ლელო შუხუთში

მთავარი თემა

ლელო შუხუთში

2011 აპრ 26 23:30:45
ოღონდ პირველად მოხდა, რომ ხელისუფლებამ თამაშობა ზეიმად აქცია _ გურიაში ხომ ყველაზე გავლენიან მინისტრებსა და ბოლო წუთებამდე თვით "პირველსაც" ელოდნენ. "მინდა სხვა მინისტრებიც ჩამოვიყვანო აქ ლელოს სანახავად, რათა უკეთ გაიგონ, რას ნიშნავს ეს სანახაობა თქვენთვის და არა მარტო თქვენთვის. ვფიქრობ, აქ ყველაზე კარგი ვარიანტი ლელოს მუზეუმის გახსნაა. ამ ტრადიციული სანახაობით თქვენს სოფელს ისეთი პოტენციალი აქვს, აუცილებლად უნდა გამოიყენოთ. ეს იქნება შემოსავლის წყარო, ტურიზმის განვითარების პირობა," _ კიდევ ერთხელ გაგახსენებთ გოგა ხაჩიძის მიერ შუხუთელებისადმი დანაპირებს.

შემოსავლებისა რა გითხრათ, მაგრამ სხვა მხრივ მინისტრმა სიტყვა შეასრულა _ შუხუთს შს და იუსტიციის მინისტრები, ვანო მერაბიშვილი და ზურაბ ადეიშვილი ესტუმრნენ. აქვე იყო სპორტის მინისტრი ლადო ვარძელაშვილი, რომელსაც კოლეგები ეხუმრებოდნენ: _ იცი, შენზე რას ამბობენ, ეგ ხო ისაა, იმერეთის გუბერნატორიო(?!). გურულ ზეიმს ინფრასტრუქტურის მინისტრი რამაზ ნიკოლაიშვილი რომ არ დააკლდებოდა, ყველამ იცოდა. მისი და ხაჩიძის (როგორც ორგანიზატორების, პლუს "შემსრულებლების" _ ადგილობრივი ხელისუფლების) სასახელოდ უნდა ითქვას, რომ ზეიმი ნამდვილად შედგა და "დიდ სტუმრებთან" თავი და გურია არ შეურცხვენიათ. შუხუთელებს მუზეუმის გაკეთებას დაჰპირდნენ და საკრებულოს ეზოში ლელოს ქანდაკებაც დაიდგა. სპეციალურად შუხუთური ლელოსთვის მაისურები შეიკერა, თუმცა, თათა ვარდანაშვილის ნახელავს აქა-იქ თუ დაუნახავდით ლელობურთელებს.

ლელომდე ცხენოსნების საჩვენებელი სანახაობა და ანსამბლ "მგზავრების" კონცერტი გაიმართა. სპორტის მინისტრი ლადო ვარძელაშვილიც, ხაჩიძესთან ერთად, ისიც სრულად იყო საქმის კურსში და სხვა მაღალჩინოსნებს ლელოს დეტალებს უხსნიდა. ლელოს "გორგალოსანში" რამდენჯერმე აღმოჩნდა გოგა ხაჩიძე, თუმცა, იგი უმეტესად ლელოს ახლოდან ცქერით იყო დაკავებული, რასაც ვერ ვიტყვით "მგზავრების" სოლისტ გიგი დედალამაზაშვილზე _ იგი უფრო აქტიურად ჩაერთო თამაშში.

რაც შეეხება უშუალოდ თამაშს, უპირატესობას თავიდანვე ზემოურები დაეუფლნენ და შანსი ხელიდან არ გაუშვიათ. ასეთ სიტუაციაში ვითარების რადიკალურად შეცვლა გასული საუკუნის 70-იან წლებში ხდებოდა მხოლოდ, როცა ლელოს დიდი მოტრფიალე ევგრაფი შევარდნაძე "ატეკის" დირექტორის რანგში მძღოლებს 20-20 ძლიერი მამაკაცის გამოყვანას ავალებდა.

ამჯერად კი, როგორც ვთქვით, ზემოურებმა გაიმარჯვეს _ მათვე გადაეცათ მოქანდაკე ლევან ვარდოსანიძის მიერ დამზადებული ლელობურთელის ქანდაკება.

