რეპორტაჟი ამბულატორიებიდან _ დავით სერგეენკოს "360 გრადუსიანი დიდი სისტემა"

მთავარი თემა

რეპორტაჟი ამბულატორიებიდან _ დავით სერგეენკოს "360 გრადუსიანი დიდი სისტემა"

2013 ივნ 2 11:18:33

ნინო კეჭაყმაძე: კარდიოგრამა, კონსულტაციები, აცრა, სისხლი და შაქრის ანალიზი. ეს მცირე ჩამონათვალია, რომლითაც უფასო დახმარებას ვუწევთ პაციენტებს.  პირველადი დახმარების პრეპარატებს ჩვენი ხელფასიდან ვყიდულობთ, ეს აუცილებელია, პაციენტს ისე ხომ არ გაუშვებ, ის შენგან დახმარებას ითხოვს. პენსიონერების მეთვალყურეობა, 6 წლამდე ბავშვების მთლიანი მეთვალყურეობა და მოსახლეობის კონსულტაციები უფასოა. ასევე, ბინაზე გამოძახება თუ არის, აუცილებლად უნდა მივიდეთ.

_ ანაზღაურება როგორი არის?

_ ხელზე ვიღებ 400 ლარს, ექთნები კი 280 ლარს იღებენ.

ნინო კეჭაყმაძემ  სხვა პრობლემების შესახებაც გვიამბო:

_ მე რაც მიჭირს ის არის, რომ ჩვენი ხელფასი ნამდვილად არ შეესაბამება იმ უდიდეს შრომას, რომელიც აქ არის გასაწევი. ახლა, მოგეხსენებათ, რომ ამუშავდა საყოველთაო დაზღვევა. პრობლემა ასევე ის არის, რომ ბავშვები, რომლებიც მყავს აქ აცრებზე, ცხოვრობენ ლიხაურში, მაგრამ პოლისი ყველამ დედის მისამართზე მიიღო იქ, სადაც გათხოვებამდე ცხოვრობდა ეს დედა. ამის გამო, ჩვენ ძალიან გვიჭირს მუშაობა. მაგალითად, ყველამ ვიცით, რომ სოფელში ბოლქვაძე ცხოვრობს, მაგრამ მარნეულშია რეგისტრირებული და ის საჭიროებს კონსულტაციებს, _ თქვა ჩვენთან საუბრისას ნინო კეჭაყმაძემ.

ბაბო ინწკირველი - სოფელ მაკვანეთის ამბულატორიის გამგე და ექიმია. ის ერთ ექთანთან ერთად უწევს დახმარებას სოფლის მოსახლეობას.   იმედი აქვს, რომ  პრობლემები, რომელიც ჯანდაცვის სისტემაში არის, აუცილებლად დროულად მოგვარდება.

ბაბო ინწკირველი: - ალექსანდრე კვიტაიშვილის მინისტრობის დროს მოვითქვით სული სოფლის ექიმებმა და ამბულატორიებმა. თანხაც გამოგვიყვეს, მოვაწესრიგეთ ამბულატორია, იატაკის პრობლემა იყო. მაშინ მოხდა ხელფასების მომატება და სადაზღვევო კომპანიები შემოვიდა ბაზარზე, ეს იყო, დაახლოებით, 4-5 წლის წინათ, ცოტა მოვითქვით სული. ჩვენ ახლა წინსვლას ველოდებით, ახალი მთავრობაა, პასუხისმგებლობა გაიზარდა ჩვენი, რადგან საყოველთაო დაზღვევაა. ახლა 60 წლის  ადამიანი რომ გავსინჯეთ და კონსულტაცია გავუწიეთ, 20 წელი არაფერი არ გაუკეთებია, ანალიზებს ვგულისხმობ, მარტო შვიდი მიმართვა დავწერეთ.  აქამდე არ ჰქონდათ შესაძლებლობა, ახლა ხდება ეს. მე თუ მკითხავთ, ხერხემალი ჯანდაცვისა არის პირველადი ჯანდაცვა.

_ რამდენ ადამიანს იღებთ დღეში?

_  ზამთარში 20-27 ადამიანიც მიმიღია დღეში, ახლა მინიმუმ 9-10 ადამიანი მოდის, ნაკლებია დაავადებები.

_ ხელფასით კმაყოფილი ხართ?

