთავარია იყო ურცხვი? მაშინ სამსახურსაც იშოვი და ცხოვრებასაც მოიწყობ!!!

უკიდურესი გაჭირვება ჩოხატაურისა, ნაადრევმა ზამთარმა კიდევ უფრო აუტანელი გახადა. ვნანობ, რატომ გადავდე თავი დეპუტატის "გასაყვანად", სად არის ეს კაცი? იმისთვის, რომ ტელეფონით შემწუხებლისთვის ეთქვა: აღარ შეწუხდეთ, მე თვითონ დაგირეკავთო? (ჩემზეა აქ ლაპარაკი, მის შემდეგ ერთი წელია გასული და რაზეც ვწუხდი, მთელმა ჩოხატაურმა იცის).

ჩვენ, ხალხმა, დეპუტატი და სხვა ჩინოსნები იმიტომ ავირჩიეთ, რომ გაჭირვებაში შეგვშველებოდნენ და შუამავლობა ეკისრათ ხელისუფლებასთან. დასვა ვინმემ საკითხი ქალბატონ გოგალაძესთან, მიეცით ნება გაჭირვებულ ხალხს, საკუთარი ეზოდან შეშის გამოსატანადო? ამბავი მაინც გაგვიგეთ, ეს ქალი ტყეში თუა საერთოდ ნამყოფი ან მამაპაპისეულ ცივ ბუხართან თუ უთევია უშუქო ღამეები? აბა, მაღალ-მაღალ ხელფასს ყველა აიღებს! ჩვენ ამისთვის არ გვიბრძოლია!

ერთიც მაინტერესებს, ახალი წელი მოდის, დაირიგებთ კიდევ იმ პრემიებს, რომელიც ვერაფრით გაგვიგია, რა დამსახურებისთვის გეკუთვნით? მომხდარა ოდესმე ერთ ათწლეულში მაინც დამსახურებულ ექიმს, მასწავლებელს და სხვებსაც ერთი ყვავილი რგებოდა თქვენგან?

ვიცი, ძვირფასო მკითხველო, რომ სწორედ არსებულ ჩინოსანთა (და კიდევ სხვათა) შექება-თანადგომისთვის ხართ ჩემზე განაწყენებულნი. მართალი ხართ! არ უნდა მომსვლოდა ასეთი რაიონისთვის საბედისწერო შეცდომები. არ დაგიმალავთ, თავზე ხელი მქონდა აღებული, ისე მსურდა სისტემის შეცვლა, ზედმეტი მომივიდა! მაპატიეთ!

მიუხედავად ყველაფრისა, ქეთი ბარათელისა არ იყოს, "მაინც ამოვთხრიო", სადაც ვიდექი, იქ ვდგევარ და ვიდგები სიცოცხლის ბოლომდე, რადგან "სხვაგვარად არ ძალმიძს".

პ.ს. გინდ დამიჯერეთ, გინდ არა! "გურია ნიუსის", ერთადერთი სულიერი პატრონის, მეშვეობით ახლახან შევიტყვე, რომ გურიას ახალი გუბერნატორი ჰყავს. დედა, რა იყო ეს, ა? კი, მარა, გამიშვი-დამაკავე რომ იყო გამართული, იგენს რა ეშველებათ ახლა?!

ძალიან კარგი! ასე ჯობია! გვიან იმიტომ შევიტყვე ეს ამბავი, რომ კვირაში ოთხი დღე მაინც, ჩემს სოფელში შუქი არ არის. როცა არის, ტელევიზორი არ უჩვენებს. არ ვარგა ნადავები საქმე. დანაბლოკი და კურცხალდაყრილი ანტენები თოვლის დაცემას ვერ იტანს და მხოლოდ სამი სიტყვით გვიბოდიშებენ: "სიგნალი არ არის".

ბატონო გუბერნატორო! კეთილი იყოს თქვენი ფეხი ამ გაჭირვებულ გურიაში... ერთ რჩევას მოგცემთ, ჩემო ნენა _ პური მეპურეს გამოაცხობინე და თოფი მეთოფეს მიეცი! ჩოხატაურში ნიჭიერი, მებრძოლი და უკანდაუხეველი ხალხია. ისინი ღირსნი არიან წინ რქაძლიერი და გონიერი ყოჩი უძღოდეთ. არა, მარტო აგიც არ კმარა! იმ მეთოფემ ისიც უნდა იცოდეს, საით გაისროლოს, რომ მტრის მაგივრად მოყვარეს არ მოხვდეს ტყვია, ისე, როგორც ეს უკვე მოხდა მრავალჯერ.

