ბაყაყ-ნიანგების ჩავარდნილი ბიზნესი და გამქრალი ჰიბრიდული სიმინდი

მთავარი თემა

ბაყაყ-ნიანგების ჩავარდნილი ბიზნესი და გამქრალი ჰიბრიდული სიმინდი

1 აგვ. 2011, 00:39:51
_ წყარო ირწმუნება, რომ თანამდებობა უკვე დატოვა მინისტრის მოადგილემ ალეკო ცინცაძემ, რომელიც კვეზერელის სამინისტროში მმართველი პარტიის სახეს წარმოადგენდა. მანამდე გურიის გუბერნატორი და უფრო ადრე პარლამენტარი ცინცაძე ორი დავითის _ ტყეშელაშვილისა და კირკიტაძის გუნდის წევრად მოიაზრებოდა და პარტიული კუთხით გურიის რეგიონს მანამდე კურატორობდა.

რატომ მოხსნეს ცინცაძე? კულუარებში რამდენიმე ვერსია გავრცელდა. ერთ-ერთის მიხედვით, ამით რომელიმე მომძლავრებულმა სახელისუფლო გუნდმა ტყეშელაშვილზე, ან კირკიტაძეზე ან ორივეზე ერთად განახორციელა დარტყმა, თუმცა უფრო რეალურია ვერსია, რომ ცინცაძე სოფლის მეურნეობის "წარმატებებს" გადააყოლეს. მიუხედავად იმისა, რომ სამინისტროში ყველაფერს კვეზერელი წყვეტს და ცინცაძეს ამ მხრივ პასუხისმგებლობა ნაკლებად ეკისრება, არ არის გამორიცხული, მოადგილე სწორედ მინისტრის გადასარჩენად გაწირეს. გადასარჩენი კი ბაკურ კვეზერელს ნამდვილად აქვს _ სიმინდისა და ბაყაყების საქმე. ორივე გაპიარებული პროექტი ჩავარდა!!!

ჯერ კიდევ გასულ ზაფხულს მინისტრმა ყურები გამოგვიჭედა, თუ როგორ არის განვითარებული საქართველოში ბაყაყების ბიზნესი. როგორც მაშინ კვეზერელმა განაცხადა, ევროკავშირის ქვეყნები ქართული ბაყაყით დაინტერესებას გამოხატავენ. მინისტრი აცხადებდა, რომ უცხოეთიდან, ძირითადად კი ევროკავშირის ქვეყნებიდან, საქართველოდან ბაყაყების იმპორტის და ამ სფეროში ინვესტიციების განხორციელების დაინტერესებაც არსებობს.

არადა, ჩვენ ჯერ კიდევ 2002 წელს ექსკლუზიურად ვწერდით, რომ ლანჩხუთში შეიქმნა ფირმა, რომელიც ბაყაყების ჩაბარებით უნდა ყოფილიყო დაკავებული. მაშინ ჩვენ ამ ფირმის ხელმძღვანელთან ინტერვიუც გამოვაქვეყნეთ. იყო საუბრები, რომ გურულ ბაყაყს საფრანგეთში გაიტანდნენ, საკმაოდ მაღალი ფასიც დასახელდა, თუმცა, საქმე საუბარს არ გასცდენია.

"ეს ინტერესი ჯერ კიდევ 2009 წელს გაჩნდა და გასულ წელსვე საქართველოდან ბაყაყების გარკვეული რაოდენობის საცდელი ექსპორტი გახორციელდა. 2009 წელს ექსპორტში ასევე აღმოჩნდა ჩვენთვის ეგზოტიკური დასახელებები. ვმუშაობთ ამ მიმართულებითაც, რათა ყველა საექსპორტო პოტენციალი გამოვიყენოთ", _ აცხადებდა ბაკურ კვეზერელი. გარდა ამისა, როგორც სოფლის მეურნეობის მინისტრმა აღნიშნა, აჭარისა და გურიის რეგიონებში უკვე არსებობს ბაყაყების მომშენებელი მეურნეობები და ამ ეტაპზე საუბარი სფეროს ინვესტირებასა და განვითარებაზე მიმდინარეობს.

ამ განცხადებების შემდეგ, ჩვენ დავინტერესდით, რამდენად მართალი იყო, რომ გურიაში უკვე არსებობდა ბაყაყების მომშენებლი მეურნეობები, თუმცა, ვერც აჭარასა და ვერც გურიაში, მინისტრისგან განსხვავებით, ბაყაყის მომშენებელი მეურნეობა ვერ აღმოვაჩინეთ. ცოტა გასაკვირიც კი არის, მეურნეობა უკვე შექმნილი იყოს და აქამდე არ "გაეპიარებინათ" ნაციონალებს.

