მაჟორიტარის ბიუროს ხარჯები და "უმისამართოდ" დატოვებული 11 590 ლარი

მთავარი თემა

მაჟორიტარის ბიუროს ხარჯები და "უმისამართოდ" დატოვებული 11 590 ლარი

2013 მაი 14 15:47:49

ოზურგეთის მაჟორიტარ დეპუტატს ზვიად კვაჭანტირაძეს განცხადებით 22 აპრილს მივმართეთ.

"გთხოვთ, მოგვაწოდოთ 2013 წლის 1 იანვრიდან დღეის მდგომარეობით, ოზურგთის მაჟორიტარი დეპუტატის  ბიუროს ხარჯთაღიცხვა. რამდენი ლარია სულ ჩამორიცხული და რაში განიკარგა თანხა. გთხოვთ, მიუთითოთ ყოველი თვე ინდივიდუალურად."

პასუხი 8 მაისს მივიღეთ, სადაც აღნიშნულია, რომ „საქართველოს პარლამენტის მიერ მიღებული წესის შესაბამისად, საქართველოს პარლამენტის მაჟორიტარი წევრის ბიუროს ყოველთვიურად გამოეყოფა 5000 ლარი. ამასთან ოზურგეთის ბიუროში თანხები გაიხარჯა შემდეგნაირად:

იანვარი:  ხელფასები _ 1070 ლარი, სამეურნეო ხარჯები _ 200 ლარი; თებერვალი: ხელფასები  _ 1070 ლარი; მარტი : ხელფასები 1070 ლარი.

3 თვის ხარჯმა ჯამში 3410 ლარი შეადგინა. 2013 წლის 1 აპრილისთვის ბიუროს განკარგულებაში არსებული სახსრები შეადგენს 11 590 ლარს. წერილს ხელს საქართველოს პარლამენტის წევრი ზვიად კვაჭანტირაძე აწერს.

რამდენად ამომწურავია ზვიად კვაჭანტირაძის ეს პასუხი, ამაზე საქართველოს ახალგაზრდა იურისტთა ასოციაციის ოზურგეთის ოფისის ხელმძღვანელი თამაზ ტრაპაიძე აღნიშნავს, რომ  ეს თავად კითხვის ავტორმა უნდა  განსაზღვროს.

"თუ პირს აინტერესებს  კონკრეტულად რაში დაიხარჯა სამეურნეო ხარჯისთვის გამოყოფილი თანხა,  მოთხოვნილ უნდა იქნას და შესაბამისად მიწოდებული შესყიდვის ანგარიშფაქტურების (ზედნადების ასლები);

წერილიდან ჩანს, რომ სამი თვის (2013 წლის იანვარი-მარტი) განმავლობაში ბიუროს შემოსავალს წარმოადგენდა 15 000 ლარი. 3 410 ლარი გახარჯულია ხელფასისა და სამეურნეო ხარჯისთვის. ბიუროს აქვს დარჩენილი 11 590 ლარი".

რაში დაიხარჯა  11 590 ლარი, ამის პასუხი ოფიციალურ წერილში არ ჩანს.

რამდენიმე დღის წინ, ოზურგეთის მაჟორიტარი დეპუტატი ზვიად კვაჭანტირაძე   ბიუროს მუშაობაზე  "გურია ნიუსთან" საუბრობდა.

"დღემდე მუშაობდა  ორი ადამიანი, რომლებიც ვერ წვდებოდნენ  ბიუროში საქმიანობას. ლუკას უფრო ტექნიკური საქმეები ევალებოდა, მარინა მაინც თავის პარტიულ ინტერესს გამოჰყოფდა ხოლმე, რაც გარკვეულწილად დისკომფორტს ქმნიდა. ახლა გვეყოლება ბიუროს ახალი შემადგენლობა, არის რაღაცეები, რაც დასალაგებელია. ამ საფუძველზე ვაპირებ, გავაძლიერო საშტატო შემადგენლობა. იმ მანქანას, რომელიც გამგეობამ მათხოვა, შეიძლება ვთქვა, რომ 20 მეტრი არ გაუვლია დღემდე და დავაბრუნეთ,  აღარ არის ჩვენს ბალანსზე. ტექნიკას რაც შეეხება, სანამ ცენტრალიზებულად არ შეიძენს პარლამენტი, მანამ ჩვენ არ გვექნება. ბიურო არის იმისთვის, რომ იქ  შესული თითოეული სიტყვა ავტომატურად აღწევდეს ჩემამდე, რაც აქამდე ასე არ იყო,“ _ განაცხადა დეპუტატმა რამდენიმე დღის წინ.

