დარჩია დარწმუნებულია, რომ ერთმანეთის გვერდში დგომით, არჩევნებს "ოცნება" მოიგებს

მთავარი თემა

დარჩია დარწმუნებულია, რომ ერთმანეთის გვერდში დგომით, არჩევნებს "ოცნება" მოიგებს

26 აგვ. 2013, 22:23:02
_ ეს ინფორმაცია " გურია ნიუსთან" " ქართული ოცნების" გურიის შტაბის ხელმძღვანელმა გოჩა მეგრელიშვილმა და თავად დავით დარჩიამ დაუდასტურეს.

აღსანიშნავია, რომ დარჩიას კანდიდატურას ამ პოსტზე მხარს არ უჭერდა კოალიციაში შემავალი პარტიების ლიდერები, თუმცა, შეთანხმება უკვე მიღწეულია. კოალიციური შეხვედრა მას შემდეგ შედგა, რაც ოზურგეთში დასავლეთ ზონის კოორდინატორი ლაშა სამხარაძე და გურიის საარჩევნო შტაბის ხელმძღვანელი გოჩა მეგრელიშვილი გამოჩნდნენ. პარტიების ლიდერებს, დავით დარჩიას, მაჟორიტარი დეპუტატს ზვიად კვაჭანტირაძეს და სტუმრებს შორის მოლაპარაკება ამ თემაზე კვაჭანტირაძის სახლში შედგა.

ჩვენი წყაროს ინფორმაციით, პარტიების ლიდერებმა, ზონის კოორდინატორსა და გურიის შტაბის ხელმძღვანელს ულტიმატუმები წაუყენეს და მათსა და საზოგადოებას შორის არსებულ კითხვებზე პასუხის გაცემა მოთხოვეს. მეგრელიშვილი და სამხარაძე მათ პრობლემების მოგვარებას შეჰპირდნენ და უთხრეს, რომ მათ მოთხოვნებს ცენტრალურ შტაბში დააყენებდნენ.

გადაწყდა თუ არა ეს საკითხები, რა დათმობაზე წავიდნენ პარტიის ლიდერები და რის სანაცვლოდ დაუჭირეს მათ მხარი შტაბის უფროსად დავით დარჩიას კანდიდატურას, ამის შესახებ "გურია ნიუსთან" თავად დავით დარჩია საუბრობს.

_ ბატონო დავით, როგორც გავიგეთ, თქვენი შტაბის უფროსობა გადაწყვეტილია. ამ პოსტზე სხვა კანდიდატურაც განიხილებოდა, ჭიანურდებოდა თქვენი დანიშვნაც, რადგან მხარს არ გიჭერდათ კოალიციაში შემავალი პარტიების ლიდერები. ისინი აცხადებდნენ, რომ თუ დავით დარჩია იქნებოდა შტაბის უფროსი, "ქართული ოცნება" საარჩევნო შეხვედრებს კოალიციურ რეჟიმში ვერ წარმართავდა და არჩევნებში დამარცხდებოდა. როგორ მიაღწიეთ შეთანხმებას მათთან და რისი დათმობა მოგიწიათ?

_ პირველ რიგში ჩემი სურვილი იყო, რომ ვყოფილიყავი მარგველაშვილის შტაბის ხელმძღვანელი ოზურგეთში. გულწრფელად მინდა გითხრათ, რომ გარკვეული მუშაობა გავწიე და არა მარტო მე, არამედ ჩემმა მეგობრებმაც, რომ ოზურგეთის რაიონში "ქართული ოცნება" შექმნილიყო და დაფუძნებულიყო როგორც პარტია. რადგან გარკვეული წვლილი მაქვს შეტანილი ამ საქმეში, ჩავთვალე საჭიროდ, რომ აქტიურად ჩავრთულიყავი საარჩევნო კამპანიაში. მე, კოალიციასთან ერთად, მაქსიმუმს გავაკეთებთ და დარწმუნებული ვარ, რომ ამ არჩევნებში მივაღწევთ წარმატებას.

_ თქვენ კონკრეტულ პასუხს არ მცემთ კითხვაზე, ბატონო დავით _ რა მოლაპარაკებას აწარმოებდით კვაჭანტირაძის სახლში პარტიის ლიდერებსა და გურიის შტაბის ხელმძღვანელთან ერთად? ადგილობრივი ლიდერები თქვენი დანიშვნის წინააღმდეგნი იყვნენ. რა პირობა მიეცით მათ მხარდაჭერის სანაცვლოდ?

_ გულწრფელად შემიძლია გითხრათ, რომ მე მათთვის არანაირი პირობა არ მიმიცია იმის გარდა, რომ ჩვენ ერთად, ერთმანეთის გვერდში დგომით, ერთად ბრძოლით შევძლებთ არჩევნების მოგებას. მე დავდე პირობა, რომ ჩვენ კოალიციურ რეჟიმში ვიმუშავებთ. დღეს იქნებოდა თუ ხვალ, ეს საკითხი უნდა გადაწყვეტილიყო. დროც არ ითმენს უკვე.

_ ბატონო დავით, ჩვენ გვაქვს ინფორმაცია, რომ მოლაპარაკების დროს, გამგებლის მოვალეობის შემსრულებლის კოტე შარაშენიძის მისამართით გაჟღერდა უამრავი ბრალდება, კითხვა, რომელზეც პასუხის გაცემას ელოდებიან პარტიის ლიდერები.

