"თუ ახალაია-მერაბიშვილს გაათავისუფლებენ, თავს სავარაუდოდ სააკაშვილს "წააძრობენ"

მთავარი თემა

"თუ ახალაია-მერაბიშვილს გაათავისუფლებენ, თავს სავარაუდოდ სააკაშვილს "წააძრობენ"

25 ოქტ. 2013, 20:51:43

თავად ახალაიას ადვოკატი მალხაზ ველიჯანაშვილი "გურია ნიუსთან" საუბრისას ამბობს, რომ სასამართლო პროცესი გონივრულ ვადაში დაინიშნა და პოლიტიკურ პროცესებთან ამის დაკავშირება ცოტა ძნელია.

"ბაჩო ახალაიას განჩენის დანიშვნას პოლიტიკურ პროცესებს ვერ დავუკავშირებ. საკმაოდ ლოგიკური დროა განაჩენის გამოცხადებისთვის, რადგან მხარეების საბოლოო, დასკვნითი სიტყვის წარმოთქმიდან განაჩენი ცხრა დღეში ცხადდება. თუმცა, ნამდვილად შეიძლება ყველა ნორმალურად მოაზროვნე ადამიანს გაუჩნდეს კითხვები, რატომ დაინიშნა მაინცდამაინც განაჩენის გამოცხადება არჩევნების მეორე დღეს?! ვის რა უდევს გულში, ნამდვილად ვერ გეტყვით, მაგრამ მეც გამიჩნდა ანალოგიური აზრი. შეიძლება თუ არა ვიღაცამ სასამართლოზე ამ კუთხით ზეწოლა მოახდინოს, ნამდვილად ვერ გეტყვით", _ აცხადებს ველიჯანაშვილი.

შეგახსენებთ, რომ საქმე 2006 წელს ორთაჭალის ციხეში მომხდარ ე.წ. ბუნტს ეხება, რომლის დროსაც რამდენიმე პატიმარი გარდაიცვალა, თუმცა მათი ზუსტი რიცხვი დღესაც არ არის ცნობილი. მაშინდელმა სახალხო დამცველმა სოზარ სუბარმა ინციდენტის გამო სასჯელაღსრულების დეპარტამენტის ხელმძღვანელი ბაჩო ახალაია დაადანაშაულა. მისი თქმით, სპეცდანიშნულების რაზმმა ცეცხლსასროლი იარაღი გამოიყენა მაშინ, როდესაც პატიმრები საკნებში იყვნენ და სპეცრაზმს წინააღმდეგობას აღარ უწევდნენ. სუბარის თქმით, 26 მარტს ღამით სასჯელაღსრულების დეპარტამენტის ხელმძღვანელი ბაჩო ახალაია საპყრობილეში რომ არ შესულიყო და ძალა არ გამოეყენებინა, ბუნტი არ მოხდებოდა.

თუმცა, ე.წ. ციხის ბუნტიდან 8 წლის შემდეგ ახალაიას დაცვის მხარე გამამართლებელი განაჩენის მოლოდინშია. ახალაიას ადვოკატი მალხაზ ველიჯანაშვილი "გურია ნიუსთან" საუბრისას აცხადებს, რომ დიდი ალბათობაა ახალაია ამ ეპიზოდში გამართლდეს, რადგან პროკურატურას მის წინააღმდეგ მტკიცებულებები არ აქვს.

"პროკურორმა დასკვნით სიტყვაში მხოლოდ რამდენიმე ადამიანის ჩვენება და ბრალი წაიკითხა, მაშინ როდესაც დასკვნითი სიტყვა დასაბუთებული და შეჯერებული უნდა ყოფილიყო. მტკიცებულებები არ არსებობს. მოწმეები, რომლებსაც რამდენიმე ჩვენება აქვთ მიცემული საქმესთან დაკავშირებით ითხოვენ ერთი ჩვენება ამოარჩიოს პროკურატურამ და იმ ჩვენების საფუძველზე დადგეს განაჩენი ახალაიას საწინააღმდეგოდ, თუმცა, როდესაც არსებობს საზოგადოების სხვადასხვა აზრი და მოწმეთა სხვადასხვა ჩვენება, განაჩენი ახალაიას სასარგებლოდ უნდა დადგეს. პროკურატურამ ამაზე ვერაფერი ისაუბრა. ჩვენ კი დავამტკიცეთ, რომ დასკვნით სიტყვაში და მოწმეთა ჩვენებებში ურთიერთწინააღმდეგობაა, რაც გამამართლებელ განაჩენს საფუძვლად უნდა დაედოს", _ აცხადებს ველიჯანაშვილი.

