"საქართველომ აფხაზეთის დამოუკიდებლობა რომ აღიაროს, აფხაზეთს რუსეთი შთანთქავს"

მთავარი თემა

"საქართველომ აფხაზეთის დამოუკიდებლობა რომ აღიაროს, აფხაზეთს რუსეთი შთანთქავს"

2013 ივნ 29 12:36:08

ვერც შევარდნაძის და ვერც მიხეილ სააკაშვილის ხელისუფლებამ კონფლიქტის მოგვარება ვერ შეძლო. აქვს თუ არა ბიძინა ივანიშვილის მთავრობას კონფლიქტის მოგვარების კონკრეტული გაწერილი სტრატეგია და რა გეგმები აქვს აფხაზეთის მთავრობას, "გურია ნიუსი" აფხაზეთის მთავრობის თავმჯდომარის მოვალეობის შემსრულებელს ვახტანგ ყოლბაიას ესაუბრა.

_ დღევანდელ ხელისუფლებას აქვს თუ არა აფხაზეთის კონფლიქტის მოგვარების კონკრეტული სტრატეგია?

_ მესმის საკითხის არსი და შინაარსი, პათოსი, განწყობა. ჩვენ აფხაზეთი რომ დავტოვეთ, იქედან, სექტემბერში 20 წელი შესრულდება. კონფლიქტის მოგვარების გზაზე სახელმწიფოს უარყოფითი შედეგის მეტი, არაფერი მიუღია. დევნილი ყოველდღე ელოდება, ხვალ, ზეგ თუ მასზეგ, როდის დაუბრუნდება სახლ-კარს, მიტოვებულ საფლავს, მეზობლებს, ახლობლებს... ბევრმა არ იცის და ამაზე დღეს შეიძლება საუბარი; 1997 -1998 წლებში, უშიშროების საბჭომ ვრცელი სტრატეგია შეიმუშავა, რომელიც გულისხმობდა კონფლიქტის მოგვარებას. რომელიც მოიცავდა ურთიერთობებს საერთაშორისო ორგანიზაციებთან, მეგობარ ქვეყნებთან, რა თქმა უნდა აფხაზებთან, რუსეთთან. მაგრამ, რა?! ის, რომ დღეს აქ ვართ, იმაზე მეტყველებს, რომ ის სტრატეგია ფუჭი გამოდგა. მინდა აღვნიშნო, რომ აფხაზეთის კონფლიქტის მოგვარების თემა, არ მინდა დავაბრალო წასულ ან ჯერ არწასულ ხელისუფლებას, მაგრამ, მათ დაიწყეს საზოგადოებაში პროპაგანდა, თითქოს, აფხაზეთის კონფლიქტის მოგვარება საინტერესო თემა არ არის. დარწმუნებული ვარ, აფხაზეთის კონფლიქტის მოგვარების სასიცოცხლო ინტერესი მოსახლეობაში არ შენელებულა. თუ აკვირდებით, არც ერთ პოლიტიკურ პარტიას საერთაშორისო ორგანიზაციებისთვის და არც საკუთარი ამომრჩევლისთვის კონფლიქტის მოგვარების მკაფიო გზავნილი არ გაუკეთებიათ.

_ რა არის ამის მიზეზი?

_ ეს რთული და ფაქიზი თემაა. შეიძლება, რომელიმე პარტია ფიქრობდეს, არააპრობირებული, არამომგებიანი გეგმის გაჟღერება, რის გამოც, შესაძლოა, არაორდინარული ნაბიჯი იქნას გადადგმული. არჩევნების წინ, ელექტორატის დაკარგვის შიშით, ასეთი გეგმის გაცხადება წამგებიანი იქნება. ალბათ, ამიტომ, პოლიტიკურ პარტიები სტრატეგიას არ ამჟღავნებენ. თუმცა, თქვენ აბსოლუტურად გეთანხმებით, ხელისუფლებას უნდა ჰქონდეს სტრატეგია.

_ თქვენი აზრით, ახალი ხელისუფლების წინადადება რკინიგზის აღდგენასთან დაკავშირებით, მისაღებია?

_ ახალმა ხელისუფლებამ, კონფლიქტის მოგვარებასთან დაკავშირებით, საკმაოდ არაპოპულარული წინადადება გააჟღერა. საზოგადოება კი ამისთვის მზად არ აღმოჩნდა. ისევე როგორც ამისთვის მზად არ აღმოჩნდა რუსეთი, მზად არ აღმოჩნდა აფხაზეთიც. თუმცა, რკინიგზის საკითხი არ არის ახალი თემა. მახსოვს 1996, 1997, 1998 წლებში ასლან აბაშიძეც საუბრობდა ამ თემაზე. ასევე ზოგიერთი პოლიტიკური და არასამთავრობო ორგანიზაციებიც, რაც მიუღებელი იყო ქართული საზოგადოების ნაწილისთვის და ჩემთვისაც. მიუხედავად ამისა, წლების შემდეგ, სხვანაირად დავინახე ყველაფერი. სხვა რაკურსით ვხედავ მიმდინარე პროცესის მოგვარების გზებს. რკინიგზის პრობლემა მაშინ ბევრად იოლი მოსაგვარებელი იყო, რადგან არ იყო ინტერესი აზერბაიჯანიდან. სომხეთს და რუსეთს ყოველთვის ჰქონდა ინტერესი. ეს თემა იმ პერიოდში ნაკლებად პოლიტიზირებული იყო. თბილისს არ უნდოდა, სოხუმს არ უნდოდა... ამ წინადადების არმიღებაში ერთმანეთს სხვადასხვა მხრიდან ვეთანხმებოდით. დღეს, აფხაზეთის რკინიგზის თემის მოგვარება რთულია, პოლიტიზირებულია. ამაში სხვადასხვა ქვეყანაა ჩართული: სომხეთი, აზერბაიჯანი, თურქეთი, რუსეთი, დასავლეთი. არ ვსაუბრობ აფხაზებზე და თბილისზე.

