"არ მინდა ქვეყანაში პოლიტიკის წარმოება მარიონეტების თეატრს დაემსგავსოს..."

მთავარი თემა

"არ მინდა ქვეყანაში პოლიტიკის წარმოება მარიონეტების თეატრს დაემსგავსოს..."

14 ნოე. 2013, 19:38:57

_ უფრო ნათლად რომ აგვიხსნათ, რატომ მიიღეთ გადადგომის გადაწყვეტილება, ამას კანონი გავალდებულებდათ?

_ მოგეხსენებათ, ახალი პრეზიდენტის ფიცის მიღების შემდეგ ძალაში კონსტიტუციის ის მუხლები შედის, რომლითაც გუბერნატორის დანიშვნის უფლებამოსილება პრეზიდენტიდან მთავრობის კომპეტენციაში გადადის. ასევე, ცნობილია, რომ გურიის გუბერნატორი ვალერი ჩიტაიშვილი და მე არ წარმოვადგენთ სახელისუფლო პარტიას, ანუ "ქართულ ოცნებას", არ ვითვლებით მათ მხარდამჭერებად და უფრო მეტიც, მთელ რიგ საკითხებზე ფუნდამენტალური აზრთა სხვადასხვაობა გვაქვს. ვგულისხმობ, როგორც ქვეყნის საშინაო სოციალურ- ეკონომიკურ პოლიტიკას, ასევე საგარეო კურსს. შესაბამისად, ამ შეუთავსებლობიდან გამომდინარე ჩვენ არ გაგვაჩნია მათთან ერთად საქმიანობის სურვილი და ალბათ, არც მათ აქვთ მსგავსი სურვილი.

_ როგორ შეაფასებთ თქვენს საქმიანობას გურიის რეგიონში ?

_ რაც შეეხება ჩემს საქმიანობას რეგიონში, მხოლოდ ერთი წლით ვერ შემოვიფარგლები. ჩვენი გუნდის გაკეთებული საქმეების დინამიკას უფრო მასშტაბურად რომ შევხედოთ, მოვიყვან პატარა შედარებას - 2003 წელს, როცა "ნაციონალური მოძრაობა" მოვიდა ხელისუფლებაში, მხარეში განხორციელებული ინფრასტრუქტურული პროექტების ხარჯების მოცულობა ნახევარ მილიონ ლარსაც არ აღემატებოდა. დღეის მდგომარეობით, ის თითქმის ორმოც მილიონ ლარს შეადგენს. შეიძლება გაჩნდეს კითხვა - ამით რა შეიცვალა ადგილობრივი მოსახლეობისთვის. შესაძლოა ცვლილებები არ არის იმდენი, რამდენიც საჭიროა, თუმცა პროგრესი აშკარად თვალშისაცემია. ამისთვის აუცილებელია თავი დააღწიონ იმ უსუსურ რიტორიკას, რომ თითქოს "ნაციონალური მოძრაობა" 9 წლის მანძილზე ანგრევდა ქვეყანას. გამოვიდნენ გარეთ, თავიანთი სახლების წინ და დაინახავენ, რომ გზა არის გაკეთებული, ბუნებრივი აირის მიწოდება ხორციელდება უწყვეტად, სასმელი წყლის პრობლემა თითქმის გადაწყვეტილია, ელექტროენერგია მოსახლეობას შეფერხების გარეშე მიეწოდება. მართალია, ეს მინიმალურია, მაგრამ ქმნის იმის პირობას, რომ შეიქმნას სამუშაო ადგილები, განხორციელდეს ინვესტიციები. მაგალითად, 2012 წელს მხარის გუბერნატორი აჭარის ავტონომიური რესპუბლიკის მეთაურთან ერთად აწარმოებდა მოლაპარაკებას ერთ-ერთ ცნობილ თურქულ ფირმასთან მერიაში სამკერვალო საწარმოს გახსნის თაობაზე, სადაც 300-მდე ადამიანი დასაქმდებოდა, ასევე პრეზიდენტის ინიციატივით იგეგმებოდა მერიის აეროდრომის რეაბილიტაცია. დაწყებული იყო კურორტ ბახმაროსა და ურეკის სარეაბილიტაციო სამუშაოები. ეს ყველაფერი რომ მოგვესწრო, მხარეში ბევრი ახალი სამუშაო ადგილი გაჩნდებოდა და შესაბამისად, უფრო მეტი ოჯახის მატერიალურად უზრუნველყოფას შვძლებდით.

