"ჩემს შვილს მერიის ფოიეში დავასვენებ და სამოქალაქო პანაშვიდებს იქ გადავიხდი"

მთავარი თემა

"ჩემს შვილს მერიის ფოიეში დავასვენებ და სამოქალაქო პანაშვიდებს იქ გადავიხდი"

22 აგვ. 2013, 15:05:21
მას შემდეგ რაც ვინტერესდები, თუ შეიცვალა რამე, რაც საკრებულოს თავმჯდომარე მათი პრობლემების გასაცნობად დიღომში მივიდა.

"გურია ნიუსი" ცოტა ხნის წინ დიღმის სოციალურ საცხოვრისში მყოფი ადამიანების ისტორიებზე წერდა, რომლებიც იანვარში შეიჭრნენ სოციალურად დაუცველებისთვის შვეიცარიის მხარის დაფინანსებით აშენებულ საცხოვრისებში. ისინი აცხადებენ, რომ აქ ცხოვრების კრიტერიუმებს აკმაყოფილებენ და რომ ამის შესახებ სოციალური მომსახურებისა და კულტურის საქალაქო სამსახურის უფროსი მამუკა ქაცარავასგან სიტყვიერი თანხმობაც ჰქონდათ.

სიტუაცია ასეთია: დიღმის სოციალურ საცხოვრისში შესასახლებელ სიებში იანვარში აქ შემოსული 7 ოჯახი არ არის. ვინც სიაშია, ნაწილი ახლა შეასახლეს მეორე კორპუსში, ნაწილი აქ "შეჭრილების" გამოსახლებას ელოდება, თავად რომ შევიდნენ. საკრებულო და მერია 7 ოჯახს ქირით გაყვანას უპირებს, რაზეც სოციალურად დაუცველები უარს აცხადებენ.

უფრო დეტალურად რა მდგომარეობაა დიღმის სოციალურ საცხოვრისში, აქ მცხოვრები ლელა ხაჩიძე გვესაუბრება.

_ ძალიან ცუდი დღეები გვაქვს. იქითა კორპუსში შემოასახლეს ხალხი. შემოაქვთ ანტიკვარული ავეჯი, ელექტრო საქონელი, როგორი სოციალურად დაუცველები არიან, არ ვიცი. ჩვენ კი კბილის პასტასაც გვიკრძალავდნენ, არ უნდა გვქონოდა სახლში.

მე დავრეკე საკრებულოში და მაკას ( ჯანდაცვის და სოციალურ საკითხთა კომისიის თავმჯდომარე თბილისის საკრებულოში მაკა გვარამია) ვუთხარი, მოდით და ნახეთ თქვენი თვალით, რა კატეგორიის ხალხია შემოსული,-მეთქი. შეიძლება რამდენიმე ოჯახია გაჭირვებული, მაგრამ ძირითადად ასეთი კატეგორიაა.

შეიყვანეს ეს ხალხი, შეჭრილად აცხადებდნენ. ჩვენ გამოვიძახეთ ადგილობრივი პოლიცია, პოლიციას ვერ წარუდგინეს თუნდაც სოციალურად დაუცველობის საბუთი.

_ ეს ფაქტი დაფიქსირდა? ანუ არც ერთს არ ჰქონდა საბუთი?

_ დააფიქსირა ეს პოლიციამ. ასე უთხრეს, მერია გვიმზადებს საბუთებს და სამ-ოთხ დღეში იქნება მზადო.

ჩვენ სადაც ვართ, იქ გამოუშვეს 12 ოჯახი, ეს საცხოვრისი ხომ სულ 24 ოჯახზეა გათვლილი, თავიდან სამი ოჯახი მოგვადგა, რა თქმა უნდა ჯერ კარები არ გავხსენით. გვლანძღეს, გვთათხეს. შემდეგ მოვიდნენ ავტობუსით. იხუვლა ხალხმა, ჩვენ მოვასწარით სახლში შემოსვლა და დავკეტეთ კარები.

_ ირაკლი შიხიაშვილმა და მაკა გვარამიამ თქვენთან შეხვედრაზე თქვეს, რომ ვინც დააკმაყოფილებს თქვენ შორის კრიტერიუმებს, ის დარჩება ამ სოციალურ საცხოვრისშიო. ქალბატონ ნანა პაპოშვილს, რომელსაც შვილი ცერებრალური დამბლით ჰყავს ავად, უთხრეს, რომ მისი ოჯახი ნამდვილად დარჩება აქ. ახლა კი ყველა ოჯახის ქირით გასვლაზე საუბარი.

