დემოკრატია ერთი მსახიობის თეატრი არ არის!

მკითხველი

დემოკრატია ერთი მსახიობის თეატრი არ არის!

2011 ოქტ 26 08:31:04
როგორც იქნა, "გვეშველა" _ პრეზიდენტის მისამართით სახოტბო ჟანრის ლექსი დაიწერა და თანაც ავტორი სასულიერო პირია. ახლა ამ ლექსზე აწყობილი სიმღერის მოლოდინში ვარ. ტელევიზიით ხშირი რეკლამირება, აპლოდისმენტები, სკანდირება, ლექსი და ალბათ, სიმღერაც საიმედო დასაწყისია ახალი კერპის ჩამოყალიბების გზაზე.

როდესაც მთელი საზოგადოების ინტერესები განივთებულია ერთ პიროვნებაში, რომელიც კონსტიტუციას ისე გადააკეთებს და გადმოაკეთებს, როგორც მას მოესურვება, ასეთ კაცს კერპობამდე რაღა უკლია? როდესაც მთელი საკანონმდებლო ორგანო ერთი კაცის ნება-სურვილს უსიტყვოდ ემორჩილება, ეს კერპთაყვანისმცემლობა არ არის? ცხოვრებამ ძველ კერპებს დიდი ხანია, ზურგი შეაქცია, მაგრამ როგორც ირკვევა, უკერპოდ ცხოვრება ძალიან გვიჭირს. მართალია, ძეგლებად ქცეული ძველი კერპები დიდი ხანია აიღეს, მაგრამ კვარცხლბეკები, მგონი, არ დაუნგრევიათ. აქედან არქიფომდე სულ ერთი ნაბიჯია. სახელმწიფო მოხელე წარმატებულად მხოლოდ მაშინ ითვლება, როდესაც იგი პირველი პირის სურვილებს სრულყოფილად აკმაყოფილებს. ზოგჯერ მგონია, რომ სახელმწიფო მოხელეებისთვის ახლო წარსულის გაკვეთილებსაც დაუკარგავს ყოველგვარი მნიშვნელობა. პიროვნების გაღმერთება შეცდომა კი არა, დანაშაული რომ არის, ამაზე არავინ არ უნდა ფიქრობდეს? ჩვენმა თაობამ საკუთარი გამოცდილებით იცის, რას ნიშნავს პიროვნების გაღმერთება, რამდენ უსამართლობასა და ბოროტებასთან არის იგი დაკავშირებული და მაინც საზოგადოების გარკვეულ ნაწილს ქვეყანა იმ გზით მიჰყავს, რომელმაც ადრე უფსკრულის პირას დაგვაყენა. ხელისუფლების გუნდი ერთი შეხედვით მონოლითურია. ხელისუფლების გარეთ კი ორ კაცს უჭირს ერთიმეორეს შორის საერთო ენის გამონახვა. პარადოქსია, არა?