ამის შესახებ თავის პოზიციას აფიქსირებენ ბიუროს ყოფილი ხელმძღვანელი მარინე სუნგულია და თანამშრომელი ლუკა ბაბილოძე.

_ ქალბატონო მარინა,  აწვდიდით თუ არა დეპუტატს  ინფორმაციას ბიუროში შესული მოქალაქეების  განცხადებების შესახებ?   როგორც ყოფილი ხელმძღვანელი, რას იტყვით ამასთან დაკავშირებით?

_ ჩემდა საბედნიეროდ, არსებობს ელექტრონული ფოსტა, სადაც წაუშლელია ყოველდღიური ინფორმაციები, როდის რას ვაგზავნიდი და გეტყვით უფრო მეტს, _  არცერთ ინფორმაციას არასდროს დაუგვიანია. ის, რომ დეპუტატის ყურამდე რაიმე ინფორმაცია არ მიდიოდა,  არის აბსურდი და ტყუილი. ადამიანები, რომლებიც დაჟინებით ითხოვდნენ ბატონი ზვიადის ნახვას,  მას კი მოუცლელობის გამო, ხალხთან შეხვედრები ნაკლებად ჰქონდა, მე  ძალიან აქტიურად ვიყავი.

_ რატომ არ იყო დეპუტატი  თქვენი მუშაობით კმაყოფილი?

_ ბიუროში ვმუშაობდით მე და ლუკა ბაბილოძე. ჩვენ გვიწევდა კოლოსალური შრომა, ვერ გეტყვით, რა რაოდენობის ხალხი იდგა ჩვენს კართან. მართალია, ადამიანებს ვერ ეხმარები, მაგრამ მათ ხომ ყველას პასუხი უნდა გასცე? არ ვიცი,  რისთვის დასჭირდა დეპუტატს იმის თქმა, რომ ბიუროს მუშაობით  უკმაყოფილო იყო. მაშინ ერთხელ მაინც უნდა გამოეხატა ამის შესახებ  პოზიცია.  იყო ერთი შემთხვევა, რომელიც   ეხება ჩემი  მუშაობის ბოლო პერიოდს.  ბატონი ზვიადი კვაჭანტირაძე მწერს, რომ ის არის უკმაყოფილო ბიუროს მუშაობით.

_ რა მიზეხს ასახელებდა?

_ გეტყვით.  ბიურომ რომ სრულყოფილად იმუშაოს და სოფლებში გავიდეს, ამისთვის საჭიროა საწვავი, მანქანა, ასევე ტექნიკა, რომელიც არ გვქონდა   და ვიყავით ნათხოვარის იმედად.  ის ტექნიკა გაიტანეს და მუშაობის რეჟიმი წავიდა ძალიან ცუდად.  მიუხედავად ამისა, ბიუროში ხალხი მოდიოდა და ჩვენ ჩვეულ რეჟიმში ვაგრძელებდით მუშაობას. არსებობს სია ადამიანებისა, რომლებსაც ჩვენ ვემსახურებოდით  რჩევით თუ სხვა მხრივ,  შეძლებისდაგვარად. თუ თქვენ ორ კაცსაც იპოვით, რომ ვინემ ჩემით უკმაყოფილოა, მე ბოდიშს მოვიხდი.

_ ქალბატონო მარინა, თქვენ ახსენეთ საწვავისა და მანქანის პრობლემები, ასევე ტექნიკის... რა ხდებოდა ხარჯებთან დაკავშირებით ბიუროში? ჩვენ მივიღეთ ოფიციალური წერილი დეპუტტისგან, სადაც ბატონი ზვიადი გვწერს, რომ ბიუროში გამოყოფილი 5000 ლარიდან ხელფასებში მიდიოდა 1070 ლარი, სხვა თანხებთან დაკავირებით ფლობთ თუ არა ინფორმაციას?

