ამოცანა: რამდენ კილომეტრ ტუალეტის ქაღალდს მოიხმარენ სამინისტროები

gurianews.com

მთავარი თემა

ამოცანა: რამდენ კილომეტრ ტუალეტის ქაღალდს მოიხმარენ სამინისტროები

2013 დეკ 20 14:30:40

სატენდერო დოკუმენტაციაში მითითებულია, რომ 2200 ცალი უმაღლესი ხარისხის თეთრი ქაღალდი (ექსტრა) უნდა იყოს ორ ფენა, "ფენები შეწებილ მდგომარეობაში, ქაღალდის რულონის სიგანე 20-21 სმ, სიგრძე არანაკლებ 130მ, წონა არანაკლებ 1.2კგ. ხელსახოცს დროებით სარგებლობაში უნდა მოყვებოდეს 51 ერთეული სენსორული დისპენსერი, რომელიც უნდა მუშაობდეს როგორც ელემენტებზე, ასევე ელექტროენერგიაზე". 

სამინისტრო ტუალეტის ხელსახოცების შეძენაში 14 190 ლარის დახარჯვას გეგმავს.

ტუალეტის ქაღალდების შესაძენად კი 9 900 ლარი აქვს გამოყოფილი. სატენდერო დოკუმენტაციის თანახმად, ტუალეტის ქაღალდი უნდა იყოს "უმაღლესი ხარისხის, თეთრი (ექსტრა), ორ ფენა, ფენები შეწებილ მდგომარეობაში, ყოველ 11-13 სმ პერფორირებული, ქაღალდის რულონის სიგანე 12.5-13.5 მმ, სიგრძე არანკლებ 21 მეტრი, წონა არანაკლებ 840გრ. ქაღალდს დროებით სარგებლობაში უნდა მოყვებოდეს 74 ერთეული სმარტკლასის მექანიკური დისპენსერი, რომლის შუა ნაწილიდან უნდა გამოვიდეს ქაღალდი."

ამავე დღეს გამოცხადებული კიდევ ერთი ტენდერის მიხედვით, სამინისტრო 1600 ლარის ღირებულების 1000 ლიტრი თხევადი საპონის შეძენასაც აპირებს, რომელიც უნდა იყოს "(ექსტრა), 4 ან 5 ლიტრიან ქარხნული დაფასოებით და ხელის დამარბილებელი თვისებით. საპონს დროებით სარგებლობაში უნდა მოყვებოდეს 51 ერთეული მექანიკური დისპენსერი, მოცულობა 250-350 გრ."

აღსანიშნავია, რომ ფინანსთა სამინისტროს შპს "ვიდიჯი გრუპთან" დადებული ხელშეკრულების თანახმად, მიმდინარე წლის 31 ოქტომბერს 3 029 ლარის ღირებულების ტუალეტის ქაღალდები და ხელსახოცები აქვს შეძენილი.

იმის გასარკვევად თუ რაში სჭირდება ამდენი ტუალეტის ქაღალდი ფინანსთა სამინისტროს, პრესსამსახურში დავრეკეთ. პრესსამსახურის ხელმძღვანელმა, იმ მიზეზით, რომ ტენდერებთან დაკავშირებით პასუხის გაცემა არ შეეძლო, საჯარო ინფორმაციის გაცემაზე პასუხისმგებელ პირთან, ეკა ყაველაშვილთან გადაგვამისამართა.

_ საიდან გაქვთ ეს ინფორმაციები? _ გვკითხა ყაველაშვილმა.

_ შესყიდვების სააგენტოს საიტზე ატვირთული დოკუმენტაციებიდან...

_ არ ვიცი, რა უნდა გიპასუხოთ.

_ ის მაინც გვითხარით რამდენი ტუალეტია ფინანსთა სამინისტროში ამდენი ქაღალდი და ხელსახოცი რომ გჭირდებათ? _ ყაველაშვილმა შესყიდვების სამსახურში დეტალების გასარკვევად დრო ითხოვა.

მოგვიანებით კი გვითხრა, რომ ტენდერი 2014 წლისთვის გამოცხადდა:

_ რაც გავარკვიე ისაა, რომ ეგ 2014 წლის ტენდერია. ფინანსთა სამინისტროში კი 71 ტუალეტია. კიდევ რაიმეს დაზუსტება თუ გნებავთ, წერილობით მოგვმართეთ, _ გვითხრა ყაველაშვილმა.