_ რამდენად კორდინირებულად მუშაობს ხელისუფლება აფხაზეთის მთავრობასთან?

_ ეს ყოველთვის იყო პრობლემა. თუმცა, 1990 წლების ბოლოს და 2000 წლის დასაწყისში საკმაოდ კარგი ურთიერთობა ჰქონდა აფხაზეთის კომისიას, საგარეო საქმეთა სამინისტროს, გაერთიანებული ერების ორგანიზაციაში მომუშავე ჩვენს წარმომადგენლებს და მეტნაკლები კოორდინირება იყო, თუმცა შედეგი არ ჩანს. წინა ხელისუფლების პირობებში ამის პოლიტიკური ნება არ იყო, განზრახვაშიც არ ყოფილა. აფხაზეთის მთავრობა და ლტოლვილთა და განსახლების სამინისტრო ერთმანეთს ვერ იტანდნენ. ერთმანეთს არ ელაპარაკებოდნენ აფხაზეთის მთავრობის ხელმძღვანელი და ლტოლვილთა და განსახლების მინისტრი. შედეგად დარჩა მოუგვარებელი საკითხები.

_ თქვენ თუ იყავით ჩართული აფხაზებთან მოლაპარაკებებში?

_ აფხაზები მოლაპარაკებაში დევნილი სტრუქტურების ჩართვის კატეგორიული წინააღმდეგი იყვნენ. პირველი შეხვედრა ქართველებსა და აფხაზებს შორის 1996 წელს ამერიკული ორგანიზაციის მეშვეობით მოხდა. შევარდნაძის დავალებით მე ვიყავი დელეგაციის ხელმძღვანელი. აფხაზურ მხარეს ბატონი ჯერგენია ხელმძღვანელობდა. მაშინ აფხაზებმა არ ისურვეს ჩემთან ლაპარაკი, სანამ შევარდნაძე არ ჩაერია. უთხრა: მიიღეთ ის, როგორც ჩემი პირადი წარმომადგენელი. მხოლოდ ამის შემდეგ, მოხერხდა ერთი-ერთზე 40 წუთი ჩემი და ჯგერგენიას შეხვედრა. ამის შემდეგ, მე არ ჩავრთულვარ მოლაპარაკებებში, რადგან ჩემ გამო მოლაპარაკება არ უნდა ჩაშლილიყო. ჩემთან მიმართებაში სიტუაცია რამდენიმე წლის უკან შეიცვალა. აქტიურად ჩავერთე მოლაპარაკებებში. გავჭერი ეს ხაზი და მიმიღეს. ბოლო პერიოდში ჟენევის პროცესში ჩაერთო აფხაზეთის მთავრობის ხელმძღვანელი და აწ გარდაცვლილი ლორიკ მარშანია.

_ რა შედეგი მივიღეთ ჟენევის პროცესიდან?

_ შედეგს კი ვხედავთ მაგრამ, ჩემი აზრით, მოლაპარაკებები რა ცუდი შედეგითაც არ უნდა დასრულდეს, იგი აუცილებლად უნდა გაგრძელდეს. არ არსებობს, მოლაპარაკებამ შედეგი არ გამოიღოს. მოლაპარაკების გაგრძელებას აფხაზები არ მიესალმებიან, რადგან ისინი თვლიან, რომ შედეგი, რომელსაც ელოდებოდნენ, ანუ ხელმოწერას კონკრეტულ საკითხებზე, ეს მიღწეული არ არის. ახლა არ არის ის სიტუაცია, რაც 2 წლის უკან იყო. ხმამაღალი ნათქვამი თუ არ გამომივა, გლობალური ცვლილებების წინ დგას საზოგადოება თუნდაც ევროპაში, ამერიკაში... ყოველ შემთხვევაში, ისეთი შთაბეჭდილება იქმნება, რომ რაღაც მომწიფებულია, რომელსაც ხელშეწყობა სჭირდება, ისეთი დამოკიდებულება, რომ არაფერი გავაფუჭოთ.

_ ყველამ იცის, რომ აფხაზეთი საქართველოს ნაწილია. ერთ დღეს ქართველმა, რომ მოინდომოს საკუთარ მიწა-წყალზე დაბრუნება...

