სასტუმრო “როიალი”

მკითხველი

სასტუმრო “როიალი”

10 თებ. 2019, 14:28:52

მსახიობები ჩვეულებრივი ადამიანები არიან და სხვადასხვა კურიოზულ მდგომარეობაში ხშირად ვარდებიან. დღევანდელ წერილში, ტრადიციულად, ქართული სცენისა და ეკრანის მთავარი მომქმედი გმირების მორიგ “თავგადასავლებს” შემოგთავაზებთ.

დღევანდელი წერილის დასაწყისში სიტყვა მსახიობ კოტე თოლორაიას გადავცეთ, რომელსაც საბჭოთა კომედიური ფილმის, “ბრილიანტის ხელის” ერთ-ერთი მთავარი გმირის მსგავსი თავგადასავალი შეემთხვა.

“ძალიან რომ არ გვიჭირდა იმ პერიოდში საგასტროლოდ რომში არ წავედით?! ჩავფრინდით. გადაღლილები ვართ. მიგვიყვანეს ჩვენთვის განკუთვნილ სასტუმროში.

გათენდა. წამოვხტი, ჩავიცვი ჩემი სპორტული კოსტიუმი და ჩავიპარე სასტუმროს ეზოში. ვიჯერე გული ვარჯიშით და მოულოდნელად ერთი გზასაცდენილი ქათამი არ დამეჩითა? გამომწვევად გამითამაშ-გამომითამაშა (იტალიელი დედლები საერთოდ ძალიან ეშმაკები არიან) და გაენთო. გაენთო და მივყევი ძუნძულით. უმატა სიჩქარეს, მეც მოვუმატე. მოკლედ, ისე გავყევი, რომ თავი დამავიწყდა. ის კი, შეძვრა სადღაც ნანგრევებში, მაგრამ მე საათს დავხედე. დავხედე და დავმშვიდდი, 40 წუთი კიდევ მაქვს სასტუმროში გამოცხადებამდე.

მოვბრუნდი უკან და გზა ამერია. ხან ერთ “ტუპიკში” შევძვერი, ხან – მეორეში. რა ვქნა ახლა?! იტალიური ორი სიტყვა არ ვიცი და მეგრული იმათმა არ იციან. გამომეცხადა პოლიციელი, ცოტა რუსული იცოდა იღბლად. გაპარჭყა ხელები და იტალიური მეგრულით მეკითხება, რაშია საქმე, რა გაგჭირვებიაო.

- დავიკარგე, მსახიობი ვარ, თეატრის.

- რომელ სასტუმროში ცხოვრობ მითხარი, შენც გეშველება და მეც.

კოშმარული სიზმარივით მახსოვდა, სასტუმროს რომელიღაც დასაკრავი ინსტრუმენტის სახელი ერქვა, მაგრამ მოიფიქრებ? ამოტივტივდა ჩემს დაბნეულ ტვინში ინსტრუმენტის სახელი, “აკორდეონი” – ვთქვი გაუბედავად.

იტალიელი პოლიციელი ღრმად ჩაფიქრდა, მერე რაციით დაუკავშირდა ვიღაცას, „მიო, მიო“ იძახა, მაგრამ სანუგეშო ვერაფერი მითხრა - მაგი სასტუმრო თქვენ თუ ჩამოიტანეთ არ ვიცი და ჩვენთან არაა, ბიძიაო!

ბოლოს და ბოლოს, დარეკა ჩვენს საელჩოში, “ტრუსიკ-მაიკიანი” კაცი გვყავს აგერ, დათხლაშუნობს აღმა-დაღმა და ვერ აგნებს, საიდან წამოვიდაო. ორი საათი ველოდი პასუხს და ბოლოს მანქანით მიმიყვანეს სასტუმრო “როიალში”.

კოტე თოლორაის შემდეგ ზურა ყიფშიძე და მისი მეგობარი, თაზო თოლორაია გავიხსენოთ.

ზურაბ ყიფშიძე დედასთან, ქალბატონ ელენესთან დაკავშირებული პირველი, რასაც იხსენებს, მისი საფულის ამბავია.

