ნაციონალების გეგმაზომიერი შეტევა ფარცხალაძეზე თუ "ოცნების" საკადრო პოლიტიკის კრახი

მთავარი თემა

ნაციონალების გეგმაზომიერი შეტევა ფარცხალაძეზე თუ "ოცნების" საკადრო პოლიტიკის კრახი

2013 დეკ 25 10:25:02

ფრაქცია "ქართული ოცნების" თავმჯდომარე გია ვოლსკი მიიჩნევს, რომ ოთარ ფარცხალაძის წინააღმდეგ "ნაციონალური მოძრაობის" მიერ ატეხილი ბინძური კამპანია იმ გახმაურებულ საქმეებს უკავშირდება, რომელსაც პროკურატურა იძიებს. ვოლსკის განმარტებით ნაციონალები ცდილობენ საზოგადოების ყურადღების გაფანტვას.

"ოთარ ფარცხალაძე და მისი უწყება ენერგიულად შეუდგა საქმეს, რამაც ოპოზიცია შეაშფოთა. არალოგიკურად ჟღერს, რომ ადამიანი ცხოვრობდეს, სწავლობდეს ან მოღვაწეობდეს გერმანიის ტერიტორიაზე, თავისუფალი გადაადგილების საშუალება ჰქონდეს და ამავე დროს, მას რაიმე მძიმე ბრალდება ჰქონდეს წაყენებული, ისეთი როგორზეც "ნაციონალური მოძრაობა" საუბრობს."

მთავარი პროკურორის თანამდებობიდან განთავისუფლება არასწორად მიაჩნია "ქართული ოცნების" პოლიტსაბჭოს მდივან არმაზ ახვლედიანს. როგორც ის აღნიშნავს, მისასალმებელია ფარცხალაძის მიერ საკუთარ ბრალეულობებზე ღიად საუბარი.

"მივესალმები იმას, რომ მთავარმა პროკურორმა თავის ბრალეულობაზე ისაუბრა, მივესალმები იმას, რომ ვამბობთ რაც არის სიმართლე. ეს არის ერთადერთო სწორი გზა, მაგრამ უნდა გვახსოვდეს, რომ ყველა სახის აღიარებას აქვს სხვადასხვა, შესაბამისი სასჯელი. თუკი ადამინს ათი წლის წინ ჩადენილი აქვს დანაშაული და დღეს ამ დანაშაულის კვალი არ არსებობს, ანუ ყველაფერი გაბათილდა და მოიხსნა, ამის გამო მას აეკრძალოს ქვეყნის სამსახურში ყოფნა, არასწორად მიმაჩნია".

ოპოზიციის მხრიდან გეგმაზომიერ შეტევად შეაფასა ფარცხალაძის ნასამართლეობის წინა პლანზე წამოწევა ბიძინა ივანიშვილის ყოფილმა მრჩეველმა გია ხუხაშვილმაც. მისი თქმით, არსებობს კითხვები, რომელთაც ადეკვატური პასუხები უნდა გაეცეს და სასწრაფოდ დაიხუროს თემა. ხუხაშვილის განცხადებით, ფარცხალაძემ ყველაფერი უნდა გააკეთოს, რომ მის გამო ხელისუფლება უხერხულ მდგომარეობაში არ ჩავარდეს.

"ფარცხალაძეს პირადად არ ვიცნობ, თუმცა ფაქტია, რომ მასზე შეტევა განხორციელდა. ვფიქრობ, რომ ეს თემა ან ძალიან სწრაფად, ზუსტი პასუხებით უნდა დაიხუროს ან მე მის ადგილზე თავად მივიღებდი შესაბამის გადაწყვეტილებებს, რომ არც ხელსუფლება ჩამეყენებინა უხერხულობაში და არც საკუთარი თავი. თუ ეს თემა არ დაიხურება, ჩვენ დიდი პრობლემები გვექნება უცხოეთში. იმ პოლიტიკურ კონტექსტს, რასაც „ნაციონალური მოძრაობა" ავითარებს, ფარცხალაძის საქმე მხოლოდ გააძლიერებს და ეს საერთოდ სამართალწარმოებასაც დააზიანებს და ხელისუფლებასაც. თუმცა კანონი არ ავალდებულებს ხელისუფლებას, რომ იგი გადააყენოს".

