ნარმანია, "პატრონი" და "მენტალური პრობლემების" მქონე საზოგადოება

მთავარი თემა

ნარმანია, "პატრონი" და "მენტალური პრობლემების" მქონე საზოგადოება

2013 ნოე 25 15:36:50

თვითმმართველობის არჩევნების მოახლოებასთან ერთად, უკვე პოლიტიკიდან ოფიციალურად წასულმა ყოფილმა პრემიერმა ბიძინა ივანიშვილმა, დაპირებისამებრ, თბილისის მერობის კანდიდატი დაასახლე და კოალიცია "ქართული ოცნების" პოლიტიკურმა საბჭომაც გადაწყვეტილება მიიღო - თბილისის მერობისთვის რეგიონული განვითარებისა და ინფრასტრუქტურის მინისტრი დავით ნარმანია იბრძოლებს.

"41 გამოყოფილ პრობლემას, 41 ამოცანით დავუპირისპირდებით! გამოვხატავ მზაობას იმასთან დაკავშირებით, რომ ვიყო იქ, სადაც ჩემს ქვეყანას სჭირდება. ამ შემთხვევაში არჩევანი არის ის, რომ დედაქალაქში არსებულ რთულ პრობლემებს და გამოწვევებს შევეჭიდო იმ ადამიანებთან ერთად, რომლებიც მიცხადებენ ნდობას.

კარგად ვიცნობ იმ პრობლემებს და პროგრამებს რომლებიც ხორციელდება. ასევე კარგად ვიცნობ იმ ხარვეზებს, რაზეც უნდა იყოს მიმართული ჩვენი კოალიციის მხრიდან დასახელებული დედაქალაქის მერის საქმიანობა. ეს ყველაფერი ბოლო დღეების განმავლობაში კიდევ ერთხელ გავაანალიზე და 41 გამოყოფილ პრობლემას 41 ამოცანით დავუპირისპირდებით. მინდა დიდი მადლობა გადავუხადო, ბატონ ბიძინა ივანიშვილს, ირაკლი ღარიბაშვილს და კოალიციის სხვა წევრებს, რომლებმაც განსაკუთრებული ნდობა გამომიცხადეს და ვპირდები, რომ ის, რაც გასაკეთებელი იქნება, აუცილებლად გავაკეთებ და მე ვიქნები არა პოლიტიკოსი მერი, არამედ რეალურად სამეურნეო საქმიანობით დაკავებული მერი და დედაქალაქის მერიას ისე დავაყენებ ფეხზე, როგორც ეს სამინისტრო ერთი წლის წინ ჩავიბარე", _ განაცხადა ნარმანიამ.

ნარმანიას "ნორმალურს" უწოდებს "ქართული დასის" ლიდერი ჯონდი ბაღათურია. თუმცა, თვითონ "უკეთესს" გვპირდება. მონაწილეობასაც თვითმმართველობის არჩევნებზე, რა თქმა უნდა, აპირებს.

"რა თქმა უნდა, მონაწილეობას მივიღებთ. ჩემი აზრით, ნარმანიას კანდიდატურა ნორმალურია. თუმცა, ჩვენ უკეთეს კანდიდატს დავასახელებთ. მოაზრებული გვყავს რამდენიმე სუბიექტი, რომლებიც საკმაოდ კონკურენტუნარიანები იქნებიან.  დიდი შანსი გვაქვს გავიმარჯვოთ.

კარგია, რომ კოალიციამ მისი რჩეული ადრე დაასახელა. თუმცა, ეს ერთ პრობლემას ქმნის, ის აღარ უნდა დარჩეს მინისტრად, რადგან მათ ასეულობით მილიონი აქვთ, რომელსაც მისი რეიტინგის ასაწევად გამოიყენებენ. ჩვენ უნდა ვიყოთ თანაბარი კონკურენციის პირობებში", _ უთხრა "გურია ნიუსს" ბაღათურიამ.

თვითმმართველობის არჩევნებისთვის მზადება უკვე დაიწყო "ახალმა მემაარჯვენეებმა". თუმცა, "გურია ნიუსთან" საუბრისას კანდიდატების დასახელებისგან თავს იკავებს პარტიის ერთ-ერთი ლიდერი მანანა ნაჭყებია.

"აუცილებლად მივიღებთ მონაწილეობას. გარკვეული სმაზადისი უკვე დავიწყეთ, რეგიონებში გვაქვს გასვლითი შეხვედრები და ჩვენს რაიონულ ორგანიზაციებთან ვაწარმოებთ მოლაპარაკებებს. ჯერ-ჯერობით ნადრევია საუბარი კანდიდატურებზე. ვიცით, რომ 18 თვითმმართველი ქალაქის მერი იქნება პირდპირი წესით ასარჩევი, რაც ნიშნავს, რომ ცალკეული პოლიტიკური ძალები უნდა შევთანხმდეთ კანდიდატებზე, ერთმანეთს ხელი რომ არ შევუშალოთ.

