"როგორ გაგიმეტეს ბიჭო _ შენ, არც მე და არც ჩოხატაური არ დაგთმობს!"

gurianews.com

მკითხველი

"როგორ გაგიმეტეს ბიჭო _ შენ, არც მე და არც ჩოხატაური არ დაგთმობს!"

2015 დეკ 4 14:09:47

ჩოხატაურელებს, კვირაში მხოლოდ ერთი დღე და ერთი ადგილი აქვთ, ყოფითი - უფრო სულის გასატანი პრობლემების მოსაგვარებლად, სიდუხჭირისაგან თავის დაღწევაზე ფიქრით დანისლული ტვინის გასამზეურებლად, მტერ - მოყვარის ამბის მოსაკითხად და რაც მთავარია, კვირის პოლიტიკის “განსახილავ - შესაჯამებლად“.

ეს ადგილი ჩოხატაურის ბაზარია, მაგრამ ასეთი არ იყო გასული კვირის დილა.

ერთადერთი თემა: წუხელის ზალიკო დოუყაჩაღებიენ!

_ ვიიინ?

_ ზალიკო, მამალაძე!

ქალს „კარტოფილიანი პარკი“ ხელიდან გაუვარდა, ზოგს ცრემლი მოადგა. ალბათ ნათესავია - ვიფიქრე, მაგრამ ყველა იქ მყოფი მისი ნათესავი ხომ არ იყო?

შოკი მთელ ბაზარს მოედო! შუადღემდე კი, მთელ ჩოხატაურს!

ყვებოდნენ გაუგონარ ამბავს.

ხელის ზურგით ცრემლის წმენდა სერიალური მოდაა. ხელის გული ამივსო ცრემლმა! სახლში მისვლა არ ღირდა, არც დარეკვა.
წერილი მივწერო? _ იმ კვირა დღეს დილიდან აგერ ოთხშაბათი დაღამდა ვინ იცის რამდენი ფიქრით დაწერილი წერილი გამოგიგზავნე, ჩემო შვილის  მსგავსო ზალიკო.

უკალმოდ და უქაღალდოდ ვერ მიიღებდი. ახლა “მართალ“ წერილს გწერ.

შენმა მამამ, სოლიდური თანამდებობის პირმა ძალიან ნაადრევად, მოკრძალებული ქონება დაგიტოვათ სამ ობოლს, თუმცა შენმა დედამ ისე გაანაწილა მისი დანატოვარი სულიერი სიმდიდრე, გეყოთ კი არა, თავზეც გადაგდინდათ სამივეს! ეს ის ქალბატონია, რომელიც დიდი ხანია შეზღუდული შესაძლებლობის მქონეა და იმ შავბნელ ღამესაც, ეტლში მჯდომი, ევედრებოდა ყაჩაღებს, შვილები არ მომიკლათო!

დედამ და არსთგამრიგემ სამივე მაღალი ხარისხის ცოდნის მიღების გზაზე შეგაყენათ, გაგატარათ ფართო გზებიც და ბევრი გზა წვრილიც და ... აჰა, თითქოს დაიწყო მშვიდი ცხოვრება არა, არა! თურმე აქ იწყება მთავარი ... არა მხოლოდ სამსახური ...  არა მხოლოდ ოჯახი ... არა მხოლოდ, თუნდაც შვილები ... არამედ სიცოცხლე - არა მხოლოდ შენთვის! სიცოცხლე - შენი სამშობლოსთვის!

მწარედ გეღიმება, ჩემო ზაალ არა? _ ისევ გავიმეოროთ, ჰოი, უბედური საქართველოვ?

თუ რა ვქნათ ახლა, ამ საშინელებების მაყურებლებმა? ჩვენ ხომ სწორედ ამ ხან უბედურ, ხან ბედნიერ გზაზე მავალმა საქართველომ შეგვახვედრა ერთმანეთს - მოხუცი პედაგოგი და ახალგაზრდა ექიმი მაშინ, როცა ნაცებს საქართველო იქედნურად საქირქილო სიტყვად სჭირდებოდათ, მხოლოდ ისე  კი მსუყე საბალახოდ იყენებდნენ.