როგორც გვითხრეს, შუხუთელებს რიგი საორგანიზაციო საქმეებისთვის თანხა თვით ვანო მერაბიშვილმა გამოუყო. ვერ გეტყვით, შეესაბამება თუ არა ეს ინფორმაცია სიმართლეს, მაგრამ შს მინისტრი და ადეიშვილი მთავარი სტუმრები რომ იყვნენ, ფაქტია.

ჩვენ ამ "დიდი სტუმრობის" ისეთ დეტალებს გავახმაურებთ, რომლის გაჟღერებასაც ცენტრალური არხებით არც არავინ მოელოდა: როცა ყველას ეგონა, გავლენიანი მინისტრები მათთვის განკუთვნილ ადგილთან მანქანით მოვიდოდნენ, მოულოდნელად ფეხით მომავლები შევნიშნეთ. როგორც მოგვიანებით გავარკვიეთ, მერაბიშვილ-ადეიშვილს ნიკოლაიშვილი-ვარძელაშვილი და გურული მაღალჩინოსნები დახვედრიან. სტუმარ-მასპინძლებს ურეკში რესტორან "მონტე-კარლოში" უსადილიათ _ მართალია, სუფრა ისეთი ყოფილა, მინისტრებს რომ შეეფერებოდა, თუმცა, ბევრი არაფერი უჭამიათ; შს მინისტრს კი ერთი ჭიქა ღვინოც არ დაულევია _ საჭესთან ვარო, მოუმიზეზებია. რა თქმა უნდა, ვერავინ იფიქრებდა, მერაბიშვილი ლანჩხუთს მძღოლის გარეშე თუ ეწვეოდა. არადა, თავადაც გავხდით ამ ფაქტის მომსწრე _ საჭესთან მერაბიშვილი, გვერდით კი _ ადეიშვილი. სუფრაზე, მინისტრების გარდა, გურიის გუბერნატორი ვალერი ჩიტაიშვილი და აქაური მაჟორიტარი დეპუტატები ყოფილან. საკრებულოს თავმჯდომარეებისა და გამგებლებისთვის კი, როგორც გავიგეთ, ადგილი გათვალისწინებულიც არ ყოფილა.

როგორც კი მინისტრებმა "ლოჟაში" ადგილები დაიკავეს, ვანო მერაბიშვილი ბავშვებმა ავტოგრაფებისთვის შეაწუხეს, რასაც აუღელვებლად არიგებდა. მოგვიანებით, იგივეს გაკეთება ვარძელაშვილსაც მოუხდა. სტუმრები, რა თქმა უნდა, ლელოს წესებითაც დაინტერესდნენ _ მათ ამის შესახებ ახსნა-განმარტებებს ჩიტაიშვილი, ლანჩხუთის მაჟორიტარი დეპუტატი გია გოგუაძე და ვარძელაშვილი აძლევდნენ. როგორ მერაბიშვილს, ისე ადეიშვილს აშკარად ეტყობოდათ, რომ სანახაობით კმაყოფილები დარჩნენ. მართალია, მინისტრები, ფაქტობრივად, დაცვის გარეშე იყვნენ, მათთან მიახლოება იმ უბრალო მიზეზით გაგვიჭირდა, რომ ადგილობრივი ხელისუფლების წარმომადგენლებს გვარიანი "ალყა" ჰქონდათ შემორტყმული (ვერ გეტყვით, რა საჭირო იყო რიგითი სამსახურების წარმომადგენლების "ლოჟაში" გამოჩენა, თუმცა, ვარაუდის გამოთქმა შესაძლებელია _ ხელისუფლებამ ხალხს დაანახა, რომ "ერთი გუნდია" და ცენტრალური და ადგილობრივი ხელისუფლებაც "ერთად თამაშობს"). ამის მიუხედავად, ჩვენ თვითმხილველთა საუბრიდან გავიგეთ რამდენიმე დეტალი, მათ შორის ის, თუ რატომ აცინებდა მთელი საათის მანძილზე მერაბიშვილი გარშემომყოფებს: როგორც გავიგეთ, შს მინისტრი ენაკვიმატობდა, თუმცა, ვერ შევიტყვეთ, მართლაც გააკვირვა ამ მხრივ გამორჩეული გურულები ვანომ, რომელიც მართლაც არ არის იუმორთან მწყრალად, თუ ადგილობრივი ჩინოსნები "საუფროსოდ" იცინოდნენ. რამდენიმეჯერ მერაბიშვილმა ადეიშვილიც გააცინა. მხიარულება, თურმე, შს მინისტრის ასეთ ხუმრობას მოჰყვა: _ წესით, აქ პრაქტიკა უნდა მიგვეღო. ზურა, ხომ იცი, წინ როგორი დემონსტრაციები გველისო!