ერთხელ ზურას და თაზო თოლორაიას ლუდი მოუნდათ, თუმცა არც ერთს ჯიბეში კაპიკიც არ ჰქონდა. დიდხანს ფიქრის შემდეგ “ბრწყინვალე იდეა” ზურაბ ყიფშიძეს მოუვიდა თავში, წამოდი, თაზო, დედაჩემს დღეს სპექტაკლი აქვს, მივაკითხოთ, იქნებ, ერთი მანეთი მაინც მოგვცესო.

მართლაც, პირდაპირ თეატრში წავიდნენ. ქალბატონი ელენე სპექტაკლის შემდეგ შვილს და თაზო თოლორაიას დიდი სიხარულით შეხვდა, მოეფერა, მოესიყვარულა. ამის შემდეგ კი ზურა დედას სთხოვს:

- ლენა, მომეცი რა მანეთი.

- ახლავე შვილო, - პასუხობს ელენე ყიფშიძე, ტრიალდება მათგან ზურგით, იღებს საფულეს, ხსნის და... უზომოდ გაკვირვებული სახით ტრიალდება:

- რომ არა მაქვს!

ასე დარჩნენ იმ დღეს ლუდის გარეშე ზურაბ ყიფშიძე და თაზო თოლორაია.

ფილმის “არაჩვეულებრივი გამოფენა” გადაღებები ქუთაისში მიმდინარეობდა. გაგიკვირდებათ და ამ სურათში მონაწილე მსახიობები ერთხელ მდინარე რიონში დახრჩობას გადარჩენილან. ალბათ უმჯობესია თუ ამ ისტორიას ბატონი გურამ ლორთქიფანიძეს მონაყოლით შევიტყობთ.

ერთხელ ფილმში “არაჩვეულებრივი გამოფენა” რიონზე, ხიდქვეშ გვქონდა ქეიფის სცენა გადასაღები. მე და დოდო აბაშიძე ვსხედვართ შიშვლები.

ამ დროს მოვიდნენ ჩვენი მეგობრები, ქუთაისის კოლორიტები: სოსო ხარაბაძე, ჟორჟიკა იაშვილი, ოთარ სულაბერიძე, ვლადიმერ ლომინაძე, მერაბ კიკნაძე და ქუთაისური დიალექტით ზემოდან გადმოგვძახეს: “მორჩით, სიმონ, გლახაობას და საქმეს ვეწიოთ”. ფილმის გადაღება მათთვის გლახაობა იყო და პურმარილი – საქმე. გელათში პურმარილია გაშლილი და წავედითო. ელდარმა უთხრა, კაცო, გვაცალეთ გადაღება, მოვრჩებით და ამოვალთო. იმ წუთს მზე იყო და უნდა გადაგვეღო.

მეორედ კიდევ გვითხრეს, მესამედ, მეოთხედ და რომ აღარ ავედით, წავიდნენ. რა ქნეს, იცით? “რიონჰესში” ასულან და ცოტა ხნით წყალსაცავი გაუხსნიათ. წარმოიდგინეთ ახლა თქვენ ეს? რომ მოიმატა წყალმა, ძლივს ამოვასწარით! ვისღა ახსოვდა გადაღება? გადავეშვით ადიდებულ რიონში და შეშინებულები ავბობღდით ნაპირზე. ჩვენ სიცივისგან ვკანკალებდით, ქუთაისლები კი ერთმანეთს აწყდებოდნენ სიცილით – რა ქენით, მორჩით გლახაობასო? რას ვიზამდით, ავდექით, წავედით და დიდებულად ვიქეიფეთ გელათში”.

მარჯანიშვილის თეატრში დადგმულ სპექტაკლში “საბრალდებო დასკვნა” მსახიობი თენგიზ მაისურაძე შოშიას როლს ასრულებდა. ამ პიესის მიხედვით მხატვრული სურათიც გადაიღეს და მაისურაძემ უკვე გამცემლიძის როლი განასახიერა. აი, რას იხსენებდა ბატონი თენგიზი ამასთან დაკავშირებით:

“მოკლედ, გამცემლიძე ვარ. კი იცით, ვინცაა ის გამცემლიძე - საბრალდებო დასკვნა რომ წაუკითხეს, მერე კი მაგრად მიბეგვეს თანამოსაკნეებმა. ჰოდა, მეც იგივე მელოდება, მეგობრის ცოლის “გაიმასქნებისათვის”.