_ აფხაზეთში ვერ შევალ, თუ მათ არ სურთ. ისინი ამისთვის ფსიქოლოგიურად უნდა იყვნენ მზად. აფხაზები ფიქრობენ, რომ გამარჯვების შემდეგ, 20 წელია დამოუკიდებელ ქვეყანაში ცხოვრობენ. როგორ წარმოგიდგენიათ, ამ რაოდენობის ადამიანი მოულოდნელად შეხვიდე აფხაზეთში?! მიუხედავად იმისა, რომ მოულოდნელად გამოგვყარეს, მოულოდნელად ვერ შევალთ. აფხაზეთი ცდილობს დაუმტკიცოს მსოფლიოს, რომ არ არის საქართველოს ნაწილი. ჩვენ უნდა ვუთხრათ, რომ საქართველოს განუყოფელი ნაწილი იყო და არის აფხაზეთი. უნდა ვაღიაროთ, რომ აფხაზეთს პრობლემები ჰქონდა თბილისთან პოლიტიკურ საკითხებში და არა საქართველოსთან. შიში, რომელიც აფხაზებს ჰქონდა თბილისის მიმართ, სწორედ ეს შიში უნდა გავუქარწყლოთ.

_ აფხაზებთან 20-წლიან მხოლოდ მოლაპარაკების პროცესს შედეგი არ მოაქვს. ხომ არ ჯობს სახელმწიფომ სხვა სტრატეგიაზე იფიქროს? ეკონომიკური სტრატეგიის ან სულაც აღიაროს "აფხაზეთის დამოუკიდებლობა" იმ პირობით, რომ თითოეული დევნილი დაუბრუნდება საკუთარ მიწა-წყალს? ზოგი ფიქრობს, რომ ამით საქართველო შეინარჩუნებს ქართველებით დასახლებულ აფხაზეთს.

_ აღიარება არ არის პანაცეა. საქართველოს მხრიდან აფხაზეთის დამოუკიდებლობის აღიარება ეს არც რუსეთს და არც დასავლეთს არ აძლევთ ხელს. საქართველომ აფხაზეთის დამოუკიდებლობა რომ აღიაროს, აფხაზეთს რუსეთი შთანთქავს. ეს სერიოზული თემაა. გავლენები არც დასავლეთს და არც საქართველოს ექნება. მიუხედავად იმისა, რომ დამოუკიდებელი ქვეყანა ვართ, მსოფლიოში დამოუკიდებლად გადაწყვეტილებას არავინ იღებს. სწორედ ამიტომ არსებობს საერთაშორისო ორგანიზაციები, ევროსაბჭო, ევრო პარლამენტი და ა. შ. ჩვენ ვერ ვიმოქმედებთ საერთაშორისო საზოგადოების აზრის საზიანოდ. ჩვენ მიერ მიღებული გადაწყვეტილება უნდა პასუხობდეს გლობალური უსაფრთხოების პრინციპებს. ამის პოლიტიკური ნებაც რომ იყოს, ქართული საზოგადოების აზრი ამისთვის მზად არ არის და მზად ვერც იქნება. საქართველოს ხელისუფლება და საზოგადოება ვერ შეეგუება აზრს, რომ საქართველომ აღიაროს აფხაზეთის დამოუკიდებლობა.

აფხაზები არ არიან მზად იმისთვის, რომ გაცვალონ "დამოუკიდებლობა" დევნილების დაბრუნებაზე. რადგან, რასაც თქვენ ბრძანებთ, დემოგრაფიული მდგომარეობა ძალიან კარგად აქვთ გათვითცნობიერებული, როცა იქ ქართველების 46% დაბრუნდება, რომელიც იქ ცხოვრობდა, შენთან ანგარიში ექნება გასაწევი; პარლამენტში, მთავრობაში და ბიზნესში შენთვის ადგილი ექნება გასაყოფი. ის არის დღეს ჰეგემონი აფხაზეთში, რომელიც ცხოვრების და პოლიტიკური წესს კარნახობს. სჭირდება ახლა მას დევნილების დაბრუნება?! ამიტომ, საჭიროა გარანტიები იმისა, რომ რაღაცები შენარჩუნდება - რაც დაიწერება და ვიღაცა გარანტად დაუდგება. ევროპა, ამერიკა, რუსეთი, თურქეთი, ჩვენ და ა.შ. კონფლიქტის მოგვარების სხვადასხვა მიდგომები და ხედვებია. მაგრამ, ჩვენ არ გვიშვებენ აფხაზებთან სალაპარაკოდ, რადგან ინტერესთა თანხვედრა არ არის იმათი, ვინც ჩართულია ამ პროცესში.

_ 20 წელია ერთი და იგივე ადგილზე ვდგავართ, გამოსავალი სად არის?

_ საჭიროა არაორდინარული ნაბიჯების გადადგმა, მაგრამ, არა "აფხაზეთის დამოუკიდებლობის" აღიარება. არის სხვა ნაბიჯები, რომელიც საერთაშორისო ინსტიტუტების "კეისებშიც" ინახება. ასევე ინახება ცალკეული ქვეყნების ინტერესებში. კონფლიქტს დაწყება იოლი საქმეა, კონფლიქტის მოგვარება რთულია.