"ნაციონალური მოძრაობის" მიზანმიმართულ გეგმად და ფარცხალაძის დისკრედიტაციად აფასებს უგულავას განცხადებას ფრაქცია "ქართული ოცნება-კონსერვატორების" თავმჯდომარე გიგა ბუკიაც. მიზეზად ისიც იმავეს ასახელებს, რასაც ვოლსკი -მთავარი პროკურატურის მიეს გახმაურებელი საქმეების გამოძიების დაწყებას.

"პროკურატურამ იმ საქმეების გამოძიება დაიწყო, რომელთაც "ნაციონალური მოძრაობის" დანაშაულებამდე მივყავართ. მათ კი ძალიან კარგად იციან რა აქვთ ჩადენილი და არ სურთ ყველაფერს აეხადოს ფარდა. პროკურატურა აქტიურ ფაზაში გადავიდა. ნაციონალები კი ყველა ხერხით და მეთოდით ხელის შეშლას გეგმავენ".

პარლამენტის ადამიანის უფლებათა დაცვისა და სამოქალაქო ინტეგრაციის კომიტეტის თავმჯდომარე ეკა ბესელია მიიჩნევს, რომ ფარცხალაძემ საზოგადოებისთვის გაკათებულ განცხადებაში ყველა კითხვას გასცა პასუხი. ბესელია მთავარი პროკურორის გათავისუფლების საჭიროებას და აუცილებლობას ვერ ხედავს.

"კანონი არ დარღვეულა, როდესაც მისი გამწესება მოხდა იუსტიციის მინისტრის წარდგინებით ამ პოზიციაზე. დარწმუნებული ვარ, ფარცხალაძე თავადაც ისურვებდა, რომ მის ცხოვრებაში ასეთი უსიამოვნო ფაქტი არ მომხდარიყო. კანონის მიხედვით, აღნიშნული ინფორმაციის დადასტურების შემთხვევაში მთავარ პროკურორს უფლებამოსილება არ უნდა შეეზღუდოს".

ბესელიასგან განსხვავებული აზრი აქვს საარჩევნო და პოლიტიკური ტექნოლოგიების კვლევითი ცენტრის დირექტორ კახი კახიშვილს. მისი თქმით, ისეთი დაწესებულების პირველი პირი, რომელიც ახორციელებს საპროცესო ხელმძღვანელობას, აბსოლუტურად სუფთა უნდა იყოს კანონთან მიმართებაში.

"მთავარი პროკურატურა არის ის დაწესებულება, რომელიც ახორციელებს საპროცესო ხელმძღვანელობას ყველა იმ უწყებაზე სადაც მზადდება გამოძიება. მისი პირველი პირი უნდა იყოს აბსოლუტურად სუფთა კანონთან მიმართებაში, არ აქვს მნიშვნელობა გაქარწყლებულია თუ არა ის დანაშაული. არის დოკუმენტი, კონკრეტულად გერმანიის სასამართლოს განაჩენი, სადაც წერია, რომ პირობითად ოთარ ფარცხალაძე გასამართლდეს ყაჩაღობისთვის და სასჯელის ზომაც განსაზღვრულია. მთავარი პროკურატურის თემა ყოველთვის იქნება საპრობლემო, მანამ, სანამ პროკურატურა არის აღმასრულებელი ხელისუფლების ნაწილში".

მთავარი პროკურორის ნასამართლობის თემას გამოეხმაურა "დემოკრატიული მოძრაობის" ლიდერი ნინო ბურჯანაძე, რომელმაც განაცხადა, რომ „ნაციონალურ მოძრაობას" არ აქვს მორალური უფლება სამართლიანობაზე ლაპარაკობდეს. მისივე თქმით ოთარ ფარცხალაძე „ნაციონალური მოძრაობის" მმართველობის დროსაც საკმაოდ სერიოზულ თანამდებობებზე მუშაობდა და იმ დროს მისი წარსულით არ დაინტერესებულან. ბურჯანაძე მიიჩნევს, რომ მთავარი პროკურორი უნდა იყოს სუფთა წარსულის და ფარცხალაძის ამ თანამდებობაზე დანიშვნას „ქართული ოცნების“ საკადრო პოლიტიკის კრახად აფასებს.

