ადვოკატი იმედოვნებს, რომ გულორდავას სასამართლო აღმკვეთ ღონისძიებას არ შეუფარდებს

მთავარი თემა

ადვოკატი იმედოვნებს, რომ გულორდავას სასამართლო აღმკვეთ ღონისძიებას არ შეუფარდებს

2013 ნოე 13 10:25:10

ბრალდებულის ადვოკატი ჯიტა გულუა აცხადებს, რომ კონსტანტინე გულორდავას ბრალი 118–ე მუხლით აქვს წაყენებული, რაც სხეულის განზრახ დაზიანებას გულისხმობს. ადვოკატი იმედს გამთქვამს, რომ სასამართლო სამართლიან გადაწყვეტილებას მიიღებს და აღმკვეთი ღონისძიება დაკავებულისთვის შეფარდებული არ იქნება.

"მიუხედავად იმისა, რომ არანაირი საფუძველი არ არსებობდა, გამოძიებამ გადაწყვიტა, ამ ეტაპზე მოხდეს გულორდავას დაკავება. ვიმედოვნებ, სასამართლო დადგება თავის სიმაღლეზე და აღკვეთი ღონისძიების შერჩევისას მიიღებს შესაბამის გადაწყვეტილებას, ვიმედოვნებ არ იქნება გულორდავას მიმართ გამოყენებული აღმკვეთი ღონისძიება, რაგან კიდევ ერთხელ ვაფიქსირებ–ამის საფუძველი არ არსებობს".

თავად გოგა ანჩაბაძის მიმართ, რომელიც ზუგდიდის საპატრულო პოლიციის თანამშრომელია, უკვე აღიძრა გაუპატიურების მცდელობის მუხლით სისხლის სამართლის საქმე. პოლიციელს მოტეხილი აქვს ორივე ქვედა კიდური, მოჭრილი აქვს ყური და ბასრი საგნით მიყენებული მრავლობითი ჭრილობა აღენიშნება.

ზუგდიდში მომხდარ ინციდენტს დიდი გამოხმაურება მოჰყვა. ამ საქმესთან დაკავშირებით სახალხო დამცველმა უკვე გააკეთა განცხადება და მოუწოდა შსს–ს საზოგადოებას დეტალური ინფორმაცია მიაწოდოს გამოძიების მიმდინარეობის შესახებ.

"2013 წლის 12 ნოემბერს, მედიით გავრცელებული ინფორმაციით, ზუგდიდში საპატრულო პოლიციის თანამშრომელს უცნობი პირები დაესხნენ თავს, მოაჭრეს ყური, სცემეს, გახადეს პოლიციის ფორმა და ადგილზე მიატოვეს. შემთხვევა კოლეჯის მიმდებარე ტერიტორიაზე მოხდა. საქართველოს შინაგან საქმეთა სამინისტრომ უკვე გააკეთა განცხადება, რომ დაიწყო გამოძიება, როგორც საპატრულო პოლიციის თანამშრომლის მიმართ, ასევე სავარაუდოდ, მის მიერ ჩადენილი დანაშაულის ფაქტზე. სამინისტროს განცხადებით, უკვე დაკავებულია ეჭვმიტანილიც. საქართველოს სახალხო დამცველს მიაჩნია, რომ საქართველოს შინაგან საქმეთა სამინისტრომ მომხდარი ფაქტი ყოველმხრივ, სწრაფად და ეფექტურად უნდა გამოიძიოს. დაუშვებელია, თუნდაც დანაშაულის არსებობისას, კერძო პირებმა შურისძიებით, თვითნებურად სცადონ დამნაშავის დასჯა. მსგავსი შემთხვევების პრევენცია კი მხოლოდ სწრაფი, ეფექტური გამოძიებითა და ყველა დამნაშავე პირის სათანადოდ დასჯით არის შესაძლებელი", – ნათქვამია განცხადებაში.

პოლიციელის დაჭრას სოციალური ქსელით გამოეხმაურნენ ვანო მერაბიშვილი და ბაჩანა ახალაია. მერაბიშვილმა მომხდარი ბნელ წარსულში დაბრუნებად შეაფასა.