ეს იყო მაშინ, როცა „ნაცებმა“ ფარცხმელი ბიჭის ოჯახში, ქათმის ბუდეში კვერცხების ნაცვლად ტყვიები აღმოაჩინეს. აღმოჩენა იყო გოჩა ჯიქიას მანქანაში საკუთარი სამი და მეზობლის ორი ბავშვის ფეხებთან დადებული ასაფეთქებელი ნივთიერებაც.

„ეროვნული ფორუმი“ უნდა დაბადებულიყო ჩოხატაურში. შენი მეგობრის მამიდას ეზოში მალულად შევხვდით ერთმანეთს მე, შენ და თამაზ ჯინჭარაძე. გავბედეთ და ლელო გავიტანეთ. მადლობა თქვენ, იმ დარბაზში გადაჭედვამდე თავშეყრილო ხალხო, მუდმივი მადლობა! პირველი გამარჯვება თქვენი მასპინძლობით ,,ქვესკნელში“ აღინიშნა ირაკლი კუჭავას თამადობით.

ჰოდა, კაღამ დაგვაქვესკნელეს. იყო ავანტიურა, ცილის წამება, უკადრებელის კადრება. დაზაფრული ჩოხატაური თვალს გვარიდებდა. სადაც ადრე აღტაცებით მხვდებოდნენ, იმ არჩევნების წინ ჩემს დანახვაზე ,,ღრანჭი“ გვერდზე გაურბოდათ და მუნჯდებოდნენ. გამარჯვების შემდეგ დიდი ბრძოლის დიდმა მონაწილემ, შენი სურვილის წინააღმდეგ პროფესია გვერდზე გადადე და მონაპოვრის შესანარჩუნებლად საკრებულოს თავმჯდომარე გახდი.

ოუტკივარი თავი ეიტკივაო - თქვეს ზოგიერთებმა. ერთი შეხედვით ასეც გეგონება. რაც შენ დაგმართეს ეს არ არის ერთდროული ტრაგედია. ამაზე უარესი მხოლოდ სიკვდილია!!!

როგორ გაგიმეტეს ჩემო ზალიკო?! ყოველი გამოსვლის შემდეგ მადლობის ნიშნად მხარზე ხელს დამადებდი. შენ, ყველა სიკეთის უხმო მსახურო, ახლა ნაგვემ მხრებზე მე დაგადებ ხელს და დაგპირდები - შენ, არც მე და არც ჩოხატაური არ დაგთმობს!

შენი კაბინეტიდან გამოსული მშვიდი სახეები იმედით მიუყვებიან გზას მუდმივი გაჭირვებისაკენ. “ სიკეთე მოკრძალებულია და ხმამაღლა არ გაჰკივის“ (პონტრიაგინი). შენს ნაკეთებ სიკეთეს შენ ხმამაღლა კი არა საერთოდ არ ლაპარაკობ ( რავა ვთქვა და არც სხვები იკლავენ დიდად თავს) ერთს ვიტყვი მხოლოდ - ახსენა ვინმემ შენი ავტორობით გაკეთებული პროექტი - შეუფასებელი წიგნი, შინაგან საქმეთა სამინისტროს არქივიდან ამოკრებილი მასალები დაღუპულ ჩოხატაურელთა შესახებ?

ამას წინათ აჭარის ტელევიზიამ ერკეთზე ორგანყოფილებიანი გადაცემა მოამზადა. მუხლებზე დავიდე შენი წიგნი, მარა რათ გინდა? ჩემს ნათქვამს თავიც   მოაჭრეს, მუცელიც გამოღადრეს, ბოლოც წაკვეთეს და შენი ნაღვაწის ადგილი სადღა დარჩებოდა? დარწმუნებული ვარ, ხშირად ფიქრობ საბაზე, კარგისთვის კარგი ვის უქნია?

შენზე მიმტევებელი კაცი არ მეგულება ჩოხატაურში, მაგრამ ახლა ამაზე ვერაფერს ვიტყვი. რაც შენ დაგმართეს, მართლაც ,,სათქმელად სახელი და შენდობა მოუხერხებელი ცოდვაა“.

ქართველებს საუბედუროდ მარჯვენის მოჭრაც შეუძლიათ კარგის გამკეთებლისათვის...