პირადი ჰიგიენის ნივთებზე 67 700 ლარის დახარჯვას აპირებს შინაგან საქმეთა სამინიტრო.

"ჰიგიენური ქაღალდი, სამფენიანი; ჰიგიენური ქაღალდი ერთფენიანი; ჰიგიენური ქაღალდი, დიდი, ორფენიანი; ჰიგიენური ქაღალდი, პატარა, ორფენიანი; “ზეთის“ ხელსახოცი, შეკვრაში 200ც.ხელსახოცი; ქაღალდის ხელსახოცი სამზარეულოს სველი წერტილებისთვის; ხელსაწმენდი ორფენიანი, სუფრის, ხელსახოცი ელ.მოწყობილობასათვის; სველი ხელსახოცი ანტიბაქტერიალური შეკვრაში; ხელსახოცი, სხვადასხვა არომატით;.სველი ხელსახოცი ანტიბაქტერიული, სამგზავრო, შეკვრაში, " _ ასეთი მოთხოვნები აქვთ ძალოვან უწყებაში.

შინაგან საქმეთა სამინისტროს პრესსამსახურის ხელმძღვანელი, ნინო გიორგობიანი ამბობს, რომ სამინისტროს სხვადასხვა უწყებაში 40 000 თანამშრომელია:

_ ხელსახოცები სხვადასხვა არომატით, სველი, ანტიბაქტერიული ხელსახოცები სამგზავრო შეკვრაში, ჰიგიენური ხელსახოცების სხვადასხვა დასახელება... ეს ყველაფერი სჭირდება სამინისტროს და ამაში 67 000 ლარი უნდა დაიხარჯოს ბიუჯეტიდან?

_ ეს ერთი წლის მარაგია. ელემენტარული, ჰიგიენური საშუალებებია, რომელიც რამდენიმე ათას ადამიანს სჭირდება. ჯარს, სხვადსხვა უწყებებს, _ დაგვიკონკრეტა გიორობიანმა.

12 670 ლარის დახარჯვას აპირებს კულტურისა და ძეგლთა დაცვის სამინისტრო ხელის საშრობი ქაღალდების (ლაზერი); ტუალეტის ქაღალდების (დიდი და პატარა) და თხევადი საპნების შესაძენად.

შეფასებისა და გამოცდების ეროვნული ცენტრს 15 900 ლარის შესყიდვაზე აქვს ტენდერი გამოცხადებული.

"ხელის საშრობი ქაღალდი (ლაზერი) სიგრძე 190მ. სიგანე 25სმ. 800 ცალი; ტუალეტის ქაღალდი დიდი სიგრძე 150მ; სიგანე 10 სმ. ცალი 1300 ცალი; ტუალეტის ქაღალდი პატარა 3-ფენიანი, სიგანე 10-12 სმ. სიგრძე არანაკლებ 21 მ-ისა, 60 ცალი; თხევადი საპონი მაღალი ხარისხის, ანტიბაქტერიული ხელის დასაბანი თხევადი საპონი, არომატიზირებული, მექანიკური დისპენსერისთვის 5 ლიტრიან პლასტმასის ჭურჭელში 100 ცალი; ანტიბაქტერიული, ხელის სველი ხელსახოცი, შეფუთვაში არანაკლებ 12ცალი 500 შეკვრა." _ ეს მოთხოვნები აქვს სატენდერო დოკუმენტაციაში შეფასებისა და გამოცდების ეროვნული ცენტრს.

ჩვენ შევეცადეთ კომენტარები კულტურისა და ძეგთლა დაცვის სამინისტროდან, ასევე შეფასებისა და გამოცდების ეროვნული ცენტრისგანაც მიგვეღო, თუმცა, პრესსამსახურების ხელმძღვანელებთან დაკავშირება ვერ მოხერხდა.