როგორც გავიგეთ, მინისტრს თანაგუნდელებსა და ოპოზიციაზეც უხუმრია. ყველაზე დიდი "ხუმრობა" კი ნამდვილად კოკო გამსახურდიამ შემოგვთავაზა _ ოპოზიციონერი სამთავრობო ტრიბუნასთან მივიდა, აღდგომის დღესასწაული მიულოცა ხალხს და კარგა ხანს ქვეყნის მაღალჩინოსნებთან ერთად მიადევნა თვალი ლელოს. მართალია, მან ჟურნალისტებს უთხრა, რომ უბრალოდ, როგორც ქართველი, მივიდა ხელისუფლებასთან, თუმცა ოპოზიციონერი მერაბიშვილ-ადეიშვილის გაცილების დროსაც შევნიშნეთ "გამცილებელთა" როლში. კოკომ მანამდე თანამოაზრებთან "განიხილა" "ინტრიგანი ჟურნალისტებისთვის" გაცემული პასუხი და კმაყოფილებით აღნიშნა, ნამდვილად მეგრული პასუხი იყოო, მისმა მასპინძლებმა კი დაუმატეს, უფრო მეგრულ-გურული პასუხი გამოვიდაო.

თითქმის 2 საათის მანძილზე იყვნენ სტუმრები შუხუთში. როცა ზემოურებმა ბურთი თავისკენ წაიღეს, მაღალჩინოსნებიც წამოიშალნენ, ფეხით გაუყვნენ მაგისტრალს და ასე ადევნებდნენ თვალყურს სანახაობას. შემდეგ კიდევ რამდენიმე წუთით შეჩერდნენ. ჩვენ დავაფიქსირეთ, რომ მერაბიშვილი და ვარძელაშვილი ბევრს ეწეოდნენ, სიგარეტის ნამწვავებს კი, იქვე, მაგისტრალზე ყრიდნენ, თუმცა, პატრულის სიმრავლის მიუხედავად, მინისტრებისთვის 50-ლარიანი ჯარიმების "გამოწერა" თავში არავის მოსვლია.

ის იყო, სტუმრები წასვლას აპირებდნენ, რომ დაცვის სამსახურის თანამშრომელსა და ერთი ქალბატონის ასეთი საუბარი მოვისმინეთ:

_ მიმიშვით, რა, მერაბიშვილთან. ძალიან გთხოვთ.

_ არ შეიძლება, ბებო, _ კორექტული იყო ახალგაზრდა.

_ გეხვეწები, შვილო, ერთი წუთი მეყოფა.

_ რა გინდა, წერილი ხომ არ უნდა გადასცე?

_ არა... უთხარი და არ მგონია, უარი გითხრას. ძალიან მიყვარს.

_ კარგი ადამიანი ხართ, გაიხარეთ. არ შეიძლება, თორემ...

_ ერთს ვაკოცებ, მეტი არაფერი მინდა, _ იხვეწებოდა ქალბატონი.

ამასობაში, სამთავრობო კოლონა მოვიდა. სტუმრები მასპინძლებს დაემშვიდობნენ, მერაბიშვილი საჭესთან დაჯდა, გვერდით ადეიშვილი დაისვა და დაცვის მანქანასა და "სირენიან" გზისმწმენდსაც არ დაელოდა, შუხუთი ისე დატოვა.

