მოკლულის მამა პოლიციას მკვლელის მფარველობაში ადანაშაულებს

მთავარი თემა

მოკლულის მამა პოლიციას მკვლელის მფარველობაში ადანაშაულებს

11 ნოე. 2013, 08:03:41
_ აცხადებს 5 აგვისტოს ოზურგეთის მუნიციპალიტეტში ღამის 11 საათზე საკუთარ სახლთან ჩაცხრილული გოჩა გუჯაბიძის მამა ვარდენ გუჯაბიძე.

ის "გურია ნიუსს" ექსკლუზიურად აწვდის გოჩას სავარაუდო მკვლელის შესახებ ინფორმაციას და მისი შვილის მკვლელობის საქმის გამოძიებაში დახმარებას ითხოვს.

 

"გურია ნიუსი" გოჩა გუჯაბიძის მკვლელობის შესახებ არა ერთხელ წერდა. მისი საზარელი მკვლელობიდან უკვე სამი თვე გავიდა და საქმე კვლავ გაუხსნელია. თუმცა, მკვლელობის ვერსიებზე საზოგადოება დაფარულად საუბრობს, დღეს კი მოკლულის მამა ვარდენ გუჯაბიძე "გურია ნიუსთან" ღიად ალაპარაკდა.

_ მინდა საზოგადოებას ვუთხრა, მინდა მთელმა საქართველომ გაიგოს, რომ ვისი დახმარების იმედიც მქონდა, იმათგან არაფერი არ გამოვიდა _ პოლიციას ვგულისხმობ. აქამდე მაჩუმებდნენ, სამი თვე გავიდა და ვხედავ, რომ არაფერი არ ჩანს _ ჩემი შვილის მკვლელები კვლავ ქუჩაში დათარეშობენ. მხოლოდ შს გურიის სამხარეო სამმართველოს უფროსი გოჩა ფერსაშვილი იბრძვის, თუმცა, მას ხელს უშლის ოზურგეთის რაიონული სამმართველოს უფროსი ირაკლი შავიშვილი _ მე ვხედავ ამას.

_ რა გაძლევთ ამ განცხადების თქმის საფუძველს?

_ რაიონული პოლიციის უფროსი ირაკლი შავიშვილი, ჩემი შვილის უკანონოდ დაპატიმრების ჯგუფს ხელმძღვანელობდა 2011 წლის 19 მაისს, მაშინ, როცა მას ნარკოტიკი ჩაუდეს და ისე დააპატიმრეს. იქედან მოყოლებული ჰქონდა გოჩასთან პიროვნული დაპირისპირება. გოჩა 14 თებერვალს გათავისუფლდა ამნისტიით. ბანკში იყო მისული გოჩა და ჩემი დისშვილი. ამ დროს იქ შემთხვევით ყოფილა ირაკლი შავიშვილი. როგორც კი მან გოჩა დაინახა, დარეკა ტელეფონზე. სამ-ოთხ წუთში მოვიდა პატრული და გოჩა წაუყვანიათ პოლიციაში, უფროსი გიბარებსო და შეუყვანიათ შავიშვილთან. იგი შეეკითხა, როდის განთავისუფლდი და რას ფიქრობო. გოჩა უკითხავს, რას უნდა ვფიქრობდეო. რას და საქართველოს როდის დატოვებო. გაკვირვებულა გოჩა _ რატომ უნდა დავტოვო საქართველო, ტყუილად რომ დამიჭირეთ, დაავადმყოფებული ვარ, უნდა ვიმკურნალო, არსად არ ვაპირებ წასვლას, სახლში მოხუცები მყავს საპატრონოო. პოლიციის უფროსს უთქვამს, შენი საქმე შენ იცი, მაგრამ მე გაგაფრთხილე, რომ პრობლემები არ შეგექმნასო. გოჩამ ეს ამბავი სახლში მოყვა, მოუყვა ჩემს დისშვილსაც, რაღაცას მომიწყობენ უეჭველადო და მითხრა, მამა, შენ საოპერაციო ხარო, დავაჩქაროთ ოპერაცია და მერე წავალ, მეშინია, მართლა რამე არ მომიწყონო.

