"შეცდომით მოწოდებული" ოფიციალური დოკუმენტი

gurianews.com

მთავარი თემა

"შეცდომით მოწოდებული" ოფიციალური დოკუმენტი

2013 ივნ 10 13:23:00

2010-2012 წლებში, სოფლის პროგრამის განვითარების ფარგლებში, აღნიშნულ სოფლებში რამდენიმე ძვირადღირებული პროექტია გახორციელებული.

2010 წელს სოფელ ქვენობანში საექიმო უბნის სახურავის შეცვლა 8 484 ლარი დაჯდა; შიდა გზების შეკეთებაზე 12 548 ლარი დაიხარჯა; საბავშვო ბაღში სველის წერტილის მოსაწყობად კი _ 1 985 ლარი.

შიდა გზები ქვენობანში 2012 წელსაც შეაკეთეს და 6 880 ლარი დახარჯეს, თუმცა, გზებს შეკეთების არაფერი ეტყობა.

როგორც ადგილობრივებმა გვითხრეს გზების შეკეთება რამდენიმე მანქანა ხრეშის დაყრით გამოიხატა, რომელიც პირველივე გაწვიმებაზე ჩაირეცხა.

ბაღში გაკეთებული სველი წერტილი ჭერიდან ჩამოყვანილი პლასტმასის მილია, ჭერში კი წყლის ავზია დამონტაჟებული. ბაღში მისულებს გვითხრეს, რომ წყლის მოტორიც შეიძინეს, თუმცა, გაფუჭდა და ბაღის გამგემ, მანანა გოგიბერიძემ შესაკეთებლად სახლში წაიღო.

2010 წელს ბასილეთში შიდა გზების შესაკეთებლად 10 155 ლარი დაიხარჯა, ხოლო სტადიონის სამუშაოების მეორე ეტაპისთვის (როდის გაკეთდა პირველი ეტაპი და რას ითვალისწინებდა სამუშაოები, ამის დადგენა იმ მიზეზით ვერ მოხერხდა, რომ შესაბამისი დოკუმენტაცია ვერ მოვიძიეთ. ავტ) _ 1 597 ლარი.

ბასილეთში, შიდა გზები, ქვენობნის მსგავსად, მოუხრეშავთ და დღეს ეს გზა ისეთივე ავარიულია, როგორიც იყო.

რაც შეეხება სტადიონს _ სახელი პირობითია, რადგან ადგილზე მისულებს ცარიელი, წლების წინ შემოღობილი მინდორი დაგვხვდა, რომელიც, როგორც გვითხრეს, წვიმის დროს იტბორება:

_ ამ სტადიონზე, რომელიც ერთ დროს საკმაოდ დიდი იყო, ოზურგეთის "მერცხალი" დავამარცხეთ, _ იხსენებს ჩვენთან საუბრისას ტარიელ ებრალიძე.

მისივე თქმით, როდესაც სტადიონის "შეკეთება" დაიწყეს, რომელიც მიწის ერთი ადგილიდან მეორეზე გადატანით და მოედნის დაპატარავებით გამოიხატებოდა, სოფელმა წინააღმდეგობა გაწია, თუმცა, გადაწყვეტილების შეცვლა არ მოხერხდა და შესაბამისად, ბასილეთში, დღეს, სტადიონის ნაცვლად, ნასტადიონარი აქვთ.

2010 წელს, ბუკნარში, შინმოუსვლელთა სტენდი შეაკეთეს და 1 682 ლარი დახარჯეს. ამავე წელს საბავშვო ბაღში ფანჯრის გისოსის მოსაწყობად 1 571 ლარი დაიხარჯა.

ოფიციალური დოკუმენტაციის თანახმად, რომელიც მუნიციპალიტეტის გამგეობიდან გამოვითხოვეთ, 2011 წელს, სოფელ ქვენობანში 14 191 ლარი საყანე ფართობის შემოსაღობად დაიხარჯა, ბუკნარში კი _ 13 942 ლარი.

დოკუმენტის თანახმად, ბასილეთში სოფლის პროგრამის ფარგლებში მუხლუხა ტრაქტორი შეიძინეს 11 739 ლარად. თუმცა, სოფელში მოსულებმა ტრაქტორი ვერსად ვიპოვეთ. აღნიშნულის შესახებ არც სოფელში იცოდნენ რამე.

