"სასმელი წყალი" თბილისში _ გველებით, ბაყაყებით და ჭიებით...

მთავარი თემა

"სასმელი წყალი" თბილისში _ გველებით, ბაყაყებით და ჭიებით...

2013 ივლ 29 10:10:28

წინუბნის ზემო დასახლებაში მცხოვრებლების განმარტებით, ისინი წლებია წყლის პრობლემის მოგვარებას ითხოვენ და განცხადებითაც მიმართეს სამგორის რაიონის გამგეობას, კომპანია "ჯორჯიან უოთერ ენდ ფაუერ" და სამგორის რაიონის მაჟორიტარ დეპუტატს ზურაბ აბაშიძეს.

წინუბანის დასახლებაში მისულებს ერთ-ერთმა ქალბატონმა მარლის დოლბანდით შეხვეული ხელი გვაჩვენა: "წყლის ზიდვისგან ხელზე-ფეხზე "მაზოლი" გამიჩნდა. ხელზე ოპერაცია გავიკეთე. "ტაჩკების" თრევისგან ხელისგული დამიჩირქდა და გამიჭრეს.   ფეხზეც იგივე მდგომარეობა მაქვს. ოჯახში 4 პატარა ბავშვი გვყავს. რძალიც ეზიდება წყალს, მაგრამ არ გვყოფნის. ოჯახში რამდენი წყალი გინდა?! ქვედა უბანს აქვს წყალი და ზედა უბანს არა. საპარლამენტო არჩევნებამდე პირადად ველაპარაკე სამგორის რაიონის მაჟორიტარ დეპუტატ ზურაბ აბაშიძეს. გვითხრა ყველაფერს ვიღონებ ამ პრობლემის მოსაგვარებლად და გექნებათ სასმელი წყალიო. მას შემდეგ რაც მაჟორიტარი გახდა, არ გვინახავს. სასმელ წყალს ბაყაყები და ჭიები მოჰყვება. წყალი ყველა დასახლებაშია მიყვანილი, მაგრამ  2 წელიწადია წყალი არ გვინახავს. არჩევნებამდე მიხეილ მაჭავარიანი იყო ამოსული, შეგვპირდა გზას აუცილებლად გაგიკეთებთო და დააგეს კიდეც. გზა გაგვიკეთეს. წყალზეც შეგვპირდა. მაგრამ ჯერ-ჯერობით არაფერია. აბაშიძე არჩევნების შემდეგ, არც ამოსულა." - განაცხადა ქალბატონმა.

"სად სცალიათ ჩვენთვის. დასალევი წყლის სურვილით უნდა მოკვდე?! დასალევ წყალს კიდევ მოიტან. მაგრამ, დაბანა ხომ გვინდა? ცენტრალური მილის გაყვანის შემდეგ, დასახლებაში მაცხოვრებლების უმეტესობამ სასმელი წყალი თვითნებურად, საცხოვრებელ კორპუსებში  რეზინის "შლანგით" შეიყვანა. დღევანდელ პერიოდში "კანისტრით" მოტანილი წყლით შეიძლება ცხოვრება?  სად ვცხოვრობთ და სად ვართ. დასაბანი წყალი რომ არ იყო, ნაწვიმარი წყლით ვიბანდი თავს და თმები დაგვცვივდა. "- გვითხრა ქალბატონმა მზიამ.

"ქვედა უბნიდან ამოგვაქვს წყალი და რომ ვადუღებთ გამჭირვალე ჩაიდანში წყალი იჭრება, იკუწება. საშინელებაა. თეთრ ნადებს იდებს. აქ მამაოს ცოლ-შვილი ცხოვრობს, ბავშვები დაეწამლათ. გაიყიდა ქალი მთელი  კვირაა "ბაკურიანის" წყალს ყიდულობს და იმას ასმევს. ბავშვებს დეზინტერია დაემართათ.  საავადმყოფოშიც ჰყავდათ. წამალმა ვერ უმკურნალა აი ამ სასმელი წყლის ნასვამი. თბილისის ყურის ძირში ვართ. 15 წუთში ვართ თბილისში. არხში ტექნიკური წყალი მოდის გველებით სავსე. საშინელებაა."- შემოგვჩივლა მაღაზიის გამყიდველმა. დასახლების მცხოვრებლებმა "გურია ნიუსთან" განაცხადეს, რომ ოჯახებში სასმელი წყლის მილების  შეყვანისთვისთვის 20 ლარიდან 100 ლარამდე გადაიხადეს. თუმცა წყალი დღემდე არ უნახავთ.

