მოკლულის ოჯახი იარაღის მფლობელის ვინაობის დადგენას ითხოვს

მთავარი თემა

მოკლულის ოჯახი იარაღის მფლობელის ვინაობის დადგენას ითხოვს

2013 აგვ 8 11:57:00
გარდაცვლილი ამიკო პეშკოვის ოჯახის წევრები მიიჩნევენ, რომ ამიკო განზრახ მოკლეს და ახლა მკვლელი და მისი სამეგობრო წრე ყოველნაირად ცდილობს, დამნაშავემ მსუბუქი სასჯელი მიიღოს.

"თქვენი გაზეთის საშუალებით ვთხოვ და ვეუბნები ვასილ ტუღუშსა და ნემო ჩხატარაშვილს, რომ ახლა მაინც მოვიდნენ ჩემთან. კარგი, მაშინ ვერ მიხვდნენ, რომ მოსულიყვნენ და საქმის კურსში ჩავეყენებინე," _ აცხადებს ამირან პეშკოვი, გარდაცვლილი ამიკო პეშკოვის ბაბუა.

_ მას მერე, რაც ჩემს ოჯახში ეს უბედურება დატრიალდა, სულ ამაზე ვფიქრობ: ის პირები, რომლებიც გამოძიებაში ფიგურირებენ, არიან საკმაოდ ასაკოვანი კაცები, უმეტესობა კი ბაბუები: ვასო ტუღუში, მკვლელი -გელა თავართქილაძე, კახა ვადაჭკორია, ნემო ჩხატარაშვილი, მერაბ ვასაძე, რომელიც 28 წელია, ჩემი ოჯახის ნაცნობი და ახლობელია. ბოლო მომენტამდე ისინი ჩემს ოჯახში მოდიოდნენ, პურმარილობდნენ, მღეროდნენ, ცეკვავდნენ... ყველა ხედავდა, როგორ იზრდებოდა, მწიფდებოდა და ვაჟკაცდებოდა ამიკო. თვით თავართქილაძემ ეს ბოროტება რომ ჩაიდინა და სახლში თავის მეგობარ კახა ვადაჭკორიას მიაკითხა, უთხრა, ჩემს დისშვილს, ამიკოს იარაღით ვესროლეო. ამ ადამიანებს ამიკოსთან თითქმის ყოველდღიური ურთიერთობა ჰქონდათ. ხედავდნენ, ის ერთ-ერთ საწარმოში მუშაობდა, იცოდნენ, რომ მან თბილისის სახელმწიფო უნივერსიტეტი დაამთავრა და დიპლომიც აღებული ჰქონდა. იცოდნენ, რომ საცოლე ჰყავდა და საქორწილოდ ემზადებოდა. იცოდნენ, რომ "ქართული ოცნების" საქმეში აქტიურად იყო ჩაბმული, საარჩევნო შტაბიც ჩვენს სახლში იყო გახსნილი და ამიკო სოფლის რწმუნებულის პოსტზე მოიაზრებოდა. მას არაერთი განცხადება ჰქონდა შეტანილი ოზურგეთის მუნიციპალიტეტის გამგეობაში, სამსახურის დაწყების მოთხოვნით. 26 წლის ბიჭს ამ ასაკში წარმატების შანსი ჰქონდა და ასეთ დროს განზრახ მოკლეს... სხვა თუ არა, მოსულიყვნენ ჩემთან და ეთქვათ, თუ იცოდნენ, რომ თავართქილაძეს და ამიკოს შორის, რომელიმე ნაცნობ გოგოსთან დაკავშირებით, უთანხმოებას ჰქონდა ადგილი. ზღვა ხალხმა, ნაცნობმა თუ უცნობმა რომ გაიზიარა ჩვენი ტკივილი, მარტო ეს ორი პიროვნება, ნემო ჩხატარაშვილი და ვასილ ტუღუში არ მოსულა ჩვენთან სამძიმარზე. იმასაც ვერ მიხვდნენ, რომ გასვენებაში მოსულიყვნენ...

თუ ისინი ჩემთან მოვლენ, მე მათ ვეტყვი, რომ მკვლელს 1986 წელს ანალოგიური ქმედების მცდელობა ჰქონდა ჩადენილი არასრულწლოვანთან, რაზეც მისი მისამართით სისხლის სამართლის საქმე იყო აღძრული, თუმცა, ის პატიმრობას გადაურჩა. ის მსგავსი სამარცხვინო საქციელისთვის რამდენიმეჯერ გაილახა.