.... და მაინც შენ, მე და ჩვენ, ვინც რთულ გზაზე გავიარეთ, ჯერ ბოლომდე არ გავსულვართ. გავლიოთ უნდა ეს გზა, ჩემო ზალიკო! არის დიდი შეცდომები. მეც შევცდი, ზედმეტი მომივიდა, განსაკუთრებით ბატონი ბიძინასა და დეპუტატობის კანდიდატის წარდგენისას. მოვუხადე მე ამაზე ბოდიში ჩოხატაურელებს კაიხნის წინ.

ღმერთმა ნუ ქნას, ისე წავიდე ამ ქვეყნიდან, კიდევ ერთხელ არ შევდგე იმ ტრიბუნაზე და არ ვთქვა ყველაფერი, ავი თუ კარგი, არ ვთქვა სიმართლე, რომლის გარეშე შლამში ვდგავართ, შლამისგან კი არ აშენდების ბირთვის-სამშვილდეს ციხენი.

სამართალი პურს ჭამს, ობლის კვერიც გვიან, მაგრამ კარგად ცხვება.

ქედს მოიხრის მთელი ჩოხატაური და საქართველო. ჩვენი გუნდი ისევ უნდა გაუძღვეს წინ მომავალ ბრძოლას. კანონი ალბათ თავისას იტყვის. ჩვენ კი, დავანახოთ ყველას, რომ შიშის თესვა არ მოიტანს ნაყოფს, რომ უნდა დასრულდეს მათი ხსენებაც კი, ვისაც შეუძლია, თვით ზაალ მამალაძესაც კი დაესხას თავს. გამძლეობას გისურვებ ჩემო ზალიკო და წერილს მაინც აკვიატებული კითხვით ვამთავრებ, როგორ გაგიმეტეს ბიჭო? პასუხს ამ კითხვაზე თავდამსხმელებისაგან ველით.