საზოგადოებრივი კომუნიკაციების მართვის სპეციალისტ არჩილ გამზარდიას თქმით, ახალაის საქმეზე განაჩენის გამოცხადება არჩევნებზე გარკვეულ გავლენას მოახდენდა, თუმცა ამიტომ დაინიშნა თუ არა სასამართლო პროცესი არჩევნების მეორე დღეს, ვერ აკონკრეტებს.

"მიუხედავად იმისა, რა შინაარსი აქვს სამართლაწარმოებას, არსებობს საზოგადოებრივი აზრი, რომელიც ახალაიას წინააღმდეგ მუშაობს. ამიტომაც თუ მისი გამართლება უფრო ადრე მოხდებოდა, ბუნებრივია, ის პირდაპირ აირეკლებოდა მმართველ პარტიასთან მიმართებაში წამგებიანად, „ნაციონალებისთვის“ მომგებიანად და კიდევ უფრო მომგებიანად ბურჯანაძესთან მიმართებაში, რომელიც უფრო ეფექტურად გამოიყენებდა ამ პროცესს. ამიტომ, ერთი მხრივ, მივესალმები იმ ფაქტორს, რომ სამართლებრივი საკითხის პოლიტიზირებისთვის სივრცე რომ არ მიეცათ და საზოგადოების პოზიციის ფორმირება არ მოხდა", _ ამბობს გამზარდია "გურია ნიუსთან" საუბრისას.

იქნება თუ არა ახალაიას გამართლება საზოგადოების მოტყუებას და რა ბედი ელის დაანონსებულ სამართლიანობის აღდგენას, გამზარდია გვპასუხობს, რომ "სამართლიანობის აღდგენის პროცესი ადვილად არ დამთავრდება და "განტევების ვაცის" პოვნა აუცილებელია".

"დანაშაულის არარსებობას მტკიცებულებების არარსებობა არ გამორიცხავს. შესაძლოა, ადამიანი დამნაშავე იყოს, მაგრამ ამის დამტკიცება ვერ ხერხდებოდეს. ამიტომ მტკიცებულებების არსებობა-არარსებობა საქართველოში უკანასკნელ წლებში ადამიანების დამნაშავეობაზე ნაკლებად მიუთითებდა. ჩვენ წლების განმავლობაში ვხედავდით ე.წ. დამნაშავეებს, რომლებიც მართლები აღმოჩნდნენ და პირიქით. რაც შეხება სამართლიანობის დაცვას, საკითხი აქაც უცნაურადაა მოწყობილი, ჩვენ ვერ ვიგებთ ვინ არის დასჯილი იმ ყველაფრის გამო, რაზეც ინფორმაცია ვრცელდებოდა. ამასთან, არის კიდევ ერთი ვარიანტი, ხომ არ ხდება ყველას დარაზმვა სააკაშვილის წინააღმდეგ? ანუ თუკი ყველას გაუშვებენ და მიხეილ სააკაშვილის დაიჭერენ მასზე გადატყდება მთავარი ჯოხი. ამ შემთხვევაში სამართლიანობას საზოგადოება აღდგენილად ჩათვლის და ამით დაკმაყოფილდება",_ ამბობს გამზარდია.

მისივე თქმით, "წინააღმდეგ შემთხვევაში მნიშვნელოვანი და საგანგაშო ჯერჯერობით არაფერი მოხდება".

