მსჯავრდებულის განცხადებით, შსს-ს თანამშრომლები მას ციხეში ემუქრებოდნენ

მთავარი თემა

მსჯავრდებულის განცხადებით, შსს-ს თანამშრომლები მას ციხეში ემუქრებოდნენ

2013 ოქტ 9 11:12:40

დავით რუსიშვილი  ჩვენთან საუბარში აცხადებს, რომ მას შემდეგ, რაც მან შსს-ს წარმომადგენლებს უარი განუცხადა ადვოკატის გარეშე ჩვენების მიცემაზე, მათი მხრიდან ადგილი ჰქონდა მუქარას.

მსჯავრდებულის თქმით, რომელიც სასჯელს რუსთავის სასჯელაღსრულების #17 დაწესებულებაში იხდის, ერთ-ერთმა მათგანმა ისიც კი უთხრა, რომ თუ ასე გააგრძელებდა, წლებს დაუმატებდნენ.

"ისინი მთავაზობდნენ სახაზინო ადვოკატის მოყვანას და ჩვენების მიცემას მისი თანდასწრებით, რაზედაც უარი განვუცხადე, ვუთხარი, რომ მე მყავდა ადვოკატი და თუ რამე საქმე ჰქონდათ, დაკავშირებოდნენ გელა ნიკოლაიშვილს," _ აცხადებს დავით რუსიშვილი.

ვინ იყვნენ ის ადამიანები, რომლებზედაც დავით რუსიშვილი საუბრობს? იყვნენ თუ არა ისინი ნამდვილად შსს-ს თანამშრომლები? რა მიზნით შევიდნენ მსჯავრდებულთან, რატომ სთავაზობდნენ სახაზინო ადვოკატს და ემუქრებოდნენ თუ არა მას? და რაც მთავარია, რატომ არ ჩათვალეს მათ საჭიროდ დღემდე, დაკავშირებოდნენ ადვოკატს, რომლის გარეშეც მათ მსჯავრდებულმა ჩვენება არ მისცა?

2013 წლის 9 მაისი. დასვენების დღე. პასუხი სასჯელაღსრულების დეპარტამენტიდან...

როგორც დავით რუსიშვილის ადვოკატი, გელა ნიკოლაიშვილი "გურია ნიუსთან" საუბრისას აცხადებს, სასჯელაღსრულების დეპარტამენტისგან მიიღო ოფიციალური წერილი იმის შესახებ, რომ 2013 წლის 9 მაისს დავით რუსიშვილთან ნამდვილად იმყოფებოდნენ  შსს-ს წარმომადგენლები. დაზუსტებულია მათი ვინაობაც: ვახტანგ სამხთუაშვილი და ლაშა ტუხაშვილი.

9 მაისი ოფიციალურად დასვენების დღედ იყო გამოცხადებული და როგორც ჩანს, შსს-ს დეტექტივ-გამომძიებელს სასწრაფო საქმე ჰქონდათ დავით რუსიშვილთან, რადგან ვიზიტი დასვენების დღის გამოც კი არ გადადეს.

გელა ნიკოლაიშვილის განცხადებით, სწორედ ეს ფაქტი იწვევს ეჭვს: "იქედან გამომდინარე, როგორც განვითარდა მოვლენები, მე ეჭვიც არ მეპარება იმაში, რომ დავით რუსიშვილის სიმართლეს ამბობს, როდესაც აცხადებს, რომ მას ემუქრებოდნენ. ეს მათი მეთოდია და თუ გამოუვიდოდათ ამ სახით მიიღებდნენ ჩვენებას სახაზინო ადვოკატის თანდასწრებით, რომელთანაც არანაირი პრობლემები არ ექმნებათ ხოლმე, როგორც წესი...

