რას ნიშნავს ჩინოვნიკთა ენით, "ბიუჯეტის მოწესრიგება"


მთავარი თემა

რას ნიშნავს ჩინოვნიკთა ენით, "ბიუჯეტის მოწესრიგება"

11 ნოე. 2013, 07:58:41

როგორც გავარკვიეთ, ჩოხატაურისა და ლანჩხუთის მუნიციპალიტეტების გამგეობებს პროექტები ჯერ დასრულებული არ აქვთ:

_ 15 ნოემბრამდე გვაქვს დრო. პროექტზე მუშაობა მიმდინარეობს. ჯერჯერობით, კონკრეტული დეტალების თქმა არ შემიძლია, _ აღნიშნა 8 ნოემბერს ჩვენთან საუბრისას ჩოხატაურის მუნიციპალიტეტის გამგეობის საფინანსო სამსახურის უფროსმა ზურაბ ჩანტლაძემ.

ჩანტლაძის თქმით, ამ ეტაპზე არც ბიუჯეტის პრიორიტეტებია ცნობილი.

იგივე სიტუაციაა ლანჩხუთშიც _ ლანჩხუთის გამგებლის ზაზა ურუშაძის თქმით, ბიუჯეტის პროექტი მზად სამშაბათს იქნება. რაც შეეხება პრიორიტეტებს, ურუშაძის განმარტებით, უპირატესობა სოციალურ სფეროს მიენიჭება:

_ ძირითადი პრიორიტეტი სოციალური სფერო იქნება. მე ვფიქრობ, იმ ადამიანებს, რომლებსაც ბევრი პრობლემა აქვთ, აუცილებლად სჭირდებათ დახმარება.

_ ბატონო ზაზა, პრიორიტეტების შედგენისას მოსახლეობის აზრს თუ ითვალისწინებთ?

_ რა თქმა უნდა. როცა მოსახლეობას ვხვდებოდით, სოფლებში დავდიოდით, პირველ რიგში, მათ აზრს ვიგებდით. ამიტომაც შემიძლია დარწმუნებით ვთქვა, რომ ვიცი, რა არის მოსახლეობის პრიორიტეტი. სპეციალური ოქმებიც კი გვაქვს შედგენილი. ამიტომაც ვფიქრობ, რომ პრიორიტეტი სოციალური სფერო უნდა იყოს, _ განმარტავს ლანჩხუთის მუნიციპალიტეტის გამგებელი.

"ნაციონალური მოძრაობის" ლანჩხუთის ორგანიზაციაში ამბობენ, რომ 2014 წლის ბიუჯეტი არასწორადაა დაგეგმილი:

_ მიუხედავად იმისა, რომ ბიუჯეტის პროექტის საბოლოო ვარიანტს ჯერ არ ვიცნობთ, ვიცით, რომ არასწორადაა დაგეგმილი. საფინანსო განყოფილება უკვე არ მალავს, რომ 2014 წელი საკმაოდ რთული იქნება და პირველად 9 წლის განმავლობაში, ხელფასები გაცემის პრობლემებზე ალაპარაკდნენ, _ ამბობს ჩვენთან საუბრისას "ნაციონალური მოძრაობის" ლანჩხუთის ორგანიზაციის ხელმძღვანელი კახა ასკურავა.

ლანჩხუთის საფინანსო სამსახურის უფროსი როლანდ ლაშხია კი ამბობს, რომ წინასწარ განწირული ბიუჯეტის დაგეგმვა არ ხდება:

_ ვინ ამბობს, რომ პრობლემები შეიქმნება? ჯერ წელი არ დაწყებულა და რა დროს პრობლემაზეა საუბარი? ჯერ ყველაფერი პროექტის სახითაა.

_ ბატონო როლანდ, "ნაციონალური მოძრაობის" წარმომადგენლები ამბობენ, რომ მომავალ წელს ხელფასების გაცემაზე პრობლემები შეიქმნება...

