ევრორემონტიანი, გამოკეტილი საბავშვო ბაღები და "ციხედქცეული სკოლები"

მთავარი თემა

ევრორემონტიანი, გამოკეტილი საბავშვო ბაღები და "ციხედქცეული სკოლები"

18 მაი. 2011, 09:18:22
თემში შედის სოფელი ბაღდადიც და სულ 766 კომლი ცხოვრობს. ცხემლისხიდის რწმუნებულის ლევან ჭელიძის თქმით, სხვა სოფლების მსგავსად, ჩაისა და ციტრუსის ინდუსტრიის საფუძველზე, ეს სოფელიც ძლიერი იყო. სოფლის რწმუნებულის თქმით, დღეს მოსახლეობას ეკონომიკურად ძალიან უჭირს და ყველაზე დიდ პრობლემად დასაქმებას ასახელებს. აქ ერთადერთი შემოსავლის წყარო თხილია. სოფელს აქვს საექიმო ამბულატორია, ჰყავს ექიმი და ექთანი. მხოლოდ ერთი სავაჭრო მაღაზიაა. სოფელს არ აქვს კულტურის სახლი.

სოფელ ნაგომრის მსგავსად, შარშან, სოფლის დახმარების პროგრამით განსაზღვრული თანხით, ცხემლისხიდის საბავშვო ბაღს 30 000-ლარიანი ევრორემოტი ჩაუტარდა; ამ შენობას ჰყავს დარაჯი, რომელსაც ხელფასი ბიუჯეტიდან ეძლევა, ხოლო ევრორემონტიანი ბაღი, რომელიც სოფლის ადმინისტრაციული შენობის მეორე სართულზე მდებარეობს, არ ფუნქციონირებს, რაც სოფლის მცხოვრებლების აღშფოთებას იწვევს. ისინი ამბობენ, რომ სოფლებში არაფერი არ გაკეთებულა და საერთოდ არ იციან სოფლის პროგრამის შესახებ. მათი თქმით, სოფელზე ოთხი სოფლის დამაკავშირებელი გზა გადის, რომელიც დანგრეულია, რასაც ხელისუფლების უყურადღებობას აბრალებენ. ისინი "გურია ნიუსთან" საუბარში იხსენებენ, რომ როცა საქართველოს პრეზიდენტი საშობაოდ სოფელ ცხემლისხიდში სალუქვაძეების ოჯახს სტუმრობდა, ეს გზა არ აჩვენეს და შემოვლითი გზით სოფელ შემოქმედიდან შემოიყვანეს, უკანაც იმავე გზით დააბრუნეს. მაშინ მიხეილ სააკაშვილი მოსახლეობას დაპირდა, რომ აუცილებლად დაიგებოდა ახალი გზა შემოქმედი-ცხემლისხიდის მიმართულებით. თუმცა, დაპირების მიუხედავად, უგზაოობა დღემდე ერთ-ერთი დიდი პრობლემაა. "გურია ნიუსთან" საუბრისას რამაზ ნიკოლაიშვილიც ადასტურებდა, რომ პრეზიდენტის დანაპირები შესრულდებოდა, თუმცა, დაპირებიდან მეორე წელი გადის.

ოზურგეთის მუნიციპალიტეტის სოფელ ცხემლისხიდში ყოფნისას, პირველ რიგში, ცენტრში მდებარე საჯარო სკოლით დავინტერესდით, თუმცა, სკოლის დირექტორმა ლალი სიჭინავამ კითხვებზე პასუხის გაცემა არ ისურვა და ოფიციალური მომართვა მოითხოვა. უფრო მეტიც, კანონი დაარღვია და ფოტოს გადაღება აგვიკრძალა! ეს იმას ნიშნავს, რომ, სამწუხაროდ, სკოლის დირექტორებმა უამრავი გამოცდის და "ტესტების" ჩაბარების მიუხედავად, საქართველოს ზოგადი ადმინისტრაციული კოდექსი არ იციან ან "უფროსებისგან" არიან ასე "დამოძღვრილი":

_ მე მინდა ოფიციალური მომართვა იმის შესახებ, რა გაინტერესებთ. ხვალ ან ზეგ აუცილებლად მოგაწოდებთ ინფორმაციას.