_ მომისმინე, ცისანა! ცერებრალური დამბლით დაავადებული თუ შეზღუდული შესაძლებლობების მქონე ადამიანი ერთია _ გაჭირვებული გაჭირვებულია. ყველა დედას თავისი შვილი უყვარს, ხომ მართალია?! ჩემი შვილის სიკვდილს დღე დღეზე ველოდები. გუშინ მერიის წარმომადგენლები იყვნენ ჩვენთან მოსულები. იმათაც ვუთხარი, პროკურატურაში უნდა შევიტანო სარჩელი, იმიტომ რომ მე არ ვარ კანონდამრღვევი. კანონდარღვევით მოუწოდა ჩინოვნიკმა ხალხს ამ საცხოვრისში შემოსვლა. მე ვიჯექი სახლში და ველოდი როდის განაწილდებოდა ეს ბინები. თუმცა, "შეჭრები" რომ დაიწყო, შემოვედი აქ, რომ დამეკავებინა ის ბინა, რომელიც კანონით მეკუთვნოდა.

სად წერია, აჩვენონ, შეზღუდული შესაძლებლობების მქონე მძიმე ავადმყოფს ასახლებდნენ ბინიდან? თუ ჩემი შვილი არ მეყოლება კარგად, საქართველოს სახელი არ მაინტერესებს. არავითარ შემთხვევაში არ ვაპატიებ მერიას. მე არც ქირა მინდა და არც არაფერი. მე მინდა საცხოვრისი იქ, სადაც მეკუთვნის. ჩემზე მეტი გაჭირვებული თუ არის, ისინი გაუშვან ქირით. ჩემი შვილი არის ავადმყოფი და მეკუთვნის დროებითი საცხოვრებელი. ცოტა ხანში მუშაობას რომ დავიწყებ, ამ საცხოვრის მაგათ გადავულოცავ.

_ თქვენ არ შემოგთავაზეს ქირა?

_ ეს თქვა გიორგი სანიკიძემ ზუსტად (სოციალური მომსახურებისა და კულტურის საქალაქო სამსახურის უფროსის მოადგილე გიორგი სანიკიძე), მაგრამ გადავუშალე საბუთები და ვაჩვენე, რომ ჩემი შვილი პირველი ჯგუფის შეზღუდული შესაძლებლობის პირია. ყოველდღე მის სიკვდილს ველოდები და მე მიშვებთ ქირით,-მეთქი? იცით, რას ვიზამ? ჯერ არავის რომ არ გაუკეთებია _ ამ ჩემს შვილს მერიის ფოიეში დავასვენებ და სამოქალაქო პანაშვიდებს იქ გადავიხდი. ვტიროდი, ცისანა, ადვილი ხომ არ არის შვილზე ასეთი რაღაცეები თქვა? ამას მართლა გავაკეთებ.

_ რა გადაწყვიტეთ 7-მა ოჯახმა _ ყველა უარს ამბობს ქირით გასვლაზე?

_ ნანაც უარს ამბობს. ჩვენი ალტერნატიული ფართები ეს არის. ჩვენ არ შევსულვართ სამთავრობო შენობებში. ცხოვრებაში არ ვყოფილვარ სოციალურად დაუცველი. ჩვენ ბინას ხომ არ ვითხოვთ? ვითხოვთ საცხოვრისს! საცხოვრისიდან მძიმე ავადმყოფს თუ გამოასახლებენ, აღარც მთავრობა გვყოლია ჩვენ და არც საზოგადოება ვყოფილვართ. გაიყვანონ თავიანთი ცოლ-შვილი ქირებით, როგორი იქნება?! გადაგვიხდიან 6 თვეს და მერე გვეტყვიან, რომ აღარ გვაქვს ფულიო! არავითარ შემთხვევაში! მე ქირას არ დავთანხმდები! თუ მთავრობა ჩვენი გასახლების ბრძანებას გასცემს, ან მერია, მაშინ ყველაფერი სხვანაირად დამთავრდება. ჩვენ ჩავრთავთ ინვალიდების საზოგადოებასაც, ყველას, მთელ ტელევიზიებს, რომ თუ ასეთ მძიმე ავადმყოფებს საცხოვრისიდან ასახლებენ, მაშინ ვინ შეყავთ?