_ ჩვენ ფიზიკური პირები ვართ და ამის გამო, 500 ლარიდან ხელზე 400 ლარს ვიღებთ, რაც, ვფიქრობ, რომ ცუდია. 2009 წლიდან ვართ ფიზიკური პირები.  როგორც ინდმეწარმე, ისე გავდივართ. ამ ყველაფერში, ალბათ, მთავრობას ჰქონდა რაღაც გათვლა. მე როგორც ვიცი, ფასიანი უნდა გამხდარიყო მომსახურეობა იმიტომ, რომ ჩვენ გვამზადებენ მაგისთვის. ეკონომიურ საკითხებზე, საგადასახადოსთან ურთიერთობებზე ლექციები ჩაგვიტარდა, რომელიც აუცილებელი იყო და ახლა პოლიტიკა შეიცვლა და იმედი გვაქვს, რომ ამ კუთხით გამოსწორდება რამე.

_ როგორც გვითხრეს, ხელფასიდან ყიდულობთ პირველადი დახმარების პრეპარატებს?

_ დიახ, ასე არის. ყველაფერი შედის ამ ხელფასში, რაც საჭიროა და აუცილებელია. ხელშეკრულებაში მიწერია, რომ მე თუ პირველადი დახმარების პრეპარატები არ მექნება, ერთი თვის ხელფასით ვჯარიმდებით.

_ ერთჯერადი დახმარების პრეპარატები რა გიჯდებათ?

_ ჩამონათვალი რაც არის, 40 ლარი მიჯდება, მაგალითად, ერთი თვის წინ 18 ლარის მიმართვის დაბეჭდვა მოგვიხდა, ფორმა 100.  150 ლარის შეშა ვიყიდეთ და კიდევ, ბიულეტენი არ არის ფასიანი იმიტომ, რომ ფიზიკური პირები ვართ. არც შვებულებაში ვყოფილვარ, წლებია. ეს მინისტრის დონემდე წყდება, მე თუ გავედი შვებულებაში, ჩემი შემცვლელი უნდა მოვიყვანო და მე ხელფასს იმ დროს ვერ ავიღებ.

ბაბო ინწკირველის თქმით, მინისტრმა მათ განუცხადა, რომ პირველადი ჯანდაცვის პროგრამა ძალიან მალე დაიდება ინტერნეტში და ყოველდღიურად ადევნებენ თვალს.

შრომის, ჯანმრთელობისა და სოციალური დაცვის მინისტრი დავით სერგეენკო "გურია ნიუსთან" ინტერვიუს დროს სოფლის ექიმების საკითხსაც შეეხო. მინისტრის განცხადებით, სოფლის ექიმების და ექთნების გაძლიერება დაწყებულია და წიწილების დათვლა შემოდგომის მაგივრად, ზაფხულში არის დაგეგმილი.

_ ბატონო დავით, კონკრეტულად როგორ იგეგმება სოფლებში ამბულატორიების და სოფლის ექიმის გაძლიერება?

_  ერთი- ერთი სუსტი წერტილი, რაც აქვს ქართულ ჯანდაცვას, არის ეს საკითხი.  ერთი შეხედვით ჩანს, რომ აი, გადავუხადეთ მეტი ფული სოფლის ექიმებს, ავუშენეთ ამბულატორიები და ყველაფერი მოგვარდება. სამწუხაროდ, ასე არ არის. ეს აუცილებელია, მაგრამ არავითარ შემთხვევაში საკმარისი არ არის იმიტომ, რომ თვითონ სოფლის ექიმების გადამზადება და სტატუსი საკმაოდ ჩამორჩა თანამედროვე მიდგომებს. ვერ იღებენ ამ სერვისს საქართველოში როგორც საჭიროა, ამიტომ ჩვენ ეს პროგრამა დაწყებული გვაქვს და გურიაშიც მქონდა ამაზე საუბარი სოფლის ექიმებთან.  ეს მოიცავს რამდენიმე ელემენტს, დაფინანსების გაზრდას, ქსელური მართვის უზრუნველყოფას, სად რა სერვისები მიიღონ, ინფრასტრუქტურულ მხარდაჭერას და ექიმების და ექთნების კვალიფიკაციის ამაღლებას. ეს არის 360 გრადუსიანი დიდი სისტემა, რომელზეც ჩვენ დავიწყეთ მუშაობა. ვაღიარებ, რომ ეს სერიოზული პრობლემაა. ამას სჭირდება სისტემური მიდგომა და ეს სისტემური მიდგომა დაწყებული გვაქვს, შედეგებს კი მალე დავინახავთ, _ განაცხადა დავით სერგეენკომ.