"მინდა გამოვეხმაურო ზუგდიდში მომხდარ შემზარავ ფაქტს, როდესაც პოლიციის თანამშრომელი გახდა არაადამიანური წამების მსხვერპლი. მე მესმის, რომ ის ბრალდება, რომელიც მის წინააღმდეგ გაისმის საკმაოდ მძიმეა და დადასტურების შემთხვევაში იგი აუცილებლად უნდა იქნეს უმკაცრესად დასჯილი. თუმცა, მიუხედავად იმისა, დამნაშავეა თუ არა ეს კონკრეტული პოლიციელი, მიმაჩნია, რომ კიდევ უფრო საგანგაშო ფაქტია მოქალაქის მიერ მართლმსაჯულების აღსრულების საკუთარ ხელში აღება. მინდა ყველას შევახსენო, რომ ძალის გამოყენების და სამართლის დაცვის ერთადერთი ლეგიტიმური უფლება სახელმწიფოს აქვს და ყველა სხვა მცდელობა წარმოადგენს ამ სახელმწიფოს წინააღმდეგ ქმედებას. რიგითი მოქალაქეების მიერ მართლმსაჯულების განხორციელების საკუთარ თავზე აღება ნიშნავს სახელმწიფო ინსტიტუტების მიმართ უნდობლობას და გვაბრუნებს იმ ბნელ წარსულში, რომლიდანაც გამოსვლა მხოლოდ უკანასკნელი 9 წლის განმავლობაში მოვახერხეთ".

ბაჩანა ახალაია კი აცხადებს, რომ "არავის შერჩება პოლიციელზე ხელის აღმართვა და დღეს თუ ხვალ, ყველა უმკაცრესად აგებს პასუხს კანონის წინაშე".

"ჩემთვის უმძიმესია იმის გააზრება, რომ დღეს ქვეყანაში კანონიერი ქურდები და ამ სამყაროს სხვა წარმომადგენლები ახერხებენ შური იძიონ სამართალდამცავებზე, ადამიანებზე ვინც ბოლო წლების მანძილზე თავდაუზოგავად შრომობდა და იბრძოდა საზოგადოების სიმშვიდისათვის და მათი კრიმინალისაგან დასაცავად. მიმაჩნია, რომ ზუგდიდში მომხდარი ინციდენტი პირდაპირ არის კავშირში ხელისუფლების ზედმეტად ლიბერალურ დამოკიდებულებასთან კრიმინალის მიმართ და უფრო მეტიც, ვთვლი, რომ კანონიერი ქურდები წახალისებულნი არიან სწორედ ხელისუფლების წარმომადგენლების მხრიდან. უდაოა, რომ 2012 წლის ოქტომბრის შემდეგ სახელმწიფომ უარი თქვა პოლიციელების დაცვაზე. გაჩნდა განცდა, რომ პოლიციელის შეურაცხყოფა ყველა იმ ადამიანს შეუძლია, ვისაც ჯიბეში 100 ლარი უდევს. მინდა თანავუგრძნო დაზარალებულ პოლიციელს, მის ოჯახს და გამოვთქვა იმედი უახლოეს პერიოდში სწორედ რიგით სამართალდამცავებთან ერთად კვლავ შევძლებთ ქვეყნის დაცვას, როგორც საგარეო, ასევე საშინაო საფრთხეებისაგან. ვდებ პირობას, არავის შერჩება პოლიციელზე ხელის აღმართვა და დღეს თუ ხვალ უმკაცრესად აგებენ პასუხს კანონის წინაშე".

სწორედ ახალაიას განცხადებას მოჰყვა საპროტესტო აქცია ზუგდიდის პოლიციის სამმართველოსთან. აქციე მონაწილეების განცხადებით, ახალაიას არანაირი უფლება არ აქვს ციხიდან გამოხმაურებები აკეთოს და სამეგრელოს ისევ დაემუქროს.

"გოგა ანჩაბაძე პოლიციელის ფორმაში გადაცმული დამნაშავე და სატანაა, სწორედ ახალაიას მსგავსი. ყოფილ მინისტრს კი არ აქვს უფლება სამეგრელოს კვლავ დაემუქროს და „თავისიანები“ დაიცვას, მითუმეტეს ციხიდან", _ აცხადებენ აქციის მონაწილეები.

კონსტანტინე გულორდავას სასამართლო პროცესი სავარაუდოდ უახლოეს ორ დღეში გაიმართება.რაც შეეხება დაჭრილ პოლიციელს, ის ისევ საავადმყოფოში რჩება და მისი მდგომარეობა სტაბილურად მძიმეა.