"პროკურორის თანამდებობა არის პოლიტიკური თანამდებობა, რომელზე მუშაობასაც სჭირდება არა მარტო სამართლებრივი უფლება, არამედ, სჭირდება მორალური უფლებაც. ადამიანს, რომელიც გასამართლებული იყო მძიმე დანაშაულისათის, არ აქვს არც მორალური და არც პოლიტიკური უფლება, ეკავოს მსგავსი თანამდებობა. საინტერესოა, იცოდნენ თუ არა ამ ფაქტის შესახებ ხელისულფების უმაღლესმა პირებმა? და თუ იცოდნენ, ეს იქნება ნათელი გამოხატულება „ქართულიოცნების" საკადრო პოლიტიკის კრახისა".

შეგახსენებთ, რომ გიგი უგულავას განცხადების თანახმად, მთავარი პროკურორი ოთარ ფარცხალაძე გერმანიაში 2001 წლის 16 იანვარს ყაჩაღური ქურდობისთვისაა გასამართლებული აუსბურგის რაიონული სასამართლოს მიერ, სადაც მას გერმანიის სისხლის სამართლის კოდექსის 249-ე და 252-ე მუხლებით ძირითადი სასჯელი პატიმრობა 1 წელი და 3 თვე მიესაჯა.




 ახალი ამბები
  • "2020 წელს ვინ გაიმარჯვებს, ამას მოსახლეობა გადაწყვეტს და არა გიგა ბოკერია" _ კალაძე2020 წელს ვინ გაიმარჯვებს, ამას გადაწყვეტს ჩვენი ქვეყნის მოსახლეობა და არა გიგა ბოკერია, - ასე ეხმიანება დედაქალაქის მერი კახა კალაძე „ევროპული საქართველოს“ ერთ-ერთი ლიდერის, გიგა ბოკერიას განცხადებას. მისივე თქმით, ქვეყანაში პოლიტიკური კულტურის ნაკლებობაა და ამის ნათელი მაგალითი ოპონენტების განცხადებებია. „მე შემიძლია კიდევ ერთხელ მოვიშველიო ჩვენი პარტიის ლიდერის, ბიძინა ივანიშვილის განცხადება, რომ ჩვენ მოვექცევით ჩვენს ოპონენტებს ისე, როგორც ჩვენს ქვეყანას ეკადრება და არა ისე, რასაც ისინი იმსახურებენ. თუმცა, ამ წლების განმავლობაში ისინი შეეცადნენ, რომ ეს მიდგომა, ეს დამოკიდებულება ჩვენ წინააღმდეგ გამოეყენებინათ“, - განაცხადა კახა ... ...
  • „ტურიზმის განვითარების მიმართულებაში მთავარი „ჩაის გზაა“ _ კარლ ჰარცელი გურულ სოფელშიევროკავშირის ელჩმა კარლ ჰარცელმა, ევროპის დღეებთან დაკავშირებული ვიზიტის   ფარგლებში, ოზურგეთის მუნიციპალიტეტის სოფელ წითელმთაში მეწარმე ლიკა მეგრელაძის საოჯახო სასტუმრო „კომლი“ დაათვალიერა. სახლის მფოლობელმა ლიკა მეგრელაძემ  ევროკავშირის მხარდაჭერილი პროექტის, “მონაწილეობითი პრონციპები გურიის ტურიზმის განვითარების სტრატეგიისთვის”, მიერ გაცემული გრანტის ფარგლებში, მოახდინა ჩაის პლანტაციის რეაბილიტაცია და გაფართოება, განაახლა ტრადიციული ჩაის ჯიშები. საპატიო სტუმართან ტურიზმის განვითარების მიმართულებებში ერთ-ერთ უმთავრესზე, „ჩაის გზის“ შესახებ, ოზურგეთის მუნიციპალიტეტის მერიის ეკონომიკის სამსახურის უფროსმა ალეკო მამეშვილმა ისაუბრა: _  ბევრი ვიფიქრეთ, რა უნდა ყოფილიყო ისეთი, რაც გურიას  საქართველოს სხვა  რეგიონებისგან განასხვავებდა და ეს არის სწორედ, „ჩაის გზა“. ასე დავიწყეთ ამ პროექტის შექმნა.  ჩვენი ერთ-ერთი წარმატებული ნაბიჯი არის ის, რომ ტურისტების 70% ყოფილი საბჭოთა კქვეყნებიდან შემოდის და  კარგად ახსოვთ ქართული ჩაის გემო. ამიტომ ნაკლები რეკლამა სჭირდება ამ საქმეს. გვაქვს ოთხი ძირითადი ლოკაცია. ასევე, ტურიზმის განვითარების სტრატეგიაში ერთ-ერთი საინტერესო მიმართულებაა ბალნეოლოგიური ტურიზმი, _ უთხრა სტუმრებს მამეშვილმა და გააცნო მათ ინფორმაცია ნასაკირალის სამკურნალო წყლების შესახებ,  უთხრა, რომ აქ 1930 წელს გაიხსნა ბალნეოლოგიური კურორტი. კარლ ჰარცელმა ინტრესით   დაათვალიერა იქვე, სახელდახელო მოწყობილი გამოფენა, სადაც ვიზუალურად, ფოტოებით იყო ნაჩვენები 1930 წელს ნასაკირაში ბალნეოლოგიური კურრორტის გახსნა და თანმხლები ... ...