_ პირიქით. პრეზიდენტის ბრძანებულების შესაბამისად, ხელფასები ჩვენ არ გვქონდა მოწესრიგებული. 2014 წლის ბიუჯეტში ეს ყველაფერი გათვალისწინებულია დღეს არსებული საშტატო რიცხოვნობით. შემდეგ რა მოხდება, ეს არ ვიცით.

_ ხელფასების გაზრდას გულისხმობთ?

_ დიახ, მოწესრიგდება. არ არის ეს გაზრდა. უბრალოდ, არ გვქონდა ნორმატივის მიყვანამდე. არავითარი ზრდა. ზრდა სხვა რამეს ნიშნავს. მთელ საქართველოში, 4 მუნიციპალიტეტი იყო, მათ შორის ჩვენ და ჩოხატაური, სადაც ასე არ იყო. ახლა კი ქვეყანაში არსებულ ნორმატივამდე აგვყავს ბიუჯეტის დონე, ანუ ვაწესრიგებთ. ამას მოწესრიგება ჰქვია და არა ხელფასების ზრდა.

_ მოწესრიგებულად რამდენი იქნება, მაგალითად, თქვენი ხელფასი მომავალ წელს?

_ ათასი ლარი (ამ ეტაპზე ლაშხიას ხელფასი 700 ლარია. ავტ). 900-დან 1000 ლარამდე, გააჩნია. თუმცა, 1000 ლარია ჭერი და დღევანდელი სოციალური პირობებიდან, ინფლაციიდან გამომდინარე, რჩება ჭერი წარმოდგენილი, _ განმარტავს ლაშხია.

ჩოხატაურისა და ლანჩხუთისგან განსხვავებით, ბიუჯეტის პროექტის და პრიორიტეტები მზად აქვთ ოზურგეთში.

მომავალი წლის მთავარი საფინანსო დოკუმენტის პრიორიტეტები ოზურგეთში ასე გამოიყურება: განათლება, ინფრასტრუქტურა და სოციალური საკითხები.

საქართველოს დემოკრატიული განვითარების კავშირის იურისტი, ირაკლი პაპავა ამბობს, რომ გამგეობა ვალდებულია, ბიუჯეტის პრიორიტეტების განსაზღვრისას მოსახლეობის აზრი გაითვალისწინოს:

_ ბიუჯეტის პრიორიტეტებს მისი პროექტის მომზადებისას ადგენს თვითმმართველი ერთეულის აღმასრულებელი ორგანო. ბიუჯეტის პრიორიტეტების განსაზღვრისას, როგორც წესი, აუცილებლად უნდა იქნას გათვალისწინებული შესაბამისი თვითმმართველი ერთეულის პრიორიტეტების დოკუმენტში დაფიქსირებული პრიორიტეტული მიმართულებები. ადგილობრივი თვითმმართველი ერთეულის პრიორიტეტების დოკუმენტი - ეს არის ადმინისტრაციული ერთეულების განვითარების ძირითადი გეგმა, რომელიც ასახავს ინფორმაციას საშუალოვადიანი სამოქმედო გეგმების შესახებ. პრიორიტეტების დოკუმენტს ადგენს ადგილობრივი თვითმმართველობის აღმასრულებელი ორგანო შესაბამისი სახელმწიფო რწმუნებულის-გუბერნატორის ადმინისტრაციასთან კონსულტაციით. დოკუმენტი წარედგინება საკრებულოს, ბიუჯეტის პროექტთან ერთად. პრიორიტეტების დოკუმენტის დამტკიცება საკრებულოს მიერ არ ხდება. ჩვეულებრივ, გამგეობა ვალდებულია, რომ ბიუჯეტის პრიორიტეტების განსაზღვრისას მოსახლეობის აზრი გაითვალისწინოს, მუნიციპალიტეტის ტერიტორიული ორგანოების ხელმძღვანელების (რწმუნებულების) მიერ მოკვლეული და წარმოდგენილი ინფორმაციის საფუძველზე. თუმცა 2012 წლის საპარლამენტო არჩევნებამდე ბიუჯეტის პრიორიტეტების განსაზღვრის საქმეში გადამწყვეტი როლი გუბერნატორებს ენიჭებოდათ, ხოლო საპარლამენტო არჩევნების შემდეგ კი, პრიორიტეტების შერჩევას უშუალოდ გამგეობები უზრუნველყოფენ ერთპიროვნულად, ისე, რომ ამ პროცესში მოსახლეობის ჩართვა ნაკლებად ხდება. საზოგადოების წარმომადგენელთა ჩართულობის შანსი მეტნაკლებად ბიუჯეტის პროექტის საკრებულოს მიერ განხილვისა და დამტკიცების ეტაპზე არსებობს. თუმცა ისიც უნდა აღინიშნოს, რომ ამ ეტაპზე უკვე ბიუჯეტის პრიორიტეტები გამოკვეთილია და, მათი შეცვლის კუთხით, საზოგადოების მხრიდან ზემოქმედების მოხდენის შანსები, სამწუხაროდ, მეტისმეტად დაბალია, _ აღნიშნავს პაპავა.

