"ხალხი ყოველ სიკეთეს იმახსოვრებს!"

gurianews.com

მკითხველი

"ხალხი ყოველ სიკეთეს იმახსოვრებს!"

2016 თებ 15 14:37:16

შპს "გურია ნიუსის" დამფუძნებელს ქალბატონ ია მამალაძეს;

გაზეთ "გურია ნიუსის" რედაქტორ ბატონ გიორგი სიხარულიძეს

მოგმართავთ წერილით, რომელშიც ჩვენი გულისტკივილია გამოხატული. მსგავსი წერილით უკვე მივმართეთ ჩოხატაურის მუნიციპალიტეტის გამგებელს, რათა გვიშუამდგომლოს მთის რეგიონალური განვითარების საბჭოში, სადაც კორესპონდენციებს განიხილავენ მხოლოდ მუნიციპალიტეტისა  და გუბერნიის რეკომენდაციებით.

 მოგახსენებთ, რომ ვცხოვრობთ სოფელ ნაბეღლავში, რომელიც არ მდებარეობს ზღვის დონიდან 800 მეტრზე მაღლა, მაგრამ, ჩვენი ყოველდღიური ცხოვრებითა და პირობებით არ ჩამოვრჩებით იმ სოფლის მცხოვრებთ, რომლებსაც მიენიჭათ მაღალმთიანი სოფლის სტატუსი.

ჩვენი სოფელი რაიონული ცენტრიდან 25 კილომეტრითაა დაშორებული. ეს არის კურორტ ბახმაროსკენ მიმავალი გზა. ამ გზის შემდეგ, სოფლის მცხოვრებთ უწევთ ფეხით 3-4 კმ-ის გავლა საკუთარ სახლებამდე მისასვლელად. სოფელში გარდა სკოლისა (რომელიც 27 მოსწავლეს ითვლის და მომავალში, ალბათ, ეს რიცხვი კიდევ უფრო შემცირდება!) და ბაღისა, სხვა საგანმანათლებლო დაწესებულება არ არსებობს. იმისათვის რომ სოფლის მცხოვრებმა ისარგებლოს საზოგადოებრივი მომსახურებით (საავადმყოფო, პოლიკლინიკა), სკოლისგარეშე განათლება (სახელოვნებო და სპორტული სკოლები), კულტურული დაწესებულებები (მუზეუმი, ბიბლიოთეკა), საყოფაცხოვრებო და ეკონომიკური ობიექტები (მაღაზიები, ბაზრობები, ბანკის ფილიალები, აფთიაქები) და ა.შ. იძულებულია დაუკავშირდეს რაიონულ ცენტრს, რომელიც არცთუ ისე ხელმისაწვდომია სოფლის მცხოვრებთათვის (სიშორე, ავდარში _ მეწყერსაშიშროება, ზამთარში_ დიდთოვლობა).

სოფელში არის ცუდი ინფრასტრუქტურა, რომელიც გამოწვეულია სოფლის ფერდობთა დახრილობით. კერძოდ, წვიმიან და თოვლიან ამინდში დიდდება პატარა მდინარეებიც კი დიდზე რომ არაფერი ვთქვათ, რომელსაც არაერთხელ გაუვერანებია მცხოვრებთა საკარმიდამო ნაკვეთები... გზების დამეწყვრა, ზვავების ჩამოწოლა _ აქ ჩვეულებრივი მოვლენაა. ასეთ შემთხვევებში კი, ვერ მოძრაობს ვერანაირი ტრანსპორტი, მოსწავლეებს უწევთ 7-8 კმ-ის გავლა ფეხით. ასეთ გზებზე სიარული კი სიცოცხლისათვის საშიშია ყველა ასაკის ადამიანისათვის. მოუწესრიგებელია სოფელში ახლადრეაბილიტირებული ელექტროგადამცემი ხაზები; გამოიცვალა მცირე ნაწილი, ცუდი ამინდის პირობებში კი, სოფელი 1-2 დღით რჩება უშუქოდ.