სამგორის რაიონის ნორიოს დასახლების წინუბანში სასმელი წყლის პრობლემებზე "გურია ნიუსთან "სამგორის რაიონის მაჟორიტარი დეპუტატი, ზურაბ აბაშიძე აცხადებს: "სასმელი წყლის პრობლემა უმოკლეს ვადებში მოგვარდება.  მარტო ის უბანი არ არის. იქ არის სოფელი ნაცაგური, პატარა ლილო და დიდი ლილო, რომელსაც ანალოგიური პრობლემები აქვს. ამ სოფლების წყლის რეაბილიტაციისთვის 2 მილიონი ლარი იყო გამოყოფილი. თქვენ იცით რომ რეალურად ეს "წყალკანალმა" უნდა გააკეთოს. სახელმწიფოს თანამონაწილეობა 2 მილიონი ლარით არ აღმოჩნდა საკმარისი.  ამ თანხის თითქმის 2-ჯერ გაზრდა მოგვიხდა. ეს არის მუნიციპალური ბიუჯეტი. ამ საკითხის მოგვარება და თანხებს მოიძიება მერიამ უნდა უზრუნველყოფს. მე, როგორც დეპუტატი, ვალდებული ვარ ეს პრობლემები  მივიტანო ადრესატამდე და დროულად გადაწყვიტონ პრობლემა.  წლებია ეს საკითხი პრობლემა იყო. იმედი მაქვს, რომ უახლოეს პერიოდში დაიწყება სამუშაოები და ეს პრობლემა უახლოეს პერიოდში გადაიჭრება."

"გურია ნიუსმა" კომპანია "ჯორჯიან უოთერ ენდ ფაუერ" მიმართა საკითხის გასარკვევად. ჩვენი კითხვა მდგომარეობდა შემდეგში: _ თბილისის, სამგორის რაიონის ნორიოს დასახლება წინუბანში, სადაც დაახლოებით 400 კომლი ცხოვრობს, წლებია მოსახლეობას არ აქვს სასმელი წყალი. ადგილობრივების განცხადებით, წინუბნის ზემო დასახლებაში გაყვანილია სასმელი წყლის მილი და გაკეთებულია ონკანი, რომელშიც  ბოლო 2 წელია წყალი იშვიათად მოდის.  იგი დასალევად უვარგისია. არის დაბინძურებული. წყალს მოჰყვება ბაყაყები და ჭიები.  წინუბნის ზემო დასახლებაში მცხოვრებლების განმარტებით, ისინი წლებია წყლის პრობლემის მოგვარებას ითხოვენ და განცხადებითაც მიმართეს კომპანია "ჯორჯიან უოთერ ენდ ფაუერს". გთხოვთ, განგვიმარტოთ, მოგმართათ თუ არა  თბილისის, სამგორის რაიონის ნორიოს დასახლების წინუბანში მცხოვრებლებმა სასმელი წყლის პრობლემის მოგვარებასთან დაკავშირებით და როდის გეგმავს კომპანია "ჯორჯიან უოთერ ენდ ფაუერი" ზემოაღნიშნული პრობლემის მოგვარებას?

