ოზურგეთი... დიმიტრი გელოვანის მოლოდინში

მთავარი თემა

ოზურგეთი... დიმიტრი გელოვანის მოლოდინში

2013 ივნ 17 18:30:47
სწორედ ამ დღეს უნდა მოხდეს ახალი საკრებულოს თავმჯდომარის არჩევა.

ოზურგეთის მუნიციპალიტეტის საკრებულოს თავმჯდომარის მოვალეობის შემსრულებელი, ავთანდილ მექვაბიშვილი "გურია ნიუსთან" საუბრის დროს გვიმხელს, თუ რა თვისებები უნდა ჰქონდეს საკრებულოს მომავალ თავმჯდომარეს.

ავთანდილ მექვაბიშვილი: _ მე მივიღე გადაწყვეტილება, საკრებულოს სხდომა მოვიწვიო მომავალ ორშაბათს. სავარაუდოდ, საკრებულოს ბიუროს სხდომას ხვალ მოვიწვევ. შევეცდებით იმასაც, საკრებულოს სხდომაზე გადავწყვიტოთ პერსონალური საკითხი საკრებულოს თავმჯდომარის არჩევის შესახებ.

საკრებულოს მომავალი თავმჯდომარის შესახებ მეც მაქვს ჩემი ჩამოყალიბებული აზრი, მაგრამ თავს შევიკავებ და არ განვაცხადებ საჯაროდ. მე ვიცი, როგორი უნდა იყოს საკრებულოს თავმჯდომარე.

_ მაშინ ეს გაგვიმხილეთ, როგორი უნდა იყოს საკრებულოს მომავალი თავმჯდომარე?

_ მე ვფიქრობ, რომ უამრავი კარგი თვისება უნდა ჰქონდეს. უნდა იყოს აუცილებლად პატიოსანი, გონიერი, განათლებული, კომუნიკაბელური, გამოცდილი, კარგად უნდა იყოს თვითმმართველობის საკითხებში გაცნობიერებული და სხვა კიდევ უამრავი პიროვნული თვისება უნდა გააჩნდეს, რომელიც დასჭირდება მას. კარგი შემადგენლობა ჰყავს საკრებულოს და მას თუ კარგ მიმართულებას მისცემ, კარგად დატვირთავ საქმეებით, გეგმაზომიერად და კანონის შესაბამისად, უამრავ კარგ საქმეებს გააკეთებენ, _ გვითხრა ავთანდილ მექვაბიშვილმა.

ჩვენთან საუბრის დროს, ავთანდილ მექვაბიშვილმა თავი შეიკავა, გაემხილა თუ ვინ იქნებიან საკრებულოს თავმჯდომარეობის კანდიდატები. "გურია ნიუსისთვის" ამ ეტაპზე შვიდი კანდიდატის ვინაობაა. აქედან ექვსი მამაკაცი და ერთი ქალია _ ირინა საჯაია, ლევან ნინიძე, დიმიტრი კვერღელიძე, თემურ მოქია, შალვა თავდიშვილი, მერაბ მჟავია, ავთანდილ სურგულაძე.

"გურია ნიუსი" რამდენიმე მათგანს დაუკავშირდა.

ფრაქცია "ქართული ოცნების" თავმჯდომარე, ლევან ნინიძე ამბობს, რომ ის მხარს დიმიტრი კვერღელიძეს უჭერს:

_ ჩემს თავს აცილებას ვაძლევ. მე მხარს ვუჭერ დიმიტრი კვერღელიძის კანდიდატურას. ეს არის გამოცდილი, სერიოზული ადამიანი. ვფიქრობ, რომ გაართმევს ამ დაუდევრობას თავს და დალაგდება სიტუაცია.

_ თქვენ 2010 წელს, ალეკო მამეშვილის კანდიდატურასაც დაუჭირეთ მხარი. ის არ იყო გამოცდილი კადრი?

