სამსონ კიკვაძის დიდი ოჯახის ტრაგიკულ ისტორიაზე გამარჯვებული შთამომავლობა

მკითხველი

სამსონ კიკვაძის დიდი ოჯახის ტრაგიკულ ისტორიაზე გამარჯვებული შთამომავლობა

20 აპრ. 2019, 11:58:37


"პატივცემულო მკითხველო, ეს სევდიანი ისტორია დავწერე დიდი გულისტკივილით. როცა წერა დავამთავრე, გადაკითხვა აღარ ვისურვე, რადგან არ მინდოდა სიკვდილის წინ, ვინ იცის, მერამდენედ, ისევ გამხსნოდა მარად პირღიად დარჩენილი ჭრილობები. გიტოვებთ ნამდვილ ამბებს ჩემი მძიმე ცხოვრებიდან შეულამაზებლად".

 კარლო ტრიფონის ძე კიკვაძე

ღია მწვანე ფერის, გახუნებული, თორმეტფურცლიანი რვეული თაობების უზარმაზარ ისტორიას იტევს და უვლის კიდეც. რამდენჯერმე წავიკითხე ეს "საინტერესო" ამბები! საბრალონი!!! თუმცა, არც ისე შესაბრალნი არიან, რადგან განგებამ მათ ნაშიერთ მისცა ძალა, გადაერჩინათ წარსული. თქვენ იმათი საცოდაობა ნახეთ, ვისმა ნაშიერმაც "გვანს მიახვეტა" სახელოვანი წინაპრების ხსოვნა და ნაგვის ურნაში უკრა თავი!!!

ნაღდი სურებლობით მუდამ ვამაყობდი და ამჯერადაც ვამაყობ, როგორც შევძლებ, ისე გადავურჩინო ჩემს მიწას განუმეორებელი, მძიმე ისტორიის ნაფლეთები.

და რადგან ვერასოდეს მოვახერხე წიგნის გამოცემა, მცირე ეპიზოდებს დავჯერდეთ, ძვირფასო მკითხველო!

ამჯერად იმ მწვანეყდიან რვეულს მოვუბრუნდეთ.

"სამსონ ივანეს ძე კიკვაძე თავსურებში ცხოვრობდა. დიდი ადგილ-მამულები ჰქონდა. ერთხელ, ნადი ყავდა ყანაში, სადილმა დაიგვიანა. მისი ბიჭი უნდა მოსულიყო. შეშინდა ივანე, სახლისკენ დაეშვა. გზად ბათლომე ბარამიძე შეხვდა. მიხვდნენ, ბავშვი გატაცებული იყო. ბათლომემ მამას გაასწრო. საზღვარს მიღწეულ ოსმალებს გაკოჭილი და პირში ჩვარჩაჩრილი ბიჭი მიწაზე დაეგდოთ, თავად კი სადილობდნენ. ბათლომემ ერთ-ერთს პირში მოარტყა ტყვია. დანარჩენები გაიქცნენ.

ბუღარა მამალაძის თანამედროვე იყო ივანე ბარამიძე, იყვნენ სხვებიც. მათ ხსოვნას დიდხანს ინახავდა ხალხური ლექსები. ახლა, სამწუხაროდ, ის ლექსებიც წარსულში ჩაიძირა სახალხო გმირებიანად.