ძალიან საინტერესოა, თუკი ასე ეჩქარებოდათ დავით რუსიშვილის დაკითხვა, მას შემდეგ რაც მან განუცხადა, რომ მე ვიყავი ადვოკატი და შეეძლოთ მე დამკავშირებოდნენ, სად დაიკარგნენ? რატომ არავინ დამიკავშირდა და რატომ გადაიფიქრეს ჩემი დაცვის ქვეშ მყოფის დაკითხვა? თუ აუცილებლად სახაზინო ადვოკატის თანდასწრებით სურდათ ამის გაკეთება? ეს ყველაფერი იმდენად საეჭვოა, რომ ერთი წამითაც არ შემაქვს ეჭვი დავით რუსიშვილის განცხადებაში."

საკმაოდ საინტერესო ფაქტზე ლაპარაკობს "გურია ნიუსთან" დავით რუსიშვილის მამა, თემურ რუსიშვილი. ის არ გამორიცხავს, რომ აღნიშნული ფაქტი წინა დღეს, ანუ 8 მაისს მის მიერ გაკეთებულ განცხადებას უკავშირდებოდეს:

" 8 მაისს ტელეკომპანია "კავკასიაზე" გადაცემა იყო ნაფიც მსაჯულებთან დაკავშირებით.  კითხვა იყო დასმული, ამართლებს თუ არა ნაფიც მსაჯულთა ინსტიტუტი საქართველოში. ამ გადაცემის მსვლელობის დროს, დავრეკე, დავასახელე ვინაობა და ვთქვი, რომ ჩემი შვილის საქმეზე  12  ნაფიცი მსაჯულიდან 9 იყო ნაცმოძრაობის აქტივისტი და გამოვუცხადე მათ უნდობლობა.

ამის შემდეგ, სტუდიაში მოვიდა გელა ნიკოლაიშვილი. ამ ლაპარაკის შემდეგ, 9 მაისს სასჯელაღსრულების დაწესებულებაში შევიდნენ პირდაპირი მუქარით ჩემს შვილთან.

ჩემი ინფორმაციით ლაშა ტუხაშვილი ჩვენს საქმეზე კიდევ ერთ-ერთ მოწმესთან იყო მისული და დაინტერესბული იყო თუ სად იმყოფებოდა აღნიშნული მოწმის შვილი. მისი განცხადებით სურდათ ამ პირის დაკითხვა."

პასუხები შსს-დან _ გადაფიქრებული დაკითხვა...

ამ ამბის გასარკვევად ჩვენ კითხვები გადავუგზავნეთ შს სამინისტროს, საიდანაც ყველა კითხვაზე ოპერატიულად მივიღეთ პასუხი.

"გურია ნიუსი" _  გთხოვთ გაგვიმარტოთ, არიან თუ არა აღნიშნული პირები     შსს-ს თანამშრომლები?

შსს _  ვახტანგ სამხთუაშვილი ამჟამად აღარ მუშაობს შსს-ში, ლაშა ტუხაშვილი მოქმედი თანამშრომელია.

"გურია ნიუსი" _ რა მიზნით იყვნენ შსს-ს თანამშრომლები ვახტანგ სამხთუაშვილი და ლაშა ტუხაშვილი 2013 წლის 9 მაისს შესულები რუსთავის N17 დაწესებულებაში პატიმარ დავით რუსიშვილთან?

შსს _ შსს მთავარ სამმართველოს დეტექტივების სამმართველოში წარმოებაშია სისხლის სამართლის საქმე დამამძიმებელ გარემოებებში ზურაბ ტარყაშვილის განზრახ მკვლელობის ფაქტზე დანაშაულის შეუტყობინებლობის შესახებ. დანაშაული გათვალისწინებულია სსსკ-ის 376 მუხლით.

2013 წლის 9 მაისს, ქ.თბილისის მთავარი სამმართველოს 1 განყოფილების დეტექტივ-გამომძიებლები ლაშა ტუხაშვილი და ვახტანგ სამხთუაშვილი იმყოფებოდნენ სასჯელაღსრულების დეპარტამენტის 17 დაწესებულებაში მსჯავრდებულ დავით რუსიშვილთან საგამოძიებო მოქმედებების-მისი მოწმის სახით დაკითხვის მიზნით.