მოვიდეს ჩემთან ვასო ტუღუში და ნემო ჩხატარაშვილი, რომელთა მისამართით მრავალი კითხვა მაქვს და ვითხოვ პასუხს: _ თუ ამიკომ გელა თავართქილაძე ცემა, იარაღი ჩაარტყა, თვალები დაულურჯა, სახე დაუზიანა, ეს ყველაფერი იცოდა მისმა მეუღლემ, დედამ, შვილმა, სიძემ, ძმამ და თქვენც, რატომ დამალეთ, დამალვა ხომ დანაშაულია?! რატომ დაიწყეთ ქუჩაში გარჩევა?! ასეთ შემთხვევაში, საქმე გასკდებოდა და გამოჩნდებოდა თავართქილაძის გამოუსწორებელი და სამარცხვინო საქმე _ ბაბუა კაცისგან ახალგაზრდა ოჯახის დანგრევის შესახებ.

ყველაზე მთავარი, რაზეც მინდა საზოგადოებამ გაიგოს, არის ის, რომ თავართქილაძე გამოძიებაში უჩვენებს, იარაღი მამაჩემის ნაქონი იყო და მისი გარდაცვალების შემდეგ, ნაჭერში შეხვეული ეზოში ვიპოვეო. ეს არის სრული სიცრუე და ტყუილი; მამამისი გარდაცვლილია 25 წლის წინ და დაუჯერებელია, მას ასეთი საგანგებო, ბელგიური ქარხნის ნაწარმოები იარაღი, 12 ტყვიით, შეენახა. თუ ნემო და ვასო ტუღუში მოვა ჩემთან, მე მათ პირში ვეტყვი, რომ პირადად ვასო ტუღუშს გელა თავართქილაძესთან ჰქონდა საზიარო ცეცხლსასროლი იარაღი, საზიარო სამსახური, ბიზნესი, საზიარო "ჯიპი"...

მკვლელობის წინა დღეს, 18 თებერვალს და მეორე დღესაც, მკვლელობის დღეს, 19 თებერვალს, ვასილ ტუღუშის მანქანით მოძრაობდა მკვლელი გელა თავართქილაძე. იარაღი ტუღუშისაა. ეს იარაღი მკვლელობამდე 10 წუთით ადრე, ნემო ჩხატარაშვილმა მოუტანა თავართქილაძეს, რომელიც იქვე ქუჩაში შეხვდა ამიკოს და 4 კაცის თანდასწრებით, ყოველგვარი შელაპარაკების და ჩხუბის გარეშე, ესროლა და მოკლა. თუ ნემო და ვასო მოვლენ ჩემთან, მე მათ ვეტყვი, რომ ვასო ტუღუშმა და ამ მაღაზიის მეპატრონემ, ის გოგო, რომლის გამოც მოხდა ყველაფერი, ორჯერ აიყვანეს ოთახში და თხოვდნენ, დაეწერა, რომ მისთვის თავართქილაძეს არაფერი უკადრებია. თუმცა, მათ უარი მიიღეს ამ გოგოსგან და ის მალე სამსახურიდანაც დაითხოვეს.

საზოგადოებამ მინდა იცოდეს, რომ აქ ნახსენები პირებიდან, ყველა საქმის კურსში იყო და მათ იციან როგორ, რატომ, რისთვის მოკლეს ჩემი შვილიშვილი, რატომ გაიმეტეს ასე.

როცა მკვლელობა მოხდა, გელა თავართქილაძემ გზიდან დაურეკა ვასილ ტუღუშს და უთხრა, არ მოხვიდე, უკვე მოვკალიო. მან ისევ მიაკითხა კახა ვადაჭკორიას, სადაც გაირჩა საქმეები, როგორ უნდა მოქცეულიყო გელა ამის შემდეგ. მე მათ ნებისმიერ დროს შევხვდები, _ ამბობს ამირან პეშკოვი.

აკაკი თოიძე, ადვოკატი, ავთანდილ (გელა) თავართქილაძის ინტერესების დამცველი:

_ აღნიშნულ საქმეზე მიმდინარეობს სასამართლო პროცესები, მტკიცებულებების გამოკვლევა. ჩემი გათვლით, ალბათ, ერთ კვირაში სასამართლო სხდომა უნდა დამთავრდეს. თუ რა შედეგით დამთავრდება, მე ამის წინასწარ პროგნოზირებას ნამდვილად ვერ გავაკეთებ. ვთვლი და მიმაჩნია, რომ დაცვის მხარის პოზიცია, რაც ჩვენ გვაქვს ამ საქმესთან დაკავშირებით, არის მყარი და არგუმენტირებული. ეს იყო ერთი საახლობლოს წრე, ძალიან მძიმე და რთული სიტუაციაა. ჩაიდინა თუ არა გელამ განზრახვით დანაშაული, ამაზე საბოლოო სიტყვას, ბუნებრივია, მართლმსაჯულება იტყვის. როცა ის კანონიერ ძალაში შევა, ჩვენ მოგვწონს თუ არ მოგვწონს, ყველანი მას უნდა დავემორჩილოთ. მე რაც შემიძლია გითხრათ და გავაჟღერო, არის ის, რომ ჩემი დაცვის ქვეშ მყოფ პიროვნებას, საქმის მასალებიდან გამომდინარე, არ ჰქონია იმის განზრახვა, რომ მის ქმედებას მოჰყოლოდა ასეთი მძიმე შედეგი, ანუ განზრახ მოეკლა ამირან პეშკოვი. წინა დღითაც მოხდა მათ შორის ინციდენტი და გარდაცვლილმა ყავარჯნით სცემა კიდეც გელა.

