კრიმინალი თუ მოედნის მოწესრიგების მცდელობა

მთავარი თემა

კრიმინალი თუ მოედნის მოწესრიგების მცდელობა

2011 ივლ 25 22:36:04
_ ამის შესახებ "გურია ნიუსს" სანდო წყარომ აცნობა. მისი თქმით, მსგავს ფაქტს, ოზურგეთში პირველად არ აქვს ადგილი და კონკრეტული პიროვნებები გარემოს ზიანის მიყენების სანაცვლოდ, საკუთარ ბიუჯეტს ავსებენ. როგორც გარემოს დაცვით საკითხებში ექსპერტმა რეზო გეთიაშვილმა გვითხრა, საინტერესო და საგამოძიებო საკითხია, სად მიაქვთ ან, როცა გამწვანება ხდება, საიდან მოაქვთ ჰუმუსი, ანუ ნიადაგის ყველაზე ნაყოფიერი ფენა. ასევე ექსპერტმა როლანდ რცხილაძემ გვაცნობა, რომ მსგავსი ქმედება კრიმინალია და რამდენიმე დღის წინ, ჰუმუსით დატვირთული გემი დააკავეს, რომელიც სწორედ დასავლეთ საქართველოში აღებული ნიადაგის საფარით იყო სავსე.

წყაროს ინფორმაციით, ნატანებში, მინდვრის საფარი, ანუ ჰუმუსი, რამდენიმე პიროვნებამ აიღო და მისი რეალიზაციაც მოახერხა.

როგორც ახალშენის უბანში მცხოვრებლები ამბობენ, მათ უთხრეს, რომ აქ მოედანი უნდა მოწესრიგდეს, ჯერ მოიხნას, შემდეგ კი მინდორი დაითესოს.

"ასე ვიცი, რომ მოედანი უნდა მოაწესრიგონ და გაალამაზონ, სხვა ჩვენთვის არავის არაფერი აუხსნია. გვითხრეს, ეს საფარი უნდა ავიღოთ და ხელახლა უნდა დავთესოთო", _ გვითხრა 72 წლის ნ. ზედგენიძემ.

"ალბათ, მოედანს აპირკეთებენ, გადახნავენ და დათესავენ", _ თქვა იქვე მცხოვრებმა შუა ხნის მამაკაცმა.

იმ დროს, როცა მოედანზე ვიმყოფებოდით, სავარაუდოდ, იმ უბანშივე მცხოვრები მამაკაცები მოვიდნენ, რომლებსაც რამდენიმე შეკითხვით მივმართეთ:

_ რა კეთდება?

_ მოედანი.

_ მანამდე მოედანი არ იყო?

_ მოედანი არ იყო. რაც არის, ეს ჩვენი გაკეთებულია, აი, ამ ბიჭების. მე ამ ხსნის კაცი ვარ და გელაპარაკებით.

_ დიახ, გისმენთ.

_ არავისგან არც დაფინანსება გვაქვს და არც დახმარება. თუ რამეს დაიწყებ, მაშინ წამოგესევიან. აგია ეს მთავრობა?! ჩვენ ვაკეთებთ, ბიძია, და გვაცალეთ. დაინახავთ, რაც გაკეთდება.

_ სად წაიღეთ ჰუმუსი?

_ არ ვარგოდა ის მინდორი და იმიტომ ავიღეთ.

_ სად წაიღეთ?

_ გადავყარეთ.

_ შეიძლება ვნახოთ, სად დაყარეთ?

_ არ ვიცი, გადავყარეთ. თქვენ მინდორი სად წავიღეთ, ის გაინტერესებთ, თუ რა კეთდება?

_ ორივე.

_ ჩვენ არავინ მოგვხმარებია კომუნისტებიდან დაწყებული. აქ იყო, ბიძია, გვიმბრალა, ტურები ბუდობდნენ. ჩვენ გავაკეთეთ და თავი დაგვანებონ. ეს ჩვენი მიწაა, ჩვენი ტერიტორიაა, სოფლის. ჩვენი შვილები ითამაშებენ აქ და შეგვეშვას ყველა. თქვენ თქვენს საქმეს მოუარეთ, ჩვენ დაგვანებეთ თავი. ამის მეტი საქმე არაფერი გაქვთ? _ საკმაოდ აგრესიულად გვესაუბრებოდა ერთ-ერთი მამაკაცი.