ის, რომ ბიძინა ივანიშვილმა უკვე დაასახელა ნარმანია მერობის კანდიდატად, სრულიად ამოვარდნილია კონტექსტიდან. მან იჩქარა იმიტომ, რომ ტოვებდა პოლიტიკას", _ უთხრა "გურია ნიუსს" ნაჭყებიამ.

მიუხედავად იმისა, რომ საქართველოში მიმდინარე პოლიტიკური მოვლენების განსახილველად არასაპარლამენტო ოპოზიციური პარტიების წარმომადგენლები გუდაურში შეიკრიბნენ, უცნობია ჰქონდათ თუ არა მათ მსჯელობა თვითმმართველობის არჩევნებზე და გავლენ თუ არა ერთი, შეჯერებული კანდიდატით. 

"ჩვენ თემატურად ვთანამშრომლობთ, მაგრამ შეთანხმებებზე საუბარი ნადრევია“, _ განუცხადა მანანა ნაჭყებიან "გურია ნიუსს" აღნიშნული თემის კომენტირებისას.

ირღვევა თუ არა დავით ნარმანიას თბილისის მერობის კანდიდატად დასახელებით რაიმე პროცედურული ნორმები, შეუძლია თუ არა მას დაკავებულ თნამდებობაზე მუშაობის გაგრძელება მანამ, სანამ ოფიციალურად  გამოცხადდება არჩევნების თარიღი და საარჩევნო სუბიექტად დასახელდება?!

"პოლიტიკისა და სამართლის ცენტრის" თავმჯდომარე ამირან გიგუაშვილი "გურია ნიუსთან" აღნიშნავს, რომ დავით ნარმანიას თბილისის მერობის კანდიდატად დასახელებით, კანონი არ დარღვეულა.

"არჩევნების თარიღის გამოცხადებამდე და საარჩევნო სუბიექტად რეგისტრაციამდე, დავით ნარმანიას პოსტიდან გადადგომის ვალდებულება კანონით არ ეკისრება. საარჩევნო კოდექსი ცალსახად განმარტავს, რომ ასეთი ვალდებულება წარმოეშობა პირს, კანონით დადგენი ვადაში. შესაბამისად დავით ნარმანიას თბილისის მერობის კანდიდატად დასახელება უნდა განვიხილოთ როგორც პოლიტიკური გადაწყვეტილება და არა სამართლებრივი აქტი, ვინაიდან არჩევნების თარიღის გამოცხადებამდე, ოფიციალურ საარჩევნო კამპანიას ვერც ერთი კანდიდატობის მსურველი, მათ შორის ვერც დავით ნარმანია ვერ წარმართავს", _ განმარტავს გიგუაშვილი.

რაც შეეხება რეგიონული განვითარებისა და ინფრასტრუქტურის მინისტრის თვითმმართველობის არჩევნებზე მონაწილეობის პოლიტიკურ მხარეს, პოლიტოლოგი დემურ გიორხელიძე მიიჩნევს, რომ ამით არაფერი დაშავდება და მით უფრო სასაყვედურო არაფერი გვაქვს ბიძინა ივანიშვილთან.

მისივე თქმით, როცა ივანიშვილმა საპრეზიდენტო კანდიდატად მარგველაშვილი დაასახელა, იგი უკონკურენტო აღმოჩნდა, რადგან ყოფილი პრემიერის რჩეული იყო. სავარაუდოდ იგივე სიტუციასთან გვაქვს საქმე ნარმანიას შემთხვევაშიც, რადგან "საზოგდოება ფიქრობს ისევე, როგროც ბიძინა."

"ამ შემთხვევაში ყველაზე ნაკლები საყვედური ივანიშვილს ეკუთვნის. კაცი ამბობს იმას, რაც მიაჩნია სწორად. საზოგადოება ფიქრობს ისე, როგორც ბიძინა. საზოგადოება დამოუკიდებელ აზროვნებას არ ეჩვევა და თვითონ არ აკეთებს ანალიზს, თვითონ არ აკეთებს არჩევანს, იგი პტრონს, ავტორიტეტს ეყრდნობა. ეს ცენტრალური პრობლემაა, ყველაზე დიდი მენტალური პრობლმა. ქართველი, სამწუხროდ, ჯერ კიდევ მოქალაქედ ვერ ჩამოყალიბდა და თვითმმართველობის არჩევნებზეც არ შეუძლია საკუთარ ქალაქში ღირსეული ადამიანი მოძებნოს. იგი მთლიანად პატრონსაა მიჩერებული და რასაც ის ეტყვის იმას აკეთებს. ესაა ძალიან ტრაგიკული სიტუაცია, მაგრამ ჩვენი რეალობა", _ ამბობს "გურია ნიუსთან" გიორხელიძე.