მკითხველს შევახსენებთ, რომ დაჭრილი პოლიციელი ზუგდიდის ყოფილი პოლიტექნიკური კოლეჯის ეზოში იპოვეს. როგორც თვითმხილველები ამბობენ, ეზოში მიკროავტობუსით უცნობი პირები მაღალი სიჩქარით შეიჭრნენ, გადმოაგდეს პოლიციელი და გაუჩინარდნენ. პოლიციელისთვის ყურის მოჭრის საბაბი მის მიერ მეჯვარის ცოლის გაუპატიურების მცდელობა გახდა.




 ახალი ამბები
  • ფარავნის უღელტეხილზე ავტოტრანსპორტის მოძრაობა აკრძალულიასაქართველოს რეგიონული განვითარებისა და ინფრასტრუქტურის სამინისტროს, საავტომობილო გზების დეპარტამენტის ინფორმაციით, რთული მეტეოროლოგიური პირობების (ქარბუქი და შეზღუდული ხილვადობა) გამო, შიდასახელმწიფოებრივი მნიშვნელობის კოდა–ფარცხისი–მანგლისი–წალკა–ნინოწმინდის საავტომობილო გზის კმ94-კმ110 (ფარავანის უღელტეხილი) მონაკვეთზე აკრძალულია ყველა სახის ავტოტრანსპორტის მოძრაობა.  გზის დანარჩენ მონაკვეთებზე ავტოტრანსპორტის მოძრაობა ... ...
  • დედოფლისწყაროს მთავარი ნაძვის ხე ძლიერმა ქარმა წააქციაკახეთში, დედოფლისწყაროს მთავარი ნაძვის ხე ძლიერმა ქარმა წააქცია. ადგილზე ამ დროისთვის მერიის კეთილმოწყობის სამსახური იმყოფება და ნაძვის ხის დემონტაჟი მიმდინარეობს.   ცნობისთვის, ქალაქის მთავარ მოედანზე დამონტაჟებული ნაძვის ხე 2 იანვარს  დაიწვა. მუნიციპალიტეტის მერიამ რამდენიმე დღეში ახალი ნაძვის ხე შეიძინა და  იმავე ადგილზე ... ...
  • გამყრელიძე: ყველაფერი კეთდება, რომ ინფექციის შემოტანის პრევენცია მოხდესდაავადებათა კონტროლის ეროვნული ცენტრის ხელმძღვანელის ამირან გამყრელიძის განცხადებით ე.წ. კორონავირუსთან დაკავშირებით საქართველოში პანიკის საფუძველი არ არსებობს. მისი თქმით, ევროპის დაავადებათა კონტროლის ცენტრის კლასიფიკაციით საქართველო ე.წ. მწვანე, ანუ დაბალი რისკის ზონაშია. ამირან გამყრელიძის თქმით, ქვეყანაში ყველაფერი კეთდება, რათა ინფექციის შემოტანის პრევენცია მოხდეს. „პანიკის საფუძველი არ არის. საქართველო ამ ეტაპზე რჩება ე.წ. მწვანე ზონაში ევროპის დაავადებათა კონტროლის ცენტრის კლასიფიკაციით, ანუ დაბალი რისკის ზონაში, თუმცა, რა თქმა უნდა, რადგან მიმოსვლა ჩინეთთან არის და ყოველთვიურად დაახლოებით 4-დან 5 ათასამდე ადამიანი შემოდის ჩინეთიდან, რა თქმა უნდა, რისკი ინფექციის შემოტანისა, არის, ამიტომ ქვეყანაში ყველაფერი კეთდება იმისთვის, რომ მოვახდინოთ პრევენცია ინფექციის შემოტანის. შემუშავებულია შესაბამისი ალგორითმი, შემოსავლების სამსახურს დაურიგდა სამ ენაზე ჯანმრთელობის მსოფლიო ორგანიზაციისა და ჩვენ მიერ შემუშავებული ტექსტი რეკომენდაციებისა, რომელიც ურიგდება ჩინეთიდან და განსაკუთრებით ქალაქ უჰანიდან შემოსულ ყველა ადამიანს, ასევე იმ პროვინციიდან რომლის დედაქალაქის უჰანია. საჭიროა, რომ ისინი გაეცნონ და თუ უკანასკნელი ორი კვირის განმავლობაში ან შემოსვლიდან შემდგომი ორი კვირის გამავლობაში განუვითარდებათ სიმპტომები - მაღალი ტემპერატურა, თავის ტკივილი, ყელის ტკივილი, სუნთქვის გაძნელება, ხველა, აუცილებელია, რომ მიმართონ სამედიცინო დაწესებულებებს, მათ შორის გამოყოფილია ოთხი სამედიცინო დაწესებულება - თბილისის, ქუთაისის, ბათუმისა და ზუგდიდის ინფექციური საავადმყოფოები, სადაც სრულად მოემსახურებიან და გაუწვენ სამედიცინო დახმარებას“, - განაცხადა ამირან გამყრელიძემ. ... ...