თვითბმართველობის არჩევნებში უდიდესი და ქვეყნისათვის სასიცოცხლო ღონისძიება, სოფლის გადარჩენის საბოლოო მცდელობაა. ისევ არ შევცდეთ! ახალ წელს ვულოცავ ყველა ქართველს და არაქართველს, ყველა გურულს, ყველა ჩოხატაურელს, ახალ გუბერნატორს.

ღმერთმა ინებოს, გვეშველოს ახალი, სწორი გზით გაგვესწორებინოს უმძიმესი შეცდომები და ახალი ხალისით ეცხოვროს ყველა ჩვენგანს!

რუსუდან ბერიშვილი,
პენსიონერი მასწავლებელი, ჩოხატაური




 ახალი ამბები
  • ერთდღიანი ბაზრობის პოლიტიკური ელფერიის, რომ ჩოხატაურის მუნიციპალიტეტში ბაზრობა კვირას იმართება, ეს ამბავი ახალი არ არის... და ეს დღეს ჩვეულებრივად ჩაივლიდა, რომ არა აქცია "ვამხილოთ გურული ფეოდალი მაჟორიტარები“. აქციის მონაწილეები დაახლოებით 12 საათისთვის გამოჩდნენ ბაზარში. მათ გამოჩენას, თან "ქართული ოცნების" დეპუტატების გამოჩენა მოყვა. არაერთხელ იყო სიტყვიერი დაპირისპირება და იმის ხსენება, ვინ ვისი პოლიტიკური წევრი იყო ადრე და ა.შ. ასევე აქციაზე ალეკო ელისაშვილი მოსახლეობას ეკითხებოდა მაჟორიტარი-დეპუტატის, ნინო წილოსანის საქმეებზე, რაზეც ზუსტ კონკრეტულ პასუხს იშვიათად სცემდნენ. აქციის პარარელურად "გურია ნიუსმა" რამდენიმე ფოტო გადაიღო, სადაც ხალხი სხვადასხვა პროდუქტების გაყიდვით იყვნენ დაკავებულები. სიძვირე აშკარად ეტყობოდა პროდუქტებს, არა არის გამორიცხული, საახალწლოდ ეს ფასები ... ...
  • ოზურგეთის ხელოვნების ცენტრი 30 წლისაა13 დეკემბერს,  ოზურგეთის მერაბ ბერძენიშვილისსახელობის  ხელოვნების ცენტრის 30 წლის აღსანიშნავ  ღონისძიებაზე , სამხატვრო გალერეაში ბევრ სტუმართან ერთად, თავი მოიყარეს ოზურგეთელმა მასპინძლებმა. _მჯერა, ყველა ჩვენგანი გახარებულია დღეს და თქვენც ასევე გიხარიათ.  30 წელი, შესაძლოა, ბევრი არ არის,   მაგრამ ერთი სერიოზული ეტაპი  მაინც არის.  ამ ხნის მანძილზე 300-მდე გამოფენა ჩარატრდა, თავისი კატალოგებით, ბუკლეტებით. დღევანდელი   დღე ასე ბედნიერად დაიწყო და ასე დამთავრდება _ ჩვენ  გავაკეთეთ კატალოგი, რომელიც შეგიძლიათ,  საჩუქრად წაიღოთ. ჩვენ გავაკეთეთ ასევე  მოკლე კლიპი 30 წლიანი ისტორიისა, რომელსაც ახლა ნახავთ და ბევრი საკუთარ თავსაც იხილავს, რადგან თქვენ ის ადამიანები ხართ, რომლებიც სულ ჩვენთან იდექით, ჩვენ ვართ ცენტრი, სადაც კეთდება რეგიონული გამოფენები, ასევე  გვაქვს უამრავი  გაცვლითი გამოფენები, _ ამ სიტყვებით  გახსნა ღონისძიება  და სტუმრებს მისალმა ოზურგეთის სახვითი ხელოვნების ცენტრის წარმომადგენელი, ლია ურუშაძე. სურატების გალერეის დირექტორმა,  ავთანდილ თავართქილაძემ მადლობა გადაუხადა  სტუმრებს და ესაუბრა 30-წლიან გზაზე, რომელიც გაიარა გალერეამ. _ამ 30-მა წელმა დამანახა, რომ უამრავი ადამიანია გურიაში დაკავებული სახვითი ხელოვნებით. განსაკუთრებით ქალბატონები.  