"გურია ნიუსი" _ ზურაბ ტარყაშვილის განზრახ მკვლელობის ფაქტზე დანაშაულის შეუტყობინებლობის შესახებ როდის აღიძრა საქმე და რის საფუძველზე?

შსს _ პროკურორის დადგენილების საფუძველზე დამამძიმებელ გარემოებებში ზურაბ ტარყაშვილის განზრახ მკვლელობის საქმიდან ცალკე წარმოებად გამოეყო სისხლის სამართლის საქმე განსაკუთრებით მძიმე დანაშაულის შეუტყობინებლობის ფაქტზე 2012 წლის 14 თებერვალს დანაშაული გათვალისწინებული საქართველოს სსკ-ის 376 მუხლით.

"გურია ნიუსი" _ ესწრებოდა თუ არა დავით რუსიშვილის მოწმის სახით დაკითხვას ადვოკატი, თუ ესწრებოდა, ვინ იყო ეს ადვოკატი?

შსს _ მას შემდეგ რაც კონკრეტულ სისხლის სამართლის საქმეზე მოწმე დავით რუსიშვილმა გამომძიებლისგან მიიღო განმარტებები მისი უფლება მოვალეობების შესახებ, მან ადვოკატის გარეშე მოწმის სახით ჩვენების მიცემაზე უარი განაცხადა, რის გამოც მისი დაკითხვა არ განხორციელდა.

რაც შეეხება მსჯავრდებულის განცხადებას მუქარის შესახებ, აღნიშნული ფაქტის გამოძიება შსს-ს გენინსპექციის მოვალეობაა.დავით რუსიშვილი დღემდე არავის დაუკითხავს...

შეგახსენებთ, რომ საუბარია 2011 წლის 17 ოქტომბერს, რუსთაველის პროსპექტზე, დღისით, მზისით, მომხდარ საზარელ მკვლელობაზე. 23 წლის ზურაბ ტარყაშვილი უამრავი მოწმის თვალწინ მოკლეს. დანაშაულის ჩადენის მოტივი მაშინვე გაჟღერდა საინფორმაციო საშუალებებით:

განაჩენის მიხედვით, ზურაბ ტარყაშვილის მკვლელობის მიზეზი გახდა 2010 წლის მარტში მომხდარი 21 წლის სანდრო გოგბერაშვილის მკვლელობა გრიბოედოვის ქუჩაზე. ინციდენტში, რომელსაც ეს მკვლელობა მოჰყვა, სხვებთან ერთად მონაწილეობდა ზურაბ ტარყაშვილი, რომე­ლიც ამ ინციდენტში მონაწილეობის გამო დააპატიმრეს და ხული­გნობის და იარაღის უკანონო ტარების მუხლით საპროცესო შეთანხმებით 2 წლით თავისუფლების აღკვეთა მიუსა­ჯეს. 1 წლის და 7 თვის შემდეგ, 2011 წლის ოქტომბრის დასაწყისში ტარყაშვილი ვადამდე გათავისუფლდა პატიმრობიდან და ათიოდე დღეში, 17 ოქტომბერს იგი რუსთაველზე სადისტურად იქნა მოკლული - 10 ტყვი­იდან მას 5 ფეხებში აქვს მოხვედრილი, 2 - ტანზე და 3 - თავში.

მკვლელობაში ბრალდებულები იყვნენ 2 წლის წინ მოკლული სანდრო გოგბერაშვილის მამა ივერი გოგბერაშვილი, ვინმე ირაკლი აგლაძე (მაშინ ორივე მათგანი მიიმალა, ამჟამად სანდრო გოგბერაშვილი უკვე გასამართლებულია) და 19 წლის დავით რუსიშვილი, რომელიც მკვლელობის მეორე დღეს საკუთარ სახლში დააპატიმრეს.

ამავე საქმეში ფიგურირებს ძველი თბილისის გამგებელი ნიკოლოზ (ნიკანორ) მელია, რომელსაც რუსიშვილები ცრუ მოწმეობაში ადანაშაულებენ და მთავარ პროკურატურაში მის წინააღმდეგაც შეიტანეს სარჩელი. რუსიშვილები აცხადებენ, რომ ამოცნობის პროცედურა თავიდან ბოლომდე გაყალბებული იყო.