"ჯორჯიან უოთერ ენდ ფაუერის" საზოგადოებასთან ურთიერთობისა და მარკეტინგის დეპარტამენტში განგვიცხადეს: "სამგორის რაიონის ნორიოს დასახლება წინუბანი თბილისის ახალ ადმინისტრაციულ საზღვრებში შემავალი ტერიტორიაა. წინუბნის ზედა დასახლებაში, მსგავსად ზოგიერთი ახლად შემოერთებული სოფლებისა და კერძო დასახლებებისა, არ არის და არც არასდროს ყოფილა განვითარებული წყალსადენისა და წყალარინების (კანალიზაცია) ქსელები. არის შემთხვევები, როდესაც ქსელები იმდენად სტიქიურად და არა პროფესიონალურადაა გაყვანილი  მოსახლეობის მიერ, რომ ამით პრობლემის მოგვარება ვერ ხერხდება.  შესაბამისად, მაცხოვრებელთა ეს კატეგორია არც არიან კომპანიის აბონენტები.  ასეთ შემთხვევაში, „ჯორჯიან უოთერ ენდ ფაუერი“ ვერც სასმელი წყლის ხარისხზე აგებს პასუხს. დედაქალაქის ახალ ადმინისტრაციულ საზღვრებში, სადაც კომპანიის პრივატიზებამდე არ იყო განვითარებული წყალმომარაგებისა და წყალარინების ქსელები, „ჯორჯიან უოთერ ენდ ფაუერს“ არ გააჩნია  მათი განვითარების ან მოწყობის ვალდებულება. რამდენადაც კონკრეტულ შემთხვევასთან დაკავშირებით გაგვაჩნია ინფორმაცია, სამგორის გამგეობას უკვე დაწყებული აქვს ამ მიმართულებით მუშაობა, რის განხორციელებაშიც „ჯორჯიან უოთერ ენდ ფაუერი“ თავისი კომპეტენციის ფარგლებში გაუწევს დახმარებას."

სამგორის რაიონის გამგებლის მოადგილე, შოთა გრიგოლია აცხადებს: "ოჯახებში სასმელი წყლის არარსებობის პრობლემა აწუხებს ჩვენი რაიონის შემადგენლობაში შემავალ 4 სოფელს (დიდი ლილო, ნასაგური, წინუბანი, პატარა ლილო). ამჟამად GWP რომელიც როგორც მოგეხსენებათ, არის კერძო კომპანია, მუშაობს პროექტზე. ბიუჯეტში არსებობს თანხები აღნიშნული პრობლემის გადასაჭრელად და პროექტის დასრულებისთანავე, ეტაპობრივად, ოთხივე სოფელს მოუგვარდება სასმელი წყლის პრობლემა."

როგორც წინუბაში მცხოვრებლებმა გვითხრეს, რამდენიმე თვის განმავლობაში არხის წყალიც არ ჰქონდათ.

"ზამთარში სარეცხის, საჭმლის და სასმელი წყლისთვის ქვევით დავდიოდით. წყალი გვენატრებოდა. 6 თვის განმავლობაში არხის წყალიც არ გვქონდა. აგერ ამის მეუღლეს 20 ლიტრიანებით მარტო მოაქვს წყალი. აბა როგორი საქმეა? გამგეობასაც ვაწუხებთ. აქ იცით წყალი რატომ არ მოდის? იმიტომ რომ ქვედა უბანში ყველამ თვითნებურად გათხარა და წყალი "შლანგებით" სახლში შეიყვანა. წყალი ქვევიდან მოდის, იქ თუ მოშვებულია აქ არ ამოდის..."