_ ანუ თქვენ ფიქრობთ, რომ თქვენი შვილის მკვლელობაში პოლიცია ურევია და საქმის გახსნა მათ მიერ ხელოვნურად ჭიანურდება?

_ კი, პოლიცია მფარველობს ჩემი შვილის მკვლელს. ნამდვილად ასეა.

_ რატომ? ანუ თქვენ იმასაც აცხადებთ, რომ პოლიციამ იცის, ვინ არის თქვენი შვილის მკვლელი და ხელს აფარებს?

_ მე პოლიციაში მივეცი ჩვენება და დასაბუთებულად ავხსენი, ვის და რატომ შეეძლო მოეკლა ჩემი შვილი. არსებობენ მოწმეები, ერთ-ერთი მათ შორის მეც, თუ რას ჰყვებოდა სახლში ჩემი შვილი. არ მიჯერებენ. ეს არის ჩემი, გამწარებული მამის საფუძვლიანი ეჭვი: გოჩამ სიკვდილამდე რამდენიმე დღით ადრე მითხრა, ა. ა. (აქ ბატონი ვარდენი, იმ ადამიანის სახელს და გვარს ასახელებს, რომელმაც, მისი მტკიცებით გოჩა გუჯაბიძე მოკლა, თუმცა, უდანაშაულობის პრეზუმპციის გათვალისწინებით, ჩვენ მის ვინაობას არ ვასახელებთ და ინიციალებიც შეცვლილია. რედ.) ხუთი დღეა, ჩამოსულია და სახლიდან არ გამოდისო. ასევე, ურევია მკვლელობის საქმეში ერთ-ერთი ჩემი სოფლელი, რომელიც მეგზურად ჰყავდათ. გავიგე, ზუსტად სად იყო მანქანით გაჩერებული ხვარბეთის გზაზე ხიდთან. ახლა საქართველოში არ არის ჩემი შვილის მკვლელი, თუმცა, მაინც ვიპოვი და გავუსწორდები, _ აცხადებს ვარდენ გუჯაბიძე და სავარაუდო მკვლელობის მოკლე ისტორიის შესახებ ჰყვება:

_ ა. ა. ადრე ქურდული სამყაროს მიმდევარი იყო. საპარლამენტო არჩევნებზე აქტიურად ჩაერთო "ნაცმოძრაობის" სასარგებლო მუშაობაში. როგორც ჩანს, წინა ხელისუფლებასაც "დავერბოვკებული" ჰყავდა და ამუშავებდა, ასე ვთქვათ "ნასედკა" იყო. მე შემიძლია, მოგიყვანოთ ფაქტები, ა. ა. როგორ დადიოდა საპარლამენტო არჩევნებზე პატიმრების ოჯახებში და როგორ თხოვდა "ნაციონალური მოძრაობისთვის" ხმების შეგროვებას. სამაგიეროდ, პატიმრების სახლში გამოშვებას ჰპირდებოდა და ეუბნებოდა მათი ოჯახების წვერებს, რომ პოლიციასთან შეთანხმებული იყო და თვითონ იყო ამ საქმის "ატვეჩაი". ასევე მუშაობდა ტაქსისტებთან _ ჰყავდა დაქირავებული სპეციალური ტაქსი, რომელსაც ამ ოჯახებში აგზავნიდა და აფრთხილებდა, რომ "5"-იანი შემოეხაზათ, თუ უნდოდათ, რომ მათი შვილები სახლში ციხიდან უვნებელი დაბრუნებულიყვნენ. რამდენიმე კაცი სახლში კი მიუვარდა იმის გამო, რომ ვერ შეასრულა მისი პირობა. ასე ატყუებდა ოჯახებს არჩევნების დროს.

ჩემი შვილი რომ გამოვიდა ციხიდან, დაუბარებია ა. ა. და კატეგორიულად დაუსვამს საკითხი, სადაც მე ვიქნები, იქ არ გამეკარო, პოლიციის "ნასედკა" ხარო. გაურჩევიათ საქმე, გაამტყუნეს ა. ა. და გააფრთხილეს, არაფერში არ ჩაერევი და ჩუმად იყავიო. ამის შემდეგ იბარებდა გოჩა თურმე ა.ა.-ს, მაგრამ შეხვედრა არ შედგა. თუმცა, მალე ისე მოკლეს გოჩა, ვერაფრის თქმა ვერ მოასწრო, ერთი კი მითხრა _ მამა, რასაც გეუბნებოდიო... პოლიცია ამბობს, დამამტკიცებელი ფაქტები არ გვაქვსო. ადგება ახლა ა. ა. და თვითონ იტყვის ამას? გოჩას ერთგული მეგობრების საშუალებით აუცილებლად დავადგენ სიმართლეს და ჩემი შვილის მკვლელებს თვითონ მე გავუსწორდები.