_ კი, კი ასე იყო, როგორ არ იყო, ძალიან განათლებულია. მოვიდა სულ სხვა ვითარება და შეიცვალა ყველაფერი.

_ რომელ სხვა ვითარებაზე საუბრობთ?

_ "ქართული ოცნება" შემოდის აქტიურად.

_ 2010 წლის თვითმმართველობის არჩევნების დროს "ქართული ოცნება" არ იყო...

_ მაშინ არ იყო "ქართული ოცნება". ფაქტობრივად, იმ დროს ერთპარტიული საკრებულო მივიღეთ _ სამი-ოთხი კაცის ოპოზიციონერობა არაფერს ნიშნავს. დღეს ვფიქრობ, რომ მეტად საინტერესო გახდება საკრებულოს მუშაობა, იქნება საქმიანი დაპირისპირება და გატარდება ცხოვრებაში "ოცნების" ამოცანები და მიზნები.

საკრებულოს დეპუტატი მიხეილ გოგოტიშვილი ამ ეტაპზე კომენტარისგან თავს იკავებს და მედიასთან მეტად სიტყვაძუნწია. მისი განცხადებით, ამ ეტაპზე მიმდინარეობს კონსულტაციები და უახლოეს დღეებში გავიგებთ იმ კანდიდატის სახელს და გვარს, რომელსაც "ერთიანი ნაციონალური მოძრაობა" წარადგენს.

_ ბატონო მიხეილ, ჩვენი ინფორმაციით, თქვენი პარტია ირინა საჯაიას კანდიდატურას წარადგენს. რამდენად შეესაბამება ეს ინფორმაცია რეალობას?

_ რამდენიმე დღეში ცნობილი გახდება ყველაფერი.

_ ასევე საუბარია თემურ მოქიაზე, რომელიც "ერთიანი ნაციონალური მოძრაობის" სიით შევიდა სკარებულოში.

_ თემურ მოქია არ არის არც ფრაქცია "ნაცმოძრაობის" და არც "ერთიანი ნაციონალური მოძრაობის" წევრი. როგორც ოპოზიციის ერთ-ერთმა ლიდერმა თქვა, "ნაციონალური მოძრაობის" პორტირება მოხდა "ქართულ ოცნებაში". დღეს იქეთ ბრძანდებიან და ვუსურვებთ წარმატებებს, კიდევ შევხვდებით ბრძოლის ველზე _ რა თქმა უნდა, წინასაარჩევნოდ, _ გვითხრა მიხეილ გოგოტიშვილმა.

ირინა საჯაიას თქმით, ჯერჯერობით, ის ამ საკითხთან დაკავშირებით, კომენტარს ვერ გააკეთებს, რადგან არ მომხდარა პარტიაში შეკრება, სადაც ერთიანად მიიღებენ გადაწყვეტილებას.

თემურ მოქია ამბობს, არც ის აპირებს საკრებულოს თავმჯდომარის არჩევნებში სცადოს ბედი:

_ ჩემთვის მოულოდნელი იყო ეს ინფორმაცია. შეიძლება, სხვისი აზრი იყოს, მაგრამ მე არ ვაპირებ, საკრებულოს თავმჯდომარის პოსტზე ვიყარო კენჭი, _ თქვა თემურ მოქიამ.

"გურია ნიუსი" საკრებულოს კიდევ ერთ დეპუტატს, მერაბ მჟავიას დაუკავშირდა, რომელმაც განაცხადა, რომ ის ძალიან დაკავებულია და აქედან გამომდინარე, არ აპირებს დაასახელოს თავისი კანდიდატურა:

_ საკრებულოს თავმჯდომარეობა არ არის ადვილი საქმე. მე მაქვს ჩემი საქმეები, რომელსაც ვერ მივატოვებ, _ გვითხრა მერაბ მჟავიამ.