_ თუმცა ამას არ ადასტურებენ ოჯახის წევრები. ისინი აცხადებენ, რომ ამიკოს არ უცემია გელა და თუ კი იყო ასეთი ფაქტი, მაშინ რატომ დამალესო?

_ მე არ ვიცი, ოჯახის წევრები რას უარყოფენ და რას ადასტურებენ, მე თანავუგრძნობ მათ. თვითონ რასაც აჟღერებენ, ეს მათი პოზიციაა. ჩვენ ვცდილობთ, რომ სასამართლოს და ასევე საზოგადოებას დავანახოთ, რა იყო რეალური სურათი ობიექტურობიდან გამომდინარე.

მე კიდევ შემიძლია, გითხრათ, რომ ჩვენს მიერ მოპოვებული მტკიცებულებების საფუძველზე, რასაც სასამართლოზე წარვადგენთ გამოსაკვლევად, დადგენილი წესის თანახმად, ვფიქრობთ, რომ დავარწმუნებთ მართლმსაჯულებას, რომ ჩემი დაცვის ქვეშ მყოფ პიროვნებას გელა თავართქილაძეს, აწ გარდაცვლილი პეშკოვის სიცოცხლის ხელყოფა განზრახ არ ჩაუდენია. ეს დარწმუნებით შემიძლია, გითხრათ. ეს ჩემი სუბიექტური აზრია და ამას ბუნებრივია, ვერავის თავზე ვერ მოვახვევ. მე ვეყრდნობი იმ ობიექტურ მტკიცებულებებს, რაც საქმეში დევს და რაც არსებობს. მე ვთვლი და მივიჩნევ, რომ გელა თავართქილაძეს ამირან პეშკოვის სიცოცხლის ხელყოფა განზრახვით არ მოუხდენია. მას არ უნდოდა ამ შედეგის დადგომა. ამის დაბეჯითებით თქმა შემიძლია, ოღონდ ეს არის ჩემი სუბიექტური აზრი.

რეზო გობრონიძე, დაზარალებულის ადვოკატი: "ის მოწმეები, ვინც არიან, ძირითადად ყველა არის ბრალდებულის ახლობელი, თავართქილაძის უახლოესი სამეგობრო წრე. დადასტურებულია, რომ შემთხვევის დღეს, 19 თებერვალს, ამიკო და მამისი შეხვდნენ ტუღუშსა და ჩხატარაშვილს. შეთანხმდნენ, რომ შეახვედრებდნენ მხარეებს ერთმანეთს და გაარკვევდნენ საქმეს. ეს ყველაფერი ტელეფონზე შემოსული ზარებით არის დადასტურებული. გამოძიებას უნდა, რომ ეს ყველაფერი ისე წაიყვანოს, თითქოს, სულიერი აღელვების ნიადაგზე მოხდა. როგორ იყო ძლიერი სულიერი აღელვება, ჭიშკართან მისულ კაცს იარაღით დახვდა და ესროლა? ძირითადი მიზანი რა არის? ადრე, როცა გამოძიება დამთავრდებოდა, პროკურატურა დანაშაულის გამომწვევ მიზეზებზე და ხელშემწყობ პირობებზე აკეთებდა წარდგინებას. თუ თანამდებობის პირები იყვნენ, მის ზემდგომში აგზავნიდნენ, თუ რიგითი მოქალაქე იყო სოფელს, სამსახურს უგზავნიდნენ, განიხილეთო, თუ პროკურატურა ამას არ გააკეთებდა, სასამართლოს გამოჰქონდა კერძო განჩინება. ოცმა კაცმა იცოდა ამათ შორის დაძაბულობის შესახებ და მაინც და მაინც მკვლელობამდე უნდა მისულიყო საქმე?! მით უმეტეს, აქ ყოფილი თანამდებობის პირები ურევია, ოზურგეთის ყოფილი გამგებელი. 2011 წელს მიიღეს კანონი და ახლა ამოქმედდა, დაზარალებულის ინსტიტუტი აღარ არსებობს. მე როგორც დაზარალებულის ადვოკატი და ფაქტობრივად ვარ _ უფუნქციო, დაზარალებულთან ერთად, კითხვასაც ვერ ვუსვამთ, უბრალოდ, ჩანაწერებს ვაკეთებ, რომ პროცესი სწორად წარიმართოს. თვითონ მოსამართლეს უფლება არ აქვს ან ბრალდების დამადასტურებელი ან რაიმე სახის შეკითხვა დასვას. დაზარალებულის ინსტიტუტი აღარ არსებობს. ამერიკაში ყველა წაგებულ საქმეზე აგებს პასუხს პროკურატურა, ჩვენთან კი - არა. მიანდეს ყველაფერი პროკურატურას. გეტყვით, რომ ეჭვი არ მეპარება ოზურგეთის სასამართლოში, მაგრამ სუსტი რომ არის აქ გამოძიება და მისი მხარე, ეს უდავოა."