ნახვა: 1785


 ახალი ამბები
  • ჩაისუნთქე სუფთა ბგერა _ ხვალ ბახმაროში პირველი მუსიკალური ფესტივალი გაიმართებახვალ, 19 აგვისტოს, გურიაში, ჩოხატაურის მუნიციპალიტეტში, კურორტ ბახმაროში, პირველი თანამედროვე მუსიკალური ფესტივალი გაიმართება. ბახმარო SunSet Fest ფერისცვალების დღესასწაულზე, ტრადიციული დოღის შემდეგ ჩატარდება და მომავალში ყოველწლიურ ხასიათს მიიღებს. ფესტივალი ზღვის დონიდან 2100 მეტრზე, მზის ჩასავალ გორასთან, 17:00 საათიდან _ დილამდე მსმენელს შესთავაზებს თანამედროვე მუსიკას ახალგაზრდებში პოპულარული ჯგუფებისა და DJ-ების შესრულებით. დაგეგმილია მზის გაცილების ცერემონიალი; ფესტივალის ტერიტორიაზე უკვე მოეწყო „კარვების ქალაქი“ ლაშქრობისა და კემპინგის მოყვარულთათვის. ტერიტორია უზრუნველყოფილია ყველა აუცილებელი სერვისით; იფუნქციონირებს კაფე & ბარი, რომლებშიც, ძირითადად, გურიაში წარმოებული პროდუქტი, ალკოჰოლიანი და უალკოჰოლო სასმელი იქნება წარმოდგენილი. ფესტივალში მონაწილეობენ მუსიკალური ჯგუფები: KILLAGES, არა, MEBO RENARD, ბაჩო ჯიქიძე & ალბანელი შამანები, George Merych, Leif S, ლურჯი იალქანი. დიჯეები: SUMO, WCAN და ანი ANI. ფესტივალზე მოსულ სტუმრებს სიურპრიზიც ელოდებათ _ მსმენელისთვის ყველაზე ცნობილი ცნობილი გურული DJ დაუკრავს. ფესტივალზე დასწრება თავისუფალია. ფესტივალი ტარდება სახელმწიფო პროგრამა “Check in Georgia“ ფარგლებში. ევროკავშირის პროექტის - " მონაწილეობითი CHARRETTE გურიის ტურიზმის განვითარების სტრატეგიისთვის" მხარდაჭერით. ორგანიზებასა და ჩატარებას უზრუნველყოფს “ა(ა)იპ „Post- ალიონი“. მედია პარტნიორი ორგანიზაციები არიან: მედია სახლი “გურია ნიუსი“ და კლიპარტი. ფესტივალის მოსამზადებელ სამუშაოებში აქტიურად არიან ჩართული გურიაში მცხოვრები ახალგაზრდები - მოხალისეები. ფესტივალი ხელს შეუწყობს ბახმაროს ტურისტული პოტენციალის პოპულარიზაციას, ადგილობრივი ახალგაზრდებისა და ბიზნეს სექტორის ჩართვას ტურიზმის განვითარებაში. ფესტივალის გენერალური სპონსორია "წყალი მარგებელი". სპონსორები არიან: კომპანია "ზედაზენი"; შპს "პალადა"; "საქენერგო რემონტი"; შპს “NEW ROAD"; "ორბი ჯგუფი" "ოზურგეთლუდი", "ვასაძის პური"; "My family", სასტუმრო "ბახმარო".; "ნატურალ თი კომპანი", "ჩვენი მარკეტი". მხარდამჭერები არიან: გურიის სამხარეო ადმინისტრაცია; ჩოხატაურის მუნიციპალიტეტი; სოფლის მეურნეობისა და გარემოს დაცვის სამინისტრო; შინ აგან საქმეთა სამინისტრო; ენერგო პრო ჯორჯია, მაჟორიტარი დეპუტატის ნინო წილოსანის ბიურო, საგანგებო სიტუაციების მართვის სამსახური; სიპ საგანგებო სიტუაციების კოორდინაციისა და გადაუდებელი დახმარების ცენტრი; ჩოხატაურის მუნიციპალიტეტის კულტურის ცენტრი; "ლიდერფუდი"; TBC ბანკი; ოზურგეთს საკრებულოს თავმჯდომარე დავით დარჩია; ოზურგეთის საკრებულოს თავმჯდომარის მოადგილე გიორგი ღურჯუმელიძე; ოზურგეთის საკრებულოს დეპუტატი გელა ჭანუყვაძე; ბიზნესმენი ბეგლარ სიორიძე, ბიზმესმენი გია ... ...
  • ბახმაროში ტრადიციული დოღისთვის სამზადისი მიმდინარეობსჩოხატაურის მუნიციპალიტეტის კურორტ ბახმაროში ტრადიციული დოღისთვის აქტიური სამზადისია. „ბახმაროს თასი 2018“-ის საქართველოს სხვადასხვა რეგიონიდან ჩასული ცხენოსნები იბრძოლებენ. ღონისძიების ორგანიზატორები წყაროს წყალი “ბახმარო” და “ნაბეღლავის” მწარმოებელი “წყალი მარგებელია“. დოღის გამართვაში მონაწილეობს ჩოხატაურის მუნიციპალიტეტი. საქართველოს ხალხური ცხენოსნობის ეროვნული ფედერაციის ორგანიზებით ღონისძიების ფარგლებში 4 გარბენი მოეწყობა. გამარჯვებულებს ფულადი ჯილდოები გადაეცემათ. ბახმაროში დოღის ჩატარებას გასული საუკუნის 30-იან წლებში ჩაეყარა ... ...