დასასრულ, ერთიც: რაც ლელოს თამაში დაიწყო, ჩვენს თვალს არ გამოპარვია, რომ სტუმარი მაღალჩინოსნები იქვე მდებარე წმიდა გიორგის სახელობის ტაძარში არ შესულან. რა თქმა უნდა, ვერ დავიჩემებთ, რომ ლელოს დაწყებამდე, ანუ შუხუთში მოსვლამდე მათ სანთელი სხვა ტაძარში არ დაუნთიათ. მიზეზი, რომ ლელობურთელებს მიმდებარე ტერიტორია დაკავებული ჰქონდათ, არ გამოდგება _ მინისტრებს "მოესურვებინათ" და "ხალხის გადაწევას" რა უნდოდა?! თუმცა ერთიცაა _ როგორც გავარკვიეთ, ვანო მერაბიშვილი და გოგა ხაჩიძე შუხუთის წმიდა გიორგის სახელობის ეკლესიას, რომელიც ტრადიციული სახალხო თამაშობის _ ლელობურთის მთავარი ორგანიზატორია, ღონისძიებისთვის საჭირო სუფრის მოწყობისთვის ფინანსურად დაეხმარნენ.




 ახალი ამბები
  • "დედა ჩემს შიშველ გადაღებებს ესწრებოდა!" _ ექსკლუზიური ინტერვიუ სექსუალურ ტრეფიკინგში ჩართულ არასრულწლოვნათანდედა მაფრთხილებდა, რომ იმის შესახებ, თუ როგორ მიღებდნენ, არავისთვის მეთქვა, _ ამბობს გოგონა, რომელსაც, ბებიის თქმით, დედის ძალიან ... ...
  • „შემოქმედობა“ _ ორმოციოდე შემოქმედელით და ოთხჯერ მეტი სტუმრით20 სექტემბერს, სოფელ შემოქმედში „შემოქმედობის“ ტრადიციული დღესასწაულის აღნიშვნა ოზურგეთს მუნიციპალიტეტის მერიამ დაგეგმა. ტრადიციული დღესასწაული, როგორც აქ, ისე სხვა სოფლებშიც იმართება და არასდროს აკლია ხალმრავლობა, ხალისი და საინტერესო წიაღსვლები. თუმცა, ამჯერად, როგორც ეს ყველამ იხილა, უჩვეულოდ მცირერიცხოვნობით გამორჩეული „შემოქმედობა“, ძირითადად, მოსული სტუმრების ხარჯზე წარიმართა _ ძალისხმევა დაგვჭირდა, რომ ორმოციოდე შემოქმედელი დაგვეთვალა, რასაც, დაახლოებით, ოთხჯერ სჭარბობდა სტუმარი (ძირითადად, შემოქმედებითი ანსამბლების წევრები, ხელისუფლების წარმომადგენლები და კონცერტში მონაწილე ბავშვთა მშობლები). ღონისძიების დასაწყისში სპორტული აქტივობები შედგა:  გაიმართა შეჯიბრი ნარდში, მკლავჭიდსა და მაგიდის ჩოგბურთში, რომლის  მონაწილეები მუნიციპალიტეტის მერიის თანამშრომლებიც  იყვნენ. აღსანისნავია, რომ უხლოეს პერიოდში გამართულ ღონისძიებებზე ისინი ნარდის თამაშში აქტივობით გამოირჩევიან. „ერთი, მენახა ვინმე, ჭადრაკი ეთამაშა, რა მაგრად ყვარებიათ გურულებსაც ეს კამათლების კოტრიალი და ყირამალა. რა შავდება მაგით, მარა არც არაფერი კეთდება. როგორც ჩვენ ვერაფერი გავაკეთეთ დღეს. დავიძარით ქუთაისიდან, ისეთი რეკლამა იყო ფეისბუკზე, გვეგონა, ცოტას  ვივაჭრებდით, მაგრამ ორი ჭიქა ბატიბუტი ვერ გავყიდეთ, _ ასე გაღარიბდა აქ ხალხი? იქითაც კია გაჭირვება, მარა... რა ვიცი, ასე ხელცარიელი არსად დავრჩენილვართ ამ ბოლო დროს,  _  ღიმილიანი სახით გვითხრა გვითხრა ქუთაისიდან ჩამოსულმა ინდმეწარმე გიორგი ლაცაბიძემ. „რა გინდა? შემოქმედლებს ითვლი? მიდი