"იძულებით და ზეწოლით მიაცემინეს დათოს აღიარებითი ჩვენება, დიდი ფსიქოლოგიური სტრესის ქვეშ, ძმის მკვლელობით ემუქრებოდნენ თუ აღიარებით ჩვენებას არ მისცემდა. შემდეგ, მთელი ღამე აზეპირებინეს თავიანთი ტექსტი, უთენია გამოიძახეს ადვოკატთა ასოციაციის წევრი - ადვოკატი ხათუნა ვაჭრიძე, რომელიც არც გასაუბრებია ჩემს შვილს, არ გაცნობია მასალებს და მისი საშუალებით დააკანონეს . რუსიშვილის აღიარება. და, აი ამ ყველაფრის შემდეგ, როცა ყველა საინფორმაციო საშუალებით აჩვენეს, ჩაატარეს ამოცნობა. ანუ ჯერ გააპიარეს და შემდეგ საღამოს ჩაატარეს ამოცნობა, სადაც ამომცნობები იყვნენ როგორც ოჯახის სიძე .გაზდელიანი, პოლიციელი .ბარათელი და აღსრულების ეროვნული ბიუროს უფროსი ნიკანორ მელია, რომლებმაც პირდაპირ იცრუეს და შეასრულეს პროკურატურის დავალება.

მელია ჩვენებაში ამბობს, მანქანის წინ ჩამირბინა და იმიტომაც მახსოვს სახეო, არადა პროკურატურის მიერ გადმოცემულ მასალებში ნათლად ჩანს, რომ მანქანის წინ არავის ჩაურბენია არც მანქანა გაუჩერებია. ექსპერტის მტკიცებით, მას არანაირად არ შეეძლო დაენახა და მითუმეტეს დაემახსოვრებინა სახე, რადგან ის მესამე ზოლში მოძრაობდა და თანაც მისთვის არავის არ ჩაურბენია" _ აცხადებს თინა რუსიშვილი.

დავით რუსიშვილის მიმართ 2012 წლის 15 ივნისს, თბილისის საქალაქო სასამართ­ლოს სისხლის სამართლის საქმეთა კოლეგიის მოსა­მარ­თლის ვაჟა ფუხაშვილის მიერ დადგენილი გამამტყუ­ნებელი განაჩენით იგი ცნობილ იქნა დამნაშავედ ზურაბ ტარყაშვილის მკვლელობაში.

რუსიშვილის ოჯახის წევრები საქმის ხელახალ გამოძიებას ითხოვენ და პროკურატურას მიმართავენ.