მე აქ გორდიასის კვანძს ვერ ვხედავ: გახსნილი და თავისუფალი ჩვენ ხელისუფლების გარეთ ვართ, ხელისუფლებაში კი თითქმის ყველას ნიღაბი გვიკეთია. დიქტატურის თუ ავტორიტარული რეჟიმის პირობებში, "ერთიანი" გუნდის წევრები დინებას მიყვებიან, რომ პრივილეგიები ხელიდან არ გაუშვან. შიში ერთიმეორის მიმართ, მუდმივი ეჭვიანობა და უნდობლობა მათი ცხოვრების წესია. მოხელეთა უმრავლესობა რობოტივით ასრულებს სხვის განკარგულებას და დამოუკიდებლად აქტიურობას ერიდება, დიქტატორებს ხომ მოაზროვნე ჩინოვნიკები არ სჭირდებათ?! ყველა ხედავს, რომ ჩვენი სახელმწიფოებრივი სისტემა მანკიერია და ძალიან ცოტა რამ აქვს საერთო ნამდვილ დემოკრატიასთან, მაგრამ მაინც ეგუებიან ამას. ეს იმიტომ, რომ, თითქმის, ყველა ჩვენგანში თუ არა, უმრავლესობაში მაინც ზის დიდი თუ პატარა დიქტატორი, სხვისი აზრის და ინტერესების შეუწყნარებლობა და ბავშვური ახირება. ამის გამოა, რომ ოპოზიციური პარტიები ვერ ახერხებენ შეთანხმებას. ჩვენ თვითონ ვამბობთ მაქსიმალისტები და უკიდურესობათა ხალხი ვართო. ძნელია, ამას არ დაეთანხმო. უკიდურესობას კი შედეგად დიქტატურა ან ანარქია მოაქვს. ერთიც და მეორეც ფართო გასაქანს აძლევს უსამართლობას და დემოკრატიის ანტიპოდია. მაინც რატომ მივდივართ ამ გზით? ყველა ხომ ჩინოვნიკი, დიდი ან პატარა დიქტატორი ვერ გახდება? რაგინდ გასაკვირიც არ უნდა იყოს, დემოკრატია და თანასწორუფლებიანობა ჩვენი საზოგადოების საკმაოდ მნიშვნელოვან ნაწილს სრულიადაც არ ხიბლავს. ეს ის ხალხია, ვინც ქრთამითა და ათასგვარი უკანონო მაქინაციებით შეძლო უპირატესობის მოპოვება; ამ ხალხმა დაამკვიდრა ჩვენს ცხოვრებაში დილეტანტიზმი პროფესიონალიზმის ნაცვლად; ამ ხალხმა გათელა სამართლიანობა და ზნეობა. თავის მოტყუება იქნება ის ძალები დამარცხებულად რომ ჩავთვალოთ. ყველაზე უარესი კი ის არის, რომ ამ ხალხმა სამართლიანობის გამარჯვების რწმენა მთელ საზოგადოებას შეურყია. შევძლებთ კი ცოდნით და პატიოსანი შრომით საზოგადოებაში ღირსეული ადგილის დაკავებას? ამ კითხვაზე საზოგადოების ყველაზე უკეთეს ნაწილს დამაიმედებელი პასუხი არ აქვს და არც ექნება, თუ ფსევდო დემოკრატიის ჩარჩოდან არ გამოვედით. სახელმწიფო მოხელეთა ცხოვრებაში და მთლიანად ხელისუფლებაში, მორალური პასუხისმგებლობის უდიდესი დეფიციტია. დღევანდელ ხელისუფლებას უფრო ხშირად ყოფილი ჩინოვნიკები ლანძღავენ და არავითარ პასუხისმგებლობას არ გრძნობენ იმის გამო, რომ ახლანდელმა თაობამ ყოველგვარი ნეგატივიზმი მემკვიდრეობით მიიღო წინა თაობისგან. დღევანდელობამ რელიეფურად გამოაჩინა, რომ ჩვენ ცუდი ჩინოვნიკები და ცუდი მოსწავლეები ვყოფილვართ. წინა თაობიდან მხოლოდ ერთეულებს აქვთ იმის მორალური უფლება, რომ ახლანდელი ხელისუფლებისა და დემოკრატიის პრობლემებზე ილაპარაკონ. დღეს რომ პროფესიონალები, განსაკუთრებით კი მაღალზნეობრივი კადრები სანთლით საძებარია, ამაში დიდი "დამსახურება" ჩემს თაობასაც მიუძღვის.