_ რამდენიმე კითხვა, თუ შეიძლება...

_ არა. მე კითხვებს თავს კი არ ვარიდებ, უბრალოდ, ვითხოვ ოფიციალურ მომართვას, რომ თქვენ გჭირდებათ საჯარო ინფორმაცია და და მე ვალდებული ვარ, გიპასუხოთ. ოღონდ ოფიციალური მომართვის შემდეგ.

_ ფოტოს გადაღებასაც ოფიციალური მომართვა სჭირდება?

_ ნუ, ესეც საჯაროა, მაგრამ, როცა ოფიციალურად მოგვმართავთ, ჩემი თავი გენაცვალოთ.

გურამ ლომინაძე, ბაღდადელი, 76 წლის: _ თუ არის ვინმე გამკითხავი, რა ხდება სოფელში?! ერთი კეკალი სიმინდი არ ჩამიგდია მიწაში, ზოგმა დაიწყო ხვნა, ზოგი თესავს და ზოგიც _ ვერა. ხედავთ, როგორი გზაა? ტელევიზორში გამოდიან, ასეთი და ისეთი გზები იგებაო, ამბობენ. მოვიდნენ და ნახონ, როგორი გზა გვაქვს. პრეზიდენტი რომ ჩამოვიდა საშობაოდ, ორი წლის წინ, ცხემლისხიდში, შემოქმედის გზით შემოიყვანეს. არ ანახეს აგი დანგრეული გზა. მე ვინ მიმიშვა იქამდე, რომ მეთქვა ჩვენი არჩეული პრეზიდენტისთვის სოფლის გასაჭირის შესახებ ან ამ კუთხიდან იყო ვინმე?! დაქცეულია ჩვენი სოფელი. ყველგან გაზია, ჩვენ გარდა. რწმუნებული არაფერს ითხოვს, მან არ უნდა მოითხოვოს, არ უნდა შეაწუხოს მუნიციპალიტეტის ხელისუფლება? რად უნდოდათ სტადიონი რომ გააკეთეს ცხემლისხიდის ცენტრში? გავსებულია საქონლით. სად არის საბავშვო ბაღი, იმდენი ფული რომ დაახარჯეს?

თემური გავაშელი მთავარ პრობლემად უგზოობას ასახელებს: _ ყველგან კარგი გზაა, ამ სოფლის გარდა. გარდა ამისა, საწვავის ფულიც არ აქვს ხალხს, ყანები დასახნავია, ზოგმა დახნა გაჭირვებით, მაგრამ საერთო ფართობი რომაა, იქ ჩამიჩუმი არ ისმის ჯერ. ძალიან უჭირს მოსახლეობას _ სახლიდან თუ რამეს გაყიდი, მხოლოდ ეგაა ჩვენი შემოსავალი.

ლამარა ლომინაძე, 69 წლის მარტოხელა პენსიონერია და "გურია ნიუსთან" საკუთარ უბედურებაზე საუბრობს: _ ერთი შვილი მყავდა და ისიც მომიკვდა. მალე მეუღლეც გარდამეცვალა. ვარ მძიმე ავადმყოფი, ბევრი ოპერაცია მაქვს გადატანილი. მხოლოდ პენსიის იმედად ვარ, რომ წამალი ვიყიდო. მომიხსნეს ის საარსებო შემწეობაც, რომელიც მქონდა და ახლა ვუცდი, როდის დამინიშნავენ. ჯერ არაფერი ჩანს.

_ სოფლის რწმუნებულს მიმართეთ?

_ რწმუნებულმა იცის ჩემი ამბავი, მაგრამ ვერაფერს აკეთებს. ისეთია, არც გაწყენინებს და არც გაგიკეთებს რამეს. თქვენ, ჟურნალისტებს ბევრი რამ შეგიძლიათ, მიიტანეთ ხელისუფლებამდე ჩემი პრობლემა, ძალიან გთხოვთ.