 ახალი ამბები
  • ,,მშვიდობით, ვანიჩკა, შეხვედრამდე, შეფ!"- ივანე ხუხუნაიშვილი გარდაიცვალა47 წლის ასაკში, გულის შეტევით, მოულოდნელად გარდაიცვალა სამტრედიის მუნიციპალიტეტის საკრებულოს აპარატის უფროსი, ივანე ხუხუნაიშვილი. 1996 წლიდან ის იკავებდა საკრებულოს აპარატის უფროსის თანამდებობას. 2017 წლიდან იყო სამტრედიის მუნიციპალიტეტის საკრებულოს პირველადი სტრუქტურული ერთეულის ხელმძღვანელი. ივანე ხუხუნაიშვილი ლანჩხუთელია, სადაც  დედასთან და მეუღლესთან ერთად ცხოვრობდა. ივანე ხუხუნაიშვილის მამა, ლუდვიგ ხუხუნაიშვილი წლების განმავლობაში მუშაობდა სამტრედიის სამხედრო კომისრად. დღეს მთელი დღეა, საკრებულოს თანამშრომლები სამძიმარს იღებენ და უდიდეს გულისტკივილს გამოთქვამენ არაჩვეულებრივი ადამიანის, განათლებული და კეთილშობილი ხელმძღვანელი პირის გარდაცვალების გამო. სოციალურ ქსელში ადამიანები ივანე ხუხუნაიშვილს მოსაფერებელი სახელით ემშვიდობებიან: ,,მშვიდობით, ვანიჩკა, შეხვედრამდე, ... ...
  • მწვრთნელს მძლეოსნობაში, მარინა კოტრიკაძეს დამსახურებული მოღვაწის წოდება მიენიჭასაქართველოს განათლების, მეცნიერების, კულტურისა და სპორტის სამინისტრომ, საქართველოს სპორტის დამსახურებული მოღვაწის წოდება მიანიჭა ოზურგეთის მუნიციპალიტეტის სპორტულ - გამაჯანსაღებელ დაწესებულებათა გაერთიანების მწვრთნელს მძლეოსნობაში, მარინა კოტრიკაძეს. ინფორმაციას ამის შესახებ ოზურგეთის მუნიცილალიტეტის სპორტულ-გამაჯანსაღებელ დაწესებულებათა გაერთიანების პრესსამსახური ... ...
  • ტყემალაძე: "ვთხოვ ყველას, თავი შეიკავონ"საკრებულოს თავმჯდომარის განცხადებით, კუხიანიძის პოსტი იყო არაკორექტული, ხვალ გაიმართება უმრავლესობის სხდომა, რომლის შემდეგ გახდება ცნობილი, თუ რა გადაწყვეტილება იქნება მიღებული. „ეს განცხადება იყო ემოციური, არაკორექტული და შესაბამისად, მე მინდა ვთხოვო ყველას, თავი შეიკავონ, განსაკუთრებით ამ პერიოდში, ზოგადად ასეთი განცხადებების გაკეთება არის მიუღებელი. ჩვენ გვექნება უმრავლესობის სხდომა, კონსულტაციები და რა გადაწყვეტილებები იქნება მიღებული, ამას შეიტყობთ", - განაცხადა ტყემალაძემ. შეგახსენებთ, რომ ერეკლე კუხიანიძის ,,ფეისბუქ პოსტის"გამო ოპოზიციის წევრებმა და მოქალაქეებმა საკრებულოსთან აქცია გამართეს დეპუტატის თანამდებობიდან გადადგომის ... ...
  • მოჭენავს მერაბ ბრძენიშვილის ცხენი გურიაში? _საიუბილეო დაპირება ოზურგეთელებს_ვანდალური აქტი როცა  მოხდა ქუთაისში და მერაბ ბერძენიშვილის ქანდაკება დაშალეს, ეს იყო მისი ძალიან დიდი ტკივილი, რომელიც თან გაჰყვა დიდ ხელოვანს, _ თქვა ოზურგეთის სახვითი ხელოვნების ცენტრის 30 წლის  საიუბილეო ღონისძიებაზე, სამხატვრო გალერეის დირექტორმა, ავთანდილ თავართქილაძემ და ანონსის სახით  გააცნო ზეიმის მონაწილეებს სამომავლო ჩანაფიქრი. _თქვენ იცით, რომ ჩვენი სახვითი ხელოვნების ცენტრი მერაბ ბერძენიშვილის სახელს ატარებს. მინდა,   გითხრათ, რომ მომავალ წელს მერაბ ბერძენიშვილის ქანდაკება დაიდგმება ოზურგეთში, გალერეის წინ. როცა მისი ქნდაკება ისე დაშალეს, რომ მისი დემონტაჟიც არ მოხერხდა, მაშინ გვქონდა საუბარი, ძალიან კარგი ლაპარაკი იმის  შესახებ, რომ მერაბის ქანდაკება უნდა  დადგმულიყო აქ. „მზეჭაბუკი“ ჰქვიოდა ამ ქანდაკებას. მახსოვს, მაშინ  მითხრა: „ მე მგონია, ავთოია, ბიჭო, ჩემი ცხენი მოჭენავს გურიაშიო“... მერე ის პროექტიც ჩავარდა. სირცხვილია, რომ ასეთი ხელოვანის, დიდი გურულის ქანდაკება არ იყოს ოზურგეთში.  მართალია,  ასე ვთქვათ, ეს ცხენი რომ გამოჭენდეს გურიაში,  თანხები და მობილიზება სჭირდება,  თუმცა,  ეს მოხერხდება და ძალიან კარგი.  ასეთი  დიდ გურულის ძეგლი რომ არ იყოს გურიაში, სირცხვილიცაა,_  თქვა მან და დასძინა, რომ ბერძენიშვილის ქანდაკება განსაკუთრებით დაამშვენებს ფოლკლორის ქალაქს. საიუბილეო ღონისძიები მონაწილეები ტაშით და ოვაციით შეხვდნენ ავთანდილ თავართქილაძის ... ...
  • წარწერა ,,ღორი" და ,,ნაძირალა"- საკრებულოს წევრის კაბინეტის აბრაზეაქციის მონაწილე ოპოზიციის  დეპუტატებმა საკრებულოს წევრის ერეკლე კუხიანიძის კაბინეტის აბრაზე გააკეთეს წარწერა ,,ღორი" და ... ...