 ახალი ამბები
  • დღეს ოზურგეთში არჩილ თალაკვაძის ბიუროს ბოქლომს დაადებენევროპული საქართველოს წევრები და მათი მხარდამჭერები საპროტესტო აქციებს აგრძელებენ. როგორც ცნობილი ხდება, ისინი რამდენიმე მაჟორიტარულ ოლქს დააბოქლომებენ, მათ შორის, ბოქლომის დადებას ოზურგეთში, არჩილ თალაკვაძის ოლქზეც გეგმავენ. ოზურგეთის მერიის შენობაში განთავსებულ ოლქში მისვლას დილის 9 საათისთვის გეგმავენ. შეგახსენებთ, რომ მას შემდეგ, რაც "ქართული ოცნების" დეპუტატებმა პროპორციული საარჩევნო სისტემის კანონპროექტი ჩააგდეს, საქართველოს მასშტაბით სხვადასხვა ქალაქებში საპროტესტო აქციები იმართება. პროტესტის ფარგლებში პიკეტირებული იყო მთავარი საკანონმდებლო ორგანოც, რომლის შესასვლელებიც ხელისუფლებამ სპეცრაზმისა და წყლის ჭავლის გამოყენებით ... ...
  • “დედაჩემი იქ აღარ მუშაობს გააბრაზეს“ - თამარ ჩუგოშვილის შვილის წერილიპარლამენტარი თამარ ჩუგოშვილი ფეისბუქზე მისი შვილის ნინის ნაწერს აქვეყნებს. “ნინის მიმოწერა კლასელთან. 9 წლის ბავშვის თვალით დანახული საკონსტიტუციო ცვლილების ჩაგდება“- წერს თამარ ჩუგოშვილი. “დედაჩემი იქ აღარ მუშაობს გააბრაზეს“, “არ არის ცუდი უხარია“ - წერს 9 წლის ... ...
  • ბელგიის სამეფოში, ტონგერენში, სასამართლოზე, ქართველ ბრალდებულს სასჯელის ნაცვლად ...საჩუქარი მიართვესქართველი ემიგრანტი ქალბატონი, ანა ბალამწარაშვილი, რომელიც 26 წელია, ბელგიაში ცხოვრობს, დღეს, ბელგიის სამეფოში, ტონგერენში, ქართველი ბრალდებულის, 45 წლის მამაკაცის სასამართლო პროცესს დაესწრო. ბრალდება ქურდობა იყო.   ქალბატონი ანა  თავის ფეისბუკგვერდზე აქვეყნებს, თუ როგორ წარიმართა სასამართლო პროცესი და რა გამაოგნებელი გადაწყვეტილება მიიღო მოსამართლემ... მოსამართლე  -  ბატონო მირზა , რატომ ჩამოხვედით ბელგიაში , ვინ ხართ და რა გინდათ? რატომ  მოიპარეთ ბოთლები და სიგარეტები? ასე ხომ ციხეში მოხვდებით?! მირზა- ბატონო მოსამართლევ, (თქვენო უმაღლესობავ, ვუსწორებ მე)არ ვიმართლებ თავს, რადგან მრცხვენია, მრცხვენია რომ ამხელა ცხოვრება გამოვიარე და დღეს თქვენ წინაშე მიწევს ბრალდებულის სკამზე ჯდომა, მე ქართველი ვარ, უმაღლესი განათლებით, სამი შვილის მამა, ჩემი უმცროსი შვილი ექიმების დაუდევრობით ინვალიდია და საწოლსაა  მიჯაჭვული, მკურნალობა ძალზედ ძვირი ჯდება. მოსამართლე- მოიცათ, რატომ გიჯდებათ ძვირი,  დაზღვევა ხომ გაქვთ? ადვოკატი ერთვება და დეტალებში უხსნის ქართულ სამედიცინო მომსახურებას და დაზღვევის მუშაობის სქემას…  მოსამართლეს თვალები უდიდდება და ვატყობ რომ რაღაცნაირად, მგონი  ეცოდება საქართველო. მოსამართლე- გასაგებია, მაგრამ ,ქურდობა ჩაიდინა და ამისთვის შესაბამის სასჯელს იმსახურებს. ადვოკატი-თქვენო უმაღლესობავ, ქურდობას გამართლება არ აქვს და თანახმა ვართ, ზარალი ავანაზღაუროთ, მაგრამ მოდით, წარმოვიდგინოთ მშობელი, რომლის შვილსაც არ აქვს წამლის ფული და შეიძლება,  ამის გამო