რაც შეეხება ცენტრალურ ბიუჯეტს, 2014 წელს ბიუჯეტის პრიორიტეტები ჯანდაცვა, განათლება, სოფლის მეურნეობა და ინფრასტრუქტურის განვითარებაა. ბიუჯეტის პროექტის თანახმად, 2014 წელს სამინისტროები შემდეგი ოდენობის დაფინანსებას მიიღებენ:

შრომის, ჯანმრთელობისა და სოციალური დაცვის სამინისტრო _ 2.7 მლრდ ლარი; თავდაცვის სამინისტრო _ 660 მლნ ლარი; შინაგან საქმეთა სამინისტრო _ 570 მლნ; რეგიონული განვითარებისა და ინფრასტრუქტურის სამინისტრო _ 890.9 მლნ ლარი; განათლებისა და მეცნიერების სამინისტრო _ 764.3 მლნ ლარი; სოფლის მეურნეობის სამინისტრო _ 290 მლნ ლარი; ფინანსთა სამინისტრო _ 100 მლნ ლარი; ეკონომიკისა და მდგრადი განვითარების სამინისტრო _ 25 მლნ ლარი; ენერგეტიკის სამინისტრო _ 103.6 მლნ ლარი; იუსტიციის სამინისტრო _ 50 მლნ ლარი; სასჯელაღსრულების და პრობაციის სამინისტრო - 155 მლნ ლარი; საგარეო საქმეთა სამინისტრო _ 80 მლნ ლარი; კულტურის და ძეგლთა დაცვის სამინისტრო _ 80 მლნ ლარი; სპორტისა და ახალგაზრდობის საქმეთა სამინისტრო _ 50 მლნ ლარი; გარემოსა და ბუნებრივი რესურსების დაცვის სამინისტრო _ 27.8 მლნ ლარი; ოკუპირებული ტერიტორიებიდან იძულებით გადაადგილებულ პირთა, განსახლებისა და ლტოლვილთა სამინისტრო _ 48 მლნ ლარი; რეინტეგრაციის საკითხებში სახელმწიფო მინისტრის აპარატი _ 1.3 მლნ ლარი; ევროპულ და ევროატლანტიკურ სტრუქტურებში ინტეგრაციის საკითხებში სახელმწიფო მინისტრის აპარატი _ 2.3 მლნ ლარი; დიასპორის საკითხებში სახელმწიფო მინისტრის აპარატი _ 850 ათასი ლარი.

ბიუჯეტის პროექტით, პარლამენტის და მასთან არსებული ორგანიზაციების დაფინანსება 59.5 მლნ ლარი იქნება. პრეზიდენტის ადმინისტრაციისთვის _ 9 მლნ ლარი; მთავრობის კანცელარიისთვის _ 10 მლნ ლარი.