სტატიები მომზადებულია ფონდის "ღია საზოგადოება _ საქართველოს" მიერ დაფინანსებული პროექტის _ "დათვალე საკუთარი ფული!", ფარგლებში და მასში გამოთქმული მოსაზრება არ გამოხატავს ფონდის პოზიციას.




 ახალი ამბები
  • დამტვრეული ინვეტარი, მიტოვებული, არგახსნილი მუზეუმი და ბალახებში ჩაფლული პარკი შემოქმედშიეს ფოტოები ოზურგეთის მუნიციპალიტეტის, სოფელ შემოქმედის ერთ-ერთ პარკსა და 2 წლის წინ აშენებულ, ჯერ არგახსნილ, ვარლამ სიმონიშვილის ეთნოგრაფიულ მუზეუმში არის გადაღებული. როგორც ფოტოებიდან ჩანს, ახალგარემონტებულ პარკში, ახალაშენებულ საპირპარეშოში საშინელი მდგომარეობა. დამტვრეული ინვეტარი. სოფელ შემოქმედში ახალი პარკი და ეთნოგრაფიული მუზეუმი 2015-2017 წლებში ... ...
  • ხელისუფლების წარმომადგენლები მოსახლეობას შეხვდნენ (R)ცენტრალური, საკანონმდებლო, სამხარეო და ადგილობრივი ხელისუფლების წარმომადგენლები, ოზურგეთის მუნიციპალიტეტის სოფლებში: ურეკის, შრომის, ნატანების, ზემო ნატანების მოსახლეობას შეხვდნენ და არსებულ საჭიროებებზე ინფორმაცია მიიღეს. ხელისუფლების წარმომადგენლებმა პრობლემების გადაჭრის გზებზე მოსახლეობასთან ერთად იმსჯელეს.შეხვედრაზე ყურადღება მუნიციპალიტეტში მიმდინარე და დაგეგმილ ინფრასტრუქტურულ პროექტებზე გამახვილდა. საუბარი შეეხო მუნიციპალურ და სახელმწიფო პროგრამებს. მოსახლეობამ მთავარ საჭიროებად წყალმომარაგებისა და შიდა გზების პრობლემების მოგვარება დაასახელა. ასევე, ჭაბურღილების, გარე განათების, ტროტუარების მოწყობა და მცირე ბიზნესის ხელშეწყობა. შეხვედრას ესწრებოდნენ პარლამენტის თავმჯდომარე არჩილ თალაკვაძე, პარლამენტის წევრები გიორგი ვოლსკი, თემურ ჭკუასელი, ირაკლი ხახუბია, გია გაჩეჩილაძე, საგარეო საქმეთა მინისტრის მოადგილე ალექსანდრე ხვთისიშვილი, გარემოს დაცვისა და სოფლის მეურნეობის სამინისტროს, სურსათის და სოფლის განვითარების დეპარტამენტის ხელმძღვანელი თენგიზ კალანდაძე, გურიის მხარის რწმუნებული ზურაბ ნასარაია, მპგ „ქართული ოცნება - დემოკრატიული საქართველოს“ ოზურგეთის საოლქო ორგანიზაციის წევრები, ოზურგეთის მუნიციპალიტეტის საკრებულოს თავმჯდომარე დავით დარჩია, ოზურგეთის მერი კონსტანტინე შარაშენიძე და ადგილობრივი ხელისუფლების სხვა წარმომადგენლები. ... ...
  • ბახმაროს დოღის საპრიზო ფონდიუკვე მეორე წელია, რაც ბახმაროში დოღი ჩოხატაურის მუნიციპალიტეტთან ერთად წყაროს წყალი „ბახმაროსა“ და „ნაბეღლავის“ მწარმოებელი კომპანიის – „წყალი მარგებლის“ ორგანიზებით გაიმართება. „ბახმაროს თასი 2019“ ღონისძიებისათვის კომპანია „წყალი მარგებელმა“ სპონსორებთან ერთად სპეციალური საპრიზო ფონდი და საჩუქრები დააწესა. წყალ მარგებელთან ერთად ღონისძიების გენერალური მხარდამჭერი „საქართველოს ბანკია“, ღონისძიების პარტნიორები არიან ასევე კომპანია გალფი, გლოვო და კროკო-ბეთი. ღონისძიების ფარგლებში შედგება 4 გარბენი: ,,ბახმაროს თასი“ – 4 800 მეტრი; „ნაბეღლავის თასი“ – 2 400 მეტრი; „გმირების თასი“ – 1200 მეტრი; „გურიის თასი“ – 1200 მეტრი; ,,ბახმაროს თასი“მარულაგარბენის მანძილი: 4 800 მეტრი; მონაწილეობის მიღება შეუძლია ნებისმიერ მსურველს.