ყველას გააგებინეთ, რომ ვიცი, ვინ არის ჩემი შვილის მკვლელი და პოლიცია დუმს. დამეხმარეთ სიმართლის დადგენაში. მე, მოხუც მამას მხოლოდ იმიტომ მინდა სიცოცხლე, რომ ჩემს შვილთან პირნათელი წავიდე საფლავში.

შსს ოზურგეთის რაიონული სამმართველოს უფროსი ირაკლი შავიშვილი "გურია ნიუსთან" ამ თემასთან დაკავშირებით კომენტარს არ აკეთებს.

_ ბატონო ირაკლი, გოჩა გუჯაბიძის მამა აღნიშნავს, რომ პოლიციამ იცის, ვინ არის მისი შვილის მკვლელი და ხელოვნურად აჭიანურებს ამ საქმის გახსნას.

_ ეს არ არის სიმართლე და კომენტარს ვერ გავაკეთებ მაგ საქმესთან დაკავშირებით!

_ ბატონო ირაკლი, გქონდათ თუ არა გოჩა გუჯაბიძესთან პიროვნული დაპირისპირება?

_ არანაირი და კომენტარს არ ვაკეთებ, _ გვითხრა შავიშვილმა.

ვარდენ გუჯაბიძის მიერ დასახელებული პიროვნება ა. ა., როგორც მისი ახლობლები ამბობენ, ამჟამად საქართველოში არ იმყოფება. ამიტომ ჩვენ მის მეუღლეს დავუკავშირდით, რომელიც კატეგორიულ უარს აცხადებს კომენტარზე: _ არაფერი არ მაქვს ჩემს მეუღლეზე სათქმელი, მით უმეტეს, არანაირ შეკითხვაზე პასუხს არ გაგცემთ, არ გეწყინოთ, ვინ რას ამბობს, არ მაინტერესებს, დარწმუნებული ვარ რომ იგი მართალია, ეს ჭორები მეც მესმის. დავამთავრე თქვენთან საუბარი, ჩემი მეუღლე აქეთ არაა. ღმერთმა განსაჯოს მისი სიმართლე.

შსს გურიის სამხარეო სამმართველოს უფროსი გოჩა ფერსაშვილი აცხადებს, რომ ამ საქმესთან დაკავშირებით არანაირი სიახლე არ არის და საქმე კვლავ ძიებაშია:

_ რომ ყოფილიყო სიახლე, გაიგებდით, _ გვითხრა ფერსაშვილმა.