აი, რა აცხადებდა ჩვენთან საუბარში გურიის გუბერნატორი ვალერი ჩიტაიშვილი:

_ ბატონო ვალერი, სოფლის მეურნეობის მინისტრმა განაცხადა, რომ გურიასა და აჭარაში ბაყაყის მომშენებელი მეურნეობები არსებობს. ხართ თუ არა ინფორმირებული და თუ კი _ იქნებ გვითხრათ, სად არის ეს მეურნეობა?

_ ნამდვილად არ მომისმენია და არ მგონია, ეს განცხადება გაეკეთებინა მინისტრს.

_ თქვენ გაქვთ ინფორმაცია, არსებობს თუ არა ასეთი მეურნეობა?

_ არ მაქვს არანაირი ინფორმაცია!

რაც შეეხება სოფლის მეურნეობის მინისტრის მოადგილის ალექსანდრე ცინცაძის კომენტარს, ის თავის დროზე, მინისტრს ნამდვილად არ გაუხარდებოდა:

_ ბატონო ალეკო, გავრცელდა თქვენი მინისტრის განცხადება, სადაც საუბარია ბაყაყების მეურნეობების არსებობაზე. გურიაში ასეთი მეურნეობა არ უნდა არსებობდეს. იქნებ, გაგვარკვიოთ, უკვე არსებობს თუ აწი გაიხსნება?

_ გაიხსნება... მიმდინარეობს ყველანაირი სამუშაოები.

_ ანუ ამ დროისთვის არ არსებობს, ხომ ასეა?!

_ ამ წუთში, ჩემი ინფორმაციით, არ არსებობს, თუმცა, გადამოწმება უნდა მაინც.

"ბაყაყების ამბავი" არც აჭარაში იცოდნენ _ ავტონომიური რესპუბლიკის სოფლის მეურნეობის სამინისტროში ბაყაყების მომშენებელი მეურნეობის გაგონებაზე შეიცხადეს:

_ აჭარაში ბაყაყის მომშენებელი მეურნეობა არსებობს?

_ რისი?

_ ბაყაყის. მინისტრმა კვეზერელმა თქვა, რომ აჭარა-გურიის ზონაში ინვესტიციები ჩაიდება. გვაინტერესებს, აჭარაში ასეთი მეურნეობა თუ არსებობს?

_ არ არსებობს. არ მგონია, იყოს...

_ ვის ვესაუბრებით?

_ ნაიკო ვარ, მისაღებში.

მოკლედ, ინფორმაცია არც აჭარის ეკონომიკისა და სოფლის მეურნეობის სამინისტროებს ჰქონდა, არც გურიის გუბერნატორს ვალერი ჩიტაიშვილს და არც _ საქართველოს სოფლის მეურნეობის მინისტრის მოადგილეს ალეკო ცინცაძეს. აშკარაა, მინისტრმა ბაყაყები "საპიაროდ ააყიყინა".

ეს რომ ასეა, დღეს უკვე ამის შესახებ გაზეთი The Financial წერს. საქართველოში ეგზოტიკური ცხოველების მოშენების პროექტი, რომელსაც ქართველი და უცხოელი ბიზნესმენები ერთად ახორციელებენ, ჩავარდა. გამოცემა წერს, რომ ბაყაყების და ნიანგების მოშენებით, საქართველომ ვერ შეძლო ბაზარზე საკუთარი ნიშის მოპოვება: "2009 წელს, საქართველომ საექსპორტო პორტფელს ბაყაყები და ნიანგები დაამატა. საქართველო გეგმავდა გამხდარიყო სერიოზული მოთამაშე ბაყაყისა და ნიანგების ხორცის ბაზარზე. ყველა ელოდებოდა, რომ ეს იქნებოდა ყველაზე "ცხელი" ექსპორტი ღვინის, მინერალური წყლებისა და თხილის შემდეგ. ორწლიანი წარმატებული და ნაყოფიერი პერიოდის შემდეგ, საქართველოს ბაყაყების ექსპორტი ჩაუვარდა", _ წერს გამოცემა.