_ როგორია ახლა თქვენი საცხოვრებელი პირობები? ადრე რომ ვიყავი, არ გქონდათ არც გაზი, არც შუქი და არც წყალი...

_ დღეს წყალი შემოუშვეს და დენი არ გვაქვს. იქით კორპუსში რომ შემოასახლეს ხალხი, იმიტომ შემოუშვეს, თორემ მაგათ ჩვენი დარდი არ აქვთ. 8 თვეა ჩვენ წამების ქვეშ ვართ, ფაქტობრივად.

მე მოვითხოვე კატეგორიულად, რომ მოვიდეს მამრიკიშვილი (მამუკა ქაცარავას მოადგილე) და ქაცარავა აქ. ქაცარავა იმიტომ უნდა მოვიდეს, რომ მე აქციის ქალი არ ვარ. ქაცარავასთან შეხვედრა რომ მოვითხოვე, წერილობით მომივიდა პასუხი, ქაცარავას მოქალაქეების მიღება არ აქვსო. რატომ არ უნდა ჰქონდეს მერის მოადგილეს მოქალაქეების მიღება?! მიბრძანდით მამრიკიშვილთანო. მამრიკიშვილმა ამიხსნა და მომაწოდა ინფორმაცია, რომ მე აუცილებლად დავკმაყოფილდებოდი ამ საცხოვრისით. სამთავრობო შენობებში რომ შეიჭრა ხალხი, ყველგან მაგათმა გაუშვეს. ამ საცხოვრისში ჩვენ დაპირისპირება გავიარეთ მერიასთან, ყოველ ორ დღეში ხალხს გვიგზავნიდნენ შემოჭრაზე.

_ მერიის ხალხი რომ იყო მოსული, არ უთხარით მამრიკიშვილის და ქაცარავას დაპირება, რომ თქვენ აუცილებლად მოხვდებოდით ამ სიებში და საცხოვრისშიც შემოხვიდოდით?

_ როგორ არა! ვუთხარით! იცით რა, კომისიები იყო და მათ გადაწყვიტესო. თქვენი კომისიები საერთოდ არც მაინტერესებს, იმიტომ რომ თქვენი და საერთოდ ნაციონალების მე არ მჯერა, ხალხო, არაფერი,-მეთქი, ასე ვუპასუხე!

კიდევ ის ვუთხარი, რომ კომისია კი არა, თქვენი ხალხია შემოსული,-მეთქი. ზოგი მერიის თანამშრომელი, მე მგონი, ზოგი _ ქაცარავას და ვიღაც-ვიღაცების ნათესავებია. იატაკზე მძინავს. საწოლებიც არ გვაქვს. მე, პირადად, ნაგავსაყრელებიდან მაქვს მატრასები მოტანილი. თუკი რამე მქონდა, ჩემი შვილის ჯანმრთელობისთვის ყველაფერი გავყიდე კაპიკებში და დავრჩი ისე. ახლა დააჯერონ მაგათმა, რომ სოციალურად დაუცველები არიან და თანაც დაბალი ქულები აქვთ.

ვუთხარი მერიის წარმომადგენლებს, რომ აქ შემოსახლებული ადამიანების მონაცემები ყველა გადამოწმდება. ახლა ვზივარ და პროკურატურაში გასაგზავნად ვამზადებს სარჩელს _ მამრიკიშვილის და ქაცარავას პასუხისმგებლობის საკითხი უნდა დავაყენო, რომ ირღვევა ჩვენი ადამიანური უფლებები. 8 თვის განმავლობაში ჩვენ აქ წამების მეტი არაფერი არ გვინახავს და რომ ესენი ტყუიან. ჩვენ აქ ვიყავით უწყლოდ, უშუქოდ, უგაზოდ და უყველაფროდ და აბსოლუტურად არანაირი რეაგირება მერიას არ მოუხდენია.

ზუსტად ეგ მიუთითეთ თქვენს სტატიაში, ცისანა, ჩემს შვილს რამე რომ მოუვიდეს, თუ არ გავასვენო მერიის ფოიეში, ქალი არ ვიყო. მე შვილი თუ მომიკვდება, მერე არაფერი აღარ მენაღვლება!