 ახალი ამბები
  • ერთდღიანი ბაზრობის პოლიტიკური ელფერიის, რომ ჩოხატაურის მუნიციპალიტეტში ბაზრობა კვირას იმართება, ეს ამბავი ახალი არ არის... და ეს დღეს ჩვეულებრივად ჩაივლიდა, რომ არა აქცია "ვამხილოთ გურული ფეოდალი მაჟორიტარები“. აქციის მონაწილეები დაახლოებით 12 საათისთვის გამოჩდნენ ბაზარში. მათ გამოჩენას, თან "ქართული ოცნების" დეპუტატების გამოჩენა მოყვა. არაერთხელ იყო სიტყვიერი დაპირისპირება და იმის ხსენება, ვინ ვისი პოლიტიკური წევრი იყო ადრე და ა.შ. ასევე აქციაზე ალეკო ელისაშვილი მოსახლეობას ეკითხებოდა მაჟორიტარი-დეპუტატის, ნინო წილოსანის საქმეებზე, რაზეც ზუსტ კონკრეტულ პასუხს იშვიათად სცემდნენ. აქციის პარარელურად "გურია ნიუსმა" რამდენიმე ფოტო გადაიღო, სადაც ხალხი სხვადასხვა პროდუქტების გაყიდვით იყვნენ დაკავებულები. სიძვირე აშკარად ეტყობოდა პროდუქტებს, არა არის გამორიცხული, საახალწლოდ ეს ფასები ... ...
  • ოზურგეთის ხელოვნების ცენტრი 30 წლისაა13 დეკემბერს,  ოზურგეთის მერაბ ბერძენიშვილისსახელობის  ხელოვნების ცენტრის 30 წლის აღსანიშნავ  ღონისძიებაზე , სამხატვრო გალერეაში ბევრ სტუმართან ერთად, თავი მოიყარეს ოზურგეთელმა მასპინძლებმა. _მჯერა, ყველა ჩვენგანი გახარებულია დღეს და თქვენც ასევე გიხარიათ.  30 წელი, შესაძლოა, ბევრი არ არის,   მაგრამ ერთი სერიოზული ეტაპი  მაინც არის.  ამ ხნის მანძილზე 300-მდე გამოფენა ჩარატრდა, თავისი კატალოგებით, ბუკლეტებით. დღევანდელი   დღე ასე ბედნიერად დაიწყო და ასე დამთავრდება _ ჩვენ  გავაკეთეთ კატალოგი, რომელიც შეგიძლიათ,  საჩუქრად წაიღოთ. ჩვენ გავაკეთეთ ასევე  მოკლე კლიპი 30 წლიანი ისტორიისა, რომელსაც ახლა ნახავთ და ბევრი საკუთარ თავსაც იხილავს, რადგან თქვენ ის ადამიანები ხართ, რომლებიც სულ ჩვენთან იდექით, ჩვენ ვართ ცენტრი, სადაც კეთდება რეგიონული გამოფენები, ასევე  გვაქვს უამრავი  გაცვლითი გამოფენები, _ ამ სიტყვებით  გახსნა ღონისძიება  და სტუმრებს მისალმა ოზურგეთის სახვითი ხელოვნების ცენტრის წარმომადგენელი, ლია ურუშაძე. სურატების გალერეის დირექტორმა,  ავთანდილ თავართქილაძემ მადლობა გადაუხადა  სტუმრებს და ესაუბრა 30-წლიან გზაზე, რომელიც გაიარა გალერეამ. _ამ 30-მა წელმა დამანახა, რომ უამრავი ადამიანია გურიაში დაკავებული სახვითი ხელოვნებით. განსაკუთრებით ქალბატონები.  ეს ნიჭიერება არის ცვენთან. ჩვენ ვატარებდით ხალხური რეწვის ოსტატთა გამოფენებს. თამამად  შეგვიძლია ვთქვათ, რომ  ოზურგეთი არის არამხოლოდ ფოლკლორის ,  არა მხოლოდ პოლიფონიის ქალაქი, არამედ სახვითი ხელოვნების ქალაქი.  ჩვენი ცენტრი რევოლუციური მონაპივარია.  1989 წელს დაიწყო ეს ყველაფერი.  