 ახალი ამბები
  • ორი გარდაცვლილი და ერთი დაშავებული - ძლიერი ავარია ხობშიორი ადამიანი გარდაიცვალა და ერთი მძიმედ დაშავდა ხობის მუნიციპალიტეტში, სოფელ ჭალადიდში მომხდარი ავტოსაგზაო შემთხვევის შედეგად. თვითმხილველების ინფორმაციით, მერსედესის მარკის ავტომობილის მძღოლმა,სავარაუდოდ,საჭე ვერ დაიმორჩილა, გზის სავალი ნაწილიდან გადავიდა და ხეს შეეჯახა. რაც შეეხება დაშავებულს,იგი ამ დროისთვის ფოთის საავადმყოფოში გადაიყვანეს. შსს-მ გამოძიება სსკ-ის 276-ე მუხლით ... ...
  • ნიკა გვარამია კრიმინალურ პოლიციაში დაიბარეს"მთავარი არხის" დირექტორი, ნიკა გვარამია კრიმინალურ პოლიციაში დაიბარეს. მისი ადვოკატი, დიმიტრი საძაგლიშვილი რადიო თავისუფლებას ეუბნება, რომ ის 19 წლის ფეხბურთელის, გიორგი შაქარაშვილის გარდაცვალების საქმეზე დაიბარეს. საძაგლიშვილი ასევე აცხადებს, რომ გვარამია 17 საათზე დაიბარეს, თუმცა ის უწყებაში არ მივა. ადვოკატი განმარტავს, რომ გვარამია მზად არის მოსამართლის თანდასწრებით გამოკითხვას დათანხმდეს. 19 წლის ფეხბურთელის, გიორგი შაქარაშვილის გარდაცვალების საქმეზე, გამოძიება უკვე 4 მუხლით მიმდინარეობს: თავისუფლების უკანონოდ აღკვეთის, ძალადობის, ჯგუფური ძალადობის ორგანიზების და ჯგუფურად განხორციელებული განზრახ მკვლელობის მუხლებით. საქმეზე 17 პირს აღკვეთის ღონისძიების სახით პატიმრობა აქვს შეფარდებული. ისინი ბრალს არ აღიარებენ. წყარო: რადიო ... ...
  • ავარია ქვაბღასთან _ როგორია დაშავებულების მდგომარეობაბახმაროსკენ მიმავალ გზაზე, ქვაბღასთან, ავტომობილი, რომლითაც 6 ადამიანი, მათ შორის 8 თვის ბავშვი მგზავრობდა, ხიდიდან გადავარდა. დაშავებულები ჩოხატაურის სამედიცინო ცენტრებში გადაანაწილეს, რომელთაგან 1-მა კლინიკა ამ დროისთვის უკვე დატოვა, 1 დაშავებული კი ქუთაისში გადაიყვანეს. ჩოხატაურის მუნიციპალიტეტის მერის წარმომადგენლის თანაშემწის ნაბეღლავის ადმინისტრაციულ ერთეულში, ნოდარ ირემაძის ინფორმაციით, დაშავებულები ჩოხატაურელები არიან. „ავტოკატასტროფა მოხდა ღამით. მოხდა სწრაფი რეაგირება. შემთხვევის ადგილას იმყოფებოდა სამაშველო სამსახური. სასწრაფომ დაშავებულები გადაიყვანა საავადმყოფოებში. ცალკე წაიღეს ავტომობილი.   ავტოსაგზაო შემთხვევის შედეგად ჩოხატაურელები დაშავდნენ“,_ ამბობს ირემაძე. ჩვენს კითხვაზე, ხშირია თუ არა ავტოსაგზაო შემთხვევები გზის ამ მონაკვეთზე, ნოდარ ირემაძე გვპასუხობს, რომ გზა აღნიშნულ მონაკვეთზე კარგია და არც ავარიები ხდება ხშირად. „წელს ეს პირველი ავტოსაგზაო შემთხვევაა ამ ტერიტორიაზე. გზა ძალიან კარგია. მთავარია, მძღოლი იყოს ყურადღებით. რას უკავშირდება მომხდარი ავტოსაგზაო შემთხვევა, არ ვიცი“,_ გვპასუხობს ირემაძე. 6 დაშავებულიდან 2 _ მამაკაცი და ქალი "ჯანმრთელობის სახლ გურიაში“ გადაიყვანეს. კლინიკის მთავარი ექიმი თემურ კოროშინაძე: „ჩვენთან შემოიყვანეს 2 დაშავებული პიროვნება 1 მამაკაცი და 1 ქალი. მამაკაცს ჰქონდა ყბის ძვლის მოტეხილობა და გადაგზავნილი იქნა ქუთაისში ქირურგიული ჩარევისთვის. ქალს ტვინის შერყევა და ნეკნის მოტეხილობა აღენიშნება“,_ გვითხრა კოროშინაძემ. 