თეატრში “ხალტურა” მოდის, გაუქნევ ხელს “გასალახავ” კაცს ან ქალს და მაყურებელი ვერ ამჩნევს, მართლა მოხვდა თუ არა. კინოში ასე ვერ იზამ, რომ იტყვიან “არ იყიდება”. იქ ყველაფერი ნაღდად უნდა მოხდეს. ინდურ ფილმებში რომ არის, ხელის გაქნევამდე ვარდება კაცი, ჩვენთან არ გაჭრის. ქართულ ფილმს ვიღებდით და ქართველ კაცს ცემა-ტყეპას ვინ ასწავლის.

ერთი სიტყვით, წამიკითხეს ეს უბედური საბრალდებო დასკვნა, მოვიდა ჩემი ცემის დრო და გაგვაჩერა რეჟისორმა. “რა მოხდა?” – ჩამოვყარე ყურები. “ახლა მნიშვნელოვანი სცენა იქნება, ყურადღებით და მონდომებით დავიწყოთ”, - დაგვმოძღვრა გიგა ლორთქიფანიძემ და დაჯდა.

დაიწყო, მაგრამ ნეტავ არ დაწყებულიყო. დამეხვია ამდენი “პატიმარი” და, ვაი, შენს თენგოს. მირტყამენ უმოწყალეოდ. ზოგს პირადული გაახსენდა, ფეხსაცმელიც კი გაიხადა და ქუსლი ჩამცხო. ბიჭი ხარ და გაუძელი. მინაცვლებენ ერთს თუ ორს, ჩემი ცოდვით ქვა ტირის. ის ეპიზოდიც დამთავრდა და მეც “გავთავდი”!

ორი საათი მასულიერებდა ექთანი. მეორე დღეს ლოგინიდან წელი ვერ ავითრიე. მესამე დღეს ჩემიანებმა მანქანით მიმიტანეს პოლიკლინიკაში, სადაც ექიმმა ორი კვირა “მომისაჯა” წოლითი რეჟიმი. მართლა ვლესე ლოგინი, უმსგავსო კაცის როლის გამო. ის საშინელი დანაშაული ნამდვილად რომ ჩამედინა, უარესი, ალბათ, არც მაშინ დამემართებოდა”.

დღევანდელი წერილის დასასრულს კი სიტყვა მსახიობ გოგუცა კუპრაშვილს გადავცეთ.

“იმ ხანებში ახალგაზრდები გატაცებული ვიყავით ლიტერატურულ-დრამატული წრეებით. ერთ-ერთ დრამატულ წრეს “იმედი” ერქვა. იმ წრეში მეც ვიყავი. დავდგით პიესა “სირინოზების ხეივანი”. ჩვენ თვითონ ვღებავდით, ვკერავდით, ვაჭედებდით: ხეები და ბუჩქები ჩვენ გვეჭირა ხელით სცენაზე რიგ-რიგობით, უკან ჩაცუცქულებს.

ერთ-ერთ რეპეტიციაზე სერგო ჭელიძე რაღაცაზე წამეჩხუბა. გულში დავექადნე. ერთხელ სპექტაკლის მსვლელობისას ბუჩქი მეკავა. სერგოს მონოლოგი ჰქონდა, რის შემდეგაც ბუჩქის უკან უნდა დამალულიყო. გამახსენდა, რომ გამაბრაზა და ბუჩქიანად კულისებში გავგოგმანდი. სერგო მოტრიალდა დასამალად, მაგრამ სადღაა ბუჩქი?! ხალხისკენ ზურგით შეტრიალდა და მუშტები მომიღერა. დიდი ხვეწნის შემდეგ თითებით მიჩვენა, ორ ბოთლ ლიმონათზე დაგპატიჟებო. მეც ბუჩქიანად უკან შევგოგმანდი. სერგო დაიმალა თუ არა ბუჩქის უკან, ისეთი მიჩქმიტა, თვალებიდან კურცხლები გადმომცვივდა”.