 ახალი ამბები
  • სოფლის ცენტრში, ტუალეტში ბამბუკია ამოსული : „გაკეთებული საქმეების „მშვენება“ “ოზურგეთის მუნიციპალიტეტის სოფელ დვაბზუს მოსახლეობის უმთავრესი პრობლემა წყალსადენის მშენებლობაა, რომლის  პროექტირებაც  უკვე  დაწყებულია. აქაურები ითხოვენ  სოფლის ყველა უბანში გზის გაკეთებას, რომლის მოასფალტება შეუძლებელია თუ ჯერ წყლის გაყვანა არ მოხდა. „გურია ნიუსი“ სოფელს ეწვია. ჩვენ  გავეცანით  აქაურთა პრობლემებს. ადგილობრივები ამბობენ, რომ ბოლო წლებში ბევრი საქმე  გაკეთდა, განსაკუთრებით  კი  დვაბზუსა და გაღმა დვაბზუს შორის, მდინარე  მაღელაზე  ხიდის  აგებისთვის,  გამოთქვამენ კმაყოფილება, სომელიც მუნიციპალიტეტის მერიის მხარდაჭერით  აიგო.  მათივე თქმით, ძველი დროიდან მოყოლებული, ერთ დიდი პრობლემას წარმოადგენდა. სოფლის ცენტრში, საბავშვო  ბაღის შენობის  მიმდებარედ, სადაც ასევე სამედიცინო უბანია განთავსებული,   ტერიტორიის მოზრდილი ფართობია, რომლის უკანა კუთხე ეკალ-ბარდითაა დაფარული.  ხოლო იქვე მდგარ, ამჯერად უფუნქციოდ დარჩენილ ტუალეტში , ბამბუკის ხეებია ამოსული.   ბარდები და  და ჭინჭარია ასევე  ამოსული სამედიცინო უბნის კედლების გასწვრივ. ჩვენს კითხვაზე, თუ   რატომ არის  აქ ასეთი მდგომარეობა და შესაძლებელია თუ არა აქვე მომუშავეთა მიერ,  დასუფთავების დღის მოწყობა,  ადგილობრივებმა გვითხრეს, რომ   სოფელში გაკეტებული ბევრი კარგი სქმის „მშვენება“, ნამდვილად არ უნდა იყოს ცენტრში ასეთი ანტისანიტარიული  ადგილი. _მოვახერხებთ, დავალაგოთ და მოვაწესრიგოთ აქაურობა, - გვითხრეს მათ.   ჩვენის მხრივ, ვიტყვით, რომ აქაურობის იერ-სახეზე, დასუფთავებასა და მოვლაზე,  ხელისუფლების ადგილობრივ წარმომადგენლებს , დეპუტატს  თუ აქვე , სხვადასხვა სფეროში მომუშავეებს, ერთნაირად  უნდა შესტკიოდეთ   გული და საკუთარი ინიციატივით უნდა აწყობდნენ „დასუფთავების დღეებს“. _აქ მალე სკვერი უნდა გაკეთდეს. ზოგადად, კოორდინირებული მუშაობით, ადგილობრივ ხელისუფლებასთან და ჩვენს მოსახლეობასთან ერთად, ბევრი რამის გაკეთება შევძელით _ გვითხრა მუნიციპალიტეტის  მერის წარმომადგენელმა სოფელში, მამუკა გოგოუაძემ. დვაბზუს მცხოვრებთაგან, დღეისთვის სამ მცხოვრებს აღმოაჩნდა კორონა ვირუსი (ისინი ქობულეთის ფაბრიკის, „აჭარა ტექსტილის“ თანამშრომლები არიან)  და ყველა გადაყვანილია ბათუმში. „გურია  ნიუსი“ ვრცლად,  დვაბზუში  არსებული პრობლემების თუ   გაკეთებული საქმეების ირგვლივ, საგაზეთო სტატიაში ... ...
  • 2 დაღუპული და 2 დაშავებული_ ავარია ავტობანზეავტოსაგზაო შემთხვევას თბილისი-სენაკი ლესელიძის საავტომობილო მაგისტრალის გორის მონაკვეთზე ორი მამაკაცი ემსხვერპლა,  ორი კი მძიმე დაზიანებებით საავადმყოფოებში გადაიყვანეს. არსებული ინფორმაციით, ავტობანზე მოძრავი „ნისანის” მარკის ჯიპი ტრაილერს შეეჯახა. შემთხვევის გამო ავტობანის აღნიშნულ მონაკვეთზე დასავლეთ საქართველოდან თბილისის მიმართულებით მოძრავი ტრანსპორტის მოძრაობა ... ...
