"უმუშევრობა და ეკონომიკური პრობლემები ქვეყანას სოციალურ აფეთქებამდე მიიყვანს"

gurianews.com

მთავარი თემა

"უმუშევრობა და ეკონომიკური პრობლემები ქვეყანას სოციალურ აფეთქებამდე მიიყვანს"

2014 იან 13 18:38:37

უმუშევრობის დასაძლევად საპატრიარქოსა და ბიზნესმენებს შორის დაიწყება ურთიერთთანამშრომლობა. რამდენად შეძლებს დღეის მდგომარეობით მცირე და საშუალო ბიზნესი ახალი კადრების დასაქმებას და რამდენად რეალურია ბანკების მიერ გრანტების გამოყოფასთან დაკავშირებული ლიბერალური მიდგომა? ამ საკითხების გასარკვევად ბიზნესმენ ვახტანგ ჟორდანიას დავუკავშირდით, რომელიც უკვე გამოეხმაურა პატრიარქის ინიციატივას და მზადაა პროექტში ჩაერთოს.

_ პატრიარქის ახალი ინიციატივაა მცირე და საშუალო ბიზნესის წარმომადგენლებთან თანამშრომლობა და დასაქმების პრობლემის მოგვარება. რამდენად შეძლებს ეს სექტორი დღეს ახალი კადრების დასაქმებას?

ვახტანგ ჟორდანია:

_ შეუძლებელი არაფერი არ არის, მთავარია რა ხელშეწყობა იქნება საპატრიარქოს მხრიდან, თორემ ამ ვითარებაში, რაც დღეს არის, შეუძლებელია ახალი კადრების დასაქმება, რადგან დღევანდელი რთული სიტუაციიდან გამომდინარე ბიზნესი თავისი ხარჯების შემცირებას გეგმავს.

_ ხელშეწყობაში რას გულისხმობთ?

_ ხელშეწყობა იქნება იაფი გრძელვადიანი კრედიტი, ასევე გადასახადების შემცირება სახელმწიფოს მხრიდან და კიდევ, რაც მთავარია, ბანკების ლიბერალიზაცია. სესხები დღეს გაიცემა მხოლოდ და მხოლოდ პირადი ურთიერთობებით, კონკრეტულად უკვე წარმატებულ ბიზნესებზე, რომელთა შედეგებიც უკვე ნათელია. მე ვაპირებ გამოვეხმაურო საპატრიარქოს ამ განცხადებას, მივიდე და ჩავერთო ამ პროცესებში, რაზეც დაწვრილებით შემდეგ ვისაუბროთ.

_ დღეს საქართველოს ფინანსთა მინისტრი ეროვნული ვალუტის კურსის რყევის საკითხს გამოეხმაურა და განმარტა, რომ ეროვნული ბანკი შესაბამის ღონისძიებებს ატარებს, ლარის კურსის მერყეობის პროცესი დასტაბილურდება და არანაირ გართულებას ადგილი არ ექნება, უფრო მეტიც, როგორც მინისტრი აცხადებს, ეკონომიკური პროცესები არა თუ შეფერხდება, შესაძლოა დაჩქარდეს კიდეც.

_ დღევანდელ ქართულ ეკონომიკაში და პოლიტიკაში რაიმეს პროგნოზირება ძალიან რთულია, მე მაინც ოპტიმისტი ვარ და ვიტყვი, რომ შეუძლებელი არაფერი არ არის, მიუხედავად ამისა, ჯერჯერობით ვერ ვხედავ მცირე და საშუალო ბიზნესის მიმართ გადადგმულ ნაბიჯებს, დოლარის კურსის თამაშმა დიდი ზარალი მიაყენა ბიზნესს, როგორ უნდა ვილაპარაკოთ სტაბილურობაზე, როცა თვითონვე არ არიან ამაში დარწმუნებულნი.