_ 20 წელია ქართველი ერი ელოდება კონფლიქტის მოგვარების გზას. თუ ასეთი გამოსავალი "კეისებში" დევს, რატომ არავინ საუბრობს ამაზე?

_ ამაში არის ახსნა. ჩემს მოსაზრებას გეტყვით: თქვენ და მე ვართ ქართველები, ვაკვირდებით პოლიტიკურ პროცესს. ძალიან გთხოვთ, ეს არ ამოჭრათ. ქართული საზოგადოება, არ არის მზად ფედერალური სახელმწიფოსათვის. არ ვლაპარაკობ კონფედერაციაზე. 1991 წლიდან აფხაზები ფედერალურ ქვეყანაში ცხოვრებას გვთავაზობდნენ, საქართველოს ფედერალური სისტემის მოწყობას. არსებობს გათვლები, რომ ფედერალური მოწყობა დაანგრევს ქვეყანას. კიდევ ერთხელ ვიმეორებ, არ ვსაუბრობ კონფედერაციაზე, რომლის კლასიკური მოდელი დამოუკიდებელ სახელმწიფოთა კავშირი გახლავთ. კონფედერაცია არის კატონები, მიწები, რომლებიც წარმოადგენენ ერთ სამართლებრივ სივრცეს შვეიცარიაში. მაგრამ, კონფედერაციის გაგონება ვნებათა ღელვას იწვევს. ასევე იყო ვნებათა ღელვა 1996 წელს, როდესაც საუბარი დაიწყო რკინიგზის მშენებლობაზე. საზოგადოების უმრავლესობა კატეგორიული ამის წინააღმდეგი იყო. აუცილებელია საზოგადოებამ გამოთქვას მზადყოფნა იმისთვის, რომ ჩვენ მხარი დავუჭიროთ ახალ წამოწყებას, რომელიც კონფლიქტს ჩიხიდან გამოიყვანს. შეიძლება რაზეც მე ვსაუბრობ, ამანაც ვერ გამოიყვანოს სიტუაცია კონფლიქტიდან, მაგრამ, ეს გზა რომ გავლილი გვექნება, ახლის ძიებას დავიწყებთ.