ეთერი დუმბაძე, 78 წლის: _ ჩემი 90 ლარი არ მყოფნის. დახმარება მომიხსნეს, შვილები უმუშევრები მყავს; რა ვიყიდო 90 ლარით, როგორ ვარჩინო ოჯახი? ყანა ვერ დავთესეთ. ახლა ტყემალი შემოვა, გავაკეთებთ ახალ ტყემალს და ვჭამთ. სოფლის ყველაზე დიდი პრობლემა უმუშევრობა და ეკონომიკური სიდუხჭირეა. სოფელში გზა არ არის, წყალი არ გვაქვს... მეკითხებით, სოფლის დახმარების პროგრამის ფარგლებში რა გაკეთდა? არაფერიც არ გაუკეთებიათ.

კლარა თვარაძე, 70 წლის: _12 წელი ვიყავი საბერძნეთში, ვუვლიდი ჩემზე დიდი ასაკის და აღნაგობის ახლობელს, დავარდნილს და დაინვალიდებულს. 55 წლის ვიყავი იქედან რომ წამოვედი. ჩვენ რაღაცით გაგვაქვს თავი, მაგრამ იცით, რამდენი გაჭირვებულია? ნახევარზე მეტი შიმშილობს. ჩაის ფაბრიკები რომ მუშაობდა, ხალხი დასაქმებული იყო, ახლა მხოლოდ თხილზეა დამოკიდებული. ყანები ისე შორს გვაქვს, რომ ძალიან ძვირი ღირს დათესვა და ალბათ, ნახევარზე მეტი ვერც დათესავს. პირველ რიგში გზა არ უნდა გაკეთებულიყო? კი ხედავთ, რა გზაა. პრეზიდენტს ვთხოვთ, ნუ შემოატანინებს ვაჭრებს ამ ძვირიან საქონელს, ცოდვაა ხალხი. მოგმართავთ პრეზიდენტო, რომ სოფლის მშრომელი ღარიბი ხალხი ამ კრიზისიდან როგორმე ამოიყვანე! ოცკილოიანი ქატო რომ 14 ლარი ღირს, იქ შრომა და პირუტყვის ყოლა ღირს?

სოფლის რწმუნებული ლევან ჭელიძე "გურია ნიუსის" კითხვებს თავს არ არიდებს და ამბობს, რომ ადრე სოფელი ძლიერი იყო, ჰყვაოდა ჩაის კულტურა და ფუნქციონირებდა ჩაის ფაბრიკა.

_ ძირითადად, მაინც ასე ვიტყოდი, რომ სოფელს უჭირს. მოსახლეობის უბადრუკი ყოფა სახეზეა. ყველაზე დიდი პრობლემა სოფლისა, არის დასაქმება. დაუსაქმებელია სოფლის ახალგაზრდობა და მოსახლეობის უმეტესი ნაწილი, ეძებენ სამუშაოს, წასულები არიან საქართველოდან, უმეტესად _ თურქეთში. ბათუმში, თბილისში... თვეობით მიდიან, რომ რაიმე შემოსავალი ჰქონდეთ. თხილის შემოსავალი კი ერთადერთია, რითაც წლიდან წლამდე თავი გააქვთ. სიმინდის მოსავალიც გარკვეულ როლს თამაშობს _ ესაა და ეს.

_ დაიწყო თუ არა საგაზაფხულო სამუშაოები?

_ კი, დაიწყო, ამინდებმა შეაფერხა მუშაობა, თორემ აქამდე დავიწყებდით. სოფელს ოთხი ტრაქტორი ემსახურება. ისე, ექვსი გვყავს, ეს არის კერძო ტრაქტორები. ამერიკულ სიმინდს "ჩალიანში" ვთესავთ. ჩვენთან მოთხოვნა არის ამ სიმინდზე, ეს არის პრობლემა, რომ მოსახლეობას უჭირს საწვავის ყიდვა. ითესება ორივე, ამერიკულიც და ქართულიც.

_ რამდენი შეჭირვებული გყავთ სოფელში?

_ ძალიან ბევრი; სოციალურ დახმარებას იღებდა 90 ოჯახი, ახლა მათი რიცხვი შემცირდა და როგორც ბოლო მონაცემებით ვიცი, 50-მდე ჩამოვიდა.

_ რატომ? ვითომ გამდიდრდნენ ეს ოჯახები?

_ მოხდა გადაფასება.