_ 5000 ლარიდან ხელფასებში მიდიოდა ზუსტად 1070 ლარი, სხვა თანხაზე მე ვერაფერს  გეტყვით.  განკარგავდა ბატონი დეპუტატი.  მე არ ვიცი,  რისთვის იხარჯებოდა სხვა თანხა. მე თანხებთან არანაირი შეხება არ მქონია. არც დამიხარჯავს არცერთი თეთრი... ერთი მინდა დავამატო, თუ დეპუტატი ოთხ ადამიანს ასაქმებს ბიუროში სხვადასხვა მიმართულებით, მე ერთ ადამიანს რამდენი უნდა მექნა,  როცა ბიუროს გაცილებით მეტი დატვირთვა ჰქონდა? ეს იყო ერთადერთი დასაყრდენი, სადაც ხალხი ახალი მთავრობის სუნთქვას გრძნობდა.

_ ქალბატონო მარინა, თქვენ, როგორც ხელმძღვანელი, საქმის კურსში იქნებით, უამრავი მოქალაქის განცხადებაა შემოსული. რამდენია დაკმაყოფილებული?

_ ვერ გეტყვით რომ დეპუტატისგან არ გაეწია დახმარება მოქალაქეებს. ბევრის წერილი შეეხებოდა უკანონობას და ჯანმრთელობის მხრივ პრობლემებს, რომლებსაც ბატონი ზვიადი ამისამართებდა შესაბამის სამსახურებთან. ყველას დაკმაყოფილება ვერ მოხდებოდა. მაგალითად, დაფინანსდა პატარავას ოპერაცია... თუმცა, ძალიან ბევრი იყო ბატონ ზვიადთან პარლამენტში.

ლუკა ბაბილოძე: მე ვიყავი  დეპუტატის ბიუროს თანამშრომელი. მოვიდა დეპუტატის  ბიუროს ახალი ხელმძღვანელი  მურთაზ ფოცხიშვილი, რომელმაც განმიცხადა, რომ ბატონმა ზვიადმა გითხრა, განცხადება დაწერეო. მე გამიკვირდა, რატომ -მეთქი, ვკითხე. მივედი ზვიად კვაჭანტირაძესთან და ვუთხარი, რის საფუძველზე მათავისუფლებთდა. მან არგუმენტი ვერ წამომიყენა. აი, იკითხეთ თუ რამე დანაშაული მქონდა. რაღაც დარღვევა უნდა მქონოდა, რომ გავეთავისუფლებინე. ხელშეკრულების ვადა 28 ნოემბერს მთავრდებოდა. მე ვთვლი, რომ უსამართლოდ ვარ დათხოვილი. ბატონი კვაჭანტირაძე უკანონოდ მომექცა. არავინ არ გაითვალისწინა ჩემი პატიოსანი შრომა. ეს არის უსამართლობა.  მე მინდა, სხვა რამეზეც გავაკეთო კომენტარი. მანქანა, რომელიც ბიუროს ჰყავდა, გამგეობის იყო. როცა ჩვენ დავიწყეთ სამსახური, პირველი ორი თვე ვიყავით გამგეობის დაფინანსებაზე, გვქონდა საწვავიც და ყველაფერიც. შემდეგ, როცა პარლამენტის დაფინანსებაზე გადავედით, კი აფინანსებდა  პარლამენტი ბიუროს, მაგრამ  ამ ხნის მანძილზე, მე და ქალბატონი მარინე სუნგულია ჩვენი ხარჯებით, ჩვენს მიერ შეძენილ საწვავით ვემსახურებოდით ხალხს! აბსოლუტურად ყველაფერს ჩვენი ხარჯებით ვანაზღაურებდით.  ელემენტარულად,  ჩიპით დავრბოდით გამგეობის ოთახებში, როცა რაიმეს ქსეროქსი გვჭირდებოდა.  მე  მაინტერესებს,  სად არის სხვა თანხა? მე რატომ უნდა დამეხარჯა ჩემი ხელფასიდან რაიმესთვის ფული ან მე ან ქალბატონ მარინეს? მანქანის შეკეთებას, საწვავს და სხვა რამესაც საკუთარი ფულით ვანაზღაურებდით. ბიუროში არც კომპიუტერია, არც ქსეროქსი, არანაირი ტექნიკა არაა შეძენილი. გვაინტერესებს, სად წავიდა დანარჩენი თანხა?  თაბახის ფურცელსაც ჩვენ ვყიდულობდით!