აქვე აღნიშნულია, რომ ამ პერიოდის განმავლობაში, "ქართული ბაყაყების" ძირითადი მომხმარებელი საფრანგეთი იყო: "ბაყაყების ექსპორტს, 2010 წელს, კომპანია "ლოგო ჯორჯია" აწარმოებდა, რომელიც თურქი ბიზნესმენის მიერ იყო რეგისტრირებული. სარეგისტრაციო დოკუმენტით, კომპანია აღმაშენებლის ქუჩაზეა განთავსებული, თუმცა, ამ ქუჩის მცხოვრებებმა ეგზოტიკური ინვესტორის შესახებ არაფერი იციან", _ წერს The Financial. სტატიაში ნათქვამია, რომ საქართველოდან ბაყაყების ექსპორტი 2011 წელს შეწყდა, მიზეზი უცნობია: "ჩვენ არაფერი ვიცით ბაყაყებისა და ნიანგების შესახებ. შემიძლია გითხრათ მხოლოდ ის, რომ 2009-2010 წელს ბაყაყების ექსპორტი საფრანგეთში გახორციელდა", _ განუცხადეს The Financial-ს სოფლის მეურნეობის სამინისტროში.

ბაყაყებისა და ნიანგების კრახის შემდეგ, სოფლის მეურნეობის სამინისტროს ჰიბრიდული სიმინდის "მოსავლიანობაც" ჩაუვარდა. მართალია, ბევრი არ წამოეგო ამ პიარს და ისევ მამა-პაპური სიმინდის თესლი დათესა, მაგრამ ვინც ჰიბრიდული თესლი გამოიყენა, საკმაოდ დაზარალდა: ჯერ იყო და, ის, რაც უკრაინაში 150 ლარის ფარგლებში იყიდებოდა, ქართველ გლეხს 240 ლარად მიყიდეს, შემდეგ დაპირებული ტრაქტორები არავის გახსენებია; ამის გამო, თესვა დაგვიანდა. ზოგმა დათესა, წამლობაც გაუკეთა და ამოსული სიმინდი... გაქრა!!! ახლა სპეციალისტები ხსნიან, რომ ეს მიწის შემადგენლობისა და ამინდის გამო მოხდა, თუმცა, არავინ ამბობს, გლეხი რომ მოატყუეს _ შემოწმებულია და გურიის ნიადაგზე კარგად მოდის ეს სიმინდიო, რომ გაიძახოდნენ, დღეს აღმოჩნდა, რომ, თურმე, მისი დათესვა გურიაში მიზანშეწონილი არ ყოფილა. ახლა ისაა საკითხავი, ვისი სიმინდიც ამოსულია, ტაროს თუ გაიკეთებს და როგორი მოსავალი იქნება. სპეციალისტები იმთავითვე ამბობდნენ, რომ შედეგები კვეზერელის უწყებისათვის კატასტროფული იქნება და მინისტრმა მანამდე თუ არ დატოვა თანამდებობა, შემოდგომას ნამდვილად ვერ გადაიტანსო. რამდენ ხანს ეყოფა მას ცინცაძეზე "ხელის შეხოცვა", მალე გამოჩნდება, მაგრამ დღეს უკვე ოფიციალური პირებიც კი გლეხებთან თავს იმით იმართლებენ, რომ მინისტრმა დანაპირები არ შეასრულა!

ჩვენ კომენტარისთვის ალეკო ცინცაძეს დავუკავშირდითა, მაგრამ მან მოუცლელობა მოიმიზეზა და "მოგვიანებით დარეკვა" გვთხოვა, სოფლის მეურნეობის სამინისტროში კი ინფორმაცია ცინცაძის სამინისტროდან წასვლის შესახებ დაგვიდასტურეს:

_ დიახ, ალეკო ცინცაძემ მოადგილის თანამდებობა პირადი განცხადების საფუძველზე დატოვა.

_ სხვა საკადრო ცვლილება ხომ არ გახორციელებულა?

_ ამ ეტაპზე, სხვა არაფერი!

არ გამორიცხავენ, რომ ცინცაძესთან ერთად პოსტი მინისტრმა, ბაკურ კვეზერელმაც დატოვოს. ჩვენი წყაროს ინფორმაციით, მინისტრის მოადგილის პოსტზე გურიის გუბერნატორს ვალერი ჩიტაიშვილსაც მოიაზრებენ. თუ ასე მოხდა, ეს მეოთხე შემთხვევა იქნება (აქედან მეორე, სოფლის მეურნეობის სამინისტროში), როცა "ვარდების ხელისუფლების" შემდგომ, გურიის გუბერნატორი მინისტრის მოადგილე გახდება _ მანამდე ეს უკვე ნახსენებმა ცინცაძემ, რამაზ ნიკოლაიშვილმა და ირაკლი გორგოძემ "მოახერხეს". მინისტრის პოსტიდან გუბერნატორად კი მხოლოდ მიხო სვიმონიშვილი "დააწინაურეს".