და ბოლოს, როგორც "გურია ნიუსისთვის" არის ცნობილი, ორშაბათამდე კიდევ რამდენიმე კანდიდატის სახელი და გვარი დასახელდება. თუ ვინ იქნებიან ისინი, 24 ივნისს გახდება ცნობილი.




 ახალი ამბები
  • ნიკა მელია ბიძინა ივანიშვილზე: “ეს არის კლასიკური თაღლითის ილუსტრაცია“ამ წუთებში თბილისში “ლეიბორისტული პარტიის“ ოფისში ოპოზიციის წევრები არიან შეკრებილი. “გზავნილი არის მარტივი _ ყველაფერი გაკეთდება იმისთვის, რომ ბიძინა ივანიშვილი დამარცხდეს. დამარცხებულია მე რომ მკითხოთ, უბრალოდ გასაფორმებელია“, _ ამბობს “ნაცმოძრაობის“ და პარლამენტის წევრი ნიკა მელია. მისი თქმით, დღეს რაც მოხდა, ეს არ იყო ძლიერი ადამიანის მიერ გადადგმული ნაბიჯები, ეს იყო სუსტი ადამიანის საქციელი: “ეს არის კლასიკური თაღლითის ილუსტრაცია, პერსონიფიკაცია. თუკი არ იცის ვინმემ, რას ნიშნავს თაღლითი ადამიანი, უნდა აჩვენო ივანიშვილი. ამას მოჰყვება აუცილებლად ადეკვატური პოლიტიკური პასუხი. ეს როგორი იქნება, ამას ბევრი მსჯელობა არ დასჭირდება. რა იქნება სტრატეგია და ტაქტიკური მონახაზი, ამაზე ახლა ვიმსჯელებთ, შევთანხმდებით საზოგადოებასთან ერთად აუცილებლად. ჩვენ ვთანხმდებით, რომ სიმართლე არის უმნიშვნელოვანესი, ვთანხმდებით, რომ თავისუფალი ქვეყანა გვინდა. ბიძინა ივანიშვილი შეთანხმდა თავის გუნდთან ერთად, რომ ისინი თანხმდებიან უზნეობის გარშემო და თაღლითობის გარშემო. რამხელა ცინიზმი დევს იმ მოცემულებაში, რომ თურმე "ქართული ოცნების" ის დეპუტატები, რომლებიც ეწინააღმდეგებოდნენ ბიძინა ივანიშვილის ინიციატივას, ისინი რჩებიან უმრავლესობაში და ადამიანები, რომლებიც ეთანხმებიან, მიდიან. ბიძინა ივანიშვილს მოუწევს საზოგადოების დიქტატით ხელმძღვანელობა, მანამ სანამ მას მართვის სადავეები აქვს ხელთ", _ თქვა ნიკა მელიამ. ... ...
  • მამუკა მდინარაძე: “ეძახონ ახლა მონები იმ მაჟორიტარებს“პარლამენტის წევრის მამუკა მდინარაძის თქმით, ის ადამიანები, რომლებმაც არ დაუჭირეს კანონპროექტს მხარი, მონები არ არიან. "ჩვენი ოპონენტები არ ვიცი, რამდენად იყვნენ პროპორციული სისტემის გასვლისკენ, როდესაც ჯერ აანონსებდნენ და შემდეგ აორგანიზებდნენ აქციებს. ეძახონ ახლა მონები იმ მაჟორიტარებს, რომლებსაც მოიხსენიებდნენ მხოლოდ ღილაკზე თითის მიმჭერებად. აღმოჩნდა, რომ თურმე ასე არაა", _ თქვა მედიის წარმომადგენლებთან მამუკა ... ...