 ახალი ამბები
  • კორონავირუსი_ რა რეკომენდაციებს აძლევს განათლების სამინისტრო სკოლებს საქართველოს განათლების, მეცნიერების, კულტურისა და სპორტის სამინისტრო აცხადებს, რომ საქართველოში კორონავირუსის დაფიქსირების მიუხედავად, არც საერთაშორისო სტანდარტითა და არც ჯანდაცვის რეკომენდაციებით,  დღეის მდგომარეობით,  სწავლის შეწყვეტის საფუძველი არ არსებობს. ამის მიუხედავად, პრევენციისა და რისკის ეფექტიანი მართვის მიზნით, საქართველოს განათლების, მეცნიერების, კულტურისა და სპორტის სამინისტრო სკოლებში სანიტარულ ნორმებს ამკაცრებს. კერძოდ, მოსწავლეთა ჯანმრთელობის, სასწავლო პროცესის ეფექტურობისა და სკოლებში ჯანმრთელი გარემოს შესაქმნელად, საქართველოს განათლების, მეცნიერების, კულტურისა და სპორტის სამინისტროს მიერ სანიტარიისა და ჰიგიენის ნორმების დასაცავად სკოლებში მოთხოვნები კიდევ უფრო გაიზრდება. შესაბამისად, ადგილობრივი საგანმანათლებლო რესურსცენტრების მიერ სკოლების მონიტორინგის პროცესი უფრო ინტენსიური გახდება, რათა თავიდან იქნას აცილებული ნებისმიერი გართულება. ამ მიზნით სამინისტრო სკოლების ადმინისტრაციას კიდევ ერთხელ მოუწოდებს, სანიტარულ-ჰიგიენური პირობების დაცვა სკოლებში სათანადოდ უზრუნველყონ, რისთვისაც აუცილებელია დაიცვან შემდეგი პირობები: სკოლა ყოველდღიურად დალაგდეს სველი წესით; საკლასო ოთახების, სხვა სასწავლო და დამხმარე ოთახების დალაგება გაკვეთილების დამთავრების შემდეგ მოხდეს გაღებული ფანჯრებისა და ფრამუგების მდგომარეობაში. ორი ცვლის შემთხვევაში, დალაგდეს 2-ჯერ; ჩატარდეს შენობის გენერალური დასუფთავება როგორც სარეცხი, ასევე სადეზინფექციო საშუალებებით; ტუალეტები, ბუფეტი, სასადილო და სამედიცინო კაბინეტი დასუფთავდეს სადეზინფექციო საშუალებებით; სანიტარულ-ტექნიკური აღჭურვილობის დასუფთავება მოხდეს ყოველდღიურად. უნიტაზის დასაჯდომი ჩასარეცხი ავზის სახელურები და კარების სახელურები გაირიცხოს ცხელი წყლითა და სადეზინფექციო საშუალებების გამოყენებით; სასადილოს დასუფთავება მოხდეს ყოველი საუზმე, სადილისა და სამხარის შემდეგ; მაგიდები და ჭურჭელი გაირეცხოს სპეციალური ხსნარებით; დეზინფექციის დროს ძირითადი ყურადღება უნდა მიექცეს იმ ნივთების დამუშავებას, რომლებიც გადამწყვეტ როლს თამაშობენ ინფექციის გადაცემაში (კარის სახელურები, კარები, მაგიდის ზედაპირები); ჰაერ-წვეთოვანი ინფექციის დროს ხშირად განიავდეს კლასები, ოთახები გაიწმინდოს მტვრისაგან, დასუფთავდეს სველი წესით; სკოლის ადმინისტრაციის მიერ დადგინდეს ტუალეტების დასუფთავების წესები, პერიოდულობა, დასუფთავებისათვის განკუთვნილი ინვენტარისა და გამოყენებული ჰიგიენური საშუალებების ნუსხა; ნაგვის ყუთების გაცლა მოხდეს მათი 2/3-ზე გავსებისას. გაცლის შემდეგ ნაგვის შემკრებებს ჩაუტარდეს დეზინფექცია; სკოლის ტერიტორიაზე არ დაიშვას უმეთვალყურეო ცხოველები; სკოლაში უზრუნველყოფილი იყოს ნახმარი წყლების მოცილება/არინება და სეპტიკური ავზების დაცლა დროულად და უსაფრთხოდ; სკოლის ადმინისტრაციის ორგანიზებით, სპეციალიზებული სამსახურის მეშვეობით, ჩატარდეს ნარჩენების კონტეინერების განთავსების ადგილის, ასევე საწყობებისა და სარდაფების პერიოდული დამუშავება. აქვე უნდა აღინიშნოს, რომ სამინისტრო სრულადაა ჩართული უწყებათაშორის საკოორდინაციო საბჭოს მუშაობაში და იმ შემთხვევაში, თუ რაიმე სახით ვირუსის გავრცელების საფრთხე გამწვავდება, სასწავლო პროცესთან დაკავშირებით მიღებული იქნება შესაბამისი გადაწყვეტილება. ... ...
  • მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ2020 წლის 1 იანვრიდან ამოქმედებულ საკანონმდებლო ცვლილებებს ბათუმის, ხელვაჩაურის, შუახევის, ხულოს, ქობულეთის, ქედას, ოზურგეთის, ჩოხატაურისა და ლანჩხუთის მუნიციპალიტეტების საკრებულოებისა და მერიის თანამშრომლები, თვითნებურად დაკავებულ მიწაზე საკუთრების უფლების აღიარების კომისიების წევრები და მიწის რეგისტრაციის საკითხებით დაინტერესებული პირები გაეცნენ. საინფორმაციო შეხვედრებს საჯარო რეესტრის იურიდიული დეპარტამენტის, ქონების რეგისტრაციისა და გეოდეზია-გეოინფორმაციის სამსახურების თანამშრომლები საქართველოს მასშტაბით სხვადასხვა მუნიციპალიტეტებში ეტაპობრივად ახორციელებენ. ცვლილებების თანახმად , 2020 წლის 1 იანვრიდან მიწის რეგისტრაცია საქართველოს მოქალაქეებს კიდევ უფრო მარტივად შეუძლიათ. მიწის რეგისტრაციის რეფორმის ფარგლებში დადგენილი რეგისტრაციის გამარტივებული წესი, რომელიც 2020 წლის 1 იანვრამდე მოქმედებდა, გახდა მიწაზე საკუთრების უფლების რეგისტრაციის ზოგადი წესი და იმოქმედებს უვადოდ. რეგისტრაცია კვლავინდებურად წარმოებს ორი სახით: სპორადული და სისტემური წესით. როგორც სპორადული, ისე სისტემური რეგისტრაციის ფარგლებში:  -   გაფართოვდა უფლების დამადასტურებელი დოკუმენტების ლეგალიზების საფუძვლები. ეს იმას ნიშნავს, რომ დოკუმენტებით, რომლებითაც მიწის რეგისტრაცია შესაძლებელი არ იყო, მოქალაქეები მიწის დარეგისტრირებას შეძლებენ.  მაგალითად, მიღება-ჩაბარების აქტი ან მებაღის წიგნაკი კანონმდებლობის მოთხოვნათა დაცვით შედგენილად ჩაითვლება, თუ მასში არ არის მითითებული დოკუმენტის გაცემის წელი; -   კიდევ უფრო გამარტივდა ფორმის დაუცველად დადებული გარიგებების საფუძველზე უფლებათა რეგისტრაციის წესი. შესაბამისად, ამგვარი გარიგების საფუძველზე მიწის რეგისტრაციას მეტი მოქალაქე შეძლებს. კერძოდ, რეგისტრაცია შესაძლებელი ხდება დოკუმენტის ასლის საფუძველზე, თუკი ასლი დაცულია ეროვნულ არქივში, საჯარო რეესტრში ან სხვა ადმინისტრაციული ორგანოს არქივში;  -   გამარტივდა საკუთრების უფლების რეგისტრაცია საკარმიდამო მიწის ნაკვეთებზე. იმ შემთხვევაში, თუ საკარმიდამო მიწის ნაკვეთზე არ იძებნება უფლების დამადასტურებელი დოკუმენტი, საკუთრების უფლების რეგისტრაცია შესაძლებელი იქნება მუნიციპალიტეტის მიერ გაცემული ცნობით; -   შესაძლებელი გახდა საკუთრების უფლების რეგისტრაცია იმ კომლების (ოჯახების) მფლობელობაში არსებულ მიწის ნაკვეთებზე, რომლებიც აღრიცხულნი არიან საკომლო წიგნებში, მაგრამ საკომლო წიგნში  მათი ქონებრივი მდგომარეობის შესახებ ინფორმაცია შევსებული არ არის.   ამგვარი მიწის რეგისტრაცია არ იყო შესაძლებელი. ასეთი შემთხვევებისთვის კანონით დგინდება ფაქტობრივად დაკავებული მიწის ნაკვეთის მაქსიმალური ზღვრული ნორმა − 0,75 ჰა, რაც, სხვადასხვა მუნიციპალიტეტის საკომლო წიგნების ანალიზის საფუძველზე, საოჯახო მეურნეობებისთვის გამოყოფილი მიწის ოდენობების საშუალო მაჩვენებელია. გარდა ამისა, სისტემური რეგისტრაციის შემთხვევაში: -   რეგიონს, სადაც სისტემური რეგისტრაცია განხორციელდება, განსაზღვრავს იუსტიციის მინისტრი საჭიროებისა და სახელმწიფო ინტერესიდან გამომდინარე;  -   აზომვითი სამუშაოების ზუსტად ჩატარების მიზნით, იმისათვის, რომ თითოეული მესაკუთრის უფლება სრულად იქნეს დაცული, პროექტის ფარგლებში საკადასტრო სამუშაოების ჩატარება შეეძლებათ მხოლოდ აკრედიტებული სუბიექტის მიერ სერტიფიცირებულ პირებს;  -   მიწის ნაკვეთის და მიწის ნაკვეთის საკადასტრო ნახაზზე ასახული მიწის ნაკვეთის იდენტურობა, ნაცვლად მუნიციპალიტეტის წარმომადგენლისა, დადგინდება სააგენტოს მიერ;  -  თვითნებურად დაკავებულ მიწაზე საკუთრების უფლებას სააგენტო აღიარებს; სააგენტო საკუთრების უფლებას აღიარებს თვითნებურად დაკავებულ ისეთ სათიბ, სახნავ ან საკარმიდამო მიწის ნაკვეთებზეც, რომლებზეც განთავსებული არ არის შენობა-ნაგებობა ან ისინი არ წარმოადგენს საკუთრებაში არსებული მიწის ნაკვეთის მომიჯნავე მიწის ნაკვეთებს. სპორადული რეგისტრაციის ფარგლებში: -  თუკი სარეგისტრაციოდ წარმოდგენილ მიწის ნაკვეთზე დაინტერესებული პირის უფლება ვერ დადასტურდება, საჯარო რეესტრი განსაზღვრავს, რამდენად ექვემდებარება საკუთრების უფლება აღიარებას და მხოლოდ დადებითი პასუხის შემთხვევაში გადაუგზავნის საქმეს მუნიციპალიტეტის საკუთრების უფლების აღიარების კომისიას, რაც განტვირთვას კომისიებს საქმეებისაგან და დააჩქარებს განხილვის პროცესს; -   შეიცვალა აღიარების კომისიების მიერ სააგენტოდან გადაგზავნილი საქმეების განხილვის ვადა და ის