_ აქამდე რატომ არ განაცხადეთ ამის შესახებ?

_მე უკვე სათქმელი ვთქვი...

_ თქვენი აზრით,  რატომ დაგითხოვეს ბიუროდან?

_ აღარ აწყობთ ძველი თანამშრომლის დარჩენა, იმიტომ, რომ სიმართლე ვიცით იმაზე, რაც ხდებოდა. ხალხს არ ექცეოდა  სათანადო ყურადღება  დეპუტატის მიერ. მე მინდა იმის თქმა, რომ  იქ ვერ ვიმუშავებ, აზრი არ აქვს რაიმეს გასაჩივრებას.




 ახალი ამბები
  • "რაც ვამპირის კბილები ჰქონდათ, დააძრეს, უკვე აღარ აქვს" _ ვოლსკი ოპოზიციასადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყამ, ეს მაზოხიზმია თუ სადიზმია, არ მესმის, – ამ სიტყვებით მმართველი გუნდის წევრმა, გიორგი ვოლსკიმ ოპოზიციას მიმართა. “მე ვერ გავიგე ადამიანები, რომლებიც თავის კოლეგას მანდილოსანს მიმართავენ, გაგანადგურებ, ყველაზე სუსტ ადგილში დაგარტყავ, ეს მაზოხიზმია თუ სადიზმია, არ მესმის. იმიტომ, რომ ზუსტად იცის, რომ პასუხი შეუბრუნდება. სადიზმის თემაც არ მესმის, იმიტომ, რომ ის კბილები, რაც ვამპირის კბილები ჰქონდათ, დააძრეს, უკვე აღარ აქვთ და ღმერთმა ნუ ქნას, რომ ახალი ამოუვიდეს”, – განაცხადა ვოლსკიმ. პარლამენტის თავმჯდომარის მოადგილე პლენარულ სხდომაზე რუსეთის თემასაც გამოეხმაურა. “რაც შეეხება რუსეთის თემას, იქ პარტიის ცეკას ინსტრუქტორი და აქ კარიკატურების გამოქვეყნება არ შველის იმ რეალობას, რასაც ჰქვია რუსეთის ხელშეწყობა და სერიოზულად: რუსეთის თემის ექსპლოატაცია საერთოდ მოდაშია, ადვილია სალაპარაკოდ, ცოტა ძნელია სალაპარაკოდ ვთქვათ ციფრები. არის საკითხები რაზედაც შეიძლება კამათი, შეიძლება კონსტრუქციული კამათიც, მაგრამ ეს თემა არ არის, კამათს არ ექვემდებარება. მოხდა ის, რაც მოხდა. რეალურად მოხდა ის, რომ ყველანაირი შეთავაზება, ყველანაირი სტრატეგიული გეგმა, რომელიც ჰქონდა ამერიკის შეერთებულ შტატებს და ევროკავშირს ჩვენთან ერთად შემუშავებული, დაირღვა. რეალობაა ხალხო ეს. მე განსაკუთრებით ახალგაზრდებს მივმართავ იმიტომ, რომ სწორედ თქვენი ტვინის გამორეცხვისათვის არის მიმართული ყველა განცხადება და პროპაგანდისტული ნაბიჯი იმიტომ, რომ ის ემოცია არა გაქვთ, რაც 2008-ში იყო, 11-ში იყო, ბევრმა საკითხმა ისე ჩაიარა, რომ წლებმა გარკვეული მოშუშება უზრუნველყო ადამიანის გულებში და მახსოვრობაში, მაგრამ არის ათასობით ადამიანი, ვისაც ეს კარგად ახსოვს. მე ახალ პოლიტიკურ თემაზე მაქვს ყურადღება გამახვილებული. რაც შეეხება იმ უმტკივნეულო რეზოლუციას, ჯერ ეს ერთი უმტკივნეულო რეზოლუციები რატომ შემოგაქვთ, თუ არაფერს არ ნიშნავს და ნაჭუჭია კვერცხის, მაშინ ნუ შემოგაქვთ, ეს ერთი, მაგრამ არ არის