_ რამ შეუშალა ხელი დაწყებული ინფრასტრუქტურული პროექტების განხორციელებას და რა გარემოებამ გამოიწვია მათი შეჩერება?

_ არჩევნებში გამარჯვების შემდეგ კოალიცია "ქართული ოცნებას" ძირითადი აქცენტი ოპონენტების პოლიტიკურ ანგარიშსწორებაზე იქნა გადატანილი, ამასთან პრემიერი და სხვა მაღალი თანამდებობის პირები მსოფლიო დონის ეკონომიკურ თუ პოლიტიკურ ფორუმებზე აცხადებდნენ, რომ ის რეიტინგები, რომელიც წინა ხელისუფლების მმართველობის პერიოდში საქართველოს გააჩნდა, იყო "ნაციონალური მოძრაობის" პიარი და არ ასახავდა რეალობას. მიუხედავად იმისა, რომ ამას ისეთი ავტორიტეტული ფინანსური ინსტიტუტები ადასტურებდნენ, როგორიც არის მსოფლიო ბანკი, სავალუტო ფონდი და ა. შ. ახალი მთავრობა აცხადებდა, რომ ქვეყანაში რეალურად უფრო მძიმე საინვესტიციო და ეკონომიკური გარემო იყო. ამან თავისი შედეგი გამოიღო და დღეის მონაცემებით - 2013 წელს ქვეყანაში შემოსული ინვესტიციების მოცულობა საგრძნობლად ჩამოუვარდება გასული წლის მაჩვენებლებს.

_ როგორ ხედავთ სამომავლოდ მოვლენების განვითარებას, გაქვთ თუ არა ინფორმაცია თქვენი სავარაუდო შემცვლელების შესახებ?

_ წინასწარმეტყველი არ გახლავართ. არც ეკონომიკური საკითხების ექსპერტი, თუმცა იმ ინფორმაციით, რაც დღეს გამაჩნია, საქართველოს მთავრობა პარლამენტში წარგენილი 2014 წლის ბიუჯეტის პროექტით 700 მილიონ ლარზე მეტი საგარეო ვალის აღებას გეგმავს, მაშინ, როცა მთავრობას ნახევარ მილიარდ ლარამდე შიდა ვალი დაუგროვდა. როგორც ეკონომიკური ექსპერტები ამბობენ, ეს ქვეყანას სავალალო მდგომარეობაში ჩააგდებს და მას ფინანსთა მინისტრის, ასევე მთავრობის სხვა წევრების მხოლოდ თვითდაჯერებული და ირონიული გამომეტყველება ნამდვილად ვერ უშველის. რაც შეეხება იმ საკითხს, ვინ იქნებიან ჩვენი შემცვლელები, ვერც ამ თემაზე დავიწყებ მარჩიელობას. ეს ცალსახად, ახალი პრემიერის და მისი გუნდის გადასაწყვეტია, თუმცა, თუკი იმ ხალხის დანიშვნის შესახებ მიიღებენ გადაწყვეტილებას, ვის შესახებაც ინფორმაცია ვრცელდება, პოზიტიური გარღვევების იმედი ნამდვილად არ უნდა გვქონდეს.

_ ანუ, ფიქრობთ, რომ სხვა თქვენსავით საქმის კეთებას ვერ შეძლებს?

_ შუცვლელი არავინაა. უბრალოდ, მე ვისაუბრე იმ რეალობის შესახებ რა ეკონომიკური და პოლიტიკური მდგომარებაც ამ ეტაპისთვის ქვეყანაშია. ჩვენ გვინდა, რომ ჩვენს შემდგომ მოსულმა ჩვენზე მეტი გააკეთოს, მაგრამ ამისთვის მარტო ოცნება და კეთილი სურვილები საკმარისი არ არის. რამის გაკეთება რომ შეძლო, პირველ რიგში, აუცილებელია, შესაბამისი კვალიფიკაციის ქონა და სათანადო ფინანსური რესურსების არსებობა. შეცვლით რა შეიცველება? ალბათ, გადახალისდება გუბერნიის ავტოპარკი, უფრო კეთილმოეწყობა სამხარეო ადმინისტრაციის ხელმძღვანელი პირების სამუშაო კაბინეტები. ხალხის საკეთილდღეოდ კი ბევრი არაფერი შეიცვლება.

_ სად აპირებთ კარიერის გაგრძელებას თანამდებობიდან წასვლის შემდეგ?