დაიღუპოს, ჩვენთვის ეს ძნელი წარმოსადგენია, რადგან სახელმწიფო ზრუნავს ჩვენზე,  ეს ნაბიჯი მან გამოუვალი მდგომარეობიდან და სიცოცხლის გადასარჩენად გადადგა-ის მამაა და მას შვილი უკვდება უწამლოდ, გთხოვთ,  გაითვალისწინოთ ადამიანური ფაქტორი და დანაშაულის საფუძველი და მიზეზი(კიდევ ბევრი ისაუბრა) გმადლობთ. მე დავასრულე. მირზას შევხედე, უფრო მეტად შევერცხლოდა თმა, მგონი,  გათეთრდა კიდეც სირცხვილისგან, ის დამნაშავეს არ ჰგავდა. მოსამართლე დაბრუნდა სათათბიროდან და გამოაცხადა გადაწყვეტილება: “მირზა...საქართველოს მოქალაქე.....ბელგიის სამეფოს კანონმდებლობით...ცნობილ იქნას დამნაშავედ და დაეკისროს ზარალის ანაზღაურება 2 წლის განმავლობაში.  მაღაზიას ეთხოვოს, მირზას შვილს  გაუკეთოს საჩუქარი საშობაოდ ბელგიის სამეფოს მხრიდან და გაიგზავნოს მოცემულ მისამართზე სასამართლოს ხარჯებით.  ასევე ეთხოვოს ბელგიის სამეფოს ჯანმრთელობის სამინისტროს, მისი კომპეტენციის ფარგლებში, კანონის დაცვით დახმარება გაუწიოს პატარა პაციენტს (სახელს და გვარს არ ვწერ), მირზას შეუძლია დატოვოს ბელგიის სამეფო და ეტაპობრივად გადაიხადოს ზარალი. მირზა არ შეასახლეს ციხეში! გაოგნებული ვიჯექი კარგა ხანი და ვფიქრობდი როდის,ჩემო ქვეყანავ როდის ასეთი ან ცოტათი მიმსგავსებული სასამართლო ,ადვოკატი (მარკ სამპერმანსი)და ძალა კანონისა! დღეს ძალიან ემოციური დღე მაქვს,მთავარანგელოზობას გილოცავთ! ქალბატონ ანას „გურია ნიუსი“ ესაუბრა. _ნამდვილია ამბავია, აბა, როგორ გამოვიგონებდი? ესაა, სახელი შევცვალე.  მირზა ჰქვია. აქ მუშაობს. ცოლ-შვილი სააქართველოში ჰყავს.  ეს ადვოკატი სამეფო ხარისხისაა. უბრალოდ აქ არაფერი ხდება...დამნაშავე იყო მაგრამ, ყველაფერი გაითვალისწინეს.   აქ სამართალიც ადამიანური არსებობს _ გვითხრა ანა ... ...
  • 27 წელი ქუჩაში _ აფხაზეთიდან დევნილები ბინებს ითხოვენდევნილთა, შრომის, ჯანმრთელობისა და სოციალური დაცვის სამინისტროში აფხაზეთიდან დევნილი 40-მდე ოჯახი თითქმის 3 თვეა, რაც აქციას მართავს. აქციის მონაწილეთა განცხადებით, 59 ოჯახი აკმაყოფილებდა საცხოვრებელი ფართით დაკმაყოფილების კრიტერიუმებს, თუმცა, მათგან მხოლოდ 3 ოჯახის მოთხოვნა დაკმაყოფილდა. „27 წელიწადია ბინებს ველოდებით და გვატყუებენ ამდენივე ხანია.  აფხაზეთიდან დევნილები ასე უსახლკაროდ ვართ ქუჩაში. დაპირებები ბინების გადმოცემის შესახებ არაერთხელ მოგვცეს, მაგრამ არცერთხელ შესრულდა. ჯერ ვითომ ქულების გამო არ მოვხვდით სიაში, მიუხედავად იმისა, რომ იმ პირობებს ბევრი ჩვენგანი აკმაყოფილებდა, ისინი მაინც თავის გემოზე ანაწილებენ. მთელი ეს წლებია ქირით ვცხოვრობთ, რომელსაც ჩვენ თვითონ ვიხდით, ზოგი ჩვენგანი კი ახლობელთანაა შეკედლებული. სამინისტროში გვეუბნებიან, რომ ბინებს უნდა დაველოდოთ, მაგრამ როდის მოვა ჩვენი დრო ამას არ ამბობენ, თვითონაც არ იციან, მაგრამ არც დროებითი თავშესაფრის მოცემა არ უნდათ ჩვენთვის“,_ ამბობენ აქციის