ბიუჯეტის პროექტის თანახმად, პრეზიდენტის სარეზერვო ფონდი მომავალ წელს 5 მლნ ლარი იქნება, ხოლო მთავრობის _ 50 მლნ ლარი.

რეგიონებში გასახორციელებელი პროექტების ფონდისთვის 250 მლნ. ლარია გათვალისწინებული. სოფლის მხარდაჭერის პროგრამისთვის კი ისევ 50 მლნ ლარი.




 ახალი ამბები
  • თალაკვაძე: საქართველომ ისტორიული სამართლებრივი გამარჯვება მოიპოვასაქართველომ ისტორიული სამართლებრივი გამარჯვება მოიპოვა- ასე აფასებს სტრასბურგის სასამართლოს მიერ მიღებულ გადაწყვეტილებას საქართველოს პარლამენტის თავმჯდომარე, არჩილ თალაკვაძე. „სტრასბურგის ადამიანის უფლებათა ევროპული სასამართლოს გადაწყვეტილებით დასრულდა მრავალწლიანი სახელმწიფოთაშორისი დავა „საქართველო რუსეთის წინააღმდეგ“ საქმეზე, რომლითაც უტყუარად დადასტურდა, რომ 2008 წელს საქართველო და მისი მოსახლეობა იყო რუსული აგრესიის მსხვერპლი. 2008 წლის რუსული ოკუპაციის შედეგად, ჩვენმა თანამოქალაქეებმა დაკარგეს საცხოვრისი (სადაც დღეს რუსული სამხედრო ინფრასტრუქტურაა განლაგებული), მამაპაპისეული კერა და იქ გატარებული ცხოვრების ისტორია, თუმცა მათ არ დაუკარგავთ მომავლის იმედი და რწმენა სამართლიანობის მიმართ.  უსამართლობის და ძალმომრეობის მაგალითად ჯერ კიდევ რჩება რუსული საოკუპაციო ძალების მიერ უკანონოდ აღმართული მავთულხლართები. სტრასბურგის სასამართლოს გადაწყვეტილებამ, თითოეულ ჩვენგანში კიდევ უფრო განამტკიცა სამართლიანობის აღდგენის რწმენა. ეს არის 2008 წლის რუსეთ-საქართველოს ომის პირველი სამართლებრივი შეფასება საერთაშორისო სასამართლობის მიერ და წარმოადგენს მნიშვნელოვან ნაბიჯს სამართლიანობის აღდგენის გზაზე. სასამართლოში საქართველო ამტკიცებდა, რომ რუსეთ-საქართველოს ომის დროს რუსეთმა უხეშად დაარღვია ევროპული კონვენციის არაერთი მუხლი, მათ შორის: სიცოცხლის უფლება; წამების, არაადამიანური ან ღირსების შემლახველი მოპყრობის ან დასჯის აკრძალვა; თავისუფლებისა და უსაფრთხოების უფლება; პირადი და ოჯახური ცხოვრების დაცულობის უფლება; საკუთრების უფლება; მიმოსვლის თავისუფლება და სხვა. საქართველოს იუსტიციის სამინისტროს ხელმძღვანელობით, ხელისუფლებამ სტრასბურგის ადამიანის უფლებათა ევროპულ სასამართლოს მყარ სამართლებრივ ანალიზთან ერთად წარუდგინა ამომწურავი მტკიცებულებები. მადლობას ვუხდი იუსტიციის უკვე ყოფილ მინისტრს, თეა წულუკიანს და მის მოადგილეებს, შინაგან საქმეთა სამინისტროს, თავდაცვის სამინისტროს, საგარეო საქმეთა სამინისტროს, სახელმწიფო უსაფრთხოების სამსახურს და თითოეულ საჯარო მოხელეს, ვინც წარმატებით შეძლო დაეცვა საქართველოს და ჩვენი მოქალაქეების ინტერესები! საქართველო აგრძელებს სამართლებრივ და მშვიდობიან გზას ოკუპაციის დასრულების და ტერიტორიული მთლიანობის აღდგენისკენ!“_ აცხადებს ... ...