ბევრი კვლევა-ძიების შემდეგ კი გაირკვა, რომ გამგეობის ეკონომიკისა და ინფრასტურქტურის სამსახურმა ინფორმაცია "შეცდომით" მოგვაწოდა:

_ შემთხვევით ძველი დოკუმენტები მოგაწოდეთ, _ გვითხრა სამსახურის უფროსმა, გია გიორგაძემ.

_ რას ნიშნავს ძველი დოკუმენტები მოგვაწოდეთ? ეკონომიკის და ინფრასტრუქტურის სამსახურში არსებობს დოკუმენტები, რომლებიც არასწორია?

_ როგორც ვიცი, აპირებდნენ ტრაქტორის შეძენას, თუმცა, სოფლის მეურნეობის სამინისტრომ უარი თქვა და იმ თანხით სხვა რამე გაკეთდა. ძველი პროექტის დოკუმენტი მოგეცით და იმიტომ წერია ტრაქტორი. თანაც მაგ დროს მე არ ვიყავი ამ სამსახურის უფროსი.

_ იმ დროს თქვენ გამგებლის მოადგილე იყავით, ბატონო გია, და როცა გვაწვდით დოკუმენტს, რომელიც, თურმე, ძველია და რომელიც თქვენს კომპიუტერში ინახება, როგორც ახალი გახორციელებული პროექტი, ეს ბევრ კითხვას ბადებს....

_ როგორც გითხარით, ეგ ძველი დოკუმენტი იყო. რაც სოფელში გაკეთდა, იმის დოკუმენტაცია ბუღალტერიაში ინახება. შემიძლია დაზუსტებით გითხრათ, რომ აღნიშნული თანხით ტრაქტორი არ შეძენილა და ბასილეთში საბავშვო ბაღს რემონტი ჩაუტარდა, _ დაგვიზუსტა გიორგაძემ.

რაც შეეხება გარემონტებულ საბავშვო ბაღს _ რემონტი პირობითად, რადგან შენობა, რომელიც ავარიულია, გარედან მტერს უვსებს თვალებს, შიგნიდან კი _ მოყვარეს. სახელდახელოდ შეკეთებული ფასადის მიღმა ჩამონგრეული ჭერი და ავარიული იატაკი დაგხვდა. სველი წერტილი კი, რომელიც ბაღის უკან მდებარეობს და საბავშვო ბაღის აღმზრდელების და აღსაზრდელების უმთავრესი პრობლემაა, მოუწესრიგებელია.

როგორც გავარკვიეთ, გამოყოფილ თანხაში ავარიული იატაკის ნაწილი გამაგრდა და შენობის გვერდით სამზარეულო მოეწყო, რომლის კედლები უკვე დაბზარულია. ამასთან, სამზარეულოს გამოყენება შეუძლებელია, რადგან მოუხერხებელია. საბავშვო ბაღის გამგის, ინგა მჟავანაძის თქმით, მათი მოთხოვნა უშუალოდ შენობის რემონტი იყო:

_ უამრავი წერილი მაქვს გამგეობაში შეტანილი. როდესაც ამ სამზარეულოს აკეთებდნენ, ვთხოვეთ, რომ ცენტრალურ შენობაში გაეკეთებინათ, მაგრამ უარი გვითხრეს _ პროექტი გაკეთებულია და ვერ შევცვლითო. გააკეთეს, თუმცა, ვერ ვიყენებთ, რადგან ძალიან მოუხერხებელია, _ გვითხრა მჟავანაძემ.

2012 წელს ქვენობანში 9 173 ლარი კვლავ საყანე ფართობის შესაღობად დაიხარჯა. ბასილეთის სტადიონზე, რომლის შესახებაც ზევით ვისაუბრეთ, 1 049 ლარი დახარჯეს, თუმცა, კონკრეტულად რაში, უცნობია, რადგან, როგორც ვთქვით, სტადიონზე გაკეთებული არაფერია და იქ საფეხბურთო კარიც კი არ დგას.

ამავე წელს, ბასილეთში 12 770 ლარი გზის შესაკეთებლად დაიხარჯა. ამავე სამუშაოსთვის ბუკნარში 4 416 ლარი დახარჯეს, 12 775 ლარი კი _ კლუბის რეაბილიტაციისთვის.