როგორც სოფელ ნატანების რწმუნებულმა კახაბერ კოპლატაძემ გვითხრა, ის საქმის კურსშია მოედანზე საფარის აღებასთან დაკავშირებით: _ მე დღეს ვიყავი ადგილზე (საუბარი ჩაწერილია 21 ივლისს) და ფოტოც გადავიღე.

_ ვინ ჩაგაყენათ საქმის კურსში?

_ ვაჟა შენგელიამ. მითხრა. ასე ხდებაო და დღესვე მივედი.

_ რა გითხრეს, რა ხდებაო?

_ მინდორი აქვთ აღებული, "შტანგები" კი მოთხრილიო. გავიკითხე და ჯერჯერობით ვერ დავადგინე, ვინ ჩაიდინა ეს. ახლა ვაპირებ ღონისძიების გატარებას.

_ რა ღონისძიების გატარებას გეგმავთ?

_ უფროსობას ჩავაყენებ საქმის კურსში _ მუნიციპალიტეტის გამგებელს და იმ პირებს, ვისაც ეს საკითხი ეხება.

_ თქვენი ინფორმაციით, რა მდგომარეობაა ახლა მოედანზე?

_ ჩემი ინფორმაციით, მოედანი გაფუჭებულია, აჭრილია მინდორი. მეც მაქვს ინფორმაცია, რომ მოჭრილი ნიადაგი გაყიდული აქვთ. როგორც გითხარით, ვიყავი და შევხვდი რამდენიმე პიროვნებას. არ მითხრეს, ვინ გააკეთა, მაგრამ დავიბარე, რომ ვინც ეს გააკეთა, ჩემთან მოვიდეს, რადგან მე ასე ვერ დავტოვებ ამ საქმეს,-მეთქი. პასუხი უნდა აგოს ვიღაცამ. ჯერ მოედანია, მერე _ მინდორი.

_ ვისი საკუთრებაა მოედანი?

_ გავარკვევ საკუთრების საკითხს. სოფლის ან მუნიციპალიტეტის საკუთრება იქნება. ჯერ არ ვიცი, დავადგენ. მითხრეს, რაღაც კრება ჩატარდაო და ესეც უნდა გავარკვიო, _ გვითხრა სატელეფონო საუბარში ნატანების რწმუნებულმა.

"გურია ნიუსი" ოზურგეთის მუნიციპალიტეტის გამგებელს, სოფელ ნატანების მაჟორიტარ დეპუტატს გია ტაკიძეს დაუკავშირდა. ტაკიძის თქმით, მან აღნიშნულის შესახებ არაფერი იცის: _ გავარკვევ და დაგიკავშირდებით, _ შეგვპირდა გამგებელი.

ბუნებრივი რესურსების სააგენტოს გურიის სამსახურის უფროსის ნიკოლოზ ნოზაძის თქმით, მიმდინარეობს აღნიშნული ფაქტის შესწავლა: _ მსგავსი ქმედება ისჯება საქართველოს ადმინისტრაციული სამართალდარღვევათა კოდექსის 51 პრიმა მუხლის თანახმად, რაც ითვალისწინებს 1500-2000 ლარამდე ჯარიმას, _ გვითხრა ნოზაძემ.

ახალგაზრდა იურისტთა ასოციაციის ოზურგეთის ოფისის იურისტი ქეთი თოიძე: "მიწის ნაყოფიერი ფენის მოხსნა და გადაადგილება, რაც დაკავშირებული არ არის დადგენილი წესით ნებადართულ ღონისძიებებთან, გამოიწვევს დაჯარიმებას ათას ხუთასიდან ორი ათას ლარამდე."