 ახალი ამბები
  • ლარი ისევ გაუფასურდა - სებ-ის ახალი კურსიეროვნული ვალუტა დღესაც გაუფასურდა. სებ-მა ახალი ოფიციალური კურსი დაადგინა, რომლის მიხედვით, 1 აშშ დოლარი  3.2897 ლარი გახდა. კურსი კი რომელიც დღეს მოქმედებდა 3.2641 ლარი იყო რაც შეეხება ევროს, მისი კურსი 3.8292 ლარია. მაშინ, როცა დღეს მოქმედი კურსი 3.8226 ლარი იყო დღევანდელი ვაჭრობის შედეგად მიღებული კურსები ძალაში ხვალ ... ...
  • აფხაზეთში დაღუპულ მეომართა ხსოვნის ტურნირი''აფხაზეთის თასი 2020'' (R)მიმდინარე წლის 24 სექტემბერს, ვეტერანების საქმეთა სახელმწიფო სამსახურისა და საქართველოს ამპუტანტთა ფეხბურთის ასოციაციის ორგანიზებით, საქართველოს ფეხბურთის ფედერაციის, თავდაცვის სამინისტროსა და აფხაზეთის ა/რ მთავრობის მხარდაჭერით, თბილისში, სპორტულ-გამაჯანსაღებელ პარკ'' მზიურის''საფეხბურთო სტადიონ ''მასტერ კლას-არენაზე'' დაიწყო საქართველოს ტერიტორიული მთლიანობისათვის, აფხაზეთში დაღუპულ მეომართა ხსოვნისადმი მიძღვნილი ტურნირი ამპუტანტ ფეხბურთელთა შორის. აღნიშნულ ტურნირში მონაწილეობას საქართველოს ამპუტანტ ფეხბურთელთა 5 გუნდი მონაწილეობს: თბილისის ''თბილისი'', ზესტაფონის ''მარგვეთი'', ზუგდიდის ''ოდიში'', ბათუმის ''აჭარა'' და გორის ''დილა''. გუნდების შემადგენლობაში, ძირითადად, საქართველოს ტერიტორიული მთლიანობისათვის ბრძოლებსა და საერთაშორისო- სამშვიდობო მისიებში დაჭრილ-დასახიჩრებული ვეტერანები არიან. ტურნირის პირველი შეხვედრა გაიმართა თბილისის''თბილისსა'' და ზესტაფონის ''მარგვეთს'' შორის და იგი მასპინძელთა გამარჯვებით, 7:4 დასრულდა. ტურნირის ფინალური შეხვედრა გაიმართება 26 სექტემბერს, 12:00 საათზე. გამარჯვებულ გუნდს ვეტერანების საქმეთა სახელმწიფო სამსახურის მიერ დაწესებული გარდამავალი თასი გადაეცემა. აფხაზეთში დაღუპულ მეომართა ხსოვნისადმი მიღვნილი ტურნირი 2016 წელს დაარსდა და ყოველწლიურად ტარდება.    ... ...
  • "მეხანძრე მაშველს 10 სექტემბერს შეუსრულდა 55 წელი და 11 სექტემბერს უკვე უმუშევარი იყო" _ ჭიჭინაძე“პოლიციის ზემდეგ, ზაურ გოგიაშვილს 10 სექტემბერს შეუსრულდა 55 წელი  და 11 სექტემბერს უკვე უმუშევარი იყო. მიზეზი: როგორც მეხანძრე- მაშველი, ასაკის გამო ვეღარ აკმაყოფილებს პროფესიის მოთხოვნებს. ეს გასაგებია, მაგრამ ამ ადამიანებს, ვისაც  23-25 წელი აქვთ ნამსახურები მეხანძრე- მაშველად და პენსიამდე კიდევ 10 წელი რჩებათ, დღეს, ახალი სამსახურის დაწყების პერსპექტივის,  ელემენტალური საარსებო მინუმუმის გარეშე და  ბანკების ვალებით  აბსოლუტურად ბედის ანაბარა აღმოჩნდნენ დატოვებული. საქმე კი იმაშია, რომ 2008-2019 წლებში  სამაშველო და სახანძრო სამსახურები გადაცემული იყო ადგილობრივი თვითმმართველობს ორგანოების  დაქვემდებარებაში. 2019 წელს ისევ დაუბრუნდნენ შსს სტრუქტურა, რის გამოც 55 წლის ასაკის ადამიანებს პენსიაში უშვებენ, მაგრამ ძალოვნებისთვის კუთვნილი პენსიის გარეშე!  ანუ,  გამოდის, რომ სახელმწიფო მათ უბრალოდ პარავს საკუთარი ნამოღვაწარის  11 წელს, რადგან ამ ადამიანებს  ეს პერიოდი არ ეთვლებათ,  როგორც გასამხედროებული სამსახური  20 წლის სტაჟის პირობებში. ამ ყველაფერს კი, შესაბამის სტრუქტურებში უბრალოდ არ იმჩნევენ, ან შეგნებულად ხუჭავენ თვალს.