ნემო ჩხატარაშვილი, გელა თავართქილაძის მეგობარი: _ მე ვიყავი სასამართლო პროცესზე, სადაც დამკითხეს და გავეცი პასუხი პროკურორსაც და მოსამართლესაც. მეტ კომენტარს ვერ გავაკეთებ.

_ გარდაცვლილის ბაბუა თქვენთან შეხვედრას ითხოვს. ის პირდაპირ გადებთ ხელს, რომ თქვენ მიუტანეთ ცეცხლსასროლი იარაღი გელა თავართქილაძეს. რას გვეტყვით ამასთან დაკავშირებით?

_ ამაზე კომენტარს არ გავაკეთებ. მიმდინარეობს სასამართლო პროცესები, დავამთავრე, რა! არ გავაკეთებ კომენტარს. აზრზე არ ვარ, რა იარაღზეა საუბარი... მე უკვე დავიკითხე სასამართლოზე, არ გავაკეთებ კომენტარს.

მალხაზ სირაძე, ოზურგეთის რაიონული პროკურორის მოადგილე: "იყო განზრახ მკვლელობა, ბრალდება წარდგენილია განზრახ მკვლელობისთვის, ცეცხლსასროლი იარაღის შეძენა-ტარებისათვის. აღნიშნულ ბრალდებას ვუჭერთ მხარს სასამართლოში, მიმდინარეობს სასამართლო პროცესები. ბრალდება წარდგენილი აქვს ს.ს.კ. 108-ე მუხლით, განზრახ მკვლელობა და ცეცხლსასროლი იარაღის შეძენა-შენახვა-ტარებისთვის, 236-ე მუხლის 1, 2, ნაწილის მიხედვით."

კახა ვადაჭკორია, ფოთის სახელმწიფო უსაფრთხოების სააგენტოს უფროსი: "აბა, რა კომენტარი უნდა გავაკეთო ამ საქმესთან დაკავშირებით? რა სისულელეა, მერე რა. კაცი მოვიდა ჩემთან და გამოვუძახეთ პოლიციას და მივიყვანეთ პოლიციაში, მეტი რა საქმე უნდა გარჩეულიყო ჩემთან, სახლში? ერთი ოჯახიც და მეორეც ჩემი უახლოესი იყო, ძალიან გთხოვთ, ... ძალიან მიჭირს ამ თემაზე საუბარი და მეტს ვერაფერს გეტყვით, ბოდიშს გიხდით..."

ვასილ ტუღუში, ბიზნესმენი, ოზურგეთის ყოფილი გამგებელი: _ როგორ უნდა დავადასტურო და რა უნდა დავადასტურო? რომ ცეცხლსასროლი იარაღი იყო ჩემი? ეს ცილისმწამებლური ამბები, როგორ უნდა დავადასტურო? მათ უნდა მიმართონ პროკურატურას მაგ თემაზე. შენ თუ ახლა დაეხმარები, კარგია. ჟურნალისტი ხარ, გზააბნეულ ადამიანებს ჭკუა უნდა ასწავლო. მათ უნდა მიმართონ განცხადებით პროკურატურას, დაწერონ იქ საჩივარი, ის დაადგენს, იარაღი ვისი იყო. ეგ ერთი, მეორე, მიმდინარეობს სასამართლო პროცესები და მე რა კომენტარი უნდა გავაკეთო? ამიკოს ბაბუა გააღიზიანა ჩემმა ჩვენებამ, რომელიც 25 ივლისს მივეცი სასამართლოს, რითაც ყველაფერს ფარდა აეხადა.

_ ბატონო ვასილ, გარდაცვლილის ბაბუა თქვენთან შეხვედრას ითხოვს...