აღსანიშნავია, რომ ეს კლუბი ერთადერთია, რომელიც აღნიშნულ სოფლებში სოფლის განვითარების პროგრამის ფარგლებში გახორციელებული პროექტებიდან ნორმალურად არის შესრულებული.

რაც შეეხება მიმდინარე წელს, ჯერჯერობით, პროგრამის ფარგლებში სამუშაოები არც ერთ სოფელში არ დაწყებულა. პროექტის თანახმად კი, ქვენობანში 10 000 ლარი კლუბის შეკეთებაზე, 3 000 ლარი _ სასაფლაოს შემოღობვაზე, ხოლო 4 654 ლარი _ შიდა გზების შეკეთებაზე დაიხარჯება; ბასილეთში 10 715 ლარს დახარჯავენ შიდა გზების შესაკეთებლად, 1 500 ლარს _ სოფლის კლუბის ღობის შესაკეთებლად და საპირფარეშოს მოსაწყობად; 1 600 ლარს _ საქუჩო განათების მოსაწყობად. ბუკნარში კლუბის სარეაბილიტაციო სამუშაოების მეორე ეტაპის სამუშაოებისთვის 12 000 ლარი დაიხარჯება, სოფლის ცენტრში გარე განათების მოსაწყობად _ 2 000 ლარი, ხოლო შიდა გზების შესაკეთებლად _ 3 377 ლარი.


ბუკნარის კლუბი


გისოსები ბუკნარის საბავშვო ბაღის ეზოში


გარემონტებული საბავშო ბაღის ჭერი ბასილეთში



სველი წერტილი ქვენობნის საბავშვო ბაღში


ბასილეთის საბავშვო ბაღის საპირფარეშო


ბასილეთის სტადიონი


ტუალეტი ქვენობნის საბავშვო ბაღში


შეკეთებული შიდა გზები

სტატიები მომზადებულია ფონდის"ღია საზოგადოება _ საქართველოს" მიერ დაფინანსებული პროექტის _ "დათვალე საკუთარი ფული!", ფარგლებში და მასში გამოთქმული მოსაზრება არ გამოხატავს ფონდის პოზიციას.