“ - აცხადებს პოლიტიკური მოძრაობა „ტრიბუნას“ ლიდერი, დავით ჭიჭინაძე. თავად ზაურ გოგიაშვილის განცხადებით კი,  მის უკან ათეულობით ადამიანი დგას, რომელთაგან ზოგი ხმას ვერ იღებს, რადგან ეშინიათ, ზოგის ოჯახის წევრები კი, სხვადასხვა სახელმწიფო სამსახურებში მუშაობენ და მათაც ასევე ეშინიათ, რომ ისინიც უმუშევრები არ დარჩნენ. ამას გარდა, ზაურ გოგიაშვილის განცხადებით, სახანძრო მანქანების დიდი ნაწილი ტექნიკურად გაუმართავია და ხშირად უწევთ შეკეთება, სპეციალური ტანისამოსი ორ წელზე მეტია არ გამოუცვლიათ, საკვებად კი ყოვლედღიურ რაციონში შედის ორი კონსერვი, ჩაი და შაქარი და ეს ყველაფერი პურის გარეშე. ... ...
  • საქართველოს ბანკი ადგილობრივი წარმოების მხარდაჭერას განაგრძობსსაქართველოს ბანკი კვლავ განაგრძობს ადგილობრივი წარმოების მხარდაჭერას. ბანკის ფინანსური ჩართულობით ხის ნაკეთობების ბრენდი „თილისმა“ წარმოებას აფართოვებს. კომპანიამ საქმიანობა 2018 წელს დაიწყო და დღეს ბრენდის ნაკეთობების რეალიზაცია უკვე www.amazon.com-ზე ხორციელდება. წარმოებული პროდუქტის გამრავალფეროვნების მიზნით განხორციელებულმა ინვესტიციამ 58,000 დოლარი შეადგინა. წარმოების პროცესში 13 ადამიანია ჩართული. ბრენდი 5 სხვადასხვა სახეობის პროდუქციას აწარმოებს. ესაა ხელნაკეთი წიგნის დამჭერები. „თილისმა“ ამაზონის გარდა პროდუქციის ადგილობრივ ბაზარზე რეალიზაციასაც გეგმავს. „საქართველოს ბანკი ბიზნესების მხარდაჭერას განაგრძობს. მოხარული ვართ, რომ ჩვენი ჩართულობით ხის ნაკეთობების ბრენდ „თილისმა“ -ს მიეცა შესაძლებლობა, კიდევ უფრო გააფართოვოს წარმოება სხვადასხვა სახეობის ხის ნაკეთობების რეალიზაციით. საქართველოს ბანკი აქტიურად აგრძელებს ბიზნესების წახალისებას, რათა კიდევ უფრო განვითარდნენ ისინი და შეიტანონ საკუთარი წვლილი ქვეყნის ეკონომიკურ გაძლიერებაში.“ - განაცხადა მერაბ ახვლედიანმა, საქართველოს ბანკის საცალო ბიზნესის საბანკო მომსახურების დეპარტამენტის დირექტორმა. ... ...
  • ჭრილობასთან უსათუთესი, თოფთან_ მეომარი _ საქართველოში პირველი ბაზიერი ქალბატონი იუბილარიაოზურგეთელი   ქალბატონი, კლარა  თავართქილაძე სულ მალე 80 წლის ხდება, 57 წელი კი მარტო სამედიცინო სფეროში მუშაობის სტაჟი აქვს. ოზურგეთის  სამედიცინო სასწავლებლის  დამთავრების  შემდეგ, გასული საუკუნის 50-იან წლებში, მუშაობა ოზურგეთის (მაშინდელი მახარაძის) რაიცენტრალურ საავადმყოფოში დაიწყო, ქირურგიულ განყოფილებაში,   შემდეგ  კი ბავშვთა ქირურგიული საავადმყოფოს საოპერაციო ბლოკში გადაინაცვლა და ასე გალია ,თითქმის , 60 წელი მედდად მუშაობაში. როგორც გვიამბობს, მუშაობდა რესპუბლიკაში ცნობილი  ექიმების გვერდით და არცერთი სიკვდილის ფაქტი    საოპერაციო მაგიდაზე  არ მომხდარა. _ ექვსი და-ძმა ვიყავით. მამა ომში დაიღუპა. ერთმანეთი გაზარდეს ჩემმა და-ძმებმა. მე , როგორც ნაბოლარას, დედაც და და-ძმებიც მანებივრებდნენ. ყველაზე დიდი  გატაცება  ჩემი ბაზიერობა იყო, რასაც  13 წლის ასაკიდან ისეთი ლტოლვით ავეკიდე, რომ დღესაც ჟრუანტელი მივლის. დამჭერ მტაცებელ ფრინველზე ნადირობა, გურიაში,  ნებისმიერ   პოპულარულ სპორტზე მეტი ჟინით გამოირჩეობდა.   