არქივი

ზაფრანი

ყველაზე მსმელი ქალები მსოფლიოში

ცოტა ხნის წინ ამერიკელმა მეცნიერებმა...

რატომ ცოცხლობენ ქალები მამაკაცებზე დიდხანს

მამაკაცები ქალებზე უფრო ხანმოკლედ ცოცხლობენ....

რა უპირატესობებს ფლობენ ქალები მამაკაცებთან შედარებით

მოქნილობა _ კუნთებში ელასტინის მაღალი და...

რომელი ცხოველი ხართ ინდიელთა ჰოროსკოპით

რომელია თქვენი ტოტემის ცხოველი ინდიელთა...

სამკაულები, რომლებსაც უბედურება მოაქვს

ზოგიერთ სამკაულს თავისი მფლობელისთვის წარუმატებლობის...
კარმიდამო ჩემი

"მოხრაკულა" დილით განსაკუთრებით საამოა

„მოხრაკულა“ _ ერთერთი ძველი ქართული...

საშიშია თუ არა ჯანმრთელობისთვის ლამინატის იატაკი

დღეს მოჭიმული იატაკი და ლამინატი...

როგორ ამოვიცნოთ ნატურალური თაფლი

ნამდვილი თაფლი არომატით გამოირჩევა ხელოვნურად...

უებარი საშუალება სიბერის შესაჩერებლად

მწვანილი ანელებს დაბერების პროცესს, აუმჯობესებს...

უებარი საშუალება გაციების წინააღმდეგ

ზამთრის მოახლოებასთან ერთად ვირუსებისა და...

მარილი _ უნიკალური გამაყუჩებელი საშუალება

თავის ტკივილით უამრავი ადამიანი იტანჯება....

ხურმა _ ჯადოსნური ხილი

ხურმა - ჩვენში დასავლეთ საქართველოში...

საშუალება, რომელიც კიბოს ამარცხებს

ლიკოპენს, რომელიც ბუნებრივი ძლიერი ანტიოქსიდანტია,...

უნიკალური მკურნალი მცენარე

მიუხედავად არაერთი მედიკამენტისა, საზოგადოების გარკვეული...

რას კურნავს მრავალძარღვა

მრავალძარღლვას საუკუნეების განმავლობაში იყენებდნენ, როგორ...