  • „თხილის ფასს არ ეხება ომი და წაბლისას აფარჩაკებს? “ : ოზურგეთული „გარჩევა“ ფასებზე დღეს, დილიდან, ოზურგეთში თხილის ფასის კიდევ ერთი ახალი  ფორმულაა ძალაში - ამჯერად ერთი კილოგრამი შვიდლარნახევარი ღირს,  სულერთია, „ბერძნულაა “ თუ „გულშიშველა“.  ოღონდ  ათი ცალი გატეხილი თხილიდან, რვა მაინც საღი უნდა იყოს _ ასეთია თხილის მიმღები  პუნქტების ოპერატორთა ლოგიკა. კითხვაზე, თუ  ერთ ცალ საღ გულში აპირებენ 80 თეთრის გადახდას, თან ზოგი ამბობს, რომ ათიდან, რვა რომ იყოს საღი, მაინც რვა ლარს გადავიხდითო, ეს რა ლოგიკაა? _ ვკითხეთ მათ. _ის ლოგიკაა, რომ მაგდენი საღი თხილი არცერთ ვარიანტში არ   გამოვა. ტყუილა იძახიან, _ თავ-თავის „ლოგიკას“  იშველიებენ ფასებზე და ერთმანეთზე   აღრენილი  თხილის მიმღები ოპერატორები. _არაფრით არ შეიძლება ათი ცალიდან ათივე საღი გამოვიდეს,    „ბერძნულა“   ნამეტურ. ამიტომ ნუ ამბობთ და ნუ წერთ რომ, ერთი კილოგრამი რვა ლარი  ღირს. მასეც რომ იყოს, მაინც არავინ გადაიხდის შვიდლარნახევარზე მეტს. რატომ,  იცით?   გარჩეული, მზა ნედლეული, ერთი კილოგრამი თხილი დღეს  ღირს 18 ლარი. ერთ კილოგრამ გარჩეულ თხილს 2,400 კგ გაუტეხავი თხილი სჭირდება. ახლა იანგარიშეთ, რამდენია? 19 ლარს აჭარბებს გარჩეული თხილის გულის ფასი, თუ გაუტეხავში 8 ლარს გადაიხდიან.  ვინმე წაგებაზე წავა? ამიტომ, ვინც იძახის, რომ ერთ  ცალში 80 თეთრს იხდის და შესაბამისად,  ერთ კილოგრამში 8 ლარს მიიღებთო, გატყუებთ, _ გვითხრეს თაყაიშვილის ქუჩაზე განლაგებულ ჯიხურებში. რაც შეეხება წაბლის ფასს, რომელიც  ერთი კვირაა, რაც ბაზარზე შემოვიდა, ერთ კილოგრამს 2 ლარად იბარებდნენ.  თუმცა,  დღეს  ერთი კილოგრამის  ფასი  ერთი ლარია. _თხილის  ფას კი მიფრინავს, ერთი ეს გვითხარით, წაბლი რომ ღირდა 2 ლარი, ახლა რატომ განახევრდა ფასი?  ეს საქმეა?  თან საკმაოდ კარგად  ასხია წელს,_   სვამდნენ კითხვებს წაბლით სავსე ჩანთებით მოსული სოფლის მცხოვრებლები. _ხომ გითხარით, აზერბაიჯანში გაჰქონდათ, ახლა ომიაო და ამიტომ შეჩერდა გატანა. აქით თურქეთიც ჩაკეტილია, ამიტომ დაეცა ფასი. თქვენზე უფრო გვინდა ჩვენ, მაღალი ფასი რომ ჰქონდეს _ განმარტებებს არ იშურებდნენ თხილის პუნქტებიდან. _ თხილის ფასს  არ ეხება ომი და  წაბლისას   აფარჩაკებს?  _ უპასუხოდ დარჩა იმ ქალბატონების კითხვა, რომლებაც  პირი იბრუნეს და ჩასაბარებლად წამოღებული წაბლი ისევ შინ ... ...