რუსუდან ბერიშვილი
ჩოხატაური


ნახვა: 44


 ახალი ამბები
  • იმერეთის გუბერნატორის აპარატიის უფროსი _ ,,დანამატი და ხელფასი გაერთიანდა და ეს თანხა მივიღეთ“იმერეთის გუბერნატორი გივი ჭიჭინაძე, რომლის შრომის ანაზღაურებაც  2 950 ლარი იყო,  თებერვლიდან 5900 ლარს მიიღებს. გავრცელებული ინფორმაციის თანახმად, გადაწყვეტილება საქართველოს პრემიერ-მინისტრმა მიიღო. სახელფასო ცვლილება გუბერნატორის ადმინისტრაციის თანამშრომლებსაც შეეხო. ასევე, გაიზარდა მხარის გუბერნატორის მოადგილეების ხელფასებიც. აღნიშნულის შესახებ ,,გურია ნიუსთან“ ინფორმაცია უარყო იმერეთის გუბერნატორის აპარატის უფროსმა გოჩა გაბუნიამ. მისი თქმით, გუბენატორის ხელფასი იგივე დარჩა, თუმცა ცვლილება შეეხო დანამატისა და ხელფასის გაერთიანებას. როგორც გაბუნია აცხადებს, აღნიშნული თანხების გაერთიანებამ ჯამში იმ  თანხის რაოდენობა შეადგინა, რასაც გუბერნატორი წინა თვეში იღებდა. ,,საჯარო დაწესებულებაში შრომის ანაზღაურების შესახებ კანონის შესაბამისად მოხდა გუბერნიებისათვის განსაზღვრული სტრუქტურისა და ხელფასების ცვლილება. აღნიშნული კანონის საფუძველზე,ჩამოყალიბდა ახალი თანამდებობრივი სარგოები, თუმცა, გაზრდა არ შეინიშნება არც ერთი თანამდებობის პირის მიმართ, რადგან თუკი მანამდე იყო ხელფასი გუბერნატორის 2 950 ლარი,  ასევე, დანამატი ჰქონდა მათ ყოველთვიურად  2 950 ლარი _ ეს დარჩა იგივენაირად, არაფერი შეცვლილა,  უბრალოდ, გაერთიანდა და შეგვიძლია ვთქვათ, რომ სახელფასო ფონდი წლიური ანაზღაურება გუბერნიაში არ გაზრდილა, პირიქით, შემცირდა 8 000 ლარით. გასულ წელს იყო ნახევარი მილიონი ლარი იმერეთში გუბერნატორის ადმინისტრაციის სახელფასო ფონდი და იანვრიდან გახდა 49 200 ლარი ანუ 8 000 ლარით შემცირდა. შესაბამისად, არ შეიძლება ითქვას, რომ ხელფასები  გაიზარდა, რაც იყო ის დარჩა. უბრალოდ,  თუ იღებდა დანამატსა და ხელფასს,  ახლა გაერთიანდა და მივიღეთ ეს თანხა“, _ განაცხადა აპარატის უფროსმა. ... ...
  • მუხიანში მომხდარი მკვლელობა გახსნილია _ შსს-ს კომენტარიშინაგან საქმეთა სამინისტრომ განზრახ მკვლელობის ფაქტი ცხელ კვალზე გახსნა. უწყების ცნობით, სამინისტროს თბილისის პოლიციის დეპარტამენტის დეტექტივების სამმართველოს და გლდანი-ნაძალადევის სამმართველოს თანამშრომლებმა, ერთობლივად ჩატარებული ოპერატიულ-საგამოძიებო მოქმედებების შედეგად, 1972 წელს დაბადებული ზ.გ., განზრახ მკვლელობის და ქურდობის ბრალდებით, თბილისში დააკავეს. მის მიერ ჩადენილი დანაშაული 7-დან 15-წლამდე ვადით თავისუფლების აღკვეთას ითვალისწინებს."გამოძიებამ დაადგინა, რომ ბრალდებულმა მიმდინარე წლის 18 თებერვალს თბილისში, ლერი ლაგურაშვილის ქუჩაზე, ურთიერთშელაპარაკებისას, ნაცნობს - 1960 წელს დაბადებულ გ.ჩ.-ს ცივი იარაღით სხეულზე სასიკვდილო ჭრილობა მიაყენა, რის შედეგადაც იგი შემთხვევის ადგილზე გარდაიცვალა. ამის შემდეგ ზ.გ.-მ სახლიდან საყოფაცხოვრებო ტექნიკა მოიპარა და შემთხვევის ადგილიდან მიიმალა.სამართალდამცველებმა ბრალდებული მომხდარიდან რამდენიმე საათში, თბილისში დააკავეს. პოლიციამ ნაქურდალი ნივთი ნივთმტკიცებად ამოიღო.გამოძიება განზრახ მკვლელობის და ქურდობის ფაქტზე მიმდინარეობს, საქართველოს სსკ-ს 108-ე და 177-ე მუხლებით", - აცხადებენ ... ...
  • "ნაციონალები" და "ევროპული საქართველო" გაერთიანდაჩოხატაურის მუნიციპალიტეტის საკრებულოში ახალი ფრაქცია იქმნება _ "ევროპულ საქართველოს", რომელიც საკრებულოში 2 კაცით არის წარმოდგენილი, "ნაციონალური მოძრაობა" უერთდება, რომელსაც ჩოხატაურის საკანონმდებლო ორგანოში ერთი წევრი ჰყავდა. ფრაქციის შექმნისთვის საჭირო დოკუმენტაცია კანცელარიაში ფრაქციამ უკვე ჩააბარა. ფრაქციის სახელწოდება ასეთია: "გაერთიანებული ოპოზიცია ჩოხატაურისთვის" და მისი თავმჯდომარე "ევროპული საქართველოს წევრი" ლია ჩიგოგიძე იქნება, ხოლო მოადგილე _ "ნაციონალი" მამუკა ბარამიძე. ჩოხატაურის საკრებულოს იურიდიულ საკითხთა კომისიის თავმჯდომარის მარინა ბერაძის ინფორმაციით, ფრაქციამ რეგისტრაციისთვის საჭირო დოკუმენტები დღეს შეიტანა და ფრაქციის შექმნის შესახებ განხილვები რამდენიმე დღეში დაიწყება. შეგახსენებთ, რომ ცოტა ხნის წინ, "ნაციონალურმა მოძრაობამ" და "პატრიოტთა ალიანსმაც" მოახერხეს გაერთიანება და ლანჩხუთის საკრებულოში საერთო ფრაქცია ... ...