  • გარყვნილი ქმედება და ძალადობა არასრულწლოვანზე- ბრალდებულს თავისუფლების აღკვეთა მიესაჯაბოლნისის რაიონულმა სასამართლომ სრულად გაიზიარა ბრალდების მხარის მიერ წარდგენილი მტკიცებულებები და წინასწარი შეცნობით 16 წელს მიუღწეველთან გარყვნილი ქმედებისთვის და  ძალადობისთვის ბრალდებული დ.ჯ. დამნაშავედ ცნო. სასამართლოში წარდგენილი მტკიცებულებებით დადასტურდა, რომ 2018 წლის 4 სექტემბერს, დ.ჯ.-მ წინასწარი შეცნობით 16 წელს მიუღწეველ თანასოფლელ გოგონასთან გარყვნილი ქმედება ჩაიდინა,  შემდეგ კი მუცლის არეში ხელი დაარტყა. სამართალდამცველებმა დ.ჯ. 2019 წლის 13 ივნისს დააკავეს. მას ბრალდება  საქართველოს  სისხლის სამართლის კოდექსის 141-ე მუხლის პირველი ნაწილით (გარყვნილი ქმედება) და   126-ე მუხლის I1 ნაწილის „ა" ქვეპუნქტით (სხვაგვარი ძალადობა, წინასწარი შეცნობით არასრულწლოვნის მიმართ) წარედგინა და აღკვეთის ღონისძიების სახით პატიმრობა შეეფარდა. ბოლნისის რაიონულმა სასამართლომ დ.ჯ. დამნაშავედ ცნო წარდგენილ ბრალდებებში და  სასჯელის სახედ და ზომად 5 წლით და 6 თვით თავისუფლების აღკვეთა ... ...
  • „ცენტრ პოინტის“ დაუსრულებელ მშენებლობებთან დაკავშირებით თბილისის მერიაში შეხვედრა გაიმართა თბილისის მერი კახა კალაძე კომპანია „ცენტრ პოინტის“ დაუსრულებელ მშენებლობებთან დაკავშირებით, სამშენებლო კომპანიების წარმომადგენლებს შეხვდა და მათ რამდენიმე ობიექტის შესახებ ინფორმაცია გააცნო. “ზოგადად დაუსრულებელი მშენებლობების, მათ შორის კომპანია “ცენტრ პოინტის” პრობლემის გადაჭრა არის დედაქალაქის მთავრობისთვის უმნიშვნელოვანესი საკითხი, რადგან ამის უკან დგანან კონკრეტული ოჯახები, ეს ეხება ათასობით დაზარალებულ ადამიანს.  მივიღეთ გადაწყვეტილება, ეს ხალხი არ დავტოვოთ ბედის ანაბარა,  ჩავერთოთ პროცესში და ჩვენი ძალისხმევით მოვაგვაროთ წლობით დაგროვილი პრობლემა. ეს არ არის პირველი შეხვედრა, ჩვენ ადრეც ვისაუბრეთ, რომ ცენტრ პოინტის პრობლემა დავყავით ორ ნაწილად. პირველი ეხება სარემონტო სამუშაოებს, იქ , სადაც უკვე არსებობს შენობა-ნაგებობები. მეორე ეხება უშუალოდ მშენებლობის წარმოებას, რაც ნულიდან არის ყველაფერი დასაწყები. თბილისის მერია მუშაობს ორივე მიმართულებით, რაც გამოიხატება ჩვენ ხელთ არსებული ბერკეტების ამოქმედებაში და იმ ინვესტორების მხარდაჭერაში, ვინც დაინტერესდება აღნიშნული პროექტებით. უკვე გადადგმულია კონკრეტული ნაბიჯები და გვაქვს გარკვეული შედეგები, თუმცა პროცესი გრძელდება,”-განაცხადა კახა კალაძემ. დღევანდელ შეხვედრაზე თბილისის მერის მოადგილე ილია ელოშვილმა კარკასისა და ქვაბულის (კატლავანის) მდგომარეობაში არსებული სამი ობიექტის შესახებ პრეზენტაცია წარადგინა. კერძოდ, განიხილეს თაბუკაშვილის N7-9, მარშალ გელოვანის N4ა და გურამიშვილის N64-ში არსებული დაუსრულებელი ობიექტები. საუბარია „ცენტრ პოინტის“ მიერ დაზარალებული 387 ოჯახის ფართებით დაკმაყოფილებაზე. ილია ელოშვილის განცხადებით, თბილისის მერია დეტალურ მოლაპარაკებებზე გადავა იმ კომპანიების წარმომადგენლებთან, რომლებიც აღნიშნულ საკითხთან დაკავშირებით, ინტერესსა და მზადყოფნას გამოხატავენ. „დღევანდელი შეხვედრა ხუთი ასაშენებელი ობიექტიდან სამ ობიექტს ეხებოდა. ორ ობიექტზე უკვე მოლაპარაკებებს ვაწარმოებთ და გვყავს ინვესტორები, ხოლო სამი ობიექტის დასასრულებლად ინვესტორები გამოკვეთილი არ იყო. დღეს შევხვდით სამშენებლო კომპანიების იმ ნაწილს, რომლებსაც შეუძლიათ, ამ მასშტაბების პროექტების განხორციელება და მათ აღნიშნულ სამ ობიექტთან დაკავშირებით, ძირითადი ინფორმაციები წარვუდგინეთ. ახლა ველოდებით მათ გამოხმაურებას“,- განაცხადა ილია ელოშვილმა. თბილისის მერიაში გამართულ შეხვედრას სამშენებლო კომპანიებისა და „ცენტრ პოინტის“ მიერ დაზარალებულთა საინიციატივო ჯგუფის წარმომადგენლები ... ...