ჩვენ უამრავი ახალგაზრდა დავიხსენით   ხეტიალისგან თუ ნარკოტიკისგან,  ბაზიერობის დაინტერესებით, _ გვიამბობს ქალბატონი და პირველ ნაბიჯებს იხსენებს, როგორ გაჰყვა 13 წლის ასაკში ძმებს დამჭერ მტაცებელი ფრინველზე სანადიროდ. .. შემდეგ გახდა მაშინდელი მახარაძის მონადირეთა საზოგადოების სექციის წევრი და როგორც ქალი ბაზიერი,   მთელი რესპუბლიკის მასშტაბით, ყურადღების ცენტრში მოექცა. _მე მედდად ვმუშაობდი,   თან ამ უდიდესი საქმის, ბაზიერობის ტრფიალი ვიყავი. როგორც ცნობილია,   ჩვენს ქვეყანაში ცხოვრების   ადათ-წესებთან შესისხლხორცებული იყო ბაზით ნადირობა. თუმცა ქალ ბაზიერს ნაკლებად ნახავდით, _ გვიამბობს კლარა თავართქილაძე და იხსენებს მაკვანეთის ტერიტორიაზე გორმაღალას ფერდობს, სადაც უმეტესად   ხდებოდა მიმინოს  დაჭერა. _ ეეე,  „ნაპერტყულებს“ ვიჭერდით  ჩვენ, ჩოხატაურელებს  და ლანჩხუთელებს რომ გამოექცეოდათ. ისინი აქეთ ნაკლებად გამოუშვებდნენ კარგ მიმინოს და  თუ გამოექცეოდათ, ჩვენც მუდამ იმის ცდაში ვიყავით, როგორმე საუკეთესო მიმინოს დაჭერა მოგვეხერხებინა. მაინც მოხდა ისე, რომ მე მყავდა თეთრზე თეთრი, დედოფალი მიმინო, რითაც 1972 წელს გავხდი საქართველოს ჩემპიონი, 100 ქულა მისცეს მსაჯებმა. მიმინოს   დასაჭერად   ძირითადად  ღაჟოს ვიყენებდით. მას ჯერ გალიაში ვათავსებდით,    თვალებზე ტყავს ვაწებებდით, რომ ცაში გაშვების დროს,   მიმინო ვერ დაენახა.  როცა  გორმაღალას სეზონს ვიწყებდით, აგვისტოს ბოლოს, აი, მაშინ, როცა გადაფრენისთვის ემზადებიან    ფრინველები, მონადირეები და მათთან ერთად  მეც ,  დილაადრიან მივდიოდით.   ვამაგრებდით მუქი ფერის ძაფისგან მოქსოვილ ბადეს, რომლის შუაგულში ღაჟოს   ვათავსებდით.  აი, როცა მიმინო გამოჩნდებოდა და შურდულივით   დაეშვებოდა ღაჟოს მიმართულებით, მონადირის მარიფათზე  და სისწრაფეზე  იყო დამოკიდებული, რა სწრაფად  დაიჭერდა ღაჟოზე დამცხრალ მიმინოს. შემდეგ , სახლში   წამოყვანილი მიმინოს  მოთვინიერების უმთავრესი პროცედურა  იწყებოდა თვალების ამოკემსვით, _ ამბის  თხრობას ისე განაგრძობს ქალბატონი კლარა, კარგ ორატორს შეშურდება.    ალბათ, ბაზიერთა სკოლა რომ არსებობდეს, უკეთეს ლექტორს  ვერც ინატრებდა კაცი. იხსენებს, რომ პირველივე შემთხვევაზე  დაჭერილი მწყრის ტვინს აჭმევდნენ მიმინოს, რომელიც მას ყველაზე  ძალიან მოსწონს.  ისე კი წელიწადში, რვათვიან მიმინოს 17 კილოგრამი ხორცი სჭირდებოდა. _ ქალი ბაზიერი, რაც მე ეს საქმე დავიწყე,  სამი წლის შემდეგ  გამოჩნდა ჩოხატაურიდან,   გიული ბერძენიშვილი.      მასთან ერთად,  1970 წელს თბილისში,   „ლოკომიტივის“ სტადიონზე, დამჭერ ფრინველთა  მეორე რესპუბლიკურ გამოფენა-შეჯიბრში მიიღეს მონაწილეობა.   აქ   გუნდური შეჯიბრი   იყო. 1971  წელს კი ჩოხატაურში გამართულ  დამჭერ ფრინველთა მესამე რესპუბლიკურ გამოფენაზე პირველი ადგილი მოვიპოვე. გუნდურში კი ჩოხატაურელებმა იმარჯვეს. მათ ბადალი ნაკლებად ჰყავთ ამ საქმეში. ძნელია,   გავიხსენო, ყველა გამოფენა თუ შეჯიბრი, რომელშიც ცხოვრების მანძილზე მივიღე  მონაწილეობა და მუდამ მაღალი  შედეგები მქონდა. გორმაღალაზე სიარულს ბოლო ათი წელია, თავი დავანებე, რადგან გულის ოპერაცია გავიკეთე და ახლა უფრო შორიდან ვადევნებ   თვალს ბაზიერთა  საქმიანობას, -სინანულით ამბობს ქალბატონი კლარა და ვერ იხსენებს სიგელების და მედლების რაოდენობას,   რითაც  საუკეთესო ბაზიერობისთვის დააჯილდოეს. თუმცა