განისაზღვრება 3 თვით. პასუხის გაუცემლობა ჩაითვლება მოთხოვნის დაკმაყოფილებაზე უარის თქმად და გასაჩივრდება კანონმდებლობით დადგენილი წესით. ცვლილება მნიშვნელოვანია იმის გათვალისწინებით, რომ აღიარების კომისიაში საქმეების განხილვის ხანგრძლივობა და გაჭიანურება დღეს მოქმედი რეგულაციის ერთ-ერთი გამოწვევაა; -   გაფართოვდა მიწის მფლობელობის დამადასტურებელი დოკუმენტის ცნება. მათ შორის, თუკი ასეთ დოკუმენტად მიიჩნეოდა  ტექნიკური ინვენტარიზაციის არქივში აღრიცხული, 1994 წლამდე თვითნებურად დაკავებული მიწა, ახალი რეგულაციით ეს წესი გავრცელდება 2004 წლის 4 ოქტომბრამდე თვითნებურად დაკავებულ მიწებზე, რაც მიწის დაკანონებას გაუადვილებს მოქალაქეებს, რომლებიც მიწის ნაკვეთებს 1995 წლიდან ფლობენ. აღსანიშნავია, რომ არც სპორადული და არც სისტემური რეგისტრაციის შემთხვევაში, 2021 წლის პირველ იანვრამდე მიწის დაკანონება არ მოახდენს გავლენას იმ ოჯახების სარეიტინგო ქულებზე, რომლებიც იღებენ სოციალურ დახმარებას და სარგებლობენ სხვადასხვა შეღავათებით. შესაბამისად, ასეთ ოჯახებს შეუნარჩუნდებათ სოციალური დახმარება და ყველა შეღავათი, რითაც მიწის რეგისტრაციამდე სარგებლობდნენ.  კანონის ფარგლებში, 2022 წლის 1 იანვრამდე დოკუმენტაციის მოძიება და სისტემატიზაცია, გარიგებაზე მხარეთა ხელმოწერების დამოწმება, სანოტარო მედიაცია, მიწის ნაკვეთზე საკუთრების უფლების აღიარება, ფაქტების კონსტატაცია უსასყიდლოდ, საზღაურის გარეშე შესრულდება, ხოლო მიწის ნაკვეთზე საკუთრების უფლება და მასში ცვლილება სააგენტოს მიერ გაწეული მომსახურების საფასურის გადახდის გარეშე დარეგისტრირდება. ამასთან, სისტემური რეგისტრაციის ფარგლებში, 2022 წლის 1 იანვრამდე სამკვიდრო მოწმობის გაცემა უფასო იქნება. მიწის რეგისტრაციის რეფორმის მიზანი ქვეყნის მასშტაბით  მიწის ნაკვეთებზე უფლებათა რეგისტრაციის პროცესის დასრულებაა, რაც, ერთი მხრივ, დაიცავს მესაკუთრეთა უფლებებს, მეორე მხრივ კი, დაეხმარება მთავრობას, შეიმუშაოს სოციალური პროექტები, წარმართოს მიწის ადმინისტრირებისა და მიწათსარგებლობის ეფექტიანი პოლიტიკა, რომელიც ხელს შეუწყობს უწყვეტ ეკონომიკურ ზრდას სოფლის მეურნეობისა და აგრობიზნესის სექტორებში. საინფორმაციო შეხვედრები საქართველოს მასშტაბით სხვადასხვა მუნიციპალიტეტში ეტაპობრივად ... ...
  • განგაშის საფუძველი არ არსებობს, ქვეყანა დაცულია - ზურაბიშვილიგანგაშის საფუძველი არ არსებობს, ქვეყანა დაცულია - საქართველოს პრეზიდენტი სალომე ზურაბიშვილი ოკუპირებული ტერიტორიებიდან დევნილთა, შრომის, ჯანმრთელობისა და სოციალური დაცვის მინისტრს, ეკატერინე ტიკარაძესა და დაავადებათა კონტროლის ეროვნული ცენტრის ხელმძღვანელს, ამირან გამყრელიძეს შეხვდა. პრეზიდენტის განცხადებით, დღეს ქვეყანაში კორონავირუსთან დაკავშირებით შექმნილი მდგომარეობა, როგორც მთელს მსოფლიოში სერიოზულია, მაგრამ არა საგანგაშო. „დღეს მნიშვნელოვანია, რომ ყველა ზომა მიღებულია. საკოორდინაციო საბჭო სრულყოფილად მუშაობს და ჩვენი მოქალაქეები დაცულები არიან. საჭიროა, ყველამ დაიცვას ჰიგიენის რეკომენდებული ზომები, რათა ვირუსი არ გავრცელდეს. ქვეყანა დაცულია: საჰაერო მიმოსვლები შეზღუდულია იმ ქვეყნებთან, სადაც საჭიროა; ის საზღვრებია ჩაკეტილი, რომელიც საჭიროა. ჩვენ სრულ იზოლაციაში არ მოვაქცევთ ჩვენს თავს – ამის საჭიროება არ არსებობს. არც იმის საჭიროება, არსებობს რომ უცებ სასურსათო მაღაზიებში შეიქმნას საგანგაშო მდგომარეობა. ჩვენ უნდა ვიყოთ პასუხისმგებლიანები, მშვიდად შევხვდეთ ამ მდგომარეობას და ვიცოდეთ, რომ ბევრია ჩვენზე დამოკიდებული, სახელმწიფო კი, თავის მხრივ, ყველაფერს აკეთებს“, – განაცხადა საქართველოს პრეზიდენტმა შეხვედრის ... ...