არაფერი არ ასებობდა, მაგრამ აქ იყო სესანიშნავი მხატვრების ჯგუფი, ვახტანგ მამეშვილი, რეზო ჯაში,  ვარლამ ჭკუასელი, ჯემალ მიმინოშვილი, ვასო მჟავანაძე  და ბევრი სხვა, რომელთა არჩეული ვარ მე. ამ ხალხის  აქ ყოფნა იყო სახვითი ხელოვნების  განვითარება.  ეს იყო ეროვნული მოძრაობა, ფაქტიურად. ასე დაიწყო ყველაფერი.დიდი ენერგია ჩემგან სწორედ ამ „გალერჩიკობაში“ წავიდა. კიდევ უფრო უნდა განვითარდეს. მომავალ წელს აუცილებლად   გავხსნით  მერაბ ბერძენიშვილის ქანდაკებას.  იცით, ქუთაისში ვანდალური ფაქტი მოხდა, დაშალეს ქუთაისში. ეს იყო დიდი ტკივილი მისტვის.  მისი ქანდაკება, უნდაამშვენებდეს ოზურგეტს. ჩვენი პროექტები უკვე საერთაშორისოა. ჩვენ გვაქვს სემოქმედებით სახელოსნო, რომლის გარეშეც გალერეა არის მკვდარი.  კარგად ხედავთ ექსპოზიციის ესთეტიკას. მაჯისცემა უნდაიგრძნობოდეს და ასეც ხდება. თავიდან  სამხატვრო გალერეა ერქვა და მადლობა უფალს, რომ  გადავურჩით    გაერთიანებებს. ეს ხელისუფლების დამსახურებაც  არის.   ასევე ბოდიშს ვიხდი, რომ დღევნელი დღე  დაემთხვა იმ რაღაც აქციას და მოვლენას, რაც თბილისში ხდება.  კი შეიძლებოდა გადადება, მაგრამ ღონისძიება იგეგმება ერთი და ორი თვით ადრე და ამიტომ მოხდა ასე. . თუმცა დღევანდელი დღით  ვეხმიანებით სრულიად საქართველოს. ყველამ უნდა აკეთოს თავისი საქმე და გადარჩებასაქართველო, _ ასე დაასრულა მან თავისი გამოსვლა   და შემდეგ კლიპის სანახავად მიიპატიჟა ყველა. ვიდეოფირზე კარგად იყო ასახული გალერეის მიერ გავლილი 30 წლიანი გზა. სტუმრად მყოფმა ხელოვანებმა, ბათუმიდან, ქუთაისიდან და თბილისიდან  ცამოსულმა  სხვადასხვა გალერეის თუ მუზეუმების ხელმძღვანელებმა ბევრი თბილი სიტყვა თქვეს და სამახსოვრო საჩუქრები გადასცეს იუბილად  გალერეას. დასარულ, საზეიმოდ გაჭრეს ტორტი და კიდევ ერთხელ აღნიშნეს სტუმრებმა და მასპინძლებმა, რომ ოზურგეთის არის როგორც ფოლკლორის, პოლიფონიის,  სახვითი ხელოვნების ... ...
  • "ერთადერთი, რაც შემიძლია, საჩუქრად გადავცე კომპასი“_თალაკვაძე ელისაშვილს ეხმაურებადღეს "სამოქალაქო მოძრაობამ" ჩოხატაურის ბაზარში აქცია გამართა კამპანია "ვამხილოთ ფეოდალი მაჟორიტარების" ფარგლებში. ბაზარში მისულმა სამოქალაქო მოძრაობის წევრებმა  იქ მყოფ ადამიანებს თანამდებობაზე მყოფი წარმოშობით გურულების,  ლანჩხუთის მაჟორიტარი დეპუტატი ნინო წილოსანის და პარლამენტის თავმჯდომარის, არჩილ თალაკვაძის შესახებ ესაუბრნენ და  ფეოდალიზმში დაადანაშაულეს. როგორც სამოქალაქო მოძრაობის წევრები ამბობენ, ისინი მოსახლეობაზე არ ზრუნავენ და ხალხის ხარჯზე მდიდრდებიან. აქციამ ჩოხატაურის ბაზრიდან ოზურგეთის მერიასთან გადაინაცვლა, სადაც არჩილ თალაკვაძის მაჟორიტარული ოლქი მდებარეობს.  