 ახალი ამბები
  • "წყალმა ფიზიკის კანონები უნდა დაარღვიოს და არხში ისკუპოს? ლანჩხუთში სოფელ  ჩიბათში ბოლო პერიოდში გაკეთებული სანიაღვრე არხების ამსახველ ფოტოებს სოციალურ ქსელში მომხმარებელი მარიამ კოიძე ავრცელებს. "აქ წყალმა ფიზიკის კანონები უნდა დაარღვიოს და არხში ისკუპოს? "- კითხვას სვამს ის. როგორც მისი კომენტარიდან  ირკვევა აღნიშნული სანიაღვრეები ე.წ. რკინიგზის უბანში გაკეთდა და მოსახლეობაც უკმაყოფილოა განხორციელებული სამუშაოებით. "უკმაყოფილო ვართ, მე და ჩემ მხარეს მცხოვრები ყველა მეზობელი. ასევე უკანა მხარეს მცხოვრებნიც. იმიტომ, რომ სანიაღვრეები გააკეთეს არა იმ მხარეს, სადაც დახრა იყო, არამედ საპირისპირო მხარეს, სადაც მიწა მაღალია. რაც იმას ნიშნავს, რომ როგორც კი ღელე ადიდდება, ჩემ ეზოში შემოვა და წაიღებს ყველაფერს. ასევე წაიღებს ჩემს უკან მცხოვრები ადამიანების ეზოებს, რომელსაც სანიაღვრე არხები არ გაუკეთეს (ყოველ შემთხვევაში, ჯერ არა)" - წერს მარიამი. ... ...
  • აგვისტოში კომერციული ბანკების წმინდა მოგება 32 870 მლნ ლარით გაიზარდაეროვნული ბანკის მიერ გამოქვეყნებული სტატისტიკის მიხედვით, კომერციულმა ბანკებმა 2020 წლის აგვისტო 96,363 მლნ ლარის წმინდა მოგებით დაასრულეს, რომელიც,  წინა თვესთან შედარებით 32,870 მლნ ლარით მეტია, ივლისში ბანკების წმინდა მოგება 63,493 მლნ ლარს შეადგენდა. ეროვნული ბანკის სტატისკის მიხედვით, 2020 წლის აგვისტოში კომერციული  ბანკების მიერ ჯარიმა/საურავებიდან მიღებულმა შემოსავალმა 32,843 მლნ ლარი შეადგინა. საკონვერსიო ოპერაციებიდან მიღებულმა წმინდა მოგება/ზარალმა 71,858 მლნ ლარი შეადგინა. როგორც სტატისტიკაშია აღნიშნული, წინა თვეში კომერციულმა ბანკებმა საკომისიოებიდან და გაწეული მომსახურეობებიდან 30,976 მლნ ლარის შემოსავლი მიიღეს. ასევე ეროვნული ბანკის სტატისტიკის მიხედვით, 2020 წლის აგვისტოში სულ ბანკების შემოსავლები  399,955 მლნ ლარი შეადგინა, საიდანაც საპროცენტო შემოსავლები იყო 330,845 ლარი. აგვისტოში კომერციული ბანკების ხარჯებმა კი, 293,344 მლნ ლარი შეადგინა. ცნობისთვის, გასულ წელს კომერციული ბანკების წმინდა მოგება 953,635 მლნ ლარს შეადგენდა, დღეის მდგომარეობით ქართულ ბაზარზე 15 კომერციული ბანკი ... ...
  • საზოგადოებრივი მაუწყებლის დირექტორის ხელფასი 4-დან 10 ათას ლარამდე გაიზარდასაზოგადოებრივი მაუწყებლის სამეურვეო საბჭოს გადაწყვეტილებით, მაუწყებლის გენერალური დირექტორის პოზიციაზე ხელფასი 10 000 ლარი გახდა (საუბარია ხელზე ასაღებ თანხაზე). აქამდე ანაზღაურება 4 000 ლარი იყო.საზოგადოებრივი მაუწყებლის გენერალური დირექტორის პოზიციაზე თანამდებობრივი სარგოს გაზრდის შესახებ გადაწყვეტილება მაუწყებლის სამეურვეო საბჭომ დღეს, 22 სექტემბერს მიიღო.