  • სისხლიანი გარჩევა ლისის ტბაზე - ექიმებმა ვეფხვაძის გადარჩენა ვერ შესძლესგოჩა ვეფხვაძე დღეს საავადმყოფოში გარდაიცვალა, მძიმე დაზიანებებით 41 წლის მამაკაცი საავადმყოფოში 6 ოქტომბერს მოათავსეს, თუმცა ერთ კვირიანი მცდელობის მიუხედავად ექიმებმა მისი გადარჩენა ვერ მოახერხეს. ვეფხვაძეს გულ-მკერდის მარცხენა მხარეს, ასევე ბარძაყის ქვედა კიდურზე და წვივებზე 4 მძიმე ჭრილობა ჰქონდა მიყენებული. 41 წლის მამაკაცს ქირურგიული ოპერაცია 3 საათის განმავლობაში უტარდებოდა. არსებული ინფორმაციით, ვეფხვაძეს დაპირისპირება, სავარაუდოდ, ძველ მეგობრებთან – ძმებ ფეიქრიშვილებთან და ნოდარ ნიშნიანიძესთან მოუვიდა, რომლებთანაც კონფლიქტი წლების განმავლობაში ჰქონდა. ვეფხვაძე 6 ოქტომბერს ლისის ტბაზე დაჭრეს, თუმცა, დაჭრილი კაცი შარტავას ქუჩაზე, მის საცხოვრებელ სახლთან მანქანით ... ...
  • რა „უთხრა“ ელჩს „ნატვრის ხემ“ და რა უმღერეს მას საქველმოქმედო ასოციაცია „გურიას“ ბენეფიციარებმაოზურგეთში ევროპის დღეების აღნიშვნის პროცესში, ევროკავშირის ელჩი საქართველოში, კარლ ჰარცელი საქველმოქმედო ასოციაცია „გურიას“ ეწვია. შეხვედრა ამაღელვებელი იყო. საპატიო სტუმარს აქ საგანგებო მადლობა გადაუხადეს უდიდესი თანდგომისთვის. კარლ ჰარცელმა დაათვალიერა ბენეფიციართა  დაწესებულება, გაეცნო მათ ნამუშევრებს. _ რას ამბობს „ნატვრის ხე“? _ იკითხა ელჩმა იმ საგამოფენო ოთახში,  სადაც გამოფენილი იყო ბენეფიციართა თვითშემოქმედების ნიმუშები, მათ შორის „ნატვრის  ხე“, რომელზეც  ბავშვების სურვილები ლამაზი ფერადი ქაღალდებით იყო მიმაგრებული. „ჩვენ გვსურს ვიმოძრაოთ თავისუფლად“, „მსურს მქონდეს აიფონი“, „მე პლანშეტი მინდა“... _  უთარგმნეს ელჩს „ნატვრის ხეზე“  მიბნეული სურვილები. შეხვედრის დასასრულს, ბენეფიციარებმა კარლ ჰარცელს მადლობის ნიშნად საკუთარი მუსიკალურ-ქორეოგრაფიული შემოქმედება წარუდგინეს _ „არ წახვიდე, არ დაგვტოვო, შენი სუნთქვა ჩვენთვის ყველაფერია...“ _ იმღერეს მათ. თან უთხრეს, რომ ეს  სიმღერა ახლა აქ ყველაზე პოპულარულია და საპატიო სტუმარს უძღვნეს. ელჩმა ბენეფიციარებთან  ერთად სამახსოვრო ფოტოები ... ...
  • ტაქსის მძღოლი, რომელმაც უკრაინელ ტურისტ ქალს სცემა, დააკავესტაქსის მძღოლი, რომელმაც უკრაინელ ტურისტ ქალს სცემა, დააკავეს. ინფორმაციას შინაგან საქმეთა სამინისტრო ავრცელებს. უწყების ცნობით, შინაგან საქმეთა სამინისტროს თბილისის პოლიციის დეპარტამენტის ვაკე-საბურთალოს სამმართველოს თანამშრომლებმა, ჩატარებული ოპერატიულ-საგამოძიებო მოქმედებების შედეგად, 1967 წელს დაბადებული გ.თ. უცხო ქვეყნის მოქალაქის მიმართ ჩადენილი ძალადობისა და ნივთის დაზიანების ბრალდებით დააკავეს. ​ჩადენილი დანაშაული 3 წლამდე ვადით თავისუფლების აღკვეთას ითვალისწინებს. ​„გამოძიებით დადგინდა, რომ გ.თ.-მ თბილისში, ი. აბაშიძის ქუჩაზე, ურთიერთშელაპარაკების ნიადაგზე, უკრაინის მოქალაქე ლ.კ.-ს ჯერ სიტყვიერი, შემდეგ კი ფიზიკური შეურაცხყოფა მიაყენა. ასევე, დააზიანა მისი კუთვნილი ნივთები. ძალადობის და ნივთის დაზიანების ფაქტზე გამოძიება საქართველოს სისხლის სამართლის კოდექსის 126-ე მუხლის და 187-ე მუხლის 1-ლი ნაწილებით მიმდინარეობს,” - აღნიშნულია შსს-ს ... ...