"ხელისუფლებას ასე ადვილად ვერ გადაირჩევენ, რადგან ყველა პარტია ერთმანეთზეა გადაკვანძული და პრემიერის ზეგავლენის ქვეშაა მოქცეული, პრემიერთან გარკვეულ გარიგებებში არიან. ამის ნიშნებია ის, რომ „ნაციონალებიც“ და ნინო ბურჯანაძეც ბოლო ერთ წელიწადში საკმაოდ მომძლავრდნენ, ეს გვიბიძგებს იმისკენ, რომ ვთქვათ, რომ მათი სტაბილურობით ვიღაც არის დაინტერესებული. ამ შემთხვევაში საზოგადოება კიდევ ერთხელ მოტყუებული დარჩება. შემდგომ არჩევნებზე რა მოხდება, ძალებს ვინ სად გადაანაწილებს, ეს უკვე სხვა საქმეა. აქ საქმე გვაქვს არა პოლიტიკურ პარტიებთან, არამედ, მიხეილ სააკაშვილთან და ბიძინა ივანიშვილთან. აქედან ერთ-ერთი უნდა დარჩეს, ან ივანიშვილი, ან სააკაშვილი. სავარაუდოდ კი ეს ბიძინა ივანიშვილი დარჩება. არის კიდევ ერთი მომენტი, რომ სააკაშვილმა დაიცვას საკუთარი უსაფრთხოება და ტაიმ-აუტი აიღოს. მაგრამ ფაქტია, რომ აუცილებელია „განტევების ვაცის“ პოვნა, ვიღაცას თავი უნდა წააძრონ, სხვაგვარად არ გამოვა. თუკი ყველა მართალია და ყველაფერი კარგად იყო, მაშინ რატომ მოხდა ის, რაც მოხდა? თუ ახალაიას და მერაბიშვილს გაუშვებენ ვიღაც ხომ უნდა აღმოჩნდებ მათ რანგში? ხომ უნდა ჩამოკიდოს საზოგადოებამ ვინმე სახრჩობელაზე? ეს ვიღაც კი შესაძლოა, სააკაშვილი იყოს, რადგან პროცესები აქეთკენ მიდის. ამაში ვგულისხმობ სააკაშვილის პასუხისგებაში მიცემასაც და მის დისკრედიტირებას. ამ მიმართულებით რომ მუშაობა მიდის, ეს ფაქტია",_ აცხადებს გამზარდია.

ბაჩო ახალაიას მიმართ გამამართლებელი განაჩენის გამოტანისთვის საზოგადოება გარკვეულწილად მთავარმა პროკურორმა არჩილ კბილაშვილმაც შეამზადა, როდესაც ცოტა ხნის წინ განაცხადა, რომ "როგორი მძიმე გადაწყვეტილებაც არ უნდა მიიღოს სასამართლომ ბაჩო ახალაიასთან დაკავშირებით, პროკურატურა მას მიიღებს".

"ზოგჯერ პროკურატურის ან სასამართლოს გადაწყვეტილება საზოგადოებისთვის არ არის მისაღები, მაგრამ ჩვენ ამ ემოციებზე მაღლა უნდა დავდგეთ. თუ მივიღეთ გადაწყვეტილება, რომ სასამართლო არ იყოს პროკურატურის დიქტატის ქვეშ, მზად უნდა ვიყოთ იმისთვისაც, რომ სასამართლო არასასიამოვნო გადაწყვეტილებებს მიიიღებს და ამან არ უნდა დაგვაყენოს იმ ცდუნების წინაშე, რომ დავბრუნდეთ ძველ ნაჭუჭში" ,_ განაცხადა კბილაშვილმა.

უფლებადამცველი გელა ნიკოლაიშვილი, რომელიც "ციხის ბუნტის" საქმეში ერთ-ერთ პატიმარს იცავდა,"გურია ნიუსთან" საუბრისას ამბობს, რომ ის მტკიცებულებები, რომელიც ამ საქმეში არსებობს სავსებით საკმარისია, რომ ბაჩო ახალაიას წინააღმდეგ გამამტყუნებელი განაჩენი დადგეს.