სამოქალაქო მოძრაობის წევრებს მერიის კარი დაკეტილი დახვდათ, კარზე კი სტიკერები მიაკრეს წარწერით "მაჟორიტარი ფეოდალია". თალაკვაძე ელისაშვილის მიერ წაყენებულ ბრალდებას ეხმაურება და ამბობს, რომ "სამოქალაქო მოძრაობის" ლიდერისთვის კომპასის საჩუქრად გადაცემას აპირებს. „უკმაყოფილო ყოფილა რატომ არავინ არ დამხვდაო? - დღეს არის კვირა დღე და ელისაშვილმა ეს კარგად იცოდა, სწორედ ამიტომ აირჩია კვირა დღე. რაც შეეხება მის კამპანიას, ის თურმე ოზურგეთში ჩასული იყო და საზოგადოებას უმტკიცებდა, რომ ოზურგეთის მაჟორიტარი არის მდიდარი ფეოდალი. ერთადერთი, რაც შემიძლია, არის ის, რომ მას საჩუქრად გადავცე კომპასი“,_ განაცხადა ... ...
  • "თავისუფლება ვაჟა ექიმს" _ კახა ასკურავა საოკუპაციო ხაზთან ჩავიდა"ექიმი ისეთი პროფესიაა, მტერი რომ ნახო დაჭრილი, მას უნდა უმკურნალო, ვალდებული ხარ. ვაჟა გაფრინდაშვილის ფაქტი სწორედ ის შემთხვევაა, როცა ცხადია, რომ პუტინის პოლიტიკა უარყოფს და უგულებელყოფს ყოველივე მორალურს, დაწერილ თუ დაუწერელ კანონებს, რომელიც ხანდახან უფრო მეტი ვიდრე მსოფლიო კონვენცია!", _ აღნიშნულის შესახებ "ერთიანი ნაციონალური მოძრაობის“ ლანჩხუთის რაიონული ორგანიზაციის თავმჯდომარე კახა ასკურავა ფეისბუქის საკუთარ გვერდზე წერს. იგი რამდენიმე წუთის წინ ჩავიდა საოკუპაციო ხაზთან, სადაც სეპარატისტული რეჟიმის მიერ უკანონო პატიმრობაში მყოფი ექიმის ვაჟა გაფრინდაშვილის ოჯახი და მხარდამჭერები აქციას მართავდნენ. როგორც კახა ასკურავამ "გურია ნიუსთან" აღნიშნა, გზა აერიათ და, სამწუხაროდ, აქციას ვერ ჩაუსწრეს. მანვე მოგვაწოდა საოკუპაციო ხაზთან გადაღებული ... ...
  • "თავისუფლება ვაჟა ექიმს" _ საოკუპაციო ხაზთან ვაჟა გაფრინდაშვილის ოჯახი აქციას მართავს"სოხუმი და ცხინვალი საქართველოა", "სამშობლოს სიყვარული დანაშაული არ არის", "თავისუფლება ვაჟა ექიმს"- ამ მოწოდებებით საოკუპაციო ხაზთან, დუშეთის რაიონის სოფელ ოძისში ვაჟა გაფრინდაშვილის ოჯახის წევრები და მხარდამჭერები აქციას მართავენ. მათთან ერთად ადგილზე იმყოფებიან ევროკავშირის სადამკვირვებლო მისიის წარმომადგენლები, თეთრ ხალათებში ჩაცმული ექიმები, პოლიტიკური პარტიების ლიდერები და სამოქალაქო აქტივისტები. შეგახსენებთ, რომ დღეს ვაჟა გაფრინდაშვილის ოჯახის წევრები და მხარდამჭერები რესპუბლიკის მოედანზე შეიკრიბნენ და ოძისამდე საავტომობილო მსვლელობით გადმოინაცვლეს. "გურია ნიუსი" უმოკლეს დროში შემოგტავაზებთ ინფორმაციას საოკუპაციო ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...