სოფლის გეოგრაფიული მდებარეობის გამო (მთის ფერდობების დახრილობა, მკაცრი კლიმატური პირობები, ბუნებრივი გარემო), სასოფლო-სამეურნეო საქმიანობები გართულებულია, პროდუქტიულობა კი, დაბალია. სახნავ-სათესი სავარგულების დამუშავება ვერ ხერხდება ტექნიკით, გლეხს უწევს მისი ხელით დამუშავება, მაგრამ იმდენად ციცაბოა სავარგულები, რომ ყოველი წვიმის შემდეგ ხდება მისი ჩამორეცხვა; ამიტომაც, უმეტესობა უვარგისი და ეროზიულია. ამიტომ გლეხმა ხელი აიღო მიწების დამუშავებაზე, ფუჭ შრომაზე. იგი დამოკიდებული  გახდა ბაზარზე, რომელიც მძიმე ტვირთად დააწვა მის ფინანსურ შესაძლებლობებს. ასევე პრობლემურია მესაქონლეობის განვითარებაც, რადგან სოფელი იმდენად შემოჯარულია გაუვალი ტყეებით და გავერანებული, მიტოვებული საკარმიდამოებით, რომ ნადირი ადვილად შემოდის მოსახლეობაში, ანადგურებს პირუტყვს, საშიშროებას უქმნის ფეხით მოსიარულეს (ამის შემთხვევები მრავლად გვაქვს).

სოფელში 266 მცხოვრებია, მათი მხოლოდ 25%-ია დასაქმებული სოფელში არსებულ მინერალური წყლის ჩამომსხმელ ქარხანაში. ქარხნის არსებობამ ვერ გადაჭრა მიგრაციის პრობლემა, რადგან გლეხი ვერ აწარმოებს სოფლის პროდუქტს მძიმე კლიმატური პირობების გამო, მწირი  და ეროზირებული ნიადაგი არ იძლევა სხვა, დამატებითი შემოსავლის მიღების შანსს. ქარხანაში დასაქმებით მიღებული შემოსავალი კი ოჯახის გამოსაკვებადაც არ ჰყოფნის. არიან ოჯახები, რომლებსაც ეს შემოსავალიც არ აქვთ.

ახალგაზრდები იძულებულნი არიან დატოვონ სოფელი, ეძებონ ისეთი საცხოვრებელი ადგილი, სადაც სახელფასო შემოსავალთან ერთად, შეძლებენ სხვა დამატებითი შემოსავალის მოძიებას (სასოფლო-სამეურნეო კულტურების გაშენებას), შეუქმნიან თავიანთ შვილებს ნორმალურ პირობებს სწავლისა და მომავალი ცხოვრებისათვის.

 ბოლო 10-15 წლის განმავლობაში, სოფლიდან სხვაგან საცხოვრებლად წასულია 144 კაცი (ეს ის ადამიანები არიან, რომლებიც რეალურად იცხოვრებდნენ სოფელში ნორმალური, აუცილებელი  პირობების შემთხვევაში). ე.ი. მცხოვრებთა 35 % სოფლიდან წასულია; საერთოდ დაკეტილია და უფუნქციოა 66 ოჯახი. დაგვეთანხმებით ალბათ, რომ ეს ნამდვილად კრიტიკული მაჩვენებელია.

წლების განმავლობაში, 2016 წლამდე, ჩვენი სოფელი მიეკუთვნებოდა მაღალმთიან სოფელთა რიცხვს, ვსარგებლობდით გარკვეული, უმნიშვნელო, მაგრამ ჩვენთვის სასიცოცხლოდ მნიშვნელოვანი შეღავათებით; დღეს კი, როცა მთელი ქვეყნის მასშტაბით მწვავე პრობლემად დგას მთის შენარჩუნება, ჩვენს სოფელს უხსნიან მაღალმთიანის სტატუსს _ უკეთესის მოლოდინში კი ვიყავით! სტატუსის მოხსნა კი, გარდაუვლად აისახება ჩვენს სოფელზე, თანაც, უახლოეს მომავალში!