მოხელეთა რაოდენობით დღეს სახელმწიფო აპარატი განსაკუთრებით დამძიმებულია, საყოველთაო სიღატაკის ფონზე ამ აპარატის მუშაკთა კეთილდღეობა რელიეფურადაა გამოკვეთილი და ქვეყანას საკმაოდ ძვირი უჯდება. ამ აპარატს პრეტენზია აქვს ქვეყანა გააჯანსაღოს მატერიალურადაც და სულიერადაც. ეს ხალხი პიროვნებებად კომუნისტურ ეპოქაში ჩამოყალიბდა. გამიჩნდა სრულიად ბუნებრივი კითხვა: კომუნისტების დროს სად იყო ის ნაკრძალები და ოაზისები, სადაც "სპეტაკი და უანგარო" მოხელეები გაიზარდნენ? უკეთესების შერჩევა ყოველთვის შეიძლებაო, ალბათ, ასე მიპასუხებდნენ ხელისუფლებიდან. ასეთი პასუხი მეც დამაკმაყოფილებს, ოღონდ ერთი შენიშვნით: თუ ეს შერჩევა პირადი ერთგულების ნიშნით არ მოხდება.

სიმართლეს ვამბობ თუ თვითრეკლამას ვეწევი _ შეფასების უფლებას ჩემს ოპონენტებსაც ვერ წავართმევ. იმ მომენტზე ვლაპარაკობ, მოხელის ფუნქციას რომ ვასრულებდი. უსამართლობა, პროტექციონიზმი, არაკოლეგიალობა გამორიცხული იყო ჩვენი კოლექტივის ცხოვრებაში. უკანონოდ მითვისებასა და მექრთამეობასთან შეურიგებლობით ნამდვილი დისონანსი შეგვქონდა მთელ კორუმპირებულ სივრცეში. იქ ერთმანეთს ერწყმოდა საზოგადოებრივი მოვალეობისადმი პატივისცემა და შიშისა და მლიქვნელობისგან თავისუფალი ამხანაგური თანამშრომლობა.

გამოკვეთილი და განსაკუთრებულად თვალშისაცემი პრივილეგია ჩვენთან არავის ჰქონდა და კოლექტივიც ერთიანი იყო. ერთხელ სასკოლო დოკუმენტების შემოწმების დროს განათლების სამინისტროს წარმომადგენელი წააწყდა ჩემს ბრძანებას, რომლის მიხედვითაც, მასწავლებელთა ერთ ჯგუფს გაკვეთილების გაცდენის გამო ხელფასის შესაბამისი ნაწილი დავუკავე. ამ ბრძანებაში ჩემი სახელიც იყო. გაკვირვების პასუხად სტუმარს მივუგე _ ჯერ საკუთარ თავს თუ არ მოვთხოვე, სხვასაც ვერაფერს მოვთხოვ,-მეთქი. სწორად კი მოქცეულხარ, მაგრამ ასეთი რამ მე ჯერ არსად მინახავსო, _ მიპასუხა. დამახასიათებელი მოვლენების შესაბამისად, იგი ალბათ, ფიქრობდა, რომ ჩემი სახით ნახავდა პატარა დიქტატორს, რომელიც თანამდებობით უფროსების წინაშე ვერხვის ფოთოლივით თრთის, თანამშრომლებს კი ზევსის რისხვად მოევლინება. ღმერთს მადლობა მინდა შევწირო, რომ ქამელეონობა არ დამანათლა და ნორმალური ადამიანის სახე შემინარჩუნა. ნაკლიც საკმაოდ მქონდა, მაგრამ ხელმოკლეობის მიუხედავად, სინდისი და უანგარო კაცის ღირსება არასოდეს გამიყიდია. დემოკრატიისადმი პატივისცემა იყო იმის მიზეზი, რომ ვერ ჩამოვყალიბდი პატარა დიქტატორად და ამას თავიდანვე ვთვლიდი უზნეობად.

დემოკრატია ერთი მსახიობის თეატრი არ არის. იგი ხალხისთვის მისაღები საზოგადოებრივი ურთიერთობისა და მმართველობის ყველაზე სრულყოფილი ფორმაა. აუცილებელია, ვისწავლოთ მისთვის დამახასიათებელი წესებით საზოგადოების მართვა და ცხოვრება. ჩვენ სხვა არჩევანი არ გვაქვს.