_ ბატონო ლევან, რამდენიმე ოჯახში ვიყავით, სადაც დემოგრაფიული ცვლილების გამო, ოჯახის ერთი წევრის სიკვდილის შემდეგ, საერთოდ მოეხსნათ დახმარება.

_ ნუ, ახლა ამის შესახებ შესაბამის სამსახურს უნდა მიმართოთ.

_ კი, მაგრამ ახლა კანონში პირდაპირ წერია, რომ სოფლის რწმუნებულს შეუძლია შუამდგომლობა გაუწიოს ოჯახებს, რომელიც ძალიან გაჭირვებულია.

_ კი, დაგეთანხმებით, მე წარვადგინე ასეთი ოჯახების სია და შუამდგომლობაც გავუწიე. ახლაც დავაყენე შუამდგომლობა დუშა ბაკურაძის ოჯახის თაობაზე.

_ მინდა, გკითხოთ ლამარა ლომინაძეზე. ფლობთ თუ არა ინფორმაციას ამ ქალბატონის შესახებ და ადასტურებთ თუ არა, რომ მას ძალიან უჭირს? როგორც ქალბატონი ლამარა ამბობს, არის მარტოხელა პენსიონერი, აქვს ორი უმძიმესი ოპერაცია გადანატანი, ქმარი და ერთადერთი შვილიც გარდაცვლილი ჰყავს და ძალიან უჭირს.

_ კი, კი, თავისთავად შემიძლია დაგიდასტუროთ ამ ქალბატონზე, რომ მას ძალიან უჭირს. დავაყენე კიდეც შუამდგომლობა მასზე. ვიცი, რომ ეს ოჯახი სოციალურ დახმარებას მიიღებს, გადამოწმებულია აგენტის მიერ და უახლოეს დღეებში დაენიშნება.

_ სოფელში ერთ-ერთ ყველაზე დიდ პრობლემად უგზოობას ასახელებენ. რატომ ვერ გადაიჭრა ეს პრობლემა ამდენი ხნის განმავლობაში?

_ წელს, მაისის თვიდან დაიწყება გზის რეაბილიტაცია. ეს ჩვენი სოფლის პროექტებიდან უმთავრესია. ოთხ სოფელს რომ ერთი გზა აკავშირებს, სწორედ ესაა. დვაბზუს, ცხემლისხიდს, ბაღდადს და ვაკიჯვარს მალე სრულყოფილი, გარემონტებული გზა დააკავშირებს. ესაა ერთიანი ძირითადი გზა. ამ თვის ბოლოს დაიწყება რეაბილიტაცია.

_ ერთი ფაქტი მინდა შეგახსენოთ: საქართველოს პრეზიდენტი საშობაოდ ამ გზაზე არ გაატარეს და შემოქმედის გზიდან წამოიყვანეს. ამბობდნენ, რომ მას დანგრეული გზის შესახებ ინფორმაცია დაუმალეს.

_ რა ვიცი. ეს ხომ ჩემი გადასაწყვეტი არ იყო, რომელი გზით მოვიდოდა პრეზიდენტი. უბრალოდ, შემოქმედთან ახლოს იყო ის ოჯახი, სადაც პრეზიდენტი მიდიოდა სტუმრად...

_ სოფლის დახმარების პროგრამის ფარგლებში რა გაკეთდა სოფელ ცხემლისხიდში ორი წლის განმავლობაში?

_ შარშანწინ გამოგვეყო 29 000 ლარი და გავაკეთეთ მინი-სტადიონი, ორ ადგილზე გაკეთდა მილხიდი და გაბიონი.

_ რა გააკეთეთ ბაღდადში? იქ მცხოვრებლები ამბობენ, რომ არაფერი გაკეთებულა, მათ პროგრამის შესახებ არაფერი იციან...

_ კი, როგორ არა.. წყლის რეაბილიტაციაზე დაიხარჯა თანხები, გაიწმინდა სათავე ნაგებობები, წყალი გამოიყვანეს. 15 წლის მანძილზე ონკანში წყალი არ მოდიოდა და ახლა რამდენიმე ოჯახს მიეწოდება. ასევე, დავამონტაჟეთ რამდენიმე ნათურა ქუჩის განათებისთვის. შარშან 57 000 ლარი იყო გამოყოფილი; ძირითადად, ბაღს დავახარჯეთ სოფელ ცხემლისხიდში _ 31 000 ლარი; ასევე, გავაკეთეთ ჭა ადმინისტრაციული შენობის ეზოში, სადაც ბაღია განთავსებული. ბაღში გაკეთდა სრული ევრორემონტი. ისეთი ბაღი რაიონში არ იქნება, ჩვენ რომ გვაქვს.