_ ბანკების ლიბერალიზაცია ახსენეთ, სწორედ ამ თემაზე გაამახვილა ყურადღება დღეს რეგიონალური განვითარებისა და ინფრასტრუქტურის მინისტრმა. ნარმანიამ ბანკებს უზრუნველყოფის გარანტიებთან დაკავშირებულ პროცედურებში ლიბერალური მიდგომა სთხოვა. მისი თქმით, ეს საჭიროა იმისთვის, რომ ქართული კომპანიები, რომლებიც ფინანსურად ძლიერები ვერ არიან, პროექტი ს განხორციელების პროცესში პრობლემების წინაშე არ აღმოჩნდნენ. რამდენად შეუწყობს ქართული ბიზნესის აღმავლობას და სტაბილიზაციას ასეთი მიდგომა?

_ ეს თხოვნა რომ ერთ-ერთი პიარ აქციაა ნარმანიას მხრიდან უდავოა, რომელ ლიბერალიზაციაზეა ლაპარაკი, როცა ბანკების მხრიდან არანაირი ცვლილება არ განხორციელებულა ჩვენთან მიმართებაში, კონკრეტულად ჩემ ბიზნესთან დაკავშირებით, რა პროცენტსაც ვიხდიდი, არაფერი შეცვლილა, ჭიანურდება კრედიტის გაცემა, რაც დამატებით ხარჯებს მოითხოვს, მაგალითად, წინა თვეში კრედიტის შევსება მინდოდა ბანკში, თანხმობა მქონდა მიღებული, მაგრამ უპასუხისმგებლობის გამო გაჭიანურდა, რის გამოც მოგვიწია ტვირთზე ჯარიმების გადახდა, ეს მხოლოდ ერთი ფაქტია, ასეთია უამრავი. მე თუ მკითხავ, ბანკების მიმართ არის მკაცრი პოლიტიკა გასატარებელი და არა თხოვნა, რომ ფიქრობენ მთელი საქართველოს ქონების მოხვეჭაზე, უნდა იფიქრონ მის განვითარებაზეც. მე მესმის, რომ საქართველოს ეკონომიკა ჩამოკიდებულია ბანკებზე და ამიტომ ვერ აკეთებენ, მაგრამ ეს დამოკიდებულება თუ არ გადავიდა მცირე და საშუალო ბიზნესზე, მუდმივად იქნება ქვეყანაში უმუშევრობა, უმუშევრობა და ეკონომიკური პრობლემები ქვეყანას სოციალურ აფეთქებამდე მიიყვანს.

_ პატრიარქმა განაცხადა, რომ იმისათვის, რომ უმუშევრობა იქნეს დაძლეული, აუცილებელია ხელისუფლება და ბიზნესი იდგეს ერთად. როგორ გესახებათ თქვენ ერთად დგომა?

_ ხელისუფლების დგომა ბიზნესის გვერდით აუცილებელია, მთავარია ამის ნება თუ გააჩნიათ, და მარტო ნება არა, ამის უნარიც უნდა გააჩნდეთ. ფაქტიურად ჩემზე აქტიური მცირე და საშუალო ბიზნესიდან არავინ არ არის, ესეც წარმოშობს იმ პრობლემებს, რაც არსებობს მცირე და საშუალო ბიზნესში, ყველა ჩუმად არის, ვიღაცას რაღაცის ან ვიღაცის ეშინია, ნელ-ნელა ამის გამო ჩვენც უკან-უკან მივდივართ. ყველაფერი კარგად არის - ამის თქმას წინ არაფერი არ უდგას, მაგრამ უნდა ვილაპარაკოთ პრობლემებზე, სახელმწიფოს თანადგომა იმისთვის არის საჭირო, რომ მოისპოს მონოპოლიები, შემცირდეს გადასახადები, გაიცეს კრედიტები და რისკი გადანაწილებული იყოს, შემცირდეს საბანკო პროცენტები, და ასეთი მითითებების გაცემა მხოლოდ სახელმწიფოს შეუძლია. ამისთვის საჭიროა დაჯდომა, შეხვედრები, ამაზე საუბარი, როგორც ბიზნესის წარმომადგენლებთან ისე ხელისუფლებასთან და არა ის, რასაც დღეს აქვს ადგილი.

_ და რას აქვს ადგილი?