"მით უმეტეს, თუ გავითვალისწინებთ იმ პრაქტიკას, რომელიც „ნაციონალურმა მოძრაობამ“ დაადგინა, როდესაც საერთოდ არაპირდაპირი ჩვენებებით დგებოდა გამამტყუნებელი განაჩენები. ერთი და ორი კაცის ჩვენება საკმარისი იყო გამამტყუნებელი განაჩენის დასადგენად. აქ კი საკმაოდ ბევრი მოწმეა, რომელიც ახალაიას წინააღმდეგ აძლევს ჩვენებას. აქედან გამომდინარე სრული საფუძველი მაქვს ვიფიქრო, რომ მის მიმართ გამამტყუნებელი განაჩენი დადგება",_ ამბობს ნიკოლაიშვილი.

მისივე თქმით, არჩევნების მეორე დღეს სასამართლო პროცესის დანიშვნა პოლიტიკური გადაწყვეტილებაა.

"ახალაიასთვის გამამართლებელი განაჩენის გამოცხადება არჩევნებზე გავლენას იმ მიმართულებით მოახდენდა, რომ მარგველაშვილს ხმებს მოაკლებდა, მაგრამ ბაქრაძაც არ მოუმატებდა. ხმები საპროტესტო ელექტორატის ყულაბაში წავიდოდა, ანუ იმ კანდიდატის სასარგებლოდ, რომელიც ყველაზე მეტს ლაპარაკობს და ყველაზე მეტად არის მოტივირებული და მონდომებული, რომ სამართლიანობა აღდგეს და დამნაშავეები დაისაჯონ. ასეთი კი რამდენიმე კანდიდატია, მათ შორის ყველაზე რეიტინგული კი ნინი ბურჯანაძე და კობა დავითაშვილია. ხმები სწორედ მათ სასარგებლოდ გადანაწილდებოდა. იყო თუ არა პოლიტიკური გადაწყვეტილება სასამართლოს მხრიდან განაჩენის გამოცხადება არჩევნების მეორე დღეს, ამის თქმის საფუძველი ნამდვილად არსებობს, თუმცა მტკიცება ძნელია. ამასთან, ახალაიასთან დაკავშირებულ კიდევ ერთ საქმეზე საზოგადოება განაჩენს 12 აგვისტოს შემდეგ ელოდება. ეჭვების საფუძველს ეს ნამდვილად იძლევა. როგორც ჩანს, აქ პოლიტიკის გარეშე არაფერი ხდება. თუმცა, ერთი მიკვირს, როგორ ხდება რომ სასამართლო ისეთ ტექნიკური ხასიათის გადაწყვეტილებას იღებს, რომელიც „ქართულ ოცნებას“ აწყობს. შეიძლება უკვე ვივარაუდოთ, რომ კუბლაშვილის სასამართლო ნელ-ნელა „ქართული ოცნების“ რელსებზე გადადის. მეორე მხრივაც, არავის პოლიტიკური ინტერესები არ უნდა გაითვალისწინოს სასამართლომ და არ უნდა შეასრულოს, სულ ერთია ის „ნაციონალების“ ჯიბეში იქნება, თუ „ქართული ოცნების“ საქმისთვის ორივე საზიანოა", _ აცხადებს ნიკოლაიშვილი.

მისივე თქმით, თუ მაინც დადგება სასამართლოს მიერ ახალაიას მიმართ გამამართლებელი გადაწყვეტილება, ეს "პროკურატურის უნიათობის გამოხატულება იქნება".

"ვერ წარმომიდგენია, რომ გამამართლებელი განაჩენის შემთხვევაში პროკურატურამ ეს გადაწყვეილება სააპელაციო წესით არ გაასაჩივროს. თუმცა მგონია, რომ გამამართლებელი განაჩენი არ დადგება. ამავე დროს ისიც საეჭვოდ დაემთხვა, რომ დღეს ახალაიას ახალი ბრალი გამოცხადდა გირგვლიანის საქმესთან დაკავშირებით, ზეგ კი აღკვეთ ღონისძიებას შეუფარდებენ. ამიტომ, არა მგონია ახალაიამ ციხიდან თავი დაიძვრინოს თუ „ციხის ბუნტის“ საქმეზე გამამართლებელი განაჩენი დადგება. გირგვლიანის საქმეზე წაყენებული ბრალი იმდენად უდავოა, რომ არ ვიცი რატომ იზოგავს პროკურატურა ამ საქმეებს მაშინ, როდესაც უამრავი მოწმე არსებობს, რომლებიც ამბობენ, რომ ახალაიამ უფლებამოსილებას გადაამეტა და გირგვლიანის მკვლელები არასაპატიმრო გარემოში ჰყავდა. ისინი ძველ სამსახურებში და სახლშიც კი დადიოდნენ, ერთ-ერთი მათგანის მეუღლემ კი მსჯავრდებულის პატიმრობის პერიოდში ბავშვიც გააჩინა მაშინ, როდესაც გრძელვადიანი პაემნები კანონით აკრძალული იყო", _ ამბობს ნიკოლაიშილი.