ექსპერტი როლანდ რცხილაძე "გურია ნიუსთან" საუბარში ამბობს, რომ მიწის კოდექსი, რომელიც დღეს საქართველოში მოქმედებს, ძალიან მოძველებულია: _ ის, რამდენიმე წლის წინ, ამ მთავრობამდეა მიღებული. კოდექსის მიხედვით, ნიადაგის მოჭრა, გადაადგილება და გამოყენება აკრძალულია, გარდა ზოგიერთი შემთხვევისა, როდესაც ხდება მშენებლობა. მაშინ აუცილებელია, მშენებლობის დაწყების წინ, ტერიტორიაზე მოიჭრას ჰუმუსი, შეინახოს და მერე გამოყენებული იქნას მიზნობრივად, _ გვითხრა რცხილაძემ, _ ასეთი ქმედება, იმ შემთხვევაში, თუ რაიმე დოკუმენტი და პროექტი არსებობს სტადიონის რეკონსტრუქციისა, დასაშვებია; თუ არ არსებობს, მაშინ დასჯადი და კრიმინალია. ძალიან მეეჭვება, რომ გარემოს დაცვის სამსახურის გარეშე ხდებოდეს ეს უკანონო ქმედება.

თქვენი რაიონის გამგეობამ უნდა აღძრას საკითხი და არა კერძო პირმა. ისე, გეტყვით, რომ თუ გინდათ მოედანი კარგი იყოს, ამისთვის ჰუმუსიანი ნიადაგი არ გამოდგება _ მსოფლიოში არც ერთ მოედანზე ჰუმუსიან გრუნტს არ იყენებენ. როცა ახალი მოედანი შენდება, იქ მთლიანად უნდა მოიჭრას ძველი ნიადაგი, უნდა გაკეთდეს სადრენაჟო გრუნტი და შემდეგ ამ სადრენაჟო გრუნტზე იყრება ხრეში, ნიადაგის ნაზავი და არა ის, რაც ადრე არსებობდა. თქვენ, პირველ რიგში, გაარკვიეთ, არსებობს თუ არა რეკონსტრუქციის დოკუმენტი. თუ არ არსებობს, თქვენ მოგებული ხართ ამ საქმეში.

_ ბატონო როლანდ, პროექტი რომ არსებობდეს, ამის შესახებ როგორც სოფლის რწმუნებულს, ისე მუნიციპალიტეტის გამგებელს უნდა სცოდნოდათ.

_ გამოიძიეთ, მიყევით ბოლომდე. ასე თვითნებურად მიწის მოჭრა და გადაადგილება დასჯადია. თქვენ პირველი არ ხართ, ასეთ შემთხვევის გამო რომ მიკავშირდებით _ საქართველოში ყველგან ხდება მსგავსი რამ. ცოტა ხნის წინ ნიადაგით დატვირთული გემი დააკავეს, საზღვარგარეთ გაჰქონდათ, თან დასავლეთ საქართველოდან. ეს ამბავი სულ რაღაც ათი დღის წინ მოხდა და სისხლის სამართლის საქმეა აღძრული.

როლანდ რცხილაძის განმარტებით, ერთი სანტიმეტრის სისქის ჰუმუსის ჩამოყალიბებას, საუკუნე და ცოტა მეტი სჭირდება.

ექსპერტ რეზო გეთიაშვილის განცხადებით, ეს სერიოზული პრობლემაა: _ ძალიან საინტერესოა, საიდან იღებენ და სად გააქვთ ჰუმუსი. თუ ბუნებიდან ხდება მისი აღება, მაშინ ძალიან სერიოზულ პრობლემასთან გვაქვს საქმე. ისიც ცუდია, რომ მატერიალური ზიანი მიადგა სპორტულ მოედანს, ასე ვთქვათ, გაძარცვეს, რაც სისხლის სამართლის დანაშაულია.