ნახვა: 74


 ახალი ამბები
  • ჩოხატაურში სალომე ზურაბიშვილთან შეხვედრა დახურულ კარს მიღმა მიმდინარეობსჩოხატაურის ხელოვნების სასახლეში :ქართული ოცნების: მხარდაჭერილი კანდიდატის სალომე ზურაბიშვილის შეხვედრა დახურულ კარს მიღმა მიმდინარეობს. ხელოვნების სასახლის თანამშრომელი კარს გასაღებით კეტავს და დარბაზში მხოლოდ იმ ადამიანებს უშვებს, რომლებზეც მითითებას შტაბის წევრები აძლევენ. კითხვა _ რატომ დაკეტეს იმ შეხვედრის კარი, სადაც სალომე ზურაბიშვილი იმყოფებდა და რატომ არ უშვებენ ადამიანებს თავისუფლად, უპასუხოდ რჩება. სავარაუდოდ, ამის მიზეზი ლანჩხუთსა და სხვა ქალაქებში განვითარებული მოვლენებია _ ზურაბიშვილს "ნაციონალური" მოძრაობის წევრები აქციებით ხვდებიან და ხშირია ფაქტები, როცა დაპირისპირება დარბაზშიც ... ...
  • სოფელ სალხინოში საპილოტო პროექტის ფარგლებში ჩატარებული სამუშაოების შემაჯამებელი შეხვედრა გაიმართა (R)მიწის სისტემური რეგისტრაციის საპილოტო პროექტის წარმომადგენლები ვანის მუნიციპალიტეტის სოფელ სალხინოს მოსახლეობას შეხვდნენ და საპილოტო არეალზე ჩატარებული სამუშაოები შეაჯამეს. მათ  პროექტით გათვალისწინებული პროცედურები განმარტეს და სტატისტიკური მონაცემები მიმოიხილეს. სოფელ სალხინოს გამგეობის შენობაში გამართულ შეხვედრაზე პროექტის წარმომადგენლებმა ადგილობრივი მოსახლეობის კითხვებსაც უპასუხეს და მათი მოსაზრებები მოისმინეს.  სალხინოს არეალზე იდენტიფიცირებულია 2900 მიწის ნაკვეთი, რომელთაგან უკვე რეგისტრირებულია 1665. 963 მიწის ნაკვეთზე განცხადება განსახილველად გადაგზავნილია ვანის მუნიციპალიტეტის თვითნებურად დაკავებულ მიწაზე აღიარების კომისიაში. დარჩენილ მიწის ნაკვეთებზე მიმდინარეობს დოკუმენტაციის მოძიება და დამატებითი ინფორმაციის შესწავლა.  აღსანიშნავია, რომ სალხინოს საპილოტო არეალზე ქალი და კაცი მესაკუთრეების რაოდენობა თითქმის იდენტურია.  კერძოდ, დარეგისტრირებული  1657 მესაკუთრის უფლებიდან,  ქალ მესაკუთრეთა რაოდენობა 852-ია, ხოლო კაც მესაკუთრეთა 986-ია.  ვანის მუნიციპალიტეტის სოფელი სალხინო ერთ-ერთია იმ 12 დასახლებიდან, რომლებშიც მსოფლიო ბანკის ფინანსური მხარდაჭერით, მიწის სისტემური რეგისტრაციის საპილოტო პროექტი მიმდინარეობს.   მიწის სისტემური რეგისტრაციის საპილოტო პროექტი  მიწის რეგისტრაციის რეფორმის ნაწილს წარმოადგენს და წინასწარ შერჩეულ გეოგრაფიულ არეალებზე სისტემურად და პროაქტიულად მოპოვებული და დამუშავებული მონაცემების საფუძველზე,  მიწის ნაკვეთების რეგისტრაციას ითვალისწინებს. პროექტის ფარგლებში, საპილოტო არეალებზე სრულად აიზომება და დარეგისტრირდება კერძო, სახელმწიფო და მუნიციპალურ საკუთრებაში არსებულ მიწის ნაკვეთები; შეიქმნება მონაცემთა ერთიანი ბაზა;  მესაკუთრები, რომლებიც მიწის ნაკვეთებს სათანადო საბუთების არქონის, დოკუმენტებში არსებული ხარვეზების, სამეზობლო დავების, საკადასტრო აზომვითი ნახაზისთვის საჭირო საფასურის  თუ  სხვა მიზეზების გამო ვერ ირეგისტრირებდნენ,  ნაკვეთების რეგისტრაციას უფასოდ, მარტივად და ყოველგვარი დაბრკოლების გარეშე შეძლებენ; ადმინისტრაციული წარმოების პროცესში ყველა დაინტერესებული მხარე ჩაერთვება. (R)   ... ...
  • "არც ერთი ხმა მოღალატეს" _ "ნაციონალებმა" სალომე ზურაბიშვილო სასტვენებით გააცილესხმაურით დასრულდა "ქართული ოცნების" მხარდაჭერილ კანდიდატთან სალომე ზურაბიშვილთან შეხვედრა ლანჩხუთში. გარეთ გამოსულ დეპუტატს "ნაციონალური მოძრაობის" წევრები სასტვენებით და პლაკატებით დახვდნენ. _ არცერთი ხმა მოღალატეს, აფხაზეთი განგრენა არ არის, _ ეწერა პლაკატებზე. აღსანიშნავია, რომ ზურაბიშვილის საწინააღმდეგო აქციაში "ნაციონალური მოძრაობის" ჩოხატაურის ორგანიზაციის წევრებიც მონაწილეობდნენ. აქციასთან დაკავშორებით კომენტარი გააკეთა სალომე ზურაბიშვილმაც. _ ეს არის კომუნიზმი დროიდნელი გადმონაშთი, _ აღნიშნა ... ...