უმტკივნეულო – ეს არის გათვლილი, საკმაოდ მზაკვრული გეგმა რომ ადრე თუ ხელი შეუწყვეს სამხედრო ინტერვენციას, ეხლა ეკონომიკური ინტერვენცია გაძლიერდეს და გამაგრდეს. წინა ხაზზე გაგიყვანონ მაშინ, როდესაც ხელში იარაღი არ გიკავია და იცი ზუსტად, რომ მტერი გაცილებით უფრო ეფექტური იარაღით დაგარტყამს. ეს იყო მიზანი, მთავარი მიზანი. რაც შეეხება საკითხებს, რომელიც ეხება განათლებას, სპორტს, ამ თემებთან დაკავშირებით ვიკამათოთ კი ბატონო, სახელმწიფოს დამსახურებაა თუ არა, რომ ბიუჯეტი იზრდება, ვთქვათ სპორტში. სახელმწიფოს დამსახურება თურმე არ ყოფილა ის, რომ, არ ყოფილა კი არა, თურმე მავნებლობა ყოფილა ის, რომ დედაენა დაბრუნდა სკოლაში. ეს ხომ ფაქტია და ამ ფასეულობებით ვეჯიბრებით ერთმანეთს და საზოგადოებამ ამ ფასეულობების აწონვით უნდა მოგვიჩინოს ის ადგილი პოლიტიკურ ასპარეზზე, რაც კონკრეტულ პოლიტიკურ პარტიებს, რისი პრეტენზიაც აქვს. აქედან გამომდინარეობს მთავარი თემა – დაველოდოთ არჩევნებს და გავაკეთოთ ყველაფერი, განსაკუთრებით მთავრობის მხარეს მოვუწოდებ, რათა საკითხი არ დარჩეს კითხვის ნიშნის გარეშე, რათა საკითხი არ დარჩეს პასუხგაუცემელი, თუნდაც თითოეული ადამიანის, კონკრეტული ადამიანის გაჭირვების თემას ეხებოდეს”, – განაცხადა პარლამენტის თავმჯდომარის მოადგილემ, საპარლამენტო უმრავლესობის ლიდერმა გიორგი ვოლსკიმ პარლამენტის პლენარულ ... ...
  • ჯურუყვეთელ პედაგოგს დამსახურებული მასწავლებლის წოდება მიენიჭალანჩხუთის მუნიციპალიტეტის ჯურუყვეთის #1 საჯარო სკოლის ქართული ენისა და ლიტერატურის ღვაწლმოსილ  პედაგოგს, მიმოზა ბარამიძეს საქართველოს დამსახურებული მასწავლებლის  წოდება მიენიჭა.  მასწავლებელთა პროფესიული განვითარების ცენტრის სიგელი დამსახურებულ პედაგოგს საგანმანათლებლო რესურსცენტრის ხელმძღვანელმა ნინო ჩიტაძემ ახალი სასწავლო წლის პირველ დღეს ... ...
  • საგანგებო სიტუაციების მართვის სამსახური კინოლოგიური სამსახურის განახლებას იწყებსსაქართველოში სამუშაო ვიზიტით გერმანიის ტექნიკური დახმარების ფედერალური სამსახურის (THW) შემფასებელი მისია იმყოფება. საერთაშორისო შემფასებლები საგანგებო სიტუაციების მართვის სამსახურის  კინოლოგიის სამსახურის მომზადების დონეს შეამოწმებენ და ქართულ მხარეს მაშველი ძაღლების სამსახურის განვითარების გეგმის შემუშავებაში  დაეხმარებიან _ აღნიშნულია განცხადებაში, რომელსაც შინაგან საქმეთა სამინისტროს პრესსამახური ავრცელებს. უწყების ცნობით, THW-ის  წარმომადგენლები განსაკუთრებულ საგანგებო სიტუაციებზე რეაგირების მთავარი სამმართველოს სწრაფი