_ იკრიბებიან "რედისონში" მსხვილი ბიზნესის წარმომადგენლები და ხელისუფლების წარმომადგენლები, უკვე რამდენიმე წელია ერთი და იგივე სახეები. ამათ ტვინამდე ვერ დავიდა, რომ ეკონომიკა მცირე და საშუალო ბიზნესზე დგას და არა მსხვილ ბიზნესზე, ამით მხოლოდ კონკრეტული ადამიანების მდგომარეობა შეიძლება გაუმჯობესდეს და არა მთელი ქვეყნის.

_ თქვენ თქვით, რომ აპირებთ პატრიარქის ინიციატივას დაუჭიროთ მხარი, რა ფორმით გააკეთებთ ამას?

_ აუცილებლად მივალ საპატრიარქოში და ყველაფერს დაწვრილებით გავიგებ, მხოლოდ ამის შემდეგ შემეძლება გითხრათ კონკრეტულად რას და როგორ გავაკეთებ.

ცნობისთვის, პატრიარქის ინფორმაციით, დღეს საპატრიარქოს ახალგაზრდულ ცენტრში შრომისა და ბიზნესის საკითხებზე ლექცია ჩატარდება. როგორც კათოლიკოს-პატრიარქის ფონდის ხელმძღვანელი ლაშა ჟვანია აცხადებს, ეს იქნება პირველი მოთელვითი შეხვედრა, რომელიც გადაწყვეტს რაა ფორმატით წარიმართება შემდგომი შეხვედრები და თანამშრომლობა.