იქ და ნახე, „პოლონელი შემოქმედელები“ ცეკვავენ, _ ხუმრობა მოგვადევნა რამდენიმე შემოქმედელმა და მიგვითითა სკვერში  მოწყობილი სცენისკენ, სადაც მართლაც სადღესააწაულოდ ცეკვავდა პოლონელი ახალგაზრდების ხალხური ცეკვის ანსამლი, თუმცა, ვერავინ გვითხრა, კონკრეტულად რომელი ქალაქიდან იყვნენ ისინი. „რაა ეს, ახლაც არჩევნები ხომ არაა, ძალით მოყვანა რომ არ უნდათ, კი გააფრთხილეს ხალხი, მაგრამ სამ საათზე იყო დანიშნული და ალბათ, აწი მოვლენ. ისე, შარაშენიძის ამომრჩეველი მაინც მოსულიყო,  _  მცირე  პოლიტიკაც გაურია მცირერიცხოვანი მაყურებლის ყოფნას ღონსძიებაზე რამდენიმე ადგილობრივმა მცხოვრებმა. შემოქმედელებმა _ მედიკო ხვინგიმ და თამუნა აშუბამ, გვითხრეს, რომ დღეს აქ მათი შვილები ცეკვით გამოდიან და იმის სანახავად მოვიდნენ. _ ხალხი? რა ვიცი, რატომ არის ასე ცოტა, ალბათ, ვერ მოიცალეს. ისე, სოფელში კი იცოდნენ და ყველას გააგბინეს,  _ გვითხრეს მათ. „უი, უი, უი, რამ წამომიყვანა, ჩემი  სათამაშო „კეკელობანი“ მაქვს,  წამოვიღე. პატარა სათამაშო ბიზნესია, ერთი ლარი არ ამიღია. არავინ მოსულა. ასე ცოტა ხალხი არც ერთ ღონისძიებაზე არ მხვდება. ინტერნეტში ვეცნობი ასეთ ამბებს და მერე ჩავდივარ ყველგან. ისეთი რეკლამა იყო, ავიბარგე ამ დიაბეტიანმა პენსიონერმა  კაცმა და  წამოვედი. პენსია არ მყოფნის, ვიფიქრე, ორიოდე ლარს ვიშოვი,-მეთქი და დავითარსე.  „პოლიაკები“  კი ჩამოუყვანიათ საცეკვაოდ, მარა გამომცეკვებელია ცოტა... ღმერთმა მისცეთ საქმე საცეკვაოდ, მარა მე მაგი საქმე არ მეხერხება და რაც მეხერხება, ტყუილა ჩამოვათრიე“, _ ბათუმელმა ავთო მეგრელაძემაც ხუმრობა ამჯობინა „შემოქმედობის“ შეფასებისას და იმედი გამოთქვა, მომავალ წელს  ბევრად მეტი ხალხი დახვდება, გურულები ასე ცოტა სანადიროდაც არ დადიან და დღეს რა დაემართათო, _ გვითხრა მეგრელაძემ. მცირერიცხოვანი მაყურებლის წინაშე მოეწყო ადგილობრივი შემოქმედებითი ჯგუფების: ,,გურიას,’’ "აისის," "იადონის," "ვახტანგურის," "ალილუიას," სტუდენტური-ფოლკლორული ჯგუფი ,,იედლინოკის’’ (პოლონეთი)  კონცერტი.  სოლო შემსრულებლის,  რეზიკო ხომერიკის გამოსვლისას მიკროფონი გამოირთო და ჩართვის მომლოდინე მომღერალს  მაყურებლმა თანაგრძნობის ნიშნად ტაში დაუკრა. ღონისძიების დასასრულს, შემოქმედელებს, რომელთა რაოდენობას სულ ცოტა ოთხჯერ სჭარბობდნენ სტუმრები, მიესალმა გურიის გუბერნატორი ზურაბ ნასარაია და თქვა, რომ კულმინაცია ღონისძიებისა  არის დაჯილდოება _  „საპატიო შემოქმედელის“ წოდების მინიჭება.    „საპატიო შემოქმედელის“ წოდება მიანიჭეს „გზამენი 18“-ის დირექტორს, შემოქმედის მკვიდრს,  თემურ ჯახვას და  ამჟამად პენსიონერ ოთარ გეგიაძეს. მათ ჯილდოები ზურაბ ნასარაიამ და კოტე შარაშენიძემ გადასცეს. ოზურგეთის მუნიციპალიეტის მერმა კოტე შარაშენიძემ თავისი გამოსვლის დასაწყისშივე მიანიშნა მოსული ხალხის მცირერიცხოვნობაზე, რითაც, როგორც ეტყობა, თავადაც არ დარჩა კმაყოფილი: _ მთლიანობაში ვერ ვხედავ სოფლის აქტივობას, მაგრამ კარგია, რომ მოვიდნენ ახალგაზრდები, მომავალშიც მრავალჯერ აღვნიშნავთ „შემოქმედობას“, რომელიც უკვე ტრადიციად არის ქცეული, ასევე, მომავალშიც კვლავ დავაჯილდოებთ საპატიო შემოქმედელებს, _ თქვა მან. თემურ ჯახვამ მადლობა გადაუხადა ყველას, ვინც სოფლისთვის მისი ღვაწლი შეაფასა და იმ პროექტების შესახებ ისაუბრა, რომელიც უახლოეს დროში უნდა გახორციელდეს შემოქმედში. _ 50 წელია,  საგზაო სისტემაში ვმუშაობ. ბევრი სიკეთე გამიკეთებია ჩემი სოფლისთვის, თუმცა, უფრო მეტი უნდა გამეკეთებინა. დიდ მადლობას ვუხდი ყველას დაფასებისთვის. ახლა გეტყვით, რომ დაპროექტებულია და მალე დაიწყება შემოქმედთან მოსასვლელი გზის კეთება, რომელსაც მარჯვენა მხარეს ექნება ტროტუარი, კედელი და რა თქმა უნდა, გაკეთდება გარე განათება. ასევე, კეთდება გომისმთის გზის პროექტი და მომავალ წელს უკვე მშენებლობა დაიწყება, რის დასრულების შემდეგ უკვე ნახევარ საათში იქნება შესაძლებელი გომისმთაზე ასვლა. გზის მთელ მონაკვეთზე გაკეთდება სამი გადასახედი მოედანი. ასევე, აშენდება ეკლესია, რომლის საძირკველიც გომისმთაზე ჩაყრილია, _ თქვა თემურ ჯახვამ, რასაც გულწრფელი ოვაცია და ტაში ... ...
  • ოზურგეთში იურიდიული მომსახურების ცენტრი გაიხსნა19 სექტემბერს, ოზურგეთში იურიდიული დახმარების ცენტრი გაიხსნა. ლენტი საზეიმოდ გაჭრეს ოზურგეთის მუნიციპალიტტის მერმა კოტე შარაშენიძემ და იურიდიული დახმარების სამსახურის დირექტორმა რაჟდენ კუპრაშვილმა.   რაჟდენ კუპრაშვილმა  დამსწრე საზოგადოებას სიტყვით მიმართა და წარუდგინა ოზურგეთის ბიუროს უფროსის მოვალეობის შემსრულებელი იამზე მემარნიშვილი. კუპრაშვილმა განმარტა, რომ ამიერიდან გურიის მცხოვრებლები აქ  უფასო იურიდიულ მომსახურებას  მიიღებენ. _ მინდა გითხრათ, რომ ნებისმიერი თქვენგანისთვის ხელმისაწვდომი გახდება უფასო სამართლებრივი დახმარების სერვისი და ბიუროს სპეციალისტები დახმარებას და იურიდიულ კონსულტაციას გაგიწევენ ნებისმიერ სამართლებრივ საკითხზე, საადვოკატო მომსახურებაში. ყველა სპეცილისტი, ვინც მოგემსახურებათ, აუცილებლად იქნება მაღალკვალიფიციური, _ თქვა მან. ღონისძიებას ესწრებოდნენ აღმასრულებელი, საკანონმდებლო, სასამართლო ხელისუფლების, საერთაშორისო ორგანიზაციებისა და ადვოკატთა ასოციაციის წარმომადგენლები. გახსნის ცერემონიის შემდეგ, სახელმწიფო ქორეოგრაფილუმა ანსამბლმა „გურიამ“,  სახელმწიფო ფოლკლორულმა ანსამბლებმა _ „შვიდკაცამ“ და „ რეხეულმა“ თავიანთი შემოქმედებით მიულოცეს  ყველას  ეს მნიშვნელოვანი დღე. ცნობისთვის, საქართველოში დღეისთვის ათი საკონსულტაციო ცენტრი და ცამეტი იურიდიული დახმარების ბიურო ... ...