ეს ნიჭიერება არის ცვენთან. ჩვენ ვატარებდით ხალხური რეწვის ოსტატთა გამოფენებს. თამამად  შეგვიძლია ვთქვათ, რომ  ოზურგეთი არის არამხოლოდ ფოლკლორის ,  არა მხოლოდ პოლიფონიის ქალაქი, არამედ სახვითი ხელოვნების ქალაქი.  ჩვენი ცენტრი რევოლუციური მონაპივარია.  1989 წელს დაიწყო ეს ყველაფერი.  არაფერი არ ასებობდა, მაგრამ აქ იყო სესანიშნავი მხატვრების ჯგუფი, ვახტანგ მამეშვილი, რეზო ჯაში,  ვარლამ ჭკუასელი, ჯემალ მიმინოშვილი, ვასო მჟავანაძე  და ბევრი სხვა, რომელთა არჩეული ვარ მე. ამ ხალხის  აქ ყოფნა იყო სახვითი ხელოვნების  განვითარება.  ეს იყო ეროვნული მოძრაობა, ფაქტიურად. ასე დაიწყო ყველაფერი.დიდი ენერგია ჩემგან სწორედ ამ „გალერჩიკობაში“ წავიდა. კიდევ უფრო უნდა განვითარდეს. მომავალ წელს აუცილებლად   გავხსნით  მერაბ ბერძენიშვილის ქანდაკებას.  იცით, ქუთაისში ვანდალური ფაქტი მოხდა, დაშალეს ქუთაისში. ეს იყო დიდი ტკივილი მისტვის.  მისი ქანდაკება, უნდაამშვენებდეს ოზურგეტს. ჩვენი პროექტები უკვე საერთაშორისოა. ჩვენ გვაქვს სემოქმედებით სახელოსნო, რომლის გარეშეც გალერეა არის მკვდარი.  კარგად ხედავთ ექსპოზიციის ესთეტიკას. მაჯისცემა უნდაიგრძნობოდეს და ასეც ხდება. თავიდან  სამხატვრო გალერეა ერქვა და მადლობა უფალს, რომ  გადავურჩით    გაერთიანებებს. ეს ხელისუფლების დამსახურებაც  არის.   ასევე ბოდიშს ვიხდი, რომ დღევნელი დღე  დაემთხვა იმ რაღაც აქციას და მოვლენას, რაც თბილისში ხდება.  კი შეიძლებოდა გადადება, მაგრამ ღონისძიება იგეგმება ერთი და ორი თვით ადრე და ამიტომ მოხდა ასე. . თუმცა დღევანდელი დღით  ვეხმიანებით სრულიად საქართველოს. ყველამ უნდა აკეთოს თავისი საქმე და გადარჩებასაქართველო, _ ასე დაასრულა მან თავისი გამოსვლა   და შემდეგ კლიპის სანახავად მიიპატიჟა ყველა. ვიდეოფირზე კარგად იყო ასახული გალერეის მიერ გავლილი 30 წლიანი გზა. სტუმრად მყოფმა ხელოვანებმა, ბათუმიდან, ქუთაისიდან და თბილისიდან  ცამოსულმა  სხვადასხვა გალერეის თუ მუზეუმების ხელმძღვანელებმა ბევრი თბილი სიტყვა თქვეს და სამახსოვრო საჩუქრები გადასცეს იუბილად  გალერეას. დასარულ, საზეიმოდ გაჭრეს ტორტი და კიდევ ერთხელ აღნიშნეს სტუმრებმა და მასპინძლებმა, რომ ოზურგეთის არის როგორც ფოლკლორის, პოლიფონიის,  სახვითი ხელოვნების ... ...
  • "ერთადერთი, რაც შემიძლია, საჩუქრად გადავცე კომპასი“_თალაკვაძე ელისაშვილს ეხმაურებადღეს "სამოქალაქო მოძრაობამ" ჩოხატაურის ბაზარში აქცია გამართა კამპანია "ვამხილოთ ფეოდალი მაჟორიტარების" ფარგლებში. ბაზარში მისულმა სამოქალაქო მოძრაობის წევრებმა  იქ მყოფ ადამიანებს თანამდებობაზე მყოფი წარმოშობით გურულების,  ლანჩხუთის მაჟორიტარი დეპუტატი ნინო წილოსანის და პარლამენტის თავმჯდომარის, არჩილ თალაკვაძის შესახებ ესაუბრნენ და  ფეოდალიზმში დაადანაშაულეს. როგორც სამოქალაქო მოძრაობის წევრები ამბობენ, ისინი მოსახლეობაზე არ ზრუნავენ და ხალხის ხარჯზე მდიდრდებიან. აქციამ ჩოხატაურის ბაზრიდან ოზურგეთის მერიასთან გადაინაცვლა, სადაც არჩილ თალაკვაძის მაჟორიტარული ოლქი მდებარეობს.  