საპრიზო ფონდი: 4 800 ლარიI ადგილი 2 500 ლარი; II ადგილი 1500 ლარი; III ადგილი 800 ლარი; „ნაბეღლავის თასი“გარბენის მანძილი: 2 400 მეტრი; მონაწილეობის მიღება შეუძლიათ წმინდა სისხლის ჯიშის ცხენებს. საპრიზო ფონდი: 1800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გმირების თასი“გარბენის მანძილი: 1 200 მეტრი; მონაწილეობის მიღება შეუძლიათ შერეული სისხლის ჯიშის ცხენებს. საპრიზო ფონდი: 1 800 ლარიI ადგილი 1000 ლარი; II ადგილი 500 ლარი; III ადგილი 300 ლარი; „გურიის თასი“გარბენის მანძილი: 1 200 მეტრი; მონაწილეობის მიღება შეუძლიათ ადგილობრივი ჯიშის ცხენებს. საპრიზო ფონდი: 1 800 ლარი;I ადგილი 1000 ლარი; II ადგილი 500 ლარი; III ადგილი 300 ლარი; მონაწილეობაღონისძიებაში მონაწილეობის მისაღებად, დაინტერესებულმა პირმა უნდა გაიროს რეგისტრაცია 18 აგვისტოს 10:00 დან 18:00 საათამდე, რეგისტრაცია გაიმართება ბახმროში, დოღის სტარტის მიმდებარე ტერიტორიაზე.აუცილებელია პირადობის დამადასტურებელი მოწმობის წარდგენა. რეგისტრაციის დროს სავალდებულოა ცხონოსანი გამოცხადდეს ცხენის ... ...
  • ოზურგეთის ბაზარში ძაღლმა სოფელ მელექედურის მცხოვრები დაკბინადღეს ოზურგეთის აგრარულ ბაზარში ძაღლმა მოქალაქე დაკბინა. მელექედურელი მამაკაცი ბევრს ეცადა, ძაღლი მოეშორებინა, თუმცა, ცხოველის მოსაგერიებლად  ვერც ირგვლივ შემოკრებილი ხალხი აღმოჩნდა საკმარისი და სამაშველო სამსახრური გამოიძახეს. ბაზარში მომუშავე ქალბატონი მანანა ფერცულიანი ამბობს, რომ ახლახან ის დაკბინა მიუსაფარმა ძაღლმა და დღემდე მკურნალობას გადის. _ ამ მიუსაფარ ძაღლებს დღეში რამდენჯერ ვაჭმევ, არ ვიცი. მაინც მე დამკბინეს. რა უნდა ვქნა? ვინმემ თუ არ მოაგვარა ეს საკითხი, კარგად არ დასრულდება ამ ძაღლების პარპაში. ახლახან რომ ბავშვი დაკბინა, მთელმა ოზურგეთმა იცის, _ გვითხრა მანანა ფერცულიანმა. ოზურგეთის სერვისცენტრის უფროსმა თენგიზ ქუტიძემ „გურია ნიუსთან“ თქვა, რომ ძაღლი, რომელმაც მოქალაქე დაკბინა, იდენტიფიცირებულია და მალე გადაიყვანენ თავშესაფარში. _ ბაზარი კერძო ტერიტორიაა  და თუ იქედან ოპერატიულად მოგვმართავენ ასეთ დროს, ჩვენ რეაგიებას არ დავაყოვნებთ, _ გვითხრა მან. ვრცლად ოზურგეთში მოხეტიალე მიუსაფარი ძაღლების, მათ მიერ მიყენებული დაზიანებების და მათზე ზრუნვის შესახებ,  სტატიას უახლოეს საგაზეთო ნომერში ... ...