  • ლისაბონში ვებპროგრამირების სამიტზე ორი ოზურგეთელი მიემგზავრება“გურია ნიუსის“ ინფორმაციით, ყოველწლიურ ვებპროგრამირების სამიტზე, რომელიც ყოველწლიურად ლისაბონში ტარდება, წელს ოზურგეთიდან ორი ქალი თამო ონიანი და იაკო თავდიშვილი მიეგზავრება. წელს, აპრილსა და მაისში სოციალური მედიისა და ვებპროგრამირების ტრენინგი ჩატარდა, რომელიც გაეროს ქალთა ფონდის ეგიდით მიერ ჩატარდა და ემსახურებოდა ქალთა ეკონომიკურ გაძლიერებას საქართველოში. პროექტი ჩატარდა დასავლეთ საქართველოში 5 რეგიონში, მათ შორის გურიაში, კონკრეტულად ოზურგეთში და ლანჩხუთში. კონკურსში მონაწილეობდა 11 ადამიანი, აქედან ოთხი იყო ოზურგეთელი _ იაკო თავდიშვილი, თამო ონიანი, სოფო კალანდაძე, მერი ეძიეშვილი. საბოლოო ჯამში, გამოვლინდა ოთხი გამარჯვებული, რომელიც ლისაბონში მიემგზარება ყოველწლიურ ტექნოლოგიების ვებსამიტზე. თამო ონიანი და იაკო თავდიშვილი პირველად არიან მსგავსი ტიპის შეხვედრაზე. “ეს არის ძალიან პრესტიჟული და საკმაოდ მნიშვნელოვანი სამიტი. სასიხარულოა, რომ სამიტზე პირველად გურიიდან ორი ქალი მიეგზავრება. საქართველოდან სამიტზე წლებია ესწრებიან ქალები", _ გვითხრა პროექტის ერთ-ერთმა ტრენერმა ხათუნა ... ...
  • ოზურგეთელი მონიკა ახვლედიანი უკრაინაში საერთაშორისო ფესტივალში მიიღებს მონაწილეობას28 ოქტომბერს, საქველმოქმედო ასოციციას “გურიას“ ბენეფიციარი მონიკა ახვლედიანი საერთაშორისო მუსიკალურ ფესტივალზე მიეგზავრება. მონიკას უკვე დაწყებული აქვს მზადება და ფესტივალზე სპეციალურად მომზადებულ სიმღერებს შეასრულებს. უკრაინში ჩასატარებელ კონკურსამდე ქუთაისში ჩატარდა სიმღერის, ცეკვისა და ხელოვნების საერთაშორისო ფესტივალი “ივერია ბრილიანტი“ (შესარჩევი ტური) და “გურიას“ ბენეფიციარებმა სხვადასხვა საპრიზო ადგილები დაიკავეს. პირველი ადგილი მონიკა ახვლედიანს ერგო და აქედან გამომდინარე, მიიღო მოწვევა უკრაინიდან.  “ჩემს ცხოვრებაში ძალიან ამაღელვებელი და სასიხარულოა, რომ უკრაინაში უნდა წარვადგინო ჩემი ქვეყანა, საქართველო. სხვადასხვა ქვეყნიდან ჩამოდიან შშმ პირები და დარწმუნებული ვარ, საინტერესო და კარგი ფესტივალი ჩატარდა”, _ გვითხრა მონიკა ... ...

არქივი

ზაფრანი

საკვები, რომელიც ხანგრძლივი სიცოცხლის საწინდარია

ადამიანის ჯანმრთელობა პირდაპირ კავშირშია კვებასთან....

მუდმივად დაამატეთ სოდა თქვენს ყავას

სოდას უამრავი სასარგებლო თვისება გააჩნია....

სიმართლე სანთლების შესახებ

ზოგიერთი სურნელოვანი სანთელი ორგანიზმისთვის მავნებელი...

სანამდე მივყავართ უძილობას

გარკვეული მიზეზების გამო, ხშირად გიწევთ...

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...