ნახვა: 658


 ახალი ამბები
  • საქართველოში "თაფლის საბჭო" შეიქმნებაგორში, სახელმწიფოს ფინანსური მხარდაჭერით, თაფლის ახალი საწარმო შენდება, – ამის შესახებ სოფლის მეურნეობის მინისტრმა ლევან დავითაშვილმა კავკასიის ალიანსების პროგრამის ინიციატივით გამართულ თაფლის მრჩეველთა კომიტეტის პირველ სხდომაზე განაცხადა. მისი თქმით, ეს ქვეყანას საშუალებას მისცემს, მიიღოს ხარისხის, ერთგვაროვანი თაფლი, რომლის საექსპორტო პოტენციალს მაქსიმალურად გამოიყენებს. გარემოს დაცვისა და სოფლის მეურნეობის მინისტრმა თაფლის სექტორის წარმომადგენლებთან შეხვედრაზე აღნიშნა, რომ საქართველოს ბიომრავალფეროვნების გათვალისწინებით, ქვეყანას მაღალი ხარისხის თაფლის წარმოების პოტენციალი აქვს. „მეფუტკრეობის სექტორის განვითარება არის ძალიან კომპლექსური და დაკავშირებულია ბევრ საკითხთან, ამისათვის საჭიროა ჩვენ კომუნიკაციის პლატფორმა შევქმნათ და ჩამოვაყალიბოთ „თაფლის საბჭო“, სადაც ჩართული იქნება სამინისტრო, კერძო და სახელმწიფო ორგანიზაციები. საბჭოში მოხდება მნიშვნელოვან საკითხებზე მსჯელობა. თუ ეს იქნება მობილური საბჭო და გვექნება რეგულარული შეხვედრები, მივაღწევთ პროგრესს და ოპერატიულები ვიქნებით გადაწყვეტილებების მიღებაში”, – განაცხადა ლევან დავითაშვილმა. სამინისტროს ინფორმაციით, საერთაშორისო ბაზარზე დამკვიდრებისთვის, „თაფლის საბჭო“ იქნება კერძო და საჯარო უწყებების ერთობლივი გეგმის შემუშავებისათვის მნიშვნელოვანი გაერთიანება. ლევან დავითაშვილმა თაფლის სექტორის წარმომადგენლებთან შეხვედრაზე ხაზი გაუსვა, რომ სახელმწიფო კვლავ აქტიურად მუშაობს მეფუტკრეობის კოოპერატივების მხარდაჭერის მიმართულებით. თაფლის სექტორის წარმომადგენლებთან შეხვედრას კავკასიის ალიანსების პროგრამის ხელმძღვანელი ჰელენ ბრადბერი, გარემოს დაცვისა და სოფლის მეურნეობის მინისტრის მოადგილე გიორგი ხანიშვილი, თაფლის სექტორის მრჩეველთა საბჭოს კომიტეტის წევრები და მეწარმეები ესწრებოდნენ. ... ...
  • ავტოსაგზაო შემთხვევას ოზურგეთელი და-ძმის სიცოცხლე ემსხვერპლაავტოსაგზაო შემთხვევას, რომელიც დღეს დილით, 6 საათზე, ზესტაფონში მოხდა, ორი ახალგაზრდის სიცოცხლე ემსხვერპლა. ოზურგეთელი და-ძმა ლალი და თემურ მახარაძეები ოზურგეთის მუნიციპალიტეტის  სოფელ  გომიდან (შემოქმედი) იყვნენ. ისინი ამჟამად თბილისში ცხოვრობდნენ და ოზურგეთში ბებიის დაკრძალვაზე მოდიოდნენ.   ავტოსაგზაო შემთხვევის შედეგად არიან დაშავებულებიც, რომლებიც სხვადასხვა საავადმყოფოში ... ...
  • ოჯახური ძალადობის ბრალდებით ჩოხატაურში 60 წლის მამაკაცი დააკავესჩოხატაურის მუნიციპალიტეტის სოფელ კოხნარში მცხოვრები 60 წლის მამაკაცი ჩოხატაურის პოლიციის სამმართველოს თანამშრომლებმა ოჯახური ძალადობის ბრალდებით დააკავეს. როგორც ჩვენთვის გახდა ცნობილი, ის მეუღლეზე წლების განმავლობაში სიტყვიერად ძალადობდა: _ სვამდა და მეუღლეს სულ აგინებდა. არც შვილებს ინდობდა. ვეღარ გაუძლო ქალმა და პოლიციაში უჩივლა, _ გვითხრეს დაკავებულის მეზობლებმა. ბრალდებულს უკვე შეეფარდა წინასწარი პატიმრობა.  მას სამ წლამდე თავისუფლების აღკვეთა ... ...
  • ლევან დადუნაშვილის დედა - „პროკურორებს პიროვნულად ძალიან გათავისებული ჰქონდათ და განიცდიდნენ ამ ბავშვების საქმეს“ „პროკურორებს პიროვნულად ძალიან გათავისებული ჰქონდათ და განიცდიდნენ პირდაპირ ამ ბავშვების საქმეს“ - განაცხადა საგამოძიებო კომისიის სხდომაზე ლევან დადუნაშვილის დედამ ნათია საყვარელიძემ ანრი ოხანაშვილის კითხვის პასუხად. კერძოდ, ანრი ოხანაშვილი დაინტერესდა, ხომ არ აქვს ლევან დადუნაშვილის დედას კითხვის ნიშნები პროკურატურის ქმედებებთან დაკავშირებით და რა ხდებოდა სასამართლო პროცესზე მასთან მიმართებაში. ანრი ოხანაშვილი - ზაზა სარალიძეს ჰქონდა კითხვა პროკურატურასთან მიმართებაში. თქვენ პროკურატურასთან დაკავშირებით რამე კითხვის ნიშნები ხომ არ გაქვთ მათ მოქმედებებთან? რამე კითხვის ნიშნები ხომ არა გაქვთ მათი მხრიდან მოწმეებთან