  • სალომე ზურაბიშვილს ლანჩხუთში აქციით ხვდებიანხმაურია ამ წუთებში ლანჩხუთის კულტურის სახლთან, სადაც "ქართული ოცნების" მხარდაჭერილი კანდიდატი სალომე ზურაბიშვილი შეხვედრას მართავს. კულტურის სახლის წინ "ნაციონალური მოძრაობის" აქტივისტები არიან შეკრებილნი: _ ზურაბიშვილი ქვეყნის მოღალატეა,_ აღნიშნავენ აქციის მონაწილეები და დარბაზში შესვლას ითხოვენ, რის საშუალებასაც მათ პოლიცია არ აძლევს. მას შემდეგ, რაც პრეზიდენტობის კანდიდატი შენობაში შევიდა, კარები ჩაიკეტა და შიგ შესვლის საშუალება აღარავის ... ...
  • „ხელისუფლება პირდაპირ დაბოლებაზე გადავიდა“ _ გია ხუხაშვილიპარლამენტი მარიხუანის კულტივაციის შესახებ კანონპროექტის გაწვევას, ჯერჯერობით, არ ჩქარობს.  როგორც ირაკლი კობახიძე აცხადებს,  საზოგადოებამ კანონპროექტის შინაარსი კარგად ვერ გაიგო, ამიტომ პარლამენტის თავმჯდომარე კანონპროექტის ეფექტიანობაში საზოგადოების დარწმუნებას თავად აპირებს. _ დიდი საპროტესტო ტალღის შემდეგ, როგორ აპირებს ხელისუფლება საზოგადოების გადარწმუნებას? _ სადავო კანონპროექტზე  ,,გურია ნიუსთან“ პოლიტიკის ექსპერტი გია ხუხაშვილი საუბრობს. _ არ ვიცი, როგორ შეიძლება საზოგადოების გადარწმუნება, მაგრამ, როგორც ჩანს, ხელისუფლების წარმომადგენლებმა რაღაც იციან. თუ ხელისუფლება ამბობს, რომ ჯერ დაარწმუნებენ საზოგადოებას კანონპროექტის ავკარგიანობაში და შემდეგ მიიღებენ გადაწყვეტილებას,  ცივილიზებული გზაა. მართალია, ხელისუფლებისგან კანონპროექტთან დაკავშირებით დამაჯერებელი არგუმენტები ჯერ არ წარმოუდგენიათ და ერთი ტყლაპოდან მეორეში ხტებიან, მაგრამ კი, ბატონო, აგვიხსნან, რაშია პრობლემა. _ ბატონო გია, საზოგადოებას კარგად ესმის, რომ ხელისუფლება მარიხუანის წარმოებას სამედიცინო და კოსმეტიკური საშუალებების დასამზადებლად გეგმავს, რაც მათთვის მიუღებელია. რის ახსნას აპირებს ხელისუფლება?  _ კანონპროექტს არავინ იცნობს,  დარწმუნებული ვარ, რომ ინიციატორების გარდა, კანონს არცერთი დეპუტატი არ კითხულობს. ისინი სმს-ით იღებენ ბრძანებას, რომელ ღილაკს დააჭირონ  ხელი. კანონების კითხვით თავს არ იწუხებენ. მიმაჩნია, რომ  კანაფის კულტივაცია გარკვეულ რისკებს უკავშირდება. მარიხუანის მოყვანაზე ქვეყნის ეკონომიკური აღმავლობის დაფუძნება  სასაცილო და არასერიოზულია. როგორც ჩანს,  ხელისუფლება პანიკაშია. კანაფით უნდათ ქვეყნის აშენება, იცით, ეს რას ნიშნავს? პოლიტიკური დაბოლებიდან, ნელ-ნელა პირდაპირ დაბოლებაზე გადადიან. ზოგიერთები კანაფის წარმოებიდან მისაღებ მილიარდობით ლარის შემოსავალზე რომ საუბრობენ, არასერიოზულია. უნდა გვესმოდეს, რაც უფრო გაფართოვდება კანაფის კულტივაცია,  კონტროლი უფრო და უფრო  ძნელი იქნება, პრაქტიკულად, შეუძლებელი გახდება. _ ბატონო გია, ,,გურია ნიუსთან“ ერთ-ერთ ინტერვიუში განაცხადეთ, რომ კანონპროექტის მომზადებაში ბიძინა ივანიშვილის ბიზნესინეტერესები არ იკვეთება. როგორ ფიქრობთ, ივანიშვილის შეთანხმების გარეშე გადაწყდებოდა აღნიშნული კანონპროექტის შემუშავება? მიზეზს ვერ ხედავთ, თუ რატომ შეიძლება ლობირებდეს ივანიშვილი ამ ინიციატივას? _ არ ვამბობ, რომ ბიძინა ივანიშვილის თანხმობის გარეშე მიიღეს გადაწყვეტილება.  ვამბობ, რომ მისი პირადი ბიზნესინტერესები არ იკვეთება. ვფიქრობ, არსებობს ლობისტური ჯგუფი, რომელმაც ჩათვალა, რომ მარიხუანის წარმოებისთვის საქართველოში ძალიან  ნოყიერი ნიადაგია. არ გამოვრიცხავ, რომ ეს კონკრეტული ლობისტური  ჯგუფი დაკავშირებული იყოს საერთაშორისო ნარკომოვაჭრეებთან, იმიტომ, რომ საერთაშორისო ნარკომოვაჭრეები ძალიან დიდი ყურადღებით აკვირდებიან სხვადასხვა ქვეყანაში მიმდინარე პროცესებს. ხედავენ, რომ საქართველოში ნარკოლიბერალიზაციის მოთხოვნით 30 ათას კაციანი მიტინგი იმართება, საკონსტიტუციო სასამართლომაც გამოიტანა ნარკოტიკების ლიბერალიზაციის სასარგებლოდ გადაწყვეტილება, ამიტომ ჩათვალეს, რომ საქართველოში საინტერესო ნიადაგია. კონკრეტულად, ვისი მეშვეობით დაიწყეს ამ კანონპროექტის ლობირება, ეს ტექნიკური საკითხია. ფაქტია, რომ ლობისტურმა ჯგუფმა აშკარად იმუშავა“, _ გვითხრა ხუხაშვილმა. საკანონმდებლო ორგანოს კანონპროექტზე მუშაობა ამჟამად შეჩერებული აქვს. იმ შემთხვევაში, თუ პარლამენტი კანონპროექტს მხარს დაუჭერს, საქართველოში მარიხუანის წარმოება ლეგალური ... ...