  • სამტრედიის სკოლები განათლების სამინისტროს დისტანციური სწავლების მოთხოვნით მიმართავენსამტრედიის მუნიციპალიტეტის სკოლებში საკლასო ოთახებში სწავლა ორშაბათიდან, 18 იანვრიდან დაიწყო. როგორც ,,გურია ნიუსთან" საუბრისას სამტრედიის მუნიციპალიტეტის საგანმანათლებლო რესურსცენტრის უფროსის მოვალეობის შემსრულებელი, ელენე ბოხუა ადასტურებს, სკოლებში მოსწავლეთა გამოცხადების დაბალი მაჩვენებელია. ამის მიუხედავად, საკლასო ოთახებში სასწავლო პროცესი მაინც მიმდინარეობს.  საგანმანათლებლო რესურსცენტრის ინფორმაციით, სამტრედიის მე-6, მე-7, მე-11 და მე-12 სკოლების ხელმძღვანელობამ განათლების სამინისტროს  მოთხოვნა გაუგზავნა, სასწავლო პროცესის დისტანციურ რეჟიმზე გადაყვანის თაობაზე. აღნიშნული სკოლები სამინისტროდან პასუხს ელოდებიან. ანალოგიური წერილების მომზადებას სამტრედიის სხვა სკოლებიც ... ...
  • „ჩვენ გავიმარჯვეთ! გილოცავ, საქართველო!" - თეა წულუკიანი "ჩვენ გავიმარჯვეთ, გილოცავ, საქართველო, გილოცავთ ყველას დიდ გამარჯვებას, საქართველომ რუსეთს დავა მოუგო" – ამის შესახებ საქართველოს პარლამენტის განათლების კომიტეტის თავმჯდომარე თეა წულუკიანი სოციალურ ქსელში წერს. „ჩვენ გავიმარჯვეთ! გილოცავ, საქართველო! გილოცავთ ყველას დიდ გამარჯვებას! საქართველომ რუსეთს დავა მოუგო! სტრასბურგის სასამართლოს დიდმა პალატამ ჩვენთვის ეს უმნიშვნელოვანესი გადაწყვეტილება რამდენიმე წუთის წინ ზეპირ სხდომაზე გამოაცხადა! ასეთი დოკუმენტი საქართველოს აქამდე არასოდეს ჰქონია, რადგან ის სამართლებრივი დოკუმენტია და სამართლებრივად უპირისპირდება საქართველოს განუყოფელი ნაწილების „დამოუკიდებელ სახელმწიფოებად" ყოველგვარ აღიარებასა და თვითაღიარებას. ეს ის სამართლებრივი დოკუმენტია, რომელიც საქართველოს სამართლებრივი და პოლიტიკური პოზიციების რეალური გაძლიერების საშუალებას მისცემს ჩვენი ქვეყნის ტერიტორიული მთლიანობის მშვიდობიანი გზით აღდგენის გზაზე", – წერს ფეისბუქზე ... ...
  • აგვისტოს ომის საქმეზე სტრასბურგის სასამართლომ გადაწყვეტილება გამოაცხადა2008 წლის ომის საქმეზე სტრასბურგის სასამართლომ გადაწყვეტილება გამოაცხადა. ადამიანის უფლებათა ევროპულმა სასამართლო დაეთანხმა საქართველოს  მოთხოვნას, რომ რუსეთმა 2008 წლის აგვისტოს ომის დროს ადამიანის უფლებათა ევროპული კონვენციის არაერთი მუხლი დაარღვია. სასამართლოს დიდი პალატის მიერ ამ დარღვევების აღიარებით დასტურდება, რომ 2008 წლის აგვისტოს ომის დროს რუსეთმა განახორციელა ქართველების ეთნიკური წმენდა. სტრასბურგის სასამართლომ გაიზიარა საქართველოს პოზიცია და აღიარა რუსეთის პასუხისმგებლობა ქართველი სამხედრო ტყვეებისა და სამოქალაქო პირების მიმართ ჩადენილი წამების, არაადამიანური და ღირსების შემლახველი მოპყრობისთვის.  სტრასბურგის სასამართლომ გაიზიარა საქართველოს პოზიცია და აღიარა რუსეთის პასუხისმგებლობა სამოქალაქო პირების თავისუფლებისა და უსაფრთხოების უფლების დარღვევისათვის. სასამართლომ გაიზიარა საქართველოს პოზიცია და დაადგინა რუსეთის პასუხისმგებლობა ომის დროს საქართველოს მოქალაქეთა მკვლელობების გამოუძიებლობისათვის და სხვა არაერთი ... ...