სიმონ ჯაში, ჩოხატაური




 ახალი ამბები
  • ჩვენ მივეცით რეკომენდაცია, ჩვენთან შემოწმდა ეს პირბადეები _ გამყრელიძეჩვენ მივეცით რეკომენდაცია, ჩვენთან შემოწმდა ეს პირბადეები-აცხადებს დაავადებათა კონტროლის ცენტრის ხელმძღანელი ამირან გამყრელიძე "პირველ არხთან" საუბარში.  მისივე თქმით, საქართველოში დამზადებული პირბადეები საყოფაცხოვრებო მოხმარებისთვის სავსებით მისაღებია, სამედიცინო მიზნით მოხმარებისას კი ის ერთჯერადად უნდა გამოიყენონ. "ჩვენ მივეცით რეკომენდაცია, ჩვენთან შემოწმდა ეს პირბადეები. გაიარა დაავადებათა კონტროლის ცენტრში შესაბამისი საკონტროლო სამუშაოები ჩატარდა. გვაქვს დიდი დეპარტამენტი, ბიოუსაფრთხოებისა და ბიოდაცვის, რომელიც მუშაობს ამ ტიპის საკითხებზე, როგორი პირბადე უნდა ეკეთოს ადამიანს, როგორი ხალათი უნდა ეცვას", — განაცხადა ამირან გამყრელიძეიმ. ცნობისთვის, ქართული პირბადეების ხარისხი და დიზაინი სოციალურ ქსელში კრიტიკისა და განხილვის საგანი გახდა. აღნიშნული პირბადეები სააფთიაქო ქსელებში უკვე გაყიდვაშია, მათი ღირებულება 50 თეთრია და ერთ პირს მხოლოდ სამი პირბადის შეძენა ... ...
  • დაბადებასა და გარდაცვალებასთან, ასევე, აპოსტილთან დაკავშირებული სერვისების გაცემა განახლდასახელმწიფო სერვისების განვითარების სააგენტომ კიდევ რამდენიმე სერვისის გაცემა განაახლა. იუსტიციის სამინისტროს ინფორმაცით, დღეიდან სააგენტომ ქვეყნის მასშტაბით დაბადებისა და გარდაცვალების რეგისტრაცია, დაბადებისა და გარდაცვალების მოწმობების გაცემა და დოკუმენტების აპოსტილით დამოწმება განაახლა. ვისაც დაბადების ან გარდაცვალების რეგისტრაცია და ამ მოწმობების პირველად ან განმეორებით მიღება სურს, შესაძლებლობა აქვს, სახელმწიფო სერვისების განვითარების სააგენტოს სახლიდან გაუსვლელად, ელექტრონული ფორმით მიმართოს. დაინტერესებულმა პირმა განაცხადი უნდა გააკეთოს სახელმწიფო სერვისების განვითარების სააგენტოს ვებგვერდზე – sda.gov.ge ან პორტალზე – my.gov.ge, რის შემდეგაც უნდა დაუკავშირდეს სააგენტოს დისტანციურ სამსახურს სკაიპის ოფიციალურ მისამართზე – sda.gov.ge. განაცხადის დარეგისტრირება ვიდეოგასაუბრებით მოხდება. მომხმარებელი დოკუმენტის ელექტრონული ასლის მიღებას პორტალ my.gov.ge-ს ან sda.gov.ge-ს ვებგვერდების საშუალებით შეძლებს, ხოლო მზა დოკუმენტს, საჭიროების შემთხვევაში, ფოსტის საშუალებით მიიღებს. ასევე, დღეიდან მოქალაქეები მათთვის საჭირო დოკუმენტის აპოსტილით დამოწმებას შეძლებენ. ამისათვის მომხმარებელი უნდა დაუკავშირდეს ცხელ ხაზს: 032 2 40 10 10, სადაც ოპერატორი მოინიშნავს მის საჭიროებას, რის შემდეგაც მოქალაქემ დასამოწმებელი დოკუმენტი სახელმწიფო სერვისების განვითარების სააგენტოს ფოსტით უნდა გაუგზავნოს მისამართზე: თბილისი, აკაკი წერეთლის გამზირი №67ა. აპოსტილით დამოწმებულ დოკუმენტს მოქალაქე მის მიერ მითითებულ მისამართზე ფოსტით მიიღებს. შეგახსენებთ, რომ სახელმწიფო სერვისების განვითარების სააგენტომ განაახლა პირადობის ელექტრონული მოწმობისა და ბიომეტრიული პასპორტის გაცემაც. ვისაც ბიომეტრიული პასპორტის აღება სურს და ერთხელ უკვე ჰქონდა აღებული ბიომეტრიული პასპორტი, მას შეეძლება განაცხადის გაკეთება my.gov.ge-ზე ან sda.gov.ge-ზე, ხოლო მზა დოკუმენტი დაინტერესებულ პირს ფოსტით გაეგზავნება. პირი, რომელიც პირველად იღებს ბიომეტრიულ პასპორტს და მანამდე არასოდეს ჰქონია ბიომეტრიული პასპორტი, ან პირველად იღებს ელექტრონულ პირადობის მოწმობას და მანამდე არასოდეს ჰქონია ერთი ან მეორე დოკუმენტი, უნდა დაუკავშირდეს ცხელ ხაზს: 032 2 40 10 10. ოპერატორი მომხმარებელს დაუჯავშნის შეხვედრას და ჩაუნიშნავს კონკრეტულ დღეს, საათსა და ადგილს, სადაც მოქალაქე უნდა მივიდეს, ან, გარკვეულ შემთხვევაში, მასთან ადგილზე ვიზიტი ... ...
  • საგანგებო მდგომარეობის რეჟიმის დარღვევის 143 ფაქტი გამოვლინდაპოლიცია, საქართველოს მთავრობის მიერ საგანგებო მდგომარეობის ფარგლებში ზომების მნიშვნელოვანი გამკაცრების შესახებ მიღებული გადაწყვეტილების მოთხოვნების აღსრულების და ე.წ. კომენდანტის საათის ფარგლებში დაწესებული შეზღუდვების დამრღვევი პირების გამოვლენის მიზნით, 24-საათიან რეჟიმში მუშაობას განაგრძობს. შინაგან საქმეთა სამინისტროს შესაბამისი დანაყოფების თანამშრომლები, ქვეყანაში კორონავირუსის გავრცელების აღკვეთისა და პრევენციის მიზნით, სამართალდარღვევის ყველა ფაქტზე ოპერატიულად რეაგირებენ. ბოლო 24 საათის განმავლობაში, სამართალდამცველების მიერ განხორციელებული მონიტორინგის შედეგად, მთელი ქვეყნის მასშტაბით, საგანგებო მდგომარეობის რეჟიმის და ე.წ. კომენდანტის საათის შეზღუდვების დარღვევის 143 ახალი ფაქტი გამოვლინდა. პოლიციამ, 9 აპრილის 21 საათიდან 10 აპრილის დილის 6 საათამდე, ე.წ. კომენდანტის საათის დარღვევის ფაქტზე, მთელი ქვეყნის მასშტაბით 75 მოქალაქე დააჯარიმა. გარდა ამისა, შინაგან საქმეთა სამინისტროს თანამშრომლებმა, საჯარო სივრცეში 3-ზე მეტი პირის შეკრების და 2-მეტრიანი სოციალური დისტანციის დაუცველობის გამო, სულ 42 მოქალაქე დააჯარიმეს პოლიცია დაავადებათა კონტროლის ეროვნულ ცენტრთან ერთად განაგრძობს თვითიზოლაციაში მყოფი მოქალაქეების მკაცრ კონტროლს. ერთობლივი მონიტორინგის შედეგად, თვითიზოლაციის წესების დარღვევის 5 ახალი ფაქტი გამოვლინდა. სამართალდამცველებმა მგზავრთა გადაყვანისა და ავტომობილით გადაადგილების წესის დარღვევის ფაქტზე კიდევ 21 პირი დააჯარიმეს. შინაგან საქმეთა სამინისტრო კვლავ მოუწოდებს მოქალაქეებს, დაიცვან საგანგებო მდგომარეობის ფარგლებში დაწესებული შეზღუდვები, წინააღმდეგ შემთხვევაში, გამოყენებული იქნება კანონით გათვალისწინებული, შესაბამისი ზომები. საქართველოს ტერიტორიაზე მყოფი ყველა პირი ვალდებულია, დაიცვას საგანგებო რეჟიმი და დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. საგანგებო მდგომარეობის რეჟიმის დარღვევა იწვევს ადმინისტრაციულ პასუხისმგებლობას – ფიზიკური პირის დაჯარიმებას 3 000 ლარით, ხოლო იურიდიული პირის – 15 000 ... ...