1962 წელს, როცა ჩოხატაურის რაიონის ყველა სოფლის ისტორია დაიწერა და მუზეუმს ჩაბარდა, ზემოსურებში 49 გვარი ცხოვრობდა. უძველეს გვართა შორის კიკვაძე ერთ-ერთი დაწინაურებული იყო. მათ დიდი ადგილ-მამულები ჰქონდათ. ისედაც ცნობილი ამბავია, მაგრამ, როგორც კარლო კიკვაძე გვიყვება, მის ბაბუას, სამსონს, 300 სული პირუტყვი ჰყოლია. ზაფხულს მთაში ატარებდა, ზამთარს _ ლანჩხუთში. 1934-ში სამსონს მთაც წაართვეს და ბარიც. პირუტყვი ლესაში და ჩიბათში გადაეცა კოლექტივს. თუმცა, ამ ყველაფერს, სათავე 1924-ში ედო, რადგანაც კიკვაძეები დამოუკიდებლობისათვის მებრძოლ ხალხს მასპინძლობდნენ სურებში და ეხმარებოდნენ. ბევრგან არის ნახსენები და ჩემს ბავშვობაშიც მესმოდა ბებურ კიკვაძის სახელი. მის კარავში ტარდებოდა კრებები. 1924-ის აჯანყების ერთ-ერთი ლიდერი, შალვა ნესტორის ძე ბერიშვილი (ნოე რამიშვილის დისშვილი), თურქეთიდან სურების მთაში გადმოდიოდა და იქ ხვდებოდა თანამებრძოლებს. მასთან მეგობრობდა მაქსიმენ კიკვაძე. კარლო კიკვაძე გვიყვება: "მაქსიმენი მუდმივ დევნასა და ძიებაში იყო. 1925 წელს ბაბუაჩემის, სამსონის ოჯახს თავს დაესხა ჩოხატაურის იმდროინდელი მილიციის უფროსი იმნაიშვილი 12 მილიციელის თანხლებით. ოჯახში მყოფნი გარეთ გამოყარეს, თანმხლებთ კი უბრძანეს, სახლი დაერღვიათ. არავინ ისურვა 12 შვილის გამზრდელი სახლი დაშლა. მაშინ თვითონ იმნაიშვილი ასულა სახლზე და დაშლა დაუწყია, თანაც იძახდა თურმე _ სად ხარ, მაქსიმენა კიკვაძე, გამოჩნდი თუ ხარ ბიჭიო! მაქსიმენი იქვე ახლოს ყოფილა ტყეში და ის იყო, თოფის სასხლეტისთვის ხელი უნდა გამოეკრა, რომ ბიძამისმა ონოფრე კიკვაძემ შეაჩერა, _ ამას კი მოკლავ, მარა სოფელს ააოხრებენო! მაქსიმენმა თურმე მაჯაზე იკბინა! ის დაშლილი სახლი შუასურებში კოლმეურნეობის შენობაა. 1936-ში ისევ დაეცნენ შეუდრეკელი კაცის შესაპყრობად სამსონის ოჯახს. დაიჭირეს კიდეც, მაგრამ გზიდან გაექცა 12 მილიციელს. ამის მერე ქრება მაქსიმენ კიკვაძის კვალი, არავინ იცის, სად ჩაიკარგა".

ბევრი "დიდი" ხალხია ამ გვარში. ისინი მოგონებას იმსახურებენ. ამავე დროს, უნდა აღინიშნოს, რომ ხშირად ხდება ისტორიის დამახინჯება. მხოლოდ ერთ ფაქტზე შევჩერდები, _ სურების გზის მშენებლობაზე. ძველად საურმე გზა თვითონ სურებლებმა საკუთარი ძალით გააკეთეს. ბაბუას გადმოცემით, გამწევი ძალა თუ არ იყო საკმარისი, თავად ჩვენ ვებმებოდით არნაბშიო. როცა ნოე რამიშვილი მინისტრი გახდა, მას თბილისში ეწვია თავსურებელი მაკარ კიკვაძე და სთხოვა დახმარება. ნოემ ბიუჯეტის სივიწროვეზე ესაუბრა, მაგრამ ხელცარიელი არ გამოუშვა _ ასაფეთქებელი მასალა და სამუშაო იარაღები დიდი რაოდენობით გამოატანა. ეს ყველაფერი მაკარ კიკვაძემ ნოეს მითითებით დიდი ვანის ცენტრში, შემდგომში პურის საცხობი რომ იყო, იმ ადგილას შეინახა დაცულ შენობაში. გაზაფხულზე სამუშაოები უნდა დაწყებულიყო და შემდგომ ნოე შეაშველებდა ხელს. მაგრამ მოგეხსენებათ, როგორი გაზაფხული დაგვიდგა _ დამოუკიდებლობა დავკარგეთ, ნოე ემიგრაციაში წავიდა, ხანგრძლივი დროის შემდეგ დაიწყო გზის მშენებლობა. რა თქმა უნდა, შენახული მასალებით ისარგებლეს. დიდი შრომა გასწია მაკარ კიკვაძემ, თუმცა, 37-ში, მას არ აპატიეს რამიშვილთან ადრინდელი მეგობრობა და დაიჭირეს, ძმაც ზედ მიაყოლეს!