  • პროკურატურამ დავით გარეჯის საქმეზე გადაღებული ფარული აუდიო და ვიდეო მასალა გაასაჯაროვასაქართველოს გენერალურმა პროკურატურამ უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე ბრალდებულების - ი.მ.-ს და ნ.ი.-ს მიმართ გამოძიება დაასრულა და საქმე განსახილველად თბილისის საქალაქო სასამართლოში წარიმართება. სისხლის სამართლის საქმეზე მიმდინარე გამოძიების ფარგლებში ასეულობით საგამოძიებო და საპროცესო მოქმედება ჩატარდა. მოწმის სახით გამოიკითხა 100-მდე პირი. სხვადასხვა სახელმწიფო უწყებებიდან ამოღებული იქნა გამოძიებისთვის მნიშვნელოვანი დოკუმენტაცია, მათ შორის კარტოგრაფიული მასალები. აქვე, კიდევ ერთხელ აღვნიშნავთ, რომ 1937-1938 წლების 1:200 000-იანი მასშტაბის ტოპოგრაფიული რუკის დედანი, ჩატარებული საგამოძიებო მოქმედების შედეგად, აღმოჩენილი იქნა ბრალდებულ ნ.ი.-ს სამუშაო კაბინეტში. აღსანიშნავია, რომ დასახელებული რუკა წარმოადგენს სახელმწიფო საკუთრებას და ნაცვლად ნ.ი.-ს სამუშაო კაბინეტისა, საქართველოს კანონმდებლობის შესაბამისად დაცული უნდა ყოფილიყო იუსტიციის სამინისტროს საჯარო რეესტრის ეროვნული სააგენტოს არქივში. საქმეზე ჩატარებული კომპლექსური გამოძიების შედეგად დადგენილია, რომ ბრალდებულები სახელმწიფო საზღვრის დელიმიტაცია-დემარკაციის პროცესში მოქმედებდნენ ზემდგომი თანამდებობის პირების დავალებით. საზღვრის ხაზზე შეთანხმებისას, ნაცვლად 1938 წლის კარტოგრაფიული მასალისა, მიზანმიმართულად იყენებდნენ 1970-80-იან წლებში გამოცემული 1:100 000-იანი და 1 : 50 000 მასშტაბის რუკებზე არსებული საზღვრის ხაზს, რომლებიც სახელმწიფოთაშორის ორმხრივად დამტკიცებული არასდროს ყოფილა და არსებით წინააღმდეგობაში მოდიოდა ჩვენს ისტორიულ საზღვრებთან. გამოძიების ფარგლებში, მოსამართლის განჩინების საფუძველზე ჩატარებულ იქნა ფარული საგამოძიებო მოქმედებები, მათ შორის საგარეო საქმეთა სამინისტროში განხორციელდა ბრალდებულ ი.მ.-ს სამუშაო კაბინეტის აღჭურვა ფარული ვიდეო და აუდიო ჩამწერი მოწყობილობით. აღნიშნულის შედეგად გამოძიებამ მტკიცებულების სახით მოიპოვა ი.მ.-სა და საქართველოს სახელმწიფო საზღვრის დელიმიტაცია-დემარკაციის კომისიის ყოფილი თავმჯდომარის მ.მ-ს შორის გამართული საუბარი, რომელიც რამოდენიმე მონაკვეთზე, მათ შორის დავით-გარეჯის მიმდებარედ, საქართველოს ინტერესების საზიანოდ საზღვრის შეთანხმების საკითხს შეეხება. მაღალი საჯარო ინტერესის გათვალისწინებით, ვინაიდან საგამოძიებო უწყების მიერ მოცემული ეტაპისთვის უკვე განხორციელდა ფარული ვიდეო/აუდიო მასალის განსაიდუმლოება, გვსურს საზოგადოებას მივაწოდოთ ინფორმაცია აღნიშნული მტკიცებულების თაობაზე. როგორც უკვე აღვნიშნეთ, ფარული ვიდეო ჩანაწერი მოპოვებულია სასამართლოს ნებართვის საფუძველზე, ი.მ.-ს სამუშაო კაბინეტში - 2020 წლის 28 სექტემბერს, ამ უკანასკნელის დაკავებამდე. ბრალდებულ ი.მ.-სა და მ.მ-ს საუბარი შეეხება საქართველოს საზღვრის რამოდენიმე შეთანხმებულ მონაკვეთს, კერძოდ მე-17 არხის, დავით გარეჯის და ჯანდარის ტბის მიმდებარედ არსებულ მონაკვეთებს. ფარულ ჩანაწერში ბრალდებული ი.