 




 ახალი ამბები
  • ოზურგეთის მერიის ზედამხედველობის სამსახურის უფროსად თემურ ჭანუყვაძე დაინიშნაჯერ კიდევ გასულ წელს, ოზურგეთის საკრებულოს 30 ნოემბრის  სხდომაზე  გადაწყდა, რომ ოზურგეთის მუნიციპალიტეტის მერიაში ცალკე გამოიყოფოდა ზედამხედველობის სამსახური. მას შემდეგ  გამოცხადებული  იყო  ვაკანსია და კონკურსიც ჩატარდა. კონკურსის  ჩატარების  შემდეგ, გარკვეული დროის მანძილზე, აღნიშნული  სამსახურის უფროსის  დანიშვნა  დროში გაიწელა.  როგორც მერიაში ამბობენ, შეფერხების მიზეზი პანდემიის გამო დაწესებული შეზღუდვები  გახდა. 2020 წლის  1 ივლისიდან ოზურგეთის მუნიციპალიტეტის  ზედამხედვლობის სამსახურის უფროსად დაინიშნა თემურ ჭანუყვაძე.    მანამდე  ის მერის პირველი მოადგილის, ალექსანდრე სურგულაძის მრჩეველი იყო და ჩვეულებრივი წესით მიიღო გამოცხადებულ კონკურსში მონაწილეობა. _სადაც  ვმუშაობდი, 80-იანი წლებიდან,  ყოველთვის კონკურსში ვღებულობდი მონაწილეობას. აღნიშნულ თანამდებობაზეც კონკურსის წესით მოვხვდი. ვეცდები, მაქსიმალურად კარგად ვიმუშაო.   ძალიან ბევრი და რთული სამუშაო აქვს ამ სამსახურს, _ თქვა თემურ ჭანუყვაძემ „გურია ნიუსთან“ . თემურ ჭანუყვაძემ უმაღლესი განათლება თავის დროზე უკრაინაში მიიღო.   1984 წელს  წარჩინებით  დაამთავრა    ხარკოვის  ინსტიტუტი.  პროფესიით მშენებელი ინჟინერია.  ( საავტომობილო გზების ინჟინერი).   მას აქვს მდიდარი შრომითი ბიოგრაფია. წლების  მანძილზე მუშაობდა სასაქონლო ექსპერტიზის ექსპერტად, შემდეგ უფროს ექსპერტად. ბოლოს  კი იყო რეგიონის სასაქონლო ექსპერტიზის ბიუროს ... ...
  • კორუფციის რისკები საგანგებო მდგომარეობის პერიოდში განხორციელებულ სახელმწიფო შესყიდვებში„საერთაშორისო გამჭვირვალობა - საქართველომ“ საგანგებო მდგომარეობის პერიოდში (2020 წლის 21 მარტიდან 22 მაისამდე) განხორციელებული სახელმწიფო შესყიდვები შეისწავლა. როგორც ორგანიზაციაში ამბობენ, კვლევის მიზანი იყო დაედგინა, „კორონავირუსით” გამოწვეულ ფორსმაჟორულ სიტუაციაში რამდენად მოიმატა კორუფციის რისკებმა და რა მიმართულებებზე დაიხარჯა მნიშვნელოვანი თანხები. “საგანგებო მდგომარეობის პერიოდში სულ 557 მლნ ლარის ჯამური ღირებულების 1,495 ელექტრონული ტენდერი გამოცხადდა. შემდგარი ტენდერების ნახევარზე მეტში მხოლოდ ერთი მიმწოდებელი მონაწილეობდა. 