  • ცაგერსა და ლენტეხში საკონტროლო გამშვები პუნქტები მოეწყოსაგანგებო მდგომარეობის ფარგლებში დაწესებული შეზღუდვების გაძლიერებული კონტროლის მიზნით, ცაგერისა და ლენტეხის მუნიციპალიტეტებში საკონტროლო გამშვები პუნქტები ამოქმედდა. მაღალი ეპიდემიოლოგიური რისკის გამო, პირთა გადაადგილების კონტროლისა და მოქალაქეთა ჯანმრთელობის მდგომარეობის შემოწმების მიზნით, შინაგან საქმეთა სამინისტროს თანამშრომლები, თავდაცვის სამინისტროს წარმომადგენლებთან ერთად, 24-საათიან რეჟიმში ადგილზე განახორციელებენ არსებული შეზღუდვების კონტროლს. ასევე, მონიტორინგს გაუწევენ აღნიშნული მუნიციპალიტეტების ადმინისტრაციულ საზღვრებზე პირთა გადაადგილებას და საგანგებო მდგომარეობის გამკაცრებული პირობების შესრულებას უზრუნველყოფენ. საკონტროლო გამშვებ პუნქტებში მოქალაქეებს პირველადი თერმოსკრინინგიც ჩაუტარდებათ. ეფექტური პრევენციული ღონისძიებების ჩატარების მიზნით, შინაგან საქმეთა სამინისტროს თანამშრომლები ადგილობრივ მოსახლეობას საკარანტინო შეზღუდვებს განუმარტავენ და საჭიროების შემთხვევაში მათ მაქსიმალურად დაეხმარებიან. საქართველოს ტერიტორიაზე მყოფი ყველა პირი ვალდებულია, დაემორჩილოს საზოგადოებრივი ჯანმრთელობის სფეროში მოქმედ საქართველოს კანონმდებლობის მოთხოვნებს. ასევე, ყველა ფიზიკური და იურიდიული პირი ვალდებულია, დაიცვას საგანგებო მდგომარეობის ფარგლებში დაწესებული შეზღუდვები, რომლის დარღვევაც გამოიწვევს ადმინისტრაციულ პასუხისმგებლობას, ხოლო განმეორებით ჩადენილი იგივე ქმედება გამოიწვევს სისხლის სამართლის ... ...
  • წალენჯიხაში ავტომობილი ამობრუნდა - არიან დაშავებულებიხუთი ადამიანი დაშავდა წალენჯიხაში, სოფელ ლიაში,რამდენიმე საათის  წინ  მომხდარი ავტოსაგზაო შემთხვევის შედეგად. არსებული ინფორმაციით, მსუბუქი ავტომობილი  გზიდან   გადავადიდა  და ამობრუნდა. დაშავებულები ამ დროისთვის ზუგდიდის რეფერალურ ჰოსპიტალში არიან გადაყვანილები. ავარიის გამომწვევი ზუსტი მიზეზი, ჯერჯერობით, უცნობია. შსს-მ მომხდარზე გამოძიება სსკ-ის 276-ე  მუხლით ... ...

არქივი


კარმიდამო ჩემი

აღვადგინოთ ქართული დაფნა

გასულ საუკუნეში, დაფნა, ჩაისა და...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

ვუშველოთ ციტრუსოვნებს

25 წლის მანძილზე, დასავლეთ საქართველოს...

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...