_ მე ვრჩები "ნაციონალური მოძრაობის" მხარდამჭერად და შევეცდები ჩემი სხვადასხვა თანამდებობაზე მუშაობის, მათ შორის, საარჩევნო მიმართულებით მიღებული გამოცდილება პარტიის გაძლიერებისთვის გამოვიყენო.

_ პარტიაში იმისთვის ხომ არ მიდიხართ, რომ ისევ ახალ თანამდებობებზე გიხილოთ?

_ ჩემთვის თანამდებობა, პარტია და პარტიული საქმიანობა თვითმიზანი არასდროს ყოფილა. თითქმის 10 წელია საჯარო სამსახურში ვარ და მოწვეული სპეციალისტიდან დაწყებული დეპარტამენტის უფროსის ჩათვლით ყველა რანგის თანამდებობაზე მიმუშავია. ამით იმის თქმა მინდა, რომ წინა მთავრობის პირობებში ბევრი გაკეთდა იმისთვის, რომ საჯარო მოსამსახურეს უწყვეტი პროფესიულ-კარიერული განვითარებისთვის მიეღწია. დღეს რას ვხედავთ? იმის ნაცვლად, რომ საჯარო სამსახურებში დასაქმებული პროფესიონალი კადრების განვითარება ახალ საფეხურზე გადასულიყო და მაქსიმალურად მომხდარიყო მათი გამოცდილების გამოყენება, ვუბრუნდებით 2003 წლამდე არსებულ მდგომარეობას, როცა ადამიანები თანამდებობებზე ნათესაური კავშირებით და ოჯახისშვილობით ინიშნებოდნენ. ეს პრემიერ-მინისტრმა სახელმწიფო პოლიტიკის რანგში აიყვანა, როცა ბანკში თავისი თანაშემწე, რომელსაც საჯარო სამსახურში მუშაობის გამოცდილება არ გააჩნდა, ჯერ შინაგან საქმეთა მინისტრად დანიშნა, ახლა კი პრემიერ-მინისტრობის რეალური კანდიდატია. მან კი, თავის მხრივ, ოჯახის ახლობლის შვილი შინაგან საქმეთა მინისტრობის კანდიდატად დაასახელა. ასევე, საუბარია იმაზე, რომ ბევრ რეგიონში მხარის რწმუნებული დაინიშნება არა მისი პროფესიული და პოლიტიკური გამოცდილების მიხედვით, არამედ პრემიერთან მისი პირადი ნაცნობობით. ეს ტენდენცია, სავარაუდოდ, ქვედა დონეზეც გაგრძელდება. ამ ყველაფერს ფეოდალური ხანის ელფერი აქვს. მინდა, რომ ეს შეიცვალოს. არ მინდა ქვეყანაში პოლიტიკის წარმოება მარიონეტების თეატრს დაემსგავსოს. კიდევ უფრო მნიშვნელოვანია, რომ ქვეყნის პრეზიდენტი ოკუპანტთან პატრონყმურ მდგომარეობაში არ იყოს და ღიმილიანი რიტორიკით არ ცდილობდეს რუსეთის საუკუნეთა მანძილზე ჩამოყალიბებული იმპერიალისტური გეოპოლიტიკის და გეოსტრატეგიის შეცვლას. ეს და კიდევ სხვა ბევრი ფაქტორია, რამაც "ნაციონალური მოძრაობის" რეფორმატორულ გუნდში მისვლა გადამაწყვეტინა. ჩვენ გვჯერა, რომ პატრიოტი და პროფესიონალი ადამიანების თანადგომით ამ ყველაფერს შევცვლით.