მ. ადასტურებს, რომ 2006 წლის აგვისტოს შეთანხმებისას, დავით გარეჯის მიმდებარედ, ქართულმა მხარემ უარყო საქართველოს თავდაპირველი პოზიცია, რაც საზღვრის უდაბნოს მთის ძირში გატარებას გულისხმობდა, რის შედეგადაც თითქმის ყველა ისტორიული ძეგლი ექცეოდა საქართველოს ტერიტორიის ფარგლებში. მან, მიღებული დავალების შესაბამისად, თავდაპირველი შეთავაზების საწინააღმდეგოდ, დავით გარეჯის მიმდებარედ საზღვრის მონაკვეთი შეათანხმა უდაბნოს მთის თხემზე. ბრალდებული საუბარში ასევე აცხადებს, რომ იგი წინააღმდეგი იყო დავით გარეჯის მიმდებარედ საზღვრის მოცემული მდგომარეობით შეთანხმებაზე, მას არ მიაჩნდა სწორედ აღნიშნული, თუმცა მიუხედავად ამისა, ი.მ. ხელს აწერს შეთანხმების ოქმს, რის შედეგადაც დასახელებული მონაკვეთი ჩვენი ინტერესების საზიანოდ შეთანხმდა. რაც შეეხება მე-17 სარწყავი არხის მონაკვეთს, ი.მ. აღიარებს, რომ დასახელებული მონაკვეთიც დავით გარეჯის მიმდებარედ არსებული მონაკვეთის მსგავსად, ჩვენი ინტერესების საზიანოდ შეთანხმდა. გარდა აღნიშნულისა, ფარულ ჩანაწერში საუბარია შეთანხმებულ მე-4, ჯანდარის ტბის მიმდებარედ არსებულ მონაკვეთზე, რომელიც ასევე ქართული მხარის თავდაპირველი პოზიციის საწინააღმდეგოდ შეთანხმდა და ამას ბრალდებული ტექნიკურ შესწორებად მოიხსენიებს, თუმცა საზოგადოებას შეუძლია თავად იხილოს, თუ რაოდენ დიდი განსხვავებაა საქართველოს თავდაპირველ პოზიციასა და საბოლოოდ შეთანხმებულ მონაკვეთს შორის. ბრალდებულის საუბრით ასევე დასტურდება, რომ მათი როგორც ექსპერტების გადაწყვეტილებები საზღვრის ცალკეულ მონაკვეთებზე არ შეესაბამებოდა ჩვენი ქვეყნის ინტერესებს. კერძოდ, ი.მ. საუბრობს, რომ ქართველი ექსპერტები, მუშაობის პროცესში მეტწილად, ყოველგვარი დასაბუთების გარეშე იზიარებდნენ აზერბაიჯანის პოზიციას. ქართული მხარისგან განსხვავებით, აზერბაიჯანულ მხარეს საქართველოსთვის ტერიტორია არ დაუთმია. საზოგადოებას შევახსენებთ, რომ ი.მ.-სა და ნ.ი.-ს დანაშაულებრივი ქმედების შედეგად, 13 მონაკვეთზე დაკარგვის საფრთხე შეექმნა საქართველოს ისტორიულად კუთვნილ ტერიტორიებს - დაახლოებით 3500 ჰექტარს. საქართველოს პროკურატურა ასაჯაროებს დასახელებულ ვიდეო/აუდიო მასალას, ამასთან მას ერთვის გრაფიკულად დამუშავებული კარტოგრაფიული მასალა, სადაც ნაჩვენებია საზღვრის რამოდენიმე მონაკვეთზე, მათ შორის დავით-გარეჯის მიმდებარედ, საზღვრის ხაზის ის მონაკვეთები, რომელზედაც ბრალდებულებმა განზრახ, მიღებული დავალების შესაბამისად, შეათანხმეს საქართველოს ინტერესების საზიანოდ. საქართველოს გენერალური პროკურატურა აგრძელებს გამოძიებას სისხლის სამართლის საქმეზე, უცხო ქვეყნისთვის საქართველოს ტერიტორიის ნაწილის გადაცემისკენ მიმართული მოქმედების განხორციელების ფაქტზე, საქართველოს სისხლის სამართლის კოდექსის 308-ე მუხლის პირველი ნაწილით გათვალისწინებული დანაშაულის ნიშნებით, რომელიც შეეხება საქართველო-აზერბაიჯანის  სახელმწიფო საზღვრის დელიმიტაციის პროცესში მონაწილე სხვა თანამდებობის პირთა ქმედებების კანონიერებას. მაღალი საჯარო ინტერესის გათვალისწინებით, საქართველოს პროკურატურა პერიოდულად მოახდენს საზოგადოების ინფორმირებას გამოძიების შედეგების ... ...

არქივი

ტესტები

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ ყველაზე, ყველაზე...

იცი თუ არა გეოგრაფია

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ რა იცი მსოფლიოს ღირშესანიშნაობების შესახებ?

რომელმა ქვეყანამ აჩუქა აშშ-ს თავისუფლების...

კარმიდამო ჩემი

ძიმითში ტყუპი ხბო დაიბადა

ოზურგეთის მუნიციპალიტეტის სოფელ ძიმითში ტყუპი...

"მიკვირს _ ეს მე შევქმენი?!" _ თორმეტწლიანი შრომით შექმნილი ჯადოსნური სამყარო

ჩვენი სტუმარი ქალბატონი, ყვავილების მესაიდუმლე...

პრიორიტეტულ კულტურებს შორის თამბაქოც დაიკავებს ადგილს

დასავლეთ საქართველოს სუბტროპიკულ ზონაში, დღეისთვის...

"მკვდარი სეზონის" სამუშაოები _ რა გავაკეთოთ ზამთრის დასაწყისში

შემოდგომის მიწურულის და დეკემბრის დასაწყისის...

რატომ დაიწყო ფეიჰოამ ხმობა?

ფეიჰოა ცნობილია, როგორც ყინვაგამძლე და...

როგორ გამოვიყვანოთ ნიგვზის საუკეთესო ზეთი _ ურწყული

საახალწლოდ, განსაკუთრებით პოპულარულია და რიტუალის...

მოვამზადოთ მსხვრევადი, კრატუნა და გემრიელი გოზინაყი

ახალი წელი გოზინაყის გარეშე წარმოუდგენელია....

"შერეული მეურნეობა მცირემიწიანთათვის საუკეთესო გამოსავალია"

შოთა მახარაძე ოზურგეთის მუნიციპალიტეტის, სოფელ...

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....