  • რა წერია ტექსტში, რომელსაც არასამთავრობო ორგანიზაციები ავრცელებენსაქართველოში მოქმედი არასამთავრობო ორგანიზაციების ერთი ნაწილი სპეციალურ განცხადებას ავრცელებენ. “საქართველოს პარლამენტის მიერ დღეს ჩაგდებული საკონსტიტუციო ცვლილებების პაკეტი, რომელიც  მომდევნო საპარლამენტო არჩევნების სრულად პროპორციული სისტემით ჩატარებას გულისხმობდა, ქვეყნის დემოკრატიული განვითარებისათვის შესაძლოა საბედისწერო აღმოჩნდეს.  პროპორციულ საარჩევნო სისტემაზე გადასვლა არ იყო მხოლოდ რომელიმე პოლიტიკოსის დაპირება ან საზოგადოების მცირე ჯგუფის ახირება. ის მთელი საზოგადოების მოთხოვნა იყო, რომელსაც მხარს უჭერს ფაქტობრივად ყველა პოლიტიკური პარტია და საზოგადოებრივი ჯგუფი. ამ გადაწყვეტილებაზე სრული პასუხისმგებლობა ეკისრება მმართველი პარტიის თავმჯდომარეს და ქვეყნის არაფორმალურ მმართველს, ბიძინა ივანიშვილს, რომელიც საკუთარი ძალაუფლების შესანარჩუნებლად და სახელმწიფოს მისატაცებლად, როგორც ჩანს, მზად არის უსამართლო საარჩევნო სისტემის გამოყენებით ამომრჩეველს წაართვას ქვეყნის მართვაში მონაწილეობის შესაძლებლობა და დაუმსახურებლად მიისაკუთროს  საპარლამენტო მანდატები. ხელისუფლებისთვის ცხადი იყო, რომ მიღებული გადაწყვეტილება მასობრივ საზოგადოებრივ მღელვარებას გამოიწვევდა და გვაქვს საფუძველი ვივარაუდოთ, რომ ის ბოლო დღეებში თავად უწყობდა ხელს ამ მღელვარების წარმოშობას, რაც შესაძლოა განპირობებული ყოფილიყო ძველი საარჩევნო სისტემით ვადამდელი საპარლამენტო არჩევნების ჩატარებისა და ამ გზით ხელისუფლების შენარჩუნების  სურვილით. მოვუწოდებთ ბიძინა ივანიშვილს და „ქართულ ოცნებას”, გაიაზროს ის მძიმე პოლიტიკური კრიზისი რომელშიც ქვეყანა შევიდა და მიიღოს ყველა პოლიტიკური ზომა მის დასაძლევად, რომლის ერთადერთ და უალტერნატივო გზად პარლამენტის მიერ სრულად პროპორციული საარჩევნო სისტემის დაუყოვნებლივ მიღება წარმოადგენს. საქართველოს დემოკრატიული ინიციატივა (GDI); სამართლიანი არჩევნებისა და დემოკრატიის საერთაშორისო საზოგადოება (ISFED); დემოკრატიისა და უსაფრთხო განვითარების ინსტიტუტი (IDSD); საქართველოს ღია საზოგადოების ფონდი (OSGF); ადამიანის უფლებების სწავლებისა და მონიტორინგის ცენტრი (EMC) ; პარტნიორობა ადამიანის უფლებებისთვის (PHR); საერთაშორისო გამჭვირვალობა - საქართველო (TI Georgia) ; საქართველოს რეფორმების ასოციაცია (GRASS) ; საზოგადოება და ბანკები; საქართველოს ახალგაზრდა იურისტთა ასოციაცია (GYLA); ტოლერანტობის და მრავალფეროვნების ინსტიტუტი (TDI); ადამიანის უფლებათა ცენტრი (HRC) ; საქართველოს პოლიტიკის ინსტიტუტი (GIP); მსოფლიო გამოცდილება საქართველოსთვის  ; მმართველობითი სისტემების განვითარების ცენტრი; საქართველოს ... ...