მრჩეველთა საბჭოს თავმჯდომარის ირინა ფუტკარაძის თქმით, დირექტორის ხელფასი ძალიან დაბალი იყო და მისი გაზრდის შესახებ დიდი ხანია მსჯელობენ."კონკურსის გამოცხადებამდე ჩვენ ჩამოყალიბებული ვიყავით, თუმცა, მიზანშეწონილად არ ჩავთვალეთ, რომ ხელფასი ერთგვარი მოტივატორი არ გამხდარიყო. ვიმსჯელეთ საბჭოში და მივიღეთ გადაწყვეტილება, რომ დღევანდელ სხდომაზე გაგვეტანა ეს საკითხი. რაც შეეხება ოდენობას, ვფიქრობთ, რომ ეს არის ძალიან გონივრული თანხა. ჩვენ, უბრალოდ, თავს უფლებას ვერ მივცემდით, რომ უფრო მეტით გაგვეზარდა,   არ ვართ კერძო ტელევიზია და ამიტომ გარკვეულ ჩარჩოებში ვზივართ ხელფასებთან დაკავშირებით", - განუცხადა "მედიაჩეკერს" ირინა ფუტკარაძემ კითხვაზე, ახლა, ახალი დირექტორის არჩევის წინ რატომ გაიზარდა დირექტორის ხელფასი.ჩვენს კითხვაზე, მის უფლებამოსილებებში რაიმე ხომ არ იცვლება ან ემატება, რაც წინა დირექტორს არ ჰქონდა, ფუტკარაძემ გვიპასუხა:  “რჩება იგივე უფლებამოსილება, რაც განსაზღვრული აქვს კანონით, ბუნებრივია.  მაგრამ, მე პირადად, ვთვლიდი, რომ საკმაოდ არაადეკვატური (ანაზღაურება) ჰქონდა წინა დირექტორს და შესაბამისად, იმიტომ გაიზარდა, რომ ვინც იქნება ახალი დირექტორი, მას უკვე ჰქონდეს ღირსეული და ადეკვატური ანაზღაურება".შეგახსენებთ, მიმდინარე კვირაში მრჩეველთა საბჭომ მაუწყებლის ახალი გენერალური დირექტორი უნდა აირჩიოს. კონკურსში სულ 8 განმცხადებელი მონაწილეობდა, თუმცა, დირექტორობისთვის ბრძოლას I ტურის შემდეგ 4 კანდიდატი აგრძელებს. წყარო: ... ...
  • შინაგან საქმეთა მინისტრმა საპარლამენტო არჩევნებთან დაკავშირებით ბრძანება გამოსცაშინაგან საქმეთა მინისტრმა, ვახტანგ გომელაურმა საქართველოს პარლამენტის 2020 წლის 31 ოქტომბრის არჩევნების თავისუფალ, უსაფრთხო და მშვიდ გარემოში ჩატარების უზრუნველსაყოფად, ასევე, სამართალდარღვევათა  პრევენციისა და  მათზე  რეაგირების მიზნით, ბრძანება გამოსცა.   ბრძანების თანახმად, საქართველოს რეგიონებში, პოლიციის დეპარტამენტების სამოქმედო ტერიტორიებზე შეიქმნება სამართალდარღვევების პრევენციისა და მათზე რეაგირებისთვის პასუხისმგებელი ჯგუფები.  არჩევნების უსაფრთხო და თავისუფალ გარემოში ჩატარების ხელშეწყობის მიზნით, შესაბამის ჯგუფებს დაევალათ  სამოქმედო ტერიტორიაზე უზრუნველყონ სათანადო ზომების მიღება,  წინასაარჩევნო აგიტაციის მშვიდ და თავისუფალ გარემოში ჩატარება და „პოლიციის შესახებ“ საქართველოს კანონის შესაბამისად პრევენციული საპოლიციო ღონისძიებების განხორციელება. აღნიშნული ბრძანება პოლიციელებს სამსახურებრივი მოვალეობის შესრულებისას პოლიტიკური ნეიტრალიტეტის პრინციპის მკაცრად დაცვას ავალდებულებს. ბრძანების თანახმად, დაუშვებელია, პოლიციელის ქმედება პირდაპირ ან არაპირდაპირ იყოს მიმართული რომელიმე პოლიტიკური პარტიის საწინააღმდეგოდ ან ... ...