არქივი

ზაფრანი

ცეკვის რომელი სახეობაა ყველაზე სასარგებლო

ცეკვა ერთდროულად გართობისა და კარგ...

ქათამი დინოზავრის ახლო მონათესავე ყოფილა

ამერიკელი მეცნიერების მტკიცებით, ქათამი მფრინავი...

სიზმრის საიდუმლო, რატომ ვხედავთ სიზმარს

მიჩნეულია, რომ ყველა ჩვენგანი ყოველ...

ზოდიაქოს ნიშანი და კვების რაციონი

ზოდიაქოს ნიშნის მიხედვით  ამა თუ...

იურული პერიოდის დინოზავრების კლდე ბოლივიაში

ბოლივიის დედაქალაქთან ახლოს, სალ კლდეზე...

არაჩვეულებრივი გამოგონება

"Lifestraw" არაჩვეულებრივი გამოგონებაა, მან დიდი...
კარმიდამო ჩემი

როგორ ამოვიცნოთ ინსულტი

ინსულტი 21–ე საუკუნის კიდევ ერთი...

"ყვავილებში ნაპოვნი ენერგია ჩაის აღორძინებაში დამეხმარება"

ფატი გრიგალაშვილი ოზურგეთის მუნიციპალიტეტის სოფელ...

საშემოდგომო თესვის დაწყება და ნიადაგის გაფხვიერების თავისებურება

აგვისტოს მიწურულს და სექტემბრის დასაწყისში,...

"მოგვაშორეთ ტურები"

ოზურგეთის მუნიციპალიტეტის სოფელ ლიხაურის, ჭანიეთის,...

"ჩაი გავანადგურეთ, თხილის ხარისხი კატასტროფულად დაეცა... სადაა გამოსავალი?"

მსოფლიოში მეჩაიეობის დარგში ჩამოყალიბებული დადებითი...

ჩინური კუნგ პაო

ჩინური სამზარეულოს ნამდვილი შედევრია "გუმბაო"....

როგორ წარმოიშობა "უავტორო" ხანძრები

მსოფლიომ "უავტორო" ხანძრების მთელი სერიები...

საწებელი _ მარტივად და გემრიელად

გვიან ზაფხულში და შემოდგომის დასაწყისიდანვე,...

როგორ ვებრძოლოთ ფესვის კიბოს

ფესვის ბაქტერიული კიბო ბევრი კულტურული...

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...