რეაგირების ბაზაზე იმყოფებოდნენ, სადაც ნანგრევებში მოყოლილი ადამიანების ძიება-გადარჩენის კინოლოგიური ოპერაციების იმიტაცია მოეწყო. გერმანიის ტექნიკური დახმარების ფედერალური სამსახური INSARAG -ის კვალიფიკაციის მიღების პროცესში ქართული მხარის მენტორი ქვეყანაა და შინაგან საქმეთა სამინისტროს საგანგებო სიტუაციების მართვის სამსახურს რამდენიმე მიმართულებით ეხმარება. საძიებო-სამაშველო ოპერაციებისთვის გაწვრთნილი ძაღლები მნიშვნელოვნად შეუწყობენ ხელს სამსახურის ეფექტურობას  საძიებო სამუშაოების  დროს. შინაგან საქმეთა სამინისტროს საგანგებო სიტუაციების მართვის სამსახური ძაღლების გადამზადებას განსაკუთრებულ ყურადღებას დაუთმობს. უახლოეს მომავალში დაგეგმილია კინოლოგიური სამსახურის გაძლიერება ახალი ცხოველებით. მოეწყობა და განახლდება ვოლიერები, გაუმჯობესდება მათი საცხოვრებელი და საწვრთნელი პირობები. გერმანულ მხარესთან კინოლოგიური სამსახურის  განვითარების კუთხით თანამშრომლობა მომავალშიც ... ...
  • ოზურგეთში საპენსიო ჯილდოზე 174 პედაგოგი გავიდა“174 პედაგოგი გავიდა საპენსიო ჯილდოზე და 105 ახალი პედაგოგი მივიღეთ საჯარო სკოლაში“, _ ამის შესახებ ინფორმაცია “გურია ნიუსს“ ოზურგეთის საგანმანათლებლო რესურსცენტრის უფროსმა ლელა იმედაშვილმა მიაწოდა. 2019 წლის მაისში ცნობილი გახდა, რომ განათლების მინისტრის მიხეილ ბატიაშვილის გადაწყვეტილებით, განათლების რეფორმის შემდეგ ეტაპზე, საპენსიო ასაკის ღვაწლმოსილ პედაგოგებს, რომელთაც არ ექნებათ მინიმალური კომპეტენციის დადასტურებისა და სტატუსის ამაღლების სურვილი, ეძლევათ პრივილეგია, ნებაყოფლობითი არჩევანის საფუძველზე, 2019 წელს სახელმწიფოსგან ერთჯერადი ფულადი ჯილდო - ორი წლის ჯამური ხელფასი მიიღონ. ამის შესახებ მინისტრმა ბრიფინგზე განაცხადა.  ამასთან, მთელი სიცოცხლის განმავლობაში შეუნარჩუნდებათ ჯანმრთელობის დაზღვევის პაკეტი  (საჯარო სკოლების მასწავლებელთა ჯანმრთელობის სადაზღვევო ვაუჩერის პირობების ... ...
  • რამდენი პირველი კლასელია ოზურგეთშიოზურგეთის მუნიციპალიტეტის 42 საჯარო სკოლაში ახალი სასწავლო წლის დაწყება საზეიმო ღონისძიებით აღინიშნა. ოზურგეთის საგანმანათლებლო რესურსცენტრის უფროსის, ლელა იმედაშვილის მიერ მოწოდებული ინფორმაციით, ოზურგეთში წელს 683 პირველ კლასელმა დაიწყო სწავლა. “გურია ნიუსი“, ასევე, დაინტერესდა, პირველ კლასში დაფიქსირდა თუ არა ერთი ან ორი მოსწავლე. ლელა იმედაშვილის თქმით, ასეთი შემთხვევა მხოლოდ გომის საჯარო სკოლაში დაფიქსირდა, სადაც ორი ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...