  • „ზომები უნდა მივიღოთ, რათა ამგვარი სიგნალი არ იქცეს რეალურ საფრთხედ“დგას თუ არა საქართველო უვიზო რეჟიმის მექანიზმის შეჩერების წინაშე _ ამ საკითხთან დაკავშირებით  ,,გურია ნიუსი“ საერთაშორისო ურთიერთობების სპეციალისტს ირაკლი მენაღარიშვილს ესაუბრა. ,,როდესაც საქართველოს  მოქალაქეებს, ევროკავშირის გადაწყვეტილებით, მიეცათ  შენგენის  ზონასთან  და მასთან დაკავშირებულ სახელმწიფოებთან უვიზო რეჟიმის მიმოსვლის ნებართვა, მაშინ იყო შეთანხმებული და საქართველოსთვის კარგად  იყო ცნობილი, რომ ევროკავშირი შეიმუშავებდა მექანიზმს, რომლის მიხედვითაც, თუკი საქართველოს მოქალაქეთა უვიზო მიმოსვლის რეჟიმი საფრთხეს შეუქმნიდა ევროკავშირის სახელმწიფოების უსაფრთხოებას ან სხვა რაიმე  პრობლემას გააჩენდა, მაშინ ევროკავშირს  ექნებოდა უფლება, შეეჩერებინა გადაწყვეტილება უვიზო რეჟიმის შესახებ. ამ ინსტრუმენტის შემუშავებას დასჭირდა დიდი ხანი და სულ რამდენიმე დღის წინ გაკეთდა განცხადება, რომლის მიხედვით, ეს ინსტრუმენტი საბოლოოდ შემუშავებულ იქნა  ევროკავშირის ყველა სახელმწიფოს მიერ“, _ გვითხრა მენაღარიშვილმა. ირაკლი მენაღარიშვილი, როგორც ექსპერტი გვეუბნება, რომ  საქართველოს მოქალაქეები ევროკავშირის ქვეყნებში ყველაზე საშიშ ჯგუფს არ წარმოადგენენ, თუმცა, მისი თქმით, მექანიზმის შეჩერებასთან დაკავშირებით გერმანიის წარმომადგენლის მიერ გაკეთებული განცხადებები საქართველოს მოქალქეებისთვის გამფრთხილება უნდა იყოს. ,,შეჩერების მექანიზმის ამოქმედება გახდება საჭირო, როგორც კი ჩვენი თანამოქალაქეები გარკვეულ ნორმებს დაარღვევენ. ჯერ ამგვარი პრობლემა  არ გასჩენია არც ერთ ქვეყანას. გერმანიის ერთ-ერთმა  წარმომადგენელმა განაცხადა, რომ იქ საქართველოდან ჩასული თავშესაფრის მომთხოვნელთა რაოდენობამ მოიმატა, თუმცა, ეს ჯერ კიდევ არ ნიშნავს იმას, რომ საქართველოს მოქალაქეებზე შეჩერების მექანიზმი ამოქმედდება, მაგრამ განცხადება გაფრთხილებაა იმისა, რომ შეთანხმება და წესები ჩვენმა მოქალაქეებმა მკაცრად დაიცვან. ამის შესახებ საუბარი მქონდა  ევროკავშირის ქვეყნის არა ერთ წარმომადგენელთან. საქართველოს მოქალაქეები სულაც არ წარმოადგენენ ყველაზე შემაწუხებელ ჯგუფს. ბევრად უფრო დიდი და სერიოზული  ნაკადია ევროპაში, მათ შორის, აღმოსავლეთ ევროპიდან, ბალკანეთის სახელმწიფოებიდან და ა.შ. ჯერჯერობით,საქართველოს მიმართ საშიშროება უვიზო რეჟიმის შეჩერების არ არსებობს, თუმცა ეს სულაც არ ნიშნავს იმას, რომ  ჩვენმა ქვეყანამ მუშაობა  შეასუსტოს და ამ მუშაობისთვის არა მარტო სურვილი და პოლიტიკური განცხადებებია საჭირო, არამედ კონკრეტული ნაბიჯები, როგორც ჩვენი სამართალდამცავების მხრიდან, ისე სხვა სახელმწიფო სტრუქტურების მიერ.  ეს სამუშაო  უნდა გაძლიერდეს. გერმანიის წარმომადგენლის განცხადებით,  ატყობენ, რომ  წესების დამრღვევთა მატების ტენდენციამ მოიმატა, რაც უნდა იყოს სიგნალი იმისა, რომ ზომები მივიღოთ, რათა ამგვარი სიგნალი არ იქცეს რეალურ საფრთხედ“, _  განაცხადა ,,გურია ნიუსთან“ ირაკლი ... ...
  • ღვთისმშობლის სახელობის ეკლესიაში ხელყუმბარა აღმოაჩინესგორში ღვთისმშობლის სახელობის ეკლესიაში ხელყუმბარა იპოვეს, რომელსაც თან წერილი ახლდა. როგორც „გურია ნიუსს“ შინაგან საქმეთა სამინისტროს შიდა ქართლის პოლიციის დეპარტამენტში განუცხადეს, მომხდარზე გამოძიება სისხლის სამართლის კოდექსის 236-ე მუხლის მიხედვით დაიწყო. „გორში ღვთისმშობლის ეკლესიაში ხელყუმბარა იპოვეს. ხელყუმბარას თან ახლდა წერილი, რომელშიც წერია, რომ  პირმა არ იცოდა, სად წაეღო ხელყუმბარა, რომელსაც 2008 წლის აგვისტოს ომიდან ფლობდა და პოლიციისთვის გადაცემა ანონიმურად გადაწყვიტა. ხელყუმბარა არ იყო საბრძოლო მოქმედებაში, საფრთხე არავის ემუქრებოდა. გამოძიება სისხლის სამართლის კოდექსის 236-ე მუხლის  მეორე ნაწილით მიმდინარეობს, რაც  ითვალისწინებს ცეცხლსასროლი იარაღის, საბრძოლო მასალის  შეძენა-შენახვას“, _ ამბობენ შიდა ქართლის პოლიციის ... ...