2019 წლის ანალოგიურ პერიოდთან შედარებით, გამოცხადებული ტენდერების რაოდენობა თითქმის განახევრდა, თუმცა შემცირდა კონკურენციაც. ყველაზე მეტი - 460 მლნ ლარის ჯამური ღირებულების 266 ელექტრონული ტენდერი სამშენებლო სამუშაოების შესყიდვაზე გამოცხადდა. საგანგებო მდგომარეობის პერიოდში გამარტივებული შესყიდვის გზით 127.2 მლნ ლარის ჯამური ღირებულების 11,316 კონტრაქტი გაფორმდა. აქედან 57 მლნ ლარი გადაუდებელი აუცილებლობის საფუძვლით, ხოლო 29.2 მლნ ლარი სახელმწიფოებრივი და საზოგადოებრივი მნიშვნელობის ღონისძიების შეზღუდულ ვადებში შეუფერხებლად ჩატარების საფუძვლით დაიხარჯა. შესყიდვის დაჩქარებისთვის აღნიშნული საფუძვლების გამოყენებას კანონი უშვებს, მაგრამ პრობლემას მათი ხშირად გამოყენება წარმოადგენს. სხვადასხვა წლებში „ქართული ოცნების“ და სალომე ზურაბიშვილის შემომწირველებთან დაკავშირებულმა კომპანიებმა საგანგებო მდგომარეობის დროს პირდაპირი შესყიდვის გზით ჯამში 45 მლნ ლარზე მეტი ღირებულების კონტრაქტები მიიღეს, რაც აღნიშნულ პერიოდში პირდაპირი შესყიდვებით დახარჯული თანხის 35%-ია. მათ შორის: შპს „ალფამ“ 2 808 400 აშშ დოლარის კონტრაქტი მიიღო. ამ კომპანიას „ქართულ ოცნებისთვის“ 120 000 ლარი აქვს შეწირული შპს „მზიურმა“ 1 424 400 აშშ დოლარის კონტრაქტი მიიღო. მის დირექტორს შოთა ბასილაშვილს და სამეთვალყურეო საბჭოს წევრ დიმიტრი რამიშვილს „ქართული ოცნებისთვის“ 160 000 ლარი აქვთ შეწირული. პაატა კოკაიას კუთვნილმა 4-მა სასტუმრომ (შპს „ბაკურიანი ინნ“, შპს „რენესანს კონსტრაქშენი“, შპს „სასტუმრო გუდაური ინნ“, შპს „სასტუმრო ივერია ინ“) ჯამში 3.8 მლნ ლარის კონტრაქტები მიიღო. მან „ქართული ოცნების“ მხარდაჭერილ კანდიდატს სალომე ზურაბიშვილს 55 000 ლარი შესწირა. შპს „ეი-ბი ემ“-მა 3.1 მლნ ლარის 5 კონტრაქტი მიიღო. კომპანიის დირექტორს ალექსანდრე ხეთერელს „ქართულ ოცნებისთვის“ 60000 ლარი აქვს შეწირული. შპს „Weekend“-მა 1 329 680 აშშ დოლარის კონტრაქტი მიიღო. კომპანიის მფლობელმა ბონდო გოლეთიანმა სალომე ზურაბიშვილს 25 000 ლარი შესწირა. შპს „კახური ტრადიციული მეღვინეობამ“ 252 183 ლარის კონტარქტები მიიღო. კომპანიას და მის მფლობელს ზურაბ ჩხაიძეს „ქართული ოცნებისთვის“ და სალომე ზურაბიშვილისთვის 300 000 ლარი აქვთ შეწირული კვლევაში განხილული 21 კონკრეტული შესყიდვა სახელისუფლებო პარტიის შემომწირველებსა და მოგებულ კონტრაქტებს შორის კავშირზე მიუთითებს. მათ შორის არის 2 ისეთი შესყიდვა, როდესაც კომპანიებს კონტრაქტი თანხის შეწირვიდან რამდენიმე დღეში გაუფორმეს. ეს კომპანიებია შპს „ყვარლის ედემი“ და შპს „კ და ქართული სპირტი“. გამარტივებული შესყიდვის გზით ყველაზე მეტი თანხა დაიხარჯა: ჯანდაცვასთან დაკავშირებულ საქონელსა და მომსახურებაზე- 24.4 მლნ ლარი; სასტუმროების მომსახურების შეძენაზე - 23.6 მლნ ლარი; ტრანსპორტის შეკეთებაზე დ სათადარიგო ნაწილებზე - 17.9 მლნ ლარი. მთავრობის ადმინისტრაცია, სახელმწიფო უსაფრთხოების