 ახალი ამბები
  • საპენსიო სააგენტო მოსახლეობას სიფრთხილისკენ მოუწოდებსსაპენსიო სააგენტო მოსახლეობას სიფრთხილისკენ მოუწოდებს. სოციალურ ქსელში გამოჩნდა კიბერთაღლითების მიერ შექმნილი ყალბი ვებ-გვერდები, რომელსაც საპენსიო სააგენტოსთან არანაირი კავშირი არ აქვს.ვებ-გვერდზე მომხმარებლებს საბანკო ბარათის მონაცემების შეყვანას თხოვენ. ყალბი ვებ-გვერდები უკანონოდ იყებენენ საპენსიო სააგენტოს სიმბოლიკას. თაღლითური სქემის შესახებ საპენსიო სააგენტომ მიმართა შინაგან საქმეთა სამინისტროს. მიმდინარეობს გამოძიება. საპენსიო სააგენტო მოსახლეობას სიფრთხილისკენ მოუწოდებს და განმარტავს, რომ სააგენტოს ოფიციალური ვებ-გვერდის მისამართია pensions.ge, სადაც საბანკო მონაცემების შეყვანა არ არის გათვალისწინებული. საპენსიო ანგარიშის შესამოწმებლად საჭიროა მხოლოდ პირადი ნომერი და დამსაქმებლის მიერ მოწოდებული საწყისი ერთჯერადი პაროლი, თუ სისტემაში პირველად შედიხართ, ან თქვენი პირადი პაროლი. ... ...
  • რუსთავი-თბილისის მიმართულებით მგზავრობა გაძვირდა დღეიდან რუსთავი-თბილისის მიმართულებით 11-დან 6 მარშრუტზე მგზავრობა 30 თეთრით გაძვირდა და 1,8 ლარი გახდა. რაც შეეხება დანარჩენ 5 მარშრუტს, ფასი ჯერჯერობით, უცვლელია. ახალი ტარიფის გადახდა მგზავრებს დღეიდან მეტროს სადგურ „დიდუბის“, რკინიგზის სადგურის, მეტროს სადგურ „ვარკეთილისა“ და სპორტის სასახლის მიმართულებით მგზავრობისას უწევთ. მგზავრობის ღირებულება 1.50 ლარი რჩება რუსთავი, ძველი ბაზარი - თბილისი, მოსკოვის გამზირი; რუსთავი, ძველი ბაზარი - თბილისი, ისთ ფოინთი; რუსთავი, შარტავას გამზირი - თბილისი, ლილო; რუსთავი, მეტალურგიული ქარხანა - თბილისი, გლდანი; რუსთავი, მე-19 მიკრო რაიონი - თბილისი, უნივერსიტეტის მაღლივი ... ...
  • პატრიარქი: ადამიანის სულში ცვლილებებია და საჭიროა ყურადღება, რომ მიწიერმა არ გაიტაცოსსაქართველოს კათოლიკოს-პატრიარქმა, უწმინდესმა და უნეტარესმა ილია მეორემ სამების საკათედრო ტაძარში ფერისცვალების დღესასწაულთან დაკავშირებით მრევლს ქადაგებით მიმართა. მისი თქმით, მნიშვნელოვანია ადამიანმა სრულყოფილებასა და სულიერებაზე იზრუნოს. „ერთ მდგომარეობაში არაფერი ჩერდება, ყველაფერი მოძრაობს, იცვლება. ძველი რომაელები ამბობდნენ, დრონი იცვლებიან და ჩვენ ვიცვლებით მასთან ერთადო. დღეს, როცა ასეთი ცვლილებებია ადამიანის სულში, ბუნებაში, გონებაში, საჭიროა დიდი ყურადღება, რომ მიწიერმა, ხორციელმა არ გაიტაცოს ადამიანი. ადამიანი ან მაღლა ადის სრულყოფის კიბეზე, ან დაბლა ჩადის. ყველაფერი უნდა გავაკეთოთ, რომ ავიდეთ მაღლა და შევხვდეთ უფალს“,  - აღნიშნა პატრიარქმა. 19 აგვისტოს მართლმადიდებელი ეკლესია მაცხოვრის ფერისცვალებას აღნიშნავს. ამ დღეს ტაძრებში წირვა-ლოცვა სრულდება. სადღესასწაულო ლიტურგია სამების საკათედრო ტაძარში 10:00 საათზე ... ...
  • ამ ეტაპზე "რუსთავი 2"-ის მყიდველი არ გამოჩენილა - სალიაამ ეტაპზე რუსთავი 2-ის მყიდველი არ გამოჩენილა - ამის შესახებ განცხადება, არხის გენერალურმა დირექტორმა პაატა სალიამ ქრონიკასთან საუბრისას გააკეთა. მისი თქმით, თუ მყიდველი დღესაც არ გამოჩნდა, კონკრეტულ გეგმებს საზოგადოებას დღეს გააცნობს.  "ამ ეტაპზე მყიდველი არ გამოჩენილა. ჩვენი პირობა იყო რომ საჯაროდ გამოჩენილიყო აღნიშნულის თაობაზე. თუ არ გამოჩნდება მსურველი მაშინ გეგმების შესახებ დღესვე გავაცნობთ. საუბრები გაკოტრების შესახებ არის გადაჭარბებული. ასეთი რამ არ იგეგმება, მაგრამ იგეგმება კონკრეტული ღონისძიებები, რაც კომპანიის ვალების გასტუმრებაში შეუწყობს ხელს",- განაცხადა ... ...
  • ყიდულობს თუ არა ვანო ჩხარტიშვილი "რუსთავი 2"_ს _ ბიზნესმენის ექსკლუზიური კომენტარიგავრცელებული ინფორმაციით, ტელეკომპანია რუსთავი 2_ს, რომლის გაყიდვის შესახებ განცხადება ხალვაშმა რამდენიმე დღის წინ გაავრცელა, მყიდველი უკვე გამოუჩნდა. როგორც ამბობენ, ტელეკომპანის ბიზნესმენი ვანო ჩხარტიშვილი ბიძინა ივანიშვილის დავალებით ყიდულობს. თუმცა, გურია ნიუსისთვის მიცემულ ექსკლუზიურ კომენტარში ჩხარტიშვილი ამას ურყოფს: _ სისულელეა და ამაზე არ გავაკეთებ კომენტარს, _ გვითხრა ჩხარტიშვილმა და დააკონკრეტა, რომ ტელევიზიის ყიდვას არ ... ...