_ მე როგორ და რატომ უნდა შევხვდე ახლა ამიკოს ბაბუას? რა თემაა ეგ? შევხვდე და რაზე უნდა ვესაუბრო? ამ პიროვნებამ არ იცის, რა უნდა თქვას და რა უნდა გააკეთოს. თქვენი გაზეთი რა თემაზე იმუშავებს, აბა მითხარი... (?) თემის სათაური მითხარი, (?) რა იქნება თემის სათაური (?) მართლა მაინტერესებს, ან რა თემაა ეგ? ჟანა, დაფიქრდი ცოტა, ძალიან გთხოვ, გულწრფელად გეუბნები, მე შევხვდე ამიკოს ბაბუას და ვუმტკიცო, გელასთვის იარაღი მე არ მიმიცია,-მეთქი? ახლა ოზურგეთში არ ვიმყოფები, რომ ჩამოვალ, აუცილებლად შეგხვდები და გესაუბრები. ეს არის აბსურდი, რომ მე შევხვდე ამიკოს ოჯახის წევრებს და ცილისმწამებელ ბაბუას. ისე, ერთ რამეს გეტყვით, მე ამირან პეშკოვს ცილისწამებისთვის ვუჩივლებ...




 ახალი ამბები
  • ოზურგეთში პოლიციამ უკანონო საბრძოლო მასალა ამოიღოშინაგან საქმეთა სამინისტროს გურიის პოლიციის დეპარტამენტის ოზურგეთის რაიონული სამმართველოს თანამშრომლებმა, ოპერატიული ინფორმაციის საფუძველზე ჩატარებული საგამოძიებო მოქმედებების შედეგად, 1992 წელს დაბადებული მ. ჯ. საბრძოლო მასალის მართლსაწინააღმდეგო შეძენა-შენახვის ბრალდებით დააკავეს. დანაშაული 3-დან 6 წლამდე ვადით თავისუფლების აღკვეთას ითვალისწინებს. სამართალდამცველებმა, ბრალდებულის საცხოვრებელი სახლის ჩხრეკისას, "რგდ"-ს ტიპის ხელყუმბარა ნივთმტკიცებად ამოიღეს.დაკავებული ჩადენილ დანაშაულს აღიარებს. გამოძიება საბრძოლო მასალის მართლსაწინააღმდეგო შეძენა-შენახვის ფაქტზე, საქართველოს სსკ-ის 236-ე მუხლის მე-3 ნაწილით ... ...
  • როგორ ვმართოთ ბავშვის ისტერიკა _ ოქროს წესები ფსიქოლოგისგან "3 ვარიანტი გვაქვს ბავშვის პრობლემური ქცევის დროს. 2.5-დან 5 წლადმე ასაკის ბავშვებში ჩვენ გვაქვს პრობლემური ქცევები, რომლის მოგვარებაც არის ძალიან ადვილი", _ აღნიშნულის შესახებ თსუ-ს ფსიქოლოგიისა და განათლების მეცნიერებათა ფაკულტეტის დეკანი თამარ გეგეშიძე საუბრობს. ფსიქოლოგის თქმით, მთავარია უფროსებმა ცამოაყალიბონ, რა არის მათ ოჯახში წესი, რომ ბავშვმა შემდეგ მიიღოს ეს წესი და არ იყოს დამოკიდებული უფროსების ხასიათზე. ამასთანავე, ოჯახის ყველა წევრი უნდა  იყოს ერთ სტრატეგიაზე. არასოდეს ვჩხუბობთ ბავშვთან, თუ რამე არ მოგვწონს, ამას ბავშვის თანდასწრებით არ ვამბობთ და მისი თანდასწრებით არ უნდა გაიმართოს დისკუსია, რადგან პატარამ მერე კარგად იცის, ვის მიმართოს დასახმარებლად. "თუ ჩვენ თვითონ დავილაგებთ ჩვენს თავში, რა არის ჩვენს ოჯახში წესი. ეს ბავშვს ეცოდინება და ის არ იქნება დამოკიდებული ჩვენს ხასიათზე. დღეს კარგ ხასიათზე ვარ, კამფეტს ვაძლევ, ხვალ ცუდ ხასიათზევ ვარ, კამფეტს არ ვაძლევ. დღეს კარგ ხასიათზე ვარ არ ვეჩხუბები, ხვალ ცუდ ხასიათზე ვარ, ვეჩხუბები, ასე არ უნდა იყოს. უნდა არსებობდეს წესი და წინასწარმეტყველებადი გარემო. ბავშვის განვითარებას აქვს ერთი კარგი თვისება. ვერ იტანს უწესრიგობას. ეს ყველამ კარგად ვიცით. ყველანი ძალიან კარგად ვიცავთ 2 წლამდე რეჟიმს. ამ დროს უნდა დავაძინოთ, ამ დროს უნდა ვაჭამოთ და ა.შ. რატომ ვაკეთებთ ამას. მხოლოდ იმიტომ არა, რომ ბავშვის ორგანიზმს ასე სჭირდება. რომ მან დროულად უნდა ჭამოს და დაიძინოს. ხომ შეიძლება სხვა დროს ჭამოს და დაიძინოს, რატომაც არა. ამას ვაკეთებთ იმიტომ, რომ ბავშვის ნერვული სისტემა ვერ იტანს არაპროგნოზირებად გარემოს. ის ძალიან ღიზიანდება. ვერ იტანს მოულოდნელობას, ვერ იტანს გაუგებარ სიტუაციებს. ბავშვისთვის ძალიან მნიშვნელოვანია ძალიან მკაფიო სიტუაციები და მოლოდინები. იცის, რომ საჭმლის მერე აქვს კამფეტი, იცის, რომ გაჯეტი არ ექნება. იცის, რომ ჯერ უნდა ისადილოს, მერე უნდა გაისეირნოს. ჯერ ეს და მერე ის თუ არ იცის 3 წლის ბავშვმა, მერე ძალიან გაუჭირდება მასაც და მის მშობლესაც. ჩვენ ამ პერიოდში ვაჩვევთ ბავშვებს წესებს. ძალიან მშვიდად, ჩხუბის გარეშე. ვიღაც აუცილებლად მკითხავს, რა ვქნათ, როცა ბავშვი ამ წესს არ იცავს. ვეუბნები, რომ კამფეტი იქნება სადილის