მიმართებაში? მათ მოქმედებთან დაკავშირებით სასამართლო პროცესზე? თქვენთან ურთიერთობა-დამოკიდებულება როგორი იყო? რამე კითხვის ნიშნები ხომ არ გაქვთ მოწმეებთან დაკავშირებით სასამართლო პროცესზე? ნათია საყვარელიძე - „ჩვენი ურთიერთობების დასაწყისიდანვე ამ ურთიერთობას ნდობას ვერ დავარქმევდი. ადამიანი, რომელიც პირველად ვზივარ სასამართლო პროცესზე, თვითონ შემიძლია გითხრათ რა შთაბეჭდილება მრჩებოდა თითოეული მოქმედი პირიდან. რომ ესენი საკმაოდ კარგი პროფესინალები არიან, იმიტომ რომ თითოეული სასამართლო პროცესი ეს იყო ბრძოლა ადვოკატებსა და პროკურორებს შორის. პირდაპირ ეს ჩანდა, გასაკუთრებიოთ მაშინ როცა იყო მნიშვნელოვანი მოწმე დასაკითხი. მე ზედმეტი ურთიერთობა მათთან არ მქონია. მხოლოდ პროცესეზე ვხვდებოდი. მე პროცესუალური საქმის გამო მიბარებდნენ და იმას მაცნობდნენ. იქვე ვსვამდი ამ შეკითხვას, მე რაც შეკითხვების უფლება მქონდა, არ გვქონდა უფლება ხმის გაღების და რამდენჯერმე ფურცელზე დავწერე და ისე ვაწვდიდი. ეს შეიძლება ჩემი პირადი აზრია, მაგრამ ესეთი შთაბეჭდილება მქონდა რომ პროკურორებს პიროვნულად ძალიან გათავისებული ჰქონდათ და განიცდიდნენ პირდაპირ ამ ბავშვების საქმეს. ასეთ დამოკიდებულებას ვხედავდი. ეს ერთი და მეორეც, შემიძლია ვთქვა, რომ სასამართლო პროცესებზე, როდესაც იყო მნიშვნელოვანი მოწმე იქ ხდებოდა ძალიან დიდი შეჯახება პროკურორებსა და ადვოკატებს შორის. რამდენჯერმე იყო ჩვენების ჩაგდების მცდელობა და აქედან გამომდინარე, შემიძლია ვთქვა რომ რამეს ისეთ ვხედავდი, რომ პროკურატურა რამეს მალავდა. ასეთი შთაბეჭდილება არ დამრჩა პირადად, მითუმეტეს მაშინ როცა იყო ამის გაპროტესტების საშუალება. განსაკუთრებით მახსენდება გ.ჯ 2-ის ჩვენება, რომელიც თითქმის ჩაგდების ზღვარზე მივიდა, რადგან ბავშვი ითხოვდა ბრალდებულების გაყვანს და მოსამართლემ ეს არ დაუშვა. ბავშვები ძალიან დაძაბულები იყვნენ და ეს ბავშვი ძალიან ცუდად გახდა. ამ ბავშვები პირდაპირი შევიწროება მოხდა მოწმის ფიზიკურადაც. არ ვიცი ეს მოლაპარაკება იყო, წინასწარი შეთანხმება იყო, მიღებული პრაქტიკა იყო თუ არა. ბავშვი ამბობდა რომ ასე ვერ ვიტყვი, ვერ ვიტყვი. თან ეს იყო პირდაპირი მოწმე ლევანთან მიმართებაში. მოსამართლე იძულებული გახდა გაიყვანეთო ეს ბავშვიო. ეს ბავშვი რომ გონზე მოვიდა, შეკითხვის გარეშე პირდაპირ თქვა ვინ იყო ლევანთან მიმართებაში. მე მგონი ეს ბავშვი საერთოდ იდგა და უყურებდა. არც ჩხუბობდა და უყურებდა, პირდაპირ ყავდა დამნაშავე დანახული. ეს იყოო, უბრალოდ მაშინ გრძელი თმა ქონდა და ახლა შეჭრილი აქვსო. მე ეს დეტალი არ ვიცოდი. ასეთი შეჯახებები ხშირად ხდებოდა ადვოკატებსა და პროკურორებს შორის. რაც უფრო ბოლოსკენ მიდიოდა საქმე, ადვოკატები უფრო მეტ პროვოკაციაზე მიდიოდნენ. პირველად, პროვოცირებას ვერ ვხვდებოდი რატომ ხდებოდა. მერე მივხვდი როგორც მაყურებელმა რომ დადგა პროკურორების აცილების მოთხოვნა მათი მხრიდან. ეს მე ეჭვებს მიჩენს. ძლიერები არიან და შემდეგ ეტაპზე არასასურველი პირები არიან ადვოკატებისთვის. მოითხოვეს მათი აცილება პირდაპირ. მე ასეთი შთაბეჭდილება მრჩება. იგივე მოხდა დამოუკიდებელი ექსპერტის დაკითხვის დროსაც. პირად ინტერესს ნამდვილად ვერ ვხდევადი ლევანთან მიმართაბაში განსაკუთრებით და შემიძლია გითხრათ რომ ძლიერი პროფესიონალები არიან. ეს კარგად წარმოჩინდებოდა მათი კამათის დროს სასამართლო პროცესზე“ - განაცხადა ლევან დადუნაშვილის ... ...
  • "არ ვიცი, რატომ არის დაკეტილი კარი. ალბათ, ძალოვანებმა დაკეტეს" _ ადმინისტრაციული სამსახურის უფროსიამ დრომდე დაკეტილია ოზურგეთის ადმინისტრაციულ შენობაში შესასვლელი კარი.  ქალაქ ოზურგეთის მერიის ადმინისტრაციული, მონაწილეობითი დაგეგმვისა და კოორდინაციის სამსახურის უფროსი გიორგი ინწკირველი ამბობს, რომ არ იცის რატომაა დაკეტილი შენობაში შესასვლელი ძირითადი კარი. "არ ვიცი, რატომ არის დაკეტილი კარი. ალბათ, ძალოვანებმა დაკეტეს", _ გვითხრა ... ...