  • თვითმკვლელობა ოზურგეთში _ დაკავებულს ბრალი დაუმძიმდაშინაგან საქმეთა სამინისტროს გურიის პოლიციის დეპარტამენტის თანამშრომლებმა, ცხელ კვალზე ჩატარებული ოპერატიულ-სამძებრო და საგამოძიებო მოქმედებების შედეგად, 1996 წელს დაბადებული მ.თ., თვითმკვლელობამდე მიყვანის და წინასწარი შეცნობით არასრულწლოვანის მიმართ გარყვნილი ქმედების ბრალდებით, ოზურგეთში დააკავეს. ჩადენილი დანაშაულის უმაღლესი სასჯელი 7 წლამდე თავისუფლების აღკვეთას ითვალისწინებს. გამოძიებით დადგინდა, რომ ბრალდებულმა ოზურგეთის მუნიციპალიტეტის სოფელ ნატანებში მცხოვრები, 2002 წელს დაბადებული ნ.ბ. სოციალური ქსელის - „ფეისბუქის“ საშუალებით გაიცნო. მ.თ.-ს გოგონასთან გარკვეული დროის განმავლობაში, ამავე ქსელის მეშვეობით მიმოწერა ჰქონდა. მოგვიანებით, ბრალდებული ნ.ბ.-ს აღნიშნული მიმოწერის მისივე მშობლებისთვის გაგზავნით დაემუქრა, რის შედეგადაც არასრულწლოვანი გოგონა ინტიმური ხასიათის ფოტოსურათებისა და ვიდეოკადრების გადაღებასა და გაგზავნაზე დაითანხმა. მას შემდეგ, რაც ნ.ბ.-მ გადაღებული ფოტოები და ვიდეომასალა გადაუგზავნა, ბრალდებულმა გოგონას დაშანტაჟება დაიწყო, რის გამოც ამ უკანასკნელმა საკუთარი საცხოვრებელი სახლის ეზოში თავი ჩამოიხრჩო. დაკავებული ჩადენილ დანაშაულს აღიარებს. გამოძიება თვითმკვლელობამდე მიყვანის, ასევე წინასწარი შეცნობით არასრულწლოვანის მიმართ ჩადენილი გარყვნილი ქმედების ფაქტზე, საქართველოს სსკ-ს 115-ე მუხლით და 141-ე მუხლის 1-ლი ნაწილით ... ...
  • ელჭექი, სეტყვა, წყალმოვარდნები _ როდემდე გაგრძელდება უამინდობა საქართველოშიგარემოს ეროვნული სააგენტოს ინფორმაციით, 18 აგვისტოდან 19 აგვისტოს საქართველოს უმეტეს რაიონებში დროგამოშვებით იწვიმებს. "18 აგვისტოს დღის ბოლოდან 20 აგვისტომდე მოსალოდნელია დროგამოშვებით წვიმა ელჭექით, ზოგან ძლიერი, შესაძლებელია სეტყვა. მოსალოდნელმა ძლიერმა ნალექებმა შესაძლებელია საქართველოს პატარა მდინარეებზე წყალმოვარდნები, ხოლო ქვეყნის მთიან ზონებში მეწყრულ-ღვარცოფული პროცესების ჩასახვა - გააქტიურება გამოიწვიოს", _ ნათქვამია ეროვნული სააგენტოს ფეისბუქის ოფიციალურ გვერდზე გავრცელებულ ... ...
  • რა უნდა გაითვალისწინონ გადამფრენ ფრინველებზე ნადირობის მსურველებმასაქართველოში ნადირობის სეზონი დღეიდან დაიწყო. ინფორმაციას საქართველოს გარემოსა დაცვისა და სოფლის მეურნეობის სამინისტრო ავრცელებს. უწყების ინფორმაციით, გადამფრენ ფრინველებზე ნადირობის მსურველებმა, ნადირობისას, თან უნდა იქონიონ დაწესებული მოსაკრებლის (10 ლარი) გადახდის დამადასტურებელი ქვითარი (დედანი) და საქართველოს შინაგან საქმეთა სამინისტროს შესაბამისი ორგანოს მიერ გაცემული შესაბამისი სანადირო თოფის შენახვისა და ტარების უფლების დამადასტურებელი დოკუმენტი. 2018-2019 წლების სანადირო სეზონისთვის ფრინველებზე: ჩიბუხა, მწყერი, ქედანი, გარეული მტრედი, გულიო (გვიძინი), ჩვეულებრივი გვრიტი, ღალღა და ჩიბუხელა (გარშნეპი) ახალქალაქის, ახალციხის, ნინოწმინდის, წალკის, დმანისის, დუშეთისა და თიანეთის მუნიციპალიტეტების ტერიტორიაზე ნადირობა ნებადართულია 2018 წლის პირველი სექტემბრიდან 15 თებერვლამდე. სამინისტროს ნორმატიულ აქტში ცვლილებაა. ხანძრების გამო, სანადიროდ ნებადართული ადგილები შემცირდა. საქართველოში, დღეისათვის, 40 000-ზე მეტი მონადირეა რეგისტრირებული. ნადირობა აკრძალულია სახელმწიფო ნაკრძალებში, ეროვნულ პარკებში და მათ გარშემო 500-მეტრიან ზონაში, ასევე საქართველოს ქალაქების ადმინისტრაციულ ... ...