მერე, ის კი მაინც ტეხავს ამბავს. თუ კარგად არ მოვწიწკნე არ გაჩერდება. გამოსავალი მარტივია, არ აძლევ და არც წიწკნი. ეუბნები, რომ შენი არჩევანია. შენ მას შეზღუდულ არჩევანს აძლევ, ეუბნები, ჩემო საყვარელო ეს შენი არჩევანია. თუ ასე გააგრძელებ, კამფეტი არ გექნება. ერთი სამი დღეს რომ იტირებს, მესამე დღეს გაჩერდება. ბავშვები ძალიან პრაგმატული მატერიალისტები არიან. ხანდახან ჩვენ ვერ ვიგებთ ხოლმე, რატომ ვჩხუბობთ. ბავშვმა კი ზუსტად იცის, რა უნდა და რატომ შვრება ასე. თუ ის ნახავს, რომ ასე არ უნდა ქნას, იმიტომ რომ აზრი არ აქვს, არ იზამს. ბავშვი ტყუილად ენერგიას არ დახარჯავს იმაში, რომ მოთხოვნის პროცედურები განახორციელოს. ამიტომ ძალიან მნიშვნელოვანია ჩვენ რას ვაკეთებთ, როცა ბავშვი ისტერიკაშია. მხოლოდ ამ შემთხვევაში ვაკეთებთ იგნორირებას, არ ვაქცევთ ყურადღებას. როცა ბავშვი დაღლილია, როცა მშიერია, როცა ავად ხდება, გაღიზიანებულია და ტირიას, ცხადია ამ დროს ვეფერებით. ამ დროს იგნორირებას ვერ გააკეთებთ. ვაიგნორებთ როდესაც ზუსტად იცით, რომ სახლში ისტერიკას გიწყობთ იმის გამო, რომ რაღაც უნდა და შენ არ აძლევ. ამ ისტერიკას მაღაზიაში აწყობს და იცის, რომ შენ გრცხვენია და ვერაფერს ვერ გააკეთებ. მაღაზიაში ამის მართვა ძალიან რთულია, მაგრამ მაინც შესაძლებელი. გააჩნია ბავშვს, თუ ის ჰიპერაქტიულია, ასე მარტო იქ ვერ მიატოვებთ, რადგან შეიძლება გარეთ გამოვარდეს და მანქანას შეუვარდეს. თუ ის არაა ჰიპერაქტიული, მშვიდად ვეუბნებით, ჩვენ შევთანხმდით იმაზე, რომ დღეს კამფეტს ვერ გიყიდი, მე წავედი. ამ პროცედურას აკეთებთ ნელა. ცხადია გააჩნია ბავშვის ტემპერამენტს, ვიღაც ცოტა ხანი იტირებს და წამოვა. ვიღაც, არა. თუ ბავშვი პატარაა, 2 ან 3 წლის, კარგი საშუალება ის აიყვანოთ ხელში უკუღმა, ანუ არ უნდა გიყურებდეთ სახეზე და გამოიყვანოთ გარეთ. როდესაც იცით, რომ მაღაზიაში შესვლისას ის აუცილებლად ატეხავს ტირილს, წინასწარ ვაფრთხილებთ, რომ ჩვენ უდნა შევთანხმდეთ რომ დღეს კამფეტს არ ვყიდულობთ. ჩხუბი, წივილ -კივილი, თმის მოწიწკვნა და ჯიკაობა არ არის რეკომენდებული იმიტომ, რომ ბავშვი თვითონაც სწავლობს ამით ძალაობას. მშობლები ხშირად გვეუბნებიან, რომ ბავშვის ნება ითრგუნება, აი იაპონიაში ბავშვებს ყველაფრის უფლებას აძლევენ. იაპონიაში ბავშვი რომ იბადებას, უკვე კონსტრუქციაში ხვდება, ის უკვე მოწესრიგებულ სტრუქტურულ გარემოშია. მან ჩვილობიდან იცის, რომ იმ კუთხეში უნდა მიესალმოს დედას, ამ კუთხეში მამას. ეს არის გაწერილი ჩვილობიდან და რაღა უნდა აუკრძალოთ? ჩვენთან არის ქაოტური გარემო. ჩვენ ხშირად ერთად ვცხოვრობთ, ბებია-ბაბუას აქვს სხვა პოლიტიკა. დედას და მამას სულ სხვა პოლიტიკა. რძალი დედამთილ-მამათილს ვერაფერს ეტყვის, სიძე სიმამრ-სიდედრს და მე რომ კამფეტს არ ვაძლევ ჩემს შვილს, ბებიას ის შეეცოდება და მისცემს. პრინციპია ის, რომ ოჯახის ყველა წევრი უნდა  იყოს ერთ სტრატეგიაზე. არასოდეს ვჩხუბობთ ბავშვთან, თუ რამე არ მოგვწონს, ამას ბავშვის თანდასწრებით არ ვამბობთ და მისი თანდასწრებით არ უნდა გაიმართოს დისკუსია, რადგან პატარამ მერე კარგად იცის, ვის მიმართოს ... ...
  • საქართველოს ბანკის პარტნიორობით “უძრავი ქონებისა და სასტუმრო ბიზნესის საერთაშორისო ყოველწლიური ფორუმი“ გაიმართება (R)საქართველოს ბანკის პარტნიორობით, Property Georgia-ს, FIABCI Georgia-ს ინიციატივითა და ორგანიზებით  15-16 ოქტომბერს  “უძრავი ქონების და სასტუმრო ბიზნესის საერთაშორისო ყოველწლიური ფორუმი “მდგრადი და მედეგი ქალაქების მშენებლობა“  გაიმართება. ღონისძებასთან დაკავშირებით და მის ფარგლებში დაგეგმილი დაჯილდოვების ცერემონიის შესახებ  დღეს მრგვალი მაგიდა გაიმართა. შეხვედრის მიზანს წარმოადგენდა  ფორუმის შესახებ პროფესიული, საერთაშორისო წრეების ინფორმირება და ცნობადობის ამაღლება.  შეხვედრას ესწრებოდნენ დიპლომატიური კორპუსის, მისიების ეკონომიკური ატაშეები, საერთაშორისო ასოციაციის წარმომადგენლები, FIABCI Georgia-ს დამფუძნებელი წევრები.  