არქივი

ზაფრანი

ხილი, რომელსაც უნდა ვერიდოთ

სამწუხაროდ, ყველა ხილი ჩვენი ფიგურისთვის...

მკურნალი ყველი

რამდენი თვის წინ დანიელმა მეცნიერებმა...

კივის დიეტა

საუზმე მოამზადეთ სალათი, მწვანე ხახვით,...

ჩვილი ბავშვების საოცარი თვისებები

ჩვილები არ ტირიან სინამდვილეში ჩვილები...

ყურძნის კურკის სამკურნალო თვისებები

ყურძნის კურკებში დიდი რაოდენობით E...

რატომ უნდა ვსვათ სტაფილოს წვენი?

ძირითადი მიზეზი, რატომ ითვლება სტაფილო...
კარმიდამო ჩემი

ციტრუსოვანთა დაავადებების წინააღმდეგ ბრძოლა კიდევ უფრო უნდა გავააქტიუროთ

მეციტრუსეობა საქართველოს სუბტროპიკული სოფლის მეურნეობის...

მოცვის კულტურა სოფლის ხვალინდელი დღეა (R)

მოცვის კულტურის გაშენებით დაინტერესებულმა პირებმა...

გურიაში გოჯიბერის გაშენება პერსპექტიულია

არსებობს მცენარეთა ისეთი პერსპექტიული, პოპულარული...

ულამაზესი, "მორჩილი" სურო და ლიანებით გამოხატული სილამაზე

სუროს დეკორატიულობა განსაკუთრებით თვალში საცემი...

როგორ შევინახოთ სათესლედ და სანელებლად გამოსაყენებელი ბოსტნეული

სხვადასხვა ბოსტნეული, განსაკუთრებით, სანელებლები, როგორიცაა...

როგორ ვებრძოლოთ კოღოებს ხალხური მეთოდებით

კოღოები ნამდვილადაა დიდი თავსატეხი. არც...

როგორ გახდა იდეალური დედა იდეალური მეწარმე

ქალი, რომლის ცხოვრება საგანგებოდ შექმნილი...

საზამთრო გურიის პირობებში

ზოგადად, დასავლეთ საქართველოში საზამთროს მოყვანა...

შევარჩიოთ ტყემლის ჯიშები და მეტი ყურადღება დავუთმოთ მის გაშენებას

ტყემლის კულტურა საქართველოში უძველესი დროიდან...

სახის მოვლის ნატურალური საშუალებები

მუდამ სილამაზესა და სიკოხტავეზე მოფიქრალ...