არქივი

ზაფრანი

ცნობილი ვარსკვლავების ყოველდღიური დილის რეჟიმი

ჯენიფერ ენისტონი ჯენიფერ ენისტონის დილა...

რატომ უნდა დაიბანოთ გაზიანი წყლით

კორეულ კოსმეტიკასა და თავის მოვლის...

სუპერმოდელი ჰადიდი პოდიუმზე „შიშველი კაბით“ გამოჩნდა

ამერიკელი სუპერმოდელი ბელა ჰადიდი ფრანგი...

ყველაზე ცნობილი მოდელი მამაკაცები

ჯონ კორტახარენა რედრუელო -  1985...

ქვეყნები სადაც ყველაზე მაღალი ხელფასებია

ცოტა ხნის წინ Bloomberg-მა გამოაქვეყნა...

როგორ ქალებს დასდევენ ცოლიანი მამაკაცები

ტყუპები ცოლიანი მამაკაცები დაღლილები არიან...
კარმიდამო ჩემი

ფუტკრის რძე _ ოცდამეერთე საუკუნის ჯადოსნური წამალი

საქართველოს ბუნება ყოველგვარ პირობას ქმნის...

როგორ დავიბრუნოთ ფუტკრის მართვე

გაზაფხულის მოახლოებისთანავე ნებისმიერმა მეფუტკრემ თუ...

მსხვილნაყოფა ციტრუსი _ "ოიუ" (Citrus Oiu)

საქართველოს მოსახლეობისთვის ციტრუსოვანი კულტურებიდან ყველაზე...

"გვაქვს უთვალავი ფერითა!"

ოზურგეთელი, პროფესიით ფარმაცევტი და ხელოვანი...

"დეკემბერა" საოცარი საშობაო ყვავილია

ალბათ, არც ერთი ყვავილის შესახებ...

როგორია ტყის მარწყვი და რა სასარგებლო თვისებები გააჩნია

გაზაფხულის დადგომისთანავე, ადამიანებს უდიდესი სურვილი...

პროდუქტები, რომელიც საუზმეზე არ უნდა მიირთვათ

დიეტოლოგებმა შეადგინეს პროდუქტების სია, რომელიც...

როგორ გაისუფთავონ ფილტვები მწეველებმა

ცოტა ხნის წინ ბრიტანულ მასმედიაში...

შქმერული

დღეს ერთ-ერთი საუკეთესო ქართული კერძის...

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...