უძრავი ქონების და სასტუმრო ბიზნესის საერთაშორისო მასშტაბური ფორუმი წელს პირველად ჩატარდება, რომლის მიზანია, საქართველოს მსოფლიო რუკაზე პოზიციონირება მოხდეს, როგორც უძრავი ქონების და ტურიზმის, სასტუმრო ბიზნესის საერთაშორისო ლოკაცია. ფორუმზე განხილული იქნება ისეთი საკითხები როგორიცაა: მდგრადი ქალაქების შექმნის ეკონომიკური შედეგები; ქალაქებში მდგრადი ურბანული ინფრასტრუქტურისა და ტურიზმის  განვითარება.  ფორუმს საქართველოს სხვადასხვა ქვეყნებიდან მოწვეული 50-ზე მეტი ინვესტორი ესტუმრება, რომლებიც თბილისთან ერთად მოინახულებენ საქართველოს რამდენიმე რეგიონს. სტუმრობის მიზანია ინვესტორები გაეცნონ უძრავი ქონების და ტურიზმის საუკეთესო შეთავაზებებს მთელი ქვეყნის მასშტაბით.  ღონისძიებას საერთაშორისო მედია პარტნიორობას გაუწევს Dow Jones/Mansion Global/FN. ფორუმს გააშუქებს წამყვანი და  გავლენიანი საერთაშორისო მედია საშუალებები: BBC, CNN, Bloomberg. ღონისძიების მთავარი პარტნიორია “საქართველოს ბანკი”, მხარდამჭერები: “გალტ ენდ თაგარტი”, “საქართველოს ეკონომიკის და მდგრადი განვითარების სამინისტრო,” “საქართველოს რეგიონალური განვითარების და ინფრასტრუქტურის სამინისტრო,” “აწარმოე საქართველოში”, “ტურიზმის ეროვნული ადმინისტრაცია”, “ქოლიერს საქართველო”, “საპარტნიორო ფონდი”, “ევროპის რეკონსტრუქციისა და განვითარების ბანკი,” “ფრაისუოთერჰაუსკუპერსი საქართველო”, “საერთაშორისო საფინანსო კორპორაცია”, “გერმანიის ეკონომიკური გაერთიანება,” “პოლონეთის საინვესტიციო და სავაჭრო სააგენტო.” ... ...
  • დიდი მხიარულება "გურია ნიუსის" ეზოში და გალამაზებული დღეერთად გავილამაზოთ დღე _ ამ სახელწოდებით გაიმართა აქცია "გურია ნიუსის" ჩოხატაურის ოფისის ეზოში, სადაც მოსულ ნებისმიერ ადამიანს ცოცხალი მუსიკის მოსმენასთან ერთად, მოხატვის, ცეკვის და ცივი სასმელების მირთმევის შესაძლებლობა ჰქონდათ. ჩოხატაურის მუნიციპალიტეტის კულტურის ცენტრთან არსებულ ანსაბლ "ნართის"  სასიამოვნო მუსიკის ფონზე, სამხატვრო სკოლის ხელმძღვანელი მზია კვინტრაძე და მისი თანამშრომლები, დიდსა და პატარას სასურველ ნახატს უხატავდნენ. პატარებისთვის პატარა საჩუქრებიც იყო განკუთვნილი, რომელზეც "გურია ნიუსის" ოფისის პირველ სართულზე განთავსებულმა საკანცელარიო მაღაზიამ იზრუნა."გურია ნიუსი" მსგავსი სახის აქციებს, რომელიც ადამიანების გამხიარულებას ისახავს მიზნად, მომავალშიც გამართავს. ნახეთ ვიდეო კადრები "გურია ნიუსის" ეზოდან, სადაც მთელი დღე დიდი მხიარულება ... ...
  • პრემიერი გუბერნატორებს: "თქვენი ძირითადი ამოცანაა პრობლემების მოგვარება და არა _ პრობლემების შექმნა"რეგიონებში, ჩვენი მოქალაქეებისთვის მთავრობის განსახიერება არის ის ჩინოვნიკი, რომელიც მათ პრობლემებს ან აგვარებს, ან _ ვერა და ამ მიმართულებით გუბერნატორების პასუხისმგებლობა სრულად პერსონალიზებული იქნება, _ ამის შესახებ საქართველოს პრემიერ-მინისტრმა გიორგი გახარიამ სახელმწიფო რწმუნებულებთან შეხვედრისას განაცხადა. მთავრობის მეთაურმა ხაზი გაუსვა პრობლემების მოკლე ვადებში მოგვარების აუცილებლობას და გუბერნატორებს დროში გაწერილი კონკრეტული სამოქმედო გეგმის უახლოეს პერიოდში წარმოდგენა დაავალა. „აუცილებელია, ვიმოქმედოთ სწრაფად, ეფექტიანად და რაც მთავარია, ეს ყველაფერი უნდა იყოს გამყარებული კეთილსინდისიერი ქმედებით. არავის აქვს იმის რესურსი, რომ კიდევ დიდხანს გველოდოს. ამიტომ, განსაკუთრებით თქვენს შემთხვევაში, პასუხისმგებლობა სრულად პერსონალიზებული იქნება. უახლოეს დღეებში უნდა განსაზღვროთ რეგიონებში არსებული სისტემური პრობლემების სტატუსი და წარმოადგინოთ კონკრეტული გაპრობლემებული საქმეები, შემდგომ კი - პირდაპირი, დროში გაწერილი გეგმა და კონკრეტული პასუხისმგებლობები. თქვენი ძირითადი ამოცანაა პრობლემების მოგვარება და არა _ პრობლემების შექმნა“, _ მიმართა პრემიერ-მინისტრმა ... ...