ის კარგად ახსოვს, რომ ხუთჯერ იყო საქართველოს  დამჭერ   ფრინველთა გამოფენა-შეჯიბრის   ჩემპიონი. კლარა თავართქილაძეს ოჯახი არ შეუქმნია. არც კითხვას გაურბის, თუ რატომ მოხდა ისე, რომ უმშვენიერესი გარეგნობის, განათლებული, სპორტსმენი  ქალბატონი  არ დაოჯახდა. _ ბედის საკითხიაო, რომ იტყვიან, არც მთლად მასეა. რატომღაც, იმდენად ბუნების შვილი ვიყავი, იმდენად კაცურ საქმეში გადართული, განსაკუთრებით ბაზიერობის მხრივ, ადვილად ვერც მელაპარაკებოდნენ ამ საკითხზე. არ ვიცი, რატომ ხდებოდა ასე... თოფს ისე ვისროდი, როგორც კაცი, იარაღთან მეომარი ვიყავი,  თუმცა მგრძნობიარე და  უსათუთესი ჭრილობასთან, არ აქვს მნიშვნელობა, ფრინველი იქნებოდა ეს თუ ადამიანი. აკი, გითხარით, ნახევარ საუკუნეზე მეტი,  ქირურგიულ განყოფილებაში ვიმუშავეთ და ადამიანის, ბავშვის სიკვდილის შემთხვევა არ გვქონია.  ან ის როგორ შეიძლებოდა, ჭრილობა დაჩირქებოდა ვინმეს? ყველაზე მწარედ და გაუნელებელი   ტკივილით  მახსოვს, გასული საუკუნის 80-იან წლებში იყო, თუ არ ვცდები, წვერმაღალასთან   მატარებლები შეეჯახნენ ერთმანეთს. სამგზავრო და  საწვავის  გადამზიდი. აი, მაშინ ვნახე საშინელება, ბევრი გარდაცვლილი, დამწვარი, რომლებსაც ვერ ვუშველეთ. დღესაც მტკივა, მიძნელდება იმ საშინელი სურათის გახსენება, _ ტირილს ვერ იკავებს ქალბატონი. კლარა თავართქილაძე მიიჩნევს, რომ უდიდესი იყო საქმე, რომელსაც საავადმყოფოში ემსახურებოდა -  ავადმყოფობას და სიკვდილს იმდენი ადამიანი გადაარჩინეს მან და მისმა კოლეგებმა, მისივე თქმით, სათვალავი არ აქვს.  ხოლო ბაზიერთა გუნდში ყოფნისას, უფრო მეტი ახალგაზრდა დაიხსნეს უსაქმურად ხეტიალისგან, რასაც, საბოლოოდ, ისინი ციხის კარებთან მიჰყავდა. ქალი მედიკოსი და ქალი ბაზიერი, რომელიც მალე 80 წლის გახდება, სამეზობლოში ახლაც ისე მზადაა  სხვადასხვა მედიკამენტებით სავსე,  საოჯახო თუ საველე აფთიაქით, როგორც ათეული წლების წინ იყო. _ ეს რომ არ გვყავდეს, რა ეშველება ფარნავაზ მეფის ქუჩის სამეზობლოს? ძველებურად მხნე, დაუზარელი,  ენით მოგარჩენს, სხვა რომ არაფერი. შეკრება-საღამოები ხომ მისი მოგონილია. აინტერესებს, რომელ ოჯახში რა უჭირთ, ვინმე ავად ხომ არ არის. 80 წლის ქალბატონს თანაკლასელები, რომლებიც  ცოცხლები არიან,  „სმენაზე ყავს დაყენებული“.   თვე არ გავა, რომ არ შეიკრიბონ ან ერთმანეთს არ შეეხმიანონ. მაგის იმედი ნუ მოგვიშალოს ღმერთმა. 25 წლის ახალგაზრდას გააკვირვებს თავისი ენერგიულობით და შემართებით.  რაღაც მიზიდულობა აქვს. სულ მასთან  მივდივართ.  რომ ვერ ვნახავთ, რაღაც გვაკლია იმ დღეს, - სამეზობლოს სახელით გვესაუბრება პედაგოგი, ნატო ნიკოლაიშვილი. ქალბატონი კლარა კი შენიშვნას აძლევს, რა ამბავია ამდენი ქება, ადამიანი იმიტომ მოდიხარ ქვეყნად, ადამიანი და საქმე გიყვარდეს, საქმეში  კი გული ჩადო და თუ ასე იზამ, სიცოცხლეს და კეთილ საქმეს დასასრული არ  ექნებაო. „გურია ნიუსი“ 80 წლის იუბილეს ულოცავს  კლარა თავართქილაძეს _ მედიკოსს, პირველ ბაზიერ  ქალბატონს და ქვეყნის  ხუთგზის ჩემპიონს ამ საქმეში.  ქალბატონს,  რომელმაც თავისი პროფესიებით,  შეუფასებელი ამაგი  დასდო ადამიანის  განკურნების  და  ახალგაზრდა თაობების  ქუჩის გავლენისგან და დანაშაულში ჩათრევისგან  დახსნის  ... ...