არქივი

ზაფრანი

იცით თუ არა რომ

დედამიწაზე მცხოვრები ცოცხალი ორგანიზმების 70%-ს...

მრავალწლიან ხეებს განსაკუთრებული ენერგეტიკა აქვთ

ჩვენი წინაპრები განსაკუთრებულ პატივს სცემდნენ...

ტელეფონი-ხელთათმანი

ამერიკელმა დიზაინერმა და მხატვარმა, ბრაიან...

გინესის წიგნში შეტანილი ქვეწარმავლები

ყველაზე დიდი ბაყაყი. აფრიკული ბაყაყი...

ყველაზე დიდი ყვავილი მსოფლიოში

მეცხრამეტე საუკუნის დასაწყისში, ბრიტანელმა მეცნიერმა...

დაავადება, რომელსაც "დორიან გრეის სინდრომი" ეწოდა

დორიან გრეის სინდრომი ოსკარ უაილდის...
კარმიდამო ჩემი

ალოეს სამკურნალო თვისებები

შესაძლოა, ალოეს დადებითი თვისებების შესახებ...

როგორ აღვიდგინოთ მხედველობა ნივრის დახმარებით

დროთა განმავლობაში, ადამიანის ჯანმრთელობის მდგომარეობა...

რატომ არ უნდა აადუღოთ წყალი ხელმეორედ

ფილმის ყურებაში ისე გაერთეთ, რომ...

"უთვალავ საქმეთაგან, სახარების გადაწერაა შვება"

ჩვენი სტატიის გმირი მრავალმხრივი ნიჭით...

როგორ ვებრძოლოთ პირუტყვის კანქვეშა ბორას

ზაფხულის პერიოდში განსაკუთრებით, მსხვილფეხა რქოსანი...

მეფუტკრის კალენდარი _ მაისი და ივნისი

მაისის შუა რიცხვებიდან დგება დიდი...

ქართული ზამბახი დედამიწის ზურგზე ერთადერთია

ქართული ზამბახის ყვავილის წარმტაცი სილამაზე,...

მოვამზადოთ ჭინჭრის წუნწუხი

გაზაფხულზე ჩვენს ბოსტნებში, უამრავ სამუშაოსთან...

კენკროვნების კერკი

სხვადასხვა კენკროვნების, ასევე, კურკოვანებისგანაც მოვამზადოთ...

როგორ ავიცილოთ თავიდან გრიპი და ვირუსები

საზოგადოებისთვის გრიპი და გავრცელებული ვირუსები...

მარტო კაცის დიდი მეურნეობის სავიზიტო ბარათი იხვისა და ბატის ფერმაა

ლანჩხუთის მუნიციპალიტეტის სოფელ სუფსის მკვიდრი...