 ახალი ამბები
  • პენიტენციური სამსახურის ესკორტის ოფიცრებმა დავით ჭაკუას გადმოყვანა განახორციელესსპეციალური პენიტენციური სამსახურის ესკორტის ოფიცრებმა გერმანიის ფედერაციული რესპუბლიკიდან საქართველოს სამართალდამცავი ორგანოების მიერ ძებნილ დავით ჭაკუას (სასჯელაღსრულების დეპარტამენტის ყოფილი უფროსი) გადმოყვანა განახორციელეს. დავით ჭაკუას 2013 წლის 8 იანვრის დადგენილებით დაუსწრებლად წარედგინა ბრალი საქართველოს სისხლის სამართლის კოდექსის: 332-ე მუხლის მე-3 ნაწილის „ბ“ და „გ“ ქვეპუნქტებით (სამსახურებრივი უფლებამოსილების ბოროტად გამოყენება, ჩადენილი ძალადობით და დაზარალებულის პირადი ღირსების შეურაცხყოფით); 25,1443 მუხლის მე-2 ნაწილის „ა“, "ბ“, „დ“, „ე“ ,„ზ“ და „დ“ ქვეპუნქტებით (პატიმართა არაადამიანური და დამამცირებელი მოპყრობის მიზნით წაქეზება, რაც გამოიხატა პატიმართა დამცირებაში, იძულებაში, მათ არაადამიანურ, ღირსებისა და პატივის შემლახავ მდგომარეობაში ჩაყენებაში, რაც მათ ძლიერ ფიზიკურ, ფსიქიკურ ტკივილს და მორალურ ტანჯვას აყენებს, ჩადენილი მოხელის მიერ სამსახურებრივი მდგომარეობის გამოყენებით, ორი ან მეტი პირის მიმართ, ჯგუფურად დაკავებულის მიმართ და შეკვეთით); 25,145-ე მუხლით (დანაშაულთა პროვოკაციის მიზნით წაქეზება); 3691-ე მუხლის მე-3 ნაწილით (განსაკუთრებით მძიმე დანაშაულის შესახებ სისხლის სამართლის საქმეზე მტკიცებულებების ფალსიფიკაციის მიზნით წაქეზება); 372-ე მუხლის მე-2 ნაწილით (მოწმეზე ზემოქმედების განხორციელება, რაც გამოიხატა მოწმის იძულებაში ცრუ ჩვენების მისაცემად, რასაც ერთვის მისთვის და მისი ახლო ნათესავისთვის ძალადობა და სხვა მუქარა) გათვალისწინებული დანაშაულებისათვის. ქ. თბილისის საქალაქო სასამართლოს 2013 წლის 28 ოქტომბრის განაჩენით დავით ჭაკუა ცნობილ იქნა დამნაშავედ საქართველოს სისხლის სამართლის კოდექსის 1443-ე მუხლის მეორე ნაწილის „ა“, „ბ“, „დ“ ,„ე“ და „ზ“ ქვეპუნქტებით გათვალისწინებული დანაშაულის ჩადენაში და ძირითადი სასჯელის სახედ განესაზღვრა 3 წლითა და 9 თვის ვადით თავისუფლების აღკვეთა. დავით ჭაკუას მიმართ 2013 წლის 27 თებერვლიდან გამოცხადებული იყო საერთაშორისო ძებნა ინტერპოლის წითელი ცირკულარით. 2019 წლის 20 დეკემბერს საქართველოს გენერალურმა პროკურატურამ დავით ჭაკუას ექსტრადიციის შუამდგომლობით მიმართა გერმანიის ფედერაციული რესპუბლიკის კომპეტენტურ ორგანოებს. საქართველოს გენერალური პროკურატურის შუამდგომლობა გერმანიის ფედერაციული რესპუბლიკის მხარის მიერ სრულად დაკმაყოფილდა 2020 წლის 17 ივნისს. საქართველოს იუსტიციის, შინაგან საქმეთა და საგარეო საქმეთა სამინისტროების და გენერალური პროკურატურის კოორდინირებული მუშაობის შედეგად, მიუხედავად კოვიდ19-ის ვირუსით განპირობებული გამოწვევებისა, შესაძლებელი გახდა გერმანიის ფედერაციული რესპუბლიკის სამართალდამცავ ორგანოებთან ნაყოფიერი თანამშრომლობა მსჯავრდებულის ბერლინიდან საქართველოში ესკორტირების მიზნით. მსჯავრდებული თავდაპირველად მოთავსებული იქნება პენიტენციური სისტემის სპეციალურ სამედიცინო საკარანტინო სივრცეში. 21-დღიანი საკარანტინე პერიოდის შემდეგ, ის გადაყვანილი იქნება იმ პენიტენციურ დაწესებულებაში, რომელშიც მოიხდის ... ...