სამსახური, შინაგან საქმეთა სამინისტრო (შსს) და შსს-ს დაქვემდებარებული ზოგიერთი უწყება გამარტივებული შესყიდვების კონტრაქტებს არ აქვეყნებენ. აქედან გამომდინარე, სავარაუდოდ, პირდაპირი შესყიდვით მეტი თანხა იხარჯება, მაგრამ მათ შესახებ ინფორმაცია გამჭვირვალე არ არის, რაც ართულებს ანალიზს და კორუფციული რისკების კონტროლს”,_ ნათქვამია „საერთაშორისო გამჭვირვალობა-საქართველოს“ მიერ გავრცელებულ ინფორმაციაში. ორგანიზაცია კვლევიდან გამომდინარე შემდეგ რეკომენდაციებს გასცემს: “სახელმწიფო აუდიტის სამსახურის მხრიდან კიდევ უფრო მეტი ყურადღება უნდა მიექცეს ტენდერებში და გამარტივებულ შესყიდვებში გამარჯვებული კომპანიების მფლობელებისგან სახელისუფლებლო პარტიისადმი მაღალი რისკის მქონე შემოწირულობების იდენტიფიცირების საკითხს; სახელმწიფო შესყიდვების სააგენტომ მეტი ყურადღება უნდა მიაქციოს გამარტივებული შესყიდვის კონტრაქტების გამოქვეყნების საკითხს. სახელმწიფო საიდუმლოებასთან დაკავშირებული შესყიდვების გარდა, „დაფარული კონტრაქტები“ არ უნდა არსებობდეს; სახელმწიფო შესყიდვების სააგენტოსგან გამარტივებულ შესყიდვებზე თანხმობის გაცემა მეტად უნდა გამკაცრდეს; გამარტივებული შესყიდვის გამოყენებისას, შემსყიდველი ვალდებული უნდა იყოს, დაასაბუთოს და გაასაჯაროოს, თუ რის საფუძველზე შეარჩია მიმწოდებელი; საეჭვო გარემოებების შემცველი სახელმწიფო შესყიდვებით სახელმწიფო უსაფრთხოების სამსახურის ანტიკორუფციული დეპარტამენტი უნდა ... ...
  • ზაფხული 2020: ჟორიკა და ბაღნებიეს ფოტოები ქალაქ ოზურგეთში, ზვანის უბანში არის გადაღებული.  სოციალურ ქსელში გავრცელებულ ფოტოებს ასეთი დასათაურება მიცეს: ზაფხული 2020, ოზურგეთი, ზვანი -.ჟორიკა და ბაღნები. ჟორიკა ანუ გიორგი სირაძე ოზურგეთის მუნიციპალიტეტის მცხოვრები ბავშვებისთვის  პოპულარულია. ის ბავშვების საუკეთესო ... ...
  • თიბისის დისტანციურ და ფიზიკურ არხებში სამომხმარებლო სესხის აღება კიდევ უფრო გამარტივდა (R)აქ, ახლა თიბისის სამომხმარებლო სესხის აღება კიდევ უფრო გამარტივდა. მომხმარებელს საშუალება აქვს არჩევანი თავად გააკეთოს და სესხი თიბისის შემდეგი არხების დახმარებით  აიღოს.   დისტანციური არხები: ·      Tbccredit.ge ·       24 საათიანი სატელეფონო ქოლ ცენტრი: 032 2 27 27 27 ·       ინტერნეტ და მობაილბანკი - მათ, ვისაც სესხის ლიმიტი სრულად არ აქვთ ათვისებული და დამატებითი თანხის მიღება სურთ, მოთხოვნას მარტივი განაცხადის შევსებით დააფიქსირებენ.   