მიუხედავად ყველაფრისა, ჩვენ იმედს ვიტოვებთ, რომ ხელისუფლება გულთან მიიტანს ჩვენს გასაჭირს, გაითავისებს ჩვენს ყოველდღიურ მძიმე ცხოვრებას, კიდევ ერთი სოფლით გაამაგრებს მთას. გწამდეთ, ხალხი ყოველ სიკეთეს იმახსოვრებს!

წერილს ხელს აწერენ ჩოხატაურის მუნიციპალიტეტის სოფელ ნაბეღლავის მცხოვრებლები


ნახვა: 65


 ახალი ამბები
  • რას იწვევს სმარტფონებისა და ლეპტობების ლურჯი ნათებასმარტფონების, ლეპტოპებისა და სხვა ციფრული მოწყობილობებიდან გამოსხივებული ლურჯი  შუქი მხედველობას აზიანებს. ამის შესახებ THE GUARDIAN-ის ინფორმაციით, ტოლედოს უნივერსიტეტის მეცნიერები საუბრობენ. როგორც ისინი ამბობენ, ლურჯი შუქი ხელს უწყობს თვალის მგრძნობიარე უჯრედებში შხამიანი მოლეკულების წარმოქმნას. „ლურჯი გამოსხივება მხედველობას და თვალის ბადურას აზიანებს. ჩვენი ექსპერტები იკვლევენ და ვიმედოვნებთ, ახალი ტიპის თვალის წვეთით თერაპია იქნება შესაძლებელი“,_ამბობენ ... ...
  • სახიფათოა თუ არა ჯანმრთელობისთვის მარილისა და შაქრის მოხმარებამარილის და შაქრის მოხმარება გლობალური პრობლემაა. მსოფლიოს მოსახლეობის 75% მოიხმარს რეკომენდირებულ დოზაზე ორჯერ მეტ სუფრის მარილს. საქართველოში ჩატარებული კვლევის შედეგად აღმოჩნდა, რომ მოსახლეობის უმრავლესობა საკვებში მარილს სუფრაზე მიტანის შემდეგაც ამატებს.  მოქალაქეების ნაწილი თვლის, რომ მარილი სუფრის აუცილებელი ატრიბუტია. მარილსა და შაქარს თეთრ სიკვდილსაც უწოდებენ. სახიფათოა თუ არა ადამიანის ჯანმრთელობისთვის მარილისა და შაქრის ჭარბი მოხმარება_ამ საკითხზე „გურია ნიუსი“ მედიცინის დოქტორს, ნესტან ბოსტოღანაშვილს ესაუბრა. მისი თქმით, შაქრისა და მარილის ჭარბი ოდენობით მოხმარებას სხვადასხვა დაავადებების გამოწვევა შეუძლია. „მარილის და შაქრის ჭარბი მოხმარება იწვევს შესაბამისად ელექტროლიტებისა და ნახშირწყლოვანი ცვლის მოშლას. ეს ჰიპერტენზიას, ჭარბ წონას და შესაძლო შაქრიანი დიაბეტის განვითარებას გულისხმობს. ამიტომაც მაქსიმალურად უნდა შევზღუდოთ მათი გამოყენება,“_ამბობს ბოსტოღანაშვილი. დაავადებათა კონტროლისა და საზოგადოებრივი ჯანმრთელობის ეროვნული ცენტრის ინფორმაციით კი მსოფლიოში 2,3 მილიონი კარდიული სიკვდილი უკავშირდება მარილის ჭარბ მოხმარებას. რაც შეეხება შაქარს, დიაბეტის გარდა, სტომატოლოგიური დაავადებების, მაგალითად კბილების კარიესის განვითარების დიდ რისკს წარმოადგენს. დაავადებათა კონტროლისა და საზოგადოებრივი ჯანმრთელობის ეროვნული ცენტრის ცნობით, შაქრები, რომლებიც რძეში, ხილსა და ბოსტნეულში გვხვდება, არ არსებობს მტკიცებულებები უარყოფითი გვერდითი ეფექტების შესახებ. აღსანიშნავია რომ, შაქრების დიდი ნაწილი დღესდღეობით ფარულად შედის ისეთი საკვები პროდუქტების შემადგენლობაში, რომლებიც, როგორც წესი, ტკბილეულად არ განიხილება. მაგალითად, ერთი სუფრის კოვზი „კეტჩუპი“დაახლოებით 4 გრამ შაქარს (დაახლოებით ერთი ჩაის კოვზი თავისუფალი შაქარი) შეიცავს. ჯანდაცვის მსოფლიო ორგანიზაციის მკაცრი რეკომენდაციით საერთო მოხმარებული ენერგიიდან თავისუფალი შაქრების მოხმარება 10%-ით უნდა შემცირდეს, რაც დღეში 6 ჩაისკოვზი შაქრის გამოყენებას გულისხმობს, რაც შეეხება მარილს - 5 გრამამდე. იმ ადამიანებისთვის კი, ვინც მარილსა და შაქარს ვერ ელევა, შემდეგი რეკომენდაციები არსებობს: არ დაამატოთ კერძს  მარილი განუსაზღვრელად,  ნუ მოიხმართ მარილწყალს მაკარონის,  ბრინჯის და ბოსტნეულის მოხარშვისას, თავი აარიდეთ მარილიან სოუსებს და სანელებლებს, ბოსტნეული (მაგ: ნიახური) ბოსტნეულიდან „მიღებული მარილი“ ჯანმრთელობისთვის საზიანო არაა.  ნუ მოამზადებთ ზედმეტად მარილიან კერძს,  ნუ დადებთ სუფრაზე მარილს ცალკე, კერძის კიდევ უფრო მეტად დასამლაშებლად,  შეამცირეთ შაქარი ჩაისა და ყავაში,  წაიკითხეთ ეტიკეტი. აგავას ნექტარი, ლერწამის კრისტალები, დექსტროზა, ფრუქტოზა, ლაქტოზა, მალტოზა, თაფლი, ბადაგი, ყველა ეს სიტყვა „შაქრის“ ... ...
  • რატომ გააუქმა თბილისის მერმა დიდუბეში სასტუმროს მშენებლობის ნებართვადედაქალაქის მერიამ დიდუბის რაიონში, წერეთლის გამზირზე სასტუმროს მშენებლობის ნებართვა გააუქმა. ამის შესახებ დედაქალაქის მერმა კახა კალაძემ თბილისის მუნიციპალიტეტის მთავრობის დღევანდელ სხდომაზე განაცხადა.  დედაქალაქის მერმა შესაბამისი ფოტომასალა წარმოადგინა, რომელზეც აღნიშნულია, თუ რა მჭიდრო დასახლებაში უნდა აშენებულიყო სასტუმრო და განაცხადა, რომ ამან ადგილობრივი მოსახლეობის დიდი უკამყოფილება გამოიწვია.  „დიდუბის რაიონში, წერეთლის გამზირზე, მე-12-13-15 კორპუსების მიმდებარედ, შუა ნაწილში, მჭიდრო და შეზღუდულ ტერიტორიაზე, ოთხსართულიანი სასტუმრო უნდა აშენებულიყო. სამწუხაროა, რომ ეს ნებართვა ჩვენ მიერ გაიცა, რომელიც არ უნდა გაცემულიყო. მაშინ ახალი მოსული ვიყავით და მუშაობა ახალი დაწყებული გვქონდა. ჩვენ ამ შენიშვნას ვიღებთ და ამ ეტაპზე, ნებართვა გაუქმებულია. მოლაპარაკება გვქონდა კერძო მესაკუთრესთან, ვისიც იყო ეს კონკრეტული ტერიტორია. შევთანხმდით, რომ  ადგილმონაცვლეობას გავაკეთებთ. მინდა, მას თანამშრომლობისთვის მადლობა გადავუხადო, რადგან ამ კონკრეტულ ადგილზე პროექტის განხორციელება შეუძლებელი იყო, მითუმეტეს, სასტუმროს აშენება“, - აღნიშნა კახა კალაძემ.  