4 დაშავებული, მათ შორის 8 თვის ბავშვი ჩოხატაურის სამედიცინო ცენტრ "მედალფაში" შეიყვანეს. „მედალფას“ დირექტორის, ანტონ ხუნდაძის თქმით, დაშავებულების სიცოცხლეს საფრთხე არ ემუქრება. 1 პაციენტი უკვე გაწერეს და 2 დღეში დანარჩენებიც დატოვებენ კლინიკას. „4 დაშავებული შემოიყვანეს ჩვენს კლინიკაში, 1 _ უკვე გავწერეთ და 3 _ რჩება. მათ სიცოცხლეს საფრთხე არ ემუქრება. ჩვენთან დაკვირების ქვეშ არის 8 თვის ბავშვიც. სერიოზული დაზიანებები არ აღენიშნება და 2 დღეში მასაც გავწერთ“, _ ამბობს ... ...
  • ნაპირზე ტანსაცმელი იპოვეს- რიონში დასაბანად შესულ 72 წლის კაცს ეძებენსამტრედიის შესასვლელში, აღმაშენებლის ქუჩის მიმდებარედ, მდინარე რიონის ნაპირზე 72 წლის როლანდ თვალაბეიშვილის ტანსაცმელი იპოვეს. მისი შვილის, ჯონი თვალაბეიშვილის განცხადებით, მამა გუშინ, დაახლოებით 16:00 საათზე გავიდა სახლიდან მდინარე რიონზე, დასაბანად. დღეს დილიდან უკვე მიმდინარეობს მდ. რიონზე საძიებო ღონისძიებები. ადგილზეა სამტრედიის და ქუთაისის როგორც ქვეითი, ასევე სამაშველო ჯგუფები საფრენი აპარატი დრონით და განსაკუთრებულ სიტუაციებზე რეაგირების მყვინთავთა ჯგუფი, წყალზე საძიებო სკანერი "ექოლოტით" აღჭურვილი გასაბერი და მოტორიანი ნავებით. ადგილზე იმყოფება მუნიციპალიტეტის მერი ვალერი ... ...
  • შაქარაშვილის საქმე- დამამძიმებელ გარემოებებში ჯგუფურად განხორციელებული განზრახ მკვლელობა გიორგი შაქარაშვილის გარდაცვალების საქმეზე ექსპერტიზის დასკვნის შემდგომ უკვე არსებულ კლასიფიკაციას  დაემატა დამამძიმებელ გარემოებებში ჯგუფურად განხორციელებული განზრახ მკვლელობა, დანაშაული გათვალისწინებული საქართველოს სისხლის სამართლის კოდექსის 109-ე მუხლის მე-2 ნაწილის „ე“ ქვეპუნქტით და გამოძიება გიორგი შაქარაშვილის გარდაცვალების ნაწილში წარიმართება აღნიშნული კვალიფიკაციით. შეგახსენებთ, რომ ფეხბურთელი მცხეთაში, დაბადების დღის აღსანიშნავ წვეულებაზე წავიდა, შემდეგ კი გაუჩინარდა. მაშველებმა მის ცხედარს რამდენიმე დღიანი ძებნის შემდეგ მდინარეში მიაგნეს. "ექსპერტიზის დასკვნის თანახმად, გიორგი შაქარაშვილის სიკვდილის მიზეზია ასფიქსია წყალში დახრჩობით. ამავდროულად, გიორგი შაქარაშვილის ცხედარზე აღინიშნება სიკვდილის წინა ახლო პერიოდში მკვრივი-ბლაგვი საგნის მოქმედებით მიყენებული, სიცოცხლისდროინდელი დაზიანებები შუბლის/თავის, ორივე თვალბუდის, ზედა და ქვედა ტუჩის მიდამოებში, მარჯვენა იდაყვის სახსრისა და მარჯვენა წინამხრის მიდამოებში, აგრეთვე მუცლის, საზარდულის, ბოქვენის, წელისა და ორივე დუნდულოს მიდამოებში. ექსპერტიზის დასკვნის მიხედვით, აღნიშნული დაზიანებები, იზოლირებულად აღებული, ატარებენ სხეულის დაზიანებათა მსუბუქი ხარისხის ნიშნებს“, - ნათქვამია პროკურატურის ... ...

არქივი

ტესტები

ტესტი _ რამდენად ფართოა შენი ცოდნის არეალი

მე-20 საუკუნის რომელი პოლიტიკური მოღვაწე...

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

ტესტი _ ყველაზე, ყველაზე...

იცი თუ არა გეოგრაფია

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

ტესტი _ რამდენად ერკვევი სხვადასხვა სფეროში

რომელია ყველაზე პატარა სახელმწიფო მსოფლიოში?

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...