_ ნაგომარზე უკეთესი?

_ ნაგომართან ვპაექრობთ; მითხრეს, ნაგომრის ბაღიც ძალიან კარგიაო, მაგრამ ჩვენი უკეთესია.

_ დარაჯიც გყავთ, ალბათ, რომელიც ხელფასს იღებს.

_ კი, კი, დარაჯი გვყავს!

_ მაგრამ, როგორც ნაგომარში, ბაღი არ ფუნქციონირებს... ანუ უბავშვებო ბაღზე საუბრობთ აღფრთოვანებით?

_ მართალია, ბაღი არ ფუნქციონირებს, არ გახსნილა(?) იმიტომ, რომ ბიუჯეტში სათანადო თანხები არ იყო. ამ წლიდან ვაპირებთ, რომ ბაღი გაიხსნას. ასევე, გვჭირდება ინვენტარი, პედაგოგების ხელფასი და ბავშვთა კვების ხარჯები. ეს ხომ თანხასთანაა დაკავშირებული.

_ სად იყავით მაშინ, როცა ბაღის გაკეთებაში საკმაო თანხა იხარჯებოდა? მაშინ არ იცოდით, რომ არ გაიხსნებოდა? საბედნიეროდ, ბავშვთაკონტიგენტი საკმაოდ დიდია თქვენს სოფელში. რატომ არ მოთხოვეთ ხელისუფლებას, რომ ევრორემონტიანი ბაღი ბავშვებისთვის გაეხსნა კიდეც?

_ შევინარჩუნეთ, რომ წელს სექტემბრისთვის გაიხსნას. თქვენ იცით, რომ მსგავს სიტუაციაში, მარტო ჩვენი სოფელი არაა...

_ როგორი კრიმინოგენური სიტუაციაა სოფელში?

_ ამ ეტაპზე _ ნორმალური, საგანგაშო არაფერია.

სამოქალაქო განვითარების ინსტიტუტის განათლების პროგრამის მენეჯერი თამარ მოსიაშვილი "გურია ნიუსის" კითხვაზე რამდენად კანონიერად მოიქცა ცხემლისხიდის საჯარო სკოლის დირექტორი, როცა ჟურნალისტს კითხვებზე პასუხი არ გასცა და ფოტოს გადაღება აუკრძალა, განმარტავს, რომ დირექტორს პასუხის გაცემის ნორმალურ ქვეყანაში არ შეეშინდებოდა: _ სკოლის დირექტორს ოფიციალურად რომ მიმართო, კითხვაზე პასუხი გაგცეს, ეს ნიშნავს წერილი მისწერო?! კითხვის დასმა სრულიად კანონიერია, ხოლო დირექტორს პასუხის გაცემის ნორმალურ ქვეყანაში არ შეეშინდებოდა, მაგრამ ჩვენთან საქმის ვითარება ასეთია: თუ დირექტორს ჟურნალისტი კითხვით მიმართავს, მან ამის შესახებ უნდა აცნობოს რესურსცენტრს, რესურსცენტრის წარმომადგენელი მიმართავს სამინისტროს პრესსამსახურს და ნებართვის შემთხვევაში, დირექტორი ჟურნალისტს პასუხს გასცემს! მოკლედ, ძალიან ცუდადაა საქმე და რამდენ ხანს შეინარჩუნებს ეს ქვეყანა 2300 ციხედქცეულ სკოლას, არ ვიცი! _ ამბობს თამარ მოსიაშვილი.




 ახალი ამბები
  • ლარი ისევ გაუფასურდა - სებ-ის ახალი კურსიეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი  3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო დღევანდელი ვაჭრობის შედეგად მიღებული კურსები ძალაში ხვალ ... ...
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...

არქივი

ტესტები

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...