_ გასაგებია. მე ცალმხრივად შემიძლია გითხრათ, რომ კოტე შარაშენიძის ბრალეულობაზე ვერ ვისაუბრებ, მე არ ვიცი მისი საქმიანობის შესახებ. ამ საკითხებს სწავლობენ შესაბამისი ორგანოები. გეტყვით, რომ ჩემთვის კოტე შარაშენიძის არც დანიშვნა უკითხავს ვინმეს და არც მის მოხსნას შემეკითხება ვინმე. მე უძლური ვარ ამ საკითხში. თუ კოტე შარაშენიძე ვერ ასრულებს თავის მოვალეობას პირნათლად, ამისთვის არსებობენ ზემდგომი სამსახურები, ასევე ისინი, ვინც ის აირჩია. აგოს მათ წინაშე პასუხი _ მე რა შუაში ვარ?

_ კოალიციაში შემავალი პარტიის ლიდერები, ასევე " ქართული ოცნების" მხარდამჭერთა ერთი ჯგუფი აცხადებს, რომ თუ კოტე შარაშენიძე იქნება გამგებელი, "ოცნება" არჩევნებს წააგებს. ეთანხმებით ამ მოსაზრებას?

_ ამ მოსაზრებას ნამდვილად ვერ დავეთანხმები და ვერც ვერავინ ვერ დაადასტურებს ამას.

_ ხართ თუ არა დარწმუნებული, რომ არჩევნებს მოიგებთ?

_ დარწმუნებული ვარ, რომ არჩევნებს მოვიგებთ დიდი უპირატესობით. მით უმეტეს, თუ ყველანი ერთმანეთის გვერდით დავდგებით, არანაირი პრობლემა არ გვექნება.

_ რამდენად ადასტურებთ ინფორმაციას, რომ " ქართული ოცნების" მხარდამჭერები ტოვებენ პარტიას და გადადიან ბურჯანაძის პარტიაში?

_ არანაირად. გამიჭირდება ამის დადასტურება, რადგან ოზურგეთში ასეთი შემთხვევა არ ყოფილა, ყოველ შემთხვევაში, ჩემთვის არ მოუმართავს არავის მსგავსი განცხადებით, თუმცა, ჩვენ არავის არაფერს არ დავაძალებთ.

_ როდის იწყებს კოალიცია აქტიურ შეხვედრებს?

_ სექტემბრის დასაწყისში. ისედაც ბევრი დრო დავკარგეთ. მანამდე საორგანიზაციო საკითხებს გავივლით და მოვაგვარებთ, ჩამოვყალიბდებით.

_ ბატონო დავით, აქამდე თქვენ, ასევე კოტე შარაშენიძე და ზვიად კვაჭანტირაძე აცხადებდით, რომ თქვენს შორის ურთიერთობა არ იყო ჩამოყალიბებული ნორმალურად და გქონდათ უთანხმოება. თქვენ დეპუტატს მას ოზურგეთში შექმნილ მწვავე სიტუაციის ორგანიზებაში დებდით ბრალს _ ვგულისხმობ კარვებს აქციას, რამდენიმე დღის წინ კი კვაჭანტირაძეს პირადად გადაუხადეთ მადლობა კოალიციური შეხვედრისთვის. ფორმალურია ეს საუბრები თუ მართლა დარეგულირდა თქვენს შორის ურთიერთობები?

_ ახლა დეტალებზე ვერ გესაუბრებით. მე სრულად ვაცნობიერებ, ვინ არის ზვიად კვაჭანტირაძე, ისიც ვიცი, რომ მაჟორიტარ დეპუტატსა და პარტიის თავმჯდომარეს შორის რაღაც საკითხებზე წინააღმდეგობა არ უნდა იყოს.

_ თუმცა, იყო.

_ კი, ნამდვილად იყო, გეთანხმებით.

_და ვინ მივიდა იმ დასკვნამდე, რომ ასე გაგრძელება არ შეიძლებოდა და ვინ აღიარა, რომ შეცდა?

_ თუ ორივე მივედით ამ დასკვნამდე, ხომ კარგი. ორივენი ოზურგეთელები ვართ _ თუ არსებობდა დაძაბული სიტუაცია და ურთიერთობა ჩვენს შორის რაღაც საკითხების გამო, ალბათ, საარჩევნოდ აღარ განმეორდება.

_ თქვენ აცხადებდით, რომ აქამდე ზვიად კვაჭანტირაძე ოზურგეთის "ქართული ოცნების" ოფისში საერთოდ ნამყოფი არ იყო. მოვიდა იმ დღეს, როდესაც თქვენ მას მადლობა გადაუხადეთ...

_ კი და ეს ძალიან კარგია. მან როცა საჭიროდ ჩათვალა, ეს ნაბიჯი გადადგა, გადადგა და ამაში ცუდი არაფერია, მე მივესალმები მისი მხრიდან ასეთ საქციელს, მიხარია და მზად ვარ, ვიყო მასთან ერთად საერთო საქმეში. თუმცა, ყველაფერი ასე მარტივი არაა და იოლად არ ვუყურებ ამ არჩევნებს, მიუხედავად იმისა, რომ " ქართული ოცნება" დიდი ძალაა, _ გვითხრა დარჩიამ.




 ახალი ამბები
  • ლარი ისევ გაუფასურდა - სებ-ის ახალი კურსიეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი  3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო დღევანდელი ვაჭრობის შედეგად მიღებული კურსები ძალაში ხვალ ... ...
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...

არქივი

ტესტები

ტესტი _ რა იცი ჰოლივუდის ვარსკვლავების შესახებ

ლეონარდოს დი კაპრიოს სახელი ლეონარდო...

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ ყველაზე, ყველაზე...

იცი თუ არა გეოგრაფია

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...