  • „გალტ ენდ თაგარტმა“ კვლავ წარმატებით განათავსა „საქართველოს სალიზინგო კომპანიის“ 10 მილიონი აშშ დოლარის 2-წლიანი ობლიგაციები...სს „გალტ & თაგარტმა“ კიდევ ერთხელ უზრუნველყო შპს „საქართველოს სალიზინგო კომპანიის“ 10 მილიონი აშშ დოლარის ღირებულების, 2 წლიანი ობლიგაციების წარმატებით გამოშვება. ეს „საქართველოს სალიზინგო კომპანიისთვის“ რიგით მეოთხე ემისიაა, რაც კომპანიის სტაბილურობაზე, ინვესტორების მხრიდან ნდობის მაღალ ხარისხზე და ზოგადად, კომპანიის მზარდ ტენდენციებზე მეტყველებს.  „საქართველოს სალიზინგო კომპანია“ მომხმარებელს უკვე მეოთხედ აძლევს შესაძლებლობას, დააბანდოს თავისუფალი ფულადი სახსრები კომპანიის მიერ გამოშვებულ ობლიგაციებში. ფასიანი ქაღალდის წლიური ფიქსირებული განაკვეთი შეადგენს 7,5%-ს, უახლოეს მომავალში კომპანია გეგმავს აღნიშნული ფასიანი ქაღალდების დაშვებას ადგილობრივი საფონდო ბირჟის სავაჭრო სისტემაში და შესაბამისად, მოხდება დარიცხული პროცენტის გათავისუფლება გადასახადებისაგან, რაც კიდევ უფრო მიმზიდველს გახდის აღნიშნულ ფასიან ქაღალდებს ინვესტორებისთვის. ობლიგაციების ვადა შეადგენს 2 წელს და მისი სრულად დაფარვა მოხდება 2021 წლის 9 აგვისტოს. განთავსების აგენტი, როგორც ყველა წინა შემთხვევაში, აქაც „გალტ & თაგარტია“.  „მოხარულები ვართ, რომ “საქართველოს სალიზინგო კომპანიამ“ კიდევ ერთხელ, უკვე მეოთხედ, წარმატებით განათავსა ობლიგაციები ადგილობრივ ბაზარზე. ობლიგაციებზე მოთხოვნამ ჩვენს მოლოდინს გადააჭარბა, რაც ძალიან სასიხარულოა რადგან ეს, რა თქმა უნდა, ჩვენი კომპანიის ძალიან მაღალ სანდოობაზე და „გალტ & თაგარტის“ მაღალ პროფესიონალიზმზე მეტყველებს. გვემაყება ის ფაქტიც, რომ ჩვენი და „გალტ & თაგარტის“ თანამშრომლობა უკვე წლებია ასე წარმატებულად გრძელდება“ , - განაცხადა საქართველოს სალიზინგო კომპანიის გენერალურმა დირექტორმა, ელდარ ახვლედიანმა.  „მოხარული ვარ, აღვნიშნო „გალტ & თაგარტის“ როლი „საქართველოს სალიზინგო კომპანიის“ ობლიგაციების წარმატებით განთავსებაში. კიდევ ერთი წარმატებული განთავსება მეტყველებს, როგორც „საქართველოს სალიზინგო კომპანიის“ სანდოობაზე, ისე, ზოგადად საქართველოში მსგავს ტრანზაქციებზე ინვესტორების მხრიდან ნდობის ზრდაზე, რაც ქვეყნის ეკონომიკისთვის ძალიან მნიშვნელოვანია, რადგან ეს არის კომპანიებისთვის დაფინანსების კიდევ ერთი მეტად ხელსაყრელი წყარო. მინდა მივულოცო „გალტ & თაგარტის“ მთელ გუნდს, რომელიც საკუთარი  გამოცდილებისა და პროფესიონალიზმის წყალობით, გახდა საინვესტიციო-საბანკო მომსახურების მიმწოდებელი წამყვანი კომპანია ქვეყანაში“, - განაცხადა „გალტ & თაგარტის“ მმართველმა დირექტორმა - ოთარ შარიქაძემ. ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...