ახლა გადავხედოთ ოფიციალურად დაცულ ისტორიებს _ არც ნოე რამიშვილის ხსენებაა სადმე და არც კიკვაძეების, ან კი, რა სირცხვილით უნდა ახსენონ სამშობლოს შეწირული მამულიშვილები? სამაგიეროდ, იგივე ისტორია დიდის ამბით გვამცნობს, რომ სურების გზა ფილიპე მახარაძემ გაიყვანა და ამის გამო ძეგლიც კი დაუდგეს, რომელიც მისივე მოთხოვნით აიღეს! ილიას მკვლელს ძეგლი, რამიშვილს, კიკვაძეს და მისთანებს ტყვია!

და ბოლოს, შეუფასებელი საგვარეულო წარსულის წარმომჩენი თავად მოგიყვებათ საკუთარ ნაწამებ ცხოვრებაზე: "მამაჩემი ტრიფონ კიკვაძე 1888 წელს თავსურებში დაიბადა. ნიკოლოზეს ჯარიც მოიარა და მაინც არ იცოდა, რატომ იჯდა ციმბრის ციხეში 4 წელი! დედაჩემი ბულბულო რამიშვილი მეოთხე შვილზე მშობიარობას გადაჰყვა 1938 წელს. პატარა ვაჟიკო ცოცხალი დაიბადა, მაგრამ 10 წლისა დაიღუპა. მამა, როცა ეს ამბავი მოხდა დაჭერილი იყო. დავრჩით 3 ობოლი. ჩემი და და ძმა ბიძაჩემმა გაზარდა სურებში. მე მამიდამ წამიყვანა ზემოხეთში. 41-ში მამიდას ქმარი ომში წავიდა. იქაც უპატრონოდ დარჩნენ პატარები. მერე მეორე მამიდამ დიდვანში წამომიყვანა, მაგრამ აქედან მახინჯაურის უპატრონო ბავშვთა სახლში წამიყვანეს. დავამთავრე თბილისში პროფსასწავლებელი. ციმბირის 40-გრადუსიან ყინვაში მოვიხადე სამხედრო სამსახური. ვმუშაობდი დიღომში, მახარაძეში, ნატანებში. მოგვიანებით მივაკითხე სურებს. აგერ ახლახან მივიღეთ მამის რეაბილიტაციის დოკუმენტი, რომელშიც წერია, რომ იგი სამეულმა აიყვანა და მალევე დახვრიტეს. ჩემი და-ძმა ბიცოლამ, ნადეჟდა ბარამიძემ გაზარდა; და პარმენ სოროზანიშვილზე გათხოვდა ზემოსურებში, ძმაც დაქორწინდა. მე ცოლად შევირთე ციცინო მათითაიშვილი. გვყავს 3 ვაჟი და 4 შვილიშვილი, ისინიც ვაჟები.

ძვირფასო მკითხველო, სურების ისტორია ბაჯაღლო ოქროს საბადოა. მე ვალდებული ვარ, ვემსახურო ჩემს სამშობლოს მიწას. არ გვაქვს უფლება, საფლავში ჩავიტანოთ ჩიხნარის თოფის ქარხნის, ელიოტ სკოტის, თურქ-სელჩუკთა თავს დაცემის ისტორიები. რა პირით წარვდგეთ მათ წინაშე? არ ვეცადოთ მაინც, სუფსის ხეობის და ლომის კარელის ისტორიის შესახებ სიმართლე ვთქვათ?

უდიდესი მადლობა უნდა ვუთხრა კარლო კიკვაძის სულს. მის დას, მეათე ათეულში გადამდგარ დიდ ქალბატონს მაყვალა სოროზანიშვილს. მაყვალას შვილს ბატონ ოთარ სოროზანიშვილს, რომელიც მუდამ საიმედო დარაჯად ედგა სურებს და ასეა ახლაც.

სამსონ კიკვაძის 12 შვილიდან სამი უცოლშვილოდ დაიღუპა, ცხრამ 33 შვილი, 89 შვილიშვილი დატოვა. ისინი საქართველოს მრავალ კუთხეს ამშვენებენ, მათი წინაპრების ცხოვრება საუკეთესო მაგალითია იმის დასტურად, რომ სიკეთის და სიმართლის ნერგი იხარებს თუნდაც სიპ ქვაზე, ისე, როგორც კიკვაძეთა ნაფეხურზე მოხდა.

 რუსუდან ბერიშვილი




 ახალი ამბები
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. "ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ყველაზე, ყველაზე...

იცი თუ არა გეოგრაფია

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...