  • საქართველში საპარლამენტო არჩევნებს IRI-ის წარმომადგენლები დააკვირდებიანდღეს საერთაშორისო რესპუბლიკურმა ინსტიტუტმა (IRI) გააკეთა განცხადება არჩევნების ტექნიკური შეფასების საერთაშორისო მისიის  ჩამოსვლის შესახებ. მისია შეაფასებს 2020 წლის, 31 ოქტომბრის საპარლამენტო არჩევნებს. შეფასების მისია საქართველოში ჩამოდის ცენტრალური საარჩევნო კომისიის მოწვევის საფუძველზე.  საერთაშორისო რესპუბლიკური ინსტიტუტი (IRI) დაახლოებით 25 წელია საქართველოს პარტნიორია და ბოლო ათწლეულის მანძილზე განახორციელა თითქმის ყველა არჩვნების მონიტორინგი და შეფასება. „ოქტომბერში დაგეგმილი საპარლამენტო არჩევნები წარმოადგენს მნიშვნელოვან ნაბიჯს საქართველოს დემოკრატიული განვითარებისთვის და გამოცდას ქვეყნის ევრო-ატლანტიკური მისწრაფებებისთვის. IRI-ს მისია ყურადღებას გაამახვილებს იმ საკვანძო საკითხებზე, რომლებიც მნიშვნელოვანია საარჩევნო პროცესის სრულყოფისთვის, მათ შორის როგორიცაა საარჩევნო ადმინისტრაცია, მედიის თავისუფლება და გამჭვირვალობა, პოლიტიკური პარტიების კამპანია და დაფინანსება. გარდა ამისა, მისია ყურადღებას გაამახვილებს კორონავირუსის პანდემიის პერიოდში, ამომრჩევლის უსაფრთხოების დასაცავად შემოღებული ზომების შესრულებაზე.“ - განაცხადა საერთაშორისო რესპუბლიკური ინსტიტუტის ევრაზიის დირექტორმა სტივენ ნიქსმა. მისია (TEAM) შედგება მრავალმხრივი გამოცდილების მქონე ხუთი გრძელვადიანი ტექნიკური ანალიტიკოსისგან, რომლებიც დააკვირდებიან და შეაფასებენ საარჩევნო პროცესის ყველა ფაზას. მათ მიგნებებზე დაყრდნობით, IRI გამოაქვეყნებს ანგარიშებს, რომლებიც მომზადდება  მთავრობისა და საარჩევნო ადმინისტრაციის წარმომადგენლებთან, პოლიტიკური პარტიის ლიდერებთან, სამოქალაქო საზოგადოებისა და მედიის წარმომადგენლებთან სიღრმისეული ინტერვიუების საფუძველზე. ტექნიკური შეფასების ჯგუფი იმუშავებს არჩევნების საერთაშორისო სადამკვირვებლო პრინციპების დეკლარაციისა და საერთაშორისო დამკვირვებლების ქცევის კოდექსის მიხედვით. მისიის მიგნებები და რეკომენდაციები დაეფუძნება საქართველოს კანონმდებლობას, საერთაშორისო სტანდარტებსა და პოლიტიკური პარტიების მიერ ქცევის კოდექსის ფარგლებში აღებულ ვალდებულებებს. კორონავირუსი პანდემიასთან დაკავშირებული საფრთხეების გათვალისწინებით, IRI-მ მიიღო უსაფრთხოების ყველა საჭირო ზომა, რომლებიც თანხვედრაშია საქართველოს მთავრობის მიერ დაწესებულ რეგულაციებთან.   ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ ყველაზე, ყველაზე...

იცი თუ არა გეოგრაფია

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...