  • დეპუტატი კოპალიანი: “ქალების ბულინგის მსხვერპლი ვარ!"“ქალების ბულინგის მსხვერპლი ვარ!" _ აცხადებს პარლამენტის დეპუტატი კარლო კოპალიანი. მისივე თქმით, ის ელენე ხოშტარიამ და თინა ბოკუჩავამ დააბულინგეს: "ერთმა წაავლო ხელი ბეიჯს, მეორემ გაჭრა მაკრატლით. ბულინგია აბა, მოფერებაა?!" _ ამბობს კოპალიანი. თინა ბოკუჩავა „პუბლიკასთან“ ადასტურებს დეპუტატისთვის მანდატის დაჭრის ფაქტს _ ის ამბობს, რომ კარლო კოპალიანი და ის დეპუტატები, რომლებმაც საკონსტიტუციო კანონპროექტი ჩააგდეს, არ იმსახურებენ პარლამენტის მანდატს:  „ის ერთ-ერთი დეპუტატია, გავრილოვის თანაპარტიელი კომუნისტი, რომელმაც ხმა მისცა კანონპროექტის ჩაგდებას და დაასამარა ჩვენი ქვეყნის განვითარების შანსი, გამოგვიყვანა ისევ ქუჩაში. ამიტომ კოპალიანი არ იმსახურებს საქართველოს პარლამენტის მანდატს ისევე, როგორც სხვა დეპუტატები, რომლებმაც ჩააგდეს საკონსტიტუციო პროექტი. ეს დეპუტატები იმსახურებენ, დაუჭრან ის მანდატები, რომლებიც ქვეყნის მისატაცებლად და დასაღუპად გამოიყენეს დღეს“, _ ამბობს თინა ... ...
  • კახა კალაძე: “ეს არის ნათელი მაგალითი იმის, თუ როგორ მზადდება "ფეიკნიუსი“ “ეს ვიდეო მეც ვნახე და არ ვიცი, რა დავარქვა?! დავარქმევდი სამარცხვინოობის უმაღლეს მწვერვალს და წერტილს“, _ ეს განცხადება ქალაქ თბილისის მერმა კახა კალაძემ ჟურნალისტებთან საუბრის დროს გააკეთა. კახა კალაძე ამბობს, რომ მას აქციის მონაწილეებისთვის შუა თითი არ უჩვენებია. “ეს არის ნათელი მაგალითი იმის, თუ როგორ მზადდება „ფეიკნიუსი“. ვიდრე გაავრცელებდით, თქვენ ელემენტარულად შეგეძლოთ, დაგესვათ შეკითხვა, თუ ვის მიმართ იყო დაფიქსირებული ჟესტი, მაგრამ „ფეიკნიუსი“ ზუსტად ასე მზადდება. გავრცელებული ინფორმაცია, თითქოს აქციის მონაწილეებს ვაჩვენე შუათითი, არასწორია. ზოგადად, თავშეკავებით არასდროს გამოვირჩევი და როდესაც მაქვს სათქმელი, ყოველთვის ვამბობ. არ ვერიდები, რაც არ უნდა მძიმე იყოს. კიდევ ერთხელ ვიმეორებ, თითი აქციის მონაწილეების მისამართით ნამდვილად არ ყოფილა ნაჩვენები. ასე რომ ყოფილიყო, ვიტყოდი, ნამდვილად არ მომერიდებოდა“, _ თქვა კახა კალაძემ. ამავე თემაზე: ... ...

არქივი

ზაფრანი

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...

ბეკონი ჯანმრთელობისთვის სახიფათო ყოფილა

შვედი მეცნიერების მტკიცებით, ბეკონის საკვებად...

როგორ დავალევინოთ წამალი პატარას

წამლის დალევა პატარებს არ უყვართ,...

მერილინ მონროს სილამაზის საიდუმლო

 რა იყო ის საიდუმლო, რომლის...

რატომ უნდა ვხატოთ

ცოტა ხნის წინ, ამერიკელმა ფსიქოლოგებმა...
კარმიდამო ჩემი

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

არის თუ არა თქვენ საცხოვრებელ ადგილას სასმელი წყალი?