დედაქალაქის მერმა დიდუბის რაიონის გამგებელს, ირმა ზავრადაშვილს დაავალა, რომ აღნიშნულ ტერიტორიაზე სკვერი მოეწყოს. „მინდა, ირმა ზავრადაშვილს დავავალო, რომ ამ კონკრეტულ ადგილზე მცხოვრებ ადამიანებს მწვანე სივრცე, ძალიან ლამაზი სკვერი მოვუწყოთ. თუ ჩვენი დახმარებაც იქნება საჭირო, მზად ვართ, პროცესში მონაწილეობა მივიღოთ“, - განაცხადა კახა კალაძემ.     ... ...
  • ტელევიზიის გავლენა მოზარდების აგრესიულ ქცევაზეაშშ-ის პედიატრთა ასოციაცია გვირჩევს, რომ 3 წლის და უფრო მეტი ასაკის ბავშვებმა დღეში ტელევიზორთან არ უნდა გაატარონ 2 საათზე მეტი. მიუხედავად ამ რჩევისა, ერთ-ერთმა კვლევამ აჩვენა, რომ მშობლების 65% შვილებს უფლებას აძლევდა 3 საათი და უფრო მეტი გაეტარებინათ ტელევიზორთან. თუმცა ყველაზე მნიშვნელოვანია არა ის თუ რამდენი ხნის განმავლობაში უყურებენ ბავშვები ტელევიზორს, არამედ ის თუ რას უყურებენ და რას სწავლობენ ტელევიზიით. კვლევაში გამოვლინდა, რომ 2757 სატელევიზიო პროგრამის 75%-ში იყო ასახული ძალადობრივი სცენები და მათზე არ იყო დაწესებული ასაკობრივი ცენზი. ტელევიზიით აგრესიული და ძალადობრივი შინაარსის შემცველი ინფორმაციის მიწოდება ზრდის აგრესიული ქცევის გამოვლენის ალბათობას. აქედან გამომდინარე, მნიშვნელოვანია ვიცოდეთ თუ, როგორ ახდენს ამ გავლენას ტელევიზია. 1)მედიით ძალადობის ექსპოზიცია ასუსტებს მაყურებელში ანალოგიური ქცევის განხორციელების შეკავებას. ამგვარი ფილმების ნახვის შემდეგ მაყურებელი ნაკლებად იგრძნობს თავს შეზღუდულად მსგავსი ქცევის განხორციელებისათვის. 2)ვარაუდობენ რომ ძალადობის ექსპოზიცია აიარაღებს მაყურებელს ახალი ტექნიკით თუ როგორ შეუძლია შეუტიოს და ავნოს სხვას უფრო დახვეწილი მანერებით. მაყურებელი ამით იძენს აგრესიის გამოხატვის ისეთ "დახვეწილ" მანერებს, რომელიც მის დისპოზიციაში მანამდე არ ყოფილა და რაკი ეს მიღწეულია, ე. ი. თავდასხმის ახალი ხერხი შეძენილია, შემდეგი ნაბიჯი მისი პრაქტიკაში გამოყენება უნდა იყოს, როცა შესატყვისი სიტუაცია გაჩნდება. 3)სხვის მიერ განხორციელებული აგრესიული ქცევის ხშირმა ყურებამ, შესაძლოა გავლენა მოახდინოს მაყურებლის კოგნიციაზე. ნავარაუდევია, რომ ამის შემდეგ ადამიანები უფრო მიდრეკილნი ხდებიან მოვლენები აღიქვან ნეგატიურად და მტრულად. ან ორაზროვანი სიტუაციის ინტერპრეტაცია მოახდინონ, როგორც ბუნებით აგრესიული. ასევე, შესაძლოა ინდივიდმა გააზვიადოს მის ირგვლივ სოციალურ სამყაროში აგრესიის სიხშირის შეფასება, შეიძლება აგრესია დაინახოს, როგორც ჩვეულებრივი და ამდენად უფრო მისაღები. ასეთმა იდეებმა და აზრებმა შეიძლება გაზარდოს სხვის წინააღმდეგ ღია აგრესიის ალბათობა. 