  • “იაკობ ბრეგვაძის ამ საქმესთან შემხებლობის შესახებ, 22 ივნისს, მისი დედისგან შევიტყვე“შინაგან საქმეთა სამინისტროს საზოგადოებასთან ურთიერთობის დეპარტამენტის ხელმძღვანელი ნინო გიორგობიანი სოციალურ ქსელში 19 წლის გიორგი შაქარაშვილის საქმესთან დაკავშირებით პოსტს აქვეყნებს. “პირველ რიგში, უდიდეს მწუხარებას გამოვთქვამ 18 ივნისს მომხდარ ტრაგედიასთან დაკავშირებით და ვუსამძიმრებ ოჯახს. ვადასტურებ, რომ ამ საქმის ერთ-ერთი დაზარალებული, ფოტოგრაფი იაკობ ბრეგვაძე არის ჩემი ნათესავი, უფრო ზუსტად მამაჩემის დის შვილიშვილი. დაზარალებულის დამნაშავედ გამოცხადება არ მიკვირს იმ ადამიანებისგან, ვინც წლების მანძილზე, უმძიმეს დანაშაულში მხილებული თანაგუნდელების უდანაშაულობას უმტკიცებდა საზოგადოებას. იაკობ ბრეგვაძე ამ საქმეში არის დაზარალებული და ამ რეალობას ვერაფერი შეცვლის. ის ერთადერთია რომელმაც პოლიცია გამოიძახა. ბოლო დღეების განმავლობაში ვხედავ, როგორ ხდება მის მიმართ ცრუ ინფორმაციების გავრცელება და როგორც ჩანს ახლა ახალი კამპანიის აგორება არის გადაწყვეტილი. ამასთან ერთად, მოსალოდნელი სპეკულაციების თავიდან აცილების მიზნით, თავს ვალდებულად ვთვლი, საჯაროდ განვაცხადო, რომ იაკობ ბრეგვაძის ამ საქმესთან შემხებლობის შესახებ, მე მხოლოდ 22 ივნისს, მისი დედისგან შევიტყვე, რის გადამოწმებაც, უმარტივესად არის შესაძლებელი. არ გამოგივათ! იაკობ ბრეგვაძე დაზარალებულია! დარწმუნებული ვარ, გამოძიება ყველა კითხვას გასცემს პასუხს.“ - წერს ნინო ... ...
  • გომისმთაზე მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს (R)დაბა გომისმთაში მიწის ნაკვეთების რეგისტრაციასთან დაკავშირებით ოზურგეთის მერია განცხადებას ავრცელებს როგორც ცნობილია, საქართველოს მთავრობის 2020 წლის 21 მაისს N825 განკარგულებით, ოზურგეთის მუნიციპალიტეტში შეიქმნა დაბა გომისმთის დასახლება. შედეგად „მიწის ნაკვეთებზე უფლებათა სისტემური და სპორადული რეგისტრაციის წესისა და საკადასტრო მონაცემების სრულყოფის შესახებ“ საქართველოს კანონის შესაბამისად, სსიპ „საჯარო რეესტრის ეროვნული სააგენტო“ მიმდინარე თვიდან დაბაში იწყებს მიწების სისტემურ რეგისტრაციას. ოზურგეთის მუნიციპალიტეტის მერია გაფრთხილებთ, აღნიშნული პროცედურების დასრულებამდე თავი შეიკავოთ გომისმთის მიმართულებით სამშენებლო მასალების ტრანსპორტირებისგან მშენებლობების განხორციელების მიზნით! წინააღმდეგ შემთხვევაში თქვენს მიმართ გამოყენებული იქნება კანონმდებლობით გათვალისწინებული პასუხისმგებლობის ზომები,“-აღნიშნულია ... ...
  • კოალიცია „მედიის ადვოკატირებისთვის“ მთავრობას მედიის პატივისცემისაკენ მოუწოდებსკოალიცია „მედიის ადვოკატირებისთვის“ მთავრობას მედიის თავისუფლების წინააღმდეგ წამოწყებული პროცესების შეწყვეტისა და ჟურნალისტთა პროფესიული გაერთიანების პატივისცემისაკენ მოუწოდებს ჩვენ, კოალიცია „მედიის ადვოკატირებისათვის“ წევრი ორგანიზაციები დაუშვებლად მივიჩნევთ მცდელობას სახელმწიფომ დასაჯოს და კონტროლის ქვეშ მოაქციოს მედიასაშუალებები. ვფიქრობთ, მსგავსს პრეცენდენტს ქმნის სახელმწიფო