მონაწილეები. ისინი 66-ე დღეა, საკუთარი ნივთებით 24 საათის განმავლობაში სამინისტროს ფოიეში იმყოფებიან და ბინებით დაკმაყოფილებას ითხოვენ. როგორც სამინისტროში ამბობენ, აქციის მონაწილე პირთა ნაწილს კერძო საკუთრება აქვს, ნაწილი რეგიონშია დარეგისტრირებული, რამდენიმე ოჯახს კი აპლიკაცია არ ჰქონდა შევსებული. "საცხოვრებელი ფართები, მათზე მაღალი ქულის მქონე დევნილ ოჯახებზე განაწილდა. ამას გარდა, აქციის მონაწილე პირთა ნაწილს კერძო საკუთრება აღმოაჩნდა, ნაწილი რეგიონში არის დარეგისტრირებული, რამდენიმე ოჯახს კი აპლიკაცია არ ჰქონდა შევსებული და შესაბამისად, სამინისტრო მათ საცხოვრებელ ფართს ვერ გადასცემდა. გარდა ამისა, აქციის მონაწილე დევნილების ნაწილი არ არის რეგისტრირებული თბილისში 2013 წლის 1 ივნისამდე და კანონის შესაბამისად, ისინი დედაქალაქში ბინებს მომდევნო ეტაპზეც ვერ მიიღებენ, მათ შეუძლიათ განაცხადები რეგიონებში არსებულ ბინებზე შეავსონ ან ისარგებლონ „სოფლად სახლის“ პროექტით“,_ ამბობენ უწყებაში.       ... ...
  • შემოსავლების სამსახურის ხელმძღვანელად შს მინისტრის მოადგილე დაინიშნადღეს, ფინანსთა მინისტრმა ივანე მაჭავარიანმა ფინანსთა სამინისტროს შემოსავლების სამსახურის თანამშრომლებს ახალი ხელმძღვანელი - ლევან კაკავა წარუდგინა. მისი თქმით, უწყების ახალ ხელმძღვანელს აქვს სისტემაში მუშაობის გამოცდილება, საკმაოდ ძლიერი მენეჯერული თვისებები და არის მაღალი რანგის პროფესიონალი. „პრემიერთან გამართული კონსულტაციების შედეგად, მივიღეთ გადაწყვეტილება, რომ შემოსავლების სამსახურის ხელმძღვანელი ვახტანგ ლაშქარაძე დატოვებს პოსტს და აღნიშნულ თანამდებობას დაიკავებს შინაგან საქმეთა მინისტრის მოადგილე ლევან კაკავა. მას აქვს შემოსავლების სამსახურში მუშაობის გამოცდილება - ეკავა შემოსავლების სამსახურის უფროსის მოადგილის თანამდებობა. სხვადასხვა წლებში მუშაობდა ჩვენს მომიჯნავე ორგანიზაციებში, როგორც საგამოძიებო სამსახურში, ასევე ძალოვან უწყებებში და ჰქონდა შეხება ეკონომიკურ სფეროსთან და ფინანსებთან. ლევანი არის მაღალი რანგის პროფესიონალი და აქვს საკმაოდ ძლიერი მენეჯერული თვისებები“, - აღნიშნა ფინანსთა ... ...

არქივი

ზაფრანი

საჭმელი, რომელიც კიბოს აჩქარებს

გამოცემა Sciencealert - ის ცნობით,...

რა სასმელი უნდა დალიოთ რომ დიდხანს იცოცხლოთ?

ესპანეთში ჩატარებული გამოკვლევების შედეგად, რომელიც...

როგორ მოქმედებს ორგანიზმზე კომბოსტოს ფოთოლი

კომბოსტო ერთ-ერთი ყველაზე სასარგებლო პროდუქტია....

შეიძლება თუ არა ვარჯიში, როცა გაციებული ხართ

თუ რეგულარულად ვარჯიშობთ, ალბათ, თქვენთვის...

როგორ გამოვავლინოთ ნიჭიერი ბავშვი

არ დაგეგმოთ შვილებს მომავალი შეეცადეთ...

აუცილებელი წასაკითხი მამებისთვის

ახალშობილს უნდა ეძინოს დედის საწოლში...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...

დარწმუნებული ხართ თუ არა, რომ სასმელად ვარგის წყალს მოიხმართ?