4)ვარაუდობენ, რომ ძალადობის ხშირმა ექსპოზიციამ შეიძლება შეამციროს ძალადობისა და მისი მტკივნეული შედეგების მიმართ ინდივიდის ემოციონალური მგრძნობიარობა. მოკლედ, უამრავი მკვლელობების, თავდასხმებისა და ბრძოლის ყურების შემდეგ, შესაძლოა მაყურებელმა სუსტი ემოციონალური რეაქცია გამოავლინოს მასზე. ემოციონალური მდგომარეობის ასეთი გადაწევა კი ინდივიდს გაუადვილებს განახორციელოს თვითონაც ... ...
  • რას გეგმავს დედაქალაქის მერია შარტავას ქუჩაზეთბილისში, შარტავას ქუჩის რეაბილიტაციისთვის დაახლოებით 3 მილიონ 200 ათასი ლარი დაიხარჯება. ამის შესახებ დედაქალაქის მერმა, კახა კალაძემ დღეს განაცხადა. მან, ასევე, შარტავას ქუჩაზე ჩასატარებელი სამუშაოების შესახებ ისაუბრა. „დღეს ვიწყებთ ერთ კიდევ მსხვილ პროექტს, ეს არის შარტავას ქუჩის მთლიანი რეაბილიტაცია. ამ პროექტის ფარგლებში მოხდება სავალ ნაწილზე ორფენიანი ასფალტ-ბეტონის საფარის მთლიანი შეცვლა, ახალი სანიაღვრე სისტემა მოეწყობა, გზის ორივე მხარეს მოწესრიგდება ტროტუარები. ასევე შეიცვლება მიწისქვეშა კომუნიკაციები და ტროტუარებზე მოეწყობა შშპ პირებისთვის ადაპტირებული გადასასვლელები, ასევე გზის მთელ სიგრძეზე გაკეთდება ველობილიკი, რომელიც დაუკავშირდება და შეუერთდება კოსტავას ქუჩას. ასევე პეკინს და შეიქმნება 1 დიდი წრე. ამ პროექტში იხარჯება, დაახლოებით, 3 მილიონ 200 ათასი ლარი, ხოლო კომპანია Georgian Water and Power აღნიშნულ ლოკაციაზე 800 000 ლარამდე ინვესტიციას ახორციელებს, რის ფარგლებშიც წყლის ქსელების შეცვლა მოხდება“, _განაცხადა კალაძემ. დედაქალაქის მერის განცხადებით, შარტავას ქუჩის სარეაბილიტაციო სამუშაოები სექტემბერში დასრულდება.    ... ...

არქივი

ზაფრანი

მსოფლიოში ყველაზე პატარა ირემი

აზიური ირმები - (თრაგულუს) ძუძუმწოვარ...

რა ხდება თქვენს ორგანიზმში როცა გძინავთ

ყველასთვის ცნობილია, რომ სანამ გვძინავს,...

საინტერესო ფაქტები წყლის შესახებ

იუნესკოს მონაცემების მიხედვით, დედამიწაზე არსებული...

ალბინოსი მაიმუნი

ის ყველასგან გამორჩეულია, ჩხუბითაც კი...

დაბადების თარიღი და ადამიანის ხასიათი

როგორც ასტროლოგები, ფსიქოლოგები და სხვა...

აშშ-ში „ორიგინალური“ პერანგი გამოიგონეს

ცოტა ხნის წინ ამერიკელი ენთუზიასტების...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...