უსაფრთხოების სამსახურის მიერ „საბოტაჟის“ მუხლით წარმოებული გამოძიება. რომელიც მიმართულია „მთავარი არხის“ სიუჟეტის შინაარსზე. მიგვაჩნია, რომ წამოწყებული პროცესით, კიდევ უფრო ღვივდება მედიის მიმართ უნდობლობა, და სახეზეა ცენზურის საფრთხე. გავრცელებული ინფორმაციით, სუს-მა „საბოტაჟის“ მუხლით გამოძიება 2020 წლის 16 მარტს უწყებაში შესული ოპერატიული ინფორმაციის საფუძველზე დაიწყო. გამოძიების ფარგლებში უსაფრთხოების სამსახური სწავლობს 2020 წლის 20 ივნისს, ტელეკომპანია „მთავარი არხის“ გადაცემა „შაბათის მთავარში“ გასულ სიუჟეტს, რომელიც ეხებოდა მარნეულის მუნიციპალიტეტში პანდემიის წინააღმდეგ სახელმწიფოს მიერ მიღებული ზომების პირობებში ხელისუფლების წარმომადგენელთა მიერ უფლებამოსილებების შესაძლო ბოროტად გამოყენებას. გამოიკითხა სიუჟეტის ყველა ფიგურანტი და რესპოდენტი, ხოლო 2 ივლისს გავრცელებული ინფორმაციით, თბილისის საქალაქო სასამართლომ „მთავარი არხიდან“ რეპორტაჟის დაუმონტაჟებელი ვიდეო მასალის გამოთხოვის თაობაზე უწყების შუამდგომლობა დააკმაყოფილა. მიგვაჩნია, რომ არსებული რეალობა საგანგაშოა მედიის თავისუფლებისათვის და კრიტიკულად მნიშვნელოვანია დროულად მოხდეს დაშვებული შეცდომების გამოსწორება.სიუჟეტში პროფესიული გადაცდომის ან უზუსტობების შემთხვევაშიც კი სახელმწიფო ვალდებულია პატივი სცეს მედიის თავისუფლების ფუნდამენტურ პრინციპებს და ჟურნალისტთა პროფესიული გადაცდომების კორექციის საჭიროებისას უნდა გამოიყენოს მედიის თვითრეგულირების მექანიზმი, ისევე როგორც ჟურნალისტთა კოლეგიურ გაერთიანება - საქართველოს ჟურნალისტური ეთიკის ქარტია . კიდევ ერთხელ მოვუწოდებთ საქართველოს მთავრობას გასცეს დირექტივა მედიის თავისუფლების და უსაფრთხოების დასაცავად. ვითხოვთ, დროულად შეწყდეს მედიის თავისუფლების წინააღმდეგ წამოწყებული პროცესები და გაშუქების დეტალებზე პროფესიული სიზუსტის გამოკვლევისათვის საქმე გადაეცეს საქართველოს ჟურნალისტური ეთიკის ქარტიას ან /და შესწავლა დაიწყოს "მთავარი არხის" თვითრეგულირების მექანიზმის ... ...
  • ვინ არის 18 წლის ბიჭი, რომელიც მდინარე ტეხურუში დაიხრჩოცოტა ხნის წინ სენაკის მუნიციპალიტეტის სოფელ ნოქალაქევში, მდინარე ტეხურაში 18 წლის ბიჭი გადავარდა. როგორც გაირკვა, ის ადგილობრივი მკვიდრია.~ როგორც "გურია "ნიუსთან" თვითმხილველები ამბობენ, ბიჭს, სავარაუდოდ, გული გაუსკდა. შსს-მ მომხდარზე გამოძიება სსკ-ის 115-ე მუხლით აღძრა, რაც თვითმკვლელობამდე მიყვანას ... ...

არქივი

ტესტები

ტესტი _ იკვებებით თუ არა სწორად?

ყოველდღე ჭამთ უმ ბოსტნეულს, სალათებს?

ტესტი _ რა არის გამოსახული ამ ისტორიულ ფოტოზე?

ისრაელის მიერ პალესტინის დაბომბვა თუ...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ იცნობ თუ არა ქართულ მხატვრობას?

გამოიცანი, ვისია ეს ნახატი

ტესტი _ რა გახსოვს სკოლიდან?

გამოქვაბულში ქვევიდან ზევით აღმართულ წარმონაქმნებს...

ტესტი _ იცი თუ არა ფეხბურთის ისტორია

ვის გაუტანა 1986 წელს მარადონამ...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...

შვრიის ორცხობილა მოხალვის მეთოდით

მსუბუქი, გემრიელი და ზაფხულისთვის შესაფერი...