არქივი

ზაფრანი

როგორ უნდა მოხიბლოთ ქალი

ვერძი – ქალი ვერძების დიდ...

ქალები, რომელთა შეყვარებასაც მწარედ ინანებთ

ვერძი - მამაკაცური პლანეტა მარსი,...

სუსტი ნებისყოფის მქონე მამაკაცების სამეული

კირჩხიბი – ზოდიაქოს ამ ნიშნით...

ანდოთ თუ არა საოჯახო ბიუჯეტი ცოლს…

ალბათ, ფინანსური სტაბილურობის და კარგი...

ვის ახარჯინებენ ბევრ ფულს ქალები

წარმოგიდგენთ იმ მამაკაცთა ოთხეულს, რომელსაც...

გენიოსები ზამთარში იბადებიან

უკრაინელი ასტროლოგების ჯგუფი მივიდა დასკვნამდე,...
კარმიდამო ჩემი

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...

როგორ ვუმკურნალოთ კბილებს

ხილისა და ბოსტნეულის წვენების სასიკეთო...

ჭარბი ტენიანობის მიზეზებზე მუდმივად უნდა ვისაუბროთ

თხილის კულტურის სიდამპლის და სოკოვანი...

როგორ მოვიქცეთ ჭექა-ქუხილის დროს?

წელიწადის დროებსა და თვეებს შორის,...

სეზონის შესაფერი სამუშაოებისთვის მზადყოფნა აუცილებელია

ზოგს თოხნა და სარეველებისგან ბოსტნის...

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...