არქივი

ტესტები

ტესტი _ როგორ იცნობ გარე სამყაროს?

რომელ ცხოველს შეუძლია უწყლოდ გაძლება...

ტესტი _ ხარ თუ არა "უგზო-უკვლოდ" განათლებული? (მეორე ვარიანტი)

რა დასტრიალებდა თავს მაურისიო ბაბილონიას...

ტესტი _ გაქვს თუ არა კარგი ზოგადი განათლება?

რომელ ცნობილ მეცნიერს მიენიჭა 1921...

ტესტი _ როგორ იცნობ საქართველოს ისტორიას

სად დაამარცხა თამარ მეფემ რუმის...

ტესტი _ აქვს თუ არა თქვენს ერუდიციას ფართო ჰორიზონტი

ეიფელის კოშკი ზაფხულში 15 სანტიმეტრით...

ტესტი _ შენ და საქართველოს ისტორია

საქართველოს რომელი მეფე დასაჯეს სიკვდილით...

კარმიდამო ჩემი

დროა, მივეჩვიოთ ბუნებრივი რესურსების ეკონომიურად ხარჯვას

პლანეტის გლობალური კლიმატური ცვლილებები ბევრ...

როგორ მოვრწყოთ ვარდები _ ნუ გამოვიყენებთ სუფთა წყალს

ყვავილები, განსაკუთრებით, ვარდები, ყველას უყვარს....

ჩითილების მომზადება კოშტების და ნახერხის დახმარებით

ჩვენი გამოცდილი მეურნეები, სხვადასხვა ხალხურ...

რომელი მცენარეა ფშატი?

ჩვენი არა ერთი მკითხველის გვთხოვს,...

ხალხური მედიცინა დეზინფექციისთვის

სისუფთავის ხარისხი იქ, სადაც ადამიანი...

"საშობაო ლიქიორის" მომზადების ყველაზე შედეგიანი მეთოდი

ძალზე პოპულარული, "საშობაო ლიქიორის" მომზადების...

ყაბაყის ტორტი

საჭირო მასალა: ორი ცალი ყაბაყი,...

სტაფილოს სალათი ცერეცოთი

საჭირო მასალა: სამი ცალი სტაფილო,...

სოკოს სალათი შებოლილი ქათმის ხორცით

ეს უგემრიელესი სალათი უნდა მოვამზადოთ...