ასევე, სესხის აღება შესაძლებელია თიბისის ნებისმიერ ფილიალში. სურვილის შემთხვევაში, მომხმარებელს საშუალება აქვს  6 თვიანი საშეღავათო პერიოდით ისარგებლოს. აღნიშნული პირობა არ ვრცელდება მხოლოდ Tbccredit.ge-დან აღებული სესხის შემთხვევაში. სამომხმარებლო სესხის მაქსიმალური ლიმიტი 60 000 ლარია; Tbcrcedt.ge-ზე მინიმალური თანხა -  100, სხვა არხებში კი - 500 ლარია.  სესხის დაფარვის მაქსიმალური ვადა 48 თვეა, თუმცა მისი დაფარვა, მომხმარებლის სურვილიდან გამომდინარე, აღნიშნული პერიოდის გასვლამდე ნებისმიერ დროსაა შესაძლებელი. სამომხმარებლო სესხის შესახებ დეტალური ინფორმაციის მიღება  შესაძლებელია აქ:  https://bit.ly/38yz3w4 ... ...
  • პენიტენციური სისტემის თანამშრომლებს COVID 19-ზე ტესტირება სისტემატურად უტარდებათახალი კორონავირუსის შესაძლო გავრცელების პრევენციის მიზნით, 1-დან 5 ივლისის ჩათვლით აღმოსავლეთ საქართველოში სპეციალური პენიტენციური სამსახურის 700 - ზე მეტ თანამშრომელს, დასავლეთ საქართველოში (N3, N2, და N14 პენიტენციური დაწესებულებების) 400, ესკორტირებისა და სპეციალურ ღონისძიებათა მთავარი სამმართველოს 300 და გარე დაცვის სამსახურის 200-მდე თანამშრომელს კოვიდ 19-ზე ტესტირება ჩაუტარდა. ყველა ტესტის პასუხი უარყოფითია. კოვიდ19-ის შესაძლო გავრცელების პრევენციის მიზნით, 30 მაისიდან, ანუ იმ პერიოდიდან, როდესაც ყაზარმულ რეჟიმზე მყოფი თანამშრომლების პირველმა ნაკადმა დატოვა პენიტენციური დაწესებულებები, 2-კვირიანი ინტერვალით სისტემატურად ტარდება სპეციალური პენიტენციური სამსახურის თანამშრომლების ტესტირება. კერძოდ, პენიტენციური დაწესებულებების თანამშრომლები ყაზარმულ რეჟიმში განთავსებამდე გადიან ტესტირებას. ორ კვირაში ერთხელ უტარდება ტესტირება ვირუსზე პენიტენციური სისტემის ყველა იმ თანამშრომელს, რომლის სამუშაო ადგილი არის პენიტენციური დაწესებულება, თუმცა პატიმრებთან უშუალო შეხება არ აქვს (პენიტენციური დაწესებულების ადმინისტრაცია, საზოგადოებრივი მისაღები, სასადილო და ა.შ.). ასევე ორ კვირაში ერთხელ გადიან ტესტირებას ესკორტირებისა და სპეციალურ ღონისძიებათა მთავარი სამმართველოს და გარე დაცვის სამსახურის თანამშრომლები, ხოლო პენიტენციური სისტემის მედპერსონალი ვირუსზე ტესტებს კვირაში ერთხელ აბარებს.  7 ივლისს COVID 19-ზე ტესტირება ჩაუტარდებათ N15 და N19 პენიტენციური დაწესებულების თანამშრომლებს.  ვირუსის შესაძლო გავრცელების პრევენციის მიზნით გატარებული ღონისძიებების შედეგად, საქართველოს პენიტენციურ დაწესებულებებში დღეის მდგომარეობით ვირუსის არც ერთი არც საეჭვო და არც დადასტურებული შემთხვევა არ დაფიქსირებულა, არც პატიმრებში და არც თანამშრომლებში. ... ...

არქივი

ტესტები

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...