  • შინაგან საქმეთა სამინისტრო განცხადებას ავრცელებსშინაგან საქმეთა სამინისტრო განცხადებას ავრცელებს: „შინაგან საქმეთა სამინიტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველო, საქართველოში ახალი კორონავირუსის შესაძლო გავრცელების აღკვეთისა და დაავადების შემთხვევებზე ოპერატიული რეაგირების მიზნით, სასაზღვრო გამტარ პუნქტებში უზრუნველყოფს ჯანმრთელობის მსოფლიო ორგანიზაციის მიერ მაღალი რისკის ზონებად განსაზღვრული ქვეყნებიდან შემოსული მგზავრების შემოწმებას და საქართველოში მათი განთავსების შესახებ ინფორმაციის რეგისტრაციას. ამ დროისთვის, მაღალი რისკის ქვეყნებად განსაზღვრულია 4 სახელმწიფო: ჩინეთი, სამხრეთ კორეა, ირანი და იტალია. ასევე, რისკ ჯგუფად განისაზღვრა ყველა იმ მესამე ქვეყნის მოქალაქე და საქართველოს მოქალაქეები, რომლებიც იდენტიფიცირებული არიან, რომ ბოლო ორი კვირის განმავლობაში იმყოფებოდნენ ჯანდაცვის მსოფლიო ორგანიზაციის მიერ რისკის ზონად ნომინირებულ სახელმწიფოებში. შინაგან საქმეთა სამინისტროს საპატრულო პოლიციის დეპარტამენტის საზღვრების მართვისა და კოორდინირების მთავარი სამმართველოს თანამშრომლები 24-საათიან რეჟიმში ამოწმებენ ზემოაღნიშნული ქვეყნებიდან შემომავალ მგზავრებს, ასევე, იმ მოქალაქეებს, რომლებიც ბოლო ორი კვირის განმავლობაში იმყოფებოდნენ ხსენებულ სახელმწიფოებში. მგზავრთა ინტენსიური შემოწმება მიმდინარეობს სახმელეთო სასაზღვრო გამტარ პუნქტებში: „წითელი ხიდი“, „სადახლო“, „სარფი“ და „დარიალი“, ასევე, საჰაერო სასაზღვრო გამტარ პუნქტებში - საქართველოს სამივე აეროპორტში: თბილისში, ქუთაისსა და ბათუმში. გარდა ამისა, აღნიშნულ გამტარ პუნქტებში მუდმივად მორიგეობს სამედიცინო პერსონალი. აღნიშნულ სასაზღვრო გამტარ პუნქტებში მესაზღვრის მიერ ხდება ქვეყანაში შემომსვლელი მგზავრის რისკის პირველადი შეფასება, მისი ე.წ. მოგზაურობის ისტორიიდან გამომდინარე და საჭიროების შემთხვევაში, მისი ადგილზე მყოფ მორიგე ექიმთან გადამისამართება. რაც შეეხება სხვა სასაზღვრო გამტარ პუნქტებს, მესაზღვრის მიერ რისკის დაფიქსირების შემთხვევაში ხდება სამედიცინო ბრიგადის გამოძახება, რომელიც ამოწმებს მგზავრს და შედეგის მიხედვით ტარდება შესაბამისი პროცედურები. საქართველოს სასაზღვრო გამტარ პუნქტებში, ყოველდღიურად, 24 საათის განმავლობაში, 25-დან 30 ათასამდე მოქალაქე შემოდის. იმ შემთხვევაში, თუ საქართველოში შემომსვლელი მგზავრი ბოლო ორი კვირის განმავლობაში არ იმყოფებოდა ოფიციალურად განსაზღვრულ რისკ ჯგუფის ქვეყანაში, მისი სავალდებულო სამედიცინო შემოწმება არ ხდება. ასევე, გაცნობებთ, რომ შექმნილი ვითარებიდან გამომდინარე, მედიის წარმომადგენლების უსაფრთხოების მიზნით, მიღებულ იქნა გადაწყვეტილება, რომ ჟურნალისტებს შეეზღუდოთ სასაზღვრო გამტარ პუნქტებში თავისუფალი გადაადგილება,“_ წერია გავრცელებულ ... ...
  • ამირან გამყრელიძე: შეხვედრისას გადაკოცნას მოერიდეთ დაავადებათა კონტროლის ცენტრის ხელმძღვანელი, ამირან გამყრელიძე, მოსახლეობას მოუწოდებს შეხვედრისას გადაკოცნისგან თავი შეიკაონ. „ძალიან გთხოვთ, არ გაგეცინოთ, მაგრამ ერთი მოწოდება უნდა გაგიკეთოთ. ქართველებს გვახასიათებს, როცა ერთმანეთს ვხვდებით, ვკოცნით და ძალიან გთხოვთ, იქნებ, თავი შევიკავოთ. ეს მხოლოდ კორონავირუსს არ ეხება. ზოგადად, ჩამოვაყალიბოთ ჩვენში ეს კულტურა, რომ განსაკუთრებით ამ დროს არ არის საჭირო, როდესაც რესპირაციული ინფექციები ბობოქრობს, რომლებიც სწორედ წვეთოვანი გზით და ახლო კონტაქტით გადადიან. ასეთ დროს, ასევე არ არის რეკომენდაციებში ხელის ჩამორთმევა, ამიტომ, სჯობს ხელის აწევით მივესალმოთ ერთმანეთს“ ,_ განაცხადა ... ...

არქივი

ზაფრანი

ყველაზე ნიჭიერი ზოდიაქოს ნიშნები

მორიელი - ზოდიაქოს ამ ნიშნის...

როგორია ქალის იდეალური სხეული

ცოტა ხნის წინ, აშშ-ის ტეხასის...

როგორ ვიპოვოთ ცხოვრების ერთგული მეგზური

ბედნიერება ჰგავს პეპელას. მან ზუსტად...

„დავიწყებული“ ჰოლივუდელები

ჯესიკა ალბა ჯესიკა ალბას გარღვევად...

როდის გრძნობთ თავს ყველაზე კარგად

ზამთარი – მშვილდოსნის, კუროსა და...

ქალი, ბიზნესი … ასტროლოგია

ქალწული - ზოდიაქოს კიდევე რთი...
კარმიდამო ჩემი

საკურა_ იაპონიაში გაზაფხულის სიმბოლო, მალე სამტრედიაშიც აყვავდება

საკურა-იაპონიაში გაზაფხულის სიმბოლო, ულამაზესი ალუბლის...

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...