არქივი

ზაფრანი

,,ყველაზე", „ყველაზე“ ადამიანები მსოფლიოში

მსოფლიოში არსებობენ ადამიანები, რომლებიც მნიშვნელოვნად...

მოგწონთ თქვენი სახელი?

სახელს დიდი მნიშვნელობა აქვს ადამიანისთვის....

ამერიკელი ინდიელების ცხოვრებისეული ფილოსოფია

როცა უკანასკნელ ხეს მოჭრი, უკანასკნელ...

ქვეყნიერების მერვე საოცრება

„თუ ქვეყნიერების მერვე საოცრება გინდათ...

გადაშენების პირას მყოფი ცხოველები

ცოტა ხნის წინ ბუნების დაცვის...
კარმიდამო ჩემი

გურული მეურნის მიერ დამორჩილებული ცნობილი "ლედის თითები" _ იგივე ბამია

ოზურგეთის მუნიციპალიტეტის სოფელ მაკვანეთის მკვიდრი,...

მცენარეთა რძე და რძის პროდუქტები

ჩვენს წარმოდგენაში რძე და რძის...

გავამდიდროთ ხაჭაპური ჯიჯილაყას ნარევი გულსართით

მცენარე ჯიჯილაყა, იგივე ამარანტი, რომელსაც...

თევზის ფილეს სალათი

ზეთში შემწვარი თევზის ფილე დავჭრათ...

ბერძნული მუსაკა

მასალა: 1 კგ კარტოფილი; 2...

სუსტი განტოტვის დამაგრება

ხეხილის მოსავლიან ბაღებში, ისეთი უხვი...

დავრგოთ ტირიფი შესაფერის გარემოში

გურიაში ტირიფს ბევრგან შეხვდებით. 600-მდე...

პირველ რიგში ჩასატარებელი სამუშაოები აგვისტოში

აგვისტოში, როგორც ბაღ-ვენახებში, ისე, ბოსტნებში...

ქართველი "ზორო" ბიზნესსაქმიანობას, ამქრებთან ერთად, "ზუკიტოს ქოხიდან" იწყებს

ოზურგეთის მუნიციპალიტეტის სოფელ გომში (შემოქმედის...