არქივი

ზაფრანი

"საკანონმდებლო" კრივი

ცოტა ხნის წინ ტაილანდის დედაქალაქ...

ძმური ლევიტაცია

ჩილეს ყველაზე ცნობილმა ილუზიონისტებმა, ტყუპმა...

"მიმზიდველი" თინეიჯერი

"მაგნიტური" ადამიანები თავისი თვისებების დემონსტრირებით...

სერფერი ტობი

ცოტა ხნის წინ აშშ-ში, კალიფორნიაში...

"სანტექნიკ-ოპერა"

ფლორიდის შტატის ქალაქ მაიამიში ლუკ...

ლედი გაგა დეპრესიაში ჩავარდა

ლედი გაგას "გიჟობას" არც ბრუს...
კარმიდამო ჩემი

როგორ მოვუაროთ მცენარეებს ადრე გაზაფხულზე

გაზაფხულის დამდეგი ზამთრიდან გაზაფხულისკენ გარდამავალი...

სენპოლია _ მთელი წელი მოყვავილე ოთახის ია

ეს სამხრეთ აფრიკული მცენარე ინტერიერის...

როგორ დავიცვათ თავი ბრონქიტისგან

ხველება ყოველთვის მიგვანიშნებს ორგანიზმის არასასურველ...

ვიოლები _ საოცარი ყვავილების ისტორია და მოვლის წესები

ამ საოცარ ყვავილებს ვიოლებს უწოდებენ,...

ოთახის მცენარე, რომელიც ჰაერს გაზის ნამწვისგან წმენდს

სპეციალისტები გვირჩევენ, აუცილებლად ვიყოლიოთ სახლში...

ჩაი და ყავა არა მარტო სასმელია

ცნობილია, რომ ჩაისა და ყავის...

შეწამვლითი ღონისძიებები და უსაფრთხოების ზომები

ვაგრძელებთ უსაფრთხოების ზომების შესახებ საუბარს,...

ახლებურად შევხედოთ ჩაის აღდგენას და მისი მოვლის მეთოდებს

ჩაის გაშენება ჩაის რეაბილიტაციის სახელმწიფო...

მონსტერა ჩვენს პირობებში _ როგორ გამოვაზამთროთ ოთახის გარემოში

მონსტერა მარადმწვანე ბუჩქოვანი და ლიანა...

ლავანდი _ ძვირფასზეთოვანი და სურნელოვანი მცენარე

ლავანდი ეთერზეთოვანი მცენარეა, რომელიც ეკუთვნის...