  • საქართველოს ბანკის მხარდაჭერით ახმეტაში უალკოჰოლო ლუდის მინი საწარმო აშენდასაქართველოს ბანკი ადგილობრივი ბიზნესების მხარდაჭერას განაგრძობს. სწორედ ამ მიზნით, ახმეტაში, კერძოდ სოფელ ომალოში, უალკოჰოლო ლუდის მინი საწარმო აშენდა. კომპანია დღიურად 100 ლიტრ ლუდს აწარმოებს და მის რეალიზაციას ძირითადად ადგილობრივ ბაზარზე  ახდენს.  სამომავლოდ საწარმო ხილის გადამუშავებას და ახალი ასორტიმენტის შეთავაზებას აპირებს მომხმარებლისთვის. ისეთის როგორიცაა, ვაშლის ლუდი, კუნელის ლუდი და ასე შემდეგ. ამ ეტაპზე განხორციელებული ინვესტიციის ჯამური მოცულობა 100 000 ლარია, აქედან შეღავათიანი აგრო კრედიტის ფარგლებში საქართველოს ბანკის თანამონაწილეობა 40 000 ლარს შეადგენს. კომპანია აქტიურ რეჟიმში აწარმოებს უალკოჰოლო ლუდს და პროდუქციას ყიდის თბილისში, რუსთავში, მარნეულში, თელავსა და გურჯაანში.  კომპანია გაყიდვების ზრდას და შესაბამისად, კიდევ უფრო მეტი ადამიანის დასაქმებას ელის. ამ ეტაპზე კომპანიაში 6 ადამიანია დასაქმებული. „საქართველოს ბანკი  ადგილობრივი ბიზნესის მხარდაჭერის მიზნით აქტიურად აგრძელებს  ახალი პროექტების წახალისებას. მოხარულები ვართ, რომ კიდევ ერთხელ მოგვეცა შესაძლებლობა შეგვეტანა წვლილი ადგილობრივი წარმოების, კერძოდ უალკოჰოლო ლუდის საწარმოს მშენებლობის განხორციელებაში. მიგვაჩნია, რომ მსგავსი პროექტები დაეხმარება რეგიონის ეკონომიკას და დადებით გავლენას მოახდენს ახალი სამუშაო ადგილების შექმნაზე. გვინდა წარმატებები ვუსურვოთ საწარმოს სამომავლო საქმიანობაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • სტოლტენბერგი: საქართველო ჩვენი ერთ-ერთი ყველაზე მნიშვნელოვანი პარტნიორია"მე ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს, საქართველო  ჩვენი ერთ-ერთი ყველაზე მნიშვნელოვანი პარტნიორია", - ამის შესახებ ნატოს გენერალურმა მდივანმა, იენს სტოლტენბერგმა, ბრიუსელში, საქართველოს პრემიერ-მინისტრთან შეხვედრის შემდეგ, ერთობლივ პრესკონფერენციაზე განაცხადა. როგორც ნატოს გენერალურმა მდივანმა აღნიშნა, საქართველო უნდა ამაყობდეს იმ წვლილის გამო, რომელიც შეაქვს ნატოს უსაფრთხოებაში და ნატოს მისიების წარმატებაში. „ძალიან ვაფასებ იმ ძლიერ და მჭიდრო თანამშრომლობას, რომელიც საქართველოს ნატოსთან აკავშირებს. ჩემთვის დიდი სიამოვნებაა, რომ მივესალმები საქართველოს საგარეო საქმეთა სამინისტროს, ნატოს სათაო დაწესებულებაში. ეს იმას ადასტურებს, რომ პოლიტიკურად მნიშვნელოვანია ჩვენი პარტნიორობა თქვენთვის და ჩვენთვის. საქართველო  ჩვენი ერთ-ერთი ყველაზე მნიშვნელოვანი პარტნიორია. ჩვენ უსაფრთხოების სფეროში და ბევრი სხვა მიმართულებით ძალიან მჭიდროდ ვთანამშრომლობთ, მათ შორის, სწავლებებში, ავღანეთის მისიაში. ჩვენ ყველას შეგვიძლია ვიამაყოთ ერთად და თქვენც შეგიძლიათ ამაყობდეთ იმ წვლილის გამო, რომელიც შეგაქვთ ნატოს უსაფრთხოებაში და ნატოს მისიების წარმატებაში", - განაცხადა იენს ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ ყველაზე, ყველაზე...

იცი თუ არა გეოგრაფია

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...
free polls