სამოქალაქო მოძრაობის წევრებს მერიის კარი დაკეტილი დახვდათ, კარზე კი სტიკერები მიაკრეს წარწერით "მაჟორიტარი ფეოდალია". თალაკვაძე ელისაშვილის მიერ წაყენებულ ბრალდებას ეხმაურება და ამბობს, რომ "სამოქალაქო მოძრაობის" ლიდერისთვის კომპასის საჩუქრად გადაცემას აპირებს. „უკმაყოფილო ყოფილა რატომ არავინ არ დამხვდაო? - დღეს არის კვირა დღე და ელისაშვილმა ეს კარგად იცოდა, სწორედ ამიტომ აირჩია კვირა დღე. რაც შეეხება მის კამპანიას, ის თურმე ოზურგეთში ჩასული იყო და საზოგადოებას უმტკიცებდა, რომ ოზურგეთის მაჟორიტარი არის მდიდარი ფეოდალი. ერთადერთი, რაც შემიძლია, არის ის, რომ მას საჩუქრად გადავცე კომპასი“,_ განაცხადა ... ...
  • "თავისუფლება ვაჟა ექიმს" _ კახა ასკურავა საოკუპაციო ხაზთან ჩავიდა"ექიმი ისეთი პროფესიაა, მტერი რომ ნახო დაჭრილი, მას უნდა უმკურნალო, ვალდებული ხარ. ვაჟა გაფრინდაშვილის ფაქტი სწორედ ის შემთხვევაა, როცა ცხადია, რომ პუტინის პოლიტიკა უარყოფს და უგულებელყოფს ყოველივე მორალურს, დაწერილ თუ დაუწერელ კანონებს, რომელიც ხანდახან უფრო მეტი ვიდრე მსოფლიო კონვენცია!", _ აღნიშნულის შესახებ "ერთიანი ნაციონალური მოძრაობის“ ლანჩხუთის რაიონული ორგანიზაციის თავმჯდომარე კახა ასკურავა ფეისბუქის საკუთარ გვერდზე წერს. იგი რამდენიმე წუთის წინ ჩავიდა საოკუპაციო ხაზთან, სადაც სეპარატისტული რეჟიმის მიერ უკანონო პატიმრობაში მყოფი ექიმის ვაჟა გაფრინდაშვილის ოჯახი და მხარდამჭერები აქციას მართავდნენ. როგორც კახა ასკურავამ "გურია ნიუსთან" აღნიშნა, გზა აერიათ და, სამწუხაროდ, აქციას ვერ ჩაუსწრეს. მანვე მოგვაწოდა საოკუპაციო ხაზთან გადაღებული ... ...
  • "თავისუფლება ვაჟა ექიმს" _ საოკუპაციო ხაზთან ვაჟა გაფრინდაშვილის ოჯახი აქციას მართავს"სოხუმი და ცხინვალი საქართველოა", "სამშობლოს სიყვარული დანაშაული არ არის", "თავისუფლება ვაჟა ექიმს"- ამ მოწოდებებით საოკუპაციო ხაზთან, დუშეთის რაიონის სოფელ ოძისში ვაჟა გაფრინდაშვილის ოჯახის წევრები და მხარდამჭერები აქციას მართავენ. მათთან ერთად ადგილზე იმყოფებიან ევროკავშირის სადამკვირვებლო მისიის წარმომადგენლები, თეთრ ხალათებში ჩაცმული ექიმები, პოლიტიკური პარტიების ლიდერები და სამოქალაქო აქტივისტები. შეგახსენებთ, რომ დღეს ვაჟა გაფრინდაშვილის ოჯახის წევრები და მხარდამჭერები რესპუბლიკის მოედანზე შეიკრიბნენ და ოძისამდე საავტომობილო მსვლელობით გადმოინაცვლეს. "გურია ნიუსი" უმოკლეს დროში შემოგტავაზებთ ინფორმაციას საოკუპაციო ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...