არქივი

ზაფრანი

როგორ ზრუნავენ სილამაზეზე ზოდიაქოს ნიშნის ქალები

ალბათ, დაკვირვებიხართ, რომ სუსტი სქესის...

როგორი ცოლი სჭირდება მამაკაცს ზოდიაქოს ნიშნის მიხედვით

სრულიად საქალეთი და მამაკაცური სამყაროს...

ბავშვი, მშობელი, ასტროლოგია

ალბათ დაკვირვებიხართ იმ ფაქტს, რომ...

რეკორდული წაგება

იშვიათად მოიძებნება ადამიანი, რომლის გარემოცვაში...

ხუთი ყველაზე უცნაური პროფესია

ქოქოსის პალმის სპეციალისტი მისი დანიშნულებაა...
კარმიდამო ჩემი

უკრაინული გოგრა _ საუკეთესო თვისებების მქონე საკვები აგრარული კულტურა

წარმატებულმა მეურნემ ნოდარ დიასამიძემ, რომელიც...

უნდა გავაჩაღოთ ხელოვნურად შექმნილი დამღუპველი ტენიანობის წინააღმდეგ ბრძოლა

არაერთხელ გამოთქმულ თვალსაზრისს, ბუნებაში ადამიანის...

მოვამზადოთ მოხარშული ატმის წვენი

 ზაფხულში ხილის წვენის და კომპოტების...

ზაფხული და სალათები

სალათს, რომლის სეზონი განსაკუთრებით ზაფხულშია,...

აკეთე მარტივად _ 10 საყოფაცხოვრებო ხრიკი დიასახლისებისთვის

სახლის გენერალური დალაგება-დასუფთავება საკმაოდ დიდ...

პიტნის სამკურნალო თვისებები

ამ საოცრად სურნელოვანი და არომატული...

"ჩემი პატარა ვენეცია" მაქვს" _ რას საქმიანობს 80 წლის პურის...

ამირან პეშკოვი ოზურგეთის მუნიციპალიტეტის სოფელ...